بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
كم نجمة تعطي لهذه السيارة؟
نتيجة التقييم:   عدد المشاركين بالتقييم: 781
عدد التعليقات: 242
 بروتون جين 2
انا بصدد شراء سيارة بروتون جين 2 عليها اقساط اخر قسط تم سداده عام 2012 كيف يمكنني التواصل مع الشركة لسداد الذمم
شاهر 23-01-2017 04:46
 رقم المحرك
ارجو السرعة بالإجابة عن مكان وجود رقم المحرك للبروتون جين 2 لأمر ضروري جزاكم الله خير
حسن 06-05-2015 09:13
 رقم المحرك
يا شباب حدا بيعرف وين بيكون رقم المحرك مكتوب بالبروتون جين 2
حسن 06-05-2015 09:11
 حسبي الله ونعم الوكيل
لك حصان كبوه نصيحه بعدو عن الجين 2
موجوع 18-09-2014 01:08
 دمشق
ياشباب دلوني ع مركز صيانة جين 2 بالشام......
بوتون جين 2 04-03-2014 19:55
 ماهو رقم رولمان الدولاب للبروتون برسونا
السلام عليكم .ممكن تساعدوني برقم الرولمان الامامي لبروتون برسونا وماهو النوع الافضل للبواجي .مع الشكر والتقدير لكن
جرير 09-12-2013 08:01
 رقم هاتف الشركة
السلام عليكم ورحمة الله وبركاته بدي رقم هاتف الشركة في حرستا او عنوان مكتبهم بدمشق الي بيعرف رجاء يدلني وشكرااااااااااااااااا
osamaaa 09-12-2012 10:18
 مستغرب
السلام عليكم .شكرا لفنات الرائعة بالنسبة لمصروف الجين 2أنامستغرب من الأخوة المشاركين سيارتي موديل 2007أتو ماتيك كاملة هلء بلشت تصرف معي لأنو البواجي تعبو وعم تعمل معي 165بالتنكة ويا جماعة البواجي عم تلعب دور كبير بالمصروف غير رقم الوكالة واللي مكتوب بالكتالوك اكيد راح تصرف وهالحكي بعد تجربة وللأسف دائما دائماالبواجي بالوكالةغير متوفرة.تحياتي لكم جميعا
أبو زياد 19-09-2012 22:28
 مساعدة عاجلة
انا بصدد شراء بروتون جين 2 2007 ارجو من الاخوة المشاركين تزويدنا بالمواصفات الحقيقية والتجريبية ...لماذا سعر هذه السيارة منخفض في السوق قياسا بغيرها ....هل بسبب المصروف ام بسبب غلاء قطع الغيار ام سبب اخر ...الرجاء من الاخوة المساعدة وخصوصا مالكين هذه السيارة .. وهل لها وكالة في سوريا وان هي مع بالغ التقدير لكل الاخوة
sam 23-03-2012 04:10
 بالنسبة لمصروف البنزين-خبرة شخصية
انا دخلت ع المواقع و عرفت انو Compression Ratio هوي 10:1 و بهالنوع من الانضغاط بدو 95 اوكتان للاداء الافضل سألت عمال كازية الازبكية انو هالبنزين اديش قالولي - و مابعرف اذا دقيق هالحكي - اوكتان 85 و علبة الاوكتان بسعر 150 ل س و بتزيد الاوكتان 7 نقط لل30 لتر على حد قول العمال اي انو الاوكتان صار 92 و بالفعل تحسن الصرف من 170 الى حوالي 185 بالمدينة و تحسن كتير بالسفر و وصل الى 280 بتمنى تفيدكون معلوماتي و اعذروني اذا كان في معلومات غلط
مالك جين 2 19-02-2012 14:29
 
م.سامر او اي حدا ممكن يفيدني سيارتي جين 2 2006 المصروف عالي جدا لل 120 بالتنكة مستحيل مافي حل اذا حدا عندو الحل ارجو انو يساعدنا لانو وديتها عل وكالة و ما صار معهم ولا شي وكالة فاشلة
Dr,sami 18-02-2012 17:16
 مصروف البنزين
دخلت مؤخراً على موقع سيارات ماليزي مثل فنات و كان الموضوع حول مصروف الحين تو و أغلب التعليقات كانت حول مصروف السيارة و هو تقريباً 7.9 ليتر / 100 كم فهل هناك فرق بين السيارة المباعةفي ماليزيا و المباعة في سوريا أرجو الاجابة من الوكالة
أسامة 17-01-2012 16:11
 استفسار
السلام عليكم . بس بدي اسأل سؤال انو كيف سعرها البروتون بالوكالة 990ألف و بالسوق المستعملة النظيفة جدا 525 ألف ؟؟؟ يعني تقريبا نصف القيمة !!! ممكن أعرف شو هالفرق !!!!!!!!!؟؟؟؟؟؟؟؟
iimad 14-01-2012 12:40
 الغالي حقو فيه
الميزات :الجين تو قوية و شكلها انيق و مسجلتها روعة العيوب : اللمسات النهائية فيها سيئة جدا - الفقسات =محركات الشبابيك مع صوت عالي - ازار التحكم على المقود- وكالة سيئة و غالية على الفاضي و مابيغرفوا يصلحوا عطل واحد مظبوط - و ماذا تتوقع من سيارة ماليزية؟؟؟؟؟؟ على كل اقتنيت الكوري و هوي مو احسن منها بكتير نصيحة لوجه الله ماتشتري غير ياباني طبعا لانو الالماني كتير غالي الياباني دقة و صناعة متعوب عليها و حقها فيها و مابتكب مليون ليرة عالفاضي
مالك جين 2 03-01-2012 21:11
 عاجل .. عاجل
مرحبا للجميع ..مبارح يا عالم لانتبهت لسيارتي الجين تو 2010 و اندهشت جدا عندما وجدت انو سيارتي عمبتساوي بالتنكة 117كم تقريبا .. و من قبل ما كنت منتبه لهلموضوع و ندمان كتير لاقتنائي هالسيارة و الله و سعرها ليس بالقليل و الله .. حرام كتير .. شو بتنصحوني ؟؟ بيع و لا صلح ؟؟
rami 27-12-2011 11:07
 شو منشان؟؟؟
والله كنت مفكرة آخد بروتون جين تو . بس بعد ارتفاع سعر البنزين غيرت رأيي و بعد ما شفت كل التعليقات تقريبا و انو السيارة مصروفها كتير .. يعني !!! و بقترح عالشركة تنزيل السعر مباشرة
سميرة العلبي 25-12-2011 19:15
 غالية
البروتون صحيح بتشتريها ب 900 ألف بس وقت تريد بيعها يا دوب تجبلك نصف المبلغ لانها غير مرغوبة بالسوق لمصروفها العالي و قطع الغيار المحتكرة لدى الوكيل و شكرا لموقع فنات الصريح
بطرس نقولا 15-12-2011 14:24
 صريفة بنزين
نصيحة لوجه الله البروتون جين تو كتير عبتصرف بنزين و بشكل غير طبيعي و اسألني انا كم مرة رحت للوكالة مشان عيار البنزين و ما صارت و لا بأي شكل و يلي بيقولك مو صريفة كلامو غير صحيح يا احمد و سيارتي مصروفها 115كم بالتنكة اي و الله حرام يجيبوا هيك سيارات و بالسوق ما جابتلي ال 500 ألف و الله و هي كاملة مع المساحة الخلفية و ال ABS
مهند المغدور 15-12-2011 11:35
 محتار
السلام عليكم أنا عم دور بدي أشتري سيارة ومحتار فشفت جين تو بالوكالة موديل 2010 قال بيعطيني ياها ب 900 ألف فهل قطعها غالية ؟ وأديش مصروفها ؟ وعزماتها مناح ولا لاء ؟ وشو رأيكن هية ولا الكيا ريو أو الأكسنت الجديدة ؟ وبرأيكن شوف مستعمل ولا لاء وأنو أحسن المحلات بسوق المستعمل بالشام وشو شوف سيارات مستعملة ؟ وشو بدي أفحص بالسيارة المستعملة ؟ وشلون بتبين معي انضيفة ولا لاء
أحمد 09-12-2011 00:00
 
م.سامر أنا جربت برمج جهاز التحكم للجين 2 متل ماشرحت حضرتك فيما سبق لكن مامشي الحال.شو ممكن تكون المشكلة برأيك؟ علماً إنو الجهاز ماعاد اشتغل لما بدلت البطارية
م.أحمد 05-12-2011 11:45
 مفاجأة
مرحبا بالنسبة لسيارة البروتون جيبن 2 أنا اتفاجئت جدا بعرض التقسيط التعجيزي لسيارة ماليزية و ماضيها اسود و مصروفها العالي الجودة كتير ,, !!!! بالاضافة للدفعة الأولى يلي بتجيب الجلطة طبعا .. يعني و الله غالية كتير و ما فيها شي حلو كتير .. و كلو عادي و اقل من عادي و اعتقد انو بالصيني المواصفات اكتر و السعر احلى .. و ما بروح لبعيد .. ليكها الاكسنت الجديدة الكاملة دفعتها اقل و تقسيطها اقل و انصح بها بعد ما اشتريتها بالتقسيط المريح و شكرا لفنات
الياس صيداوي 26-11-2011 14:05
 سيارة جيدة بس...
انا اشتريت جين 2 2010 من حوالي سنة والسيارة جيدة وممتازة من ناحية الأداء والثبات بس فيها مشكلة البروتون الأساسية هي أسعار القطع الغالية، صار معي حادث من فترة واحد الأضرار كان طرمبة الهدروليك وطبعاً مافي منها غير بالوكالة وسعرها 16500 ليرة طبعاً هاد الشي عداك عن بقية أسعار القطع الخيالية كأنك راكب مرسيدس. السيارة ممتازة بس أبداً مو نصيحة انو يشتريها لأنو أسعار القطع غالية وعالتصليح بتحط الفرق، اذا حابب تشتري سيارة خليك عالكيا والهيونداي بس مشان أسعار القطع والتصليح.
عامر 24-11-2011 10:51
 الى الاستاذ منير
كلنا منعرف ان الفورتي اخت الافانتي نفس الشاسية والمحرك , السيارة حلوة كمواصفات وشكل بس الامان سيء فيك تشوف كام وحدة قالبة بحوش بلاس وتحكم , ثباتها فاشل وخفيفة عالكواع وعالسرعات العالية وهالحكي معروف عنها , وبتحداك تجيب حدا عندو سيارة بروتون وبيشكي من ثباتها وركازتها عالسرعات , عكل حال بكرر شكري لحضرتك , انا مو جاييني شي من هالموقع وجودي هون لساعد زوار القسم
م.سامر 19-11-2011 01:39
 الى الاستاذ منير
فيك تقرا كام سؤال جايي لاسمي هون وبباقي اقسام بروتون وكام موضوع رادد عليه وبكل شفافية ... انا حقي احكي تجربتي انا بقول سيارات بروتون ممتازة بفئتها سياراتي مافاتوا تصليح الواجا 2004 والجين2 2010 القطع بحوش بلاس متوفرة وخدمة الوكالة مريحتني هذا رايي ... انت بتقول سيارات فاشلة هذا رايك بس المفروض تحكي عن تجربة او تعطي مبرر مقنع مو فتاوى وتشليف بالحكي بس لحتى انا وغيري نحترم كلامك
م.سامر 19-11-2011 01:23
 الى الاستاذ منير
اول شي شكرا لكلامك المحترم فعلا هذا بدل على ذوقك ... عكل حال انا بعرف حالي... انا اخر عرض سمعت فيه باخر صيانة عملتها لسيارتي كان نفسو اللي موجود بجريدة الدليل تقسيط 5 سنين من دون فوائد ومارح يكتبوا بالجريدة عرض كذب "فكر فيها هي" فيك وتشوف الجريدة وتتاكد ... انا بملك جين2 وواجا ومالي علاقة بالوكالة عم احكي تجربتي متل غيري ووجودي هون بس لساعد غيري فيك تقرا تعليقاتي القديمة وتشوف بعينك
م.سامر 19-11-2011 01:14
 فورد
كتير حلوة الفيستا حسام و احسن من البروتون طبعا و انا معي فورد فيستا و كتير حلوة و قوية و رفيقتي معها بروتون جين تو و كتير مزعوجة منها و من مصروف بنزينها و تصور انو هي بده تبيعها بس ما على ما يبدو مالها سوق جيد و شكرا لموقع فنات الحلو و الصريح
maya 18-11-2011 11:12
 واضحة
اخي حسام طبعا ما بدها اتنين يحكو فيها دولاب الفورد بيسوا البروتون كلها و نصيحة من هالذقن الحلوة لانو معي برون جنتو وبتساوي بالتنكة شي 130كم و ما فيها عزم فالفورد شركة و سيارة محترمة و شكرا
mazen byrkdar 17-11-2011 13:43
 مقارنة
شباب بتنصحوني بالبروتون جين 2 ولا الفورد قيستا الجديدة ؟؟
housam 16-11-2011 18:43
 صحيح
صحيح يا ابو حسان و كلامك مظبوط انا عندي بروتون جن تو موديل 2009 اتوماتيك صرفها عالي بالبزين كتير و بتساوي تقريبا 140 كم بال 20 ليتر و ما دخل 2007 و لا 2009 المشكلة بالمصنع الرئيسي يمكن و الله و اعلم و هون الشباب ما عميعرفوا يظبطوها
ابو عبده 01-11-2011 14:36
 كأنو مصروف 8 سلندر
والله العظيم و الله العظيم اني هلكت و فلست من مصروف سيارتي البروتون جين تو و ما لها حل نهائيا يا شباب . نصيحتي لا تركبوها . و أنا مو طالع بايدي الا النصيحة. و ضيعت نص عمري بالصيانة و عالفاضي . و كل مين بيقول مصروفها 180 او اكثر لا تصدفوه مصروف سيارتي بالبلد 130-120
ابو حسان 31-10-2011 12:16
 عيب
يا سيد م . سامر كلامك غير صحيح و هذا دليل على الدعاية يلي عمبتساويها لشركة بروتون .. فأطلب منك ان تكون واضح وصادق .. و أنا كنت بالشركة مبارح و تعذبنا بالسؤال عن عرض التقسيط الفاشل طبعا .. سعر سيارة الجين تو الفاشلة الماليزية الصنع بحدود مليون و مائة و واحد وستون ألف ليرة ... يعني مع فوائد؟؟ يعني باخد فورتي طبعا احسن بكتير !! و خلينا نكون صريحين مع بعض سيارة فاشلة
منير حداد 31-10-2011 11:23
 استفسار
استاذ سامر لو سمحت هل يمكنك أن تزويدنا بعرض الوكالة بدون فوائد لأني مهتم فعلياً بشراء البروتون جين 2 نرجو منك المساعدة و هل يمكنني التواصل معك
IYAD 27-10-2011 22:32
 ماشي
اخي سامر اذا في مجال تشرحلي كيف تقسيط بدون فوائد و تقلي شو الترتيب و لك الشكر
منير حداد 27-10-2011 14:19
 الى الاستاذ علي
فيك تشتري جين2 جديدة بالتقسيط ومارح تندم عن تجربة السيارة مرتبة وقطعها توفرت بالسوق ... وفيك تاخد هيونداي اكسنت تقريبا نفس سعر الجين2 اللي جربوها عم يقولو ان منيحة بس انا بفضل الجين2 عالاقل بموضوع توفر القطع ... اما اذا بدك تجيب مستعمل واعتمدت على جين2 اشتري موديل 2009
م.سامر 26-10-2011 22:36
 الى السيد منير حداد
انا مابحكي حكي فاضي بكل بساطة فيك تشوف سعر فنات واعلان الوكالة بجريدة الدليل والوسيلة واقرا منيح جملة " اسعارنا ماتغيرت "وتاكد ياريت تحسبها صح قبل ماتكتب تعليق نحنا هون لنساعد بعض مو لشي تاني ...
م.سامر 26-10-2011 22:14
 بخصوص المصروف
فعلا الجين2 من دفعة 2009 ومابعد مصروفها احسن لان المحرك تعدل من الشركة الام وصار صوتو اهدى من القديم ... اللي معي مصروفها وسطيا بالبلد 190 وعالسفر بين 280 و 300 ......
م.سامر 26-10-2011 22:04
 
يا جماعة اللي معو 400 الف شو ياخد فيهن سيارة ارجو الرد لانو انا قليل خبرة بهالشغلة
ali 26-10-2011 19:08
 تجربة لمدة 3 أسابيع
سيارتي جديدة من 3 اسابيع ، بتجنن حتى مصروفها انا مستغربو كتير لأنو بتعطيك بالتابلو اديش بتصرف عم يطلع 6.2 ليتر كل 100 كيلو يعني تقريبا 300 كيلو بالتنكة! طبعا استغربت و سألت الوكالة قالولي الرقم صح مية بالمية ما صدقت و جربت الطريقة الشائعة تبع شوفيرية التكاسي بالحساب و طلعت نفس الشي ، بقا بظن الجين2 القديمة فيها مشكلة بالصرف أما تبعي 2010 أكتر من رائعة ملاحظة سيارتي اوتوماتيك كمان
عامر 26-10-2011 14:04
 مصروف الجين تو
بلنسبة للاخ يلي عم يسأل عن مصروف الجين تو موديلات 2009 ومافوق اوتوماتيك تعمل 200 كلم بالتنكة اما موديلاتها القديمة مصروفها كبير انا عندي موديل 2010 ومجربها بس انا مابنصحك بهل سيارة نهائياخود كوري اني لك من الناصحين
مهند 26-10-2011 12:19
 حدا يساعدني اذا بتريدو
سيد البير بس شو مشان المصروف خبربي عن مصروف السيارة جوا وبرا المدينة وعادي سيارتك ولا اوتوماتيك حسب قول الشركة العادي الجين 2 2011 عم تمشي 220 حدا يخبرني
رامي 25-10-2011 21:43
 الجربة خير دليل
للأمانة يا شباب معي جين 2 سيارة ولا احسن من هيك السيارة ممتازة بالمصروف وبالثبات عند القيادة والسرعة ولو بتجربوها عالتلج كمان بسرعة 180 وكأنها عطريق عادي وصار للسيارة عندي من ارع سنوات ما فيها اعطال ومشاكل بس غيرت طرنبة المياه فقط وكانت متوفرة وبسعر جدا عادي مع العلم جربت سيارات كتير كوري وغيرو بس البروتون غير شكل كانت
ألبير 25-10-2011 20:51
 حكي فاضي
الى الأخ م سامر لمعلوماتك انو العرض يلي عمتحكي عليه غير صحيح و الصحيح هو انو سعر السيارة ال جين تو هو مليون و مائة و واحد و ستوون ألف ليرة سورية لهيك سيارة و قبل مرسوم الجمارك الجديد... والدفعة الاولى 360000 طبعا كل شهر 13600 ف شو منشان تقسيط 5 سنوات و بدون فوائد ؟؟ على مين ؟؟؟؟
منير حداد 25-10-2011 18:44
 نصيحة ولا لأ
انا طالع اشتري جين 2 2011 عادي العندو نصيحة مشان المصروف او معلومة اكيدة او راكب ال2011 يخبرني لان الشركة عم تقول انو ال2009 وما دون مصروفها عالي اما ال2011 فتمشي 220 بالمدينة ارجو المساعدة
رامي 25-10-2011 17:41
 الى الاستاذ سعد
اخ سعد انا برايي تاخد موديل 2011 بالتقسيط على 5 سنين وبدون فوائد ... طلاع عالوكالة شوفها وطلوب تجربة قيادة وانشالله بالتوفيق
م.سامر 25-10-2011 06:45
 مقارنة بسيطة
ياجماعة سياراتنا احسن من الكوري بكفي نظام التعليق اللي عاطيها ثبات ممتاز عالكواع والسرعات العالية مو متل الافانتي اللي بتحوص وبتشلف ... وماعنا مشاكل قاتلة متل الفيرنا اللي بيقفل دركسيونها ... بكفي ال ABS+EBD وال 2 ايرباغ اللي مابتلاقيهن الا بافانتي او سيراتو كاملة ... شوفو متانة سياراتنا ومتانة الكوري واختبارات التصادم بتبرهن كلامي
م.سامر 25-10-2011 06:43
 تتمة
اللي بدو يقارن اسعار قطع البروتون بالوكالة يطلع يسال على اسعار قطع الفورتي او الافانتي او حتى الريو بالوكالة ويشوف الفرق ... بالنسبة لاعادة البيع عادي تجيب 550 الف اذا موديل 2007 وماشية منيح ... واذا موديل 2009 نضيفة سعرها شي 700 الف ... طبعا لان الجديدة 2011 سعرها 900 الف بالوكالة ... بالنسبة لاعطال الكهرباء كانت بموديلات 2008 وماقبل وهلأ هالمشاكل قلت كتير من بعد الفيس ليفت سنة 2009
م.سامر 25-10-2011 06:38
 بخصوص القطع والمصروف
ياجماعة انا عندي واجا 2004 و جين2 2010 وهالحكي عن تجربة مشكلة البنزين مارح يحلها الا الخبراء الماليزيين اللي بيجوا كل اول شهر 12 بالسنة ومنشان القطع حكيت قبل وبرجع بكرر قطع البروتون صارت بحوش بلاس وبالقدم ومن سنتين ونفس اسعار قطع الريو الفيرنا واللي بحب يطلع يسال ويشوف ... احتراما لساسة فنات مارح نزل اسماء او عناوين
م.سامر 25-10-2011 06:31
 مصروفها عالي
نعم يا سعد مصروف البنزين بالسيارة عالي كتير و لو عبيت بنزين اوكتان عالي حتلاقي نفس النتيجة يعني انامعي جين تو 2007 كاملة عمتعمل معي بالتنكة داخل البلد 140-150 و قطعها محتكرة و غالية كتير و غير موجودة حتى بالوكالة و كمان صوتها مزعج كتير و حاولت داكشها بسيارة بالسوق بس تفاجئت بسعرها الزهيد جدا بالسوق و ما عجبني نهائيا و يا ربي تسامحني على صراحتي
نادر 24-10-2011 19:07
 مابتسوى
والله يا شباب سيارة مابتسوى فرنك انا عندي ياها وبدي بيعا اذا حدا بيشتريها سيارة بالوعة بنزين وبتعطل كثير مع انها بعدا جديدة وما في قطع بكل السوق الها واذا لقيتن سعرن نار واذا بدك تجيبن من الوكالة نار ومولعة
rami 24-10-2011 02:47
 حاب اشتري سيارة تريحني
السلام عليكم ارجو من الاخوة افادتي في هذا الموضوع , حاب اشتري سيارة على قد الحال متل مايقولوا مصرياتي على 500 منهن نصحوني بالبروتون وعطونياها ب 550 موديل 2006 -2007 , وفي منهن حذروني منها اولا بالنسبة للمصروف وثانيا بالنسبة لغلاء الفاحش للقطع وعدم توفرها في الاسواق وثالثا بالنسبة ثقلها بالبيع اي غير مرغوبة في الشراء بالعامية مو بياعة السيارة . اتمنى من اللكل يفيدوني ..؟
سعد - 22-10-2011 22:14
 حرام
تحياتي اخ سامر .. بالنسبة لهذا الموضوع ما انحل و لا بأي شكل,, حتى طلبت اني استبدل السيارة أو يجدوا لي حل جذري و لكن دون جدوى... و كل ما هنالك بيطلع معك شخص محترم اسمو ابو حسن و بيجربلك السيارة بالأوتستراد و يقول لي أين صرف البنزين ؟؟!!! سيارتك عم تعمل بالتنكة 320كم !!!!!!! و بدو يقنعني طبعا !!! اي و الله مليت كتير و عطلت حالي كتير و عمفكر اخلص من هالسيارة بأي شكل ...
مقهور كتير 21-10-2011 19:35
 انشالله خير
دفعات الجين2 القديمة بين 2006 و 2008 مشكلتها بالمصروف , رفيقي معو 2007 عم تعمل 160 وبيزركها مع المكيف , دفعات 2009 ومابعد انحلت هالمشكلة والمصروف بالبلد وسطيا 190 اذا اوتوماتيك ومع مكيف .. اذا عنجد سيارتك عم تعمل 100 لازم تحكي مع الاستاذ غياث الحبال او المهندس ابو حسن وبلاقولك حل لان هذا عيب تصنيعي بالمحرك واذا ماساعدوك بتبعت اميل للشركة الام بماليزيا وبتابعولك الموضوع
م.سامر 21-10-2011 12:37
 حرام
السلام عليكم يا جماعة . قسما بالله العظيم اشتريت من فترة بروتون جين تو و من الوكالة طبعا و بشحمها و ضليت رايح و جاية للصيانة مدة طويلة مشان صرف البنزين و ما ظبطت و الله .. و للعلم هي السيارة بتمشي معي 120 بالتنكة مع التوفير بالدعسة طبعا و احيانا بالشتاء بتمشي 100 بالتنكة !!! و الله الوكيل اني صادق
مقهور كتير 20-10-2011 10:53
 دولاب الجين2 بيسوى 100 ريو
سيارتك مابتتقارن بالريو بكفي ان سيارتك فيها 2 ايرباغ و abs+ebd وقضبان حماية جانبية ونظام تعليق رياضي قاسي عاطيها ثبات ماببالغ اذا قلت ان ممتاز ..قطعها متوفرة من الستوبات للمحركات للقصات وصار في محلات بحوش بلاس متخصصة بالبروتون هذا غير المحلات الفرعية ... وللمصداقية احيانا ممكن تدور على قطعة وماتلاقيها الا بالوكالة ... بس 85% من القطع موجودة برا الوكالة .. برايي اذا بتعمل تامين شامل بكون احسن واضمن .. بالتوفيق والف مبرووووك
م.سامر 14-10-2011 06:40
 سيارة رائعة
من اسبوع أخدت أوتوماتيك كاملة رائعة كتير حلوة و كبيرة و قوية و احلى من الريو بس مشان القطع ما بعرف الله يستر
عامر 13-10-2011 15:56
 الى الاستاذ مهند
اول شي الحمد لله عالسلامة .... معك حق القطع شوي قليلة بس بدك تحط ببالك ان سيارتك سنة 2007 وصلت لسوريا وكتير منيح ان فيك تلاقي اغلب القطع اما الكوري من التسعينات موجود بالبلد ... مشكلة البروتون ان قطعها قليلة اما الريو الحادث فيها عالموت ... انا بعرف 6 محلات مختصة بالبروتون اذا بتحب كتبلي القطع اللي بتحتاجها وصورلي السيارة مكان الضربة وخود اميلي من فنات وانا جاهز لمساعدتك من كل النواحي قطع ودوزان وميكانيك وحدادة وانشالله بترجع متل ماكانت واحسن ... طول بالك ومعلش اجت بالحديد الحمد لله عسلامتك ...
م.سامر 12-10-2011 18:46
 تتمة النصيحة
اخدت انا نصيبي بس حرام ما انصحكم ويلي مو مصدق يروح على سوق القطع ويسأل قبل مايشتري لاني انا كتير كنت حابب هل سيارة بس هلق كرهتا كتير بس بسبب انها مو مخدمة من ناحية القطع وبنصح يلي بدو يشتري بنفس السعر يشتري ريو كاملة لان لاسمح الله اذا عمل فيها حادث بينزل بلاقي القطع مكبوبة كب ولا تنغروا بالشكل ومتانة الصاج متل ماعم يقولو لانو بعد التجربة تبين انها متل غيرها من السيارات والله يختارلكم الخير
مهند 04-10-2011 11:05
 نصيحة لوجه الله
انا اعتزر من كل من نصحته بالبروتون في تعليقي السابق وسبب تراجعي انني عملت فيها حادث وذلك قضاء الله لكن الطامة الكبرى اني صرلي ثلاث ايام دايخ على قطع وما عم لاقي للامانة قطع ميكانيك ودوزان في بس قطع شاسيه مالقيت غير عند واحد بكل البلد وماعم يتحاكاواسعارو نااااااار وعم يقلع الناس تقليع وانا ماشي بحوش بلاس كان عم يحترق قلبي كل مامرقت امام محلات قطع الكوري لانها مكومة كوام متل الكزب
مهند 04-10-2011 10:53
 مميزات وعيوب Gen-2
أنا من ملاك الجين2 من سنة 2008 أوتوماتيك: طبعاً الشكل ما عليه حكي بنوب وصوت المحرك بيجنن خصوصاً للشباب أما الختايرة فما رح يحبوها لصوتها العالي ومراياتها الصغيرة ^_^ أول تعديل عملته إني لغيت جهاز البيئة بالسيارة لأنو كان مخنق السيارة خنق وفرق معي مصروفها وحيلها بس صوتها شوي خشن .. كأني مركب إشطمان رياضي أكبر عيب لقيته فيها هو قطر الدوران ... كبير كثير ما بعرف ليش مو نصيحة تركبوا عليها جنوط أكبر من 15 لأنو بيهلك دوزان السيارة خصوصي إذا كانوا الدواليب سرعات عالية + زيادة في المصروف
خيال 02-10-2011 13:31
 أسأل مجرب ولا تسأل حكيم
لكل حدا حابب يشتري بروتون..نصيحة هي السيارة رائعة بكل معنى الكلمة..انا كل اسبوع بسافر فيها مسافة 200 كم .. وصرلي مشتريتها سنتين والحمدلله لهلء ما صرلا شي..وعالطريق قمة الثبات.. ومرة عبيت بسرفيس ..السرفيس انطعج وهية ما صرلا شي بس انقحطت..ومرة عبيت بمازدا 323 الطبون تبع المازدا طار وسيارتي ولا صرلا شي. يعني صاج ماااااكن..المشكلة الوحيدة اللي بعاني منها أنو احيانا المفتاح ما بيستجيب ...بيكونوا البطاريات خالصين.. والشباب اللي بالوكالة بقسم الصيانة ولا ألطف من هيك... يعني نصيحة اشترو بروتون جين 2..
شوفيرة برتون جين 2 18-09-2011 00:56
 g2
i think that it must have another desigen more beutiful,suitable for the new lines of the year after 2010
hani 11-09-2011 20:39
 شباب ممكن تدلونا
شباب وين وكالة البروتون باللادقيه لو سمحتو
حازم 06-09-2011 02:19
 عنوان الوكاله بالساحل
لي بيعرف عنوان الوكاله بالساحل بس يخبرني وشكرا
حسن 06-09-2011 01:12
 مقارنة من مجرب
بالنسبة للاخ يلي عم يطلب النصيحة بين الريو والجين تو بقلو انا من ملاك الجين تو وقبل ما اشتريها كنت واقع بنفس الحيرة بس بالنهاية اخترت الجين تو لاسباب منها الثبات على المنعطفات ومتانة الصاج بس للامانة الريو كمان جيدة من ناحية توافر القطع بشكل كبير بس نفس اسعار الجين تو كمان الريو اسلس بلقيادة وصوت المحرك انعم والهدروليك بالريو اطرى واعطالها قليلة بس علتها انو خفيفة ومصروفها 200 بالتنكة مع انها 1400 س س والبروتون 1600 وبتعمل 200 بالتنكة والريو معجوقة بالبلد وكتير صار في منها تكاسي يعني يلي عم يدو
مهند 05-09-2011 12:54
 لكل المحتارين
انتو عم تقارنو بين البروتون و الكوري بشكل عام اي ما في نسبة يا جماعة بكفي ما بتخجلك ازا حدا بدو يشافطك بتجاوب دغري وما بتاكل هم الكواع لانها ثابتة وشكلها رياضي شبابي بس ما فيا صحن سيكارة ولا قداحة ......ولكم الشكر
انس 04-09-2011 13:55
 التعليقات حيرتني
انا محتار بين الريو اتوماتيك كاملة والجين 2 اتوماتيك كاملة بس بيطلع الواحد من هون وبقول سيارة تعبانة او سيارة مالها قطع تبديل شو هو الاحسن ريو ولا بروتون عالسفر وجوى البلد والاداء زشكرا
سيد محتار 01-09-2011 12:53
 الى فريد فورتي
لك يافريد روح اشتري بروتون جين 2 ماأحسنلك من هل الخرضة السيراتو والله بعد 120 على طريق السفر بتصير بتلعب لعب والبوتون اثبت وتسارعا اكتر وشبابية والرجاء الرجاء من كل محبين الجين 2 التعليق والرد وشكرا لأنو بدنا نقنعو لهل الزلمي
منذر 29-08-2011 02:37
 رد للأستاذ شاهين
شكرا لتعليقك ياأستاذ شاهين وأدعيلي اشتري سيارة متلها
منذر 29-08-2011 02:22
 
اوافقك الراي يا استاذ منذر لانو صرنا نراج سيراتو وريو
شاهين 04 20-08-2011 00:30
 سيارة حلوة
يا ناس انسو الريو والسيراتو والله العظيم الجين2 سيارة روعة ومصرفها عادي وقطع الغيار متوفرة وهاي سيارة رياضية وخرج الشباب وهية حلم حياتي دعولي اشتري شي وحدي متلها يارب
منذر 06-08-2011 03:04
 الى السيد ابو الزوز
بالنسبة لعلبة السرعة طبيعي انها تنتر وخصوصي اذا كانت السيارة باردة لازم تترك علبة السرعة براحتها تنتقل للغيار التاني يعني بدون ماتدعسلها بنزين لان اليرنتي بكون عالي وهيك مارح تحس بالنترة .. في عندك صيانة 40 الف كم كتير مهمة ولازم تعملها حصرا بالوكالة بتكلف شي 8500 بس بترجع السيارة وكالة وخاصة علبة السرعة لان في زيت اصلي خاص بعلبة السرعة تبع البروتون يعني غلط انك تغير زيت علبة السرعة برا الوكالة .. بنصحك تعمل صيانة ال 40 الف بالوكالة ولتحسن المصروف عبي بنزين اوكتان 95 لان مخصص لسيارات بروتون
م.سامر 19-05-2011 17:29
 الى السيد سامر
اريد حل لمشكلة علبة السرعة التي بتنتر نتر حيث انني وجدت هذه المشكلة موجودة في كل سيارات بروتون و خاصة بعد المشي 50 الف كم غيرت زيت البواط و اعدت برمجة علبة السرعة عالكمبيوتر مع الاشارة ان هذه المشكلة تبدأ بالظهور من الصباح و خاصة عندم تكون السيارة باردة و تتكرر احياتا خلال النهار و هل هناك طريقة لتخفبف مصروفها لانه يبدو ان شاشة المساغات وهمية
ابو الزوز 06-05-2011 01:11
 مشكلة صغيرة
كل مرة أغسل السيارة أواجه مشكلة بفتح باب السيارة بصير قاسي ما بعرف ليش وكل مرة أضطر أستعمل مزيل صدئ أضعه داخل جوزة القفل لحل المشكلة ممكن حدى ينصحني بحل وغير ذلك السيارة جدا رائعة خصوصا بالسفر قمة الثبات و الطراوة ما في عندي غير هل مشكلة الرجاء ساعدوني
جين توووووووو 07-04-2011 13:15
 عنوان وكالة حلب
راما عنوان الوكالة طريق الشام مقابل الكازية العسكرية على جهة اليسار يوجد لها ارمة كبيرة تلفت النظر
فريدي 13-03-2011 21:02
 جين 2 2010
جين 2 2010 نزلت شي بالوكالة ولا لسه موديل 2009 هو المتاح فقط
ابراهيم 06-03-2011 14:14
 ياريت تكون النصيحة عن تجربة !!!!
على اي اساس عم تقول مشاكلها صعبة حضرتك من ملاك السيارة ؟؟ بالمناسبة انا عندي سيارتين من بروتون واجا 2004 و جين2 2010 يعني عم احكي عن تجربة ماعم اعطي فتاوى من عندي وعندي خبرة مع الوكالة من سنة 2004 من وقت ما اشتريت سيارتي الواجا وكتير من صحابي اشتروا الجين2 اول مانزلت سنة 2007 ولليوم قطعوا 120 الف كم والسيارة تمام معهن , والوكالة متلها متل باقي الوكالات ومع الوقت عم تتطور..بقا ياريت يكون حكيك عن تجربة او عالاقل تشرح اسبابك بمنطقية نحنا بالاخر هون لنساعد بعضنا مو لنسيء لسمعة السيارة تقبل احترامي
م.سامر 05-03-2011 23:34
 الى راما
بنصحك بلاها لأن مشاكلها صعبة والوكاله بتصلح منهون وبتنتزع بسرعة منهون ..............
نصيحة 05-03-2011 18:08
 شكرا
اوكي اليوم رح طلع بالجريدة ان بلاقي عنوان الوكالة بحلب د اطلع وشوفها شكرا كتير
راما 05-03-2011 11:02
 الى السيد سامر
شكرا على الرد السريع بس وكالتن بحلب وين مكانها اذا عندك فكرة داطلع وشوف طالما ما بيعطوا معلومات علتلفون شكرا كتير
راما 05-03-2011 00:18
 الى راما
السيارة كتير رح تعجبك وقت تشوفيها وكتير منيح ان ماحدا من الناس اللي بتعرفيهن عندو منا هيك بتطلع مميزة اكتر , بالنسبة للوكالة العرض تقسيط بالسعر النقدي والدفعة الاولى 240 الف مع الفراغ والتقسيط لمدة 5 سنين هذا اخر عرض سمعتو باخر صيانة عملتها لسيارتي واظن لساتو مستمر , بالنسبة لرقم الوكالة مارح يفيدك بشي لان مارح يعطوكي اي معلومة عالتلفون وهذا شي سلبي للاسف يعني لاوم تطلعي وتشوفي , احتراما لسياسة الموقرة فنات مابقدر حط الرقم وممكن تلاقيه باخر صفحة بجريدة الدليل تحياتي
م.سامر 04-03-2011 03:57
 حلوة
مع انو ماحدا من الناس اللي بعرفن اخد بروتون وماحدا ذكرلي اياها بس بصراحة عجبتني الجين 2 شكلي بدي اخدها بس حدا بيعرف عنوان ورقم هاتف الوكالة لاطلع شوف عروض التقسيط عندن شكرا
راما 02-03-2011 23:55
 الى لانا
لا شكر على واجب اختي وان شاء الله كتير رح تعجبك السيارة بس حابب قلك ان ماتهتمي بالوكالة ولا حتى بمعاملة موظفين صالة العرض اهم شي انك ترتاحي للسيارة وتقتنعي فيها مع ان للامانة الوكالة متل باقي الوكالات بس من وجهة نظري كمالك بروتون من 2004 خدمة الوكالة جيدة خلال الكفالة اما بعد الكفالة مارح تشوفي الاهتمام اللي كنتي تشوفيه ايام الكفالة الف مبروووووك سلفا وبالتوفيق تحياتي
م.سامر 29-01-2011 21:46
 الى السيد سامر
اول شي حابة اتشكرك اخ سامر على سرعة جوابك وتعاونك بصراحة كلامك كتير شجعني وخاصة بعد ما قريت التعليقات على الجين 2 وانتبهت على وسائل الحماية الموجودة فيا ويلي بلنسبة لسعر غيرها ما بيتوافر فيها هل شي وفيك تقول بإذن الله رح اعتمد عليها وباقرب وقت رح جيبا وشكرا كتير مرة تانية
lana 29-01-2011 15:24
 الى لانا
بصراحة انا ماجربت الاكسنت الجديدة اذا قصدك عليها اما الاكسنت القديمة او بالاحرى الفيرنا سيئة جدا ومالها ثابتة هلا بالنسبة للجين2 قطعها بالوكالة رخيصة متل قطع الريو بالوكالة اما برا الوكالة بحوش بلاس في 5 محلات مختصين بالبروتون وصدقيني مارح تندمي عليها ابدا مصروفها بين 180 و 200 يعني متل اي سيارة 1600 سي سي بهالبلد وثابتة كتير وصاجها متين وقوي كمان فيها قضبان حماية فولاذ اللي ولا سيارة كورية فيها هالميزة واقراي التعليقات اللي كاتبها كتير رح تفيدك بالتوفيق اختي تحياتي
م.سامر 28-01-2011 02:12
 الى الاستاذ ابو زياد
علبة السرعة بالجين2 بتعتمد على نظام كومبيوتر وحساس للسرعة يعني اذا طالع طلوع قاسي بتنزلك بالغيار لتاخد عزم اكبر واذا نازل بنزلة قاسية بتنزلك بالغيار وهالشي حسب سرعة السيارة وقوة الاندفاع بس مو دائما لازم تعتمد عالكومبيوتر احيانا انت لازم تنزل بالغيار بس لاتنزل غيار اكتر من 2 لان اذا نزلت غيار ل L على سرعة عالية بتئذي علبة السرعة بالنسبة للنقل ل 2 بكل سيارات الجين2 رح تنتر وهالشي بسبب البنزين السيء جبر ماتدعس بنزين ومارح تحس بنترة انا معي واجا وعندي نفس المشكلة جرب حط اوكتان ورح تخف النترة تحياتي
م.سامر 28-01-2011 02:00
 محتارة كتير
مرحبا اول شي حابة اشكر موقع فنات المتميز كتير انا حابة اشتري سيارة وكتير محتارة بين الاكسنت وجين 2 شو رايكن يا ريت تنصحوني كلن عم يخوفوني من جين 2 انو قطع الغيار غالية وبتصرف كتير ارجو المساعدة وشكرا
lana 27-01-2011 14:33
 علبة السرعة الى السيد سامر
حبيت اسال اذا كل ال جين 2 اتوماتيك عند نقل الحركة الى السرعة الثانية امرار بينتر نتر اذا كانت دعستي للبنزين خفيفة يعني بتحس انها اخذت بنزين زيادة لحالها ثم قامت بانزال السرعة الثانية بنتر مزعج احيانا و هل هناك طريقة لالغاء انزال الغيارات الادنى يعني من 4 الى 3 ثم الثاني بشكل تلقائي و ذلك لكمش السيارة و بشكل خاص اثناء نزول منحدر و ذلك لتكون مثل السيارات الكورية
abo zed 26-01-2011 12:32
 علبة السرعة الى السيد سامر
حبيت اسال اذا كل ال جين 2 اتوماتيك عند نقل الحركة الى السرعة الثانية امرار بينتر نتر اذا كانت دعستي للبنزين خفيفة يعني بتحس انها اخذت بنزين زيادة لحالها ثم قامت بانزال السرعة الثانية بنتر مزعج احيانا و هل هناك طريقة لالغاء انزال الغيارات الادنى يعني من 4 الى 3 ثم الثاني بشكل تلقائي و ذلك لكمش السيارة و بشكل خاص اثناء نزول منحدر و ذلك لتكون مثل السيارات الكورية
abo zed 26-01-2011 12:32
 سيارة ممتازة بس الواجا احسن 2
الواجا سيارة كلشي فيها اورجينال والموتور رياضي..بدون دبرياج بيشفط الاول لل50 ونص التاني..نفسها طويل وسواقتها ممتعة..عكل حال بتوقع الجين2 بتشبهها كتير بالسواقة.. عالسرعات العالية مافيها رجة متل السيراتو او الافانتي والسفر فيها مريح كتير وبالجبال جبارة.. عفكرة نزلت الواجا2010 عالسوق..محرك campro 125حصان بسعر 875000..شوفوها..سلامي للجميع وتحياتي لفنات المحترمين
جورج 18-01-2011 11:44
 سيارة ممتازة بس الواجا احسن
ليش احسن؟شكلها اركز ومساحتها الداخلية اوسع بكتير..ومساحة التخزين اكبر انا عندي واجا 2007 واخدتها ب730000 وكالة مفروغة ومأمنة..عزم وثبات بيجنن بس المشكلة الوحيدة والسخيفة البلاستيك الداخلي الرخيص نظام الصوت clarion ياباني رائع..يتبع....
جورج 18-01-2011 11:42
 بخصوص الانسبيرا ( نيو واجا )
بخصوص الانسبيرا نازلة بمحركين 1.8 او 2.0 ومواصفات كاملة وطبعا هي نفس شكل اللانسر القرش مع تعديلات بسيط بالشكل يعني تعاون بين بروتون وميتسوبيشي ومارح تنزل لسوريا قبل سنتين لان لهلا مافي منها الا دركسيون يمين وهي مخصصة لماليزيا حاليا وهذا كلام مدير المبيعات بالوكالة ووقتها كنت عم اعمل صيانة وغيار زيت لسيارتي الواجا وسالتو عن هالموضوع تحياتي
سامر 15-01-2011 17:58
 معايدة و مباركة
اولا انشلله سنة خير علجميع ومبروك لكل واحد اشترى هلسيارة وخصوصا الاخت رولا ....بتمنى تكوني مبسوطة من هلسيارة....ونحنا ناطرين ادارة موقع فنات المحترمين لنشوف اخبار بروتون انسبيرا الجديدة يلي بتجنن. يلي مستعجل ليشوفها يفوت علفيسبوك ويكلب بروتون و ينقي ....شكرا
hair arts 15-01-2011 16:00
 الى الاخ محمد الصالح
بخصوص السنتر لوك ياريت لو حضرتك تشرح مشكلتك لان المسؤول عن قفل السيارة بالريموت هو جهاز الانذار لان هو اللي بيعطي امر للسنتر لوك ان يقفل ممكن تتاكد وتجرب مرة تانية وفي حال ما انتهت المشكلة ممكن تروح عالوكالة او تركب جهاز انذار جديد تحياتي
سامر 12-01-2011 22:22
 الى السيد ابو زيد
اتطمن سيارتك طبيعية انا معي واجا باحسن احوالها مع اوكتان بتعمل 180 مع اني ساكن بمركز دمشق وسواقتي هادية يعني مشكلتنا وحدة وهي البنزين انشالله رح ينزلوا بنزين 95 ووقتها رح تفرق السيارة كتير معك حاليا كل ماتفلل حط علبة اوكتان امريكي حقها 150 ليرة واذا طالع طلعة نزل بالغيار عال 2 او اذا اضطر الامر L وبشكل عام لاتزركها وانشالله بيتحسن المصروف معك تحياتي
سامر 12-01-2011 22:14
 الى السيد سامر
سنة الصنع 2006 و الماشية 50000 عزم المحرك جيد و طبيعي عم تعمل 165 بالتنكة في الجبال و الصيانة دورية و منتظمة و عيارات السيارة وكالة الف شكر على المساعدة سيد سامر
abo zed 12-01-2011 09:36
 الى الاخ سامر
اخي سامر عفوا لقد سألت عن طريقة برمجة الريموت(السنتر لوك) وليس برمجة المفتاح وان كانت نفس الطريقة فقد جربتها ولم تنفع لا اعلم لماذا مع العلم ان المفتاح هو الاصلي لكن عندما اضغط على زر الاقفال او الاغلاق ولا كأنني ضغطت على الرغم من ان الريموت يعطي بث والبطارية جديدة لكنه بحاجة الى برمجة.
محمد صالح 12-01-2011 04:11
 بخصوص المرايا والهوائي
بالنسبة للهوائي ماعندي فكرة عن سعرو اما بخصوص المراية ممكن تشوف اي حدا مختص بالمرايا وبصلحلك ياها او اذا بدك تغيرها عندك 5 محلات بحوش بلاس مختصين بالبروتون او اذا حابب بتغيرها بالوكالة ومو كتير غالية
سامر 09-01-2011 22:44
 بخصوص الاستهلاك
ياريت لوتخبرني عن سنة صنع سيارتك و الكيلومتراج وكيف عزم المحرك مكتوم ولا طبيعي وقديش عم تعمل معك بالتنكة وحسابك للاستهلاك صح؟ لان السيارة بتسع 50 لتر ووقت يفصل فرد البنزين بكون باقي 6 لتر تقريبا ليتعبى الخزان وحسابات الكومبيوتر مو دائما صح وطريقة سواقتك وظروف الطريق ونوع البنزين والصيانة الدورية الهن تاثير عالاستهلاك وبفضل انك تعمل الصيانات بالوكالة وبتغير البواجي كل 10000 كم وما تغير شي بعيارات السيارة لان مشكلتك الاساسية مع البنزين لان سيارتك بتحتاج اوكتان عالي 95 وعاول شباط رح يتوفر بنزين 95
سامر 09-01-2011 19:14
 بالنسبة للمصروف
هل هناك طريقة لتخفيض مصروف الجين 2 الرائعة و خاصة اني اسكن في منطقة جبلية هل عندل فكرة عن اسعار الهوائي لان القصبة مكسورة و المراية اليسارية لانها المراية لا تتحرك الى الداخل و الخارج و هل هناك امكانية لاصلاحها وشكرا
الى السيد سامر 07-01-2011 18:38
 لاشكر على واجب اختي
بالنسبة للجنط مابنصحك تغيري ابدا طبعا لان الجنوط اللي اغلب الناس عم تركبها صينية ومو اصلية وتقيلة عالسيارة ناهيك عن عدم المتانة اقل جورة ممكن تكسرو واذا 17 انش الطقم بكلفك شي 25 الف اما الجنوط الاصلية وزنها خفيف ومتانتها عالية مثلا ماركة مومو ايطاليا 17 انش بكلفك فوق 50 الف ولسى ماحكينا بالدواليب اللي الواحد حقو شي 15 الف طبعا اذا ماركة محترمة متل بريد جستون يعني بدك تدفعي عالاقل 100 الف حق جنوط ودواليب وجنوط الوكالة بيخسروا كتير وقت تبيعيهن لهيك خليكي على جنوط الوكالة لان شوارعنا مابتستاهل
سامر 06-01-2011 05:36
 كمان شكرا سيد سامر
للاسف مافي اكتر من 15 .. ما بعرف ازا بكلف كتير ازا فكرت غير ... و انشالله يكون العرض مستمر بلافوائد .. بدي اتمنالك سنة جديدة حلوة و تحقق امانيك ..بجد انت عم تهتم و ترد على تساؤلات كتار .. شكرا
Rula 04-01-2011 21:25
 الى رولا
اكيد اذا كان قطر الجنوط 16 او 17 الشكل بكون احلى والثبات احسن بس المشكلة ان بشكل عام الجنط الكبير لازم يتركبلو دولاب ارتفاعو قليل وبلدنا مليانة جور وريكارات مفتوحة وطرق مكسرة يعني الجنط الكبير مابناسب بلدنا ابدا وجنط الوكالة 15 كتير مناسب لبلدنا وممكن يتحمل طرقات بلدنا المكسرة
سامر 03-01-2011 23:15
 سؤال صغير يا أمامير
في عندي سؤال صغير عن قطر العجلة مكتوب بفنات كللو متل بعض 15 ...هلق في غير هالقياس لانو كا ما كان الدولاب اكبر بتبيين السيارة احلا16 او 17 , وبيفرق السعر ؟؟ شكرا .شكرا .شكرا
Rula 03-01-2011 01:13
 الى الاستاذ اياد
بالنسبة للمسجلة كتير ممتازة نوعها بلاوبانكت المانية وبتقرا سي دي اوديو وام بي ثري وفيك تركبلها وصلة اوكس لتوصل موبايل او ايبود وفيك تركب عليها مجموعة صوت كاملة (امبلي - صبوفر ) بالنسبة للصاج اللي قال عليها هيك اكيد مافحصها وتاكد لان صاجها كتير متين وفيها قضبان حماية فولاذ بالابواب وتوزيع وزنها ونظام التعليق عاطيها ثبات ماببالغ اذا قلت ان ممتاز ويعتمد عليه تحياتي
سامر 02-01-2011 16:59
 اسئلة
شباب اول سؤال منشان المسجلة مزبوط انها سي دي بس واذا مزبوط هالحكي كيف فيني عدلها اذا ممكن واذا مابتتعدل شو الطريقة حتى تقرأ أم بي ثري والسؤال التاني قديش مصرو ف الاوتوماتيك وبعدين بيقولو عالصاج انو خفيف فما صحة هاد الكلام وشكرا
iyad 01-01-2011 22:59
 تتمة:الى السيد محمد صالح
تتمة:كمان مشان مصفاية الزيت الاصلية احسن لان برا بركبولك مصفاية تطبيق وبعد فترة بتلاقيها عم تسرب الزيت وكل قشط المحرك بتتغير عال 80 الف كم ولاتغير برا الوكالة لان اذا غلط الميكانيكي سن بالتركيب ممكن يضربلك قطع بالمحرك ويكلفك تصليح 25000 وكل القشط بتذكر بشي 9000 تقريبا مو فرق كبير عن برا الوكالة هذا غير انك رح تركب قطع اصلية مخصصة لسيارتك بالنسبة للبرمجة تبع المفتاح هي طريقة سهلة وقصيرة بس بدها دقة انا شارحها بقسم البيرسونا ممكن تفتح وتقراها واي استفسار تاني انا جاهز تحياتي
سامر 30-12-2010 17:58
 الى الاستاذ محمد صالح
اولا الجين2 شي والجالانت شي تاني ولاتصدق حدا بقلك قطع الميتسوبيشي ان كانت جالانت ولا لانسر ان بتركب عالبروتون هالشي كان من زمان عايام الويرا 2004 كان يركب عليها كام قطعة من اللانسر 93 اما الجين2 والبيرسونا من تصميم بروتون وهندسة لوتس ولاعلاقة لميتسوبيشي نهائيا بالنسبة للدفاية اظن قصدك عالشوفاج او ان صح التعبير المكيف الحار وهذا اساسي عالجين2 حتى بالفاضية بقا ليش لتركبو ارجو التوضيح وبخصوص الزيت حسب ما انت حاطط عندك زيت بيتغير كل 2500 كم او كل 5000 كم وخليك عالوكالة بهالموضوع لان نفس سعر برا يتبع
سامر 30-12-2010 17:50
 دفاية جين 2
شباب انا اشتريت جين 2 ورحت عالشركة اركبلها دفاية طلبوا عشر الاف ليرة سعر الدفاية فقط لهيك بدي اسأل ادا في حدا بيعرف سعرها برا او عالقليلة بيقدر يدلني على اي دفاية بتركب على ال جين 2 لانو حكولي دفاية الميتسوبشي جالانت بتركب بس خايف افك التابلو واتعطل يوم كامل وبالاخر ما تركب. وكمان حاب اسأل عن موعد غيار قشاط التايمنج واي قشاط ميتسوبيشي بيركب مكانة وموعد غيار الزيت وازا في حدا بيعرف طريقة البرمجة اليدوية لريموت هالسيارة لان الريموت بيعطي بث بس مو شغال مع العلم انو السنتر شغال يدوي فقط. محمد صالح
محمد صالح 29-12-2010 17:17
 Thanx
كمان شكرا Hairarts لاهتمامك و ردك .. خلص انشالله بهالاسبوع نازلة على الوكالة لشوفها ... بس في تعليق مكتوب على البيرسونا و عن لموظفين الموجودين و عن السعر المختلف عن فنات !!! على كل انشالله اسبوع و بخبركن شو بصير معي ..
Rula 28-12-2010 20:46
 الى الانسة / المدام رولا
لاشكر على واجب وانشالله مابتكوني الا رضيانة ومنباركلك بالجين2 بالمناسبة عرض الوكالة بتدفعي عقد مافيكي والباقي تقسيط على خمس سنين وبدون فوائد وبالوكالة كان العرض اقل دفعة مع الفراغ 240 الف واذا معك 500 الف بيبقى عليكي شي 450 الف تقريبا وهدول بتقسطيهن 90 الف بالسنة يعني عندك بالشهر 7500 بالشهر عرض فنات ماعندي فكرة عنو تاكدي اذا فنات بتتعامل مع البروتون للامانة معاملة فنات احسن بكتير من الوكالة وخاصة بس تخلص كفالة سيارتك بالتوفيق اختي والف مبروك سلفا تحياتي
سامر 28-12-2010 17:58
 شكرا
بجد شكرا سيد سامر ما توقعت انو لاقي حدا بهالسرعة يرد عليي ... كلامك مقنع بجد ... و رح شوف السيارة شوفي عليها عروضات بفنات او بالوكالة لانو معي انا 500الف دفعة اولى .. القصة صفت عرض ازا كان منيح اكيد رح اخدها يا هي يا البيرسونا . بدي ارجع اشكرك بجد ... و مبين انو السيارة كويسة من حماسك ودفاعك الدائم عنها ..
Rula 28-12-2010 11:57
 الى الانسة رولا المحترمة
وحياة عيونك وعيون الغوالي انو هلسيارة عندي اياها بتسوا مية سيراتو و افانتي ....ومليون ريو ... الحقيقة صرلا معي سنتين ونص شو بدي قلك؟؟؟؟ بتجنن بلسفر بلجبال بلبلد مو ناقص قلك غير بلبحر...بس ما جربتا بلبحر للصراحة,,عم امزح ولله العظيم مبسوط منها كتير بيكفي انو راكزة وفيها كتير ميزات بلنسبة لسعرها. اتكلي على الله gen2 وبس هيدي نصيحتي.. وشكرا سيد سامر شكرا فنات
hairarts 28-12-2010 11:39
 الى الانسة/المدام رولا
بداية وللامانة سيارتي بروتون واجا بس الجين2 من حيث الميكانيك ممتازة وعالسرعات والكواع ثابتة كتير وهالحكي عن تجربة 10 صحابي من ملاك جين2 وبيرسونا وعمرو ماحدا منن اشتكا من سيارتو وميزات الامان اللي بتقدملك ياها مو موجودة بالريو (2بالون هواء+abs+ebd+قضبان حماية جانبية+صاج سميك)والريو معروفة بعدم الثبات بعد ال60 وخفيفة عالكواع وشوفي حادث لسيارة ريو واحكمي على متانتها والجين2 بتقدملك رفاهية عالية بالنسبة لسعرها ومابتحتاجي تغيري فيها شي ومتلها متل اي سيارة اذا بتهتمي فيها بعمرها مابتفوت تصليح تحياتي
سامر 27-12-2010 14:25
 مساعدة
عندي رجاء.. بيقدر حدا يعطيني رأيو بالسيارة و بأعطالها ... شكلها الداخلي مو زيادة .. و المشاركات السابقة فيها شي من المبالغة مع احترامي للمشاركيين . انا محتارة بينها و بين الريو و لو انو الريو 1.4 بس الكل عم يمدح فيها و بأداها بس المشكلة انها مطروشة بالبلد بشكل مخييف !!! و هاد يلي مو حاببتو .. رجاء حدا بيقدر ينصحني و ميرسسسسي مسبقا
Rula 27-12-2010 12:36
 الى السيد hairarts
برايي لاتسمح لحدا يقرب عكهرباء سيارتك لان الانذار تبعنا طبيعي ماياخد اشارة من بعيد بالكاتالوج مكتوب اقصى مدى للمسافة 7امتار عندي بالواجا اوقات بيلقط من 6 امتار واوقات بلزق المفتاح بالبلور لتفتح بس ميزتو معو مانع سرقة جرب انت بالسيارة تقفلها ودخل المفتاح بفتحة التشغيل وشغل السيارة مارح تشتغل جربت طريقة شفتها بالنت لحل المشكلة وزبطت معي وهي ان وقت تفك المفتاح بتلاقي حجر مربع صغير بزاوية المفتاح هذا بتقيمو وبتبرمج المفتاح ووقت بتغير البطارية حط باناسونيك عمرها طويل ومن 6 شهور ماغيرتها وحقها 75 ليرة
سامر 24-12-2010 01:02
 tartous
شكرا سيد سامر على الرد,,,, حابب اسالك عن الريموت كونترول ما عم يضاين مع اني عم اشتري احسن بطاريات بلسوق .... يعني كل شهر شهر ونص بدي غير بطارية وارجع برمج من جديد, مو بس هيك وازا ما كنت ملزق بلسيارة ما بيشتغل...حتى عم فكر ركب جهاز انزار متل هلعالم من شان ارتاح بقا ,,, بيهمني رأيك,وشكرا.. شكرا فنات.
hairarts 23-12-2010 14:42
 ممتازة جداً
شتريت السيارة من 10 أيام وصرت ماشي فيها فوق ال 1500كم، السيارة جيدة جداً بالنسبة لسعرها ثابتة ومتزنة وطرية عالمطبات وقوة المحرك مقبولة جدا ومصنوعة باتقان، معي انوماتيك وعم تعمل معي بحدود ال 200 بالتنكة بعز عجقة البلد و بحدود ال230 عالسفر السيارة نصيحة اذا ما معك تشتري ياباني أو ألماني أو أمريكي أما الكوري القريب من سعرها فأنسا، قبل ما اشتريها استأحرت افانتي وريو وفورتي وبتجربتي الشخصية ولا وحدة منون بتستاهل تنساق أو تتقارن مع الجين2 لا بالشكل ولا بالأداء ولا بالمتانة ويمكن (بالعمر كمان)
شرشوح 21-12-2010 22:44
 الى السيد علي
الجين2 بشكل اساسي فيها 4 ديسكات وقضبان حماية جانبية فولاذ و2 بالون هواء بشكل اساسي وزيادة abs + ebd مع الكاملة ونظام التعليق من تصميم لوتس مصمم للثبات على السرعات العالية والمنعطفات اما الافانتي بالكاملة حصرا لتلاقي 4 ديسكات و 2 بالون هواء و abs + ebd سلبياتها ان صاجها كرتون وطرية عالطريق (بتهز) وخفيفة عالمنعطفات والسرعات العالية ومالها ثابتة ومافيها قضبان حماية جانبية اما من جهة الرفاهية المواصفات بين الجين2 والافانتي متوازنة بس زيادة فتحة السقف وفرش الجلد بالافانتي الكاملة برايي الجين2 افضل
سامر 21-12-2010 21:38
 رائعة
كم سيصبح سعر gen 2 بعد خفض الاسعار؟ واي افضل الافانتي ام gen2
علي 20-12-2010 21:47
 الى السيد hairarts
بروتون معروفة باسعار قطعها الغالية"بالوكالة"واجور اليد العاملة عالية متل اغلب الوكالات بس انت عم تركب قطع اصلية وبتعيش وكمان لتحافظ على سيارتك اما القطع اللي برا الوكالة اسعارها رخيصة ومالها مضمونة مثلا امتاصور الواجا والجين2 سعرو جديد ماليزي 1500 ليرة بحوش بلاس (وهي منطقة صناعية عندنا بالشام فيها اكتر من 100 محل لتصليح السيارات ) بس كفائتو وعمرو مو متل الاصلي واذا بتحب شوف اسعار قطع الكيا بوكالتها واسعار قطع الهيونداي بوكالتها وقارن مع اسعار قطع وكالة البروتون مارح تلاقي فرق كبير تقبل احترامي
سامر 20-12-2010 19:34
 ام بي ثري معقول
اشتريت جين 2 من شهر وقالولي بالوكالة انو المسجلة مافيها ام بي ثري بس وانا عم اقرا كتلوك المسجلة لقيت انو المسجلة فيها ام بي ثري وفعلا جربتها وشغلت سي دي ام بي ثري مو ناقصها هلق غير وصلة اواكس الله يجمعنا فيها السيارة اكتر من روعة علتها انو مصروفها شوي عالي بس صحتين وهنا على قلبها بتستاهل
مهند 20-12-2010 13:21
 النجدة
حابب خبر السيد سامر من بعد ما شفت تعليقاتو علسيارة انو مبارح اخدو مني حق الامتاصور الامامي الواحد3300 ليرة والكوليات الامامية 600 ليرة بطرطوس بدون اجور اليد العاملة .......وفي قطعتين مع كل امتاصور قال لازم يتغيرو طلع سعرن 3500 ليرة...يعني ساعتين دفعت 10700 ليرة. ماااااااااااااا عدا الاجور؟ شو تعليقكم يا سادة يا كرام ؟؟؟؟؟؟؟؟؟؟؟
hairarts 19-12-2010 19:50
 شكرا أستاذ سامر
شكرا على المساعدة
osama 13-12-2010 12:55
 عذرا سيد اسامة
عذرا استاذ اسامة يمكن سياسة الموقع بتمنع حط روابط صور ممكن تعمل بحث عالجوجل dvd for proton gen2 لتلاقي صور الشاشة اللمس واعمل بحث عن casing for gen2 لتشوف الكفر تحياتي
سامر 12-12-2010 23:00
 شكرا سامر
شكرا يا صديقي أنا في الأنتظار
osama 12-12-2010 18:24
 الى الاستاذ اسامة
بالنسبة للجين2 والبيرسونا يتوفر DVD لمس يركب مكان المسجلة الاصلية (نفس القصة) وعلى نفس وصلات الوكالة طبعا بيدعم كلشي وصلات وبلوتوث و gps وبشغل كل انواع اللواحق وبيدعم زرار الدركسيون بس المشكلة صيني وسعره 25 الف وصوته سيء مقارنة بمسجلة الوكالة ( بلاوبانكت المانية ) الحل بتشتري وش فيبر جاهز وفي منو نوعين حسب المسجلة اللي بتحب تركبها عريضة او ضيقة وهيك ممكن تركب مسجلة عادية او DVD وياريت بايونير حصرا لان احسن شي بالسوق وبالتعليق التاني حاططلك الصور يتبع....
متابع فنات - سامر 09-12-2010 14:41
 سؤال
الأخ سامر شكراً على هذه المعلومات القيمة هل هناك مسجلة DVD مع شاشة تعمل بالمس تركب على البروتون
osama 09-12-2010 11:55
 طريقة تركيب وصلي aux
تحياتي للجميع من يرغب بتركيب وصلة aux لوصل اي جهاز موبايل او ايبود او ام بي ثري الطريقة بالتفصيل والصور متوفرة عندي ومن يريد الحصول عليها ياخذ اميلي من المتالقة فنات وانا جاهز للمساعدة تقبلوا احترامي............
سامر 08-12-2010 22:38
 الى السيد غسان
الف شكر استاذ غسان على ذوقك والف مبروووووووووك سلفا تقبل احترامي .......... تحياتي
سامر 08-12-2010 22:33
 الى السيد عمار
بروتون الام في ماليزيا اقامت حفل بمناسبة مرور 25 عام على تاسيس الشركة وبهذه المناسبة انتجت نسخ معدلة بالشكل واضافت كماليات على طرازات ( بيرسونا - ايكسورا - ساغا ) يمكن مشاهدتها على موقع بروتون ماليزيا واقامت عروض للتقسيط في كافة وكالاتها حاليا في وكالة الحبال التقسيط لمدة 5 سنوات بدون فوائد والدفعة الاولى ابتداء من 240 الف تحياتي
سامر 08-12-2010 22:31
 بروتونها
اريد ان اعرف ماهو عرض التقسيط للبروتون وكم يصبح سعر لأنني سمعت ان تقسيطها الجديد حتى 25سنة
ammar 08-12-2010 15:10
 الى الاخ سامر
شكرا لك أخ سامر و سأسعى الى أن يصلك الحلوان عند شرائي للسيارة. مع تمنياتي لك و لعائلتك بالسعادة الدائمة.............. تحياتــــــــــــــــــــــــــــي
Ghassan J 07-12-2010 01:52
 الى السيد غسان
الهيونداي والكيا كانت افضل من البروتون اما حاليا بروتون انتشرت وقطعها متوفرة بالوكالة وبغير الوكالة وعن تجربة الجين2 ثابتة ورابصة عالارض اكتر من الافانتي ولاتنسى ان بروتون من تصميم وهندسة شركة لوتس الانكليزية المعروفة بالسيارات الرياضية وهي الشركة حاليا ملك لبروتون وبالنهاية اذا بهمك سيارة متميزة وامنة (ثايتة وصاجها مرتب وقضبان حماية جانبيةو4 ديسكات) اشتري جين2 واذا بهمك سيارة (منتشرة وطرية عالمطبات اشتري الافانتي مع انها بعد ال 120 خفيفة جدا وصاجها كرتون ) ولك حرية الاختيار والف مبروك تحياتي
سامر 30-11-2010 13:06
 جين 2 رائعة
السيارة ما عليها كلام والتصميم مبدع ثابتة ومتماسكة حتى بالسرعات العالية بعد تجربة أربع سنوات بطرقاتنا لا تزال ميزانيتها مظبوطة مية بالمية العيوب :هو عدم قدرة فتح الباب الخلفي من خارج السيارة كذلك عتلفة فتح غطاء الموتور موجودة من جهة جانب السائق وهذا يعتبر خطر حيث يمكن للراكب الجانبي أن يفتحها بالخطأ ويا ريت كان إلها علبة بالتابلو غير الرف الخفيف الذي لا يتسع لشي قطع الغيار متوفرة جدا وسعرها مقبول أيضا ايضا الزجاج الخلفي على الباب الخلفي سريغ التغبش في الشتاء ويصبح من الصعب الرؤية من خلاله
باسل 30-11-2010 12:18
 الى الأخ سامر
شكرا لك أخ سامر على هذه المعلومات ولكني ما زلت متردد من شراء سيارة بروتون لعدم انتشارها في حمص كما انه معظم اللذين سألتهم لم ينصحوني بها بحجة انها غير دارجة في حمص تحديدا . والجميع نصجني بالكيا أو الهيونداي ( أفانتي) .
Ghassan J 30-11-2010 00:26
 اكتر من رائعة.......................
البرتون اول شي من حيث التصميم موديله كتير حلو وسبور ومن الداخل كمان موديلها راثع حتى محركها ممتاز واصلا شرطة بروتون عندها امتياز من شركة انكليزية وكمان سابتة على الطريق وتقيلة يعني احسن من مية سيارت كورية بمضمونها وسعرها...............
ابو احمد 17-11-2010 02:13
 حملات اعلان وهمية
فرحنا لما شفنا بالجرايد انو جاي خبراء ماليزيين لعند الحبال لفحص السيارات و طبعا كاتبين انو الفحص و اجور اليد العاملة مجاني و لكن و بعد الاتصال بالوكالة و اخذ الموعد ( طبعا قسم الصيانة لم يكن له علم بقدوم الوفد و انما سمع من المتصلين ) رحنا عالصيانة و كانت الناس معباية فوق بعض طبعا لا تنسيق بالمواعيد و لا شي و بعد كل هالفلم بيقلك انو الوفد ما بيفحص كل شي بس بيعمل كشف عالكمبيوتر و الاكثر من هيك انو بالاول بدهم ياخدو اجور يد عاملة لحتى تدخل المدير العام و قال لأ فحرام هيك سيارات مرتبة تتبهدل معهم
بروتون و بس 09-11-2010 10:49
 محرك ال CPS
معك حق بس مشكلة محركات البروتون ان بتحتاج اوكتان 95 لمحركاتها الحالية سيارتي واجا 2004 ومكتوب هالشي بالكاتالوج اما المحرك الجديد cps بيحتاج اوكتان 97 وهذا كلام الوكالة وان مستحيل تمشي على البنزين تبعنا هذا غير فرق السعر الكبير لان ال CPS فيها مثبت سرعة وفرش جلد و مواصفات تانية احسن وفيها بودي كيت اساسي بس ممكن تعدل شوي بالمحرك الحالي لتوصل لقوة ال CPS بانك تجيب قطع ال CPS من ماليزيا وبالوكالة بركبولك ياها وبتكلف شي 25000 تحياتي
سامر 03-11-2010 23:12
 محرك جديد
صارت الجين تو متوفرة بمحرك جديد campro CPS نفس حجم المحرك القديم لكن بيعطي حوالي 124 حصان يا ريت يتوفر عنا بالوكالة بأسرع وقت لانو رح يغير كتير من مكانة السيارة بالسوق
كلاشنكوف 03-11-2010 00:41
 الى السيد شادي
برايي لسا السيارة جديدة وحرام تشتغل بالكهرباء بس اذا مصر ممكن تجيب محركات البلور و فرش للابواب الخلفية و ازرار التحكم الفرعية والزر المركزي من حوش بلاس من محلات السيارات المقطعة تبع البروتون بس مارح تكلفك اقل من 10 الاف ولاقي حدا بيفهم يركب منيح وحتى بالوكالة لاتفكر انهم بيفهموا انت لساتك جديد اما انا خبرة 6 سنين وسيارتي واجا 2004 اذا بتحب طلوب اميلي من الموقرة فنات بركي بدلك على محلات الاكسسوارات ومحلات القطع والصيانة المختصة بالبروتون وعلى طريقة وصلة الجوال aux تحياتي
سامر 02-11-2010 20:39
 الى السيد غسان
محركات بروتون من زمان كانت ميتسوبيشي بالويرا محرك اللانسر 1994 مع بعض التعديلات والواجا محرك اللانسر 2000 مع بعض التعديلات بس وقت نزلت الجين2 والساغا سنة 2004 نزلوا بمحرك كامبرو من بروتون مع تقنيات لوتس مع ان ما كانوا نازلين عنا بسوريا وبسنة 2008 صار فيس ليفت للجين2 والساغا والواجا وصاروا ينزلوا بمحركات كامبرو IAFM وعفكرة في محرك كامبرو 125 حصان اسمو سي بي اس بس الوكالة مانزلوه مابعرف شو السبب واي استفسار تاني انا جاهز تحياتي
سامر 02-11-2010 20:23
 مالك بيرسونا
مرحبا أخ سامر.عجبني خبرتك وشرحك عن البروتون والحقيقة أنا شاري بيرسونا وكتير مبسوط فيها بس خسارة أن البروتون ما عم يكون لها هالدعم الأعلامي متل الكيا والهونداي مع العلم برأيي أنها ممتازة البرسونا عم تعمل 200-220 بالبلددون مكيف والوكالة مو مقصرة بمتابعة الصيانة بس بدي أسألك وين بتنصحني أعمل البواب الخلفية كهربا والفرش بدي ساويه جلد وكمان أعمل بوليش . بالوكالة قالوا بيكلفني 2500 شو رأيك وبتمنى نتواصل على صفحة البيرسونا وتحياتي
شادي 30-10-2010 22:29
 بيرسونا ولا جين تو
هل صحيح أن محرك البروتون ميتسوبيشي كما أرجو النصح لمن لديه معلومات ان يبين لي أيهما أفضل بيرسونا ام جين تو
Ghassan J 30-10-2010 00:39
 الى السيد خليل
وصلة ال aux تسمح بتوصيل جهاز الموبايل والتحدث من مايكريفون الموبايل وتسمع صوت المتصل من سماعات السيارة او ممكن وصل اي بود او ام بي تري لسماع الموسيقى وبرايي هي افضل من السيديات تحياتي
سامر 24-10-2010 18:34
 الى الاستاذ سومر
بالنسبة للجين2 ممكن تغيير المسجلة بمسجلة دي في دي بتركيب كفر من الفيبر مخصص للمسجلة العريضة او الدي في دي (دبل دن) او المسجلة العادية (سينجل دن) وتركب مكان المسجلة الاصلية
سامر 24-10-2010 18:29
 بالنسبة لوصلة aux
هل هذه الوصلة تسمح لي بالتحث بالجوال عن طريق المسجلة ارجو الاجابة و شكرا
خليل 24-10-2010 15:07
 شكر للتعاون
شكرا للسيد مالك البروتون على هذه المعلومات و اريد ان اطلن التواصل معك من خلال الموقع وشكرا
samy 24-10-2010 14:08
 شاشة
سمعت انو بمحلات الزينة بحلب في شاشات لسي دي بروتون ممكن تركيبها بدل المسجلة لمن لديه معلومات يرجى اخبارنا
سومر 23-10-2010 13:54
 من ملاك بروتون القدامى
انا املك واجا من 2004 وكل من لديه اي استفسار عن اسعار القطع او محلات الصيانة او اي مساعدة / ميكانيك - كهرباء - دوزان - تعديل - اضافات / خارج الوكالة ولجميع سيارات بروتون انا جاهز لخدمة جميع ملاك بروتون
سامر 23-10-2010 00:18
 تتمة بخصوص الوصلة
تتمة / بعدين بترجع الدعسة الجلد ونشالله الف مبروك الوصلة بس نصيحة اشتري وصلة اوكس نوعية ممتازة حتى ماتحتاج تغيرهها بعد سنة واذا شرحي مالو واضح انا جاهز لاتعرف عليك وركبلك الوصلة بايدي وخود اميلي من فنات وبالمناسبة انا تارك الوكالة من سنة قطع السيارة انتشرت بحوش بلاس وبعرف مهندس ميكانيك كان بالوكالة وفتح ورشة لوحدو بالقابون بعد معمل كراش مارح قول اسمو احتراما لقوانين الموقرة فنات وعندو قطع واسعارو واقعية ومختص بالبروتون حصرا وعندو كهربجي وفحص بالكومبيوتروانا جاهز لاي استفسار من حضرتك تحياتي
سامر 23-10-2010 00:12
 تتمة بخصوص الوصلة
تتمة / رح تلاقي اربع مخارج طالعة من المسجلة 2 لون شريطهم رمادي مخصصين للامبلي فاير و 2 لون شريطهم احمر لوصلة الاوكس وطالع منها جكتين واحدة حمراء وواحدة بيضاء هلأ الوصلة يلي انت اشتريتها الها من طرف واحد وصلتين واحدة حمراء وواحدة بيضاء بتركب الابيض مع الابيض والاحمر مع الاحمر وبتلزق كل طرف لوحدو حتى اذا حدا بالمستقبل شدها ماتنفك بعدين بتشغل السيارة وبتكبس زر المود لحتى ينكتب عالشاشة اوكس وبتوصل جوالك لتتاكد ان الوصلة شغالة تمام بعدين بترجع بتركب الكونسول الوسطي عمهلك متل اول وبتقفلو بالبرغي تبعو
سامر 23-10-2010 00:03
 تتمة بخصوص الوصلة
تتمة / ماسكين البلاستيكة البنية يلي بينها في المسجلة وانت بتدخل مفك من فوق كل شفة وبتفك البلاستيكة وبهداوة حتى ماتكسرها بعدين من تحت بتمسك الكونسول وبتسحبو عمهاك وانتبه ماتكسر الزوائد البلاستيكية بعدين رح تلاقي براغي المسجلة الاربعة بانت بتفكهم بعدين بتمسك المسجلة من اليمين واليسار وعمهلك بتسحبها وخلي شخص تاني يساعدك ويمسكلك ياها وبعدين بتمرر الوصلة من ورا من عند وصلات الكهرباء ومن تحت مكان ماكانت الدعسة الجلد بتمد ايدك وبتسحبها بعدين من مخارج المسجلة رح تلاقي اربع وصلات طالعة من المسجلة
سامر 22-10-2010 23:54
 الى الاستاذ سامي
موضوع وصلة ال aux سهل جدا وبسيط ورح اشرحلك ببساطة ولكن انتبه منيح واذا مافهمت الشرح قول للمتالقة فنات تعطيك اميلي وانا جاهز لركبلك ياها بايدي بالمناسبة انا من ملاك الواجا 2004 يعني خبرة واي شيء بتحتاجه انا جاهز ساعدك ونصيحة انسى شيء اسمو وكالة اولا لازم تكون الوصلة عندك الها مخرجين واحد احمر والتاني ابيض والطرف التاني جكة 3.5 وسط الكونسول تحت مخرج القداحة عندك دعسة جلد بترفعها من الجوانب و بتسحبها لعندك - مكان الدعسة تلاقي برغي بتفكو وبهالحالة صارت القطعة اللي حول الجير حرة تماما وعندك 2 كلبس
سامر 22-10-2010 23:42
 معلومات حول وصلة aux بروتون واجا
الرجاء لمن لديه معلومات حول تركيب وصلة aux للواجا لأنني حصلت على الوصلة و لكن الوكالة رفضو التركيب لأنها ليست اورجينال مع العلم انهم لا يملكون اورجينال و شكرا لكم
samy 28-09-2010 14:59
 سيارات ممتازة
عندي واجا 2007 و كذلك ويرا 2006 و سيارات بروتون ممتازة و لا يوجد اي مشاكل فيها ابدا من ناحية المصروف او الاعطال. المشكلة ان الوكيل بسوريا قد عمل على تشويه اسم بروتون لا اعلم من قصد او بدون. فهو لا يمت الى وكلاء السيارات بصلة و يقارن نفسه بالورش الصغيرة بالسوق فهم لا يعلمون انه يجب ان يكون لديهم قسم خدمة زبائن . و انا اتكلم بناءا على تجربة معهم و لكن لا حياة لمن تنادي.
samy 28-09-2010 14:55
 مابد حكي
سيارة قوية ومصروفة عادي يعني بتعمل شي 180 بالمدينة بس مشكلتها انو من جوا متل سيارات الالعاب يعني بتحسها انو ما فيها هيبة عكس برا ... وكمان ما فيك تعدل فيها شي ابدا
am 06-09-2010 03:56
 سيارة ممتاااااااااااااازة بمعنى الكلمة
بصراحة ياشبااااااب انا جربت كتير سيارات من فئة 1.6 بس اقوى سيارة كانت معي على الطلوع هي البروتون جين 2 واثبت سيارة على سرعة 185 وأقوى هيكل ومعدن مقارنة بالكوري وطرية وحنونة عالمطبات والحفر ...صدقووووني سيارة ممتاااااازة بس ناقص فتحة السقف وفرش الجلد وبتصير اكتر من روعة طبعا مع أنوار زينون ...........
عبود على الحدود 05-09-2010 05:59
 غلط
ياشباب سيارة جين تو سيارة رائعة بكل المقاييس /قوة - ثبات- شكل .......... بس المشكلة انو بتشتري السيارة بسعر عالي حوالي ال/900000/ الف ليرة بتروح بعد فترة للبيع بقوللك ما بتسوى /650000/ ماهي مرغوبة بالسوق مع انها عبت البلد وهي افضل من الكوري كسيارة ولكن اسوء كبيع وحتى وكالة السيارة تبخس سعر السيارة بعد مبيعها وهذا غلط يرجى التنبه لهذه القصة وشكرا فنات
هادي 31-08-2010 02:28
 مشاركة
شكرا لكم فنات لمراسلتي . انا مستغرب من سيارتي جين 2 مصروف البنزين عندي كبير تقريبا 150 بدون مكيف علما الصيانة دائمة من ناحية البواجي والفلاتر حتي فحص الكمبيوتر نظامي رجاء منكم فنات والمشاركين النصيحة علما بأن سيارتي موديل 2007 خالية العلام مع اني اشتريتها مستعملة من سنة ونصف والعداد الأن 58000 شكرا لكم
أمير- حمص 31-08-2010 00:45
 جين 2 ركبة
يلي مو حابب سيارة البروتون جين 2 لا يركبها ولا يحكي عليها لان هل السيارة احسن من مئة سيارة كورية بالمكفا رياضية وما بتصير خفيفة على سرعة 100 متل الكوري الجربان يلي هو خمخوم بانزين بس مو خرج طلوع لان بيموت على اللطلوع فرد موتة
ghostman 27-08-2010 03:50
 شي حلو
السيارة نشيطة فيها شي من الرياضية والله سعرها مقبول
ابو سعد 22-08-2010 21:48
 مشتري جديد
سيارة حلوة وراكزة على الطريق بس مصروفها عالي شوي 200 كيلو على التنكة سيارة شبابية وحلووووووووووووووووووة
عامر 21-08-2010 16:17
 الغيار العادي أغلى من الأوتوماتيك !!!!
معقولة الغيار العادي الكاملة أغلى من الأوتوماتيك الكاملة ب 35 ألف ليرة ؟؟ الرجاء التوضيح
سهام 11-08-2010 18:33
 نصيحة مجرب
تتمة العزل جيد وصوت المسجلة ممتاز ولكن يعيبه عدم دعم mp3 والحل بعمل وصلة aux عند اي كهربائي مسجلات والحساسات ممتازة وتساعد جدا في الركن اما العيوب بسيطة جدا تخبيط علة المطبات وكان السبب ان نظام التعليق رياضي واقسى من الافانتي ( سيارتي السابقة ) وهذا يجزم ان الجين2 اثبت من غيرها والحل انني وضعت نيتروجين بدل من الهواء العادي بتكلفة 200 ليرة وانتهت المشكلة بالنسبة للمواد الداخلية فهي من افضل خامات البلاستيك ومن لم يصدق فليرى واجا موديل 2003 او ويرا 2002 ويحكم بنفسه صوت المحرك يعلو بعد 130
م.سامر 05-08-2010 19:48
 نصيحة مجرب
تتمة امتاصور امامي 2000 صادم امامي 4000 صادم خلفي 3500 جناح خلفي فيبر 800 فلتر هواء 800 كوليهات فرام امامية 1500 كوليهات فرام خلفية 1500 ديسك فرام امامي 4000 ديسك فرام خلفي 3500 بيضة دركسيون 800 باب امامي 8000 باب خلفي 7000 محرك بلور 800 قواعد جسر تحت الموتور 1000 طرمبة بنزين 8000 للعلم هذه الاسعار لقطع جديدة وبعلبتها ونفس قطع الوكالة وللعلم اسعار قطع الافانتي والسيراتو قريبة جدا منها فلا داعي للخوف من اقتنائها فانا اتحدث عن تجربة
م.سامر 05-08-2010 19:40
 نصيحة مجرب
بالنسبة للوكالة تعاملهم محترم جدا مع الزبائن ولكن العيب هو غلاء اسعار القطع بالنسبة لسعر السيارة الاصلي 950000 مع انني وبفضل الله لم احتاج لقطع غيار ولكنني فضلت ان اسال عن محلات قطع خارج الوكالة لربما احتجت فيوجد في حوش بلاس محل مختص بكل السيارات الماليزية مكانه بعد الثقيلة (بعد سكة القطار) لمن دخل من المدخل الرئيسي بعد مفرق داريا لن استطيع كتابة اسمه حسب قوانين الموقرة فنات وساكتب اسعار بعض القطع لاخذ العلم ضوء امامي 3000 سترب خلفي 1500 صينية دوزان كاملة 2200 امتاصور خلفي 1500
م.سامر 05-08-2010 19:32
 نصيحة مجرب
اولا انا مهندس من ملاك هذه السيارة الممتازة موديل 2007 اوتوماتيك كاملة بتعمل بالبلد مع مكيف 180 وبالسفر 250 طبعا مع مكيف ماشي فيها 80000 كم ماغيرتلها الا زيوت ومافاتت على مصلح ابداوعزمها كتير منيح وثباتها فوق الممتاز على المنعطفات والسرعات العالية مشيت فيها 170 وكاني ماشي 100 نظام التعليق منفصل ماكفرسون و متعدد الوصلات وللعلم المحرك وعلبة السرعة ونظام التعليق من تصميم شركة لوتس وطبعا هي شركة غنية عن التعريف وتملكها شركة بروتون يتبع
م.سامر 05-08-2010 19:22
 مستغرب
أولاً السلام عليكم بدي قول شغلة البروتون جين 2 سيارة جميلة بس كلنا منغرف إنو أخذين شكل الماذدا زووم 3 القديمن يعني مقلدة و هي نقطة ضعف ثانيا يلي معو 950000 ل.س يحمل حالو و يجيب دايو لاسيتي بنفس السعر بس شتان مابين المواصفات الداخلية و الجمالية من برا و يلي بدو يتأكد يفوت على شركة الدايو و يقارنها مع الاسيتي و شكرا طبعا هادا رأي الخاص و شكرا لفنات الغالية
طارق 17-07-2010 16:25
 
الرجاء من فنات تجربة هذه السيارة
hamza 09-06-2010 02:30
 انا بعشقها
ان اعشق سيارة البرتون جين تو وكرمالا دخلت على النت لشارك بالتعليق
رنا 18-05-2010 01:18
 شكرا
لك جزيل الشكر والتقدير أخ بركات إن شاء الله سأشتريها قريبا
Some One 10-05-2010 21:37
 شو بدي قلك
يا اخي الكريم انا معي جين تو موديل 2007 كاملة كير عادي مصوفها ضمن البلد 225 بالتنكة وبعرف انو مصروف الاتوماتيك منه حوالي 170 بالتنكة اسعار القطع عادية جدا بس وكلاء حرامية لانو خارج الوكالة ربع السعر ونفس القطع وسيارتي صارت ماشية مئة الف كم ومفي تصليح ولاشكوى منها نهائيا سيارة مريحة متينة قوية وكاملة وبتسوى كل الكوري التنك
بركات 10-05-2010 01:32
 فضلاً لا أمراً
أرجو من أحد الأخوة الأكارم الذين يمتلكون هذه السيارة إخبارنا عن استهلاك البنزين للأوتوماتيك وعن أسعار قطع الغيار هل هي مرتفعة فعلاً كما يقولون؟ وحبذا ذكر بعض الأسعار للقطع إن أمكن مع جزيل الشكر سلفاً وهل عرض التقسيط بسعر النقدي لازال مستمراً؟ تحياتي لكم ودمتم سالمين
Some One 06-05-2010 19:15
 سيارة جميلة و سعرها معقول
بالفعل يا جماعة الجين تو سيارة رائعة و عزومة و وازنة على الارض بس مصروفها الاتوماتيك شوي عالي مقارنة مع باقي السيارات الاتوماتيك و كلنا منعرف صرف بنزين بقية السيارات الاتوماتيك وشكرا لكم
تراسوللي 30-04-2010 18:27
 محتار
ياجماعة ممكن حدا ينصحني اي سيارة احسن الهيونداي افانتي اما البروتون طبعا غيار عادي والسؤال التاني قديش بتصرف بروتون غيار عادي بالتنكة ثالث سؤال قديش تقريبا عمرها الافتراضي والمواد المستخدمة هل هي من نوع جيد وقديش اكتر سرعة يمكن الواحد يمشي فيها
iyad 27-04-2010 13:05
 
البروتون سيارة محترمة انا سيارتي بروتون ما عندا مشاكل ابدا كتير متينة اقتصادية و راكزة على الطريق
بشارة 20-04-2010 20:46
 راكزة ولا لأ ؟
يا شباب لو سمحتو اللي مجرب السيارة يخبرنا عن حال السيارة على المطبات و الحفر ؟ لاي مدى طرية على المطبات ؟ بتهز كتير ؟ انا كان عندي فيرنا و تعقدت من كتر ما تموج على الطريق على اهون طجة؟ والحمدلله الطرقات اللي عنا ....وعرة...تستعصي على الماعز....ما عاد يهمني الشكل ولا المحرك ...بس بدي سيارة مريحة و تقيلة على الطريق و سعرها بحدود ال 900
hassano 17-04-2010 15:43
 أي معلمومة عن المصرف
يا شباب إذا أمكن شو مصروف السيارة أتوماتيك لو سمحتم
محمد 17-04-2010 03:30
 سيارة بتجنن
هالسيارة عنجد بتججنن وسعر معقول بس الشركة لو بتحترم الزبائن وتخفض سعر قطع الغيار وناقصها فتحت سقف أو تكن كشف وبعدها يشوف راكب الأفانتي أو الكيا ريو ..................hahah
37mad 15-04-2010 16:16
 شكر و امتنان
شكرا لكم موقع فنات ولشخكم الكريم القائمين على هذا الموقع الرائع مع خالص حبي لكم متمنيا لموقعنا مزيد النجاح والرقي والازدهار اكرر امتناني وشكري
أمير حمص 07-04-2010 23:02
 بدون تعليق
سلام للجميع عندي جين2 من سنة ونصف سيارة جدا رائعة وقوية بالنسبة للمكيف صح خفيف ولكن انا بدلت الفريون وصار رائع من فترة عطل عندي صباب الحرارة تبدل بصباب جديد شركة وبعد فترة صارت السيارة تحمى وفضال الريداتير يكب الانتي فريز و بعد الاستشارات الكل يقول على روح عاالشركة و كتير غالية حكيت مع الشركة وشرحت الوضع قالوا جوان الكولااس مضروب وبيكلف منيح الحمد لله لم اذهب للشركة سويت العطل بحمص وكلفني 50 ليرة فقط عن طريق صديق واخ لي في الصناعة والسبب الصباب الجديد لا يوجد له نفاث ثقبين بالفرد مشي الحال
أمير حمص 06-04-2010 22:43
 نجاح
سيارة جين تو نجاح لشركةبروتون في السو ق السورية واصبحت تحقق مبيعات جيدة جدا ومنتشرة واسعارها مقبولة وادائها ممتاز
بركات 25-03-2010 00:14
 شبابية
السيارة شبابية و رياضية و كل واحد بيركبها بيحس حالو راكب بروتون جين تو لانا جين تو
abood 22-03-2010 03:42
 عيب
الي فيه يركب افضل من هيك سيارة باهالسعر يعلق والا عيب
الشيخ 21-03-2010 21:48
 سيارة الشوايا
مع احترامي للكل بس اغلب الناس يلي بيركبو هالسيارة شباب ومفكرين حالون راكبين اودي q7 او رانج سبورت سيارة اقل من عادية ما بشتريها بفرنك والكيا ريو والافانتي احسن واحلى منها بألف مرة
ramez 15-03-2010 16:42
 انيقة
سيارة انيقة وناعمة وشبابية وسعرها عادي وافضل من الكوري علما اني اركب افانتي من هونداي كوري بس المايزي بسيارة الجين تو تفوق على اغلب الكوري
الشيخ 14-03-2010 00:14
 حلو000000000000000ة
كتير حلوة هيي واللي بيربكبها / عيوني/
سهر 27-02-2010 00:33
 المصروف
بالنسبة للكير العادي التي املكها مصروفها ضمن البلد /220 الى 230/ بالتنكة وعلى السفر باسوء حالاتها فوق /275/ بالتنكة والسيار ةالها عند سنتين
هاني 22-02-2010 23:50
 مصرفها
بالنسبة للي مجربين هالسيارة حدى ممكن يقلنا كيف استلاكها للنزين داخل و خارج المدينة مع الشكر الجزيل لكم
مازن 22-02-2010 14:00
 ما الفرق
ما الفرق بين محرك البيرسونا والجين تو
وسيم 08-02-2010 23:52
 Service is very bad
السيارة من حيث التصميم والأداء جيدة جدا" ولكن مع مرور الوقت وبسبب الصيانة في الوكالة السيئة جدا" واللامنطق في محاكمة الموظفين هناك والأسعار الشفط لأصغر الأشياء خلاني أكره السيارة وناوي بيعها. بدون يسلموك مفتاح سيارة اضافي اجباري سادة خام بدون قص وبدو يبعتو المفتاح لمعلم بزقاق الجن..!!؟؟ تصوروا هالوكالة يارعاكم الله..
Driver 30-01-2010 12:30
 ناقم
بعد تحياتي وتقديري لموقع فنات وللقائمين عليه انا املك بروتون جين تو سيارة تعشق بس صيانتها غالية يرجى من من لديه العلم عن الصيانة بباقي المحافظات اخباري ان كانوا متل عنا بطرطوس وشكرا فنات
طرطوسي 25-01-2010 01:23
 تهنئة
الى جميع مالكي بروتون جين تو بهنيكم بهالسيارة الرياضية الشبابية الانيقة وهيي احلى سيارة واحلى من البرسونا ويتمنى جيب وحدة بس ......باي
سهر 23-01-2010 01:15
 nice car
سيارة جميلة جدا و هي من اكثر السيارات فب السوق السورية قابلي لاجراء تعديلات جميلة على شكلها الخارجي
hisham mustang man 22-01-2010 13:59
 جيدة بس
السيارة تعتبر من السيارات الجيدة والمتينة بس اللي بيكرهك فيها مركز الصيانة وشفطهم بالاسعار شي عيب كتير وسرقة
طرطوسي 20-01-2010 23:50
 لوتس!!!!!!!!
يا حلوين .... هي السيارة من هندسة شركة لوتس LOTUS الانكليزية العريقة المتخصصة بصناعة السيارات الرياضية و السوبر رياضية و سيارات السباق !!!!!!!!! ( شركة بروتون اشترو شركة لوتس ) و لوتس صممو المحرك و علبة السرعة و نظام التعليق و الهيكل الأساسي .... واللي ما بيعرف لوتس يسأل عنها
كلاشنكوف 17-01-2010 06:16
 متانة
سيارة في قمة المتانة والركازة على الطرقات ونعومة وكربوجة وبتلبيك
جودت 13-01-2010 00:06
 حلوة
حلوة بملامحها الرياضية
عمر 10-01-2010 23:57
 وكالة لا تحترم نفسها
السيارة جيدة وممتازة لا خلاف على ذلك ولكن المشكلة في الوكالة فهي سيئة جدا ولا تحترم نفسها وهمها الوحيد البيع دون الاهتمام بالزبائن وبخدمة ما بعد البيع و حتى قطع التبديل فيشك بأمرها
عمار 06-01-2010 14:26
 aux
السيارة حلوة وأنا أمتلكها منذ ثلاث سنوات تقريبا, مسجلة السيارة فيها خاصية aux يلي بتمكنك من وصل mp3 عليها أو Ipod ولكن عليك إحضار وصلة اسمها BLAUPUNKT ISO 3.5MM JACK TO 8-PIN BLUE وتركيبها حتى يمكنك فعل ذلك. المشكلة أني حتى الآن لم أتمكن من العثور على هالوصلة :( , أزا حدا عندو أي معلومة عنها رح كون عاجز عن الشكر
رضوان 02-01-2010 18:21
 جيدة
سيارة برتون جين تو تتحلى بالمتانة والركازة على الطرقات وخصوصا الجبيلية منها وعلى السرعات العالية وصاجها اقوى من صاج السيارات الكورية ووزنهابالنسبة لحجمها ممتاز بس الاتوماتيك منها صريف شوي وان بلاقي شكلها رائع مع جنط /17/
هاني حبيب بركات 30-12-2009 23:55
 الافضل
اذا ماتمت المقارنة بين البروتون واي سيارة من فئتها تحمل نفس السعر نجد ان الافضلية للبرتون وهي بالنسبة لمواصفاتها وادائها ممتازة اذا ما قورنت بمثيلاتها ويلي معو مصاري بيجيب افضل وهي هيي .
وسيم 24-12-2009 23:52
 الصيانة
سيارة قوية وادائها وثباتها ممتاز بس الصيانة شوي غالية وتحديدا مركز صيانة طرطوس دئاما ثلاث اضعاف عن سعر قطعها بالسوق العادي
وسيم 24-12-2009 00:36
 Nano
معك انا بكلشي,بس شغلة حدا يدافع عني (للمرة الثانية) حسستني انو نحنا بجبهة حرب و انك محملة الموضوع اكتر من اللازم خصوصا انو خلافك مع شخص اعتذر منك مرتين وانا متأكد انو مو قصدو يتهجم على حدا, ومتأكد انو تعليقاتي بوقتها مفهومة للكل وهديت المشكلة قبل ما تكبر,علعموم صفحة الجين 2 حطيتها بfavorites وسميتها جي جي وبتمنى شوف تعليقاتك بكل المواضيع. و ان شاء الله تكون ردت فعلك هي اجازة او استراحة وما تكون انسحاب كبريها بتكبر صغيرها بتصغر والمسامح كريم, Capito
متابع الأولى فنات-وسيم 23-12-2009 11:40
 وسيم
شفت النانو البشعة وكتبت تعليقي..بس ما رح ازعل لأنو الموضوع مختلف.. أما اني ارجع فما بظن عاد الي مكان عصفحة البرافو خليني هون مرتاحة ما حدا بدايقني ولا ناطرة حدا يدافع عني..معي جي جي و بس و أكيد بشوف حالي فيها..و بعرف انها ما رح تتركني و تروح مع غيري لهيك بثق فيها..أما عن النادي فالبركة فيك و بعارب و أصدقاءكم الجدد ..أنا حبي للطليان قديم قبل النادي و مستمر حتى لو ما كنت بالنادي ..عارب لسا ماردلي اذا بيقبلني بالنادي بلا سيارة ايطالية..و بكل الاحوال سلام للكل ..Ammo Italy :)
Nano 22-12-2009 14:44
 رائعة
السيارة لاائعة بس بدا زخم على دعسة البنزين
وسيم 22-12-2009 01:07
 ؟؟؟؟
ياجماعة ابن عمي ساكن باللاذقية واشترى من شي يومين بروتون واجا بالتقسيط سعرها 650 الف بس دفع دفعة اولى 400 الف مع الفراغ والتامين الشامل وعم قسط على 2سنة وعم فكر جيب وحدة بروتون واجا فشو رايكم؟؟؟؟؟
احمد 21-12-2009 15:15
 NANO
نانو اسم غالي علينا بس صار لازم ما تزعلي ازا قريتي مقالة ( مصر ترغب بتصنيع ارخص سيارة بالعالم) تاري في سيارة هندية على إسمك ومالي عرفان, هلأ بتقول ما بدافعو عني شو نحتل الهند مشان ما تزعل جي جي (شفتها هديك المرة),بتمنى العودة السريعة الى النادي الإيطالي يلي نانو من المؤسسين الأصليين,والا جي جي رح تصير تتمرد وتنط كل مرة متل ما بيساوي الفرس بالفارس انتبهى لأنو عم ترج, اما ازا ما لقينا تجاوب فأنا وعارب وجي جي معنا رح نجيب السيف والترس ونبلش الزفة على أصولها,لأنو شافت حالها نانو بعد ما حطو البروتون
متابع الأولى فنات-وسيم 19-12-2009 19:14
 عارب
أنا تمام و جي جي تمام بس كأنو في شي عم يوجعا لانو صايرة عم ترج وقت بعطيها فرام فعندي قريبا مشوار عالوكالة الله يستر...شكرا عالنصيحة بالنسبة لل500 بس اسفة ما حبيتا كتير فصعونة و تبع الختايرة انا ما بحب السيارة الصغيرة هي ما بتتحمل معي كوعين بعدين ما بحب العيون المدورين هيك بحب عيون الألفا ..عم فكر بألفا مستعملة بس لهلا ما لقيت وحدة عكيفي..وازا معلوماتي ماكفت لضل بالنادي ففيك تستفيد من لغتي الايطالية و تعصبي الطلياني انشالله يكفو.. بالمناسبة انا كمان بدي زفة ايطالية بس اتجوز ...كفو؟؟؟؟ تشااو
Nano 19-12-2009 18:23
 الاسعار
ياجماعة الواجا سعرها 950000 بس وقف الوكيل عن استيرادها والمستعملة 700000 انا عندي وحدة وكتير منيحة
samer 17-12-2009 14:10
 نانو خانوم
اول شي سلامات وشو اخبارك مع جي جي خانوم بس انا مستغرب حجم المعلومات يلي عندك عن السيارات ولهيك ما بعرف شلون فينا نخليك ضمن النادي الايطالي ان كان بالبوردو او باي سيارة وبظن ال500 بتلبقلك ....ومواصفاتها اكيد بتعجبك يعني سيارة 1400 س س وبدون تيربو عم تعمل 110 وفيها مليون نظام ثبات متل البرافو تماما واستهلاك بجنن معناها سيارة اكيد راح تعجبك بتمنى تفكري ......تشاو
عارب 16-12-2009 18:55
 ايهما افضل
ايهما افضل السياره البروتن جن 2 او الرينو سيمبول فل ابشن
حسين الملاح 16-12-2009 17:44
 الواجا
علي... معلوماتي المتواضعة انو الواجا كانت أغلى من الجين ..يعني بحدود المليون ...بحاول اتأكد من الموضوع ..بس متل ما ذكرت حضرتك 650 ألف ؟ما بتذكر سمعت هيك سعر إلا عالويرا ..عموما بتمنى من فنات تنزل باقي سيارات بروتون و سوبارو ...و انا اذا توصلت للسعر الصحيح بسعفك فيه.
Nano 15-12-2009 09:28
 واجا ولا احلى من هيك
احد منكم يعرف سعر سيارة بروتون واجا جديدة السيارة ممتازة وشكلها احلى من gen2 بعدين فيها مواصفات اكتر وسعرها بشهر6 رحت على الوكالة باللاذقية وشفت سعرها مع فراغ 650 الف ليرة سورية وكاملة المواصفات اريد الرد عن معرفة السعر؟
علي 14-12-2009 01:28
 rasha
أنصحك بالبروتون فمثل ما تفضل السيد beshlaoe الفييستا تعاني من صغر حجم المكيف وهو غير مناسب للأجواء الحارة, وبالطبع اذا كنتي من محبي المطابشة والمطاحشة مثل nano رح تعجبك السيارة أكثر اما اذا كانت سواقتك هادية فالفييستا انعم
متابع الأولى فنات-وسيم 13-12-2009 09:05
 الجين
Rasha نصيحتي الك ال Gen 2 الفورد فعلا مصروفا كبير "اكتر من الجين بمرة و نص" عن تجربة ... بالإضافة انو الفيستا صغيرة ومدعبلة ممكن تكون الفيستا احلى من جوا بس الجين أكبر وأحلى و أقوى لأنو الفورد ما فيها حيل وما بتسرع ... فحسب سواقتك ومزاجك حددي أولوياتك واشتري...بس اذا اعتمدتي عالجين لا تسمعي كلام الناس و طولي بالك عليها و اذا لقيتي فيها مشكلة بالمصروف او بالأداء الوكالة كتير بساعدوك ...مبروك سلف السيارة الجديدة شو ما كان خيارك ..سلام
Nano 12-12-2009 21:17
 الى Rashs
بالنسبة للفيستا سمعتلها مشاكل كتيرة متل المكيف و المصروف المرتفع بعكس الجين يلي ما سمعت حدا شكا من هيك مشاكل , بشكل عام اي سيارة بتتصنع بدولة غير دولتها الأم بتنزل من عيني حتى لو كانت الفييستا متصنعة بألمانيا , بعدين الجين أقوى و طبونها اكبر ووزنها اكتر بشي 100 كغ ومتفوقة بتجهيزات الرفاهية متل حساسات وسبيلر ..الخ يمكن الشغلة الوحيدة الاحسن بالفييستا هيي انو CD mp3 مو أوديو , اما التصميم الفيستتا شكلها بشع كتير ( برأيي طبعا ) .... بنصحك بالجين و انشالله ما تندمي شو ما أخدتي .
Beshlaoe 12-12-2009 18:27
 
بدي نصيحة ... اشتري هي السيارة أو الفورد فيستا الجديدة
Rasha 12-12-2009 14:51
 حكاية !! عن جي جي!!
لكن كل هالغيبة و انا عم انطر حكاياتك لتطلع عم تألف حكاية عن جي جي ؟ !!!!! لكن يا عمي اللي عنده ايطالي ما بتعجبه الGen 2 بس ملاحظة : جي جي غير شكل لانو الي .
Nano 11-12-2009 23:34
 عااااااااااااارب نوووووووو
لاااا عارب الله يسامحك عم تعطي عليي وعلى جي جي؟؟؟ ....يعني جي جي مع كل عيوبا ومع انها مو على ذوقي بس هي سيارتي العزيزة "أول سيارة بملكها" فمن شاني لا تحكي عليها ...بعرف انها مو أحلى ولا أحسن سيارة بالعالم بس كمان الها حسنات ...وقت بتتبع التعليمات المذكورة سابقا بالطلعة بتطير طيران ... بعدين ثابتة عالأرض و عالكواع حتى عال140 ...أما عن الطحبشة فمو ذنبي اذا خلقي ديق و مستعدة للرد على أي نكشة وما بتفرق معي ازا واحد سهيان نايص مو عرفان يمشي ياكله نعرة لحتى يتحرك و يتذكر انو مو لحاله بالشارع...تشاو
Nano 10-12-2009 17:04
 جي جي خانم
وصلت السيارة هي للسوق واثبتت جدارتها وهذا الموديل جيجي خانوم 1 وجيجي خانو م 2 ممتازين من ناحية المصروف يعني ما بياخدو خرجية والشركة تصرفت بذكاء لما سجلت صوت محرك سيارة و خلت هل التسجيل يشتغل كل ما اسرعت السيارة متل التكاسي لما بترجع السيارة (انتبه السيارة ترجع الى الخلف انتبه السيارة ترجع الى الخلف انتبه السيارة ترجع الى الخلف ف ف ف ف وبتعلق الاسطوانة).....تشاو
عارب 09-12-2009 17:55
 جن 2
ان هذه السيارة من اروع ما انتجه الابداع الانساني في جميع المجالات الاقتصادية والاجتماعية والجيلوجية والطبوغرافية وحتى الميتافيزيقية فقد جاءت من الخارج بديعة وهدى و وملفتة للنظر اسرة للالباب اما من الداخل فهنا المشكلة لكن هيهات (ع شو ما بعرف) واهدي سلامي الى اهلنا في الجن 2.....جد السيارة كتير حلوة وخصوصا ازا كانت سودا واكلة قتلة يعني مشحطة ومخبطة وملعوب فيها اتاري والله يهني كل من مطحبشها بس بظن صار لازم تبدليها .....تشاو
عارب 09-12-2009 17:48
 كتير
انا رايي انو السيارة قوية بنزول بالرغم من انو بعض أجزاءها "أغلبها" مانها من النوع الفاخر للبلاستيك. مافيني احكيلكون أديش تحملت منها خبط و طحبشة من اصغر المطبات ،حتى الطرقات السهلة يلي بلا جور ،الفرامات المباغتة،والتفشيط ... حتى مطابشات التسلاية "طبعا لانها سيارة ملاهي لاند" و طالما صمدت لهلأ بعد15 سنة من الاستهلاك المهلك بدون رحمة بكل الأحوال فهي فعلا رايحة...بدون ما ننسى انها سيارة باربع دوليب بسعر جدا غالي .. وبغض النظر عن منشأها المحزن فالمهم أداءها والتجربة أكبر من برهان وحسن.....تشاو (;
عارب 09-12-2009 13:06
 قوية
أنا مع الأخ صاحب تعليق صفقة رابحة... السيارة قوية بالرغم من انو بعض أجزاءها "أغلبها" مانها من النوع الفاخر ... مافيني احكيلكون أديش جي جي أكلت خبط و طحبشة من المطبات المفاجئة ،الطرقات الصعبة والجور ،الفرامات المباغتة،والتفشيط ... حتى مطابشات التسلاية "نعر و تكسير و مطاحشة" و طالما صمدت لهلأ بعد 3 سنوات من الاستهلاك المهلك بدون رحمة و بعدا بقوتا بكل الأحوال فهي فعلا صفقة رابحة...بدون ما ننسى انها سيارة رياضية بسعر جدا معقول.. وبغض النظر عن منشأها فالمهم أداءها والتجربة أكبر برهان.
Nano 07-12-2009 12:27
 وأخيراً
وأخيراً تم إضافة االبروتون في فنات.. مبروك بروتون ومبروك فنات.....وعقبال الـ سوبارو
باسل 05-12-2009 00:46
 صفقة رابحة !
عندي واجا 1,6 اتوماتيك صرلها عندي شي 3 سنين ونص بصراحة سيارة ممتازة وادائها ممتاز من ناحية المصروف و ثباتها عالطريق ولا أحلى في ملاحظة صغيرة عبعض الاماكن فيها بلاستيك رخيص نوعا ما , و بقدر قول انو بعد 3 سنين و نص السيارة حالتها ممتازة رغم انها تعرضت لظروف قيادة كتير قاسية بالجبال ( هادا غير التشفيط !!!! ) لذلك بنصح بسيارات بروتون عن تجربة , و بحب قول للسيد فراس تعا انت شوف بعد سنتين حالة السيارة .
Red Bull 04-12-2009 13:24
 لعبة غالية
كل هلموديلات مالها عمر تفرج بعد سنتين من الاستعمال شلون بتصير
فراس 02-12-2009 22:09
 جيدة
والله حليوة ومواصفاتها جيدة نطلب من فنات تجربتها
abdalla 02-12-2009 18:40
 ؟؟؟؟؟؟
السيارة شكلا حلو بس عمرها قصير و جودة المواد الداخلة بالتصنيع سيئة ناهيكم عن مصروف البنزين العالي انا جربت 3 سيارات جين تو و كنت حابب اشتريا لانو شكلا حلو و شبابية بس بعد ما جربتا كرهتا كتير اول شي خفيفة عالمنعطفات و صغيرة بالنسبة لفئة ال1600 سي سي و اهم شي انو مصروفا بالبنزين عالي يعني جربت جين 2 اتوماتيك جديدة عملت 180كلم و جربت مستعملة صرلا شي سنة عملت 165 كلم بالتنكة و عمرا قصير و نشكر الله هلا اشتريت سيراتو فورتي و مكيف عليا غير شكل
علي 02-12-2009 10:36
 منيحة
ظريفة ما بها شي يعني بالنسبة لسعرها معقولة
حسام 01-12-2009 13:25
 تحوي مثبت للسرعة
من حسناتها وخاصة في السفر الطويل ( مثبت السرعة) ولكن هذه الميزة غير موجودة بالبيرسونا.
عبدالحليم دعاس 01-12-2009 08:29
 جيت مأخر
شكرا لفنات لعرض السيارة اخيرا بس عيب على الشركة الي مستلمة بروتون وسوبارو ليش ماشتركت مع فنات من زمان تتعرض السيارات الموجودة عندون متل بيرسونا/واجا/وساغا/ومن سوباروا كلون مع الاسعار بتمنة تكفو المعروف وتعرضو باقي السيارات
محمد 29-11-2009 19:03
 أكيد احسن
والله الواحد يشتري سيارة من الشركة العريقة بروتون احسن مايشتري سيارة صينية متل الجاك يلي بنفس السعر وهيك بكون ضمن انو عندو سيارة قوية وجميلة جدا و سريعة ولها سمعتها بالسوق العربية والعالمية والاهم انها سيارة رياضية ومضمونة اكثر من الصيني
ميمو MC 29-11-2009 10:08
 العزيز وسيم
شكرا وسيم لتعليقك الحلو متل العادة ..خليني قول انو السيارة قوية كتير انا املك منها اوتوماتيك 1.6 سودا "جي جي خانم"..وحلوة بس فيها بعض المشاكل متل صرف الوقود لكن لما بتاخدا عالوكالة بعدلولا المحرك وبترجع حبابة..وعند الطلعة لازم تزركا من اول والا بتحلس..وكمان وقت تشغيل المكيف بتضعف شوي..قطع غيارها غالية نوعا ما بس مقولة انو حيلها مقطوع مو صحيحة ..يعني ازا بتداريها وبتفهم شو بدا سيارة جدا ممتازة وسعرا حلو كتير ومناسب..نسيت قول انو المحرك صوته بعقد خاصة لما بدك تقطع حدا وتجاكره؟ ممممم مثالي
Nano 29-11-2009 02:44
 عن تجربة
السيارة تقدم متعة قيادة وثبات قريب لما تقدمه فورد وفولكسفاكن لكن المشكلة في جودة المواد في المقصورة التي تؤدي الى اعطال تافهة بس لما بتكون دافع قريب المليون حق سيارة جديدة بتكون المشاكل قاتلة .بس اللي محيرني انو جين2 عالميا ارخص من السيراتو ب2500 دولار عند تساوي المواصفات يعني لازم تكون ارخص ب150 الف على الاقل.سيراتو غيار عادي كاملة مع تحكم على المقود ب900 الف مفروغة.لازم يكون السعر حقيقي حتى تمشي السيارة ذات الشكل المميز بس بلش يبهت ب2010 بالاضافة الى اعادة البيع القاتلة.
yasser 29-11-2009 02:03
 الله يديم المحبة
شو الهيئة فنات تصالحت مع الحبال الله يديم المحبة وعقبال ما تنزلو سيارات سوبارو وهاما كمان ليش لأ
أصلي 28-11-2009 19:59
 الاولى فنات
السيارة جيدة جدا واعتقد انها ستدخل ميدان المنافسة مع باقي سيارات ال 1600 س س ولكن ارجو ان تفيدونا عن موضوع الصيانة وقطع الغيار و المصروف والذي سيكون عاملا حاسما حتى تستطيع منافسة السيارات الكورية من نفس الفئة وشكرا جزيلا للرائدة فنات التي تطلعنا على الجديد في السوق السورية وارجو منها ان تتكرم علينا بتجربة هذه السيارة
مهند فرنسا 28-11-2009 15:07
 كالعادة
أيهما أفضل البضاعة الكورية أم الماليزية ؟ سعر هذه السيارة هو نفسه سعر السيراتو القديمة أو أقل من سعر السيراتو الجديدة بقليل ( هنا عروض في حلب 850000 للسيراتو ) فأيهما قابلة للشراء أكثر برأيكم ؟
محمد سواس 28-11-2009 14:20
 ممتازة
شكرا لفنات والسيارة ممتازة وارجوا اضافة باقي موديلات بروتون
samer 28-11-2009 02:13
 سيارة مهمة
بعد طول إنتظار أشكر الأولى فنات على إضافة هذه السيارة المميزة بتصميمها الأنيق والجذاب, فتجهيزاتها وبنيتها المتوجهة لفئة الشباب والعائلة وسعرها الذي لا يتجاوز المليون,يصنع منها منافس قوى وصفقة أكثر من جيدة لمن إقتناها,تحية لملاك البروتون جين 2 وأخص بالذكر ( Nano ) , و على أمل إضافة باقي سيارت بروتون وسيارات سوبارو المميزة ولا تنسوا إمبريزا WRX
صديق الأولى فنات-وسم 27-11-2009 12:49
 شكرا فنات ...
كل الشكر للأولى و المتألقة دائما فنات لإضافتها بروتون جين 2 على صفحاتها التي ما ألبث أغلقها حتى أعود و أفتحها من جديد ...
وائل زين العابدين 27-11-2009 01:19
 هل ستكون منافسة؟؟
يبدو أن هذه السيارة أنيقة و ظريفة من فئة 1600CC و لكن سعرها المرتفع نسبياً يجعل مهمتها صعبة بالانتشار الواسع و هذا ما يدفع الناس للهروب لسيارت ال ـ1400CC , بالإضافة لكونها تزيد صعوبة الاختيار امام المشتري و نادرا ما يحسم امره نحو سيارة منتشرة شعبيا حتى يطمئن لتوفر قطع الغيار و القصات اللازمة في حال تعرض السيارة للحوادث..... و اعتقد أن شرائها يتطلب شجاعة
أبو ياسر 27-11-2009 00:45
 
أرسل لصديق طباعة
 
 

Copyright ©2006-2017 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.