|
الاستاذ سامر |
|
أنا بالنسبه الي مالي متضطر انو تساعدني بالصيانة خارج الوكاله وبالنسبة لموضوع انو حاكي حدا بالوكاله حكيت مع غياث الحبال والسكرتيره رانيا كمان وانا ما استفدت شي واذا حاب استضيفك عندي بالمكتب مشان تتاكد انو مافي ورأيي تاجر أنا جاهز بس باللحظة يلي بتعرف انو مافي حدا ورأيي ماعاد في داعي ترد ولا على اي تعليق
|
|
عماد
|
06-08-2011 20:24
|
|
|
الى الاخ عماد |
|
يا اخ عماد انا قلت الوكالة عم تتحسن و احترمت تجربتك وعرضت عليك المساعدة بس انت رفضت وتهجمت عليي - كان فيني قول انك من طرف تاجر وجايي تكتب هون -وبرجع بقول انا مالي من الوكالة انا من الجامعة العربية الاوروبية وعم احكي الحق لان من 7 سنين الوكالة ماغلطوا معي - واحسن ماتحكي هون ببساطة احكي بصراحة مع مدير الوكالة واذا مو عاجبتك معاملة الوكالة طلاع صلح برا متلك متل اللي سياراتن كيا وهيونداي عكل حال انا طلعت عملت صيانة للواجا وحكيت مع مدير قسم الصيانة ومدير المبيعات بهالموضوع - تحياتي
|
|
م.سامر
|
02-08-2011 13:19
|
|
|
الى المهندس سامر |
|
هاد الحكي يلي بينسمع نحنا عم نحكي عن الوكاله وليس عن الشركه المصنعه وبظن انو انا الي تجربتي الشخصيه ولقيت كتير متلي بس السيد سامر يلي اسمو متطابق مع اسم مدير الصيانه على ما اذكر هو الشخص الوحيد يلي عم تهتم الوكاله فيه وعلى فكره نحنا بطقه برغي عم نكتب تحت عنوان الوكالات والتجار ( يرجى التدقيق ) وشكرا
|
|
عماد
|
30-07-2011 00:45
|
|
|
الى سامر |
|
انا معك يا سامر بالنسبة للبروتون أو السوبارو , بس نحنا ماعم نحكي عن الشركتين نحنا عم نحكي عن مجموعة الحبال !! و انا معك انو السيو سيئة جدا , و لكن بما انهن استوردوها فصار لازم يتكفلو فيها و بقطعها أقل شي !!!فالفكرة انو نحنا ماعم نحكي عن شركات السيارات , نحنا عم نحكي عن "الحبااال" , و هلأ عم نفكر نبدل السيو عالليغاسي بس قسماً بالله الرادع الوحيد هو هالشركة و معاملتها السيئة !
|
|
Golf Rider
|
28-07-2011 03:17
|
|
|
تتمة |
|
بخصوص الجودة الموضوع بديهي ... انا بقول بروتون شركة محترمة بخبرة 25 سنة وسياراتها بالنسبة لفئتها ممتازة ليش ؟؟ لاني مجربها من 7 سنين ومافي موديل من بروتون مالي مجربو ( ويرا - ساغا - بيرسونا - ساتريا 2004 - ارينا ) بالاضافة لسياراتي الواجا والجين2 .... وسوبارو شركة عريقة مو انا اللي بقيمها لاني شو ما حكيت مارح اعطيها حقها .. اما باقي سيارات الوكالة "صيني" وسال ولد صغير بقلك ان الصيني سييء.. والشركة طبعا همها تبيع وبس متلها متل باقي الشركات لاغبار على هذا الكلام "هذا تاجر وبدو يربح"...تحياتي
|
|
م.سامر
|
23-07-2011 15:02
|
|
|
الى السيد محمد |
|
لاحظ ان كل حكيي عن البروتون والانواع التانية ماجبت سيرتها ليش ؟؟؟ لان بكل بساطة انا مالي مجربها وماعندي خبرة فيها .. اما السيو جاري كان عندو منها انخرب بيتو باعطالها وباعها وخلص منها .. ومرة كنت بالوكالة و اجت سيو على سطحة فارطة علبة السرعة تبعها ... انا وجهة نظري ان كل الصيني اللي ببلادنا سيء ... انا ممكن اشتري كلشي صيني حتى ممكن اتزوج صينية اما اني اشتري سيارة صينية مستحيل اعملها ...
|
|
م.سامر
|
23-07-2011 14:52
|
|
|
تتمة الى الاستاذ عماد |
|
انا فهمانك ومحترم تجربتك .. بخصوص حوش بلاس يمكن حضرتك من 10 سنين مارحت وشفت ... واقعيا باي منطقة طبيعي تلاقي الشخص الفهمان والشخص اللي ماعندو خبرة ... انت مابتعرفني حتى تثق فيني وحقك تخاف على سيارتك ... انا كنت متلك خاف على سيارتي بس وقت اعرف حالي طالع اشتغل عند شخص فهمان ومجرب اكيد رح كون مرتاح مثلا انا بعرف دوزنجي بيشتغل بالكومبيوتر وشاغل عندو سابقا سيارة اخي كيا سيراتو واذا سيارة من سياراتي لاسمح الله بتحتاج تصليح بصلح عندو مابروح عالوكالة ... تحياتي
|
|
م.سامر
|
23-07-2011 14:44
|
|
|
تتمة الى الاستاذ عماد |
|
انا بطبعي بحب ساعد الناس لهيك انا موجود هون لاحكي عن تجربتي وساعد اي شخص عندو مشكلة وماعم يقدر يحلها ... ومالي مضطر قول ان من وقت ما صرت اكتب تعليقات بقسم بروتون ولليوم وصلني اكتر من 25 استفسار على ايميلي من ملاك بروتون وانا ساعدت الكل بخصوص محلات القطع او حتى ورشات بمجالات مختلفة ... ووقت حضرتك تقلي اني عم احلم وان اسمي مو غريب عن ذاكرتك يعني انت عم تكذبني وقت قلت اني مابشتغل بالوكالة وبتكون عم تهيني بهالحكي ... واذا مصر ان حضرتك بتعرفني يوم الخميس انا طالع غير زيت للواجا وبشرفني اتعرف عليك....
|
|
م.سامر
|
23-07-2011 14:20
|
|
|
يا استاذ عماد خليك واقعي |
|
برجع بعيد وبكرر انا مابشتغل بالوكالة .. انا بملك سيارتين من بروتون ولاني بمشي كتير فبحتاج اطلع عالوكالة اكتر من غيري وقت غيار الزيت بما ان غيار الزيت بنفس سعر برا وانا لهالسبب عرفت اغلب الموظفين ووقت كون بشتغل بالوكالة مارح اعطيك اسماء محلات القطع اللي برا وحاول ساعدك بكل قدرتي لتحل مشكلتك بالعكس رح قلك تعال عالوكالة وانا بساعدك ... منطقيا انا حكيت عن جربتي بشفافية وواقعية وطالما ماحدا ازعجني المفروض احكي كلمة حق .. ياريت ماتفهم تجربتي غلط ...
|
|
م.سامر
|
23-07-2011 14:04
|
|
|
يا استاذ سامر |
|
كما بينت انو السيارة سيو بالأساس سيئة.. معناتها انت بتعرف كل انواع سيارات شركة الحبال وبتعرف اي منهم الجيدة واي منهم السيئة كأنك موظف في الشركة....واذا كانت السيو بالأساس سيئة فكيف وكالة تحترم نفسها تبيع سيارة سيئة اذا كانت السيارة سيئة فكيف الصيانة......ستكون ...يرعاك الله
|
|
محمد
|
21-07-2011 22:15
|
|
|
الى المهندس سامر |
|
على فكره انا بعرف كل الموظفين تقريبا من مهند بالاستقبال حتى غياث واسمك مو بعيد عن ذاكرتي اذا لساتك عم تحلم فيئ من هالحلم لانو نحنا عم نحكي عن شركة البروتون والسوبارو والهايما و.......(مجموعة الحبال) انا عم احكي معك عن مشكلة واقعية صارت معي انا شخصيا وعلى فكرة اخر مرة سحبت سيارتي من الشركة ولو متل ما تفضلت حضرتك انو في حدا فهمان بحوش بلاس بهيك نوع من السيارات ما كنت ترددت ولا لحظة حتى روح لعندو متل حضرتك في حوليك وعم تروح مره لهون ومره عالشركة مع انو العالم كلو الا انت عم يشكي من القطع والصيانة
|
|
عماد
|
21-07-2011 22:09
|
|
|
شو جاب الصيني للبروتون |
|
اذا هيك حقك تنزعج وتبطل تروح عالوكالة هي من جهة ومن جهة تانية سيارتك بالاساس سيئة واعطالها كتيرة بتذكر مرة كنت بمركز الصيانة واجت سيارة سيو مستعملة 3 شهور ولوحتها اللاذقية على سطحة فارطة علبة السرعة تبعها ..انا حاليا عندي واجا 2004 وجين2 2010 وماحدا ازعجني ولا اخرني والسيارتين بسم الله ماشاء الله عال العال وماعملوا معي مشاكل ابدا وخدمة الوكالة عم تتحسن وصرت اعرف اغلب الموظفين وشغلتي بتمشي بوقتها ..ومع هيك وقت يزعجوني ببطل اتعامل معهن .. قطع بروتون توفرت بحوش بلاس وبقدر صلح برا بكل سهولة..تحياتي
|
|
م.سامر
|
20-07-2011 13:59
|
|
|
تجربة شخصية للأخ سامر |
|
لك حتى ما عندهن احترام لأي زبون !بيكشو عليك وبيبلفوك! في كمان صديقنا عندو نفس السيارة Sceo وخرب شي بالمحرك وكانت ضمن الكفالة , راحو صارو يتهربو منو و يلفو عليه لحتى انفلت عليهن بصالة البيع وصار يحشك عليهن وكلما فات زبون يحكيلو عنهن ,حتى نزل المدير بجلالة قدرو وصار هالشخص أفضل زبون عندن , اللي بدو ياه بيصير!! يعني قسماً بالله أنا تحرمت بقا فوت عهالوكالة, و صرنا نصلح بالمحلات العادية, وبنصح أي شخص ما يشتري من عندن .بقا هي تجربتي كمان يا سيد سامر
|
|
GOLF RIDER
|
18-07-2011 17:03
|
|
|
تجربة شخصية للأخ سامر |
|
والله بصراحة يا شباب كنت فايت على "طقة برغي" حتى اكتب عن هالوكالة بس شفتكن فاتحين الموضوع , وكالة الحبال وكالة من الوكالات غير الجيدة في سوريا والشرق الأوسط، أنا أهلي عندهن Sceo جيب , تخيلو جهاز ABS عطل بعد شهر من شراء السيارة وضلو ينيمونا لهلق - يعني 3 سنين - , بتحس حالك فايت على دائرة حكومية كل واحد ضارب انفو بالسقف وضاربك منية انو عم يحكي معك!! وموضوع الانتظار اووووه حدث ولا حرج , وتخيلو انو قطع للسيارة ما عندن يعني ركبولنا دبو سوبارو بدل الاساسي لأنو ما عندن!
|
|
GOLF RIDER
|
18-07-2011 16:56
|
|
|
الى الاخ محمد |
|
اخ محمد انا من يوم ما اشتريت الواجا سنة 2004 ولوقت اللي اشتريت الجين2 سنة 2010 ولليوم ماحدا ازعجني بالصيانة او حتى اخرني وانا ماقلت خدمة الصيانة ممتازة انا قلت الشركة محترمة ومع الوقت عم تتطور والخدمة عم تتحسن ... بخصوص مشكلتك يفترض انك تشوف المهندس رئيس قسم الصيانة وهو شخص محترم ومتعاون وان شاء الله بساعدك واذا حابب تصلح سيارتك بحوش بلاس انا جاهز لدلك على دوزنجي معلم وانا شاغل عندو من قبل سيارة اخي ( سيراتو 2004 ) وبدلك من وين تجيب القطع ... بالتوفيق اخي وان شاء الله خير
|
|
م.سامر
|
14-07-2011 16:39
|
|
|
بخصوص اسعار قطع الغيار |
|
بخصوص اسعار قطع الغيار اللي الكل بقول عنها غالية حدا جرب يسال عن اسعار قطع الريو او السيراتو بوكالة غريواتي ؟؟؟ رح تتفاجأو ان اسعار قطع الجين2 ارخص واصلا بحوش بلاس صار في اكتر من 5 محلات متخصصة بقطع بروتون واشهرها محل الشعار عندو كل القطع حتى القصات هذا غير المحلات الفرعية اللي ببيعوا قطع بروتون وميتسوبيشي .. اصلا مو كل القطع ضروري انك تجيبها من الوكالة او تنتظر من فترة كنت بالجين2 واقف على اشارة شارع الحمراء وسرفيس مسرع ضربها وكسرلي ستوب الطرف اليمين ورحت غيرتو بحوش بلاس سعرو 1500 ليرة
|
|
م.سامر
|
14-07-2011 16:32
|
|
|
الى الاخ عماد |
|
اخ عماد انا بملك واجا وجين2 وبصراحة خدمة الفحص الكامل مع الاتصال بالزبون بعد الصيانة مالها زمان واتفاجات وقت اتصلوا فيني بعد يومين مع اني كنت مغير زيت وبواجي للجين2 .. ياريت تشرحلي مشكلتك بشكل عام وشو القطع اللي عم تنتظرها وان شاء الله بقدر ساعدك
|
|
م.سامر
|
14-07-2011 16:19
|
|
|
الى الاخ فراس |
|
ههههه ضحكتني يا اخ فراس .... عفكرة كل شخص الو الحق يحكي عن تجربتو واللي بحب بيسمع واللي مابحب يسمع اراء الاخرين .... وطالما انا مقتنع ومالقيت مشاكل بسياراتي الواجا والجين2 رح ضل دافع عن بروتون وانا مستعد بكل قدرتي لمساعدة اي شخص بخصوص اي مشكلة بسيارتو ... واذا كل شخص بيحكي كلمة حق وبدافع عن الشي اللي اختاره ولسا مقتنع فيه بيطلع بيشتغل بالوكالة بهالحالة صارت المشكلة بالناس اللي عم تفهم التعليق غلط ومعناتا كمان الاخ نضال وقت يحكي عن تجربتو مع سيارتو بيشتغل بوكالة هيونداي !!!!! ههههههههه
|
|
م.سامر
|
14-07-2011 16:06
|
|
|
صيانة جيدة؟؟؟ |
|
صرت مغير الرولمانات الأمامية للبروتون مرتين بالوكالة وهلء بدون غيار خلال مسافة 30.000 كيلو متر ....؟؟؟ شي مو معقول وفهمكم كفاية
|
|
محمد
|
11-07-2011 13:45
|
|
|
غريبة |
|
انا عندي بروتن جين2 وعم عاني من مشكلة الإنتظار وما حدى اتصل فيني وسئلني شو صار معك بيجوز هذه الخدمة موجودة بس لسيارات الواجه حتى أسعار القطع نار
|
|
عماد
|
11-07-2011 13:27
|
|
|
إلى الأخ سامر |
|
الظاهر الأخ سامر بيشتغل بشركة حبال لدفاعه المستميت عنها في كافة صفحات الموقع والكل بيعرف العكس وهو لحالو الصادق وكل العلم كذابة وبتبالغ ومابتفهم اي والله عيب
|
|
فارس
|
11-07-2011 12:49
|
|
|
بخصوص خدمة الوكالة |
|
اخي انا بملك واجا 2004 وجين2 2010 وبروح عالوكالة من 7سنين بصراحة كلامك فيه مبالغة لان من 7 سنين ماستنيت 5 ساعات الا وقت صيانة ال 40 الف للواجا وهالصيانة معروف ان كبيرة وبدها وقت....الوكالة محترمة ومع الوقت عم تتطور حاليا الخدمة تحسنت مع كل غيار زيت صيانة عامة وفحص كامل لكلشي بالسيارة من المحرك لنظام التعليق واي شي بيزعجك بكل بساطة فيك تشوف المهندس المسؤول وهو بساعدك..والصيانة صارت بموعد مسبق وبعد الخدمة بيتصلوا فيك ليسالوك عن حالة السيارة وجودة الخدمة وملاحظاتك,واي مشكلة بسيارتك انا جاهز لساعدك
|
|
م.سامر
|
11-07-2011 00:47
|
|