مجلة فنّات
وظائف شاغرة
بحث
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

تبادل الخبرات
إرشادات صيانة

مرسيدس
علبة البيئة
السادة قراء فنات يوجد في سيارتي حساس اكسجين قبل علبة البيئه واخر خلفها وهما جديدان ومازال ضو الشيك انجن يضيء وتبين ان علبة البيئة اصبحت مستهلكة \\\\ وسؤالي ماهو دور علبة البيئة بالبسبة للمحرك وهل لها علاقة باستهلاك الوقود طالما هناك حساس خلفها مباشرة ارجو المشاركة
اسامة 22-05-2012

الردود
 حلب
خزان البيئة عندما يتعطل يصدر صوت خشن ورائحة دخان وفي حال تعطل حتما سيؤثر على عمل الحساسات اما عمل الحساسات فمهمتها تنظيم كمية الاوكسجين الممزوج بالبنزين واكيد بدو ياثر على صرف البنزين
عقيل 02-06-2012 22:54
 بسيطة
عزيزي أسامة لا تحتار بعد ما تروح لعند الكهربجي وتفحص السيارة عالكمبيوتر ازا أكدلك انو المشكلة من إشطمانات البيئة فبإمكانك تركب مستعمل نضيف انا هيك عملت و مافي أي مشكلة بس تأكد بالأول أنو المشكلة منا
إيهاب 26-05-2012 19:31
 طيب
على راسي ale ولو بدنا خدمة أخ إسامة انت فحصت السيارة على الكمبيوتر ؟؟؟؟ أي شي كهربائي فيو مشكلة بيطلع على الكمبيوتر أكييييييييييد شو موديل سيارتك و أنو سنة ؟؟؟ عزيزي في محل بحوش بلاس إسمو القناعة هاد كهربجي معلم كتيييييير و عندو كمبيوتر روح لعندو وفحاص السيارة وإنشاء الله عالأكيد بفيدك ما بتكلفك شي يعني شغلة 500 ليرة مو أكتر بعد الفحص ببين تمام من وين المشكلة نصيحة روح لعندو
إيهاب 26-05-2012 19:29
 تأكد من العطل قبل التبديل في عملة ياصاحبي ....
صديقي دبو البيئة (الاشطمان) يخفف من الغازات الضارة و له دور في تحقيق العمل الامثل للمحرك ، تأكد من العطل بدقة قبل التبديل لان حساس الاوكسجين الجيد غالي الثمن(3500 مستعمل شغال افضل من جديد تجاري ) وتأكد من نضافة الجاكات من الصدأ أو التراب .... واذا بدك تركب دبو اذهب الى اشطمنجي شاطر ليركب لك دبو وتاكد من نضافته ( يكون مكسور او ملوث بالزيت او مسكر . انظر من خلاله الى الشمس يجب ان تراها من خلال الفخارة) ولا تركب بدله دبو عادي. على فكرة لايوجد جديد كلو مستعمل وهو غالي ( حوالي 5000) ليرة
ssafwan 25-05-2012 22:49
 علبة البيئة وليس حساس الاكسجين
شكرا للمشاركة اعزائي.. شؤالي عن علبة البيئة .. سيارتي فيها حساسين اكسجين الاول قبل علبة البيئة والثاني خلفها مباشرة وقد قمت باستبدالهم بحساسين جديدين وقد اطفأنا لمبة الشيك انجن بالفحص بالكمبيوتر .. وبعد عدة ايام عاد واضاء وهذا يحدث عادة معي عند زيادة السرعة وعندما راجعت الفنيين بالشركة .. اعادوا المشكلة لعلبة البيئة وقالوا ان استجانتها ضعيفة وهي سبب المشكلة .. وهذا سؤالي عن علبة البيئة فاغلب الاراء تقول انها لاتنظف ولايوجد منها جديد وانا محتار ماذا افعل ... لاني اخاف من تاثيرها على المصروف
اسامة 25-05-2012 15:57
 إلى السيد إيهاب
شكرا كتير صديقي إيهاب على هالمعلومات
ale 25-05-2012 13:24
 ale
عزيزي انت بدلت حساس واحد بس ولكن في أكتر من حساس وذلك يتبعا لنوع السيارة بالنسبة للبيجو والله انا ما بعرف كم حساس بس أقل شي حساسين انا معي فولفو S80 T6 عندي 6 حساسات بيئة لهيك مو ضروري الحساس يلي غيرتو يكون فيو مشكلة ممكن يكون حساس آخر
إيهاب 24-05-2012 12:55
 ale
أخي العزيز إسطمانات البيئة هي عبارة عن كتلة مدببة مهمتها تخفيف إنبعاث أحادي أوكسيد الكربون أما بالنسبة للحساسات يا أما بتطلع خطأ وبيظهر ضوء المحرك على التابلو أو في بعض السيارات بتكون الحساسات مضروبة بس ما بتعطي خطأ بس بتحس أنو مصروف السيارة زايد ما بصير ما يفرق المصروف وللتأكد من أنو الحساسات عندك شغالة فحصها عند كهربجي خليه يحذفلك الأخطاء من الكمبيوتر و هون ببين عالجهاز ازا الحساسات شغالة ولا لأ
إيهاب 24-05-2012 12:53
 
شلون بدي أعرف أنو حساس البيئة لايعمل وماهو إشطمان البيئة وهل بخفف من قوة السيارة علما أنو سيارتي 405 فرنسي عليها 21 أسود وغيرت حساس البيئة من سنة ومافرق المصروف معي وشكرا
ale 23-05-2012 19:33
 إيهاب
عزيزي انا بعرف إشطمان بيئة مو علبة والحساسات بتكون راكبة عليها بالنسبة لإشطمانات البيئة اي بيأثرو على الصرف بس قبل ما تعمل اي شي جرب تحذف أخطاء الكمبيوتر تبع السيارة خدا عند كهربجي معلم خلي يحطا على الجهاز ويمحي الأخطاء إنشاء الله بس تمحي الاخطاء بيمشي الحال
إيهاب 23-05-2012 01:06

 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.