بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
 ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
جاك
كم نجمة تعطي لهذه السيارة؟
نتيجة التقييم:   عدد المشاركين بالتقييم: 43
عدد التعليقات: 55
 قطع الغيار
قطع الجاك متوفرة بمنطقة زقاق الجن مقابل جسر المشاة (الخطيب)
احمد 04-05-2012 22:30
 دمشق
السعر الحالي للسيارة 750000
جاك 137 10-04-2012 22:10
 قطع الغيار
يعني يا جماعة معقول نتصل للصين مشان نجيب قطع للسيارة ؟؟؟؟؟؟؟؟ معقول فلتر مكييف لا بالشركة فيه ولا بالسوق ؟؟؟ مع العلم انه السيارة صار الها 3 سنين بالسوق ؟؟؟؟؟؟؟؟؟؟؟؟؟؟؟؟؟؟؟؟ شو هالوكالة التعيسة هي
فراس 13-03-2012 13:22
 
مرحبا ياشباب معي هاتش باك حساس ABS عم يضل يعطل حداعم يصير معه هل شي
باسل 02-01-2012 12:16
 سيارة جاك
سيارة رائعة من حيث كل المواصفات
أسامة 13-12-2011 14:35
 سيارة جاك
سيارة رائعة من حيث كل المواصفات
أسامة 13-12-2011 14:35
 سوؤ معاملة الشركة
كم ذكر الأخوان انا ايضا اعاني من عدم وجود قطع غيار في الشركة
نضال من حلب 28-07-2011 10:29
 رد لأبو هاشم الراوي
وكما قلت السيارة ممتازة بالنسبة لسعرها, اما بالنسبة للوكالة فانا لم اعاني ابدا من سوء المعاملة كما قيل بل بالعكس المعاملة ممتازة جدا والجماعة كتير اكابر وخدوميين وقطع الغيار متوفرة وانا شفتها بعيني قبل ما اشتري وعلى كل حال قطع اللانسر 2008 بتركب على الجاك, وان شاء الله بتتوفق بالشراء, واذا كان لديك اي استفسار ثاني ارسل لي ايميل وشكرا
anas 24-05-2011 10:33
 رد لأبو هاشم الراوي
اخي ابوهاشم, انا اشتريت الهاتشباك بشهر 11 2010, وصرت ماشي فيها 8000كم واليك الافادة باختصار: المحرك: ممتاز ومناسب للوزن وتسارعه عالي يعني بتشد منيح وخصوصا بالطلوع بس المشكلة انه الغيار سريع يعني المحرك بضوج وخصوصا على الغيار الخامس لما تكون ماشي فوق 110 كم\ساعة الدوزان: ممتاز جدا يعني احسن من الكوري بكتير ومتل الياباني انا لفيت كوع المحلق\المزة بسرعة 90كم والحمدلله مازاحت ابدا الصاج: جيد جدا بالمقارنة مع الكوري الكهرباء: بوش الماني يعني مافي خوف الفرام:abs وكتير منيح ومجرب على الثلج يتبع..
anas 24-05-2011 10:29
 نصيحة بالله عليكم
السلام عليكم .... شوفوا يا شباب احنا الي يشتري سيارة يعني كانوا اشترى شي خيالي ........ شو رايكم بصراحة و بامانة جادة بالجاك A137 بصراحة يا شباب و اريد حدا مجرب و مشتريها تا ما نتورط يا شباب ....
ابو هاشم الراوي 14-05-2011 02:34
 أرجو الإفادة
ما هي القطع البديلة لهذه السيارة وأي نوع من السيارات تركب قطعها على هذه السيارة وأين موجودة في دمشق.
شادي 04-02-2011 10:16
 رد لابو محمد
و الله السيارة ممتازة ، انا من الشام و سفرت بيوم واحد من هون الى وادي النصارى و درت هونيك و بعدين طلعت الى قلعة الحصن ، لقيت حالي صرت قريب من طرطوس كملت و طبعا العائلة معي و اغراض السفر ممتازة بطريق الطلوع الى القلعة و ممتازة بالشد مع باقي السيارات و كمان اقتصادية و الله و الله و الله ما في منها و على فكرة فات فيني من قبل سيارة ريو نزلت عم عيط و بهدل لقيتو عم يقولي اخي ما صرلك شي فعلا لقيت سيارتي ما فيها غير خدش بسيط بالبوليش راح و هو مقحوط و كمان مطعوج الصاج تبعو شوي
ابو حسام 22-01-2011 21:11
 اسال مجرب ولا تسال طبيب رد للاخ ابو محمد
اخي ابو محمد اتا اشتريت جاك ويارتني ما اشتريت بدك نصيحتي لا تشتري ولا تجيب لانو السيارة صارلها كم سنة بالسوق ولحد هلق مافي الها قطع وغير بعض المشاكل يلي عم تطلع بالسيارةانا موجود بدرعا وعندي سيارة جاك عتش باك نصيحة مني لا تشتري
بسام / درعا 30-12-2010 21:55
 محتار
عندي سيارة جيلي 300Aوحابب بدل وعاجبتني هالسيارة كثير بس خايف من الصيني لانو سيارتي جننتني اريد النصيحة
ابومحمد 29-12-2010 08:49
 سيارة هتشباك
أولاالسيارة بدها محرك اكبر لأنو السيارة ثقيلة أما باقي المواصفات فهي ضمن الحدود المعقولة
أبو جودي 18-12-2010 18:40
 اشتريت وما ندمت الحمد لله
الحمد لله اشتريت السيارة و استلمتها قبل العيد السيارة سعرها زاد حوالي 20000 بس و الله فعلا انها سيارة مشيت سرعة 160كم/س و السيارة ثابتة و ادائها حلو و صاجها ماكن اكتر من الريو و باقي الصيني مع العلم اني نزلت تقريبا على كل الوكالات قبل ما اشتري و مبروك لاخي هايل و انس
ابو حسام 26-11-2010 13:30
 قطع الغيار
قطع الغيار الأساسية (أضواء - مرايا) متوفرة بالوكالة ..أنا مأمن السيارة تأمين شامل ومافي مشكلة بثمن القطع لأنو التأمين رح يدفع...أما باقي قطع الغيار بالمحرك والكليات والكهرباء فهي قطع عامة شائعة بين كل السيارات ومتوفرة عند كل المحلات..على كل حال بزمن قصير رح تنتشر كل قطع السيارة بالمحلات المختصة بقطع الصيني متل وكالة أبو علي الحلبوني بالشام
هايل 15-11-2010 09:33
 عزيزي هايل
الله يبارك فيك اخي هايل, انا اشتريت الهاتشباك بس ممكن تخبرني عن قطع الغيار اذا كانت متوفرة بالسوق ووين؟ و عم تعاني من سوء معاملة الوكالة متل ما الكل عم يحكي؟ وشكرا لك
anas 14-11-2010 11:52
 أخ anas
مبروك السيارة أنا عندي نسخة السيدان والسيارة رائعة بكل معنى الكلمة كل واحد شافها تعقد وماصدق إنو فيك هيك سيارة صينية بالبلد ..سماكة الصاج أحسن من الريو وأقوى ومحركها قوي وأهم شي شكلها الخارجي أحلى من كل المنافسين ...
هايل 14-11-2010 10:42
 شكرا فنات
شكرا لفنات التي جعلتني اختار السيارة المناسبة بعد البحث الطويل, السيارة اعجبتني كونها تجمع بين للمحرك الياباني والتصميم الايطالي والتقنية الامريكية حسب ماورد في المواقع الاجنبية, اشتريت السيارة اليوم ورح استلمها بعد عيد الاضحى المبارك ان شاء الله, بالرغم من ان الكثير من الناس خوفوني من هذه السيارة والوكالة وشكرا لكم.
anas 14-11-2010 09:25
 رد لاخ ابو حسام
اخي ابو حسام من ناحية السايرة السيارة جيدة لكن معاملة الشركة سيئة جدا لابعد حدود ومن ناحية القطع بالشركة نفسها لا يوجد قطع بعد انتظار اربعة اشهر ومشاكل ومحاكم بيني وبين الشركة لحتى استطعت الحصول على قطع من خلال فك سيارة اخرى وتركيبها على سياراتي من الناحية السبارة سيارة جيدة بس الشركة غير جيدة وسيئة والعاملون فيها من معلمين تصويج او دهان لا يعرفو ن اي شيء في المصلحة يعني مثلا لون سياراتي خمري تم دهن وبخ السيارة القسم الخلفي بلون برتقالي وسكرا على تواصللك معي اخ ابو حس
بسام 24-10-2010 18:52
 الى السيد بسام
السيارة حقها 495000 + 93000 فراغ = 588000 تقسيط حقها 250000 دفعة + 7950*60 = 730000 السيارة منيحة من ناحية الاداء و المحرك الياباني ( ميسوبيشي لانسر 2005-2007) و لكن المشكلة قطع الغيار بالوكالة و متحكمة فيها .هل ياترى لهلق ؟ و خصوصا الكلام الك سيد بسام العامودي كونك الوحيد الذي يشتكي من هيك شي خبرني عن ادائها قبل الحادث و حمدا لله على سلامتك و الله يوفقك اصدقني انا نازل اشتريها و بالنسبة لقطع الغيار فيني فيدك ( عندي واسطة.... )
ابو حسام 23-10-2010 23:04
 استغرب
استغرب كثرة هالسيارة بالبلد ...رغم الوكالة السيئة
درويش الزيني 21-10-2010 12:28
 رد لاخ ابو حسام
بنصحك اخي ابو حسام لا تشتري هيك سيارة نحنا اشترينا وتورطنا اولا قطع للسيارة غير متواجد واذا تواجد بيكون سعرها لا يصدق ومعاملة في شركة جاك وليفان سيئة جدا جدا والمثل بيقول اسال مجرب ولا تسال طبيب ويلي بجرب المجرب بيكون راسو مخرب
بسام 20-10-2010 21:39
 الرجاء الافادة
اريد شراء هذة السيارة ارجو الافادة نهائيا فقد تضاربت الاقوال من حيث الاداء و الكفالة و اذا في معلومات عن ثمن السيارة بالتقسيط ارجو الافادة
ابو حسام 18-10-2010 17:30
 كذبة كبيرة
هاي السيارة فيا عطل هوي الاكس لانو فيها تتنتيعا بين الاول والتاني فيها عطل بعلبة السرعة الشركة نصابة وكذابة ومابصلحو شيء بنصح اي واحد مايتورط لانو انا تورطت
adadad 10-10-2010 22:50
 رد للاخ فرااااس
اخي فراس اول شي ضوء السيارة الخلفي عندي مكسور والة الان لا يوجد في الشركة ضوء خلفي او امامي وعلى فكرة لم تما تصليح سيارتي يعني بدل التصليح قامو بالتخريب واصبحت سيارتي من من الخلف بشعة وعندما سالتهم ما هذا التصليح قالو لي حرفيا مشي حالك حاليا لغاية حضور القطع ودفعت فاتورة التصليح اربعون الف ليرة سوريا اشترينا جاك وأبتلينا لا يوجد اضواء للسيارة في الوكالة ولا خارج الوكالة وبنصحك لا تصلح في الشركة
بسام العامودي - درعا 13-08-2010 14:07
 إلى الأخ بسام العامودي
أعتقد أنه يوجد بمدينة حلب ورش صناعية تقص البلور المطلوب على مقاس أي سيارة يمكنك السؤال عن هذا الموضوع والتأكد من ذلك................. وسؤال آخر...هل انكسرت الأضواء الخلفية في الحادث وهل هي موجودة في الوكالة ومن ركّبها لك وماهي التكلفة...؟؟؟؟ مع التمنيات بالتصليح السريع
فراس 09-08-2010 13:38
 رد للاخ فراس
اخي فراس انا متللك بحثت في دمشق وحمص ودرعا ووصلت الى حلب لم اجد اي قطعة لسيارة جاك هتشباك والى تاريخ هذا اليوم ما تزال سيارتي متوقفةفي شركة السطان ودخلت الشهر الثالث وانا بحاجة فقط لزجاج خلفي للسيارة اشترينا وابتلينا ارجع مرة اخرى انادي باعلى صوتي للمسؤلين على ان يتم محاسبة المقصرين من مهندسين ومدراء في شركة جاك وليفان
بسام العامودي - درعا 06-08-2010 12:29
 
شركة السلطان يا جماعة شركة نصب و احتيال و يا ريت شرفاء البلد و السادة رجال الدولة و القانون المحترمين ما يسكتو لأنو هاد مصير بلد غالي
عتريس 04-08-2010 18:38
 علقنا...رد إلى الأخ بسام العامودي
علقنا مع هالوكالة الفاشلة وماحدا سمى علينا ؟؟؟؟....بس والله السيارة كتير حلوي وأنيقة ومرتبة وإلآ مايجي يوم تتوفر فيه قطع التبديل خارج الوكالة عند التجار وياريت لو حدا بيعرف وين لاقي قطع تبديل لسيارة الجاك السياحية بالبلد وشكراًً
فراس 03-08-2010 13:10
 الصيانة سيئة في حمص وشركة مابتحترم حالها
الصيانة في شركة السلطان فرع حمص بدائية ومتخلقة وتفتقر إلى أيدي خبيرة منذ شهرين تعطل عندي محرك مضخة ماسحات الزجاج وحتى الآن لم يحضروه من دمشق هذا اذا كان أصلاً موجود بمستودعات دمشق ومنذ فترة تعطلت الكاميرا في سيارة الليفان عند صديقي وخلال فترة ستة أشهر لم يستطيعوا تصليحها بفرع حمص حتى راح لفرع الشام وصلحها بخمس دقائق
مالك حسون 01-08-2010 12:05
 السيارة ممتازة ولكن ....؟؟؟؟؟؟
سيارات الجاك ممتازة وجديرة بالثقة وتلبي رغبات المواطن السوري وحرام هيك سيارة متينة تكون عند هيك وكالة فاشلة مابتحترم الزبون وأعتقد لو يساهم التجار باستيرادها ستسيطر على قسم كبير من سوق السيارات فهي أنيقة وقوية وجذابة وفيها كل الموديلات (سيدان- هتشباك -دفع رباعي - مرفهه- شاحنات متوسطة وكبيرة) وياريت التجار بيستوردوا قطع الغيار لكسر الاحتكار
وسيم 01-08-2010 11:54
 رد للاخ نهاد
طبعا اضم صوتي لصثوت الاخ نهاد وأنادي بصوتي العالي لجميع التجار في سوريا بان يقومو باستيراد سيارات الجاك واستيراد قطعها من اجل حل مشكلة للمواطن السوري وكي ان لا يكون حكرا لمجموعة السلطان التجارية
بسام العامودي - درعا 29-07-2010 17:53
 رد للاخ نهاد
يا اخ نهاد ياريت المعاملة سيئة حصرا يوجد نصب وحتيال انا احتالو علي ونصبو علي بالسيارة باعوني سيارة فيها عطل مصنعي ولما راجعتهم صار بدهم مصاري حتى يصلحوها واذا صلحوها الويل لك ستكون الفاتورة خمسة اضعاف عن السوق وهذا فارق كبير وانا سيارتي منذو شهرين في الشركة من اجل بللور سيارة وتحديد اليوم 29/8/2010 تقدمت بشكوى ضدهم لمحاكمتهم برجع وبنصح لا احد يشتري سيارة جاك
بسام العامودي - درعا 29-07-2010 17:47
 الوكالة سيئة سيئة
الوكالة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة سيئة والمعاملة أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ أسوأ حبذا لو التجار يستوردوا سيارات الجاك السياحية ويسحبوا البساط من تحت شركة السلطان
نهاد 28-07-2010 20:18
 رد لابو حسن
اخ ابو حسن انا اشتريت سيارة والسيارة حلوة وجيدة ولكن معاملة الشركة سيئة بصراحة كرهت السيارة بسبب المعاملة يوجد قطع في الشركة لكن الشركة ترفض بيع القطع من اجل ان تصلح تصليح ةالسبب يعود على ان فاتورة التصليح مربحة اكثر من فاتورة شراء القطع وسيارتي موجودة في الشركة جاك وليفان بدمشق منذو ثلاثة اشهر والى الأن لم يتم تركيب زجاج خلفي للسيارة والحجة دائما هاليومين سوف نركب وانا بانتظار هاليومين وبنصحك ابو حسن لا تشتري جاك ابدا
بسام العامودي - درعا 27-07-2010 07:10
 رد على سيارات الجاك
طبعا رد على الاخ الذي يسال عن عروض السيارات انا اشتريت سيارة جاك بدفعة اولى 270 الف ليرة مرسمة وتقسيط شهري8200 ليرة لمدة خمس سنوات السيارة جيدة وجميلة العلة والمرض في المعاملة انا اشتريت السيارة في 22/12/2009 وبعد ستة اشهر عملت حادث بالسيارة وتضررت من الناحية الخلفية للسيارة تصورو قالو لي حرفيا لا يوجد قطع للسيارة حتى الزجاج الخلفي غير موجود طلبو مني حرفيا تصليح السيارة حاليا فوافقت وكانت الصدمة كبيرة عندما عرفت فاتورة التصليح الكبيرة فاين الرقابة
بسام العامودي 09-07-2010 16:01
 دمشق
ممكن اعرف ليش شركه مابتعطي قطع غيار وممكن اعرف اسعار قطع
ابراهيم 26-06-2010 01:42
 تصميم جميل
السيارة ذات تصميم جميل ومدروس وإمكانياتها جيدة لكن لدى مشاهدتي للسيارة في صالة العرض لفت نظري وجود فراغ واضح بين إطار العجلة الخلفية والهيكل المحيط بها وهذا يسيء للمظهر الخارجي للسيارة لا أدري إذا كان هناك من إجراء ما يمكننا من إخفاء هذه الفجوة إلى الحد المقبول ؟.
هادي 14-06-2010 14:59
 كلمة حق
نحن اشترينا جاك هاتش باك من حلب وصار معنا حادث قبل شهرين وحتى الأن لايوجد قطع للصيانة الشهادة لله تعبون روح وتعا على الفاضي والله حرام
احمد 25-05-2010 16:57
 الوكالة هي
الوكالة هي شركة السلطان التجارية وشكراً لكل محبي وعشاق سيارات الجاك الجميلة بكافة أنواعها والتي أراها أينما ذهبت في كل الشوارع
رائد 02-05-2010 20:43
 نود معرفة وكالة هذه السيارة
أخواني الكرام لو سمحتم تخبرونا ماهي وكالة هذه السيارة والعنوان شكرا للتوضيح من قبل جميع الأخوة
وسيم 01-05-2010 11:54
 شكرا للسيد معتز
شكرا أخي معتز على المعلومات القيمة وفعلا السيارة ممتازة بس المشكلة بقطع الغيار و أنا يوم الخميس 8-4-2010 أشتريت سيارة أخرى هي غريت وال _كول بير _ صحيح أنها أغلى من الجاك لكنها سيارة عائليه فيها كل الميزات بالإضافة لتوفر قطع الغيار. شكرا للأخ معتز و لفنات لمساعدتهم في أختياري السيارة المناسبة لي.
omar 10-04-2010 12:04
 وضحونا
ممكن واحد من الشباب يبيننا شو اقساطها وسعرها بالتقسيط مع جزيل الشكر
ابو معاذ 07-04-2010 13:46
 تقييم السيارة بعد التجربة 2
أخي omar ركبت مع 4 أشخاص في السيارة وبحمولة حوالي 300 كغ في الصندوق الخلفي وصعدت بها إلى ارتفاع 1100 م عن سطح البحر الدريكيش ولم أواجه أي مشكلة في العزم وتبقى مشكلة قطع الغيار الغير متوفرة بالكامل في الوكالة والتي هي العائق الأكبر لمن يرغب في شراء هذه السيارة وحبذا لو تصدق الوكالة ويحرروا شاحنات قطع الغيار العالقة في المرفأ منذ شهور حسب زعم وكيل حمص فربما ينكسر أحد المصابيح أو ينكسر الصدام والقطع غير متوفرة .....والموعود مانو محروم.. وشكراً
معتز 31-03-2010 21:06
 تقييم السيارة بعد التجربة
اشتريت هذه السيارة بتاريخ 19/8/2009 لم أصادف أي مشكلة ميكانيكية ولم اسمع اي صوت غير طبيعي ولم يحدث أي عطل وولايوجد سوء تصنيع أبداً بل العكس السيارة عالية الجودة وهي أجمل من الداخل والخارج من مثيلاتها الكوريات ومجركها الياباني من ميتسوبيشي بسعة 1300 cc قوي وفعال واقتصادية جداً قمت بتنجيدها بالجلد كاملاً وهي مريحة هادئة كاملة المواصفات تقريباً ثابتة على الطريق وزنها 1100كغ مكيفاها فعال جداً ولايؤثر على عزم المحرك.....يتبع
معتز 31-03-2010 20:56
 تقسيط
يللي بيعرف شي عن عروض التقسيط يخبرنا .وشكرا لفنات........
جميل 26-03-2010 13:55
 الى السيد معتز معلومات أكثر
أنا أشكر السيد هشام الذي نصحني بقتناء هذه السيارة (هذا ما سأفعلة قريبا) فهل ممكن يا سيد معتز أنا تزودنا بمعلومات أكثر عن أداء السيارة وما وجدت بها من حسانات وعيوب وخاصة أداء المحرك و هل وجدت بها عيوب تصنيع و ماصدفت من مشكلة بالقطع مع الشركة ولك جزيل الشكر والى موقع فنات شكرا على الموقع الرائع
omar 23-03-2010 16:08
 كلام صحيح السيارة العجيبة الفريدة
كلامك صحيح 100% أخي هشام لقد اشتريت هذه السيارة العجيبة (نسخة السيدان) منذ فترة قصيرة وقد أعجبت كل من رآها وحتى الآن لم أواجه أية مشاكل وتستحق لقب السيارة العجيبة الصينية وسعرها مقبول جداً بس المشكلة الوحيدة بالوكالة مافي قطع غيار
معتز 22-03-2010 13:09
 أفضل ما أنتج في الصين
عندي صديق اشترى نسخة السيدان (وأنا اللي نصحتو فيها) لأنو ميزانيتو ما بتسمحلو يشتري كوري... هو ساكن بأقصى غرب دمشق وبيسافر يوميا للأقصى الشمال الشرقي من العاصمة (والمسافة لاتقل عن 70 كيلومتر يوميا!!) صارلو حوالي السنة شاريها وقطع 30 ألف كيلومتر.. ولحد هلق مازالت قوية وماعم يشتكي من شي.. وهلق الي صديق تاني راح ياخود وحدة هاتشباك! بس يا ريت لو كان الوكيل أنشط من هيك وانشالله يكون صادق بقطع الغيار... والتصميم ظريف ونوعية المواد أحسن من غيرها بالصيني.... فيكون تعتبروها نسخة صينية ناجحة من الكيا ريو.
هشام 10-03-2010 22:46
 رأيكم
يلي اشترى هذه السيارة يعطينا رأيو فيها بصدق
ابو حسن 04-03-2010 22:50
 
سيارة جميلة جدا لكن نطلب من الشركة انشاء مركز صيانة في الساحل وتسهيل معاملة الحصول على السيارة بالتقسيط كما اطلب من فنات توضيح استطاعة المحرك الشركة تقول انو 97 وانتم تقولون 70 وفي موقع الشركة المصنعة هو 88 فما هو الصح وشكرا
عاشق الجاك 21-02-2010 18:31
 خدمات قليلة
المشكلة بضآلة الخدمات التي تقدمها الوكالة فالكفالة تشمل المحرك فقط و لا توجد فحوص دورية خلال مدة الكفالة
ola 24-12-2009 12:06
 تصميم لا بأس فيه
هل السيارة والله حلوة بس لو تكون ع 500 الف كان سعرها مناسب اكتر طبعا ع علبة سرعة اتوماتيك واذا حدا مجربها ارجوا يخبرنا عنها
عجبتني السيارة 10-11-2009 00:29
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.