|
|
|
شباب اي نصيحة عالبيجو 405 محرك 21اسود ولا 406
|
|
محمد |
30-01-2018 14:55 |
|
|
نصيحة 21 وبس |
|
بالعكس السيارة رح تريحو كتير بالمستقبل لأنو المحرك أكبر من محركا الأساسي 1.6 يعني مابدا زرك كبير ورح يصير مصروفا بالبنزين أقل من الأساسي بس إنشألله يكون صاحبك شاري قصة كاملة(بوز أمامي) المحرك +البواط+كومبيوترو الأساسي إذا اعتنى فيا والله ولا 10 سنين بتعمل شي معو |
|
عاشق البيجو |
04-12-2011 08:21 |
|
|
|
|
مرحبا شباب في واحد صاحبي عندو بيجو 405 موديل 2007 مركب عليها محرك 21 هل ممكن تعملو مشاكل بالمستقبل ؟ |
|
عاشق الفرنسي |
03-12-2011 11:41 |
|
|
الى السيد نور عاشق البيجو |
|
انا اليوم طالع لعند ياسين شوف وضع المحرك... بس السؤال انو ركب بخاخات بس, ولا يدل المحرك كلو؟
سلامي لخبراء البيجو |
|
ساري |
19-11-2011 09:57 |
|
|
406 وبس |
|
بس لإفتح إيميلي بحاكيك بس إذا بدك نصيحتي نزل محرك 406 2.0 مع بواطو يفضل البواط عادي سعره من 30000 إلى 40000ألف والله لتدعيلي بعدين بتصير سيارتك كتير قوية واقتصادية بالوقود مابصلح هادا أنجح محركات البيجو إذا بدك إساّل يلي راكب 406 بواط عادي وليس أتوماتيك |
|
عاشق البيجو |
15-11-2011 13:55 |
|
|
الى عاشق البيجو |
|
عم فكر بتغيير المحرك مشان زيادة المصروف , ونوعاما مليت من السيارة والسبب التاني أنو مانا كتير قوية 1,6 .. |
|
سلنغو |
15-11-2011 13:20 |
|
|
كان و صار |
|
سابقا كان المصروف بالسفر 240 كيلو بالتنكة , هلق شي 200 بالتنكة وجوا البلد 150 لحد ال 170 طبعا عن جديد هالحكي .. فشو رأيك ؟؟ ووصلت الإضافة عالهوت ميل ؟؟ |
|
سلنغو |
13-11-2011 02:28 |
|
|
إلى السيد سلنغو |
|
سيد سلنغو حابب أعرف مصروف سيارتك عالسفر كم سنة صرلا عندك إذاإلا أعطال ليش حابب تبدلا لأنو سيارتك برأيي أحلى وأكبر من البارس قطعة متوفرة وكتير رخيصة |
|
عاشق البيجو |
09-11-2011 23:30 |
|
|
خليا بالقلب تجرح |
|
عبيت الجرح ملح ,, البيجو 407 حقا مليونين وكسور , وال406 يلي هي أحلا سيارة بيجو بالعالم كمان نفس الشي على اعتبار في منا جديدة ولنجي عالمستعمل خيو صعب تزبو معك سيارة كويسة ... وأقرب شي لل406 هي البارس وتبديل المحرك ,, طبعا وال 605 سيارة قوية كمان ومن السيارت الظريفة بالبيجو |
|
سلنغو |
08-11-2011 17:11 |
|
|
|
|
ومابدي لسع إحكي عن الـ206 أتوماتيك سيارة............ بعدين إذا كلامي فيو شي خلط أرجو الرد على تعليقاتي وارجو الرد من قبل مالكي السيارات حصرا عزيزي سلنغو هيك بكون عطيتك أدق التفاصيل وإنت حر شو بتختار بعدين بالنسبة للإيميل ضفتك عندي ورح إقنعك أكتر بأدلة مو حكي بس لتفتح إيميلك وأقدم الشكر الجزيل لموقع فنات الجميل وأطلب منه طلب خاص نيابة عن القراء محاولة تجربة السيارات الإيرانية ووضع تعليقاته الموثوقة جدا |
|
عاشق البيجو (الفرنسي) |
08-11-2011 09:57 |
|
|
|
|
ثم بعد فشل مبيعات الروى قامت بإنتاج نموذج مختلف عن الـ405 ويدعى بارس وفيها محرك من صنع إيران وهو من فئتين 1.6 أو 1.8 حيث أصبح شكل السيارة مقبول قليلا عن الطراز القديم حيث اعتمدوا على واجهة الـ406 الفرنسية ومن الداخل نفس الـ405 الإيرانية لأنو الفرنسية من الداخل فيها زيادات خشب وفرش جلد وفتحة سقف واستخدمو أضواء خلفية شبيهة بالـ605 وتحت غطاء المحرك (بدون تعليق) يعني محرك فرنسي 2.0 اقتصادي أكتر من محرك 1.8 الإيراني أعطالو كتيرة بينما المحرك الفرنسي شبه معدومة .............................. |
|
عاشق البيجو |
08-11-2011 09:43 |
|
|
|
|
في سنة 98 قامت الشركة الفرنسية بيجو ببيع قصة 405 لأكثر من دولة بالعالم منها (لندن-إسبانيا_إيران_....)بسبب ماحققته الـ405 من مبيعات هائلة بالعالم وخاصة لندن حيث أصبحت سيارة الشعب البريطاني بسبب قوية المحرك واقتصاده في استهلاك الوقود وكانت من بنود الإتفاقية بأن يتم شراء المحركات حصرا من بيجو الفرنسية لكي تحافظ على سمعة وجودة السيارة وبعد ذلك أنتجت إيران بيجو روى ذات الشد الخلفي الفاشلة كليا بسبب أعطال كثيرة بالدبرياج والمصروف الكبير غناك عن صوت المحرك المرتفع والشكل التعيس للسيارة................. |
|
عاشق البيجو |
08-11-2011 09:32 |
|
|
إلى السيد سلنغوووووووووووو |
|
عزيزي سلنغو مافي سئلي علي لما بساعد الناس شو تختار وبنصحون شان مايصير فيون متلي بعدين أنا مابنصح أبدا بالسيارات الإيرانية لأنو بعرف كتير ناس معون سيارات إيرانية عم بنزلو بدال محركا محرك 405 2.0 أسود موديل 93 تصور عم بكبو المحرك الإيراني موديل 2007-2010 ويرجعو للتسعينات لأنو سيارات فاشلة ومصروفا كتير كبير واسئال الميكانيكي ياسين هو نزل 10 محركات لسيارات إيرانية بعدين البارس عبارة عن اختراع إيراني فاشل يعني حاولو يقلدو فيا الـ406 بس ماطلع بيدون لابشكل ولاالمحرك بعدين معلومة هامة لكل عشاق البيجو... |
|
عاشق البيجو |
08-11-2011 09:24 |
|
|
معك حق |
|
لنجي للصراحة بزمتي معك حق ,, وأنا رأيي تغيير المحرك من الأساس .. أحسن ما بكرا نضل بالصناعة وهات ياتصليح وما بعرف شو .... وبدي اسألك عن البيجو بارس ,, كتير عجبتنيي هالسيارة شو رأيك فيها ,,, حسب ما أنا شفت هالسيارة جميلة بشكل عام بس رفاهيتا سيئة جدا يعني متل سيارات موديل ال80 وكمان سمعك ماكتير اقتصادية ,,, أنت شو رأيك ,,,, شكرا صديقي عم نتقل عليك |
|
سلنغو |
07-11-2011 14:10 |
|
|
V6 وبس |
|
إذا حابب تركب تيربو مالك غير الألماني أو الياباني بس لعلمك أنو السيارات الفرنسية سيارات عائلية مصممة للرحلات وغير مصممة للسباق ما عدا فئة الكوبي والتي تأتي مع محركات 6سلندر 3.0 وهي مصممة للسباق وتستحمل السرعات العالية وأقوى بكتير من محركات التيربو عندك (406-407) أكبر مثال على ذالك بعدين أنا سابقت 207 1.6تيربو أنا معي 605 2.0 عادي سبقني بالفزة بس عالسحب ماعت شفتو يعني عالسرعات العالية محركي أقوة من محركو عفكرة أنا ضد محركات التيربو لأنو قويتو بالفزة وبس وعالسحب بتصير متل أي سيارة بجوز505 v6 تسبقك |
|
عاشق البيجو |
06-11-2011 22:16 |
|
|
مستحيييييييييييييل |
|
أولا محرك صديقك حديد يعني بجوز يستحمل ضغط الهواء الزائد أما محرك سيارتك ألمنيوم يعني مستحيل لأن محركات التيربو مصممة لتستحمل الضغط الزائد بعدين شوف مصروف سيارتو صار كتير كبير بعدين صديقي البيجو فاشل بالتيربو أعطالو كتير مصروفو كبير مو متل الياباني والألماني إذا بدك في محرك 605 تيربو2.0 راكب خالص 35ألف إذا بدك بعطيك رقمو وحاكي هو كهربجي بحوش بلاس كنت بدي نزلو عندي بدال محركي بس الميكانيكي تبعي ماخلاني نزلو ونصحني 2.1 بخاخ أسود نفس القوة وأعطالو ومصروفو أقل من التيربو |
|
عاشق البيجو |
06-11-2011 21:47 |
|
|
صديقي العزيز |
|
هلق بالنسبة للامكانيات المادية ممكن لحد الخمسين الف ... بس في صديق الي معو ميتسوبيشي لانسر موديل ال96 ,, محركا 20 ركبلا جهاز توربو اشتراه من لبنان 25 ألف وكلفو تركيب وبرمجة 5000 وصارت مرعبة كأداء ,, قلي شوف سيارتك إذا بتركبلا وأنا بجبلك التيربو ... ياريت تضيف ايميلي عندك لنقدر نتواصل أكتر autorun.eam333@yahoo.com |
|
سلنغو |
06-11-2011 03:09 |
|
|
لكل محبي البيجو |
|
ياشباب محركات التيربو قوية بس يلي حابب يقوي سيارتو يكبر محركو أحسن ماينزل محرك تيربو بسبب الأعطال الكثيرة لجهاز التيربو وقطعو كتير قليلة بعدين عندك 21 بخاخ أسود أنجح محركات البيجو أعطالو كتير قليلة ويفضل من نوع 406 قوي جدا واقتصادي جدا يعني لكل من يحب تكبير محركو يشتري بوز كام 406 وينزلو عندو بس يفضل بواط عادي بعدين يلي بحب هاد رقم ميكانيكي معلم بالبيجو إسمه ياسين0955981167 هادا الميكانيكي نزلي جنب أسود كامل بدل الكربرتير علما أنو سيارتي605 والله صارت أقوى واقتصادية وضل محركي أساسي |
|
عاشق البيجو |
05-11-2011 23:42 |
|
|
|
|
إذا بدك نصيحتي نزلا 21 بخاخ أسود مع البواط العادي تبعو الأساسي قوي واقتصادي وقطعو متوفرة وكتير رخيصة هاد المحرك الميكانيكي تبعي نزلو على سيارة شام بناء على طلب الزبون صرلا عندو 3سنين والحمدلله مابغيرلا غير بواجي وكوليات ومصروفوا خارج البلد 300 بالتنكة بالنسبة لداخل البلد على حسب الإزدحام بس مصروفو تقريبا 180 بالتنكة بس حابب أعرف شو مصروف محركك عالسفر |
|
عاشق البيجو |
05-11-2011 22:47 |
|
|
إلى السيد سلنغوووووووووووو |
|
أولا لايوجد شي إسمه تركيب جهاز تيربو بل يسمى محرك تيربو بالنسبة لسيارتك أنا مابنصحك كتير بمحركات التيربو بسبب أعطالها المتكررة بس إذا حابب تقوي سيارتك نزلا 21 بخاخ أسود يعني اشتري بوز كامل لـ405 فرنسي ونزلو عليها بتصير كتير قوية أو إذا بدك نزلا تعديل MI16 بعدين الشغلة راجعة على إمكانياتك المادية يعني بعرف واحد معو متل سيارتك نزلا محرك 605 تيربو صارت طيارة كلفتو حوالي 100ألف بس ما بعرف شو بهمك أكتر القوية أم المصروف يتبع...................... |
|
عاشق البيجو |
05-11-2011 22:33 |
|
|
أنا كمان بدي أعرف |
|
عندي سيارة 405 فرنسي موديل 93 وحابب غير المحرك فشو أقوى محرك ممكن يركب وهل يا ترى في محرك مع توربو ممكن يركب عليها؟؟ وكم تكلف العملية؟ |
|
مازن |
05-11-2011 18:52 |
|