بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
كم نجمة تعطي لهذه السيارة؟
نتيجة التقييم:   عدد المشاركين بالتقييم: 196
عدد التعليقات: 96
 لوحة الفيوزات
السلام عليكم من فضلكم ممكن بيان وصورة عن مكان لوحة الفيوزات في السيارة نوع سيري تيكو 2012
الحجار 01-08-2016 19:15
 سيارة كيوكيو
سيارة فاشلة وخاصة الكير الاوتوماتك
علي 04-06-2015 15:27
 سيارة شيري كيو كيو
السلام عليكم ورحمة الله تعالي وبركاته اخوني الاعزاء انا شريت سيارة كيوكيو مودال 2012 انها روعة قوية وسريعة واقتصادية انها رائعة وجميلة الشكل ولكن سؤالي كم لتر زيت المحرك هل هو 02 لتر ام 02.5 لتر وكم لتر زيت علبة السرعة واخير تقبلو تحياتي
عمر الجزائري 27-12-2012 22:35
 سيارة العصر
انا اشتريت سيارة شيري موديل 2008 من الشركة مشاء الله عليها سيارة كويسة ممتازة اقتصادية بابنزين ماتور 800 سي سي بصراحة محرك قوي جدا بس بدي انصح اذا حدا بدو يشتري هاي السيارة ما يشتريها الا من الوكالة احسن واريح لاراسك لا تشتريها مستعمل لانك ما بتعرف شو مصلح فيها وشكرا
البوريني 23-12-2012 11:37
 شيري
عندي شيري 10 وهي ممتازة بالنسبة للي ما يقدر يشتري افضل منها داخل البلد تعمل حوالي 250/270 وبالسفر 400 وفوق بدها عناية حتى تضل تخدمك واغلب اللي يملكوها يقولو انو افضل من 4 سلندر
maamoun 05-11-2012 22:40
 التبريد
املك شيري كيوكيو 2012 لكني ماني عارف وين فلتر التبريد انجدوني رجاء
احمد 04-11-2012 09:15
 إلى الأخ مؤيد
أخ مؤيد شو بتقصد بالضو الأصفر تبع الفرامل ... شلون شكل الأيقونة ... شكلها متل محرك ؟؟؟ ولا شو ؟؟؟
أبو حمزة 31-10-2012 16:30
 فرامل السياره
لدي سياره من هذا النوع اشتعل فيها الضوء الاصفر الخاص بالفرامل هل من استشاره
مؤيد 25-10-2012 19:08
 شراء شيري qq
اتمنى من الاخوة الكرام اذا كان هنالك سيارة شيري للبيع كيو كيو غيار عادي بحالة جيدة وبسعر معقول ولــــــــــــــكم الشكر .............. جميعا
zsh 23-07-2012 22:05
 سيارة رووووووعه
اشتريت السيارة امبارح بس صارلها معي يومين ما شاء الله لا قوة الا بالله سيارة تجاوبها رهيب وسرعة و ثبات تفاجات فيه بصراحة هي موديل 2007 اوتوماتيك اخذتها ماشية 60,000 كيلو بس الصراحة تفاجات بصوة المحرك ولو هو 3 سلندر بس تجاوبو رهيب وثبات السيارة مميز عجبتني بصراحة
مالك للسيارة 01-04-2012 19:31
 
عندي سيارة شيري qq3موديل 2012سريعة قوية جدا" تعرضة لحادث مروري مؤسف حيث اصطدمت بسيارة حمل لوري قلاب من الخلف كنت اسير بسرعة 120كم وقد نجوت من الحادث وتعرض الوري الى الانقلاب نتيجة الحادث مع تعرض سيارتي لضربة بسيطة في المقدمة اذا" هي سيارة قوية بالنسب لي
bmwاحمد شيري 13-01-2012 13:42
 تعليق على عبارة السيارة الإقتصادية
للأخ اللي كتب أنها بتعمل 1 ليتر لكل 15 كم ، فعن جد ضحك من قلبي لأني وببساطة اليوم كنت عمبحسب قديش بتعمل سيارتي بالأرقام مشان حاسب الشركة على مواصلاتي ، وتبين أنها بتعمل متل ما قلت 1 ليتر لكل 15 كم ، شوف الصدفة ...
أبو حمزة 10-01-2012 15:32
 السيارة اللاقتصادية
هذ السيارة اقتصادية جدا تصرف 1لتر لكل 15 كم
احمد شيري 10-01-2012 12:26
 علة
ال يا شاري الهم من قلب صاحبة والله انا شتريت سيارة شيري موديل 2002 مستعملة من 8 شهور وهلكتني بالتصليح كل يوم بورشة تصليح صحيح انو القطع بشبه البلاش بس والله حرااااااااام اذا حوالكون شي شرى لهل سيارة انا بدي بيع
وايت ستار 22-12-2011 19:53
 
لاصحاب الخبره السياره ماعم تمشي بالتنكه مع اني بدللت البواجي والفلتر والمصفايه لك وشرايط البواجي وشو بركب اتمصور عليا غيرالشيري من قدام ومن ورا اتمنى الاجابه صرلا عندي 3سنين وشكرا
طرطوسي 16-12-2011 15:17
 بتشل
هسيارة بس تمشي فوق المية بتكون عم تستعد للأقلاع والطيران
سامي 16-10-2011 23:36
 سعر السيارة حالياً
يا شباب اديش سعر السيارة حالياً بعد القرار اذافي مجال جاوبوني ولكم جزيل الشكر
هاني 29-09-2011 18:17
 محتار متير كتير كتير واود النصيحة
السلام عليكم ---لدي سيارة فيات 131 موديل 1976 جنط كروم+ شبابيك كهرباء+مجموعة صوت بايونير وجابتلي سعر بالسوق 190000 ل.س وانا محتار اني اشتري سيارة بشي 300000 او اني انفض السيارة بشي 50000 ل.س اود نصيحتكم اخواني وشكرا.
Loai 21-09-2011 10:34
 مجرب (موديل 2007 من نوع تشيري تيغو)
السيارة جداً عملية وراسية على الخط سافرت عليها من السعودية للامارات والى جنوب السعودية ورخيصة وذات شكل إنسيابي جذاب , ولكن للأمانة بها بعض العيبوب الرئيسية من تجربة 5 سنوات الى الآن وهما: 1) صوت المكينة مزعج (غير ناعم)وهذا قد يكون غير مهم للبعض . 2) إحتكار قطع الغيار وهذه هي القاصمة للظهر حيث المرمطة وقت الأعياد والعطل الرسمية ,مع إرتفاع في سعرة مقارنة ببلد المنشأ (الصين) , ومقارنةً ببدايات هذه الأنواع من السيارات . 3 ) عند رفع صوت المسجل أو الراديو لن تسع إلا ضجيج فقط فالسماعات غير صافية
أبوصالح من السعودية 07-09-2011 13:58
 لاتوقف
والله ياشباب السيارة نصيحة وبتاخد العقل أنا شخضياً ركبت S15 موديل 2002 تسجيل 2005 وطار عقلي فيها ولما إطلع فيها على السيران نركب فيها 7 أشخاص وتفتح تطير متل الصاروخ ولما طلعت فيها على الزبداني ما حدا طلع قدامي بالطلوع ولا بالسحب مع إنو كنا راكبين فيها أربعة وكل واحد قد الشنتير غير عن كل هذا نتعمل جوا البلد 315 كم بالتنكة فما بالك خارج البلد ؟ بس اللي بده يشتري لاياخد إلا s15 أربعة سلندر لإنها أرجل وأقوى من الجديدة غير عن كل هذا قطعها ببلاش
أبو عبدو 12-06-2011 16:32
 الحمدالله
مع احترامي للكل هي حرام تصنف من ضمن السيارات لك والله لاركبة ولاقوة ولا جودة ولا احترام ولا مصروف لك ولا شي هي لازم تكون ضمن ملاعب الغولف مشان نجيب فيها الطابات وبس لا وسعرها غالي بحقا برا بتجيب سيارة محترمة ومنيحة ولايقل محركها عن 2.4 بس الله يخليلنا تجار السيارات بالعين ملشي
معن 26-10-2010 11:25
 S10
السيارة من أجمل ما يكون والله - ممتاذة - ظريفة - اقتصادية - كاملة - ولو المواصفات الموجودة عليها موجودة على سيارة من نوع ياباني لكان سعرها ×2 أنا مالك سيارة شيري S10 من سنة 2006 وإلى الأن الأعطال التي واجهتني بسيطة وعادية بس ما حبيت تصلح بالشركة مع الأحترام الشديد للشركة وبالنتيجة داري على شمعتك تقيد وشكراً .
هاني - أبو علاء 18-10-2010 13:19
 
ممكن حدا يفيدنا اذا في منها اتوماتيك عند حميشو ؟
مازن 11-10-2010 14:31
 
ممكن اذا حدا بيعرف كم سعة محرك سيارة حميشو
samer 06-10-2010 11:38
 جوا البلد
بصراحة السيارة حلوة كتير بس جوا البلد مو ع طريق سفر يعني هي سيارة نسوانية بتركنها وين ما كان و بتقضي الغرض منها بس متل ما حكيت جوا البلد و بس
منيحة 30-09-2010 18:40
 رحنا عالوكالة
رحنا عالوكالة قالو انو بدها شي شهر لحتى تنزل والعرض عالتقسيط 150000دفعة 6500*48شهر
ابو بلال 21-09-2010 23:18
 التقسيط على حسب العرض تبعي
سلام عليكم تكرم عينك اخي التقسيط مو متل ماسمعت لانو هيك بيصير المبلغ الشهري كبير بس هنن عاملين التقسيط بايام المعرض عرض دفعة اولى 150000 وكل شهر 6490 ليرة ×48 شهر مع تامين شامل اول وثاني سنة على السيارة وتأمين ضد الهلاك الكلي للسنة الثالثة والرابعة هي كل المعلومات اللي عندي وان شاء الله اكون افدتك يعني يزيد سعر السيارة على 4 سنوات 86520 وهي تقريبا تكلفة التأمين الشامل للأربع سنوات يعني مو شي بيصير ثمن السيارة 461520 ليرة سورية تحياتي
Damascus_Knight 31-08-2010 15:54
 375000 طيب والتقسيط ؟؟؟؟
هو السعر حلو اللى عم تحكي عنه اخي تبع تجميع حميشو -- بس لسه غالي عليي وعلى امثالي - شو مشان التقسيط ؟؟؟ عم اسمع انه حميشو عاملين عرض بدون دفعة اولى ولا فراغ ولا شي صحيح هالحكي ؟؟؟؟ امانة نورنا اخي
خلدون 14-08-2010 13:04
 اي عن جد
اخي اي والله سعرها 375000 خالصة مخلصة على النمرة طبعا بدون الحلوان تبع الشباب هههههههههه عموما الله ييسرلك انا حجزت وحدة بس المشكلة التسليم بدو شي 3 اشهر وشغلة تانية مافي اي بي اس انا اخطأت بالمواصفات بس فتحة وقفل ونوافذ كهربا ومكيف وهيدروليك يعني مو ناقصها شي تحياتي
Damascus_Knight 10-07-2010 20:02
 عجد هيك سعرها!!!!
أخي عنجد حقا 375ألف خالصة مخلصة ولا بدون فراغ وترسيم نازل اشتري فورا اذا هيك سعرها
شو سعرها 09-07-2010 10:06
 حلوة
السلام عليكم بصراحة انا كنت محتار ومالي عارف شو اخد بس بعد مارحت على معرض السيارات بدمشق تفاجأت بعرض التقسيط المغري على هالسيارة صحيح صغيرة عليي بسبب طول قامتي وضخامتها بس لقيتها عملية وهي اداة وليست غاية وعلى فكرة صارت تجميع حميشو بمعمل عدرا وصار سعرها بالاضافة لفتحة سقف وفرامات اي بي اس ومسجلة سيدي 375000ليرة سورية بس يعني تقريبا صارت بمتناول الجميع وانا واحد منهم رح اشتري هالسيارة وانا بنصح فيها لاني مجربها ومجرب غيرها بين فئتها هي الافضل من ناحية القطع والسعر والمتانة تحياتي للجميع
Damascus_Knight 04-07-2010 19:00
 غلطه عمري000والله
انا من الناس اللي انغررو كتير بهاالسياره واتوكلت علا الله واشتريتها وهي كانت غلطه عمري لانو وانا ماشي فيها علا طريق الشام بسرعه 110 طلع صوت من المحرك وما بعرف ايش صارلها وقلبت فيني ... صلحتها وبعتها بعد مرور شهرين خبرني الي اشتراها مشان انزل افرغلو السياره 0000تفاجات بانو قلبت معو علا طريق حلب الباب وان فرغت لشخص ثالث لانو الزلمه باعها000نصيحه لكل شخص خارطه مشطوا مابدو ياها ازا بشتريها ب100 الف
وجيه 07-06-2010 01:36
 خارطة مشطي
والله يا شباب خارطة مشطي بس المشكلة انها صيني وكل واحد بيقلك شكل شي بيقلك ممتازة وشي بيقلك مو نصيحة ابدا فشو رأي الشباب اللي استخدموها خصوصي انو انا بدي سيارة سعرها معقول واقتصادية وقطع رخيصة وشكراً لموقع فنات الرائد في عالم السيارات
ابو فارس 01-06-2010 01:54
 استفسار
ارغب بشراء هذه السيارة لزوجتي ----نصيحتكم باخد ال1.1 ام0.8 وارجو افادتي بموضوع التقسيط وهل يتوفر من هذه السيارة لون الكيوي او الفسفوري
د-شامي 10-05-2010 17:51
 خدمة
السيارات الصينية بشل عام كتير كويسة بس بدها عناية من المستهلك وقطعها كتير رخيصة انا عندي ورشة صيانة بحلب ومجرب صيانة هل سيارات يعني مشاكلها كتير بسيطة وما فيها هل غلة متل ما بعض الاخوة عم يحكي يمكن في استغلل من بعض وكالة الصيانة بس بعيد عن الوكالة التكاليف كتير رخيصة وانا بالخدمة مع جهاز فحص
محمد 24-03-2010 01:35
 qq3
سيارة شيري s15 ممتازة وقطها رخيصة بس في مشكلة وهي على المطبات قاسية ومالها متوازنة ولا حتى بتحسها كتيمة ممكن حدى يوجهني لحل وشكراً
محمود 07-02-2010 22:33
 information
هالسيارة بتساوي بين350-400 عالسفر بسرعة 90 وتحت عداد السيارة بيقفل عال160هيك معيريعني مستحيل تمشي161 وهالكلام عن تجربة ومصروفا بالبلد250 وعندي هي 11حصان
MEDO STYLE 11-01-2010 02:14
 ممتاز جدا"
انا عندي سيارة 3 سلندر صرلها سنة ونص عندي وماشاء الله متل النحلة والله عنجد انا بتشكر شركة الصين علا هل سيارات مصروف قليل وقطع متوفرة وحلوة وناعمة وخدومة وانا بصراحة بتشكر اولا" الشركة الصينية وتانيا" بتشكر شركة ابو الخير بمحافظة حمص علا الاسلوب الحلو والمعاملة الجيدة مع العميل عنوان الشركة حمص البياضة معرض ابو الخير ..... وأنا بقول الله يوجهلن الخير يارب
فاروق 06-01-2010 20:43
 شيريqq 1.1
يا جماعة صرلا عندنا من 2007 بالبلد 240 وبالسفر350 اذا سرعتك 90 وتحت وبالنسبة لمسجل الصوت فهو سيدي وليس كاسيت
MEDO STYLE 20-12-2009 02:17
 ملك الشيري
والله انا اشتريت شيري من اخر نصبة بس وينكون و حياة حليمة وهي امي سيارة بتنركب اقتصادية وقطعها وين ما كان حتى عند السوبر ماركت يلي بحارتك و صغيرة بتنصف معك باصغر دخلوشة حاكم البلد هليومين كتير عجقة والمواقف صارت بالمصاري اغلى من السيارة فيك تصفها بمدخل بناية اذا بدك
ابو زكوان نصف الدنيا 04-12-2009 19:01
 شيري 3سلندر الأتوماتيك
شيري الأتوماتيك أعطالها بعلبة الشرعة تبدأ غالبآ بعد 20 ألف كم من الأستخدام لاأنصح بشراءها الأفضل الشيري العادية 3 سلندر أعطالها خفيفة
ماهر 09-11-2009 12:00
 تقييم لسيارة الشيري المني(الصغيرة)
إذا قارناها بالسيارات الصغيرة الأخرى(كيا- شفرلية-هونداي-شانا-بيجو-سوزوكي-دايهاتسو- إلخ)سيارة شيري هي الأفضل من حيث سعرها الأقل ومواصفاتها الأفضل وتصميمها الفريد والناجح للسيارات الصغيرة وقطع غيارها الأرخص وأستهلاكها الأقل للوقود (3سلندر تمشي 450كم ب20 بنزين بعد التجريب) ولاننسى التقنيات الكهربائية الموجودة فيها والغير موجودة بمثيلاتها(إن وجدت بغيرها من السيارات الصغيرة يكون هناك زيادة بسعرها الغالي أصلآ)
ميادة 09-11-2009 11:31
 سيارة شيري الصغيرة
أنا أملك شيري 3سلندر منذ ست سنوات هي سيارة جيدة وخدام ببلاش ومناسبة للمدن وفيها تقنيات إضافية ومريحة وأعطالها عادية كغيرها من السيارات الأوربية طالما أعتني بها وسعرها منافس مقارنة بمثيلاتها
سامر 09-11-2009 11:08
 سيارة شيري الميني
سيارة شيري 3سلندر برأيي أفضل من سيارة كيا مورننغ من ناحية تصميم المحرك وتوفير الوقود والصيانة وأسعار قطع الغيار والأمان
معتز 08-11-2009 11:07
 سيارة شيري
3سلندر برأيي أفضل من 4سلندر من ناحية توفير الوقود بحوالي 40كم زيادة لكل تنكة
مازن 08-11-2009 10:58
 سيئة
بصراحة أنا عندي وحدة صرلا معي سنة ونص كتير سيئة ةبتصرف زيادة بالنسبة لقوتها بعدين مالا علاقة بالأمان ولسا قوتها أضعف بكتير من مو مسجلة ومعترف عليها لك هي السيارة لازم تكون ضمن المزرعة الواحد بيتفتل فيها بس حرام ينمشى فيها بالطريق لأنو بس تطلع فوق 60 بضوج السيارة؟؟؟ شو بدنا بالحكي صيييييييييييييييني
معن 20-10-2009 13:58
 سياره جيده بالنسبة لمثيلاتها
1-سعر السياره جيد 2-مصروفها بالنسبه للكل ممتاز يعني اكتر من280 بالنسبه للاربعه سلندر 3-قطع الغيار متوفره ورخيصه 4-مابتحمي السياره متل ما بيقول الناس 5- ما بتصلح هي صرلا خمس سنين معي اكتر من بواجي وكوليات وطرنبة ماء وقشاط صدر بصراحه مناسبه جدا اذا الواحد بيداريها
كحيل 08-10-2009 16:49
 الصين تحقق حلم
يعني مو احسن مايضل الواحد 100 سنة سنة لحتى يحلم بسيارة هي السيارة انا عندي منها هي وسط مو جيدة بس اذا بظل محافظ عليها بدخدمك وهي نوعا ما اقتصادية
الصيني مو سيئ 01-10-2009 13:43
 سعرها غال يكتير
السيارة صغيرة وماشي الحال للمدينة بس للسفر مو تمام وكمان سعرها شو ي غالي بالنسبة لوضعها
lمهاجر 01-10-2009 12:55
 شيري
اريد ان اعرف هل3 سلاندر افضل ام 4 سلندر
مهند 20-09-2009 17:45
 
جولف73خير من صيني2009
ابو جاك 29-08-2009 06:20
 عجبني السعر
سعر السيارة المعلن على 1.1 حلو كثير 4.850.000 رح ييجي هاليوم بتصور بس مطول شوي
غير مهتم 22-08-2009 02:29
 معقولة
سيارة جيدة
ماجد الصعيدي 01-07-2009 22:57
 قطع غيار
انا عند شيري رياضي و ريح يصلي 6 اشهر عم بدور على قطعة غيار حساسة البنزين وما عم بلاقي لانو الصين ما بعتت .
حلبي 22-06-2009 11:26
 التكييف بالشيري فعال
صديقي لديه سيارة شيري س10 في ديرالزور ودرجة الحرارة في الصيف تصل الى 43 في الظل ومكيف السيارة فعال جدا
karawan 12-05-2009 01:28
 سيارة حلوة
عندي هالسيارة .مصروفها كتير قليل و قطعها رخيصة . صارلها عندي خمس سنين . و تحملتني كتير . بنصحكن فيها
ابتهال الشرارة 26-03-2009 14:47
 رجاء
يرجى من ادارة الموقع عرض الطراز الجديدa113
amin 25-11-2008 04:03
 اقتصادية
السيارة اقتصادية والعرض تبعها بالشركة ماشيي الحال ولكن مو كتير منيح السيارة يلي مع فتحة السقف خيله وحلوة وانا بكره رايح اشتري وحده بالتقسييط
raso 25-11-2008 00:48
 شيري وبس
سياره رائعه اقتصاديه ولكن تحتاج لسائق حنون لانها ناعمه جدا ولا تحتاج لرعونه بالقياده ومصروفها حلو ولذيذه بازدحام المدينه انا جربته بنصح لبدو سياره اقتصاديه وقطعها رخيصه انه يجيبها
انس السيد 20-11-2008 00:15
 سيارة اقتصادية
انها سيارة اقتصادية رائعة وعائلية مريحة ولكن التبريد فاشل
mohaned 16-11-2008 17:44
 ما بتسوى بنوب
صيني و بنفس سعر الكوري حراااام
محمد 09-10-2008 20:42
 Chery on the way
I just bought the chery S10 800CC, I hope it will be a good car. If anyone has this car, please post some information about it.
Chery Buyer 07-10-2008 20:56
 QQ3
أنا عنديQQ3سيارة للبلد ممتازة وللسفر تنكتها فوق400 وصارلها عندي9شهور ولهلق ولا مشكلة والحمد لله بس ابوابها بزقزقو بدهن تزييت
MEDO STYLE 29-03-2008 02:13
 
هي السيارة حرام تمشي عالزفت يعني انا جربتا اي بدها نص ساعة حتى تطلع فوق ال100 كم وبتحسها رح تهر بعد شوي حرام تنباع هالسيارة ب5 ليرات اي والله حرام الواحد يشتري شي صيني يعني يزدلو كم ألف ليرة ويشتري سيارة تضاين مو بعد اسبوع تصير للكب بالزبالة . حتى الزبالة مو من مستواها .... مع احترامي للصين
الخبير 21-02-2008 14:33
 شيري فعين الله ترعاك
والله سيارة ولا أفظع لا موديل ولا محرك ولاقطع بس باللنسبة للمواطن السوري المهم رافع رجليه عن الأرض بدون أي إعتبارات ثانيه وللأسف..... بشر
besher safi 25-01-2008 15:15
 عيب عليكم تجيبو هيك خرده
ليش معتبرينها سيارة هي والله لعبه ما بشيرلها لا سمح الله اي حادث بسيط اسال على السريع يا كم واحد توفى عيب و الله عيب
هادي 24-01-2008 19:21
 النصيحة كانت بجمل
يا شباب خلينا منطقيين ومسؤلين اذا مو لانفسنا فلاولادنا واحباءنا وكل من يسير في الطريق السيارة الصينية بكل اشكالها عبارة عن قمة في التخلف الانساني والحضاري والبيئي ولا اريد الدخول في التفاصيل فل شرح يطول يا اصحاب الدخل المحدود الرازق الله عز وجل فلا ترموا بانفسكم الى التهلكه جسمانيا وماديا وقضائيا عليكم بل مستعمل المعروف والمجرب مع صيانة بضمير وانت الكسبان .
فادي 04-01-2008 20:14
 
انا بدلت سيارات كتير وآخرها شيري كيو كيو 1.1 من ثلاث اشهر وشايفها ممتازة وما عملت معي اي مشكلة بس الصيانة مو كتير لان صاحبها ما بيشوف شو بيساوو فيها وصرفها 240 بالتنكه وحيلاتها ممتازين وفتحة السقف ما بتهرب بس بيلزمها عيار ابواب وما بتظبط مع صيانة الشركة
ابو معاذ 24-12-2007 00:34
 dado
يا جماعة أنا عندي سيارة شيري s10 والسيارة ممتازة والله وبتطير العقل وأنا حاببها وهي قوية وقطعها رخيصة ومواصفاتها كاملة بس مشكلتها الصيانة تبعها وخاصة مدير الصيانة بيحسسوك انك بفرع مخابرات وانك مرتكب جناية قرفوني حياتي والشباب فايتين بستين حيط اللي بالصيانة شغلتهم يسرقوكم لذلك أنصح بعدم أخذ السيارة إلى الصيانة وتصليحها بالخارج لأنكم لح تروحوا وتظلوا واقفين ومالكم شايفين شي من جوا شو عم يصير
dado 28-11-2007 10:16
 ما حدا متلي جرب......
يا جماعة أسمعو قصتي من هالعبد الفقير لله أشتريت شيري s15 بعد ما بعت ال زاز دايو البيك اب وكان طاير عقلي فيها وشغلي بيحتاج سفر كتير يعني حوالي 6000 كم بالشهر بمشي المهم حسيت أنو في صوت ضعيف بس غريب طلع من المحرك بعد 1500 كلم فقط وأنا مسافر قلت ياولد مر عالوكالة واتطمن إذا في شي . المهم الميكانيكي الجهبذ قلي أوعا هي السيارة ما لازم تتحرك ولا متر واحد له لا تقولا شو في قال المحرك بدو تبديل قشور ... بلا طول سيرة فكو المحرك بعد 1500 كم فقط مرتين بس شو المشكلة؟؟ الصوت ما راح والسيارة مافيها شي
محمد ش 23-11-2007 02:23
 زقزقة
انا عندي s15 السيارة جيدة واقتصادية بس المشكلة أحيانا بس تكون باردة وفي الشتاء حصرا ً عند تشغيل السيارة تصدر صوت صفير عالي لحين تحمى السيارة شوي اي قرابة 20 ثانية تقريبا فما السبب وشكرا
كريم 17-11-2007 20:35
 ياشباب
انتوا ليش نازلين بالسيارة هيك طولو بالكون والله السيارة حلوة وليش معتمدين على صيانة الشركة في كتير ميكانيكية بيفهمو احسن منهم وبس اشتري سيارة ما بدي غير شيري s15
محمد 22-09-2007 09:29
 الشبح شيري الأصيلة
أسوء سيارة عرفها التاريخ هيي الشيري عندي s15 بلوه و بلوة بتعل يا جماعة ما حدا يشتري هالسيارة لأنها سيئة لدرجة لا توصف و الصيانة أسوأ شركة بالعالم و حرامية و ما بيفهموا و الأخ عمار هوي الفارس الوحيد بسوريا و كل العالم طنابر بس يمكن حرام أول مرة بحياتو بيركب سيارة أنا ما بلوموا و كل شخص بيحكي بأخلاقو ... و أخيرا .... الشيري الشبح و بس ... الفرس الأصيل ... الفخ الأكيددددد
محمد عدوان 18-09-2007 20:08
 شيريS15 وبس
يا ناس انا ما عندي سياره بس هل شيريS15 احسن من 100 شبح
احمد 15-09-2007 00:16
 رائعة
اجلى و اروع سيارة عملية و ممتازة و الله الموفق بعدين الفرس من الفارس في ناس الطنبر كتير عليها
ammar 10-08-2007 23:53
 الى الأخ محمد ايزولي
السيارة الـ s15 الموديل الجديد : بعد تجربتي للسيارة تبين معي 1-السيارة صريفة بالبنزين أكثر من حجمها بكثير 2-فتحة السقف بعد شهرين بتهرب ماء 3-مشاكلها نفس مشاكل كل الشيري 4-اذا مصر على شرائها انا ببيعك و مابنختلف (يا شايل الهم من قلب صاحبو) و شكرا
سعدو 26-07-2007 12:06
 شكرا للنصيحة
شكرا أخي غبد الرزاق للنصيحة وأنشاء الله مارح أشتريها لأنو صرت سمعان كتير شكاوي عليها
رامي عيسى 25-07-2007 00:43
 أفيدونا
أرغب بشراء موديل ال s15 الغيار العادي الموديل الجديد الذي يحوي على فتحة سقف و لكن بعد قراءتي لهذه التعليقات ترددت لأن المبلغ الذي سأدفعه لشرائها هو ( الحيلة و الفتيلة ) و اذا قمت بشرائها لا مجال للعودة و أخاف أن أخسر ما دفعته .. لذا أرجو من الأخوة الذين يملكون هذه السيارة ( s15 ) افادتي بهذا الموضوع .. وشكرا لكم
محمد ايزولي 24-07-2007 20:33
 الشيري أسؤ سيارة
كان عندي s 10 وحصل فيها أعطال كثيرة أولها عدم فتح المرش ثم أصوات عالية في الرومانات وعلبة السرعة والغيار قاسي قالو قبل ان اشتريها انها تمشي بالتنكة 400 كم وهذا كذب فهي تمشي 200 كم اما الصيانة فهم لصوص وكذابين وقليلين احترام ويخربوا بدلا من ان يصلحوا فهم اولاد
محمد 23-07-2007 21:55
 نصيحة أخ بإذن الله
أخي رامي نصيحة لوجه الله لا تشتري الشيري الأوتوماتيك أنا اشتاريتها و لا في اسوأ منها سيارة - ضعيفة جدا جدا - جودتها أقل من سيء - و علبة السرعة للكب قولا واحدا صرت مصلحها بثلاث أشهر 7 مرات كل يومين بيلخبط الكمبيوتر تبع علبة السرعة و ما بيعود بيبدل غيارات و بوشك على الصيانة - و بس تقول صيانة يعني (حمرنة - سرقة - غش - لا خوف من الله - نصب و إحتيال - سوء معاملة - عدم احترام - ......... الخ ) و أكثر بكثييييييييير من هلي ذكرته و أهم شي شركة البروج ما بيحترموا حالهم و لا زباينهم و بعدني ما عطيتهم حقهم
عبد الرزاق 21-07-2007 01:16
 هل تنصحوني بالأتوماتيك منها
هل تنصحوني بالأتوماتيك منها .اريد شراء واحدة منها بعد شهر فهل تنصحوني بواحدة منها ام بالهيونداي كليك . فانا محتار بينهما فحسب ماسمعت ان لهذه السيار ة مشا كل كثيرة بالأوتومتيك. بينما الهيونداي قطع تبديلها غالي؟ أرجو النصيحة
rami 16-07-2007 01:59
 يا بلاش
يا جماعة يلي بدو يشتري سيارة مو بس الأن ولبعدين كمان معي سيارة s10 عملت حادث ضررة السيارة كتير رحت على الصيانة بدال ما صلح صرت كب وشتري جديد لك الأقطع تبعيتها أرخص من أنو تصلح وبنصح كل العالم فيها
anose 13-07-2007 00:16
 حلوة
والله يا جماعة انا جربت السيارة الشيري حلوة بس الصيانة ومركزها بيهوو
ابو عمر 10-07-2007 12:27
 سيارة صينية
عندي سيارة دايو ماتيز أيرانية مودييل 2000 الطراز RGB و ملشي فيها 45000 كم و لحد الآن لم أحتج إلا لغيار الزيت فقط ليش الصيني كله مشاكل
HANE 21-06-2007 21:51
 شركة سيئة
إن صيانة هذه الشركة هي أسوأ شيئ فيها، كفالة السيارة كذب واحتيال فهم لا يعترفون السيارةحتى بعد خمس دقائق، وعندما تتكلم معهم يعاملونك بطريقة فوقية وكأنهم شئ كبير علما بأنهم لا شئ. تجربتي مع هذه الشركة سيئة جدا ولا أنصح أحد بالشراء من هذه الشركة فتبديل زيت قد يحتاج إلى ساعات طويلة وكل همهم الربح والنصب على الناس وسرقتهم.
fadi 17-06-2007 16:36
 الشيري سيارة سيئة و الأسوء الصيانة
أيها السادة يعاني جميع مالكي سيارة شيري من موضوع الصيانة السيئة لدرجة القرف من السيارة . و أنا حاليا و تجربتي أكتشفت ان السيارة لا يوجد بها كفالة و كان ذنبي العظيم هو انني قمت بتغيير زيت السيارة مرة واحدة خارج مركز الصيانة فقامت الشركة بإخراج السيارة من الكفالة و طبعا لا يوجد شيء من خدمات الكفالة حتى تحت الكفالة فسيارتي تعاني من مشكلة في علبة السرعة منذ شرائها و كل مرة بيعملوا برمجة لعلبة السرعة مقابل 500 ل.س و بيقولوا روح جرب لترجع لعندن . فأين انتم يا موقع فنات من هذا نرجوا المساعدة ولكم الشكر
أبو نبيل 12-06-2007 02:25
 طلب من فنات ان كنتم مهتمين فعلا
يا جماعة الشيري qq الأتوماتيك فيها مشكلة بصحن الدبرياج و بينت معي بعد الـ 16000 من يومين بس مو هاي المشكلة أطلب من فنات ان كانت فعلا مهتمة بسوق السيارات السورية كما تقول و تتابع أهم التفاصيل كما فعلت مع سيارة فيرنا أن تهتم بموضوع صيانة الشيري و القائمين عليها الصيانة سيئة جدا جدا جدا جدا جدا جدا و أكثر من ذلك بكثيييييييييييييير ما عندن كفالة بيضحكوا على العالم و بيلاقوا التبريرات دائما و ما في شي ببلاش و تعاملهن سيء جدا و اذا بتشتكي للإدارة برجعوك لعند الصيانة لحل المشكلة يعني بيهمن المصاري.
مهتم 08-06-2007 01:59
 الخدمات
S10 اتوماتيك جيدة جدا لكن الضعف في الشركةمن حيث القطع اولا ومن حيث جودة الصيانه ثانيا ومن حيث المصداقيه ال.......................................................................................................................................
رائد 04-06-2007 13:38
 سؤال
هل تعاني شيريs15غيار عادي من مشكلة علبة السرعة وماهي المزايا الاضافية لs15 عن الـs10
حسام جبيلي 26-05-2007 16:57
 اختيار
ايهما افضل الشيري s15أو الكلسيا بيرودا او كيا مورنينغ هل تعاني الs15من مشكلة الغيار و سوء الكفالة
مازن 25-05-2007 19:01
 تجربتي مع شيري
يا شباب أنا عندي السيارة صارت ماشي 16000 خلال 7 أشهر السيارة جيدة ما عندي مشكلة بالبواط مع العلم ان النقل بين سرعة و سرعة بتحس بفصل ملحوظ جدا و كأنك عبتغير بغيار عادي و هاي شغلة مزعجة بس ما في عيوب و أحد مفاتيح السيارة خربان من أول ما جبتها و ما كانوا يبدلوا (الصيانة تعيسة جدا) المساعدة يا فريق فنات و لكم الشكر
مهتم 18-05-2007 00:56
 سيارة عملية بس بدون بواط
سيارة مثالية داخل المدينة لولا عيب و سوء التصنيع في علبة السرعة وهذا نتيجة امتلاكي لموديا اس 10 وعند مراجعتنا للصيانة في الوكالة وجدت 6 سيارات بنفس عطل سيارتي و الوكالة فقط همها أن تبيع السيارات و القطع فهل من المعقول سيارة عند 800 كيلو تعاني من المشاكل .... وعند الصيانة كأن الأمر ضرب بالمندل فتارة يقولون برمجة علبة السرعة و تارة يقولون حساس علبة السرعة ليقوموا باستيفاء مبلغ 2200 ل س لقاء تغييره النتيجة أن يبتعد كل مهتم بشراء سيارة ميني عن الشيري فالوكالة لا تحترم كفالتها بل تتحجج بالذرائع!!!!
غياث حلواني 16-05-2007 11:39
 
اذا كان الدفع كاش كام يكون سعرها
25-04-2007 18:26
 
أرجو من موقع فنات أن يفيدونا بمعلومات عن هذه السيارة وهل نظام ABS فعال فيها. وشكرا جزيلا
أبو عمر 16-04-2007 20:35
 بعد التجربة
أنا بصراحة جربت هالسيارة s10 بناقل حركة عادي وسمعت من كثير من الناس أنو ناقل الحركة فيه مشكلة وأكثر الناس صار معهم مشاكل فيها بعلبة السرعة في الفترة الأولى من امتلاكها أنا ما صار معي مشاكل لحد الأن بعد 17000كم بس الملاحظ قساوة في ناقل الحركة . ونرجو من إدارة فنات مساعدتنا بتوصيف هالسيارة كونهم خبراء بالسيارات
محمد 28-03-2007 17:35
 chery AMT
حدا مجرب هي السيارة !! أنا بدي معلومات عن ناقل الحركة بالذات ... هل هو عملي وجيد ؟؟!
mahmoud 06-02-2007 03:19
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.