مجلة فنّات
وظائف شاغرة
بحث
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

تبادل الخبرات
استفسارات عامة

بيجو
الى السيد عاشق البيجو و السيد noor
السلام عليكم أنا معجب ببيجو 405 الفرنسي وأنا أريد سيارة 405 يمكنني الاتكال عليها يعني سيارة بكل معنى الكلمة والسؤال هل تنصحوني أخذ سيارة فاضية وأنا ساويها أم جاهزة؟ وإذا أخذتها فاضية يعني بدي محرك 2.2 أوتوماتيك وكماليات السيارة هل ممكن أعرف التكلفة وبماذا تنصحون؟ جاهز أم انفض أنا؟ تم توجيه السؤال لكم بحكم خبرتكم الطويلة بالبيجو وأنا متابع لجميع استفسارتكم وشكراً يرجى شرح مفصل
B A S E L 18-04-2012

الردود
 
صديقي B A S E L والله ماحولي شي حاليا بس إذا بدك في مزاد بالمعرض للسيارات المستعملة بتاريخ(29-30) شوفو بركي عجبتك شي سيارة بتاخدة وبتنفضة عالكيفك وبالنسبة للكحلية أنا برأيي إذا عاجبتك كانت كتيييييير نظيفة عطي فيا 500ألف والفروغ عالبائع أهم شي تكون بويا وكالة من الداخل يعني (مومقصوصة) والمحرك يلي عليها يكون نظيف كتير يعني بتشتريا ومابتدفع ليرة عليها إذا معتمد على شي سيارة وعاجبتك بروح بشوفا معك إذا حابب
noor 26-04-2012 20:19
 .
ع راسي اخ نور هلق بالنسبة للإيرانية انباعت وهي ال 405 الفرنسي معند صاحبها بدو 500 ههه سيدي مالنا نصيب المهم انت حوليك وحدة حلوة شي ؟ اذا في شي ردلي خبر هون على هالصفحة وباخد رقمك ومنحكي اذا بدك منروح سوى ومنشوف الكحلية بركي الك نظرة تانية ؟
B A S E L 25-04-2012 15:47
 معلمنا B A S E L
في عندك عالم بتأبدع بسواقة العادي وكمان عالم بتأبدع بسواقة الأتوماتيك لما كنت عم بنصحك بالعادي مشان ريحك من المصروف وشوية مشاكل إذا ماعتنيت فيا بالنسبة للسيارة الأولى متل ماتفضلت بتسوى 450ألف فقط والفروغ لازم نص عالشاري ونص علبائع لأنو هي سيارة شركات متل الـ605 يلي عندي كلفني فروغا 45ألف لأنو شركات يعني هي داخلة للبلد عن طريق المغتربين ومسجل سعرا الحقيقي بالمواصلات مومتل سيارات الوكالات سعرا مليون بسجلو سعرا بالمواصلات 400ألف بالنسبة للسيارة التانية تبع صديقك شو بدو سعرا شو مصروفا شو فروغا
noor 22-04-2012 21:35
 .
ولله احلى شباب بزمتي بالنسبة للبواط ولله صراحة انا تعلمت ومابسوق الا اتوماتيك مابعرغ سوق عادي ضحكو عليي هه ولله لئيت سيارة حلوة بس مو كتير بدو حئها 500 اتوماتيك محرك 2000 cc كحليه بس لئيتها غالية وفراغها 35 وهو طالب سعر كتير غالي عليها يعني برأيي سيارتو مابتسوى الا 450 بئا اذا حدا حوليه وحدة حلوة يئلي وفي وحدة ايرانية لئيتها محركها 18 واتوماتيك شد امامي ال صاحبي هو موصي عليها ال الاتوماتيك تبعها اساسي شو رأيكون ؟
B A S E L 21-04-2012 10:18
 شكرا لأخي عاشق البيجو
صديقي عاشق البيجو كلامك مظبوط 1000% بس أنا برأيي إذا صحلو 405 معدلة خالصة أحسنلو لأنو الأسعار طالعة 50% صديقي باسل إذا مالقيت بالسوق وحدة معدلة خود أي وحدة عادية حتى لو إيرانية بس تكون شد أمامي حصرا(glx) نزلا محرك 21أسود أو محرك 406 (22أسود) مع بواطو الأساسي المحرك كتير قوي واقتصادي جدا مالو مشاكل الميكانيكي صاحبي نزل محرك 406 لبيجو 307 والله طلعت طلقة مصروفا حوالي 200 بالتنكة بالسفر حوالي 260 بالتنكة إنتي رجاع شوف الميكانيكي تبعك شو بينصحك بس أنا برأيي هدول المحركين(405-406أسود) أحسن شي
noor 20-04-2012 13:40
 إلى صديقي نور
من عاشق البيجو لملك 605 والله اشتقنالك بدي رأيك فيني بالتقرير المفصل عن الـ405 باستحق هاللقب مبروكة الـ607
عاشق البيجو 19-04-2012 12:33
 
بالنسبة لمحرك MI16 فهو نفس محرك 21 أسود بس مزود بتيربو أساسي يعادل محرك 6سلندر بس المحرك فاشل بسبب الأعطال الكثيرة بجهاز التيربو ومصروفو كبير شوي لازم تكون السيارة بواط عادي حصرا مشان هيك 21 أسود أنجح محركات البيجو وإذا بدك نصيحتي السيارة كتييييير حلوة وجبارة وقطع متوفرة بكثرة ورخيصة جدا لأنو صار في منا إيراني ولغو الجمرك على القطع الإيرانية وإذا كانت نظيفة والله لا سيراتو ولا أفانتي بتحسن تماشيك بعدين مصروفا حلو بالنسبة للسفر بين 250-300 بالتنكة أخي نور معو 605 نزلا محرك 21أسود وهو رح ينصحك....
عاشق البيجو 19-04-2012 12:29
 
ذات المواصفات(فرش جلد-كراسي كهرباء مع دفايات-دسكات أمامي خلفي مع abs) بالنسبة لفتحة السقف اختيارية إذا مو موجودة بتحسن تركب وحدة إذا مالقيت سيارة معدلة شوف شو سعر 405 العادية بالسوق يعني هيك تعديل بدو يكلفك حوالي 200ألف بدك تشتري بوز كامل 21 مع بواطو سعرو بالسوق حوالي 150ألف بدك 50ألف بين فرش-وزنون-قفل مركزي مع دارة رفع-شبابيك كهرباء لسع عندك موضوع المسجلة مع البفلات بس بتطلع سيارة فلجة أنا من عشاق الـ405 تعديل MI16 هي عبارة عن واجهة للسيارة تحديث للـ405 موديل 95 بتشبه كتير 605
عاشق البيجو 19-04-2012 12:20
 
صديقي باسل بالنسبة للسيارة هي كتير ممتازة من حيث(قطع الغيار-الدوزان-وساعيتها-قليلة الأعطال) بس هون أنا رح خالفك الرأي بالنسبة للبواط يفضل عادي بسبب أنو الأتوماتيك أعطالو كتير كبيرة بكل السيارات الفرنسية بدون استثناء(بيجو-ستروين-رينو)ومصروفو شوي كبير يعني بالنسبة لمحرك 21 بخاخ أسود أتوماتيك بيعمل حوالي 170 بالتنكة بينما نفس المحرك بواط عادي حوالي 200 بالتنكة هادا الحكي أخي نور مجربو عندو نفس هالمحرك إذا اعتمدت حابب تشتري هالسيارة أنا برأيي خدا معدلة خالصة سعرا من 450-500 ألف فرنسية موديل 93 يتبع.
عاشق البيجو 19-04-2012 12:05

 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.