بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
 ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
روفي
كم نجمة تعطي لهذه السيارة؟
نتيجة التقييم:   عدد المشاركين بالتقييم: 40
عدد التعليقات: 47
 استفسر عن هذه السيارة
تحية الى ادار الموقع، من خلال متابعتي لموقعكم وجدت أن جميع التعليقات يتم الرد عليها ولكن ارسلت رسالتين عن طريق (استفسر عن هذه السيارة) ولم يتم ارسال الرد على الايميل يرجى مراجعة استفساري لانني ارغب في شراء هذه السيارة, وشكرا
نسيم 25-11-2014 10:10
 روفي550
السلام عليكم ياجماعة يلي عندو روفي 550 وحابب يبيعها يحط تعليق المكان حلب وشكرا
سعد 02-08-2014 00:21
 روفي 550
موجود حاليا روفي 550 جديده او مستعملة بس تكون بحالة الوكالة واذا موجود ممكن السعر
سامر مارتيني 06-12-2013 03:03
 رأي
بدي راي خبراء فنات فيها وشو سعرها هلا مو السعر القديم واذا فيه تقسيط ولا لأ
زيوس 04-03-2013 06:31
 w
عند صعود السيارة لأي مرتفع لاحظ بأن كل السيارات إذا رفعنا قدمنا عن الوقودوهي على D تلاحظ بأن السيارة ترجع للخلف (تكر) مما يجعلك تزيدمن دعسة الوقود أو بأن تستخدم الفرامل لثبات السيارة --- ولاكن نظام الw تلاحظ بأن السيارة في حال رفع قدمك عن الوقود تقف بحالة ثبات كامل مهما كان ميلان السيارة ولا داعي لزيادة دعسة الوقود أو دعس الفرامل لثباتها
mhd kosai alsamman 20-04-2012 15:33
 لا مو صحيح شيري س 41 داعسة عل 750 و550
شيري س 41 قد روفي 750 بس مو قد 550 محرك ميتسوبيشي 2400 وكبيرة كتير وشكلها مرسيدس وعطريق قوية كتير ولا مبتعمل طريق صوت وحلوة كتير وسيارة رسمية
ابو حيدر 20-04-2012 12:29
 سأال مجرب
والله السيارة حلوة بالشكل والعزم والرفاهية كأنك راكب بي أم بدون مبالغة وسعرها مقبول جدا نسبتا للمواصفات
أبو خالد 14-03-2012 01:48
 مو مصدق في منافس للشيري بالصين -
عن جددددددددددد داست عالشيري دوس النعاج مقارنة بالطراز chery s41
RAMI AKOLLAH وكيل شيري في محافظة.... 16-11-2011 23:23
 تلاعب بالعروض
برأيي السيارة ممتازة أزا قارنا سعرها مع مواصفاتها وبالأخص سيارة التيربو يلي بتولد 160 حصان عدا عن أنو اختبارات التصادم تبعها مذهلة بس للأسف ما بعرف شي عن جودتها أو خدمة الوكالة لألها وصيانتها عنا بسوريا وياريت يلي بيعرف يحكي . لكن الشي يلي بيدعو للاستغراب أزا كان الوكيل متل ما حكى السادة محمد أو وسام عم يبيع السيارة بعرض التقسيط ب 1450000 أو أكتر لأني كنت بالوكالة من عدة أشهر عم بسأل عنها وقالولي سعرها قول اوبشن تيربو ب 1350000 وأزا اعتمدت عالنقدي ممكن يحكو مع الإدارة يبيعوني ياها بأقل من هالسعر
مستغرب 09-10-2011 07:10
 سعر الوكالة
غيبة السعر ياللي ذكرتو استاذ محمد لاني اشتريت الروفي 1800 سس تيربو مقسطة عالوكالة ( الحبال ) ب 1450000 دفعت مقدم 570000 حسب اختياري والباقيي 20000 على 44 شهر وضمان مجاني 3 سنين او 100000 كيلو (شامل غيار الزيت وقطع الميكانيك)
وسام عزيزية 23-09-2011 12:25
 قال عروض
قال في عروض جديدة بمناسبة شهر رمضان بالتقسيط ومن دون فوائد لمدة خمس سنوات مع حسم من 50000 الف الى 100000 كتير عجبني العرض بس !!!!!!!!!!! لما اتصلت بالشركة رد الموظف و ما قبل يعطني العرض الا اذا عملت زيارة للشركة قلنا مو مشكلة ولما صرت بالشركة سألت على العرض قام قال الموظف السعر كامل وبنسبة للتقسيط لمدة 5 سنوات بتدفع 500000 الف والباقي 19500 ضرب 60 شهر يعني السعر كامل مع التقسيط صار 1670000 عروض فل اوبشن يعني تقسيط بدون فوائد هيك بقولوا
محمد 30-07-2011 18:40
 م
انا جربت السيارة والله ارجل من الكوري بكتير وما بتزكرني الا بالالماني ورح تتفاجئو فيها
منهل سليمان 13-05-2011 04:10
 غالي
السيارة غالية كصيني
السائق 01-03-2011 14:02
 مالك ومجرب MG 550
بشكر ادارة موقع فنات والله أتمنى لكم التوفيق والنجاح وإل أمام ان شاء الله لأني أنا عرفت السيارة موجودة في سوريا عن طريق موقع فنات وانا السيارة بعرفها من 2005 طبعا موديل 2005 روفر 550 قبل ما تفلس الشركةفي 2008 وكانت رائعة بس غالية وحاليا أسعارها رائعة بعد تغير اسمها الى MG 550 وماللك الشركة سياك من كبرى الشركات في العالم والحمدلله على كل حال وشكرا لــــــ فنات..
ayman 24-02-2011 15:38
 مالك ومجرب MG 550
أخيرا لماذا قمت بشراء MG 550 أنا كنت في دبي عايش وبسبب الأزمة رجعت لبلدي وتميت سنة بلا سيارة طبعا كانت سيارتي بنزE320 موديل 2004 يعني حقها مليون عل السوري حاولت اقنع حالي بالكوري ماقدرت ولا الياباني لأني بصراحة اللي بيركب ألماني مستحيل يركب غير ألماني بس للأسف الوضع المادي صعب شوي كنت عبفكر 325 بي ام دبليو بالتقسيط بس الحمد لله توفقت MG550 الحمدلله والشكر لله مرة تانية وبشكر فنات كتير عل الموقع بس انا زعلان منون لأنو بدي أشتري منون بس كان الإتصال فيون جدا صعب.
ayman 24-02-2011 15:31
 مالك ومجرب MG 550
ونسيت مثبت سرعة وعتلات عل الدركسيون ..باختصار السيارة بدا سقف بانورامي وميزة طوي المرايا وأهم يكون 6 غيارت تيترونيك عوضا عن 5 حاليا. عيوب السيارة 1 فتحة السقف صغيرة 2 الستراة الخلفية يدوية 3 سعر السيارة جيد في الخليج وغالية شوي في سوريا مصروف السيارة فول السيارة 3 تنكات 3*880 يعني 2640 بتميشي بقلب الزحمة 480 كلم( 20 لتر ب160 كلم وممكن اكتر)حسب اشوفير على طريق السفر فوق 250 لكل 20 لتر طبعا لا تنسوا انو محرك 18 توربو
ayman 24-02-2011 14:56
 مالك ومجرب MG 550
قارن السيارة MG 550 مع الكوري أوبتيما 2 ومع مازدا 6 ومع كامري 2.4 ومع أكورد 2.4 بتلاقي النتيجة لصالح MG 550وبجدارة من قوة المحرك وقوة العزم ووزن السيارة وأوبشن والتقييم MG550 أخدت خمسة نجوم إدخلو موقع MG وشوفوا بعينكون.. طبعا السيارة مي موجودةفي موقع فنات بس هي نفس روفي 550 بس في اضافات كتيرة يعني متل جنط17 وDVDوبلوتوث وستة بالون وحساسات مسافةأمامي وخلفي وجانبي وانارة ومطر وكاميرا وشاشة عالية الدقة يعني كل شي فيها.بس لا يوجد سقف بانورامي ومرايا لا تطوي فقط..
ayman 24-02-2011 14:43
 مالك ومجرب MG 550
متابعة التعليق الأول يعني حق السيارة وارد خليجي بحدود 1200000 يعني عند الوكيل 1550000 زيادة 350000 ليش .. ياجماعة الخير اللي بدو يشتري سيارة فخمة وجودة ممتازة بمستوى الماني بسعر زهيد مالو غير MG550 أكيد جماعة أماني بدو يسبوني ..ياجما مين معو حق ألماني متلا bmw 523 .أربع ملايين وفوق أو أودي A6 أو بنز E200 ياجماعة اللي بيدو يشتري سيارة MG 550 يقارنها مع السيارت ألماني اتلاتة السابقة وشوف الفرق طبعا الجواب بدون شك كلون أكوس بس بفارق بسيط وكمان فرق السعر فوق 3 مليون يعني المعادلة واضحة..
ayman 24-02-2011 14:21
 مالك ومجرب MG 550
السلام عليكم أريد أن أقول الحقيقة واحد مجرب وخبرة في السيارات وأنا كنت في دبي من 2002 السيارةMG550أو روفي 550 سيارة املكها حاليا باختصار شديد أود أن اعلق عل محاسنها وعيوبيها 1 شكل رائع جدا من الخارج والداخل. 2 جودة قطع ممتازة تنافس كل الكوري والياباني من فئتها وهي بمثابة الأوربي وليس أفض منه 3 أداء رائع وقوي وممتاز جدا . 4 أسعار القطع التبديل بحدود الكوري واقل شوي 5 السيارة حقها كاملة 1ز8 توربو 1550000 شوي غالية مقارنة بالخليج 625000 بدون ترسيم 260000 وجمارك 29000 ..
ayman 24-02-2011 14:04
 $$$$$
بدنا نعرف سعر قطع السيارة يلي عندو معلومة بس يئلنا ياها و عن مصروفة البنزين و منطلب من فنات أنو يجربو هل سيارة بأقرب وقت (شكرا فنات)
معجب 26-11-2010 00:24
 روفي 350
ارجو اضافة السيارة الجديدة من روفي والتي هي 350 وشكرا لادارة موقع فنات على هذا الموقع الحضاري
وليد ي 26-09-2010 23:13
 سيارة بتعشقها
بصراحة اول ما شفتها عند الوكيل عشقتها ولما اشتريتها وسقتها عشقتها اكتر واكتر ,صرلي شاريها من 9/ 2009 وكل يوم بيزيد عشقي لهل السيارة سيارة موجود فيها مواصفات كثيرة لا توجد بسيارات أخرى غير الالماني جميلة من الداخل والخارج. ومظهر الفخامة من الداخل وايضا الخارج , ثابتة على الطريق بالسرعات العالية وعلى المنعطفات , تشعرك بالامان في قيادتها طبعا كنت بتمنى انو كم شغلة تكون مانهامعدلة عليها: احداها كمرة الرجوع للخلف والشاشة العارضة للديفيدي وبصراحة السيارة ما فيك الا انو تعشقها فقوي قلبك اذا بدك تشتري
ابو مضر 12-09-2010 15:37
 ليش هالفرق ؟
بس أنا ما فهمت ليش المحرك العادي أغلى من التوربو ؟ وعكل حال هالسعر غالي شوي عسيارة قد ما راحت وإجت بتضل صينية .... يعني في دليل مؤكد إنو الشركة الأم هي روفر ؟ صحيح الشكل الخارجي بيوحي والداخل مترف عالطراز الإنكليزي بس لما شفنا الشيري كلنا قلنا إنو فولفو عاملتا ! عكل حال السيارة عجبتني وإذا رخصت شوي رح غامر و إشتريها لأنو الصناعة الصينية صارت من الأفضل
HOS 30-08-2010 10:23
 حبيبي ابو النور
انا ما عندي سيارة انكليزية و لا رح يكون عندي بس بتعرف ما ضروري لاعطي رأيي اجربها لان ما كل واحد يجرب من كيسو لان نحن بنفهم ! اي استاذي بتعرف الاماراتي الطائر شي في تصريح الو عجبني كتير و هو كان عندو سيارتين انكليزي مو وحدة قال يا اخي بس تنزل نقطة مطر يصعب السيطرة على السيارة طيب ما انكلترا بلد المطر ! طيب بتعرف برنامج توب غير ما بيمدحو فيه سيارة انكليزية الا مجاملة و بيكون سعرها غالبا اغلى من الالماني ( مثلا دي بي ناين ) و البضاعة الانكليزية مستواها معروف و الصيني التقليد معروف و بلا مهاترات
انس 01-08-2010 23:39
 اعلق على التعليق الاول
حبيبي ليكون راكب بي ام 750 فضائية وجاي عمتحكي على السيارة هيك (انس) يعني والله العظيم سيارة احلى من هيك ماضل بعدين مين انت حتى عمتحكي على الجودة الانكليزية (مع تحيات ابو النور من اجمل السيارات الصينية)روفي
بس تعرف تكتب تتعليق فوت على فنات 01-08-2010 14:56
 لك حبيبي انتو عن شو عمتحكو ؟
كان عمتحكو عن سيارة المانية ؟ لك حبيبي هي صيني صيني ما بتعرفو شو يعني يعني جودة على قدها ! هلق بيقولولي قال معمل انكليزي طيب شو يعني اذا الانكليز نفسن صناعة السيارات عندن انتهت و خلاص ما عاد في شي لانها بالاصل مو منافسة يعني سعر الالماني بدون جودة الالماني اي حتى الانكليز ما بيدعمو هيك صناعة ! شو مفكرين بعدين هي نسخ سيء عن اصل سيء اي شو بدكن ابشع من هيك ؟ ايادي صينية عمتعفس و تشل و تبل و مو عرفانة و ين الله حاططها قال بيحكو عن صناعة انكليزية مع ان الانكليز نفسن بيتمسخرو عليها ( توب غير )
انس 03-07-2010 16:20
 
شباب انا صار لي شي شهرين شاري هل السيارة الموديل كتير حلو لحد الان السيارة كتير جيدة و ما بينعرف انها صينية وبعدين قبل عشر سنين مين كان يثق بالسيارات الكورية اكيد لكل شي في بداية يعني الصين مو اول مرة بتصنع سيارات فاخرة بس اول مرة نحتا بنجيبها على البلد
فادي 26-05-2010 18:04
 كمان إلى شركة حبال
عم تخلونا نروح عالكوري الخفيف والذي يبلى بسرعة ولكن السؤال الأهم ماهي أسعار القطع متل الأنوار والطبون الأمامي والريديترات والكولييه والديسكات ورولمانت والمرايا والأبواب في حال حصول حادث؟ أنا بالنسبة لي كل سياراتي مؤمنة في الكويتية للتأمين ولكن المشكلة هي بنقص القطع وليس بقيمتها أحيانا
وائل العبد الله 13-05-2010 15:45
 
السيارة حلوة كتير و تصميمها رائع من الداخل و الخارج ... وانا شفت على اليوتيوب اختبارات التصادم وكانت أكثر من جيدة و مستوى الأمان فيها عالي بس برأيي غالية يعني هيك سيارة لو بدها تنافس بالبداية بتنافس بسعرها قبل كل شي ...
حسام 29-04-2010 13:33
 جميلة
مواصفات رهيبة ,,, نتمنى من الاشخاص الذين جربوها ان يذكروا ميزاتها على العمل والتشغيل , ومصروفها من البنزين , ومدى توفر قطع الغيار واسعار قطع الغيار؟؟!! وشكراً
حماد 25-03-2010 15:28
 جميلة و رائعة
على فكره عنا متل شعبي حلو كثير بيقول يالي ما بتعرفو تعرف عليه و أنا حبيت أتعرف عليها و إشتريتها و أنا بقول أنها رائعة و قوية و ثابته على الأرض بضمانة وزنها و بعد التجربه فالتجربة أكبر برهان . لقد جربتها في جميع حالاتها و أني أثق بصناعتها و جو دتها و وكيلها و أوأكد بأنها صنا عة صينية بخبره ألمانية بحتة و مؤ كده بتصميمها الداخلي و الخارجي و رقيها و تشبهها بباقي المو ديلا المصممه لعام 2010 و أنصح بها . والله الموفق
r\d 18-03-2010 16:45
 
أنا عجبني شكل السيارة و المزايا و براي سعرها جيد , بس لازم حدا يقيما من حيث الأداء
beshow85 06-03-2010 15:32
 شركة بريطانية
شركة روفر بريطانية وهي لا تمت لشركة لاند روفر بصلة حتى!!!!
navarro 04-03-2010 09:07
 إلى السيد أيس مان
انا لم اقل ان سيارة روفر تصنع في الصين قلت ان روفي هي سيارة صينية بترخيص من شركة روفر البريطانية التي توقفت عن العمل من عام 2004 وإلى السيد بافاري اقول لك ان السيارة قد صنعت قبل الc5 فكيف سيقلدوها قبل ان تنزل؟؟؟؟؟؟؟؟؟؟
navarro 04-03-2010 09:05
 معقول
معقول الروفي الكبيرة 750 1,8 مع توربو أرخص من شقيقتها الصغيرة ب 55 ألف!!!!!!!!!
goal 04-03-2010 03:11
 روفي
مع احترامي...ما بدفع هيك مبلغ على سيارة صينيه...حتى لو أجدادها بريطانيين....
عبد الرحمن 03-03-2010 14:14
 الصيني بحير
اذا السيارة اثبتت عملته في السوق وعلى ارض الواقع ممتاز من حيث الشكل حلوة كتي ومن الدخل كما ن حلوة والزوائد الي في السيارة كتير منا سبة
ماهر 02-03-2010 22:28
 
لاندروفر مانا بريطانية !!!!!!!!!!!!!!!! لتكون صينية أو هندية و لا يمكن تكون عم تتصنع بسيامكو بسوريا ............ ياريت يا سيد نافارو تقلنا وين بتتصنع اللاندروفر .
Ice man 02-03-2010 18:44
 مضحكة
مقدمتها باسات خلفيتها سيتروين سي 5 التابلو كاديلادك هههههههههه
BAVARI 02-03-2010 17:50
 good car but??
السيارة حلوة ومو مبينة صينية بس بتضل صينية يعني بينخاف منها خصوصا انو مبلغ مليون ونص مو قليل وبسعرها بشتري ماذدا زوم 3 احلى بكتييييير او بشتري توسان
ramez 02-03-2010 16:46
 تصحيح معلومة
ليست لاند روفر بالشركة روفر البريطانية
navarro 02-03-2010 13:30
 جميلة
نرجو من فنات تجربة السيارة باسرع وقت ممكن وإضافة السيارة الثانية لاننا نثق بفريق العمل
navarro 02-03-2010 09:38
 جميلة
هذه السيارة يوجد منها ايضا نوع ثاني منها وهي سيارات بترخيص من شركة لاند روفر البريطانية الشهيرة وهذا هو سبب السعر المرتفع
navarro 02-03-2010 09:34
 حلوة و ضعيفة
تصميم السيارة رائع و تجهيزاتها فظيعة و اللي مو عرفان انو صينية مستحيل يخطر ببالو, بس مشكلتها نفس مشكلة السيارات الصينية كلها و هيه المحركات!!! محركات قديمة جايبينها من شركات تانية و ضعيفة, و لما الواحد بيقرا 1,8 توربو بيفكر انو صاروخ ,,, بس شوفة عينكن قوة هزيلة , و تسارع مخجل ,,,! بس السيارة كتير حلوة و انا شفتها بالوكالة و مميزة و سعرها ممتاااااااااز و أحلى من أي سيارة بهالفئة ,,, بس بدنا حدا مجربها يعطينا رأيو
كلاشنكوف 02-03-2010 01:48
 حلوة ولكن صيني شو ضمانتها!
السيارة كتيييير حلوة بس السؤال انو بينشرا سيارة بهيك تقنيات عالية وحديثة جدا من شركة صينية، سعرها منافس بالنسبة للمميزان مقابل السيارات الكورية والألمانية خصوصا انو توربو، أنا بس حابب اتتأكد انو التكنولوجيا تبعها لأي درجة معتمدة وفعالة، وكفالتها حقيقية يعني كفالة تبديل مثلا، لأنو خطر شراء صيني بهيك مميزات كتير كبير فبدها ضمانات تقنع الزبون يغامر بمصاري بسيارة منشأها صيني.
كنان 01-03-2010 23:19
  mike
i think it spend alot of gaz because it is heavy and according to 1.8 motor it is soooooo weak and over all its chines IN GENERAL BAD CAR
mike 01-03-2010 23:03
 مين وكيل الشركة بحلب؟؟؟؟؟
كيف فينا نشوف السيارة بحلب ؟؟؟؟ يعني مين الوكيل . الشركة المصنعة جديدة ولا شو؟؟؟
زيزو 01-03-2010 19:53
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.