بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
 ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
شفروليه
كم نجمة تعطي لهذه السيارة؟
نتيجة التقييم:   عدد المشاركين بالتقييم: 150
عدد التعليقات: 52
 سوريا
عندي سيارة كابتيفا شيفروليه موديل 2007 عداد 30000 يظهر على الشاشة ضوء نظام الثبات و الانزلاق على الطرقات وأخذتها على مركز الصيانة و قام بإلغاء الضوء ولكن لم تعلج المشكلة و يظهر الضوء بعد لحظات أرجو من أصحاب الخبرة أو اي مركز صيانة ان يتفضل علينا بالمعلومات لحل هذه المشكلة التي تبقى ظاهرة على الشاشة من ESP نظام الثبات الإلكتروني ولكم جزيل الشكر
زهرة 16-10-2013 17:51
 شفروليه ترافرس في سوريا ؟
شو مشان شفروليه ترافيرس ؟ الي عم يحطودعايتها بالتلفزيون ؟؟ برمضان ؟ مافي منها يعني ؟ بدنا نعرف قديه سعرا تقريبا !!؟
عمووور 12-10-2011 06:58
 نسوة
و نسيت ما ءلكن أنو اشارة الشيفروليه بمقدم السيارة عم تفسخ شوي شوي للأسف التجميع الكوري سيء
ahmad 16-07-2011 19:35
 تابع..
وكمان بالنسبة للمقاعد المطوية من ورا آخر شي بتكسر الضهر و مانا مريحة أبدا و مافي مساحة للأجرين طبعا هالحكي بعد تجربة يعني بلا مبالغة لو شالوا كان أحسن بالنسبة للمقاعد اللي ورا السائق تماما وءت اللي عم يكون في كوعات بيزحط الواحد عليا زحط خصوصا أنو الفرش جلد اللي بدي وصلو بالنهاية هو أنو صناعة السيارات انخلقت للألمان لأني جربت الباسات (مع انا من غير فئة بس شي منو و فيه) والتخميد و الثبات الي بالباسات مو طبيعي و أداء رائع و اقتصادي و متعة أثناء القيادة و صوت البفلات أحلى ...بالمختصر ..الألمان وبس
ahmad 16-07-2011 17:26
 رحبة و رياضية...و بس
يا جماعة أخوي عندو ال captiva 3200 cc وكنت سوءا عل الأوتوستراد و بالطلوع يعني حكيي عن تجربة السيارة للصراحة رحبة و حلوة من برا الى حد ما و قوية بس والله أكتر من هيك مافي بمعنى: مافي فخامة و لا في متعة أثناء القيادة و موديل المؤشرات ما عجبني و ما في امتصاص جيد للصدمات يعني اذا بتطلع ع حجرة صغيرة بتحس أنو مافي تخميد بالشكل المطلوب خصوصا أننا عم نحكي عن سيارة دفع رباعي صوت البفلات حلو بس ما بيعبي المخ للي بيحب الصوت النقي المثالي اسا في كم شغلة...يتبع
ahmad 16-07-2011 17:14
 رد على سؤال ضروري
يا سيد انا عندي وحدة 4سلندر وما بيطلعلها صوت قوي نهائيا بالعكس هادية بس يمكن بيطلع صوتها قوي لما بيشتغل المكيف يعني بيصير صوتها نتل المرسيدس شبح .
حسام 25-06-2011 19:19
 السيد الوكيل / شيفروليه /
لماذا الطرازين السابقين / 2 ليتر و2,4ليتر / بلا الاضافات التالية : TCS_HDC_HBA والبالونات الاقل ووو.. المفروض حسب نظام الشركة الام أن تكون جميع الطرازات مزودة بهم بسبب الحاجة الملحة لهم . ورفع السعر يتم حسب سعة المحرك والكماليات والرفاهية بالداخل وليس بالمواصفة الهامة للسيارة .نرجوا أن تكون طرازات عام 2011 حسب النورم العالمي وليس حسب المزاج التسويقي الخاطئ . وشكرا
مهندس خيال 26-04-2011 13:47
 جواب على سؤال ضروري
ياصاحبي يلي عم تسأل عن صوت المحرك هي هيك صوت المحرك تبعها هاد الشي طبيعي أنا عندي وحدة صوت محركها أريب لصوت الديزيل
أب ليث 30-03-2011 18:22
 
يا شباب انا اشتريت الكابتيفا 4 سلندر موديل 2010 بس صوت المحرك عالي شوي وقالولي بالشركة عادي ممكن حدا عندو 4 سلندر يقلي اذا عندو نفس الصوت
سؤال ضروري ؟؟؟؟؟ 10-03-2011 00:40
 أرجو النصيحة
يا شباب أنا محتار بين شفروليه كابتيفا وهيونداي فيراكروز أي منن أحسن؟ بتمنى تفيدوني وألف شكر.
حسام 16-01-2011 04:54
 الشفر مافي احسن منها
اذا اردت السفر ماالك الا الشفر السيارة كتيييير منيحة وجربها اي احسن من الهونداي سنتافيه هي سنتافيه شبيهة بالبوط رياضة تعال جرب الشفر بعدين معاد تعجبك اي سيارة تانية
محمد غازي 05-11-2010 14:16
 
يعنع معقول هيك سيارة بالرغم من قوتها ما فيها اضواء زنون
زنون 30-09-2010 15:59
 .......
الحقيقة مع الأحترام للكل بعتقد أنو كابتيفا أحلى بكتيييير من الx5 شكلا و الكابتيفا أطول وأكبر وأحلى و مرتبة أكتر من الX5 و السنتافيه من جوا وبرا انا أحد أصحاب كابتيفا 3.2 أرجو من الأخوة اعطائي عناوين محلات لزينة هي السيارة في حلب وشكرا لفنات
حسام 20-06-2010 03:31
 النيسان وبس والباقي كلام فاضي
شباب الكابتيفا ولاشي هذي سياره كشكل بس لاني استخدمتها ماتنفع كفور ويل وقطع الغيار غاليه عيل انتو شفتوا سياره تطلع من الوكاله ليت الايرباج والع وليت الايل والع من اول تشيكه هذا كله بسبب سوء الصيانه من قبل الموظفين ويوم بتكلمهم قالك الموظف هذي الاعطال في الدفعه الاولى فقط (نصيحه خلكم على النيسان احسن)
مهير 02-06-2010 14:47
 ممتازة
السيارة ممتازة ولم ألاحظ سوء خدمة في الوكالة ابدا.
سامر محمود 21-02-2010 13:52
 سيارة ذو جودة عالية
انا من احد ممتلكي كابتيفا 3.2 , وكمجرب هي سيارة ذو قدرة حصانية عالية ملموسة , و قليل الصرف للوقود مقارنة بحجم المحرك والسيارة , سيارة انيقة ومريحة القيادة, والسعر مناسب , لكن هنالك ناس يشتكون من قدرة المحرك ذي حجم 2.4 ...
جمال 27-07-2009 15:09
 حراااااام
سعر الكابتيفا هون لعام 2008مليونين ليرة بدون الفراغ بس مع الفراغ سعرها حوالي 2مليون و700ألف بس بالسعودية لعام 2009 سعرها بدون الفراغ56الف ريال بس مع الفراغ سعرها 80ألف ريال يعني 1300000يعني شوفوا إديش الفرق بيضربوا حق السيارة بالدول التانية ب3بعدين بحطوا سعرها هون يعني مو حرام لحنا بشر ولا شووووووووووووووووووووووووووووووووووووووووووووووووووووووووووووووووووووووووووووووو
عيسى 26-06-2009 15:47
 رد
بالنسبة للاستهلاك كابتفيا كاملة 3.2 يمكنني القول نتيجة التجربة السفر عدة مرات الى حلب داخل البلد جوالي 140 كم/تنكة السفر حوالي 190 بدون مكيف كم/تنكة السفر حوالي 180 بدون مكيف كم/تنكة
dr hussien 17-05-2009 22:08
 خدمة بسيطة
ياشباب بالله علبكن حدا يعطيني معلومات دقيقة عن الكابتيفا مثل الجودة القوة مصروف البنزين لل 3,2والله محتار بينها وبين سانتافيه 2,7
راعي الميغان 10-05-2009 04:41
 من جد ؟؟
من جد الناس عم تقارن سيارة "شبه فورويل" بمحرك 4 سلندر بتوضع عرضي و دفع امامي اساسا , وبأداء بسيط و جودة عادية و مواصفات اقل من الوسط بسيارة رياضية بدفع رباعي ومحرك جبار وبأنظمة قيادة خاصة بالصانع البافاري ( بي ام في) وفخامة سوبر ؟؟؟؟
تروجان هورس 21-04-2009 18:20
 سيارات ممتازه وشركه اسوأ من سيئه
لا استقبال ولا صيانه ولا قطع تبديل وموظفين قليلين الادب والاحترام
حمزة 18-02-2009 13:44
 لا يمكن المقارنة مع ال x5
طبعا لا يمكننا مقارنة الكابتيفا مع ال x5 نهائيا لأن الx5 تبقى للطبقة العالية من المجتمع أما الكابتيفا فهي في متناول طيقة واسعة من الشعب وهي جميلة جدا ويمكن مقارتنها مع السوناتا ومع امثالها ,, اما السيارة التي تقارن مع الx5 فهي انفينيتي fx50 موديل 2009 فهي سيارة تنافس ال x5 بجادرة في مواصفات الداخلية وشكلها الرائع ومحركها الجبار الذي يمكنها من الوصول ل 100 كم بأقل من 6 ثوان وسعرها الذي ينخفض عن الx5 للنصف تقريبا فهي تتفوق على ال x5 بالسعر وفي اشياء كثيرة وتنافسها بقوة شديدة .
صدّيق 18-01-2009 00:20
 أين تاهو
أين تاهو مع أنها متوفرة بالطريق، ارجو تزويدي بالمعلوامات أو جلبها على موقعكم؟
سويد 12-08-2008 00:29
 معجب بصناعة كوريا
عندما يفكر المواطن بشراء سيارة جديدة فسيكون اول ما يبحث عنه سيارة تناسب امكانياته المادية ثم يبحث عن الامور الاخرى كالشكل والمواصفات وسيارة شفرولية كابتيفا هي من اجمل سيارات 4*4 ولاتقل لا جمال ولا اناقة عن بي ام x5 وهي بمتناول شريحة اكبر من المواطنين بعكس x5 التي تبقا خيار للطبقة الغنية والغنية جدا فقط ومن الجيد ان شفرولية قد قررت تصنيع كابتيفا في كوريا ليبقى سعرها معتدل ولتكون سيارة جيدة وعمرها طويل مثل باقي السيارات الكورية وليس كالامريكية خلال سنتين من استخدامها ستتمنا لو انك لم تشتريها
نضال 09-08-2008 14:06
 واو
ياخيو السيارة روعة أنا أبي عندو منها بصراحة وبدون أي مجاملة بتشبه الx5 أنا خالي عندو الx5وأبو الشفرلي تسابقنا مع بعض الx5 سبقتنا بس كنا رح نجيبون يعني مافي فرق حتير
وض 03-08-2008 18:19
 تصحيح معلومات
إن السيارة جيدة ولكن ارجو تصحيح استهلاك الوقود حيث الطراز ( 3200 س س ) يستهلك داخل البلد 110 كم / 20 ليتر وبالسفر لا تتجاوز 150 كم / 20 ليتر .
S.H 01-07-2008 10:24
 روعة
ياشباب السيارة مافي احلى منها وخصوصي التيبترونيك بتجنن وبالطلوع خيلية سبقت الجاكور
جوزيف 07-06-2008 17:01
 احلى سيارة
السيارة بتجنن وكتير حلوة وانا ملاقيها احسن من هونداي سانتافي بكتير وانا جربتها كتير منيحة وفيها كل المواصفات المطلوبة.ما شاء الله كتير قوية في الشد على الطرقات وفي الطلعات
حسين الشوم 30-05-2008 01:50
 ممتازة
السيارة ممتاوة وانا جربتها وباكد على هالحكي صح هي مو متل الx5 او اللاندروفر بس كمان مالها متل الهونداي سانتافي يعني سيارة ممتازة بالنسبة لسعرها وفي متل بقول الي ما يطول العنب بقول عنو حامض
اسال مجرب 27-03-2008 02:54
 السعر
شباب الي بدو يركب سياره محترمه بدو يدفع ولا بدك الي يسوى والي مايسوى يركب احسن سياره مثل الخليج مع احترامي للجميع
obada 18-03-2008 13:29
 
يا سيد (عقاد) انت معقول بتشبه هي السيارة الكركوبة بالx5 واللاند روفر اول شي جرب الأكس فايف واللاند روفر بعدين احكوم السيارات الكورية زباااااااااااااالة طبعا مع الاحترام
الخبير 21-02-2008 15:17
 shevrolet
ليش يا اخ غيث شو فيا اليشفروليت ما في احسن منا
ninos 25-01-2008 12:40
 مابتسوى
افضل شراء هونداي سانتا في ، حيث انها اوسع وافضل، وااكد لاخواني انو فعالا الامريكي وخصوصhotا جاي من كوريا ما منو فايدة وغير عملي وشكرا
غيث 06-12-2007 20:05
 الفرق
الرجاء من فنات ومن المجرب الفعلي تبيان الفرق من الناحية العملية بين التريبترونيك والاوتوماتيك وشكرا
mounir 13-11-2007 16:06
 يتبع
نسينا انو هي كمان دايو ونستورم
رزان 23-10-2007 16:15
 ملاحظة مهمة جدا جدا جدا
سيارة كابتيفا هي نفسها اوبيل اونتارا باوروبا وباستراليا اسمها هولدن وطبعا كلون طالعين من نفس المصنع بكوريا--- دايو --- وبنفس المواصفات الا انو غير محرك متل الديزل سيارة منافسة بقوة
رزان 23-10-2007 15:55
 يا ريت كلام يتصدق
معقول تاجر سيارة عارض هل السيارة وما عم ينصح فيها اي شو هل الحكي دخلك لكان شلون عم يبيعو اليوجين ولا شيري سيارة ممتازة جدا جدا جدا وازا بدك تاخد سيارة بقوتها وبمواصفاتها بدك تدفع دبل هل السعر بغير سيارات
رزان 22-10-2007 16:13
 كلام
انا صراحةقريت كل التعليقات ومع احترامي لكل الاراء بس بالفعل هل السيارة بتستاهل سيارة محشاي مواصفات وممتازة من كافة النواحي ويلي مانو مجربها يا ريت يجربها بعدين يحكم يعني سيارة بسبع ركاب ومحرك قوي 3.2 (230) حصان وفيها تسع انظمة وتحكم وامان وثبات وفي من هل الانظمة مو موجودة غير باالاكس فايف واللاند روفر عداك عن الموافصات الداخلية وصراحة انا ما ارتحت بسيارة متل هل السيارة وطبعا كل واحد الو رايو وهاد رايي وانا بنصح انو تتجرب لانو اكيد يلي راح يجربها الا ما يشتريها وان شاء الله تكون هي نصيحة مسموعة
عقاد 22-10-2007 16:07
 ما تستاهل هالسعر
و الله إنه إحنا مظلومين و بعدين الشركة ما تعطينا مواصفاتى مثل المواصفات الأوروبية و بعدين السيارة اسم على غير مسمى و المعنى إنه كنا متوقعين شي أحسن من هيك السارة كمظهر خارجي حلوة بس من خوا ما نلاقي شي بيستحق السعر
thecyberlion 15-10-2007 18:46
 غالية كتير
السيارة حلوة ما قلنا شي بس لاحظ معي حتى تاخد المواصفات الكاملة بدك تاخد كابتيفا LTZ 3,2 تيبترونيك يعني مضطر ع 3.2 و رسومها السنوية ولاتنسى ثمنها البالغ 2873000 وهاد سعر كبير
yazan 22-09-2007 22:05
 هلق النيسان مورانو سيئة؟؟؟
لك أنا سايق نيسان سني كانت أقوى من الشيفروليه لومينا وسقت نيسان مورانو محركها لحالو بيسوى 10 سيارات أميريكية فما بالك أميريكية مصنعة بكوريا..والله بعد محرك النيسان مافي..قال شو طلعت سيئة ليش حضرتك خبير في مصانع فورد أو بي ام وما درينا؟؟؟ حكي عن السعر أما عن الأداء؟؟؟؟؟ هه آخر زمن!
الياباني هو الأصل 18-09-2007 22:54
 والله حرام
عنجد حررررراااام هيك شعب معتر يدفع هيك اسعار خيالية مشان حضرت الوكيل وكمان رسم فراغ ورفاهية كبيييير كتير بيساوي قد حق السيارة. ياحرااام على هيك شعب مابيصير يعيش مرفه متل دول الجوار لبنان والاردن.
الفارس الشامي 06-09-2007 02:45
 طاسة ضايعة
انا برأي انو نحنا كمعدومين سيارات بسوريا منشوف السيارة خيالية وفووووووووول اوبشن بس السيارة ماتسوى شي بالنسبة لغيرها وحرام يندفع فيها اكتر من 500 الف هاد ان غلي سوقها لانو بجارتنا لبنان بركب شبوحةب500 الف يلي بحلم انو شوفها بسوريا بس شو بدنا نقول الله بيبلي وبعين
جوووووووووو 02-09-2007 12:35
 يا ريت يلي مايفهم مايحكي
أولا انا اشتريت هل سيارة وهي ممتازة وسعرا يعتبر معقول بالنسبة لغيرا اما يلي ساكن بالسعودية خلي يبقا بحالو فهو بسعودية واكيد يشتريا بالسعودية مو بسورية ويلي من الكويت يلي يقرا منيح لنو السيارة محشية بالمواصفات كاملة الموصفات فتحه بالسقف رنجات كشنات جلد مثبت سرعه اي بي سي ترابورتيري ما بعرف ليش بيفضلو السانتافي مع انو فيون نفس المواصفات بس محرك اقوى واسم العملاق الاميركي شيفرولية فمثلا النيسان مورانو وبعد التجربة الشخصية كانت سيئة جدااااااا ووضعت فوق سعرها مليون ليرة ولم ينفع وسعرها اليوم3700000
dr.love 19-08-2007 06:47
 رائعة
أول شي السيارة رائعة جداً وتصميمها جميل وفذ وعلى النموذج الأوروبي بس بلمسة فنية أميركية ، واللي بدي قولو إنو لايمكن مقارنتها مع التريل بليزر الجربانة ،صحيح السيارة ناقصة تقريباً كل مواصفات الدفع الرباعي التقنية بس لايمكن مقارنتها مع شراهة البليزر للبنزين. والسيارة محققة أرقام قياسية بالنسبة للأداء في أوروبا .طبعاً ببلدنا ممكن قلة المواصفات تسيئ لسمعة السيارة بس لاتنسوا أنها سيارة من المستوى الرفيع ومواصفاتها بتساعدها على منافسة مثيلاتها في السوق .
moh 09-08-2007 15:17
 Good 4X4
السيارة جيدة ومعتبرة ومرغوبة في أوروبا على الرغم من كونها كورية. لاتنسوا أن لمسات شيفرولية الأميريكية موجودة فيها .
فادي 20-06-2007 22:24
 شو هل عالم هادي
ياجماعة بليز يلي ما بيفهم بالسيارات ما يعلق بس مشان يعلق السيارة حلوة كتير و فيها أجهزة أمان و تقنية عالية جدا أكتر من أي سيارة كورية عنا بالسوق وعلى سبيل المثال : نظام التحكم الأوتوماتيكي بارتفاع السيارة و نظام منع اضمحلال قوة الكبح و نظام التحكم الديناميكي بالتماسك و نظام التحكم بالدفع بالاضافة للمواصفات المذكورة في فنات.كوم و السيارة معدة للمنافسة مع السيارات الأوروبية يعني هاي كوالتي كلها مبنية بجودة تصنيع ممتازة و عالية . أحسن من كل سيارات الدفع الرباعي الكورية بالسوق و السعر مناسب .
ALOOSH 14-06-2007 23:13
 عيب
الغريب انو حتى تجار السيارات اللي عارضين هالسيارة ما عم ينصحو بشراءها لأنها من برا يا سلام و الواقع يا حرام هالمصاري تندفع عهيك مواصفاتز بس شو بيعمل المواطن الغلبان اللي الشوارع عندو بدا هيك نوع من السياات لتخفف عنو شوي طجات الطريق. على مبدأ (خيرت بين أمرين أحلاهما مر)
باسل 05-06-2007 14:15
 يا حرام من بره خام و من جوه سخام
الحمدلله فيها علبه نظارات لانها من المستلزمات الضروريه للشاب الحالي شو وين بدو يحط النظارات حرام هيك سعر عا هيك سياره يا محلى السنتافيه جنبها مشان كم ليره
gabo 28-05-2007 17:57
 تريل بليزر
في سيارة عنا بالسعودية اسمها تريل بليزر وسعرها فل اوبشن 108 الف ريال ويلي بيخطر على بالك بتشوفه فيها اكيد اهل الخليج بيعرفوها
أمير 24-05-2007 19:30
 ياحيف على الوكيل
معقول يا ناس لسه في فور باي فور ناقص كل هل المواصفات البديهية ..وكوري؟؟ إي والله لو أنه فور باي فور أوروبي وبهالسعر كنا قدرنا المواصفات الغير متواجدة أو المسحوبة منه بناء على طلب الوكيل !!.. على كل حال بأوروبا في حد معين لشيل المواصفات من أجل السلامة العامة .. على كل حال مش الحق على كوريا وأميركا الحق على الذي يرضى أن يدفع هيك مبلغ لهيك مواصفات .. ويا حيف على الوكيل ..!!
أيمن 15-05-2007 12:43
 شو الاسعار الخياليه
عن جد شي غريب هادي السياره بالكويت سعرها 4700 دينار كاملة الموصفات فتحه بالسقف رنجات كشنات جلد مثبت سرعه اي بي سي ترابورتيري يعني السياره مكبوسه كبس بالمواصفات لسى من كم يوم كنت بمعرض الغانم وشفتها و 4700 يعني تقريبا شي 800 الف كيف صارت بالسعر هاد عندكم مابعرف ياناس رحمونا يعني الواحدبركب سياره بالهند بس بسوريا مافيني اركب سياره حرام عليكم ليش بتعتمدو على السعر العالي بدول التانيه بعتمدو الربح من قطع الغيار واليزوت والسيرفيس بمعنى سعر رخيص وبيع كيتر انا ليش عم احكي هيك فعلا لا حياة لمن تنادي
باسل 18-04-2007 19:25
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.