فنّات... كل الطرق - تبادل خبرات

مجلة فنّات

بحث

اشتراك القائمة البريدية

اسم المشترك:

البريد الإلكتروني:

آخر فيديو السيارات

بيجو 405
نصيحة لشراء سيارة
مرحبا شباب بدي اخد نصيحتكون اشتري صيني جديد ولا فرنسي مستعمل الصيني A1 حميشو الفرنسي بيجو 405 93 ؟

ميداني

27-12-2011

الردود


صديقي أولا المستعمل حظوظ بعدين أنا برأيي خدا فرنسية موديل 93 فاضية يعني(بدا نفضة) سعرا حوالي 350ألف وإنت حدثا على كيفك بدى تكلفك حوالي 100ألف أو إذا بدك خدا محدثة خالصة عليها محرك 21 بخاخ أسود وفرش جلد ومجموعة صوت و......إلخ سعرا بالسوق مو أكتر من 450ألف في سيارات 405 فرنسية حلوة عند فنات شوفا بباب (سيارات مستعملة-بيجو) بعدين شو بدك تشتري أهم شي تكون بتعرف ميكانيكي معلم مع دهان إنشألله تلاقي وحدة نظيفة لأنو بهالوقت السوق مافيو لابيع ولاشري
عاشق البيجو	01-01-2012 20:08

الى الاخ عاشق البيجو
اخي هلق شو اسعار سيارات بيجو 405 عند فنات اذا عندك فكرة لأنو انا صاححتلي ال 405 GLX 2007 ب 450 وحسبت انو بدي ركب محرك 60 او 70 يعني بترجع عليي خالصة بحدود 525 ؟ بئا شو رأيك انا مصرياتي بالخمسة سيدي عرفت كيف زودا 25 مابتفرء
ميداني	30-12-2011 17:26

إلى السيد ميداني
بالنسبة لفكرتك ممتازة لأنو محركا الأساسي عاطل بكلفك تقريبا 60 ألف بس بالنسبة للبواط الأوتوماتيك بعرف أنو مصروفا كبير شوي يعني بالبلد حوالي 160-170 إسأل الميكانيكي تبعك شو مصروفا التقريبي بعدين السيارة شو سعرا لأنو أنا برأي في سيارات 405 فرنسية عليها محرك 21 بخاخ أسود عند فنات (سيارات مستعملة) مواصفاتا أحلى بكتير من الإيرانية على كل حال شو مابدك تاخد خود بس نصيحة بعد عن الصيني إذا مصاريك حوالي 700ألف خود ميتسوبيشي لانسر 2005 كاملة وريح راصك مصروفا أحسنلك من البيجو
عاشق البيجو	30-12-2011 07:55

بيجو
شباب لئيت بيجو 405 glx غيار عادي 2007 جعبالي اقلبها اتوماتيك ئلي المكانيكي انو بدك تركب محرك فرنسي 21 وتركبلها بواط وبتكلفك شي 60 الف مزبوط هالحكي ؟ وهل في مشاكل بعد ماساوي كل هالقصص ؟
ميداني	29-12-2011 13:47


انا اسمي جعفر وبنصحك لاتقرب ع الفرنسي القديم قوي وممتاز بس صريف مابينحمل وال a1 في احسن منها دور بالسوق اكتر لو قايلي شو المبلغ اللي معك كنت بنصحك واذا تقسيط ولا لأ وغيرو
جعفر	28-12-2011 21:50

بعد عن الصيني
إلى السيد ميداني شو محرك البيجو (بخاخ ولا كربرتير) وشو سعتو أديش ماشية السيارة وشو بواطا والسعر يلي طالبو البائع
عاشق البيجو	28-12-2011 10:31

أحدث المقالات

أكثر المواضيع قراءة

أكثر المواضيع تعليقاً