بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
 ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
جيلي
كم نجمة تعطي لهذه السيارة؟
نتيجة التقييم:   عدد المشاركين بالتقييم: 105
عدد التعليقات: 67
 قطع غيار سيارة جيلي mk2 هاتش بالك 2010
اريد تغيير المكينة ماهي المكينة الأقرب بدون تعب وقص في ساج السيارة. أرجو الافاده والجدية وشكرا للجميع
احمد 07-03-2017 08:48
 جيلي
سيارة جيلي منيحا كتير بس في شغلات سئ فيها لازم تتحسن انا عندي جيلي ام كي تو عملت حادث فيها قوي كتير ورغم هل شي طلعت ونفدت مها والحمدلله
اياد 05-09-2013 02:05
 قطع الغيار
انا من الجزائر ..لي سيارة جيلي mk1.6 اخواني خسارة فيها اسم سيارة بسبب عدم توفر قطع الغيار في بلدنا .. اريد الحل ان كانت هناك قطع غيار لسيارات اخرى تتماشى مع محرك جيلي ..افيدوني ارجوكم
بوستة ابراهيم 05-03-2012 17:26
 شركة ملوك العظيمة
رفيقي عندو منها .. سيارة زبالة وشوفها بعد سنة كيف بصير موديلها .. شئد حاولت انصحو واصر انو يشتريها والغريب انو في كتيرين عملو متلو واشتروها .. هلأ لو حقها 500 الف كان واحد قال يالله سيارة سيدان وجديدة .. بس 670 الف!!!!!! اخدت ريو اتوماتيك مواصفات قليلة ب 715 الف وريحت راسي ومكيف عليها وخلي ملوك يستمر باستغلال المواطنين لانو دفعتو الاولى قليلة ولانو تقسيط شركة بيريح الزبون من طلبات البنك والضمانات وبيعطيه السيارة بسهولة ويسر .. بس طبعا ماهو ضامن حقو لانو هالزبالة بكون واقفة عليه ب 200 الف
مازن 20-06-2011 12:14
 للقمامة
هاي شركة مابتسوه والله اشتريت سياره جلي ck1 دفعت نفس حقها تصليح ومين اسوأ شركة مللوك يلي قطع الصيانه كتير غاليه يعني سعر المسجله 13000 الف ليره سوري
عبد الرحمن 04-06-2011 15:12
 جيلي
و الله العظيم بعتها واشتريت كيا ريو لانها اشرف بمليون مرة
بنبكشن 18-03-2011 23:28
 اجمل واقوى ماصنعته جيلي
انها بلفعل مع مقارنتها مع باقي ما انتجته جيلي الاقوى والاقوى هيبة من كل النواحي لانو لما نزلت على سورية سنة2007 كانت ولازالت الاروع من حيث الشكل القوي والمحرك التويوتا القوي والنشيط------------------------- شكرا فنات-----------
روكسلام 08-03-2011 09:33
 
انا اشتريت السيارة العجيبة بعد 3شهور من الوكالة صارة حالتها حالة هههههههه
ابو احمد 28-01-2011 00:00
 لازم شركة مللوك تعتذر مني
شركة ملللوك لازم تعتذر مني وتيد ثمن التصليح لي أكيد ابو يامن مدير الصيانة بالشركة بيتذكلا اللي اشتكى عليه على المعمل بالصين نصبوا علي حسبي الله ونعم الوكيل اسيارة كويسة بس الوكالة نصابين
Ahmad 09-10-2010 17:06
 الكفاله جيلي
اولا اين حماية المستهلك في سوريا ضرائب ورفاهيه وبلاوي زرقا وين حمايه المستهلك من النصابين امثال وكيل هالشركه الدهان بيقشر وتهريب زيت واصوات وانتم ساكتين المفروض ان تعملوا جمعيه المتضررين من الشركات الصينيه ووكلائها وترفعوا دعوى عليهم وتجتمعوا امام الشركه بسياراتكم وتقفلوها الى ان تاخذوا حقوقكم من النصاب وكيل العلامه الهزيله ادخلوا على النت وشوفوا تجارب السيارات الصينيه في اختبار الحوادث تحطم بالكامل بينما اغلب السيارات الكوريه واليابانيه والاوربيه والامريكيه 5 نجوم والسيئه 4 نجوم اتحركوا
ياسر 09-10-2010 13:59
 اسال مجرب ولا تسال حكيم
من 4 سنوات اقتنيها والحمد لله للان السياره من اروع مايكون والشغله حظوظ مريحه واقتصاديه بعد زياده البنزيين وقطعها رخيصه ومن شان مشكله الدهان مافي سياره الا وحتقشر انا وفرت على حالي واعدت بخ السياره ع حسابي وللان مابخاف اذا انخدشت او انجرحت بس اهم شي انها مكيفيتني على القليله احسن من غيرها وراكبين سياره بكل المواصفات وعلى قد الجيب بنصحك اشتريها بيكفي كرتها عالي وشكلها ملفت للنظر وكتير من الناس اللي مابيعرفوها بيحتارو شو هي
حقيقي 01-10-2010 19:45
 غالية جدا
يعني يا جماعة يلي بفكر يشتري سيارة وعم يتطلع ع الأسعار المرعبة يلي بحطوها تجارنا بخاف وفوق كل شي مخالفات و ضرايب بالهبل الواحد يركب تكسي أحسن شي
khaled najjar 16-09-2010 14:46
 
يعني السيارة حلوة من برا وعم يقولوا عنا جيدة بس ليش صاير معو انحراف وتيرة للتابلوه ما بعرف .......لا يقوم هالسيارة مخصصة للي معو حول هههههههه
واحد من الناس 27-08-2010 07:27
 سيارة جيدة جداً
أني عندي سيارة جيلي MK1 من سنتين وبعدا مثل الليرة ولقيتا شغلي رهيبي
أبو فراس 20-08-2010 22:59
 الجيلي بتشق الارض
والله ياشباب انا عندي سيارة جيلي ام كي ون حمراااااا بتشق الارض صرلها عندي سنتين مااشتكيت منها ابدا لاتردو على حكي العزال ونصيحة الي بدو يشتريها لايقصر بس يدير بالو عليها
ابو احمد سراقب راعي الام كي ون 19-06-2010 22:17
 شي رفع
ركبت اليوم هذه السيارة لأول مرة ... ماشي بحدود 32000 كم ، والحقيقة أن الوصف الذي يليق بهذه السيارة هو (الطنبر) ، اللي ما سمع صوت المحرك و"حشرجاته" (شور رأيكم بكلمة حشرجاته... قوية ) لسه ما عرف كيف المحركات بتشتغل . أنا أعرف أن الصيني سيء ولكن ليس بهذا السوء ... !!
شخص عم يجمع ثمن سيارة 04-05-2010 11:26
 تغيرت معاملة الوكالة
شباب اليوم بالصدفة شفت المدير العام لشركة مللوك وصدقوني من تلقاء نفسو قام بالاتصال بالصيانة وأبدلو المصابيح الخلفية للسيارة مجانا حتى بقسم الصيانة لاحظت أنو كادر الموضفين جديد والمعاملة سوبر ديلوكس
عاشق الصيني 15-04-2010 18:16
 
حساس البنزين ما كان حدا يعرف ليش عم يخرب كل فترة والتاني ما عرف حدا يصلحو حتى بالشركة ألا بالتبديل وما عم يجي أصلي
ربيع 09-04-2010 18:12
 قوية
انا ركبت هذه السيارة بالصدفة كانت مع صديق لي سيارة ثابتة قوية وانصح هاني حبيب بركات بشراء واحدة بس من جوا صيني
الديراني 24-12-2009 00:42
 sniper
بالصين بيبيعو فيها بطاطا ويطيخ
sniper 21-10-2009 15:37
 عن السيارة
مسجل الصوت يعلق
خالد 11-09-2009 14:43
 يا ريت تعملوا تقرير عنها
سيارة جيلي باندا حلوة و تحقق نسب شراء جيدة بالصين يا ريت تعملوا تقرير عنها
جيلي باندا 26-08-2009 18:33
 جيلي
كويس و رخيص
موسى الوزعل 27-03-2009 11:47
 مجرب
اريد ان اسال الصين من اين تاتى بالمطاط والنايلو والكروم الموضوع في سياراتها صدقا مافي عذر بالصيني غير النايلوا والمطاط نوعيته سيئة جدا اما المعدن والموتور (سيارة مصفحة) لاني املك بيك اب جيلي منذ ثلاث سنوات ونصف
مجرب 02-03-2009 14:47
 كلام بيضمير
سيارة مقبوله بكفي الريو والفيرنا ما بيمشو معا والاعزار بسيطه متل امور بسيطه مفتاح او غيرو اقسم بدون مبالغه ان شخص اشترى هونداي كربج المحرك بعد شهر وطلع عذر وكاله نهاية الحديث بدك شي جيد ركاب الماني
عبدالهادي 20-02-2009 23:46
 ملحوظة هامه
حاج تجيبو ذبالة السيارات شي بقرف
اح 17-02-2009 17:44
 سيارة جيدة
سيارة جيدة لكن الصيانة في الشركة سيئة و قطع الغيار غالية جدا مقارنة مع سعر السيارة
عمر 10-02-2009 20:12
 احسن سيارة
احسن سيارة ركبتها بسب سرعتها وثباتها علي السرعات العالية وقوة محركها وتجيد التخميس جيدا وهي عندي احسن من الانسر والفيرنا كفاية ان محركها تيوتا 2007
اسامة 30-10-2008 14:59
 ملحوظة هامة
هالسيارة نسخة عن النويوتا كورولا 93 بكل شي من محرك لميزانية لكهرباء ........الخ بس لووووووووووووووووو كانت مصنعة بنخبة أولى صدقوني كانت حطت الكوري كله بجيبتها الصغيرة بس لووووووووووووووووو ؟؟؟؟ شو النفع ؟؟؟؟؟؟؟!!!!!!!!!
جلجووووووول 14-10-2008 18:39
 الله يحميكي من العين | الحمد لله رب العالمين
الحمد لله رب العالمين . شتريت السياراة , والحمد لله رب العالمين رح يصرلها 5 شهور و الأمور تمام 100 % , قل أعوذ برب الفلق من الحساد ..
ربي حميلي ياها 13-09-2008 18:05
 
الم يقتنع المواطنون بعد بعدم شراء السيارات القادمة من الصين العجيبة
نضال 03-09-2008 02:33
 غلطة العمر
اشتريت السيارة ومشي الحال ودفعت الــــــ 700.000 ل.س وفرحت ومرة أنا ومسافر بطلوع التنايا اضطريت ادعس بينزين زيادة لحتى اسبق سيارة والنتيجة كانت تعطلت موانع قشاط الصدر وصار المحرك يهرب زيت وصدقوني أول مرة كنت بدعس بينزين زيادة وآخر مرة لأني بعت السيارة بـــ 525.000 ل.س بعد ما اشتريتها ب 7 أشهر بعوض الله
عاشق السرعة 31-08-2008 17:00
 ممتازة
سيّارة رهيبة و فريدة من نوعها
دنيال نادر 21-08-2008 00:03
 هوا الوديان
أحلى شي بهالسيارة لما بتمشي بسرعة 120 وبتكون مسكر النوافذ سماع صوت الهوا يللي بيصير بيطلع جوا السيارة بتحس حالك بجبل السايح وغير هيك التخبيط يللي عم يطلع من الاتماصورات الأمامية بتفكر السارة راح تهرهر على أول جورة
حسووووووم 15-08-2008 16:36
 
ما بعرف كيف الناس بيغامرو وبيشترو سيارات صينية انا من نا حيتي ما عندي استعداد اشتري مو بايل صيني مو سيارة مع انو سعر هل سيارة غالي مو رخيص ويقارب سعر هيونداي فيرنا او كيا ريو
في حدا بيشتري بضاعة صينية 15-08-2008 13:50
 يا حرام عالمصاري يللي دفعتهم
اشتريت السيارة كاش والله يلعن هديك الساعة لأن المحرك عم بيهرب زيت وفي صوت تخبيط بالخلف ما حدا عرف من شو والمكيف يا محلا المروحة اليدويةوالسيارة بطلوع التنايا بتصير حمام ساوناو و و و و و و و الخ يعني اشتري مازدا موديل 83 احسن واشرف بمليون مرة
مواطن متحسر 10-07-2008 17:21
 معلومات
ارجو اعطائنا اخر عرض السيارة مع عروض باقي السيارات الموجودة على فنات وشكرا لفنات على الموقع الرائع
rrr 04-07-2008 05:04
 اليونان
أنا أشتريت السيارة منشان إذا نزلت زيارة لسوريا ما أستعير سيارة حدا أستعملتا جمعتين وسافرت هالأ بدي أنزل قالولي دهانا قشر مع العلم إنا بكراج مغلق شو ساوي ولسا ما شفنا غير شي وشكرا لشركة ملوك
جورج 04-07-2008 03:26
 لا اعرف
اسوء شيء على الاطلاق و الشركة في حلب من اسواء الشركة في العالم لا تقتربوا نصيحة
محمد الزاهد 01-07-2008 00:54
 ابو يامن النصاب
لقد اشتريت تلك السيارة وانا اعشقها ولم تكن سوى سيارة جيدة بالنسبة لي فجأة سمعت صوت بالشنجمان وعندما ذهبت الى وكيل الصيانة بالدير اتصل بأبو يامن مدير الشركة بحلب قال ممنوع فك الشنجمان الا بحلب كونه ضمن الكفالة فكينا الشنجمان بالوكالة أخذوا ثمن القطع مضاعف عن الثمن بالسوق وعندما عدنا الى ديرالزور نحمد الله ذهبت الى دوامي حيث ركنت السيارة اسبوع وعدت لأركبها كما العادة واذ بصوت باشنجمان اعلى وابشع من الذي كان في السابق اتصلت بالوكيل وبمدير الصيانة ولكن فالج لا تعالج الموضوع كله نصب كفالة على حسابك
شووووووو هاسيارة 30-06-2008 13:24
 وين الكفالة
قالوا السيارة مكفولة بس يا خسارة عطل الميكانيك بقلولك روح على دوزنجي
س 20-06-2008 15:34
 ا
ممتازة بس لولا العلل يل فيها
ا 20-06-2008 02:52
 مو معقول
مو معقول الكذب لهل الدرجة انا عندي سيارة أولأ بعد 3 أيام البللور ما عاد ارتفع صلحتها وبعدها بكم يوم تقشر الدهان رحت على الوكالة وقلتلهن انو المشكلة قالوا ما لنا علاقة نحن مو كافلين الدهان وانت من حسابك راح تدهن وعندنا دهان شاطر بيعرف رحت معن وبعد ان تم دهان السيارة اكتشفت انو هن متفقين مع الدهان مقابل نسبة من المصاري والسعر اكتر من السوق ب 4000 ل س يا نصابين يا حرامي انتو ما بتشبعوا
guevara 26-05-2008 21:39
 ارجو النصيحة
ارجو من الاخوة القراء او فنات نصيحتنا بطريقة التعامل مع الشركة وخصوصا الصيانة اذ أن السيارة جميلة جدا ولكن فيها بعض المشاكل مثل تقشير الدهان والتخبيط على اقل عثرة بالطريق وغيرها انا ذهبت للدوزنجي وقال لي انه يجب اير الاتامصورات علما اني لم امشي بالسيارة اكثر من 6500 كيلو متر ماذا نفعل الشركة ضمنت حقها مع الزيادة الفاحشة ونحن من يضمن حقنا ارجو ان ترفعو شكوتي لاعلى مستوى بالشركة لان الموظفين لايوجد عندهم لباقة بالتعامل الا عندما تذهب لتشتري بعدها انسو نريد الضمان وحقنا فقط وشكرا
مواطن عندو نفس السيارة 16-04-2008 11:31
 دهان يقشر وستوبات تتجرح واضوية يتغير لونها
ان دهان السيارة يتقشر من جميع اجزاء السيارة كا ان الستوبات بسبب تعرضها للشمس والهواء تتجرح وذلك بسبب سوء الصنع والاضواء الامامية يتغير لونها يرجى النظر في طلب جميع السيارات التي ظهرت فيها هذه المشاكل اسوة بشركة زينة التجارية
المغدور 15-04-2008 12:46
 الى من يهمه الامر
انا اريد ان اسال ما معنى الكفالة عند السادة مللوك انا عندي نفس السيارة غيرت اول غيار زيت مجاني والتاني غيرتو بمصاري على اساس انو الكفالة شاملة المحرك وعلبة السرعة فقط اكتشفت انو عندي ضوء المحرك مضوي على التابلو ورحت عالصيانة كشو عليه وئال مافي شي متل العادة الغريب انو الكفالة تشمل المحرك واي عطل فيه ليش بياخدو مصاري على كشف المحرك الي معو كفالة على اساس مو عيب عليهون بعدين السيد المحاسب ما عندو اي لباقة بتمنى انو يلاقو حل لانو عيب عليهون هدول شركة محترمة على اساس انا قررت اني راسل جيلي الصين
reda 07-04-2008 10:58
 آخر أخبار جيلي
السيارة جيليMK1 المستوردة ألى سوريا هي من تصميم فريق عمل تويوتا وهي نفسها المصدرة ألى أمريكا وأن سعرها ارتفع في الأسواق بحدود 30000 ليرة سوريةوقد أثبتت جدارتها على الطرقات وفازت بتقييم السيارة الاقتصادية لكن شركة ملوك لاتحترم حالها بالنسبة للصيانة . وأنها شركة غير محترمة وأساءة إلى سمعة تلك السيارة الجميلة بسبب سوء التعامل في الصيانة . أرجو من الشركة الموقرة أن تعيد النظر في موضوع الصيانة راجياً دعوة كل من اقتنى تلك السيارة الجميلة إلى مركز الشركة بحلب للتعرف على المشاكل وهذا لايكلف الشركة .
ابن الفرات 23-03-2008 14:00
 مشكلة الدهان
صديقي اشترى سيارة منها السيارة بلا مشاكل ولكن المشكلة الكبرى إنو الدهان بلش يقشر لحالو من أول شهر ومن كامل هيكل السيارة وأنا عندي جيلي سبور بس الدهان كتير ممتاز مقارنة مع MK1 ممكن جواب لسببب هالمشكلة مع إني كنت حابب بدل سيارتي بوحدة منها
وسام 27-12-2007 21:51
 المصروف والأمرتصورات
المصروف يجب تعيير المصروف على الكومبيوتر في الصيانة بحلب أو دمشق حصراً أما الأمرتصورات يجب وضع قليلاً من الشحم او الزيت السميك على المفاصل حيث أنها قد تكون تعرضت لقليل من الماء ولو أثناء الغسيل أي استفسار المراسلة على العنوان ahmadems@gmail.com
ابن الفرات 23-11-2007 12:39
 صوت من ورا
يا جماعة انا عنذي نفس السيارة من شهرين اشتريتها بس عم اسمع صوت زقزقة قوية من الاتاماصور الخلفي اليميني كمان السيارة كتير عم تخبط عالمطباعت علما انو شوارعنا عبارة عن مطبات ممكن اي شخص يقلي شو لازم اعمل بس رجاء بلا الصيانة لانهون ما بيحترمو حالون
رضا 12-11-2007 05:52
 اسوء من هيك مافي
اشتريت السيارة منذ شهرين ولم اخرج من مركز الصيانة (الله يجعلو مركز صيانة) دهان السيارة عم بيقشر مصروف البانزين كثير 140 كم بالتانكة خليني ساكت احسن
مالك سيارة جيلي 11-11-2007 15:09
 نصيحة فنية
إلى جميع من اقتنى سيارة جيلي وخصوصاً MK1يجب تغيير زيت علبة السرعة ( الشنجمان بعد مسافة لا تتجاوز 800 كم إذا توقف عندك كرت التحكم يرجى عدم التغيير مباشرة لأن العطل غير فني وأن هذه ميزة بل يجب أولاً نزع الفيوز التابع لعلبة التحكم ومن ثم إعادثه وبذلك تكون قد عملت إعادة وضع Reset for the Controul Card وأن الكرت بالوكالة قيمته 3000 ليرة سورية وقد يكون غير متوفر .
ابن الفرات 07-11-2007 15:00
 سيارة ممتازة
اني اقتني سيارة جيلي من هاذا النوع وان الصين تعطي المواصفات الجيدة والاشكال الجيدة ولكن تجارنا يستغلون كلمة الصيانة المجانية وان جيلي ب التحديد مركز الصيانة ب التحديد لها لا يصلح ان يكون صيانة لشاحنات ذات الثلاثة عجلات لانه اسم مركز صيانة فقط
ابو عيسى شلش 31-10-2007 00:28
 سيارة جيدة
السادة الأكارم في صالة فنات أرغب باقتناء هذه السيارة ولكن أتمنى معرفة التقسيط عنها أكثر أملك 250000 دفعة أولى بدون الترسيم ( الترسيم أنا أدفعه ) كم هو القسط الشهري يكون مع العلم أني لا استطيع دفع اكثر من 7500 ليرة يمكنني زيادة الدفعة الأولى حوالي 35000 الرجاء الرد
khaled 12-10-2007 01:19
 جيلي جميلة
اشتريت السيارة وبعد التجربة أحببت هذه السيارة تعمل 240كم /20لتر بالبلد وتعمل 285كم /20 بالسفر مع نشغيل المكيف السيارة مريحة بالسفر القطع التبديلية أرخص من القطع بين مثيلاتها لاأعلم عن توفر القطع لكن المشكله تكمن في مبدل السرعات ( الفتيس) الى الأن قاسي بالرغم من أن وكيل الصيانة قد وضع عليه الزيت . سوف أحاول مرة أخرى مع الصيانة
ابن الفرات 08-10-2007 13:09
 استفسار
ماذا تقصد ياسيد ناصر بأن الدهان سيئ يعني عم يقشر الدهان ولا بيهر لوحده يعني بالنسبة للصيانة فأكثر الوكالات الصيانة باب رزق ونصب للوكالة.
ahmattow 01-10-2007 08:16
 سيارة جيدة من الشركة الخاصة للنصب والاحتيال
يا شباب انا عندي سيارة جيلي mk1 منذ خمس اشهر وجربتها واليكم التقييم مصروف الوقود ...... جيد 265كم في 20 ليتر منظر وشكل السيارة ................ جيد جدا المقصورة ................ مريحة جدا جداً على طريق السفر ............ هي ثقيلية ودوزانها جيد البويا اي الدهان .................. سيء جداً جداً جداً كفالة الشركة ................... اهل الشركة حرامية وعمال الصيانة سيؤون جداً ... احكي مع الوزير ولا تحكي مع واحد منن وقضية الكفالة شيئ كذب
ناصر 22-09-2007 16:25
 التجربة أكبر برهان
أنا أخدت السيارة يللي بفتحة سقف وعلى فكرة بتعمل 400 بالتنكة على طريق السفر بسرعة 110 مع مكيف وصدقوني مرتاح كتير بهالسيارة
حسام 25-07-2007 18:06
 
بالرغم من أن الناسيتدولون الكلام عن الصيني لكن اقول في يوم من الأيام تكلم الناس عن الياباني إلى أن أثبت جدارته وبعدها عن الكوري إلى أن أثبت الكوري جدارته واليوم عن الصيني لكن المشكلة بالصيني أن المستورد يقوم باستيراد الدرجة الأولى وبعد أن يثبت الصيني جدارته يبدأ ياستيراد الأنواع والمواصفات الأسوأهل الياباني كله جيد أرجو من الجميع التريث حتى نرى الضمان والكفالة في جيلي حقيقية والقطع متوفرة على العكس من بعض الشركات دون ذكر اسم لكن الصيني يحتاج فقط الى التخفيض في السعر كي ينافس مثيلاته من السيارات
ابن الفرات 17-07-2007 15:53
 mk 1
انا عندي سيارة من هالطراز والشهادة لله سيارة كويسة واقتصادية بس طبعا مو متل ماحكى الأخ الفاضل بتضاهي الكوري وانما بالفعل سيارة بس نصيحة لا احد ياخد اللون الأسود علة وماله دوا
ابو الناج 12-07-2007 02:40
 
ياعالم والله السيارة مافي احلا من هيك عم يئولو ئوية واقتصادية انا عندي امل ب الصيني شكرا....................................................
انور 26-06-2007 21:37
 
أخي (مواطن من زيمبابوي) بالفالج لا تعالج
أبو عمر 14-06-2007 06:15
 لك حدا يفيقو !
حدا يفيق السيد علي لأنو طحش في الحلم كتير أحسن من كيا و فيات ! المحرك جبار ! يعني يا أخي قول محرك جيد مس مو جبار ، و الالكترونيات ياعيني على الكترونيات الجيلي ، الـ abs تبع الجيلي فاشل تماماً مقارنة بالكوري ياعزيزي ، لك خليني أخرس أحسن شوبدي أحكي لأحكي ، حدا يفيقو يا شباب
مواطن من زيمبابوي 11-06-2007 18:23
 الصيني
انا امللك بيك اب جيلي منذ عامين وقد اثبت بانه قول وفعل با النسبه الى نظرائه هذا با الاضافه لسعره الجيد واذا فكرة بشراء تكسي فستكون mk1
منير 26-05-2007 14:12
 موديل م ك 1 جيلي
سيارة و لا أروع, قوية و جميلة و سعر مغري, لكن سمعت من مجرب اشترى هذا الموديل أن بالفيتيس "جظة" و أن الشركة تداور في أمر الضمان. بغض النظر , هل من أحد استخدم هذا الموديل يمكنه إعطاء الرأي ؟!
أبو فادي 22-05-2007 22:08
 أخي أبو دياب
أنا من أشد المعجبين بالسيارات الصينية وفعلا ً كللت حبي بأقتناء جيلي Ck1 وفعلا ً حبي لم يذهب في الهواء بل أثبتت السيارة يوما بعد يوم أنها ألقوى بين مثيلاتها من السيارات حتى أنها ضاهت الفيات والكيا وغيرها وكل ماقاله العالم عنها كان كذبا ً . سيدي الكريم أنني أقول هذا وواثق مما أقول فالسيارة الصينية أثبتت أنها قوية وممتازة من جميع النواحي كالالكترونيات والمحرك الجبار الذي تتمتع به . ويا سيدي الكريم إن انخفاض التكلفة للسيارات الصينية لم يأتي لأنها رديئة الصنع بل لأن الأيادي العاملة في الصين رخيصة .
Ali 12-05-2007 19:22
 السيارات الصينية
ما زالت السيارات الصينية لاتتمتع بمصداقية كافية تشجع على أقتنائها مع العلم أنني من أشد المتحمسين لإستبدال سيارتي القديمة وإقتناء واحدة بهذه المواصفات والتي لا يتجاوز سعرها نصف سعر مثيلاتها بالسوق. أرجو إفادتي بهذا الموضوع على عنواني الألكتروني: أخوكم أبو دياب wakh2@yahoo.com وتقبلوا فائق الأحترام
Kimo 05-05-2007 17:30
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.