بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
 ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
غريت وول
كم نجمة تعطي لهذه السيارة؟
نتيجة التقييم:   عدد المشاركين بالتقييم: 35
عدد التعليقات: 25
 يابلاش
ياشباب انضرب حساس ال ا بي اس ورحت عالصيانة وبدلتو واحزروا أديش سغرو؟ 4 الاف ليرة علما انو لكل دولاب الو حساس خاص فيه وكل حساس سعرو 4000 ليرة ويضاف اجرة فحص الكمبيوتر 1000 ليرة فالمجموع 5000 ليرة
ايهاب 08-05-2013 23:21
 حلوة
بس الصيانة بليدة بمحافظة الللاذقية انا بدي مساحة خلفية للسيارة من شهر ولهلأ مااجت من الشام واي اليوم واي بكرا طيب المساحة مومهمة كيف لو السيارة واقفة على قطعة مهمة شو لايمت مننتظر
ايهاب 19-11-2012 02:33
 طلب
رجاء اللي عندو معلومات عن مكان بيع السيارة واذا في تقسيط و شكرا
ffffff 08-10-2012 22:33
 سؤال ع الماشي
مافي منها أتوماتيك ؟ وإذا مافي أوتوماتيك وكالة يا ترى بيركبلها من غير ماركة ؟ شكرا ً للجميع
أبو منير 19-01-2012 23:14
 greatwall فولكس c10
السيارة اشتريتها من 11 شهر تقريبا طبعا السيارة من ناحية الكماليات جميلا جدا حتى من ناحية الشكل طبعا سعرها بالمقارنة مع الكوري رائع جدا مشاكلها:السيارة تعطي انطباع بأنها قوية وخصوصا مع محرك 1.5 بس لاحظت عليها انه تجاوبها بطيء يمكن بسبب كون دعسة البنزين كهربائية بالطلوع ما فيها حيل ولاحدا يناقشني لاني بدلت مصفاية البنزين والبواجي وفلتر الهواء وما تحسنت كتير انا برأيي السيارة تعاني من مشاكل كهربائية اما بالنسبة لخدمة الصيانة عند شركة شموط ممتازة. المصروف داخل البلد 245 طريق سفر 310 بالتنكة
رامي 05-10-2011 18:21
 سؤال
وين وكيل هي السيارة بحلب؟ اذا حدا بيعرف ممكن يقلي ؟
؟؟؟؟ 25-09-2011 21:06
 شبو الصيني
منشان رب العزة وبعده كل الأنبياء حوالي 22% رسوم ورفاهية وما بعرف شو كمان على سيارة صينية متل ما بتقولو مو حرام والله حرام وعيب نحنا الوحيدين المنفردين بهالرسوم آخ يابلد
شبو الصيني 16-09-2011 13:08
 شبو الصيني؟؟
عيني انتو شبو الصيني دير بالك عليه وخدموا بيخدمك وعم تاخدها جديدة مو مركوبة عشر سنين ومو مخلي ميكانيكي أو كهربجي او دهان وصواج يعتب عليه وأغلى منها ليش لأنو كوري أو تشيكي أو روماني ولك حتى الياباني والألماني شو هاد ياه شوفا المستعمل وقتنعوا ( هلق بيجي واحد بيقول انو عندو الياباني المستعمل احسن منها ) الجواب صحتين وشراب لتشبع يوم عندك وعشرة بالقدم
قال صيني 07-09-2011 23:33
 بلاكوري بلا سخام
السيارة كتير حلوة ومصرفها 300 بالتنكة بس بنزين 95اوكتان ياريت حدا يخبر الدبرياج كهربا او لأ والصيانة جيدة كتعامل وحبيتها اكتر من الفلوريد وبلاكوري بلا سخام
ihabaw 17-08-2011 01:08
 تصحيح المحرك...
شكراً لفنات.كوم
Boga 11-04-2011 14:49
 تصحيح المحرك
السيد الكريم: إن رقم 77 في الموقع الرسمي لشركة غريت وول بواحدة الكيلو واط وليس الحصان البخاري، وكل 1 كيلو واط = 1.36 حصان بخاري، أي أن 77 كيلو واط = 105 حصان بخاري. مع الشكر
Fannat.com 06-04-2011 10:13
 تصحيح للمحرك...
تحية لموقع فنات العزيز والذي يطلعنا على كل ما هو جديد...بالنسبة للسيارة فهي معقولة ضمن السعر والمواصفات...لكن السعر غالي قليلاً...أما بالنسبة لقوة المحرك فكنت قد كتبت مداخلة سابقة بالموضوع...ولم يرد جواب منكم...موقع الشركة الصانعة يقول أن المحرك 1500 سي سي قوته 77 حصان فقط عند 6000. بينما موقعكم الكريم يقول 105 حصان عند 6000 سي سي. يوجد خطأ كبير في المواصفات أرجو منكم التوضيح والتفسير كما عهدناكم. وهذا رابط الشركة على النت لمن يحب: http://www.gwm.com.cn/en/voleexc10.asp تحياتي
Boga 05-04-2011 21:19
 بانزين Euro 5
جربت عبيت بانزين ممتاز اوكتان 95 ولقيتو ما ناسب السيارة ابدا، العزم فرط، وصارت تنتع شوي وطفت معي كم مرة لبين ما أخد الموتور، مع انو كان في بالخزان من البانزين القديم لترين بس ، انا وعن تجربة شخصية لا أنصح باستعماله لهي السيارة
عماد 06-03-2011 11:25
 للأخ فادي
عم تعمل معي 265-270 بالتنكة وأغلب طريقي هو من اتستراد المزة سافرت فيا عللاذقية ومشيت 140 طول الطريق وعملت معي 280 بالرجعة مشيت 110 وعملت معي 315 بالتنكة والحمد الله لهلء مالي ولا شكوى عن السيارة ... غير انو المرايا يدوية بس :(
عماد 27-02-2011 18:45
 
شباب في حدا جرب شو تعمل بالتنكة
Fadi 25-02-2011 17:36
 الوكالة
فيك تشوف الغريت وول بفرعين، الفرع الأول شركة شموط، استراد درعا الجديد، تقريبا مقابل التاون سنتر او لقدام شوي، بعد شركة بريليانس، هي الصالة الرئيسية للغريت وول، في الون صالة فرعية على طريق حرستا، يمكن بعد وكالة البروتون، كمان تابعة لشموط
عماد 06-02-2011 16:48
 mohd
ياشباب حدا بيعرف وين عنوان الوكالة لا حتى الواحد يروح يشوف السيارة وعروض التقسيط رجاء ً يلي بيعرف يعطينا معلومات وشكراً
mohammad 30-01-2011 01:48
 بعد شهر ونصف من القيادة
السيارة روعة، خصوصا عند مقارنتها بالمورنينغ او الأي تن او البي واي دي والشيري، المصروف 220 ضمن المدينة، مشيت فيا 140 وكانت ثابتة وماسكة الطريق، طلعت أقوى طلعات المهاجرين بكل رياحة، صرلا عندي شهر ونص ورائي انو خيار كتير ممتاز بالنسبة لفئة سعرا
عماد 19-01-2011 15:29
 بلاكوري بلا سخام
الى الاخ حميد المحرك صيني بترخيص تويوتا يعني اذا احتجت قطع غيار بس قطع التويوتا بتركب عليها السيارة معي من شهرين ولهلأ متل الليرة بنصح بقوة فيها وبلا كوري بلا سخام
ايهابو 23-12-2010 23:46
 نتائج التجربة الاولى
الانطباع الاول كان الرضا التام، الإقلاع حلو، القعدة مريحة، الهيدروليك كتير ممتاز، الدبرياج واطي نوعا ما، انا شخصيا ارتحت عليه دغري، مافي رجة، ما عيرت المصروف لسا وما مشيت فوق الستين لأحكي علثبات، فرام السيارة كان كتير حلو المسجلة صوتا كتير حلو وفخم والتحكم فيا حلو سلس وفي يو اس بي من عند فرام الايد، بس مافي بفلات من ورا ، بس من قدام لحد هلئ انطباعي موجب 100/100 وبنصح بهالسيارة
عماد 18-12-2010 09:47
 اشترينا
اشتريتا من يومين تقسيط وان شاء الله بوكرا الاستلام، بجربا اسبوع وبعطيكون رائي يا شباب
عماد 15-12-2010 20:40
 واسعة وحلوة
سيارة واسعة وحلوة، وسمعت أنو محركها يارس، مابعر اذا كان هالحكي صحيح، اذا حدا بيعرف يخبرني وشكرا
حميد 05-12-2010 21:24
 حلوة كثير
استلمتها من اسبوع ولحد هلق متل الليرة سريعة وازنة على الارض ومصروفها حلو وبرايي احسن من الريو الفاضية او الكاملة وماتقدر تركب سيارة بهاالمواصفات وبهاالسعر وبعدين غريت وول اول شركة سيارات صينية تفوت بسوق الاتحاد الاوروبي
ايهابو 28-10-2010 23:36
 أرجو النصيحة الخالصة وبدون أيّ تحيّز رجـــــــــــ
السلام عليكم ورحمة الله وبركاته لكم جميعاً زوار موقع فنات الرائع أرجو ممن يعرف أيّ شيء عن هذه السيارة أن يفيدنا أفادكم الله من فضله لأنني أنوي شراء سيارة بالتقسيط وضمن هذا السعر ولكنني محتار !!! هل برأيكم هذه السيارة مع كل هذه المواصفات أفضل أم الريو الفاضية؟ وأرجو أن تفيدوني عن مصروف هالسيارة وهل هي إقتصادية وعن ايضاً سيارات الغريت وول بشكل عام. فالكل يتخوف من الصيني..... !!! أرجو الإفادة وجزاكم الله عنا كلّ خيــــــــــــــــــــــــــــــــــــــــــــر
الأميـــــــــــــــــــــــــــــــــــــــر 22-09-2010 10:54
 so2al 3almashi?
يعني السيارة شبابية وحلوة بس ممكن ازا حدا مجربها يحكيلنا عليها وعلى مصروف البينزين ويا ريت يكون هاد التوضيح جاهز ومكتوب مع مواصفات السيارة ويكون التعليق ايجابي وسلبي بس مو اسالة على السيارة وشكرا فنات
itally 05-08-2010 04:20
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.