مجلة فنّات
وظائف شاغرة
بحث
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

تبادل الخبرات
نصائح شراء

أوروبي حصرا
بحب الهتشباك بس محتار !!!
من بعد إذنكم بدي أسألكم إذا بتنصحوني أشتري واحدة من هل سيارات لأني محتار بين الهتشباك من بيجو أو فولكس فاغن : بيجو 308 (1.6 - توربو ) غولف 6 (1.4 - توربو ) و صراحة بدي سيارة تعيش معي أقل شي 5 سنين و تكون متجاوبة مع كافة أنواع الطرق بهل بلد :) بقا أيهما أفضل و إذا بتنصحوني بالسيدان بدي تعطوني خيارات لأني كتير سمعت عن الجيتا و الكروز و الأوبتيما و السوناتا بس ما كتير بفضل السيدان بس لا مانع من آرائكم و شكرا لكم :)
أحمد 04-09-2011

الردود
 غوولف
و الله يا ابو حميد اذا بدك تركب ركبه بحياتك ما تنساها .. ما الك غير الفولكس واجن غولف , بالرغم من سعرها العالي .. بس انت عم تركب سيارة العمر اللي مارح ترضى تركب شي تاني بعدا , انا معي غولف 2001 , صدقني كل العالم بترغبها و بتتمناها .. و الله يوفقك
GOLF RIDER 05-09-2011 19:49
 فكرة جميلة ... شكرا كتير :)
شكرا كتير إلك أخ إيهاب عطيتني فكرة حلوة رح أخود فيها لأنها منطقية و مقنعة و بعطيك رأيي بس شوف النتيجة .... أخ كرم شكرا لنصيحتك و عراسي :)
أحمد 04-09-2011 23:18
 
أخي العزيز من ناحية السعر المرتفع والله حق معك و محرك الجيتا غير متناسق مع حجمها بس ازا بدك نصيحتي بالسيدان فأنا برجح الهوندا سيفيك وسكودا اوكتافيا هدول انا مجربون مركوبي الشخصي وبالفعل شي فوق الرائع وخاصة الأوكتافيا وازا انت متردد وما بدك تشتري شي وتندم عليه انا بنصحك تنزل تستأجر اوكتافيا و سيفيك كل وحدة لمدة يوم وبهيك بتشوف أنو الأنسب (( انا هيك بساوي )) انا ضلت معي الأوكتافيا 4 سنين ونص ومتل الفل والسفيك لساتا موجودة للعائلة إنشاء الله بيعجبوك وعن تجربة عم إحكي وبالتوفيق
إيهاب 04-09-2011 19:50
 شكرا
شكرا لك أخ إيهاب و رأيي من رأيك و الغولف أحسن من البيجو بس مشكلة السعر المرتفع للألماني هي اللي عم تخليني أتردد و بالنسبة للسيدان الجيتا تقيلة بالنسبة لقوة المحرك اللي فيها بس بضل الألماني أحسن من الكوري متل ما قلت و هي قناعتي بالنسبة للأخ عادل والله البرافو شفتها بس مافي منها غير 120 سلسبيد و ما حدا نصحني فيها و أنا دورت على 150 توربو بس مافي بالشركة لا بحلب و لا بالشام بقا لذلك غيرت رأيي و حولت عنها :)
أحمد 04-09-2011 14:04
 يا حبيب
اشتري فوكس فاغن انا بنصحك
كرم 04-09-2011 12:49
 غولف
انا بفضل بالتأكيد غولف أفضل بكتير من البيجو أما سيدان فأنا ما بفضل الكوري أبدا وهي نصيحتي يعني الجيتا أفضل من أفضل كوري عندك جيتا - اوكتافيا - ألفا روميو هدول مجربين وكتير جيدين من كل النواحي
إيهاب 04-09-2011 02:07
 
شفت الفيات برافو......؟؟
عادل 04-09-2011 02:05

 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.