بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
 ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
فيات
كم نجمة تعطي لهذه السيارة؟
نتيجة التقييم:   عدد المشاركين بالتقييم: 99
عدد التعليقات: 55
 فيات لينيا تيربو
انا امتلك لينيا تيربو 2010 ماشي بها حتي اللحظه 2700000 كيلو امشي بسرعه 195 يوميا اققطع مسافه لا تقل عن 500 km اعمل داخل مواقع اي اراضي غير ممهده و ترابيه و صخريه استهلاك السياره للبنزين ممتاز علي السرعات المتوسطه حتي 120 متوسط الاستهلاك 290 مع استخدام التكييف والسير علي جميع السرعات من 20 وحتي 180 السياره لها ثبات ممتاز و فرامل رائعه و تسارع جبار اقل من 9 ثواني للوصول ل 100 الغيار الثالث من 40 و حتي 128 دون اي مشكله باختصار السياره لا تقارن باي سياره كوري او ياباني 000ناهيك عن راحه الركوب
طلعت عبدالخالق 18-05-2015 11:58
 ممتازة
السيارة ممتازة الي عم يقارن بالكوري غلط هاد اوربي بعدين عطيني سيارة بتعملل 350 بالتنكة على طريق السفر و270بالمدينة مافي بعدين مواصفات كاملة مكيف ديجتل تحكم على المقود ايربك مرايا كهربا bs abdجنط كروم 15تحكم كامل بالكمبيوتر وزن يعطي سلبات على الطريق انا جربت سيارات كتير بس صدقا اسبت سيارا على المنعطفات الفيات لينياشكل جزاب مريحة من الداخلالتسارع من 0الى100بي 14ثانة شو بدكن احسن من هيك انا كنت راكب مارسيدس 230 التسارع من 0حتى 100 تسع ثو اني.بعدين انا صلي راكب الفيات لينا اربع سنوات ما صلحت فيا شي
ابو مروان 17-08-2014 12:22
 فيات لينيا وبس
مرحبا انا عبدالرحمن عياد عايش في الاردن مع نفس السيارة فيات لينيا صايرلها معي 8 سنوات يعني هي سيارة عائلة او سيارة رجل اعمال او سيارة رياضية او سيارة اقتصادية انا الصراحة بنصح كل واحد انوا يشتري فيات لينيا او فيات 500
عبدالرحمن عياد 08-04-2014 13:45
 كتالوك
احتاج كتالوك لهذه السيارة دلوني كيف احصل عليه
ابراهيم 06-04-2012 01:25
 
قالو انو بيركب عليها توربو في حدا جرب لنو ركب علها اذا في حدا يعطينى نتيجة
احمد 13-07-2011 15:54
 فرصة
يا شباب نزلوا سعر السيارة صار حق الغيار العادي الكاملة 1.062.000 منمرة جاهزة وعم يقسطوا على 3 سنوات بدون فوائد ( عرض حلو )
عاشق روما 02-03-2011 16:46
 انا مجرب أسالني
ياجماعة تجارنا كالعادة مابيكملوها بيشي ؟؟؟!!!!!! روحو افتحوا على موقع فيات لينيا دوت كوم وشوفو الخيارات الواسعة لهي السيارة ابتداء من سعات المحركات المختلفة وعدد الاحصنة والميزات العديدة الموجودة بهي السيارة وانتهاء بقياسات الجنط وموديلو يعني نحن وكالاتنا مابتكملها بيشي وانا مازلت عند رايي السيارة اكتر من ممتازة وعملية
منير 07-02-2011 19:01
 عربية ماشاء الله عليها
السلام عليكم انا مصرى ومعايا نفس العربية بس التربو120 حصان وملاحظ انها مش موجودة فى سوريا بس الله اكبر على العربية فى سحبها وسرعتها تتفوق على كل العربيات ال 1600 سى سى لان عزمها 203 نيوتن والتسارع من 0 الى 100 فى 9 ثوانى وكسور يعنى زيها زى ال C180
علاء على 26-11-2010 17:59
 نادم وخسران
الى جميع عاشقي الفيات ارجو ان تعذروني عما ساقوله. صار لها عندي اكثر من سنة وكل يوم بكرهها عن يوم. الثبات الذي تتكلمون عنه بسبب وزنها الزائد على قوتها 77 حصان.هذا وزن سيارة 1600 س س و فوق 100 حصان. هذا الوزن يجبب أن يحصل عندما تكون السيارة بكامل حمولتها. و بما أن هذا الوزن دائما موجود فهذا يشكل جهد للمحرك ليس له داع. ومع الوقت تحصل الاعطال. أما التابلو الحقيقة متقدم كثيرا للامام مما اثر على مساحة الفوتيس و فرام اليد. دائمأ اشعر أن يدي متوكه من قصر المسافة. و المسحة الامامية قليلة لانها قليلة عرض.
نادم 25-10-2010 13:33
 بكل حيادية8
هلق بالنهاية فيني اختم بكلمتين بعد كل هل حديث المطول ... يعني الفرق بين الكوري .. والأوروبي .. فرق شاسع .. سيارة لينيا يا شباب ايطالية .. وتجميع تركي .. يعني مو صناعة تركية .. هيه صناعة ايطالية صافية ... وشركة الفيات تعد تاريخ بالسيارات .. يعني من صناع السيارات الأوائل .. وكتير بيحترموا اسمن .. صحيح عانو من تطور بطيء نسبياً بتاريخهن الانتاجي.. بس اجمالاً هيه شركة عريقة وما خبصت ولا باعت اسمها لحدا .. ولا اعتمدت على حدا بانتاجها. السيارة غالية شوي .. بس نصيحة بين كل السيارات يلي من فئة السيدان
حيادي 08-09-2010 11:40
 بكل حيادية7
أما موضوع قوة المحرك .. فأنا ما فيني احكي عنه شي .. لأنو أنا كنت عم سوق سيارة 2800 cc وسيدان ... يعني رياضية من الطراز الأول .. وكنسلت السيارة .. صابها حادث ماكن .. وهيه من السوق الحرة يعني مو مستاهلة التصليح ... فلقيت اللينيا كتير ضعيفة بالمقارنه معها .. أما يمكن بالمقارنه بينها وبين الريو .. ما كتير بتلاقي الفرق .. ولا بينها وبين الفيرنا .. ولا حتى الأفانتي .. لأنو لقيت الكل ضعاف ... يمكن شهادتي مو ظابطة بالموضوع .. لأنو سيارتي القديمة مو خرج تكون مقياس بنوب
حيادي 08-09-2010 11:33
 بكل حيادية6
يعني حتى اذا بدك العدادات تكون عم تحسبلك بالميل.. مو بالكيلو .. فيك تغيرها ... أما بالنسبة لهدوء السيارة .. وانسيابيتها على الطريق .. فهيه عالية جداً ... بس بتعاني من مشكلة صغيرة .. هيه انو بتحس فيها برجة محرك خفيفة ... طبعاً هي الرجة موجوده بكل السيارات بس بالفيات بما انك ما عم تسمع صوت المحرك .. فبتحس انو الرجه هيه شي غريب .. عكس السيارات الباقية .. بتكون الرجة مترافقة مع صوت المحرك ... فما بتحس بشي غريب.. هلق بالنسبة للمطبات ... فالمرونه يلي بتعاني منها اللينيا .. ما بتشبه ولا سيارة سقتها..
حيادي 08-09-2010 11:28
 بكل حيادية5
بخصوص مزايا سيارة فيات لينيا.. فمن الشغلات يلي ما لقيت حدا من الشباب حكى عنها.. ويلي وجدتها.. أول شي بامكانك تتحكم بكل تفاصيل تجهيزات السيارة .. يعني مثلاُ جرس تنبيه السرعة قادر تحدد انت السرعة تبعه .. وقادر تطفي أي ميزة ما بدك ياها .. متل استشعار المطر .. أو تنبيه حزام الأمان .. لك حتى الوسائد الهوائية قادر انك تطفيها وبلا ما تروح على الشركة ليفصلولك ياها متل باقي السيارات.. يعني اذا انكليزيتك قوية شوي .. قادر تتحكم بكل شي بتحويه السيارة .. حتى صوت الغمازات.. يعني هي الشغلة غير مباحة بولا سيارة
حيادي 08-09-2010 11:21
 بكل حيادية4
التصميم داخل السيارة .. ويلي هوه موضوع أهم من تصميمها الخارجي.. فسيارة لينيا متناسقة بشكل ملفت للنظر .. يعني التابلو .. غيار السرعة .. الدركسيون .. شكل الفرش .. كافة عناصر التحكم ... كلها متناسقة.. عكس الكيا .. بتحس انو مصمم التابلو ما بيقربه لمصمم الأبواب .. والتنين ما بيقربوه لمصمم غيار السرعة .. وطبعاً يلي صمم الدركسيون ياباني .. مو كوري ... أما بالأفانتي .. فالمصممين كلن كوريين .. وبيقربوا بعضن .. أنا متأكد ... بس شو .. حرام هل عيلة تستمر بتصميم السيارات ... يعني ممكن ينجحوا بكتير شغلات غير
حيادي 08-09-2010 11:14
 بكل حيادية3
بالنهاية .. وبلا طول سيرة .. وصلت لقرار اني اشتري فيات لينيا .. السيارة الايطالية .. ورح احكي بكل حيادية عن السيارة .. أول شي بالنسبة للشكل الخارجي .. هيه سيارة بعتبرها الأقرب للمثالية .. يمكن الفورتي أحلى منها .. وشكلها رياضي أكتر منها .. أما بمسألة الانسيابية ... فسيارة لينيا لا تقارن بالفورتي .. لأنو واضحة مسألة الاحتراف بالتصميم في اللينيا .. بس فيها مشكلة صغيرة بشكل بالمقدمة .. يعني بتحس انو بيلزمها شوية زيادة بقياس العرض .. وما تبقى من مقاييس فهيه فعلاً مثالية
حيادي 08-09-2010 11:02
 بكل حيادية2
طبعاً عملت تجربة قيادة للكيا فورتي.. وللريو .. وللفيرنا .. وللأفانتي .. وما صحلي سوق الفيات .. لأني ما لقيت حدا من عندو منها .. واضطريت اني اكتفي بموضوع الشكل والميزات فقط ... بالبداية .. خلونا نحكي عن الشكل .. فالكوري كتير بيهتم بالشكل الخارجي .. أنا من الداخل .. فكل سياراتن عم تعاني من عدم تناسق .. يعني ما بتعطيك راحة نفسية نهائياً .. وبما انو نحنا السوريين عنا عقدة تاريخية بشكل السيارة الخارجية يلي عم نركبها .. فأكيد رح يلاقو الكوريين بسوريا سوق مهم لبيع منتجاتهن
حيادي 08-09-2010 10:54
 بكل حيادية1
صباح الخير شباب.. اشتريت سيارة لينيا ورح أعطي رأيي فيها بكل حيادية.. نظراً لاني قرأت تعليقات الشباب هون قبل ما اشتري وعرفت كتير شغلات عن هل السيارة قبل ما امتطيها .. طبعاً بالبداية وقبل كل شي.. وبما انو عملية الشراء هيه حالة تاريخية رح تمر بحياتي ولا أعتقد انو رح تتكرر.. يعني السيارة معتبرها سيارة العمر.. فبالبداية قررت اني اعمل مقارنه لكل أنواع السيارات المطروحة بالسوق.. ومر على كل الوكالات.. طبعاً .. وصلت لنتيجة انو خياراتي محصورة بين الكوري (كيا أو هيونداي) وبين الفرنسي (رينو) والايطالي (فيات
حيادي 08-09-2010 10:48
 عيب ...... كفى مقارنات مغلوطة و فاشلة
أنا شخصيا لم أجرب قيادتها ، شكلها من الخارج حلو و مقنع مقارنة بمثيلاتها من فئتها ،و أظن ان 75 حصان هو قياس حقيقي لقدرتها البخارية وليس القياسات الخلبية ..للسيراتو ..التي جربتها وأنا غير مقتنع أنهاتساوي 60حصاناً فعليا ..... عيب ......صار الوقت الذي يجب على مهتمي السيارات ألا يقارنو الكوري بالأوروبي لا من قريب و لا من بعيد لأن العرس بدوما و الطبل بحرستا عيب عليكم .... لا تقل هيونداي و كيا ... و الأوروبي حاضر .. عيب..صار وقت الفهم يا جهال السيارات ...
مجرب خبير 02-09-2010 22:43
 زبالة
يا اخوان انا مجرب سيارات كتير و منه فيات. رغم قدم سيارات فيات و انها صناعة ايطالية الا انها غير مشهورة و مرغوبة كباقي السيارات الاوربية و اليابانية. سيارات فيات مثل سيارات لادا: معدن قوي واثبات ومصروف قليل ولاكن تفتقر للانسيابية و الجمال و منطقية التقانة. هل من المنطق الميكانيكي سيارة 1400 سسي ووزن 1160 مع 77 حصان؟ايضا بسعر 110000 بلمقابل سيارة دايهاتسو 1300 سس حوالي 90 حصان وسعو 900000 يمكن ان تشتري سيارات كوري ممتازة حتى لياباني مشىؤثق لأ/ْ كاملة. أود ان اقول انها سيارة لاتستحق هذا السعر.
حسام 01-09-2010 13:06
 خبير سيارات
يا شباب الحقيقة السيارة لها سلبيات. اولا 77 حصان لايتناسب مع وزن 1160. ثانيا حجرة السائق غير مريحة. مثلا الفوتيس مرتفع قليلا وقريب من فرام اليد و العلبة المنحركة بين المقعدين الاماميين تغطي فرام اليد و متقدمة قليلا بحيث تعيق استخدام الفوتيس. ثالثا التابلو معجق ومن مواد رخيصة كذالك الفرش و الابواب من الداخل.رابعا السيارة قليلة عرض وهذا ما اثر على المساحة الداخلية.
ابو الزولوف 23-08-2010 10:06
 أنا مجرب اسالني
اما عن التعشيق (( الغيار )) سلس جدا ومتجاوب مع المحرك ولكن عند تشغيل المكيف تجد ان قوة السيارة تناقصت بشكل ملحوظ لفترة قصيرة ومن ثم المحرك يتكيف اتوماتيكيا مع المكيف فتصبح دورته اكبر ولا ننسى ان جميع السيارات حتى 1600س س بغص وقت تشغيل المكيف شي طبيعي
منير 05-08-2010 21:17
 أنا مجرب اسألني
الأوربي بيضل أوربي يعني بنت أصل لك فيات ياعمي مو كيا ولا بروتون ولا هيونداي
منير 05-08-2010 21:04
 أنا مجرب اسألني
اما على المنعطفات ولا أروع ثبات وسلاسة وعلى المطبات حنونة وناعمة وطرية وجامدة بعكس الفورتي يلي بتحس حالك راكب طنبر
منير 05-08-2010 21:02
 أنا مجرب اسألني
السيارة مارح يجي منها اتوماتيك هيك قالو بالشركة وموادها الداخلية ممتازة وصنوقها واسع جدا والاحلى مصروفها400على السفربسرعة100كم/سا
منير 05-08-2010 21:00
 أنا مجرب اسألني
سلام ياشباب انا عندي لينيا و السيارة كتير حلوة ومميزة أنيقة وواسعة ومصروفها حلو كاها ممتازة باستثناء انو محركها صغير عليها يعني يلي بدو يسابق ويعمل فورمولا مابتمشي معو بس يلي بدو يسوق ويمبسط وياخد اداء ممتاز فهي الحل احسن من الكوري بس بمليون مرة
منير 05-08-2010 20:58
 سيارة رائعة
يا شباب السيارة رائعة بكل معنى الكلمة أنا اشتريتها وكتير مقتنع فيها بالنسبة للشكل حلو والأداء جيد جداً المصروف حضارة 270 داخل البلد وعملت معي 321 على السفر مع سرعات عالية ثبات رائع على المنعطفات لكن بس بالطلوع بدك ترجع غيار اذا ما كان في تسارع وأخيراً بكفي النكهة الأوربية للسيارة والسمعة العالمية كمان وبالتوفيق للجميع
أبو خليل 14-07-2010 20:39
 G
فرجاء ياشباب اللي عندو من هاي السيارة ينصحنا بالايجابيات والسلبيات وبشكل حيادي وله جزيل الشكر .
G 01-06-2010 10:04
 G
ياشباب والله مو معقول اللي عم يصير وينحكى بسوق السيارات, يعني انا حبيت السيارة كتير وناوي جيب منا بس اللي عم يصير انو جيب كوري احسنلك والكوري احسن وبينباع اسرع. طيب شو هالحكي ايمتا كانت السيارة الكورية احسن من الاوروبية ونحنا من لمن كنا صغار بنتذكر اشارة البيجو والرينو والسيتروين والفيات ومابتذكر اني شفت اشارة الكيا او الهونداي الا بالتسعينات وكانو كتير مو مرغوبين فشلون صار اليوم الكوري احسن وبينباع اسرع؟ يعني والله العظيم لعبت تجار. البارحة كنت عند تاجر كيا كبير وحضرتو راكب لومينا ؟ عيب
G 01-06-2010 10:01
 تعديل صفحة فيــات في الموقع
نرجو من القائمين على موقع فنات والساده شركة الخولي المحترمين تعديل صفحة فيات واألفا روميو واللانسيا على موقعنا العزيز ، والساده شركة الخولي نأمل الأستجابه لمطالب العديد من السباب الراغبين باقتناء اللينيا اوتوماتيك , وأستيراد الموديلات الأخرى من فيات الرائعـه
صديق فنات دوت كوم الاول 29-05-2010 20:38
 اتوماتيك
صحيح ليش ما في منها اتوماتيك؟
hassano 24-04-2010 18:46
 فيات وبس
بصراحة كان عندي 3 خيارات اما نيسان صيني او متسوبيشي فراشة او فيات والحمد لله كان اختياري فيات لينيا سيارة فخمة واقتصادية وقوية وراكزة على السفر يعني 160 بعداد السرعة بالفيات متل 110 بغير سيارات من حيث الثبات ومقصورة الركاب كبيرة وصندوق الامتعة كبير جدا يكفي انها سيارة مميزة والتصميم الداخلي انيق واحسن من الكوري
فراس درويش 18-02-2010 19:03
 عن تجريب السيارة
السيارة كشكل كتير جذابة والاحسن كراسيها كتير مريحة وعالمطبات ولا اروع بس سلبياتها تابلونها إذا بتركز عليه رح تعرف انو من مواد رخيصة وخاصة ارضية لوحة العدادات مؤسف ومحركها بخجل وكتير مع اربع ركاب والخمسة بلا ما أحكي ومن قلب ابيض بنصح يلي بدو يشتري بالسيراتو الجيدة سيارة منافسة وأحسن برأي لأني ندمان انا شوي أما إذا بدو شي مميز هاد بيعود الو....
مجرب 16-02-2010 01:06
 حصرا للي بيفهم بس
إذا بتريدو ما حدا يحكي على الفيات بس للي مجرب بحقلو
majd 16-01-2010 00:51
 
لو المحرك من فئات 16 لكانت السيارة متناسقة كا حجم ومحرك والسيارة اكتير حلوة
ابو يوشع 25-12-2009 03:33
 ممتاز
السيارة حلوة ومتميزة ونعومة وفخمة بس شوي غالية ياريت يصير عليها عرووض متميزة واسعار ارخص
صبحي بليلو 11-12-2009 13:47
 والمجرب حكيم
السيارة يا ناس ممتازة وثابتة على الأرض وأحلا من هيك وسيعة كتير وأقتصادية كتير وعروض السيارة رائعة وميسرة وانشالله نصيحتي ألكون تثقو فيها لانو بالفعل سيارة
خود نصيحة مجرب 10-12-2009 05:01
 
بصراحة السيارة حلوة كتير بس انا بعرف انو بمصر في محرك 120 90 و مواصفات احسن وبنفس سعر
احمد 01-11-2009 23:33
 تابلو
عن جد التابلو خيلة شي بيشق و شكلها مميز و كتير حلو
الله اكبر 30-10-2009 01:28
 طلقة
انا جرببتا لسيارة ونصيحة خدها اما بالنسبة للمحرك فهي نعمة مو نقمة من ناحية المصروف و السلامة وبعدين بتمشي 330 عالسفر وتقريب 300 بالمدينة السيار راكزة وقوية اقتصادية وانسيابيةو اسأل مجرب لا تسأل حكيم
جلال 09-08-2009 14:40
 أرجو المساعدة
يا شباب أنا شفت السيارة كتير حلوة و فخمة بس ما حدا عمينصحني فيا يعني كل اللي بقلو فيات بقلي مجنون و مالي عرفان شو أعمل دورت كتير و ما خليت و كالة ما رحت عليا من الصيني للكوري للياباني ما عجبني غير هي السيارة بس وقفت عند نقطة انو محركا 1.4 هي مشكلتا بتمنى اذا حدا مجربا يعطيني رأيو
FIAT 28-05-2009 14:02
 إلى جلال
ألف مبروك السيارة بس ياريت تخبرني عن الأداء و الحيل و المصروف بالمدينة
mahmoud 16-05-2009 15:42
 ممتازة
يا شباب انا اشتريتها وفعلا الايطالي غير طعمة وخاصة منعرف شو عم نحكي هي فيات يعني فراري ومزاراتي يعني بدون كلام رائعة
جلال 13-05-2009 13:50
 Any feedback on this car?
Any feedback on this car?
Saad 15-03-2009 22:02
 حدا جربها
يا جماعة انا عجبتني السيارة بس بدي اسأل إذا حدا جربها و يعطيني لمحة عنها و عن مصروفها و أدائها
mahmoud 10-01-2009 22:36
 
عن جد سيارة راائعة وباين انا فخمة بس محركها ضعيف وسعرا شوي غاالي لو 800.000 بتمشي . بس بعموم احسن من افانتي وسيراتو الي معبي البلد من الجيتان والكلواظ بس لو يخفضو السعر شوي انا اول الشارين
بي ام دبل يو 24-12-2008 15:44
 سيارة فخمة و اقتصادية
و الله السيارة عجبتني كتير لما شفتا بالوكالة و فيها مزايا كتير حلوة متل ABS-EBD و آمنة كتير و الأهم من هيك انو 260 بالتكنة و السيارة كبيرة و واسعة و ما بتتقارن بالريو و الفيرنا . بس لو كانت اقوى شوي . بالصدق سيارة فخمة و طلتها حلوة
mahmoud 16-12-2008 21:11
 خياااااااااااااال
عنجد شباب بعمري ما فكلرت أنو هالسيارة ملفتة من يومين كنت واقف عأوتستراد درعا ومرت لينيا لونها فضي!!!!!عنجججد عاطية فخامة وتقل مو طبيعي يعني فورا بتقول حقها مو أقل من مليون ونص!!!((والله وازنة)) عنجد ياشباب حلوة جاية عبالي روح شوفها بالوكالة
خييال السانتافيه 21-11-2008 16:02
 سعر جديد وتقسيط ممتاز
ان زرت الشركة وشفت التطور الحاصل فيها والأسعار الجديدة للينيا والبوتنو والألوان الجديدة منها وفيها طرازين ونحنا هون عم نحكي بفيات يا جماعة الطليان افضل من صمم سيارات كل الشركات العالمية تلجأ للطليان للتصاميم والمتانة ومقاومة الهواء والأقتصادية مو عم نحكي على كوري اخد اسم اميركي والجوز ضرب يا عنبغم نقارنه بفيات مو معقول افتحو على جير ون بدل افلام الكرتون
samer 17-11-2008 11:56
 يتبع
مع العلم ان الريو و فيرنا و كليو تكون بمحرك 1.4 و لكن بقوة 97 او 98 حصان و ليس 77
sami 05-07-2008 11:25
 ضعيفة
محرك لا يتناسب ابداً مع وزن و حجم السيارة كما ان سعرها مرتفع قياساً باسعار السيارات المنافسة لها كالريو و الفيرنا و الكليو اتركية ايضاً، لو كان المحرك 1.6 بنفس السعر فيمكن ان يكون السعر مقبول
sami 05-07-2008 11:23
 كتير غالية
يا جماعة السيارة كتير غالية شكلها حلو بس اذا بدنا نقارن بينها و بين المازدا 2 رح يكون خسران اللي رح يجيبا لأنو المازدا 2 كل مواصفاتا أحلى من السينيا و قوة المازدا أكبر و شكل حلو كتير
بشار 26-06-2008 01:51
 حلوة ولكن...
سيارة جميلة بس مو معقول سيارة وزنها 1160 محرك 1.4 77 حصان شو بدو يشيل ليشيل كمان اذا عم تكلف مليون و 200 صارت شفروليه لاسيتي الكاملة صفقة رابحة اكتر وتتمتع بمحرك اقوى وسلس جدا نتمنى من الشركة استيراد محرك ذو 16 صمام وسعة 1.6 ولكم كل الشكر
علي 18-06-2008 13:21
 
السيارة من أجمل وأفضل السيارات بس ناطر الاوتوماتيك مع ال120 حصان وإذا كان فيه فتحة سقف فبيكون أفضل
02-05-2008 10:24
 سيارة حلوة
السيارة مواصفاتها جيدة وممتازة لكن السعر شوي كتير -- نرجو تجريب السيارة
ابو نور - b 02-04-2008 19:36
 فيات
السيارة حلوة بس والله ملينا ايمت بقا بدها تجي كاملة ؟؟
ali 04-12-2007 22:09
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.