بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
 ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
لادا
كم نجمة تعطي لهذه السيارة؟
نتيجة التقييم:   عدد المشاركين بالتقييم: 81
عدد التعليقات: 124
 Jordan
يعطيكم العافيه انا معي لادا نيفيا 94 سياره ما شاء الله عنها بس عندي مشكله وبعاني منها من فتره عندي بلمشي بسير لو جير يرج وبخابط ورجه قويه وخصوصا ع الطلوع غيرت حمالات اللو جير الرباعي وجلدة 6براغي وبعدها نفس المشكله حتى اطيريت اشيل جير 4×4 وخليتها ع الدفع الخلفي فإذا في منكم حدا بعرف شو مشكله وحلها يا ريت يخبرني
Mahmoud 07-02-2018 21:26
 سؤال
وين بلاقي جهاز فحص للادا لانو عندي مشكلة بصرف البانزين 120 و رجة محرك عند التفضاية المشكلة انو مافي وكالة بهل الأيام
طارق 09-05-2013 00:00
 لادا 112
السيارة كتير قوية وبتتحمل الطرق الوعرة والطلوع القاسي ومناسبة لسوريا والمحرك قوي والصاج ماكن بس علة المكيف ونصيحة للشباب يلي معون منها يركبو بواجي بوش 4 رووس بدال العادية بس او بواجي ليزر بوش وشوف السيارة لح تتحول سوبارو وماكنة عالارض مشيت فيها من دمشق لحمص 190 كم /سا ويركب الشخص اطارات سرعة عالية ونصيحة لاتغير الجنط فرش جلد ومجموعة صوت واشطمان رياضي وسيارة بتصير بتجنن ومتل السوبارو او لانسر
ابوفايز المحروس 02-08-2012 17:49
 سيارة اكثر من رائعة
انا عندي سيارة لادا 112 من 2004 سيارة قوية ورائعة ولامرة حمية السيارة معي ومحركها اقوا من المحركات الكورية
castle 19-05-2011 22:53
 
السيارة جيدة يعني بس يضعوا للسيارة مكيف ويضعولها شوية رافهيات
عبدالله الخطيب 03-03-2011 22:47
 لادا كالينا الاخ كاليني
جزاك الله خيرا ع توضيح مشاكل كالينا 2006 كومبيوتر احترق مقود قاسي -- اشارة مقود والمحرك ع الشاشة شو بعمل يا جماعة صارلا واقفة 10 ايام كل صناعي بيقلي شكل الاهم الكومبيوتر بيصلح وكيف اخلص من اشارة المقود والمحرك وكمان ترميشة المفتاح ع الشاشة وكمان سيارتي بتصرف بنزين شكرا
قيس 28-02-2011 20:59
 
انا لدي سياره لادا كالينا موديل 2006 وهي سيياره جيدة وجباره لكن هي الان لا تعمل بسبب ظهور اشارة مفتاح على اللوحة ما هو سبب ظهور هذه الاشارة وكيف يتم اصلاحها على الاخوة المعنيين ان يدلوني على الحل
سلام حشيشو 12-10-2010 00:32
 عاشق اللادا
اللادا سيارة منيحة بالنسبة لسعرها وبسسسسسسسسسس يعني على قد ما بتدفع على قد ما بتاخد
waled 21-06-2010 20:45
 ولا في أحلى
يعطيكم العافية على الاستجابة السريعة عندي استفسار الرجاء الرد عليه وبسرعة لدي سيارة لادا 2112موديل 2002 تواجهني مشكلة في السارة وهي تنتيعة في السيارة خاصة عند اعطاء عزم للسيارة , رغم تبديل ألـ tps ,وسنسر الكرنك......أرجو الرد مع الشكر ...الاردن
كريم الفقهاء 14-04-2010 08:30
 أنا لا أحب اللادا كثيراً
بصراحة السيارة جيدة و عملية و لكن لا يوجد فيها أي شيء من ميزات الرفاهية فهي قاسية على الطريق نوعاً ما ، و المقود فيها ليس هيدروليك و لا يوجد فيها مكيف ، بالنسبة للمسجلة فلا مشكلة ممكن أن يتم تركيب فيها واحد بسهولة و لكن بالنسبة للمقود أو المكيف فلا يمكن تركيبهم بسهولة. و كما سمعت فلا ينصح بتركيب مكيف بها لأنه لا يوجد له مكان. أما بالنسبة لاستهلاك الوقود فتعتبر اقتصادية بامتياز
سامي 28-12-2008 12:53
 توضيح أنا موافق
قصدي انو معك حق بأنو السيارة مانا بناتية أبداً ...على كل شو الخيارات المتاحة بالنسبة لسيارة بهالسعر؟ كيا موررننغ؟ ولا بيجو 206 ايرانية الصنع..(في عندك سابا كمان!) يعني بصراحة هي السيارات كمان مابتعطي (بريستيج) ومابتعطيكي اداء احسن من اللادا(وماكتير بيهمك الأداء)...بس انو ناعمة(خصوصاً المورننغ) مافيي قللك شي ..ببساطة شوفي شو الخيارات اللي بتناسبك و بيعيا ...ومن كل قلبي انشالله يصير معك حق الـcrv
king of lada 20-10-2008 22:32
 تبديل اللادا
إلى KING OF LADA شكراً على ردّك. أرجو توضيح قصدك من إذا أردت تبديلها فأنت موافق؟ هل تقصد بأنك موافق على شرائها؟ أما عن اقتراحك بأن أشتري هوندا CRV فأنا لو كنت أملك ثمنها لما اشتريت لادا من الأساس. ولكني أتكلم عن السيارات ذات الأسعار المماثلة للادا وكذلك عروض التقسيط، علماً أن سيارتي اشتريتها بالتقسيط. بانتظار ردّك يا سيدي.
مخدوعة 13-10-2008 12:16
 بالنسبة للصديقة المخدوعة
انا ممكن اتقبل الفكرة اللي بتقول انو اللادا مانا سيارة (بناتية) لهيك اذا قررتي تبدليا فأنا موافق!!!! (انبسطي) ....في كتير خيارات واذا بدك انا بنصحك بهوندا crv اذا معك حقا
KING OF LADA 28-09-2008 02:38
 انا مع جميع من يقول ان الوكالة مقصرة
أولا .. أود أن اخبركم بأني تعرضت لحادث سير من قبل (شاحنة عملاقة) ولكن الحمدلله لم يكن مسرعاً لكنه بعد صدم سيارتي ال112 من جهة السائق(أنا) والراكب الخلفي(لا أحد) وبعد دفعها أمامه حوالي أربع أمتار نزلت من السيارة و انا متأكد انها (صارت للكب) ولكن وياللمفاجأة( شوية طعوجة..وشوية قحط دهان) طبعاً الزجاج مكسور (هلأ بشهادة الجميع لو غير سيارة كانت شقفتين...والله يرحمني) ....وأنا الآن منذ شهرين انتظر وعود الوكالة بتوفر زجاج الزاوية اليسارية الخلفية...أخيراً السيارة جبارة بالفعل ..والله يسلم الجميع
king of lada 24-09-2008 02:14
 نق نسوان
اشتريت لادا 112 من حوالي سنتين ونص وبصراحة ما بحس إنها أقل من السيارات الغربية بأي شي. بالعكس بحس إنها مظلومة وفيها ميزات ممتازة. مثلاً على طريق السفر ممكن إنها تمشي أكتر من 350 كم بالتنكة وثابتة على الطريق وقوية. بصراحة مرة وصلت سرعتي فيها 160 كم/سا وضلت ثابتة ومتوازنة . كمان صندوقها كبير وبيساع كتير غراض وقطعها رخيصة ومتوفرة. وأنا متأكد إنو بنفس سعرها ما في أحسن منها لا صيني ولا كوري ولا غيره.
مشجع للسيارات الروسية 13-08-2008 14:15
 لادا !
لادا بأي حال من الأحوال ليست طنبر و لايمكن أن تشعر فيها بهذا الاحساس
كاليني 26-07-2008 14:37
 لادابشكل عام
أود أن أضيف أيضاً أني اشتريت لادا 112 في شهر 9 2007 من الوكالة، أي قبل أقل من عام، وعندما أقودها أشعر بأنني أقود طنبر وكأنه مضى على شرائها 10 أعوام. طبعاً جماعة الصيانة مخادعين ولا يقومون بأي صيانة للسيارة ضمن فترة الكفالة. وأنا نادمة جداً على شرائها وأنتظر اليوم الذي سأتخلص منها فيه. من ناحية أخرى هناك سيارات أفضل منها بكثير وبنفس السعر ويمكن أرخص وفيها مكيف ومسجلة محترمة وقد رأيت ذلك بأم عيني. ومن الواضح او الوكالة تشفي السيارة من جميع الميزات لتحصل عل أكبر ربح ممكن هذا رأي ونصيحتي بعدم شرائها
مخدوعة 10-05-2008 10:10
 إلى الأخ عبد الناصر
رجاء حار حار حار من الأخ عبد الناصر بذكر اسم أفضل محل لتركيب المكيف فسيارتي لسه جديدة و أريد أن أركب لها مكيف أو أن تذكر لي ماركة المكيف و تكلفته رجاء حار حار
حمودة 01-05-2008 16:29
 مو معقول
أنا أستغرب من تعليق واستفسار الأخت بأن سيارة لادا 112 أو حتى أي نوع لادا لا يركب له مكيف وبالحقيقة فإن هذا النوع يركب له مكيف بشرط أن يكون المكيف فعال ويفضل أن يكون ياباني وفي حوش بلاس أنا رأيت محل يركب مكيفات للادا حصراً وبكل فئاتها وعند استفساري من بعض زبائنه أجمعوا بأن العملية ناجحة تماماً والمحل في حوش بلاس في الكتلة 11 ولا أذكر أسمه والحقيقة هناك عدة محلات تركب مكيفات للادا .
عبد الناصر 30-04-2008 18:15
 مكيف هواء-2
لقد سبق وأرسلت استفساراً عن موضوع تركيب مكيف هواء لموديل 112 ولم أتلق أي رد، هل هذا يعني أن المشكلة قائمة مع الجميع ولا يوجد لها حلّ. الحقيقة أشعر أنني خُدعت من قبل الشركة ليس فقط بما يتعلق بالمكيف ولكن بالسعر أيضاً، إذ أن هناك سيارات كثيرة أفضل من اللادا وبمواصفات جيدة وبسعر مماثل أو أكثر بقليل.وأتمنى أن يأتي اليوم الذي أتخلص فيه منها.
مخدوعة 26-04-2008 14:52
 مكيف هواء
عندما اشتريت لادا 112 قالوا لي في الوكالة أنها مجهزة لتركيب مكيف هواء، وطبعاً صدقتهم. بدأت أسال عن هذا الموضوع عند معظم المختصين بتركيب المكيفات ولكنهم أجمعوا أنه لا يمكن تركيب مكيف هواء لها، وأنه لا يوجد مكان مخصص لتركيبه، وأنه حتى لو تم تركيبه فلن يعطي نتائج مرضية. أرجو إفادتي في هذا الموضوع، وإن كان قد تم تركيبه فعلاً لهذا الموديل بالذات، ومن هو المختص الذي قام بتركيبه، وكم هي تكلفته، وأهم شيء هل هو فعّال؟
شارية يائسة 25-03-2008 13:00
 اللادا محرك
أنا اشتريت اللادا من سنة وبالفعل سيارة رائعة قصدي العملية لم أصلح فيها سوا قطعة واحدة وبدلتها من الصيانة ببلاش صرت ماشي فيها 13000 كم وهي أقوى من السابق سعرها أرخص بكتير من غيرها وخرج طرقاتنا وما خيبتني ولا يوم يعني للذي يريد يشتري سيارة صينية خلي يصرف النظر
زياد 26-01-2008 15:04
 عجبي
عجبي ممن يضيع وقته بفرض نفسه على الغير اللادا سيارة جيدة مقارنة بسعرها وانا كسوري افتخر بكوني اشتريت سيارتي من تعبي و عرقي هذه السيارة مناسبة جدا لدخل المواطن السوري و هي تساعدني كثيرا في التعامل مع امثالك عندما تقود ببهلوانية كبهلوانية تعليقك غير المفيد و غير المجدي
كاليني 09-01-2008 19:25
 تعليق
اخي فهد انا باكدلك انو لهلا سيارة لادا يلي اشتريتها كتير منيحة معي وعم تعمل اكتر من المتوقع وانا لهلا ما اضطريت لتصليح اي شي بالسيارة بس الشكوى من الروسي بشكل عام هو بقلة الاهتمام ببعض الامور كالفرش والتابلو اما عدا ذلك فالسيارة جيدة جدا وافضل بمليون مرة من السيارات الصينية موتورها قوي وصاجها متين جدا ومصروفها مقبول (190-200) بالتنكة لذلك انا ما عم ضيع وقتي بتصليح الللادا وانما هي مجرد استفسارات لا اكثر وتحية للسيد كاليني مرة اخرى وانت الله يعطيك العافية على ملاحظاتك القيمة
احمد 08-01-2008 09:23
 تعليق
اخي كاليني واخي احمد الله يعطيكن العافية على هل اخلاق الرائعة يلي عندكن متفائلين و متسامحين ومأضين وقتكن بتصليح هل لادا بس السوأل ما حابين تعترفوا انو هل سيارات طنابر ما بضل منا بعد عشر سنين الا دفتر الميكانيك هدا اذا ما دخل ماء المطر جوا التابلو وانقرض كمان الله يكون بلعون
fahd 07-01-2008 00:53
 نسينا علبة الدركسيون
من المحتمل أن التخبيط ناجم من علبة الدركسيون وليس من الدوزان
كاليني 08-12-2007 15:51
 مصروووووف اللادا
مصروف اللادا 112 من 180 إلى 200 في التنكة وسطياً ما بين الصيف و الشتاء و التخبييييييييييييييييييييييييييط مشكلة بالدوزان و آآآآآآآآآآآآآآآسف سيد أحمد من كل قلبي على التأخير و شكراً لموقع فناااااااااااااااااااااااات الرائع جداً
كاليني 08-12-2007 14:13
 مصروف اللادا110
اخي كاليني اسعد الله اوقاتك اشكرك على جميع ردودك وسعة صدرك ولكن لنا بخبرتكم بسيارات اللادا الثقة التي نأمل ان تفيدنا دائما واسألك بالنسبة لمصروف اللادا هل يتغير مع الوقت وكم هو المصروف الفعلي للادا داخل المدينة وخارجها وكيف يمكن التحكم بمصروف السيارة لانني لاحظت ان المصروف زاد مع بداية فصل الشتاء كما ان هناك تخبيط بالسيارة كيف يمكن التخفيف منه أو التخلص منه نهائياً وشكرا لك سلفا اخي كاليني
احمد 08-11-2007 13:41
 vaz 2112 ...
تتمة بالنسبة لمشكلة الحماوة ما بعتقد بعد لسا موجودة و بعتقد أنها لما تنوجد بتكون بشكل عطل يعني مو مرض تصميمي ... لأنو بحد علمي خبراء الشركة أجو ودرسو الجو بسوريا ..... والمشكلة برأيي حلها بسيط تصميمياً ... السيارة شغالة تكسي و لاحظت ما حدا اشتكى من هالناحية ... بس المواصفات يا جماعة و السعر بالنسبة للمواصفات ... هيك حرام والله حرام... لادا صنعوها صناعها للطبقة الفقيرة جدا روسيا عم تجمع بي أم و مرسيدس و رولزرويس و غيرها بمصانعها ...
ماهر 02-11-2007 16:55
 vaz 2112
برأيي : اللادا 112 منيحة شكلاً ، بس مواصفاتها اللي نزلت ع سوقنا قليلة كتير ... بل و معدومة وهالشي ( لعبة تجارية بحتة ) اللي حابب يشوف مواصفات بدو يبحث عنها عالميا بأسم vaz 2112 ورح يشوف المواصفات و الاسعار ... الجدير بالذكر أنو من الناحية الداخلية ( الفرش و التابلو و الاكسسواريز ) من نوعية مش ولا بد ... يعني فوق السئ بقليل ولكن عملي ...وهالشي باعتراف شركتها الأم لادا هلق عم تتعاون مع شركة magna العالمية لحتى ترفع من جودة الاكسسوارات وخصوصا ( البلاستيك ) يعني القصة قصة تمويل
ماهر 02-11-2007 16:49
 وين الماسكفيتش؟Moskvich??
يا جماعة اللادا وعرفناها ... بس أزا بدكون الصراحة اللي بدو يشوف القوة وخصوصي قوة الهيكلية يركب الموسكوفيتش ( الجديد ) صقال جاب منها بيك آب أول ما بلش .. بس بعدين معد جاب لييييش اللله أعلم !! شوفو الموسكوفيتش على الانترنت وخصوصي سفياتوغور و الكاليتا kalita ... عم تجي شد رباعي وبمواصفات تانية كمان ....
ماهر 01-11-2007 19:30
 هروب من الصيانة ضمن الكفالة
بعد 9000 كم تم تعطل الدبرياج - ذهبت لاصلاحه واذ بهم ينزلون علبة السرعة ويستبدلون الرومان - كلف تصليحه 1400 ليرة - على الرغم من انني ضمن الكفالة- وحجتهم هي انني لا اراجع الشركة لاستبدال الزيت . دفعت دون عل القلب مع صقال والاده - وبعد 1000 كم اي السيارة مشت 10000 كم - اضررت الى استبدال البطارية . والله اعلم ماذا سوف استبدل ايضا . الذي اريد معرفته ماهو دخل استبدال الزيت بكسر رومان علبة السرعة و بتغيير البطارية . الله الوكيل لم يمضي على شرتء السيارة اكثر من 6 اشهر
lada11 30-10-2007 18:01
 الاستاذ أحمد
السيد احمد شكراً لك من كل قلبي ، و الآن مع المرجلة الثانية من التعامل مع الوكالة ، إذا عندك شدودة أو رصرصة أو أي شيء بسيط جمعهم و اذهب يوم تغيير الزيت و اكبيس بإيد الصانع خمسين ليرة بيساويلك اللي بدك ياه بدون عذاب . السيد أحمد للأسف عندك مشكلة لاأعرف لها حلاً ولكن جرب هذه الطريقة . افتح كونتاك و اتركه عشر ثواني اضرب مرش و لكن ضع قدمك على منتصف الدبرياج (عند المكان الفاصل الذي تقف عنده السيارة بالطلوع هل عرفته)وحرك الدبرياج حركات بسيطة بيمشي الحال هذه الحالة تعود غالباً إلى البنزين الرائع عندنا
كاليني 30-10-2007 16:32
 لادا
استفسار اذا اشتريت أي نوع من سيارات اللادا وأريد تحويلها الى أوتوماتيك في امكانية وبأي نوع ، وكم تكلف . أرجو ابلاغي بالجواب على بريدي الالكتروني
سامي 25-10-2007 14:19
 لادا 110
الاخ كاليني شو اخبارك... بحب خبرك بأنو عملت بنصيحتك والشركة هالمرة ما قصرت ابدا وتم تغيير القطعة التالفة وبمعاملة جيدة جدا.. واذا الشركة بتبقى هيك معاملتها فالوضع كتير ممتاز يا ريت اخي كاليني تشرح لي سبب عدم دوران المحرك من اول مارش خاصة مع بداية فصل الشتاء وكيف يمكن التعامل مع هذا الامر ولك فائق احترامي وتقديري
أحمد 22-10-2007 11:05
 الأخ أحمد
الأخ أحمد شرفني التعرف بك ، كل التحية لك و كل الشكر ، بالنسبة لـ 110 ليس لها ضوء و لكن يمكن أن تضرب مارش مباشرة بعد انتهاء الصوت الخفيف الذي تسمعه ، و هذه العملية مفيدة جداً للحفاظ على حساسات المحرك .
كاليني 12-09-2007 02:15
 شكر وتقدير
اشكركم جدا على اجاباتكم الغنية وأطرح سؤال اخر هل ممكن للأكس الامامي الجهة اليمنى جهة الراكب( طبعا الاكس الفارغ )ان يتعرض للفتل بدون حادث تصادم بمجرد السير على الشوارع الوعرة وشكرا.
كريم الفقهاء 11-09-2007 12:53
 شكرا كاليني
اخي كاليني اشكرك جزيل الشكر على ردك ودماثة خلقك ووعد مني لك بأنني سأكون غليظا جدا في زيارتي المقبلة لصيانة صقال وانا من دمشق وتشرفت بالتعرف عليك فأهلا بك وبكل اهالي حلب وانتظر ردك بشأن 110 شكرا جزيلا مرة اخرى وتحياتي لك
احمد 10-09-2007 19:39
 بالنسبة للمرش
في الواقع أنا عندي شكل الضوء دائرة في داخلها إشارة تعجب و بعد خمس أو ست ثواني من أول طقة يطفي و بعدها يمكن ضرب المرش بأمان وهذا الضوء بجانب باقي الأضواء كالفرين و الضوء العالي و مستوى الزيت ... بالنسبة لـ 110 سأسأل لك و لكن قد أتأخر عليك قليلا فاعذرني إن فعلت .
كاليني 08-09-2007 19:22
 خليك غليظ
السيد أحمد بالنسبة للذهاب إلى الصيانة أولاً يجب أن تتحلى بسماكة الدم و الغلاظة و أن تطلب منهم كل ماتحتاجه فهم زرابون لأن صقال ( أتكلم في حلب ) كباقي وكالات السيارات ( لاتظن أنك مغبون فالوكالات كلها سواء ) لايفتتحون ورشة بأنفسهم و يعينون فيها عمال لتقوم بأعمال الصيانة بل يعهدون بالصيانة إلى محلات عادية في السوق و يسمونها الصيانة وهذا الأخير موفاضي لا للرصرصة و لاللشدودة هو فقط ( ككل المصلحين ) يقوم بتغيير القطع و قبض ثمنها مع التركيب ، لاأدري أنت بأي محافظة ولكن في حلب أخذوا مني 550 فقط !
كاليني 08-09-2007 19:17
 110
من أجل المرش: عند ادارة المفتاح على اول طقة هناك ضوء أحمر على يمين مفتاح المرش يضيء ويطفي وعند فتح المرش يبقى مضاء فهل قصدك هذا المفتاح ام الاضاءة الخاصة بلوحة كمبيوتر الاعطال..مرة أخرىاشكرك لانك فعلا تعطيني المعلومة التي احتاجها ويا ريت تعطي معلومات اساسية عن 110 وشكرا
احمد 06-09-2007 09:26
 شكرا على الرد
شكرا سيد كاليني على ردك ولكنني ذهبت إلى الوكالة بعد 10 أيام لأنني لم انتبه إلى الكسر في التابلوه إلا بعد هذه المدة ولكن الشركة اخبرتني بعدم توفر القطع حاليا أما الكسر عند زاوية البلاستيك الامامي فأعتقد أن الشركة لم تكلف نفسها إعطائي الجواب بإمكانية لصقه فقط اخبروني بعدم توفر القطع ثم ان الصيانة الدورية كانت أقل من عادية اذ لم يفعلو شيء فيما يتعلق بشدودة للسيارة وفحص البواجي وكهرباء السيارة الخ وكل شيء عملوه هو تغيير الزيت وحصلوا مقابل ذلك على 1150 ليرة سورية فقط؟؟؟ يتبع
أحمد 05-09-2007 12:32
 السيد كريم تتمة
الحل الآن : الشخص الذي يقوم بتعديل البلنص يستطيع كشف الجنط أو الدولاب الذي يحتوي على المشكلة و إذا كانت الفتل قليلاً يضع الدولاب في الخلف أما إذا كان الفتل قوياً يستبدل الجنط أو الدولاب المتضرر ولاداعي لتغيير كل الجنوط ، بالنسبة للتغيير مافي مشكلة مهما كان نوع الجنط فالمشكلة واحدة و الجنط الروسي جيد و كذلك دولاب الوكالة الروسي ممتاز جداً و بيتحمل حيث أني عرضتها على أكثر من خبير بالدواليب .
كاليني 03-09-2007 16:36
 السيد كريم
السيد كريم أشاركك الشكر الجزيل لموقع فنات المتميز و الرائع . ثانياً بالنسبة للعجلات : إذا كان هناك فتل بالجنط أو الدولاب يصبح تعديل البلنص ضعيفاً و لكن ليس بلا فائدة إلا إذا كان هناك أكثر من دولاب أو جنط لديه هذه المشكلة ، سبب فتل الجنط هو طجة قاسية جداً ، سبب فتل الدولاب أيضاً طجة قاسية و مطبات و طرق وعرة فالشركات الأم ترسل دولايبها محشوة بالتيل فهم لايتخيلون مدى وعورة طرقاتنا و الوكلاء لايطلبون دواليب خاصة بالطرق الغريبة و لكن مستوردي الدواليب هم من حل المشكلة فكل الدواليب في سوريا محشوة كتان
كاليني 03-09-2007 16:33
 شكرا على لطفكم
اعجز كثيرا عن شكركم بالنسبة للاجابات على البور ستيرنج والمكيف وهل هناك بديل عن لادا الاصلي (بمشي الحال )ولكن بالنسبة للاطارات والبلنس لم يجدي نفعا ومدى امكانية ابدالها بجنط كوري أوصيني وهل سيؤثر على السيارة وكفات العجال lada112 _ 2002
كريم الفقهاء 02-09-2007 11:46
 السيد أحمد تتمة
بالنسبة لكسر التابلوه من جهة المساحات أعتقد أنك تقصد زاوية البلاستيك الأسود من الأمام هذه يمكن لصقها ، و بالنسبة للكسر الآخر فأنا ألومك في ذلك كان عليك العودة مباشرة للوكالة و ان شاء الله سيارة مبروكة .
كاليني 01-09-2007 22:12
 إلى السيد أحمد
السيد أحمد سأبدأ بالإجابة نقطة نقطة : عند تشغيل السيارة تسمع تكة و هذا طبيعي فالصوت طبيعي عند التشغيل و الطفي و هذا الصوت له علاقة بكمبيوتر السيارة . و لكن هناك ملاحظة هامة و هي أنك يجب ألاتضرب مرش مباشرة بل عليك أن تدير المفتاح على أول طقة و من ثم عند ظهور صوت التكة يختفي ضوء أحمر كان ظاهراً في أسفل التابلوه بعدها اضرب مرش.صوت الاتاماصور و خاصة من الخلف موضوعه بسيط ويحتاج إلى دوزنجي و سببه نشفان الجٍلَد و سببه أن اللادا تشحيمها خفيف لأنها معدة لأجواء باردة بينما جونا يحتاج للكثير من الشحم
كاليني 01-09-2007 22:07
 لادا
ارجو من السيد كاليني بحكم خبرته ومعرفته بسيارات لادا توضيح بعض الاشياء فانا اشتريت سيارة لادا وهي قوية واقتصادية لكن هناك بعض الامور ارجو ان احصل على اجابة عليها فهناك عند تشغيل السيارة صباحا تكة تسمع ثم تزول وكذلك الامر عند اطفاء السيارة وايضا هناك صوت وكانه من الاتموصور وخاصة عند المطبات وامر اخير هناك كسر في التابلو من جانب مساحات الزجاج وكسر الغطاء فوق الساعات اي الغطاء الذي يغطي ساعة الكيلو متراج وساعة عداد دوران المحرك وهي مكسورة منذ استلامي السيارة وشكرا سلفا
احمد 30-08-2007 13:46
 الشفط الفظيع
وكلاء الصيانة يمارسون غش حقيقي عند الصيانة لدى مراجعتي ل(( بول)) (صيانة اللاذقية ) لعيار الدبرياج وبعد المعاينه ادعى ان الدبرياج يحتاج لتبديل والتكلفة بحدود 5000 ل.س ولدى فحص السيارة لدى ميكانيك اخر تم عيار الدبرياج والتكلفة 50 ل.س
monir 17-08-2007 11:04
 الفضلة للفضيل
مشان البريورا اذا بتطلع على روسيا اسرعلك من الصقال ....شوف بالدول المجاورة بس بصراحة ماعندي فكرة
king of lada 13-07-2007 20:07
 lada priora
الاخوة في فنات.كوم اود اقتناء سيارة lada prioraفهل تعلمون متى سيتم استرادها
cabinet1959 10-07-2007 10:33
 السيد كريم
ارحب بك سيدي بالنسبة للبور سترينغ فهو مكلف اساساً و يعرف بـنظام ESP وهو موجود في لادا كالينا وبريورا وسعره حوالي الف دولار ، و بالنسبة لمكيف لادا الاساسي فهو غير موجود في سوريا ولاادري شيء عن سعره و لكن لايقل عن 700 دولار ، بالنسبة لرجة العجل فأنت تحتاج إلى شيء اسمه عيار بلنص balance للدواليب وتبلغ تكلفته حوالي 6دولار للدواليب الأربع .
كاليني 26-06-2007 16:54
 أنا متأكد بأن السيد إكس ليس لديه سيارة بالأساس
السيد إكس أنا متأكد أن لاتملك سيارة بالأساس لأن معروف أن تغير الزيت بين 400 حتى 600 وهذا طبيعي و صقال لايكذب عليك رغم تحفظي عليه فهو منذ البداية يقول ان الزيت على صاحب السيارة ، هو لم يقل الزيت علينا ثم نكث . ثانياً لايوجد سيارة في العالم بتدعس لحالها بنزين و ماحدا قال انها ميزة أساسا ولعلك كنت تتابع نقاشي مع الملك ويبدو أنك لم تفقه شيئاً منه و الليرنتين يعرفه كل من يملك طرطيرة و ليس سيارة ، مصروف الكالينا 240 ومعروف ومابيتخبا ، و فرين الإيد مارح أحكي فيه لأنو كبل والكبل مابيزحط لوراإلابعد سنين
كاليني 25-06-2007 22:44
 
الاخxكلامك فيه الكثير من التجني اتمنى من الاخ مللك اللادا او كاليني الرد عليك
cabinet1959 21-06-2007 21:05
 مو نصيحة
يا شباب نصيحة لوجه الله سيارتي موديل 2007 و ماشية 500 كم و بقلكم انو كانت أكبر كم باكلو بحياتي الصيانة المجانية بغير شركات مجانية حتى مع تبديل القطع أما عند عمو صقال المحتال بدفعك بس المواد يعني بدللولي الزيت ببلاش بس دفعوني 950 حق الزيتات مع العلم أنو ما بتكلف 400 باحسن مشحم السيارة فيها مشاكل غريبة عجيبة بتد عس بنزين لحالها (وبيقولو هي ميزة حتى المرسيدس ما عندها ياها ) بيفصل المقود الهيدروليك الفراد بتكبسو بيزحط السيارة فراد الأيد متل ألتو بالطلعه و أهم شي بتصرف بنزين
x 21-06-2007 11:31
 لادا الاقوى في العالم
منذ النقلةالنوعية التي صاحبة سيارة لادا وبالذات الموديلات الحديثة منها ومن أول يوم وضع عليها موتور طائرة باول صناعتها لازالت السيارة المظلومة مابين السيارت بسبب شكلها القبيح لكن الان بعد ان اصبحت بشكلها الجديد يجب ان تنصف ويرد لها حقها مابين السيارات في العالم ولهذا ارجو منكم ترويج الموديلات الحديثة منها بصورة أكبر 0
كريم الفقهاء 17-06-2007 13:18
 الاردن -عمان
سيارة قوية جدا اذا ماقورنت بالسيارات الكورية والصينية وغيرها من مستواها ولكن لدي استفسار كم تكلفة المكيف و كذلك البور الستيرنغ وهناك مشكلة في الدواليب يوجد رجة على العجل بالتحديد عند السرعة 70 ارجو الاجابة بالسرعة الممكنة
كريم الفقهاء من الاردن 17-06-2007 08:36
 متل مابيقول الكاليني في حالات مشابهة..
ومن الجدير بالذكر انه بالاضافة الى أنها صممت لمراعاة أعلى درجات الاعتمادية والراحة فهي مصممة للحصول على اعلى درجات الامان ليس للسائق والركاب فحسب بل حتى للمشاة !!!!(هيك قرأت) المواصفات الفنية الطول 4208 العرض 1837 الارتفاع 1548 السرعة القصوى 210 الاطارات 225/40 ZR18 بالنسبة للصور الحصول عليها سهل ..أو خبروني وأنا جاهز تحياتي للكل الملك
king of lada 12-06-2007 17:35
 lada c سيارة لادا للمستقبل القريب
بينما كنت القي نظرة على معرض جينيف للسيارات أصبت بالذهول عندما علمت أن ما أراه هو سيارة لادا جديدة كلياً ,انا هنا لا أبالغ ابداً ان التصميم الخارجي لهذه السيارة يوحي بالجرأة والعدائية والتفاصيل الجذابة وهو يعبر عن الخطة الجديدة للادا وبالتالي سيكون اساساً لتصاميم اخرى جديدة..وكما فهمت أيضاً انه سوف يتم طرح هذه السيارة بفئة سيدان وهاتشباك وفان أيضاً مع محركات بسعة 1.6 و2.0 ليتر
king of lada 12-06-2007 17:32
 سيارات غريبة من لادا
لا أعرف اذا كانت هذه السيارات(من لادا) غريبة بشكل عام أم أنها غريبة علينافقط..فعلى سبيل المثال لادا بريورا وهي على مايبدو أحدث سيارات لادا المعدة للاستخدام العائلي ...وليس هذا فقط ! فقد وجدت تصاميم فريدة وغريبة وتتجاوز العصرية الى المستقبل مثل سيارة رابان اليكترو (الغريبة جداً من حيث المنظر على الأقل) وسيارة لادا بيتر (يمكن هيك اسما) المفاجئة من حيث الانسيابية و الملفتة (لا أعرف الا منظرها الخارجي ) بالاضافة الى سيارة جديدة تماما وتعد مشروع مستقبلي للادا...الصور عندي اذا حدا بيحب
king of lada 12-06-2007 16:30
 كيا مورنينغ و كالينا
استاذ عمار من الصعب بخمسمائة حرف مقارنة السيارتين ، و لكن أقول لك وببساطة أن كالينا سيارة عائلية بينما مورنينغ ليست كذلك الكالينا لها باكاج فخم 400 لتر ،عزم محرك وقوة أكبر،مساحتها الداخلية أكبر،تناسب طرقاتنا لأنها عالية عن سطح الأرض بينما ترى المورنينغ خافسة،كالينا ممتازة للرحلات الجبلية،يمكن أن تحمل 600 كغ وتطلع فيها إلى كسب مثلا( تجربة شخصية)فهل يمكنك ذلك في مورنينغ ، بالنسبة لريو فهي تفوق الكالينا بمواصفاتها وخاصة تابلوها الجميل و لكنها أغلى و الله يوفقك .
مواطن من زيمبابوي 11-06-2007 18:02
 بدي نصيحة يا شباب
اشباب حدى منكن مجرب الادا كالينا والكيا مورننغ أو أي سيارة كيا تانية ليوضحنا الفرق وينصحنا لأنو سعر المورننغ يقارب سعر الكالينا وبالنسبة للكيا ريو أغلى شوي انصحوني الله يجزيكن الخير.
عمار 10-06-2007 17:32
 المحرك
المحرك الروسي عزمه أكبر و هو أقوى من المحركات الصينية
مواطن من زيمبابوي 10-06-2007 15:52
 هيدروليك
شكرا للسيد كاليني على المعلومة لكن اتمنى من الشباب ان اعرف كم التكلفة تقريبا
cabinet1959 10-06-2007 11:52
 كل شي بصير
السيد كابينت بيتركبلها هيدروليك بسهولة و التكلفة عند الشباب
كاليني 09-06-2007 20:10
 أنا غلطت
إلى العشرة أو أقل قليلا آسف
كاليني 09-06-2007 20:09
 112
بالنسبة لعداد دوران المحرك بيوقف عن ال9 و ما بينزل تحت 9 أبداً , و بالنسبة للمكيف فأنا سألت بصالة العرض و كان الرد متل ما ذكرت بس ما تأكدت من الموضوع
مهند 09-06-2007 17:54
 صدقني ياخييو
معناتا عندي مو طبيعي ياكاليني .... عم قول تحت العشرة بشوي يعني تسعة يادوب.....وعن تجربة كمان....منشوف عند الصقال اذا عندو شي تاني
king of lada (the return) 09-06-2007 00:27
 شوف يا سيدي
بعد إجراء التجارب و الاختبارات يتوقف العداد و المحرك دائر عند 6 تقريباً . و في حال مشيت على الغيار فقط أو شممتلها بنزين ثم وضعت رجلك على الدبرياج مع أو بدون فرامل يضخ المحرك كمية من البنزين فيرتفع المؤشر إلى العشرة أو أعلى قليلا ثم يعود لسابق عهده و لذلك اللي عندك طبيعي .
كاليني 03-06-2007 21:17
 هيدروليك
الى الاخوة الخبراء: انا امللك لادا 112 مودبل 2004 هل بالمكان تزويدها بنظام مقود هيدروليك .لانه وكما تعلمون ان مقودها عادي. اذا كان نعم فكم الكلفة.
cabinet1959 03-06-2007 15:00
 إلى مهند
سيدي مهند لايوجد في وكالة لادا مكيف أساسي 112 حسب آخر معلوماتي . بالنسبة لملك اللادا الجواب الشافي سيأتي في القريب العاجل
كاليني 03-06-2007 14:13
 خمس تالاف مرحبا
يمكن هي ال 5000 أجرة تركيب المكيف ...معلومك مافي شي ببلاش عند الصقال....
king of lada 31-05-2007 21:47
 أوووووف نسينا
العداد مرقم0 10 20 30 ....مو 1 2 3... نعتذر
king of lada 31-05-2007 21:43
 بصرف النظر
مارح نتخانق على موضوع تطبيق أو غير شي..مكيف السيارة(المازدا) الاساسي..المهم لنعيد شرح المشكلة للأخ الكاليني علله يساعد عند تدوير المحرك (والسيارة باردة)يشير عداد ال rbm عدد دورات المحرك الى حوالي 11 أي 11x100 دورة للمحرك خلال ثانية واحدة وتبدأ بالانخفاض الى 10 و9 حتى يصبح المحرك دافئاً...(انا مفضي السرعة) ويتوقف العداد على 9 (العداد الكبير عاليسار المدرج من 1-8 ) وهكذا يبقى حتى انتهاء الرحلة... والسؤال ..هل ينخفض هذا العداد المشؤوم عن 9 عند الجميع ولا الكل متلي من غير شر؟؟؟؟
also..king of lada 31-05-2007 21:41
 يمكن
الى جميع رواد لادا: اذا كنتم من محبي الرفاهية فالمكيف سيكون مناسب ومناسب جداً مع لادا التي تعتبر ودون خجل سيارة ينقصها الكثير لتصل الى مستوى الرفاهية المتوسط . أن شعبية هذه السيارة هي أولا وآخراً تعود لسعرها المقبول وعمليتها العالية وهذا تماماً ماجعلني متأكداً ومتأكداً جداً من حاجتي لسيارة كهذه لذلك فلم أنظر الى المكيف بعين الأهمية ذاتها التي ينظر بها الكثيرون! ومع ذلك :"ركبو مكيف ياخيي ولا تخلوها حسرة بقلبكون " مع فائق حبي واحترامي للجميع .. الملك
king of lada 31-05-2007 21:33
 عبكمل لا تقاطعوني
لذلك الشيءالوحيد الذي يعرفوه في الصيانة هو العودة إلى الـ Default فعد إليه . الأخ مهند أنا سألت في مصر ثمنه كحد أقصى للكالينا 3000 جنيه ، ولكن إذا كان ولابد توكل على الله المكيف ضروري برأيي و إذا كان مامعك فكبر عقلك و بلاه و سمي سيارتك لاداسونا ( لادا + ساونا ) . إذا كان الفرق بين السيارة المكيفة والعادية 30 ألف فكيف ثمن المكيف 35 ألف
كاليني 31-05-2007 15:50
 يبدو أنك نسيت
عزيزي الكينغ سبب هزة سيارة المازدا يعود إلى أنك ملك اللادا وليس المازدا بشكل أساسي . غالباً عزيزي مكيفك كان تطبيق أو كان في مشكلة في تركيبه لأن كل مكيف يصممه المعمل حسب طاقة المحرك أعطيك مثال ، مكيف لادا 112 لايركب على لادا كالينا حيث تصاب الكالينا بمشاكل كهربائية نتيجة الفرق البسيط نسبياً في قوة المحرك لذلك فهو لاينجح ، و لاتنسى أن كيا مورنينغ مثلا ذات اللتر الواحد مكيفها مقبول التحمل . بالنسبة للبخاخ يمكن يكون عندك مشكلة في البرنامج لأنني يبدو لاأفهم عليك لذلك يتبع
كاليني 31-05-2007 15:45
 المكيف
ألف تحية أخي كاليني,إذا بدك الصراحة انا سألت الوكالة و قالولي المكيف الروسي الأساسي موجود وممكن يتركب ب 35000 ل.س بقى شو رأيك
مهند 30-05-2007 23:17
 بيتأثر ولوه
انا بالمازدا 929 تبع ال83 كان المحرك 1,6 وبس كنت شغل المكيف كانت السيارة تهز كللا (وهي المازدا 929) وما بتعود السيارة تتحمل ضغط ...وبالنسبةلعدد دورات المحرك وقت فضي السرعة مابيتغير ابداً بال112 مابعرف شوبيصير عندك.... هلأ بالنسبة للكربوريتر ماكان عندي مشكلة معو(بالنيفا و اللاند روفر القديمة والمازدا واللاند كروزر) ومع هيك:" على راسي انت وكمبيوتر اللادا..."
king of lada 30-05-2007 22:38
 البخاخ غير الكاربارتور
سيدي ملك اللادا المكيف مناسب جداً لمحرك بسعة 1.6 لتر بل و مناسب جداً ، زيادة المصروف طبيعية ، و إضعاف المحرك لن يكون ملحوظاً في زحمة البلد التي لا تتجاوز سرعتنا فيه 40كم\سا سيدي ملك اللادا إذا كانت هذه العملية تزعجك يمكن أن( تفضي) فيتوقف البخاخ ، علماً أن عملية البخ مفيدة جداً في الزحمة (لاأدري إذا كنت جربت الكاربارتاور اللعين) فهي تحمي المحرك من أن ينطفئ و بالنسبة لمصروف البنزين فعليك أن تعلم أن الكمبيوتر مبرمج بشكل كامل و لايوجد أحد في سوريا على حد علمي يملك برامج للمحركات على الإطلاق للأسف .
كاليني 30-05-2007 17:07
 r b m
أي صح اصدي عدد دورات المحرك بالثانية والسيارة واقفة.. انا معك انو السيارة بتمشي عالاول والتاني بدون حاجة لاستخدام دعسة البنزين بس اصدي انو المحرك عم يشتغل زيادة(بقوة كافية لتحريك السيارة) اثناء وقوف السيارة عالاشارة مثلاً أو بالعجقة(وما أقلها) وهذا مالو داعي.... وشكراً على توضيح الباطوشية.... بتلزم
king of lada 30-05-2007 16:06
 كبر عقلك
الى من يهمه الأمر : انا كان عندي سيارة مكيفة قبل اللادا.....بس مابتذكر اني شغلتو.... كما هو معلوم المكيف يضعف المحرك ويزيد المصروف(بالنسبة لسيارة 1,6 حرام المكيف برأيي)....وكل شي الا المحرك والمصروف لذلك كبر عقلك وفتاح الشبااااك
king of lada 30-05-2007 16:01
 إلى ابو محمد
عزيزي أبو محمد لادا كالينا بتجربة شخصية مني 175 كم \سا بثبات كامل مع حمولة 500كغ وبدون حمولة، ولم أجرب أن أزيدها،حسب الموقع الرسمي للادا 170 كم\سا،حسب مواقع مستقلة 185 كم\سا . فرامل السيارة بشكل عام أقل من جيدة وحسب مواقع مستقلة للوصول من 100 إلى صفر تحتاج إلى 58 متر في كالينا 50متر في افيو 47 متر في لوغان
كاليني 29-05-2007 17:28
 عبكمل لاتقاطعوني
و تكملة أخي مهند إذا كنت بدك تصيف تطلع يومين على انطاكية تركب واحد و ترجع و لكن التوصية سهلة جداًجداً ، بالنسبة للسعر فهو حسب الدولة ويتراوح من عشرين لثلاثين ألف هذا بشكل مبدئي و يمكن الذي توصيه يسأل لك بالأول قبل الشراء و تعطيه تعبته
كاليني 29-05-2007 15:30
 الحل السهل الممتنع
أخي مهند العزيز،تحت رعاية طنوشية من السيد صقال أمامك حلين لا ثالث لهما(والحل الثالث هو تطبيق مكيف فاحذره):1- النزول إلى مجاهل الراموسة (في حلب) ولاأدري أنت من أي محافظة أخي والبحث عن مكيف لادا 112 مستعمل حيث تأتي هكذا أمور لقطات مع المستعمل و السيارات المقصوصة 2- إذا كان لك أحد في تركيا أو مصر أو أرمينيا أو روسيا أو أوكرانيا أو أي دولة على وجه الأرض فيها لادا (بما فيها ألمانيا) يمكن أن توصيه على مكيف جديد يبعثه لك و يمكنك أن توصي أحد الشوفيرية على خط تركيا إذا كنت مقطوع من شجرة مثلي يتبع ....
كاليني 29-05-2007 15:26
 ألف تحية لكاليني و king of lada
بس بدي إسأل يا شباب إذا بيتركب مكيف بارد للادا 112 هيدروليك و كم التكلفة تقريباً و ألف تحية للشباب الطيبة و موقع fannat
مهند 29-05-2007 02:58
 تحية لكل الشباب
أبو محمد الله يخليك ... أنت الملك بذوقك . الأستاذ الكينغ الباطوشية صفة من بطش أي ظلم و تعسف ، و الباطوشي هو من يبطش . بالنسبة لعداد دورات المحرك : طبعاً أنت تقصد رقم العداد والمحرك دائر ، ومن الطبيعي بكل سيارات البخاخ أن يرتفع الرقم والمحرك دائر بقيمة تتبع لعيار كمبيوتر البخاخ و الذي يتبع للمبرمج الأساسي،وأنت تعلم بأن السيارة يمكن أن تمشي على الأول أو الثاني دون أن تدعس بنزين وإذا مشيت على الليرنتين اقلب على مصروف البنزين اللحظي ترى أنه موجود صرف في البنزين،اتمنى أن أكون فهمت سؤالك صح شكرا
كاليني 28-05-2007 16:24
 دبابة
عم قول لواحد أميركي أنو سيارتي اسما لادا ...تساءل عن (جنسية) السيارة ..فقلت له : روسية ..تفاجأ وقال دبابة؟؟؟ قلت له : لاء فقال يعني بتشبه الدبابة قلتلو كمان لاء....قاللي : بس عليا مدفع مو؟؟؟ (طبعاً ماقال مو ) .....القصد واضح وشكراً
king of lada 28-05-2007 08:23
 r b m
سؤال مو غريب أنو رقم الr b m عند اللادا تحت ال 10 بشوي ؟؟ يعني شي 9 مع أنو بمعظم السيارات بيكون بين 5 و 2 لاحظت هيك عند أكتر من لادا ....هيك عند الكل؟؟؟؟؟؟؟؟؟؟؟ ومو لازم أقل؟؟
king of lada 28-05-2007 08:10
 ماعم افهم عربي كتير
كيفك معلم كاليني...ممكن تشرح شو هي الباطوشية مع كل الحب
king of lada 27-05-2007 13:40
 
الله محيي كاليني والله انت ملك المنتدى
أبو محمد 27-05-2007 05:45
 سؤال لكاليني الملك
الله يجزيك الخير يا سيد كاليني بس بدي أسألك عن اللادا كالينا بالنسبة للسرعة قديش ممكن تمشي معك أقصى سرعة مع المحافظة على ثبات السيارة وشغلة تانية كيف فرامات السيارة. وشكرا
أبو محمد 27-05-2007 01:38
 عبكمل لاتقاطعوني
الاثنان تطوى كراسيهما بشكل كامل. الاثنان مسجلة CD . 112 فيها كمبيوتر أعطال . 118 و 112 فيها كمبيوتر محرك خاص يمكن جلبه من خارج البلاد !! من ناحية الهيدروليك في 118 آلي يقسو حسب السرعة ، في 112 طرنبة زيت. من ناحية الخلوص 118 = 18.5 سم ( و هذا جدا ً مناسب لمطباتنا ) . 118 فيها نظام شلل المحرك عند محاولة السرقة . 118 فيها ريموت كونترول مع قفل مركزي . كل من عند أي استفسار عن الصيانة أو غيره يسألني و أنا جاهز .
كاليني 24-05-2007 18:43
 كالينا 118
من ناحية حجم المقاعد الخلفية 112 أكبر من ناحية حجم المقاعد الأمامية 118 أكبر من ناحية قوة المحرك 112 أقوى( 8 صباب 118 ، 16 صباب 112 ) من ناحية عزم المحرك 118 أقوى(13.5 عند3400 في 118 ، 13 عند 3700 في 112 ) من ناحيةالشكل الخارجي 118أحدث من ناحيةالبلاستيك الداخلي 118أحدث 112 فيهاتدفئة مقاعد 118 فيهامكيف من ناحية الجنط 118 ( 13 ) عادي،112(14)كروم من ناحية الباكاج 118 أكبر من ناحية المصروف 118 بتساوي 240 في زحمة البلد الخانقة و على إجري( الباطوشية) من ناحية كمبيوتر الرحلة يوجد في 118
كاليني 24-05-2007 18:36
 شكر
شكرا للأخ كاليني على هذا الخبر
cabinet1959 23-05-2007 23:00
 طلب نصيحة
يعني يا شباب برأيكن ال 112 أقوى من الكالينا وأثبت على الأرض علما بأنو الكالينا حسب الموقع وزنها 1080 كغ وال112 وزنها 1060 كغ علما بأن الأخيرة أكبر بتمنا يلي مجرب يقدملي خبرته وممنونكن اكتير اكتير
أبو محمد 23-05-2007 15:49
 عم يعذب حالو صقال
أكيد الكل سمع ديعاية لادا عالراديو...يعني كتر خيرو لصقال على هالأنجاز يعني فشر سعيد عقل وعاصي الرحباني...شو هالكلمات وهاللحن مع احترامي لأغنية هاجر... وإلى أبو محمد...كالينا قوية كمان يعني مو بس اقتصادية وشكلا حلو وأنا وقت اشتريت سيارتي ماكانت لسه نازلة ويمكن كنت رح احتار بينا وبين 112 على كل الأحوال مبروك سلف
king of lada 23-05-2007 13:58
 حديثا كالينا مكيفة بـ540
صار عند صقال كالينا مكيفة بـ 540 ، و الاختيار لك ، 112 لاغبار عليها سيارة روعة ، بس يعني كالينا بتبقى أجدد من حيث الشكل الخارجي ، مشان نيفا بدك تاخد حسبك الله ، أو تجيب واحدة من لبنان و تدخلها من السوق الحرة لأنو بلبنان في نيفا على حسب معلوماتي .
كاليني 23-05-2007 01:46
 عن خبرة
و الله يا أخي أبو محمد إذا بدك القوة خود 112 او 111 او 110 و إذا بدك الهدوء و الإقتصادية خود كالينا و مبروكة سلف
سامي 23-05-2007 01:28
 غمض عيونك ونقي
صديقي ابو محمد بشكر ثقتك...هلأ الكل ممتازين خصوصا 110,111,112, وكالينا بس أنت اكتر واحد بتعرف اكتر شو اللي بيناسبك أكتر ...أكيد سمعت عن مشكلة القطع تبع كالينا ....عندي 112 بس عم فكر جيب المجموعة كاملة.... (اذا طلعت على روسيا) شو؟ أحسب حسابك؟؟
king of lada 22-05-2007 18:07
 سؤال لكل زوار هذه الصفحة ولموقع فنات
أنا قررت أن أشتري لادا بعد كل ما سمعته من آرائكم القيمة وأنا عاجبيتني لادا كالينا ولكن ماذا تنصحونني هل اِتريها أم أشتري 110 أم 112 أم سمارا ولكم الشكر الجزيل
ابو محمد 22-05-2007 15:32
 وكيف بحسن اشتري
شكراً عالمعلومات القيمة عن لادا نيفا القديمة والجديدة .. بس يعني اذا بدي جيب نيفا 1.7 مثلاً بطلب من الوكيل يستوردلي وحدة ؟ ولا بطرق مشوار على روسيا حتى اشتريها وصدق الفاتورة من السفارة السورية واشحنا لطرطوس وجمركا؟؟؟ واذا حدا عندو فكرة عن سعر السيارة ببلد المنشأ
king of lada 21-05-2007 20:21
 الشفروليه نيفا
السادة الكرام: قامت شركة جنرال موتورز الأمريكية بتطوير طراز جديد باسم شفروليه نيفا في العام 2003، تتم صناعته في روسيا، ويعتبر الجيل الثاني من لادا نيفا، التي مازالت تنتج إلى يومنا هذا. كلا السيارتين من الممكن استيرادهما، حتى الشفروليه نيفا التي اخُذ عند تطويرها أسواق الشرق الأوسط، ولكن مسألة عدم استيرادهما تعود على الأرجح إلى أسباب تسويقية، خاصة أنه لا وجود لمحرك تقل سعته عن 1600 سم مكعب لكل من الشفروليه أو اللادا نيفا.
Fannat.com 21-05-2007 17:53
 ملك اللادا
أحييك أخي ملك اللادا ، و أرحب بكل ما تقوله ، بالنسبة للادا نيفا فقد طورتها شركة جنرال موتورز و أصبح اسمها شيفي نيفا و هي مخصصة للبيع فقط في دول أوربا الشرقية حسب الاتفاق ، أما نيفا القديمة فهي لاتزال قيد الانتاج على ما أعتقد
كاليني 21-05-2007 16:26
 نادي اللادا على فنات دوت كوم
على مايبدو صارت هي الصفحة نادي لمالكي اللادا في سوريا وانشالله في العالم شكراً للجميع
king of lada 20-05-2007 19:02
 خطأ طباعي
صنعت لادا 750000 و ليس 75000 و شكرا
كاليني 20-05-2007 00:21
 نحن نفهم بالايماءة ولا نستخدم العقل
انا املك لادا 112 منذ 4 سنوات وسرت بها حتى الان ما يقرب من 100000كم ولم اعاني من اية مشاكل تقنية او ارتفاع في الحرارة. هي سيارة قوية و اقتصادية بنفس الوقت. لكن ينقصهابعض الكمال من الداخل كالمكيف البارد مثلا. وانا لا استبدلها لا بالكوري ولا بالياباني
cabinet1959 17-05-2007 21:36
 و لك يسلم تمك ابو عمر
يا جماعةالروسي يهاجمبشدة لأن شركات السيارات الغربية لها مصلحة كبيرة بالسوق الروسيةوتريدأن تستولي على حصةلادا و تدمرها ( صنعت لادا العام الماضي حوالي 75000سيارةوهو رقم مرعب وتريد كل شركة أخذ حصة ، أنا معكم ان الغرب تطور كثيراً في مجال السيارات و لكن نحن نتكلم عن السيارات التي يبلغ سعرها حوالي 10000 دولار و التي نريد نحن السوريون ذوو الطبقة الوسطى أن نركبها دون تعقيدات ، نريد شيء عملي ، وليس خيالي بهياكل معدنية جميلة و لكن لا تتحمل شوارعناومطباتناو جورنا و شقاوة أولادنااللاداليست للعنطزةبل للخدمة
كاليني 17-05-2007 21:19
 و لك يسلم تمك ابو عمر
يا جماعةالروسي يهاجمبشدة لأن شركات السيارات الغربية لها مصلحة كبيرة بالسوق الروسيةوتريدأن تستولي على حصةلادا و تدمرها ( صنعت لادا العام الماضي حوالي 75000سيارةوهو رقم مرعب وتريد كل شركة أخذ حصة ، أنا معكم ان الغرب تطور كثيراً في مجال السيارات و لكن نحن نتكلم عن السيارات التي يبلغ سعرها حوالي 10000 دولار و التي نريد نحن السوريون ذوو الطبقة الوسطى أن نركبها دون تعقيدات ، نريد شيء عملي ، وليس خيالي بهياكل معدنية جميلة و لكن لا تتحمل شوارعناومطباتناو جورنا و شقاوة أولادنااللاداليست للعنطزةبل للخدمة
كاليني 17-05-2007 21:19
 lada niva 1,7
أود السؤال عن عدم عرض سيارة لادا نيفا الحقلية في وكالة لادا... السيارة لادا نيفا تتمتع بقدرة غير متوقعة على تحمل الطرق الجبلية الوعرة حتى في أصعب الظروف (عم أحكي عن تجربة) ومن الملاحظ أيضاً انتشارها فقط لدى المؤسسات الحكومية في سورية ويمكنني القول أنها مليئة بالمفاجآت وأنها سيارة حقلية بحق.. وهنا أحب أن أسأل الشباب في فنات لماذا لم تعرض حتى الآن للبيع ولا حتى في وكالة لادا
king of lada 17-05-2007 20:12
 حاجتنا افترائات
أنا أؤيد السيد كاليني بكل ما جاء به وأضيف أصلا نسبة كبيرة من التجني على الادا عالميا هل في رأيي يعود لمواقف سياسية عدائية ضد روسيا بدليل ان الكثير من المواقع العالمية تعترف بالسيارات الصينية حديثة العهد ولا تعترف بسيارات الادا والكثير من منتديات الحوار الغربية تسخر من سيارات لادا .... حاجتنا افترائات
أبو عمر 16-05-2007 23:08
 كفانا تجني
أعتقد يا بولياس أنك ببتكلم عن الـ 107 القديمة لأن الجميع أجمع بأن دوزان اللادا هو أفضل دوزان بين السيارات المنافسةوالثبات عند السرعات العالية أكبر برهان . أما بالنسبة للحرارة فهي شائعة سخيفة يترددها الناس كالببغاوات ، أما الأعطال فمحرك البخاخ أصلاً نادراًمايعطل وهذامعروف و محركات لادا و إن كانت من الطراز القديم لكنها محركات نشيطةوعملية وتدوم طويلاوتحتمل المسافات الطويلة . مشكلة لادا الوحيدة هي التمويل المادي و هذا مايفتقر تطويرها لكنها بحق سيارات عمليةوهي من أكثرالسيارات المنتشرةفي مصر الحارة
كاليني 15-05-2007 18:10
 موضوع الحرارة اياه
لاء مابتذكر انو حدت ضغط عليه بس بظن ان الباب(الكاوتشوك اللي بين الباب والبلور) كان ضاغط عليه وبس جربت نزل البلور يمكن احترق الموتور .... يلله منغير الموتور لعيونك..
king of lada 14-05-2007 17:40
 2112
للأمانة بقول انو و لا مرة طلعت حرارة المحرك فوق 90 حتى بعز الصيف .... و منشان الأعطال فأي سيارة بطرق بلادنا بدها تخرب و الأعطال اللي واجهتني عادية ولا تُذكر ...وبرأيي ال112 افضل سيارة بالنسبة لسعرها
sam 13-05-2007 23:56
 يا سيدي بتحمى
السيارة مصنوعة للمناطق الباردة .... وبتجربة شخصية السيارة بتحمى كتييير وكل يوم فيها عطل جديد ... كهربا ميكانيك دوزان وجر ..........
أبو لياس 13-05-2007 15:32
 إلى ملك اللادا الفارس
بالنسبة للبلور الكهربائي للادا ( كما باقي السيارات العادية ) لا يعود بالعكس عند الضغط عليه وهو يعمل صعوداًً لذلك الموتور بيموت بس مابيحترق ، الحل هو تغيير الموتور كله وهو متوفر و رخيص ، أنا صار معي نفس الشي لأنو شخص ضغط عليه بقوة و أنا أرفعه ، و لكن صلحوه بعد جهد كبير . بالنسبة للحرارة فهي جداً عادية لذلك لا تغير شي بالسيارة ، لأن الخلائط المعدنية الداخلة في تركيبة الموتور و تركيبة الموتور نفسه صممت لامتصاص الحرارة للعمل في الحرارة حتى 30- ، و لكن لم أرى حتى الآن أحد اشتكى من حماوة السيارة
كاليني 13-05-2007 15:22
 الفرس من الفارس
اشتريت لادا 112 من اكتر من سنة وبالنسبة للأعطال فلا وجود أعطال مهمة حتى الآن باستثناء شغلات بتهز البدن متل الزجاج الكهربائي (أحد الشبابيك لا يفتح أبداً) حتى بعد اصلاحه في وكالة السيارة(رجع عطل تاني يوم) بس بصراحة عم تعمل معي اللادا شغلات ما كنت احسن اعملا بكل السيارات الي جربتا بالنسبة للحماوة..دارة التبريد بالسيارة عم تشتغل كل ما ارتفعت الحرارة بس عم يقولو انو العادم تبع السيارة فخار من الداخل وهو عم يساهم برفع الحرارة ...بس بعدني ماغيرتو.....
king of lada 11-05-2007 10:40
 112
اقول عن تجربة سنة مع LADA 112 انها سيارة رائعة الأداء ..أما بالنسبة للأعطال فبصراحة لم تواجهني أعطال تذكر..و بالنسبة لقطع الغيار فهي متوفرة بشكل كبير ..و بالنسبة لحرارة المحرك فلم يحدث أن ارتفع فوق المنتصف و لا مرة..و قوة محركها تعطيك ثقة كبيرة في كافة الطرق..لكن ينقصها المكيف و جهاز التحكم ..و من جهة اخرى فهي على طريق السفر من أثبت السيارات و ذلك بفضل الجناح الخلفي الذي يعطيها ثباتاً قوياً بسبب تصميمه المدروس
ابراهيم 19-04-2007 14:23
 لادا 112
السادة الكرام: نعدكم بأن نقوم باجراء تجربة لسيارة لادا 112، أما بالنسبة إلى الشائعات التي تثار حول ارتفاع حرارة محرك الـ 112 فهي مجرد اشاعات ولادا لا تعني فعلياً من مشاكل واعطال فنية، ولكنها تبقى متخلفة بعض الشيء وأقل اعتمادية من معظم السيارات الأخرى المنافسة.
Fannat.com 16-04-2007 10:33
 
هل سيارة لادا 112 ترتفع حرارة محركها كما يثار من شائعات عن السيارات الروسية عموما وهل هي كثية الأعطال...أرجو من موقع فنات التوضيح وشكرا
ابو محمد 16-04-2007 02:31
 
السيارة أعجبتني كثيرة وأنتظر بفارغ الصبر أن تزودونا بمقال عن تجربة هذه السيارة فأرجو ذلك وشكرا
عبد الناصر الزوكاني 16-04-2007 02:28
 
أرجوكم رجاء حار جدا أن تزودونا بمعلومات عن سيارة لادا 112 وعن أدائها ومدى توفر قطعها وشكرا.
عبد الكريم الكعدي 16-04-2007 02:27
 لادا في الأسواق السورية
سيارة LADA لها تاريخ طويل و مؤخرا قامت ببعض التحديثات النوعية و لكن هذه التحديثات لم تصل إلى سوريا .....فمثلاً في كاتالوغ سيارة LADA 112 يأتي شرح عن سيارتي LADA 112 تتميز إحداهما عن الاخرى بوجود <أكياس هواء,ABS,مكيف بارد...> فلماذا لا توجد هذه المواصفات لدينا .....أما بالنسبة لقيادتها فقوتها وأدائها يفوقان ما يوحيه إليك منظرها بكثير . و شكراً لإدارة موقع فنات
سامي 21-02-2007 13:45
 لادا 112
السيارة جيدة الأداء و لي ملاحظة على عدم وجود مكيف و على سوء إدارة مراكز الصيانة
يوسف حاطوم 19-02-2007 21:43
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.