مجلة فنّات
وظائف شاغرة
بحث
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

تبادل الخبرات
نصائح شراء

سكودا فابيا كومبي
شو بتنصحوني أشتري ؟ ألماني ولا كوري ولا ياباني ؟؟؟
والله شي بحيّر !! بدي منكم يا شباب مساعدة لأني بدي أشتري سيارة و كتار اللي نصحوني بس كل واحد بيتحيز لطرف و ما حدا موضوعي بالاختيار و أنا عندي سكودا فابيا موديل 2002 و من جهتي بحب الألماني أكتر من الكوري لأني بشوف سواقة الألماني أسلس و أحلى بينما الكوري بحسو تقيل و خاصة ع الكوع و حركة الدركسيون بس للأسف المبلغ اللي رصدتو عم يجبرني أتحيز للكوري أكتر يعني بدكون تنصحوني ضمن ال مليونين لا أكثر و إذا في مستعمل ألماني ما حدا عم ينصحني فيه بقا شو بدي اختار شكرا إلكم مسبقا و لا تواخذوني نقاق شوي :)
AhMaDoOoV :D 10-07-2011

الردود
 مابدي أحيرك, بس ........
الحقيقة ترددت أكتبلك تحتار,بس برة (أوروبا) عم يحبوا الأوبتيما أكتر من السوناتا, بظن عندن وجهة نظر, عني أنا شخصياً, بفضل الياباني عالكوري, بس طبعاً قطعه وسعره أغلى, بس نصيجة لاتقرب عالمستعمل, لأن إنخفاض سعره بسوريا مابيساوي اهتلاكه, قصدي مومحرز الفرق إنك تاخد شي مستعمل وموفق, بس دقق ع موضوع الأوبتيما m m
m m 17-07-2011 18:26
 خلص رح أخود بنصيحتك و أتوكل ع الله
شكرا جزيلا و صراحة هي السيارة كانت عم تفتل بمخي و بدي حدا يدفشني عليها :)
AhMaDoOoV 11-07-2011 15:37
 السوناتا
اخي احمد اذا امكانياتك المالية مناسبة لشراء السوناتا فهي خيار ممتاز جداً وهي سيارة منافسة بقوة في فئتها . ومبيعاتها خارج سوريا لا تصدق . انا جربت السيارة وهي بنظري تنافس الكامري بجدارة . مساحة , قوة , شخصية , اقتصادية , جميلة ,,,,, توكل على الله , وإن شاء الله مبروكة سلفاً .
رامي 10-07-2011 22:26
 شكرا إلك أخي رامي
شكرا الك ع النصيحة و متل ما قلت أنا الفابيا اللي عندي تشيكي بس ميكانيكة السيارة متل الألماني و قطع السيارات الألمانية من فولكس فاغن بتركب عليها و غالية كمان حتى لو كانت مستعملة متل ما منعرف لذلك الأغلبية عم ينصحوني بالكوري لأنو قطعو أرخص و متوفر بكثرة على عكس الألماني و الياباني اللي قطعون بالنار لذلك بدي أحصر خياراتي بين : السوناتا و الأوبتيما و السيفيك الجديدة و ممكن أفكر بالأزيرا الجديدة بقا شو رأيك بهل تشكيلة ؟ :) و ع راسي أخي تسلم مسبقا :)
AhMaDoOoV 10-07-2011 16:29
 السكودا تشيكي
يا صديقي السكودا سيارة جيدة وقوية واقتصادية بلا شك ولكنها تشيكية وليست ألمانية , أما علاقتها بألمانيا فهي مثل علاقة جاغوار بشركة تاتا الهندية . لأن سكودا مملوكة (شراء) لمجموعة فولكسفاكن الألمانية أما الماركة فهي تشيكية المنشأ والتطوير والتصنيع وليس فيها من ألمانيا سوا الملكية وبعض القطع. ثانياً قطع غيارها معروفة بالنسبة لك غالية بشكل فاضح وبتقلع العين . نصيحة روح على التويوتا فهي ممتازة جداً أو على الهوندا وغيرها من الياباني .
رامي 10-07-2011 09:16

 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.