بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
كم نجمة تعطي لهذه السيارة؟
نتيجة التقييم:   عدد المشاركين بالتقييم: 145
عدد التعليقات: 191
 بيع سيارة حميشو qq ميني
عندي سيارة حميشو qq ميني ماشية 7500 كم وأريد أن أبيعها فكم سعرها دام فضلكم.
سامر 21-05-2014 02:22
 سيارة QQ 2011
انا عندي QQ بس عم تصروف بنزين كتير ومابعرف وين بدي اعملها صيانة
خالد 18-09-2013 01:20
 ارجو الماعدة
رحت ع شركة حميشو لحتا اعمل صيانة بس للاسف مارضيو لانهم حطو عينهم ع السيارة بدهون يشتروها هي عاملة حادث اضريت انو ماصلح بس عم دور علة مكان يبيع بلور امامي وخلفي نوع ف 3 بحمص بس ماعم اعرف لبيعرف وين ارجو المساعدة
جوني 27-07-2013 21:29
 بكفي انا صناعة وطنية
ممكن حدا يزودني بسعر السيارة الحالي بلوكالات وهل توجد السيارة بهذا السعر لدى فنات
هاني 17-07-2013 01:50
 سيارة شيري qq
ارجوالمساعدة ضيعت مفاتيح السيارة وبدي اشتري لها مفتاح كيف العمل يا اهل الخير
كريم 09-03-2013 02:40
 تقسيط
كيف طريقة تقسيطها ... يلي عندو علم يخبرنا وألف شكر
أبو عمر 02-07-2012 10:32
 مساعدة في قطعة
يا جماعة المساعدة أنا عندي سيارة QQ تيبترونيك شيري صيني وللاسف تعطل الموتور الخاص بقلب الحركة جوا الشنجمان وللاسف ايضا لم اجد من هذا الموتور بكل محافظتي ( حلب ) هل من مساعدة من ذوي الخبرة لو سمحتم
محمد 03-06-2012 22:59
 350 ألف!
بتعرفوا يا جماعة انو رأيي بدو يكون موافق للتعليقات اللي قبل هيك سيارة مناسبة طبعا بس للتنقل ضمن المدينة و للناس اللي بيدفعو كتير منشان المواصلات يعني مثلا لو بتدفع الف ليرة او اكتر شوي يوميا و ما بدك تدفع هديك الحسبة حق سيارة فهي هي السيارة المناسبة ( بغض النظر عن الشكل و الديمومة طبعا ) ف ب 350000 بدل ما تدفعها خلال السنة بتشتري هيك سيارة و بتريح راسك و اصلا بتبدا تهرهر بعد هالسنة و اكتر من هيك و الله حرام ( طبعا عماحكي بظل انو الدولار بسعرو الحالي حوالي 70 ليرة )
توفيق 27-04-2012 14:47
 صح
سعر 300000 مناسب لهيك اوتومبيل
syrian shark 19-04-2012 19:45
 الوطني غالي
سيارة انتاج أو تجميع الوطن و من هذه الفئة و زيادة عليها 300000 ل س ليش هالأسعار المبالغ فيها علماً بأن سعرها كان غالي و حتى قبل المشاكل في البلد يرجى إعادة النظر بالأسعار مرة أخرى و بشكل مدروس و كل التمنيات لحميشو بالتطور و للأمام
يامن حسن 18-04-2012 14:11
 ارجو تغيير السعر
حرصا مني على مصداثية موقع فنات الذي اجترمه ارجو منكم تغيير و مواكبة الاسعار على الاقل لسيارات التجميع الوطني و بعض السيارات الكورية الهامة من مثل اكسنت و افانت و ريو و سيراتو ارجو الاسراع للمحافظة على مصداقية الموقع
توفيق 14-03-2012 21:05
 رفع الأسعار
أرجو التأكد من أن هذه السيارة تم رفع سعرها من جديد هي و كل سيارات حميشششششششو
محموق 12-03-2012 22:35
 ليلي عميبالغوا بمديح هالسيارة
هي عمو حميشو نزل سعرها من جديد و شو السبب ؟ ببساطة لانو غير قابلة للبيع بهديك الأسعار و حتى بهالسعر كمان و انا بحطلها 350 الف كحد اقصى
توفيق 12-02-2012 01:13
 الى الاخ زيد
تتمة مية المساحات لازم تكون دريكيش او بقين يعني مياه معدنية منشان ما تكلس البخاخات وضفلا مية زرقا(بتجيبا من المغسلة) منشان اللمعة لا تشغل بالك بموضوع عيار السيارة والصرف لاني بعد ما ركدت ورا الموضوع ندمت يعني ضليت ورا الصيانة تيقللو الصرف وبعد ما عاساس تعيرت السيارة كانت النتيجة انو خف عزما وما تغير صرفا فرجعت الامور متل ما كانت بالطلوع مع خمس ركاب التالت مريح وبمد معك بالاحوال العادية لل 80 كم (طلوع مدخل اللاذقية) الكوندشن بياخد من عزم السيارة متلا متل اي سيارة حتى ال 16 حصان بتصير معهم ها
ساري 30-01-2012 23:36
 الى الاخ زيد
اولا الف مبروك على السيارة الجديدة اما بالنسبة للصيانة اول غيار زيت مجاني على ال 2500 كم ثم الغيار كل 5000 اي على 7500 كم وهكذا لكن الغيار الثاني مأجور الاعمال اليدوية مجانية كعيار الدبرياج وعيار قشاط المروحة المرتخي واي اعمال اخرى اذا تم تغيير قطع فتدفع ثمن القطعة فقط نصيحة الخبراء لا تختم السيارة عالشفة يعني عبيها تيوقف فرد الضخ وزيد لاقرب رقم مثلا توقف الفرد على 1135 زيدها حتى ال 1200 لان في نظام سحب سموم مركب فوق فتحة البانزين واذا مليها بصير يسحب بانزين بدل الغاز وهاد بضر السيارة يتب
ساري 30-01-2012 23:29
 بتسوى 650 الف
و بالفعل فهي منتج وطني كامل و جيد و مختبر من قبل شركة وطنية فليش ننفع الشركات الاجنبية بمصرياتنا ! بعدين كام واحد بيحتاج للسفر بين المحافظات وللي عميحكو عليها انتجوا افضل و بعدين حكو
م-ح 24-01-2012 18:38
 كيس اسمنت
انا اشتريت هالسيارة من شهر وتفاجأت انو فتحة السقف بتنزل ماء يعني للي بيحب يشتريها يجربها قبل .... وهلا ناوي صبلها لفتحة السقف صبة بيتون وارفع فوقها طابق قرميد مخالف
ابو ساره 24-01-2012 12:49
 شكرا لك أخ ساري ولشركة حميشو
شكرا لك أخ ساري على النصائح الرائعة حول هذه السيارة فقد اشتريت هذه السيارة 425 من الصالة وقبل ما يزيد سعرها وصار لها عندي فترة وهي بحالة جيدة وأشكرك أنت وشركة حميشو حيث أن التعامل مع موظفي هذه الشركة رائع ومريح ولكن أريد سؤالك عن الصيانة باعتبارها أول سيارة أشتريها ولا أعرف عن الصيانة شيء من ماء وزيت(يومية أسبوعية شهرية ...) وأهم الأمور التي يجب اتباعها للمحافظة على السيارة . . . ولك جزيل الشكر
زيد 18-01-2012 21:21
 السيارة المثالية داخل المدن
ياشباب جد عيب تحكو عن السيارة بدون تجريب بصراحة وبدون اي مجاملة السيارة ممتازة ضمن المدينة وحتى ع طريق السفر اذا كان طريق السفر بسهل اما بطرقات السفر الجبلية فهي مقبولة اذا كانت حمولة السيارة لا تزيد عن 350 كليو غرام مشكلتها الوحيدة ان درجة الحرارة فيها قد ترتفع لكون محركها صغير الحجم في حالة السفر في طريق جبلي ومع حمل زائد لكنها اكثر من اقتصادية داخل المدينة .... ارجوا ان اكون قد افدت
ياحبايبنا جربوها قبل 17-01-2012 18:43
 مالو مصلي عالنبي
هالحميشو مستعجل و مو مصلي عالنبي يعني عميستعجل بدون دراسة السوق و درجة التقبل لهيك اسعار و رح يشوف النتائج الباهرة قريبا كما يبدو
محمد 17-01-2012 18:42
 ما عمصدق عيوني
495 ألف ! بالظاهر يعني اما نا غلطان أو حميشو ما عميعرف يضرب ضربتو لك يا عيني بهيك سعر و حتى بال 400 ألف انت تعتبر عمتطفش الزباين يا حبيب اي روح لا ترد عالنصيحة لنشوف لوين رح توصل
توفيق 16-01-2012 15:35
 حدى يفيدني
يظهر ما حدى بدو يفيدني
ابو احمد 15-01-2012 20:39
 الى الأخ ساري
أنا بس بدي اسألك يا أخ ساري مشان موضوع عزمات السيارة بالطلعة القاسية أو الطلوع الطويل يعني متل طلوع التنايا يا ترى السيارة فيها حيل على هيك طلعات واذا حضرتك جربت على أي غيار طلعت هيك طلعة وكم راكب كنتو بالسيارة لأني ناوي اشتري السيارة بس بدي رأيك بأمانة عنها وألف شكر للنصيحة أخ ساري
محمد 69 10-01-2012 14:27
 سؤال للاخ ساري واصحاب الخبرة
اخ ساري انا محتار بين سيارة شفر سبارك 2006 غيار عادي ماشية 42000 نظيفة وكير عادي واقتصادية سعرها 425 الف وبين حميشو كيو كيو مع العلم انو انا بدي سيارة للسفر فقط مسافة كل اسبوع 100 كم ذهاب و100 اياب ويهمني موضوع الثبات والامان
محتار 10-01-2012 10:27
 حدا موظفكم شي
شو يا شباب نازلين مدح بهالسيارة و بالتانية ( a15) كانو حدا موظفكم للمديح بسيارات صينية تعبانة يا دوب تمشي داخل المدينة !
محمد 09-01-2012 15:54
 شكرا لك أخ ساري
شكرا لك يا أخ ساري رح أعمل بنصيحتك وأنزل على الشركة الأسبوع القادم وأشتري هذه السيارة QQ , وبالنسبة للأسئلة شكرا لك أجبت على المطلوب ولكن عندما اشتريها سيكون لدي أسئلة وأتمنى أن نبقى على تواصل وشكرا لك مرة أخرى
زيد 05-01-2012 00:26
 حدى يفيدني
انا اشتريت السيارة 10-8-2011 السيارة جيدة من الناحية العملية بس بدا الصرف يزيد كل مرة بعبي فيها عن التي قبلها (من نفس الكازية طبعا)بدا من 280داخلي الى ان اصبح 235-240 السيارة استعمال شخصي فقط العداد 3600 كم عملت خارجي عالسرعه 80-90 فوق ال 400كم ممكن حدى ينصحني ولكم الشكر
ابو احمد 04-01-2012 00:16
 الى الاخ زيد
السيارة اكثر من جيدة الملاحظة الوحيدة عليها المؤثرة فعلا هي معدل الصرف بعد تجربتي ( اشتريتها في 6/4/2011) السيارة بتعمل 280 بالتنكة في المدينة وغير ذلك لا يوجد شيئ مهم ويمكنك الاطلاع على تعليقاتي السابقة واي سؤال عن السيارة يمكنك وضعه وساقوم بالاجابة عنه بكل صراحة
ساري 03-01-2012 15:55
 الى زيد
في بدائل افضل بنفس السعر يعني صيني بس افضل شوي او حتى وطني تاني و ارخص
محمد 25-12-2011 15:37
 الرجاء بالنصيحة
أريد شراء سيارة بحوالي سعر هذه السيارة نرجو من الزملاء الذين عندهم خبرة بهذه السيارة أن ينصحنا هل هي جيدة أم لا وبكل مصداقية ولكم جزيل الشكل
زيد 21-12-2011 07:34
 شو بدو يحكي الواحد
يعني بس بدي افهم شغلة ما رح تبطلو هالعادة الوسخة بدال ما تشجعوا الصناعة الوطنية نازلين سلخ بهالاسعار . لاء وبدال ما ترخص بتغلى .. لك حتى اذا فتح مطعم وكان أكلو طيب بينطر لينشهر ويصير عليه رجل بيكون صار أكلو ما بيتاكل .... لك استحوا والله عيب
أبو عبدو 11-12-2011 20:51
 إلى سائق كيو كيو
بس يا حبيب هي ما فيها امان و مو خرج حتى الطلعة برات المدينة للريف هي اولا و تانيا السعر مو زابط و صاحب الشركة نازل فيها رفع يعني على شو على فكرة بقلك و متل ما ذكر غيري وقت طالعت تاتا نانو ب 2500 دولار صرحت شيري بانو لا تقدر على بيع الكيوكيو باقل من 5000 دولار و هلق نزل سعر هالموديل لانو نزل الموديل اللي بعدو بقى شلون وصلت لهالسعر حاج دفاع كرمال الله
توفيق 08-12-2011 21:23
 الى توفيق
يا سيد توفيق المشكلة ماضل سيارة بهل البلد بهالسعر هي اول شغلة الشي التاني انو السيارة اقتصادية و غرفتا مليانة يعني السابا الي عبتقول حقا 400 الف جواتا مقرف يعني ريحة البلاستيك بتفيح وقت بتسكر البلور فقيرة السابا اما هي شكل التابلو حلو مزايا الكهربا فيا ممتازة يعني روافع بلور عالقفل المركزي هي كلا مواصفات حقا الاف الليرات مع غير ماركة
سائق كيوكيو 07-12-2011 20:03
 للسيد مجرب الصيني و السوري
ما حدا عما يمدح بالسيارة بس وين الصدمة الصدمة انو تغلى عدة مرات مه انو مو عاجبة حدا و الحق معهم هلسيارة الميني ما لازم تنباع بهيك سعر وحاجتها قد ما اعلنت شيري قبل سنوات 5000 دولار وهلأ كمان شيري طلعت موديلات جديدة يعني لازم سعرها ينزل عن 5000 دولار مو يطلع !
محمد 02-12-2011 15:24
 من الآخر
يلي عم يمدح بالسيارة فعلا ... لما كانت صينية كانت جيدة..أما عندما أصبحت وطنية فقد زادت رداءتها على مستوى الكراسي والأتمصورات والبلاستيك المستخدم في المقصورة.والأصوات اللي عم تطلع منها وهي جديدة..غير الأمور الأخرى يلي ما اكتشفتها...الله يكون بالعون
مجرب الصيني والسوري 26-11-2011 13:12
 كثير غالي سعرها
ولله حرام هذا السعر شو نحنا منحلم نركب سيارة ليش لان مافي اسعار معقولة وخاصتا المنتج الوطني حرام عليكم
فراس 19-11-2011 10:09
 يعني يا سيد محموق
اي حاجة ذم بهالسيارة حاج مو عاجبك لا تشتري ما حدا ضربك على ايدك بس بيجوز غيرك بدو يشتري يعني على اساس حضرتك قست سعر هالسيارة بميزان الذهب وطلعت معك غالية ليش غالية عمي ؟ بشو الكوري احسن
حمدون 18-11-2011 18:27
 الى السيد محمود
أولا أنا معك أنو لازم نشجع البضائع و المنتجات الوطنية لو شو ما صار بس في عندي استفسار صغير مشان موضوع (سعر السيارة) - ليش دائما تشجيع المنتجات والبضائع الوطنية . دائماً وأبداً مطلوب من المواطن و مو مطلوب من التاجر / مع فائق احترامي لشركة حمشو أو أي تاجر قلبو على الوطن و المواطن / و الشكر لمجلة فنات
أحمد ( محموق ) 15-11-2011 12:26
 كنت قول الياباني والالماني واليوم عاش الكوري
عنجد ياجماعة انا كنت طول عمري قول بلا كوري بلا صخام بس منبعد ماشفت هالسيارة وسعرا كمان عنجد عاش الكوري لأنو طول ماعنا هيك تجار بحياتا الصناعة السورية ما بتنافس الكوري عنج مسخرة .......
cobra 14-11-2011 16:26
 احسن من الريو
ما دامت شغل بلدي
فارس 13-11-2011 20:02
 حميشو و بس
انا متحمس جدا لهذه السيارة و افضلها على الريو و لو كانت اغلى منها فهي انتاج او تجميع بلدي و اللي عاجبن الكوري يتفضلوا و يشترو كوري ما حدا ضاربن على ايدن بس لا يذمو بالسيارة و لا حتى بسعرها ما بيطلعلن يحكو عليه و لا مواصفاتها يعني بس بدنا نذم فيها لانها وطنية و على اساس الكوري احسن
م قلالا 09-11-2011 21:55
 يا سيد محموق
انا برأيي انك همتهاجم السيارة لغرض في نفس يعقوب لا تواخذني يعني و انا بقول انها بتسوى و بتستاهل حتى 600 - 650 الف ليرة و المعمل وطني و لازم نشجع هالصناعة و لو سعرها بمليون شو رأيك طبعا هاد رأيي الشخصي
محمود 07-11-2011 21:09
 
مع كل الاحترام لجميع الاخوة الذين يعلقون على هذه السيارة ، فانا اشتريت السيارة في شهر 11/2010 اي من عام كامل واصبح العداد 7700 كم وملاحظاتي هي : السيارة ممتازة بالنسبة للسعر الذي زاد 65000 ففيها مكيف حامي/ بارد وهيدروليك وقفل مركزي وفتحة سقف ومسجلة سي دي ومصروفها في البلد 270 كم/التنكة وقطع التبديل رخيصة الا انها خفيفة الوزن فلقد دارت فيني الى عكس الاتجاه على المحلق الجنوبي عند اول مطرة نزلت والله نجاني.سيارة ناعمة بدها الواحد يداريها بتخدمو منيح وياريت من الاستاذ حميشو يهتم بزيادة وزنها
ابو الريم 07-11-2011 17:34
 الى السيد محمود
الى الأخ محمود : مو الشكلة بالسيارة . السيارة كانت كتير عاجبتني بالنسبة لسعرها الأول . سيارة شبابية واقتصادية بس المشكلة بالسعر هلق يلي عم ينط كل شوي يعني بكرة بتصير ب500000 و بعدين الله يعلم قديش بتصير ....... أى يعني والله مو سيارة يابانية أو ألمانية أو صنع أي دولة تانية ..... يعني حسب مو مكتوب عنها بلد النشأ ســـــــــــــــــــوريـــا ...!!؟؟ بقا ليش عم يطلع سعرها كل شوي ؛ أى مو شغلة بتخلي الواحد ينحمق من هالأسعار يلي كل يوم بتطلع مابعرف ليش ؟؟؟
محموق 07-11-2011 00:34
 الى السيد محموق
طيب واذا قلتلك انو في ناس بتسوى عندها هالسيارة اللي موعاجبتك 600 الف ليرة لان استهلاكها للبنزين محدود نوعا ما و جيدة للركن فبماذا تجيب
محمود 06-11-2011 16:49
 بالناقص من هيك شروة
من شهرين كانت السيارة ب 380000 ومن اسبوعين نطت على 425000 وهلق صارت ب465000 أى شو الشغلة مزاد علني ........!!!!؟؟؟؟؟؟؟ أى والله بحط كم ليرة زيادة و بشتري سيارة شام أو اي سيارة كورية و بالناقص من هيك سيارة ومن هالعيون الدباحة
محموق .....!!!؟؟؟ 05-11-2011 21:09
 متابع دائم لفنات
الى السيد جلال انظر الى السيارات الصينية الأخرى كل منها تباع بحوالي 500 الف اما لانها وطنية ؟ السيارة تساوي 500 الف بالاسعار الحالية وتباع ب 465 اليس ذلك جيدا ولا تنسى ان شراءها تشجيع للصناعة الوطنية و حتى لو رفعها حميشو لل550 الف ما زالت قابلة للشراء و الشكر لمجلة فنات
فيصل محمد 04-11-2011 14:34
 حميشو ياحميشو
السيارة زاد سعرها 75000 هههههههههههههههههههههه .. بس معلش بتستاهل لانها سيارة الشباب .. لك المشكلة مابدي احكي الي ببالي .. احتراما لفنات
مازن 04-11-2011 03:32
 نصيحة
برأي المتواضع أنو ها السيارة ما بتسوا أكتر من 380.000 ل.س شو عدا ما بدا لحتى نطت فرد نطة
جلال 01-11-2011 18:13
 رافع يا حميشو ارفع
كل ما دخلت لهذا الموقع وجدت سيارات حميشو قد ارتفعت و خاصة في اليومين الماضيين و لكني لا زلت اعتقد ان هذه السيارة مرشحة لارتفاع اسعارها انتظروا و سترون ( لان الفارق بينها و بين الاخريات صار كبيرا)
فادي 30-10-2011 18:01
 يا عمي حميشو
يعني يا عمي صارت هالسيارة رخيصة كتير بالنسبة للسيارات التانية من نفس المعمل يعني اما بترفع سعر هي لل 500 الف على الاقل او بتنزل سعر السيارات التانية و هي نصيحة تسويقية مني للمساهمين بتسويق سيارات حميشو والشكر لمجلة فنات
محمد 28-10-2011 22:11
 
والله ظريفة على سعره كان عندي لوغان بعدين ريو وبالأخير صفيت على QQ الحمدلله . ظروف وبعرف امكانياته بس المشكلة من وقت ما أخدته بتطالع صوت قرقعة بالمحرك وقت بدوس عالبنزين ولو خففت الدوسة كتير ليش ماعرفت ورحت عالصيانة .. على اساس سووها بدي أروح مرة تانية بس يا خوفي يكون ماله حل مع العلم عبيته من البنزين الممتاز أوكتان 95 خف شوي ، بس لقيت فرق كبير كتير بالسحب والنشاط . الحق يقال
مضطر عليها 25-10-2011 13:23
 اسف على التعليق السابق
فالشركة هي شيري التي صرحت عند صدور تاتا نانو بانها لا تستطيع بيع سيارتها هذه باقل من 5000 دولار و اذا كان ما ذكره الشخص الذي قبلي صحيحا فنحن نبيع نفس السيارة ( تجميع وطني ب 9000 ) دولار بفارق 4000 دولار و مع ان الشركة الصينية تربح و ايضا كلفة اليد العاملة متقاربة ( معدل دخل الفرد في الصين حوالي 3000 و نحن 2500 يعني لا يستطيع المصنع التحجج بغلاء اليد العاملة فهو ليس بعذر )
توفيق 21-10-2011 20:35
 9000دولار
وقت طلعث تاتا نانو صرحت شركة شيرش بانه لا يمكنها بيع هذه السيارة باقل من 5000 دولار ونحنا عنا صارت ب 465000 يعني 9000 دولار طيب وين عميروح الفرق يعني4000دولاروعميربحزا ما دامت اصاا عمتتجمع عنا يعني نفس كلفتها بالصين واليد العاملة نفس الكلفة اوجنى اقل بقى وبن عمتروح ال4000 وين
تزوفيق 21-10-2011 06:11
 مجنون يحكي و عـــــاقــــل يسمع
السعر الجديد للسيارة بعد قرار رفع الجمارك 465000 ل.س والسبب مجهول وللي مو عاجبو يسترجي يحكي.
جلال 18-10-2011 22:22
 وين السيارة بالموضوع
ما ني شايف سيارة شايف عربة غولف صينية و باغلى سعر و خطيرة بشوارعنا لانها مو متحملة نعرة
فادي 16-10-2011 15:51
 شو هالمسخرة
يعني والله نصب عيني عينك ,من اسبوعين رحت اشتريها ب380 مارضيوا يبيعوا قال موقفين البيع وهلق رافعين السعر كمان لك اخصصصصصصصصصصصصصص فوق ما قررنا ناخد من عندكن
ريمي 15-10-2011 22:51
 مين عندو سيارة بدو يبيعها
شباب ساعدوني اذا حدا عندو سيارة حميشو مستعملة وبدو يبيعها يتصل فيي ع الرقم 0933263983
alli 14-10-2011 18:48
 احلى فنات
لعما لعما لعما السيارة نطت من 385 الف ل 425 الف يعني ما بعرف الواحد شو بدو يحكي ع هيك تجار يعني الرحمة انتست يا تجار السيارات روحو انشاء الله بتمسكو المصاري بين ايدكن بتقلب ترااب لك شو هاد شو الشغلة نصب ولا استغباء ولا مفكرين الناس هنود احسن شي الواحد يشكي امره لرب العالمين
شادي 14-10-2011 04:36
 بعد التجربة
بعد ستة اشهر من شراء السيارة وقطع مسافة 6145 كم باب السائق يصدر صوت عند الفتح وكذلك الباب الخلفي الايمن قفل الباكاج لا يتجاوب جيدا عند فتحه من عند السائق هذه الاعطال غير مزعجة وتتحمل حتى موعد تغيير الزيت القادم على ال 7500 كم حيث ازور الوكالة ويتم الكشف العام على السيارة
ساري 13-10-2011 00:33
 كيو كيو
اشتريت كيو كيو الصينية 4 سلندر من كم شهر موديل 2004 بسعر 240 ألف و بعد التجربة وبكل صدق و أمانة السيارة روعة طبعاً التقييم مبني على أساس شو أخدت مقابل شو دفعت يعني المورنينغ تقريباً بضعف السعر و نص المواصفات و غير هيك القطع كب و رخيصة الضو الخلفي مع لمباتو 600 ل.س المصد (الطبون) الأمامي أو الخلفي 1000 ل.س و الخلاصة قيادة ناعمة و تشييك كل فترة عند الميكانيكي وما بدك شي
عاشق السيارات 11-10-2011 20:06
 
والله ال كيو كيو غالية كتير لأني رحت عالمعرض بحرستا وقالولي 425 الف سعر نهائي و ع الانترنيت 380 الف مع الفراغ مع كل شي
ali 10-10-2011 22:54
 والله كتير
مشان الله راعونا لازم السعر أرخص و بنفس المواصفات يعني 350000 و الله بشتريا إذا عجبا الشركة عرضي تتصل فيي أو تبعتلي إيميل FIDO-DIDO2007@HOTMAIL.COM
FIDO DIDO 02-10-2011 21:23
 شو هالقصة الغريبة
اول مرة اسمع اني حدة يطلب سيارة علني شو يامهند مالقيت الا اللسيارة يازلمي كنت اطلوب بسكليت بنبوني سيارة مانك عارف انك بسورية.............حلم
توفيق 27-09-2011 21:08
 شو هالقصة
شو والله ناشت معك يا عمهو حميشو وصارت الدني تطلب منك والله زمان ..............بس مابظن نعملا.........
كلاشنكوف 25-09-2011 21:20
 نداء استغاثة الى عمو حميشو
لم يصلني الرد بعد من عمو حميشو اين انت ياعمو حميشو .ياواهب المئة المعكاء براعيها........
مهند المطر 22-09-2011 12:41
 محتار متير كتير كتير واود النصيحة
السلام عليكم ---لدي سيارة فيات 131 موديل 1976 جنط كروم+ شبابيك كهرباء+مجموعة صوت بايونير وجابتلي سعر بالسوق 190000 ل.س وانا محتار اني اشتري سيارة بشي 300000 او اني انفض السيارة بشي 50000 ل.س اود نصيحتكم اخواني وشكرا.
Loai 21-09-2011 10:30
 طولت عليكم
اشتريت حميشو كيو كيو متعمل بالتنكة 275 كم مع مكيف لا يوجد حتى الان اعطال ميكانيكية والحمدلله تغيير الزيت على 2500 كم مجانا بالوكالة وبعدين عال 7500 وهكذا كل 5000 كم فلت السبلر ومثبت رداد الشمس وتم الاصلاح بالوكالة مجانا ودفعت ثمن مثبت واقية الشمس 40 ل.س فقط ثابتة على الطرق حتى سرعة 110 كم ولم اجرب السرعات الاعلى الا مرة واحدة وصلت حتى 130 و بتحكم كامل لا مشكلة في صعود المرتفعات كما يشاع عنها فحتى مع 5 اشخاص ومرتفع بزاوية 60 لا مشكلة في الانطلاق وحتى التسارع وتستطيع ان تصل الى الغيار الثال
ساري 09-09-2011 04:49
 405 مع الفراغ
يا سيدي مع الفراغ ايام العرض السابا 1.1 كانت بس ب 405 آلاف و اذا مالك مصدق اسأل وشوف و هالشي كان من شي 3 أشهر بس لان كان في دفعة بدن يتخلصو منها مع الفراغ صدقا
توفيق 31-07-2011 17:40
 تعليق على كلام الاخ توفيق
بس حابب علق على كلام الاخ توفيق بالنسبة لسعر السابا هو صح صار 000 405 بس لا تنسى انو في فراغ 70000 الف يعني بترجع السيارة 475000 الف يعني اغلى بمية الف ومبن قللك انو قطع الشيري غالية او مانها متوفرة
عبد 31-07-2011 10:45
 يعني ومنشان ما اكون ضد هالشركة
اللي بدو يشتريها يتحمل شوي و يشتري عالاقل اف 3 عالاقل حجمها مقبول مو متل هالصعلوكة
توفيق 2 30-07-2011 19:21
 إلى سائق كيو كيو
يا سيدي الكل بيعرف شو امكانات هالسيارة و على فكرة و عالتجربة و كمان مو دعاية السابا عمينزل عليها عروض و آخر عرض كانت 405 آلاف بس و على الاقل الها باكاج و قطعها متوفرة بالسوق و ببلاش و يعني ما عمقول انها متينة بس امتن و احسن من هالسيارة و تقريبا بنفس السعر يعني منشان 25 الف آخد هالسيارة اللي ما بتصير غير لملاعب الغولف
توفيق 30-07-2011 19:19
 للجميع
ياناس والله هالعالم الي كيتبة تعليق ماحدا سيق السيارة و مجربا هدول اوبة كذابين سيارة كيوكيو حميشو اشتريتا من شهرين اول ما اخدتا كان صوتا عالي شوي بس هاد امر طبيعي للسيارات الجدد هلأ من فترة صار صوتا طبيعي السيارة اقتصادية اولا بتعمل من 280 الى 310 بالبلد حسب الاشارات و اجر الشوفير و تشغيل المكيف و السفر 400 حتى 450 لنفس السبب مواصفاتا كاملة بلور مرايا برجتتور مسجلة يو اس بي اش بدك تشتري ب 380000 ما بيجيك جحش اعرج عيب هالفضايح انا مارح اعمل ديعاية للسيارة بس هي السيارة فعلا ببلاش جنب غيرا
سائق كيوكيو 26-07-2011 14:44
 جيدة
أنااشتريتها من ستةأشهر ومستعملة اربع سنوات وبسافر فيهامن الساحل الى دير الزور والله بتساوي بالتنكة 360كم وقطعها كتير رخيصة بس شكلها مو زياد.ة
همام 16-07-2011 22:40
 شي بيبكي
مأساة تتجسد في شكل سيارة..لازم يكون تسويقها في كينيا حصراً !!!!
مكتئب 20-06-2011 22:56
 اى ساري
سيد ساري اشتريت شيري ولا حميشو وشو رايك فيها وقديش رجع حقها واذا بالتقسيط يرجة التوضيح ولك جزيل الشكر
ابو معتز 07-04-2011 14:43
 بعد التجربة
هذا العنوان (بعد التجربة) سيكون المرجع الحقيقي والموثوق لاداء السيارة الملاحظة الاولى ان سعة خزان الوقود 45 لتر وترقبو كل جديد
ساري 06-04-2011 20:40
 رفع اليد عن السابا
انا اشتريت اليوم سيارة QQ والمعلومات الجديدة انو مركز صيانة السابا رح يتحول لمركز صيانة حميشو بجميع الموديلات لان السابا مو مرغوبة كسيارة خصوصي وهيك ماضل عنا مركز صيانة للسابا طبعا هاد الحكي باللاذقية
ساري 06-04-2011 20:34
 ضايع
مرحبا اخواني اود النصيحة انا لدي سيارة قديمة فيات 131 واود تبديلها بشيري كيو كيو مستعملة اود النصيحة من مجرب وشكرا
ابو الهماهم 02-04-2011 15:41
 نصيحة بجمل
السلام عليكم اخواني انصح جميع الاخوان بعدم هدر نقودهم بهذة السيارة و شراء السيارات القديمة اشرف وافضل بمليون مرة وانصحهم باقتناء احدى السيارات التالية //fiat 131 // mazda 929 // lancer 83// colf 84//
ابو معتز 24-03-2011 14:28
 تتمـــــة
وللعلم فقط فإن الشيري الصينية(عندما كانت تستورد مجمعة من الصين) أفضل من السورية ..فقط قارن بين كراسي السيارتين.. حيث الصينية كراسي ممتازة ذات ضغط عالي..أما كراسي السورية وكأنها بلا حشوة!! هذا بالنسبة للكراسي الظاهرة وما خفي كان أعظم...
مجرب 11-03-2011 21:21
 
إلى الأخ معزو يعني اذا الواحد نصحك بيكون غلط بحقك؟؟ أنا اشتريت شيري صينية مستعملة 4 سنوات وتفاجأت بشدة اهتلاكها ..كأني مشتري سيارة ياباني عمرها 40 سنة!! السيارة رديئة ونسبة اهتلاكها عالية جداً .ولازم يطبعوا على طبونها فترة الصلاحية والتي لا تتجاوز 5 سنوات في أحسن الأحوال –والكلام عن سيارة خصوصي وليس عمومي- أستطيع كتابة مقال كامل عن ردائة السيارة ولكن أقول باختصار:سيارة مؤقتة وحرام فيها المصاري.
مجرب 11-03-2011 21:17
 علاك
يعني يلي عم يحكي يقول مومنيحة يشرفي موقدران يشتري ميتور يسسسسسسسسسسسسسسلمو ايدهم على هل السيارة كتير جيدة وحلوة
معزو 10-03-2011 09:37
 نصيحة بجمل ( بسابا )
بصراحة احد قرايبيني كان بدو يشتريها و لاقى ان السابا الوطنية قريبة كتير عليها بالسعر و معليش نحنا شعب بدنا سيارة على الاقل الها مكان لشوية اغراض بالخلف فنصيحة مني لكل اللي بدو يشتريها حول عالسابا
محمد 07-03-2011 17:10
 سايبا
أنا رأي أن الواحد يشتري سايبا 1.1 بـ 425000ل.س أفضل بمليون مرة للأسباب التالية 1.سيارة وطنية من إيران أصلها بيجو فرنسي 2.أكبر بكتير 3.أقوا 4.السعر قريب جداً
الوطني 23-02-2011 11:26
 السعر متل السكر
شومشان أنو السعر بدل ما ينزل طلع شو السيارة مصنوعة من السكر وحتى إذا مصنوعة من السكر السكر رخص........؟
مواطن 22-02-2011 10:34
 اقتراح تجاري ذكي
ممكن يجي استثناء خاص من الوزير عل هي السيارة بالذات وتعفى من (الرفاهية)(والجمارك) وعلى اساس حقها الرخيص يمنعوا استيراد الدراجات النارية (الي عاملة كتيرر مشاكل ببلدنا) ويعرضوها بالمؤسسات الاستهلاكية وخلي الشعب يعيش وحميشو (يـــــــــــــــــــــــعـــــــــــــــــــــيــــــــــــــــــــــش)))
praivet name 19-02-2011 19:02
 ميكرو ولا حميشو
عتيق عمرو 50 ولا حميشو قال متور السيارة متور صيني فوق كل هاد ولا لون الاحمر البلدي المكرو لسا احسن شبابي اكتر وبتامن على حالك مو متل هل السيارة كانك طالع من البلور ونادر روحك فدى صناعت الوطن
ميكرو ولا حميشو 03-02-2011 21:20
 funny
يعني عنجد شي مضحك سيارة بتهوووووووووي لك ما فيا اكياس هوائية لك شلون 5 اشخاص بدي افهم لا وفوق هيك لك قطع صيني شو كني فرحانين على حالون بيعرفو يركبو سيارات ههههههههههههههههههههههههههههههههههه
ha 18-01-2011 22:10
 يا ربنا
يعني شو نحنا مذنبين لحتا الله يعاقبنا بهيك سيارة QQ يمكن ابتلاء من الله عز وجل ليمتحن صبرنا على مقاومة النظر إليها أظن أنو نسيوا يحطوا مع تجهيزات الرفاهية إمكانية دعس فرام في أي وقت
محمد 05-01-2011 11:45
 نحكي بصراحة
يا جماعة مافي سيارة حديثة شو ماكان نوعه اقل من 400000 الف ومافي رفاهية وضرايب أقل من 100000الف واذا بتحسبوا تكلفة السيارة أنو لازم تكون 250الف مع أجور موظفين وربح شركة وما الى ذلك ما بتكون موفية حقه وبكفي أنو حميشو خلق فرص عمل وسيارة عملية وتذكروا أنو من قبل كان حلم السيارة بعيد بس الان صار واقع ولازم نكون متفائلين خير و مبروك لكل من أشترى سيارة أو بدو يشتري شو ماكان نوعه وشكرا
واقعي 23-12-2010 12:19
 جبلية
انا عندي السيارة الصينية من 3ستوات وماخليت جبل الا وطلعت عليه وماضل ارنب الا ولحقتو فيها بس المشكلة انو من اول ما جبت ها السيارة فيها صوت من الميزانية والشركة ماعرفت من وين الصوت ولليوم ماحدا عرف الصوت من وين والشركة ماعترفت بالكفالة قال لانو مغير زيت برا الوكالة والله منيحة كل غيار زيت بدي طق مشوار 80 كيلو
سامر 22-12-2010 12:31
 احباط
والله يا شركة حميشو احبطونا كنا مفكرين سعر السيارة لايتجاوز 200الف ل.س بس كتير غالية
عاشق السيارات 20-12-2010 19:56
 كلمتين صغار
ادارة حميشو المحترمة اي تاجر لما بيبدأ بتجارتو بيحاول يقلل الارباح ليكسب الزبائن مشان هيك نصيحة ققلو شوي من هامش ربحكن ورخصو السيارة ولما بالايام بصير في طلب على المنتج وبيصير الكن اسم صغير بالسوق رفعو السعر بالتدريج يا جماعة سيارتكن ب 400 والريو موديل 2009 مستعملة اربع خمس شهور ب 450 الف يعني حاولو تشوفو السوق والاسعار ونافسو كلنا منحب الصناعة الوطنية و منحب نشجعها بس مو ع حساب الجيبة هههه ما هيك ؟؟؟
مواطن عادي 17-12-2010 15:43
 التقسيط
التقسيط قصته غريبة بتـتصل على الشركة بيقولو 180000دفعة أولى و6800كل شهر بتروح على الشركة بيقولو 175000دفعة أولى وكل شهر 7000ل.س بتروح على البنك بقلولك لازم الشركة تكفلك بتروح على الشركة بقولو إحنا ما بنكفل حدا بتروح على بنك تاني بقولو لازم يكون راتبك 20000 ل.س أو بتجيب كفلاء يكفلوك و بدنا تأمين كامل على السيارة وإشارة رهن. بتلاقي إعلان بـ الجريدة أنو تسيط بدون بنك بتسأل بقلق دفعة 170000ل.س وكـــــل شــــهر 10000 ل.س والله ماعم بعرف شو هل قصى وياريت سيارة محترمة
بلال 15-12-2010 17:41
 عالبيعة
اقترح لجميع شركات السيارات شراء هذه السيارة وتقديمها هدية مع كل سيارة مباعة اسوة بشركات المحارو وشكرا
مصطفى حمشو 13-12-2010 23:20
 بس لو
انو ما شاف اسم أحلى قال حميشو إي من إسما الواحد بيقرف يركبا هلق أوية و متينة ما ختلفنا بس حميشوو
سوري 11-12-2010 01:18
 سيارة الدرويش
سيارة حلوة انا استعملتها 3 سنوات بعدين بعتها واشتريت كوري بس بعتبرها سيارة مشي حالك وليست سيارة العمر بالنسبة للصرف انا كان عندي s10 3 سلندر تعمل فوق 300كم على الأكيد انا احبها جدا واتحسر على بيعها مع ان الجميع كان يعيرني بها وبأنني راكب طنبر بس كانت اكتر من رائعة احلى شي فيها انو قطعها ببلاش واكيد ما حدا حيغشني ويعطيني صيني لأن السيارة كلها على بعضا صيني بس نزلوا سعرا فضحتونا ادام الأجانب هي السيارة لازم ما يتجاوز سعرها 200 الف .
اكرم 08-12-2010 15:44
 جد سيارة
اي حميشو سيارة والله سيارة حتى الي مو مصدق ينزل يشوفها بلشركة الها اربع دوليب وبتمشي على البنزين وسعرها الله كتير رخيص 395 الف يا بلاش صناعة محلية قوية متينة بتجنن من اول مشوار راح تركبها النتيجة مضمونة راح تجن ؟؟؟؟؟؟؟؟؟ منها واخرتك على على ؟؟؟؟؟؟؟ وخصوصا اصحاب الدخل المحدود الحالمين بركوب السيارة وشكرا لاصحاب رؤس الاموال امثال السيد حميشو عن جد خدمنا الله يعطي العافية
نفسو الاسم 07-12-2010 19:05
 التقسيط
من يومين حكيت مع الشركة وسألت عن التقسيط دفعة أولى 180000ل..س القسط الشهري 6800 ل.س على أربع سنوات التقسيط عن طريق بنك الشام الإسلامي مع التأمين الشامل على السيارة طول فترة التقسيط برأي الحكي معقول .................
صاحب دخل محدود 06-12-2010 18:45
 حميشو الحرامي
هلأ انت يا سيد حميشو عمين عم تضحك مو بس هي السارة كل شي سيارات اسمن حميشو هنن لا حميشو و لا خرا هنن يا شيري يا جيلي بقا عمين عم تضحك هدول موديلات اديمة و عم تعمل حالك فهمان علينا روح جيب شي موديل من عندك و تعا احكي بعدين قال حميشو قال
سعيد بيضون 06-12-2010 00:19
 غالية كتير والحشا كتير عليها 200 ليرة
والحشا انا بحب سيارتي الجيب واظ اكتر منها عالاقل سيارتي ما الها شكل هههههه بس سيارة حميشو لا شكل ولا فعل والالعن من هيك شبابية تعو شوفوا الجيب واظ يا سيدي شباببية اكتر من الشيري ههههههههههه الفرق بين الجيب واظ والشيري qq نوع الراكب رجالية فقط شبابية هههههه الامان ما حدا بيسترجي يضرب جيب حزام امان ههههههههههههههههه
ابو جيب واظ 03-12-2010 01:59
 والله عيب النقد
والله ما اعرف عن الناقدين للسيارة يا اخي الي معاه يحط 100 او 150 الف يشتري السيارة الي بتناسبو والي بقول سعر السيارة الفلانية و الفلانية بالخليج هيك يا اخي انت بسوريا السيارات غالية بسوريا بس قارن اسعار الاغذية والبيوت والاجارات عن الخليج بتلاقي نحنا ارخص بكتير والي بقول لازم يكون سعرها 100000 يا اخي متور الجالنغ سعرو 65000 شو السيارة الي بدها تكون ب 100000 السيارة جيدة وسعرها حلو وعروض التقسيط مناشبة لاي شب موظف وشكلها كمان حلو واحلى من الكيا مورنينغ وشكرا لشركة حميشو و لفنات
شاب طامح 30-11-2010 20:37
 السيارة الشابية الاولى
نعم هذي هي سيارة qq السيارة الشابية لقد ظهرت وبرزت الى العالم كي تتحدى عشاق سيارات الفراري لقد تميزت بمسحة سحرية حيث المقدمة الشرسة والاضواء الخافتة والموسيقى الهادئة والخلفية الاسطورية التي ترعب كل من خلفك لقد دخلت هذي السيارة 20 سنة طور التجارب والتطوير وظهرت دون احم أو دستور فعبرت عن قوتها ومتنتها وجودتها العالية حيث يتميز محركها بانه محرك بوكاتي تستطيع ان تسبق طائرة F16 وليس F3 او F6 فهنيئا لنا بهذي السيارة العجيبة والعصرية .
مجد 27-11-2010 21:54
 غيار عادي
يفضل اوتوماتيك
ss 27-11-2010 21:40
 حمصي غني
السيارة مقبولة نوعا ما بس سعرها شوي ما بيستاهل مرة كنت حابب جرب ركبة تكسي الاجرة شي مرة بحياتي وطلعتلي تكسي نوع سابا ركبتها مصيبة وبتفقد الواحد عقلوا بس بظن !!! انو احسن من هي الشيري كيو كيو ...
الحمصي الغني من جديد ..... 27-11-2010 03:07
 سيارة اكثر من فاشلة 400000
يعني هلسيارة خرج تكون لولد عمرو 9 ههههههههههههههههههه
هههههههههههههههههههههههههههههههههههه 24-11-2010 11:49
 jkjg
السيارة غالية
jjhhh 20-11-2010 16:16
 
انا اشتريت هالسيارة من عشرين يوم تماماً وصرت ماشي فيها 600كم وعيرت مصروفها مرتين ( 250 كم بالتنكة ) ياريت اللي اشترى منها وعير المصروف يخبرني مثل سيارتي او اكثر
aboreem 20-11-2010 15:03
 غالية غالية غالية
السيارة الوطنية يجب ان تكون بسعر منافس والا رح تفشل امام منافسة الكوري وغيرو ....خصوصي انها تقليد عن الصيني
لايوجد اسم 19-11-2010 23:02
 بشأن السعر
السعر أكتر من غالي يعني برئيي مابتسوى أكتر من 275 ألف و الدليل انو سعرها غالي ما حد عم يشتريها خليهون يخمو عند الركة بعدين ببيعوهن بقرد و دب لك لوفيها شوية مواصفات زيادة كنا قلنا انو معقول بس السيارة فينا نقول انو ناشفة
اب بيشو 19-11-2010 13:33
 محارم ديمة
هي عطوها للاطفال يعيدو فيها واخر العيد يكبوها بلزبالة
صبحي بليلو 16-11-2010 21:16
 شي حلو
أنا عندي نفس هذه السيارة بس تصنيع صيني أي شيري s10 ثلاث أسطوانات وبرأي هي سيارة ممتازة بلنسبة للمصروف فهي تقريبا 320 ضمن المدينة و 400 على الأستراد وقطع متوفرة و بسعر معقول فليش الحكي الزايد و النقد الهدام وألي مو عاجبو شكلها يروح ويشتري سيراتو أوشبح لأنو العنب ألي مافيك تطالو حامض كتير وشو ما كانت صناعت البلد مافي أحلى منها
أبو يوشع 16-11-2010 01:02
 أن نصر ------- لقريب.
تمنى لغيرك ما تتمناه لنفسك 1- هل شكل هذه العربة يليق للاستخدام الإنساني. 2- هل من صمم أو أستورد أو صنع هذه العربة يقبل قيادتها. 3- هل عدم الالتزام بحزام الأمان داخل المدن أخطر من قيادة هذه العربة على الأتوسترادت. 4- إلى متى سنبقى حثالة ؟
أمير العذاب 15-11-2010 09:55
 شو وضع قطع الغيار
حابب أعرف قطع الغيار متوفرة أم لا الرجاء مما أشترى هذه السيارة أخبارنا عن هذه السيارة ومدى فعاليتها وعند القيادة هل هي ثابتة على الارض أم لا
فرح 15-11-2010 07:39
 أسطورة لن تموت
نعم هي كيو كيو سيارة المستقبل سيارة الشباب وأسطورة عظيمة لن ينساها التاريخ شقت طريقها بثبات بين منافسيها مطيحة بأسماء عريق كفيراري ولامبور غيني ومازراتي، بتصميمها الأنسيابي الخلاب وديناميكية فريدة من نوعها قريبة الشبه من الفورمولا، تبرز بمقدمة شرسة متوحشة وأضواء أمامية ذات شكل عصري خيالي وكأنها أتية من الزمن البعيد عبر ثقب أسود نسي أن يلتحم نعم أنها كيو كيو ،،، عفواً خطأ مطبعي . كيو كيو = القبح والغباء الشديدين.
أبو عذاب 13-11-2010 13:56
 سيارة الشباب!!!!!
احلى شي بالاعلان انها سيارة الشباب هههههه .,. ياشباب تخيلو حالكن رايحين تشوفو الحبيبة فيها وعازمينها على شي محل .. وتنزل هيك من السيارة ويكون طولك 185 سم مع النظارة الشمسية وتطرق الباب وراك وتطلع بحبيبتك هي النظرة الشبابية المناسبة للسيارة الشبابية ههههههههههههه
مازن 12-11-2010 14:21
 وأنا صارفي أعمل متلكياحمشوترةمواختراع
انا ياجماعة وأعوزباللةمنكلمة أناعندي تجربةبقطع السيارات.كيف؟؟ بزمانوقلبت في سيارةكوريةعطريقحلب 2وصارت للكب,طبعاالحمدللةأناماصرلي شي, وبعدماسحبتهامن مفرزةالشرطةصارلازم صلحها,بس شوبدي صلح مافي شي سليم بالحادث غيرالمتوروالكراسي القاهدعليها,والدركسيون والقاعدة.اي واللة,وبلشت المشاورات ناس قالوفتيل وناس قالوهي جريمة وناس قترحوقصة وناس مالك مصلحة بالقصة لأن خطرة مع الوقت..بالأخيرقررت اشتري قطع وجمع السيارة..وكانت النتيجة.. كياريوماعداالقاعدةوالدركسيون والكراسي كلفتني كاملة300ألف..والسيارة معي لهلق
صاحب تجربة 09-11-2010 01:41
 اسمها سيارة
حرام السعر فيها وغالية كتير بالنسبة للي بدو يركبها اذا فكر طبعاً يشتريها 100000 وكتير عليها
القيصر 08-11-2010 16:41
 مبروكة ال qq
والله لازم تنعطى هدية مع أي سيارة حديثة
المهندس أحمد 08-11-2010 07:22
 خبر جديييد
يا شبااب.. ال A 1 الحميشاوية وصلت وشفتها على قناة الدنيا بالإعلانات وكمان قالو سيارة الشباب.. ركزوا "الشبااااب" طيب شو مشان الكيوكيو ؟ فرزوها للبنات!!
ملك اللانسر 2011 07-11-2010 18:58
 شو عن تجربة السيارة
ياريت إذا في حدا جرب السيارة يكتب رأبو فيها هذا أهم شي
ابو همام 07-11-2010 18:14
 qq
بروح على السعودية وبشتري سيارة جديدة (فيرنا او تويوتا يارس )حقها جديدة 10000 دولار .واحنا عنا qq ب 400 الف ليرة ..qq سيارة الشباب ههههههههههه حرام بيسموا سيارة هي .ومكتوب عدد الركاب 5 شلون 5 ماعمبفهما ؟؟؟؟؟؟؟؟؟؟
حنوووو 07-11-2010 00:43
 إلى أنس
طيب سؤال يا أنس ليش حميشو ما جمعت سيارات كورية مثل أفانتي وريو وسيراتو يعني بتصير الريو سورية ب 600000 والأفانتي ب700000 والسيراتو ب 800000 طبعاً لأن الجمارك راح تخف كتير بأعتبارها صارت سورية هيك بتصير سيارات محترمة بسعر رخيص مو سيارات ضفادع وخنافس ( صيني وتجميع سوري ) طيب وليش بيستفزونا بعبارة سيارة شبابية (شو يعني سيارة شبابية وأي شب بيليق على حاله يركب هيك سيارة ) يارب مووووووووووووووووت
أبو عذاب 06-11-2010 11:10
 نظرة ايجابية يا شباب
السلام عليكم اولاً بشكر الله سبحانه وتعالى ان صار في مصنع سيارات بسوريا ولو ان الصناعة عبارة عن تجميع لموديلات مصنعة من قبل بس المهم انها خطوة جيدة وبإذن الله رح يصير في صناعة كاملة اذا بقيت الشركة بهالنشاط السيارة حلوة ومن الغلط نقارنها لسيارة متل الفراري لأني اساساً من غير فئة وهي السيارة الها ناس بيرغبوها وبالنسبة للسعر مو غالية نسبة للسيارات في سوريا بالاضافة الى ان العالم يتجه نحو السيارات الصغيرة والاقتصادية لتخفيف الانبعاث الحراري . وبتنمى من كل الناس ان يدعمو هي الشركة معنوياً .
انس 04-11-2010 20:02
 إلى أبو العز
كلامك صحيح ، والمشكلة أنه بيقولو عنها سيارة شبابية تخيل سيارة حميشو كيو كيو شبابية ، والفيراري شبابية. يعني مافي فرق كله شبابي.
أبو عذاب 04-11-2010 14:32
 السعر
سعرها غالي كتييييير
فوهرر 04-11-2010 01:55
 صرصور ام علي
بدي اسأل حميشو سؤال ليش ما بتنزل منها لون احمر ومنقط اسود وهيك بتصير تجسيد كامل للصرصور الشهير ام علي وبيصيرو بعد شي خمسين سنة يحكو عنا ويعملولا افلام متل الخنفسة من فولس فاغن اللي منعتذر منا لهالمقارنة وبالنسبة لقطع الغيار وخصوصا الدواليب ( جنط 8 ) بتدبر من اي طرطيرة او كراتيجه تبع صب الباطون وبالنسبة للانتيريور يا مان كمان ما بينخاف الزرار والفقسات بيتدبرو من اي غسالة او مروحة واللله عيييييييييييييييييييب .........................
أبو العز 02-11-2010 02:39
 حلوة
السيارة حلوة وشبابية بس المشكلة انا شب كحيان ما معي شو بعمل يا ريت حدا بيبعتولي ايها هدية
مفلس 25-10-2010 00:44
 خيبة أمل
و الله لما سمعت عنها بالصيف قلت ياسلام و زلغطت و دبكت و و ضربت 21 طلقة بالهوا، لأني كنت متوقع سعرها 250 ألف مو أكتر، بس 400 ألف!!!! و الله عيب...
محمّد 24-10-2010 14:32
 بعنا الدهب
بعنا الدهب كرمال سيارتك يل استاذ حميشو على اساس السعر 350000 وبعدين بعد الدعاية صارت ب 400000 الا شوي والدهب رجع غلي انت و السيارات الوطنية بطلنا نشتري سيارة
فادي 23-10-2010 21:58
 جيب واز qq
قامت شركة حميشو بالآونة الأخيرة بتعديل سيارة الجيب واز الروسية الصنع واستبدلتها بسيارة qq مع العلم أن السرعة القصوى للواز 120 كم في الساعة وتاريخ الصنع 1945 وتماشيا مع التطور تم صنع qq بسرعة هائلة تصل 135 كم في الساعة والحامي الله ملاحظة : يوجد مع كل سيارة qq سيدي للقارئ عبد الباسط عبد الصمد لدرئ الحوادث بدلا من بالون الحماية .
دجاجة صينية 23-10-2010 21:52
 السعر مبالغ فيه
انا اشتريت من شهرين حميشو f3 وراضي عنها واذا بدنا نقارن السعر مع المواصفات بتلاقي f3 أرخص لأن الفرق 150 ألف لكن في فرق كبير بالمواصفات
أبو طافش 23-10-2010 12:54
 الدعاية شي والحقيقي شي
يعني معقول بالدعاية على التلفزيون تكون مواصفات السيارة بتجنن مثلا التابللو ديجيتال / أرقام والمقود عليه شعار فضي والقنصل لون فضي ومسكات الأبواب من الداخل كمان لون فضي وبالحقيقة مافي شي موجود من الدعاية والله حرام تضحكو علينا بقى، بس خلو يكون في شوية مصداقية اذا من أولا هيك كيف بعدين كنت ناطر موديل A1 بس شايف رح غير رأي لأنو السعر غالي، وشكرا لفنات .
الله يرحم الشيري 23-10-2010 12:15
 
السيارة غالية كتير بالنسبة لحجمها وقوتها بتساوي بحدود300 الف مو اكتر في منها 1400 س س عالعيد في عرض تقسيط ارخص من هيك
ابو عزيز 20-10-2010 10:45
 وصف لما رأيت
تتمتع سيارة حميشو كيو كيو بمقدمة لطيفة مع تلك العيون التي تعطيها براءة جميلة تأخذها بعيدا عن التعقيدات في التصميم والخطوط المنحنية والالتفافات مع ذلك الفم المبتسم الذي يمثل فتحة المبرد واذا ما رفعنا غطاء المحرك سنجد محرك 800 سي سي ليس مفتول العضلات وبالتالي لن يخيب ظنك ضمن اجواء الازدحام والمدن والاماكن التي لا تستخدم فيها السرعات العالية ولكنه لن يرضيك في السفر البعيد بين المحافظات على سبيل المثال وبالتالي فهو ليس شرهاً للوقود بشكل كبير التابلو عصري البلاستيك المستخدم غير مرضي والشكر لفنات
ابو بلال عدرا 19-10-2010 02:50
 ملاحظة بسيطة
يا ريت يتعدل الزمور ويصير في منتصف الدركسيون بدل وجود كبستين صغيرتين.. لأنو الواحد وهو سايق السيارة بيصير يدور عالكبسة وبيروح يدعس اللي قدامو -السيارة عندي وراح أتعقد من هالشغلة-
فاعل خير 18-10-2010 16:02
 والله عيب
اعلن حميشو بيك انه سينزل سيارة الشباب الاقتصادية فاستبشرنا خيرا واقمنا الافراح والليالي الملاح وهتفنا فرحنا وتمايلنا طربا لتأتي الصفعة كامة افواهنا سارقة احلامنا فشكرا لك يا حميشو لانك ايقظتنا من حلم ركوب السيارة نحن طبقة متوسطي وصغار الدخل والموظفين 395000 يعني سعر بياخد العقل وهيك صار فينا طار عقلنا لما شفنا السعر الواحد الي معو 395000 بيتدين 25000 من اي حدا وبياخد سابا والسابا احسن بالف مرا والكل بيعرف فشكرا يا سيد حميشوكتير كتير كتير ومبروكة عليك الqq تبعك
حسام المحمد 18-10-2010 15:21
 يتبع
يعني ليش هيك ساويتو فينا حرام والله مين بدو يعوضني اجار السيارة من تاريخ الحجز لليوم مين بدو يحققلنا حلمنا والله حرام هالشي توقعنا انو حميشو حققت حلمنا لا وفي ناس بتقول بحط فوقها 100000 وبحط فوقها هالقد مو عارفين انو في ناس مو قادرة تأمن حقها ولمن بتأمنو بعد عناء وعذاب بتلاقي مين بيحكي وبيزيد هالقد وهالقد الله يتم على الجميع يارب ويرزق الجميع بس بتمنى انو حميشو ماتخيببلي ظني فيها انا بعد شوي رايح لعندهم وبشوف شو بيصير معي ادعولي بتمنى انو الحلم يصير حقيقة وشكرا فنات على مجهودك وبالتوفيق
Damascus_Knight 18-10-2010 14:36
 شو هالمسخرة
بشرفكن ولو حدا بيشتري سيارة صينية او حمشوية ويترك السيارات الأوربية وشو فوق عيبها كمان سعرها غالي الله يشفيكن يارب والله يرزق الناس ليشترو الاحسن وانا لو جبرني الزمن لاشتري سيارة بهيك سعر بحط مية الف زيادة وبشتري هيونداي i10
أبو جرجي ملك الفابيااااااااا 18-10-2010 11:31
 السعر مو طبيعي
رخص السيارة يا حميشو يا حبيبي..مو خسارة بشباب هالوطن يعني من العب للجيبة..ولا القصة غير هيك !!!!!
مكتئب 18-10-2010 03:34
 وجهة نظر
سنة 1995 كانت السيارات المتوفرة في البلد قليلة جدا من حيث الماركات والعدد كان المواطن يحلم بالسيارة والآن اصبحت سهلة المنال ولكن دائما نريد المزيد سيارة بسعر 400000 ونريد المزيد جميع الاخوة اصحاب النقد الاذع والهدام مع احترامي لهم لايملكون اقتناء هذه السيارة ويكون الرد دائما سلبي على رأي المثل الي مابطول العنب بقول عنه حامض وبالنهاية مافي شخص او جهة تفرض عليك الشراء انت حر والشكر الجزيل لفنات وارجو لك التقدم والتوفيق
ابو بلال عدرا 18-10-2010 02:00
 شو مافيهن نظر
والله على هيك سيارة حرام سعرها اكتر من 150000 ليرة شو حميشو مفكر حالو زكي تيضحك على الناس بهيك سعر لهيك سيارة
أبو دياب 17-10-2010 21:15
 ليش الكذب
انا عندي سيارة شيري اس 10 موديل 2006يعني qq صينية الصنع بس لحد الان صرت معايرها 1000 مرة ولا مرة مشيت اكتر من 310كم بتنكة البنزين فانا مستغرب ليش بيكذبو بالمواصفات وبيخدعو الناس عيب ولو استحو وقولو الحق شي مرة بس
ابو ايلي 17-10-2010 17:58
 سعر التقسيط
يا سيد حميشو اعطي السيارة للعالم بالتقسيط المريح وشوف العالم شقد بتاشتريها لكن حق الله حبيب الله
بنجارة الشيخ بدر 17-10-2010 16:56
 
السيارة حلوة وميزاتها ممتازة الا انني سجلت عليها من شهرين وكان سعرها وقتها 375 الف وعندما انتهى تجميع السيارة وذهبت لاستكمال الشراء تفاجأت بانهم قد رفعوا سعرها الى 400 الف وعندما عدت الى ادارة الشركة لاناقشهم بأنهم لم يلتزموا معي بالسعر قالوا ان هذا السعر الموجود والقرار لك . لماذا عدم الالتزام بالوعود ورفع سعر السيارة ؟
aboreem 17-10-2010 14:22
 مو حلوة وغالية كتير واووووووووووو ناااااااااااااا
السيارة مو حلوة بعدين هي الشيري نفسها وغالية كتير أنا برأيي كتير عليها 100 ألف يعني بحط فوق ال 400 ألف 50 ألف وباخد دايو لانوس سيدان نتمنى اعادة النظر بسعرها لأنو بالسعر الحالي مارح يكون عليها طلب وهالشي أكيد
حسن متشيكي 16-10-2010 22:35
 ثلاث موديلات ومصنع واحد
نحن مع الصناعه الوطنيه ولكن المعمل يقوم بتجميع اكثر من سياره F3 و تيغو والان QQ0.8 والسيارات غير متوفره لدى اغلب الوكلاء بالمحافظات بدك تشتري سياره يجب ان تذهب الى حمص او دمشق ليش؟؟ سؤال للسيد حميشو نرجوا توفير السيارات لدى الوكلاء في كل سوريا مع الشكر. مع العلم انه ال F3 اتصلت بالوكيل في دمشق وصرح بانه يلزم شهرين ونصف لاستلام السياره . ثلاث موديلات ومصنع واحد كيف صارت هذه.
سوري 16-10-2010 16:18
 سيارة غبية
بس بدي افهم في حدا غبي لهدرجة ليشتري هيك زبالة اي شو مافي زوق اي ولله منظر ال400000 احلى من مصنع حميشو كلو وبعدين عمين عم يضحك عاساس هي السيارات مو شيري مفكر العالم هنود
بشار حمشو 16-10-2010 15:07
 هيك شعب بدو هيك سيارات
يا بو السيارة الشيري والشيري عيني يا يما يا بو السبع مرايا ...!!
أبو جانتي ملك اللانسر 16-10-2010 12:56
 موضوع مفبرك
شباب السيارة هيك صار سعرها قال لأنها ما بتصرف يعني غلي البنزين و غلي معها سعر السيارة قال وشو بتبقى أوفر من غيرها أنا المستغرب منو ان سعر البنزين بالسعوية للتنكة 150 لثرة سورية و عنا مازال في ارتفاع والله يجيرنا من الأعظم بتمنى تنفجر كل مصانع السيارات و نرجع ع الجمل
khaled najjar 15-10-2010 17:30
 
بصراحة انا بحب الكيا بشكل عام لانو معي كيا فورتي بصمة و سيارة qq قدام الفورتي زبالة الزبالة
ايمن 15-10-2010 16:54
 مهزلة
.شو هالخردةلازم الريو2010سعرها1000000
اسعد 15-10-2010 11:07
 يالطيف الطف
واجهة السيارة مو حلوة وسعرها غالي وأنا بضم صوتي للأخوة الذين سبقوني يعني ب 400 ألف فينو الواحد ياخد فيرنا كورية سيدان مو احسن من الميني يعني صحيح السيارة اقتصادية بس سعرها نار منتمنى إعادة النظر بسعرها وأنا بتصور اذا صار هالشي رح تصير معباية الطرقات ورح يشتريها نسبة كبيرة جداً من الشباب السعر المناسب لهالسيارة 250 ألف
ياسين قرقباشي 15-10-2010 09:31
 ؟!؟
لك شعار الشيري الصيني على المحرك بالصور قد راسي يعني والله قصة حرام نفرح باشعار سيارة سورية ؟@ بعدين ليش كل سيارة الها اسم من دنيا شي qq شي f3 خليها f16 مرة وحدة شي تيغو ؟ يعني هيك كتير وحدو الاسام خليها نفس الروح او الرموز وحدة لينفهم مقاس السيارة من الاسم بس متل الرقم 1 لل 5 يدل على حجم المركبة كبيرة صغيرة ( متل شركة بيجو ) بعتذر بيجو بس هي سوريا بلدي بحبها لازم فيدها .. يعني هيك شي بيكون احسن وشكرا
ThundeR 15-10-2010 03:19
 بالمنطق
يعني بالمنطق اذا واحد معو 400 الف ليرة بروح وبيشتري كيا مورنينغ لانو كوري وما بتعطل وبيحسن الواحد يسافر فيها وركبتها ورفاهيتا اروع بكتير من QQ بعدين الكيا مالها صوت متل ال QQ او بيحط فوق ال 400 الف 75 الف وبيشتري بيجو 206 او بيحط 160 الف فوق ال400 وبيشتري بروتون او فيرنا يعني الخلاصة انو سعر هالسيارة مو منطقي ابداً ابداً ولازم يكون بالكتير 270 الف مو اكتر
اسامة 15-10-2010 02:58
 يا حراااام!!!!!
أكتر من 300 ألف حرااام حقا
مواطن 15-10-2010 00:17
 نسخ..........لصق
بس بدي افهم شو بتفرق عن ال شيري
hazem 15-10-2010 00:04
 
شو هل سيارة لا شكل ولاسعر حلووو بدها حرق
مو معقووووووووووووول 14-10-2010 23:15
 السيارة جيدة
من ناحية المواصفات فمتلها متل الشيري بس المسجلة سيدي من ناحية السعر ارخص ب 100 الف وهالرقم مو هين للموظف سعرها معقول لو ارخص شوي 350 كان مناسب اكتر واكيد ومتل ما كل الناس بتعرف بتركب جديد موديل سنتو احسن من اي موديل مضى علاه 20 سنة مهما انفضتا والاستهلاك اذا مزبوط 450 فشو بدك احسن من هيك خليها تمشي 300 بس ما في مشكلة والتصنيف ميني فكيف بيتوقع الويحد شكل الميني غير هيك
ساري 14-10-2010 21:46
 مقارنة
هلق انا احترت حميشو شركة لتصنيع السيارات و لا هي مجرد مستودع للصيني يعني كنا بنتمنى لو كان لهل الشركة شخصية مستقلة تبرز من خلال التصاميم و لكن الواضح انها مجرد مستودع للماركات الصينية ؟؟؟؟؟؟
Mr.Motor 14-10-2010 19:26
 غالية
السعر ما بناسب السيارة و ما بنافس السوق!!! بحط 100ألف كمان و بشتري أحسن بكتير... و اذا ما معي بقسطهم أو بأجلها كمان شوي, يلي جمع 400 بيجمع كمان 100 و باخد شي عليه القيمة... مو أحسن ما كب 400ألف كب...
Max 14-10-2010 12:34
 يا لطيف
اللهم عافينا
متفاجئ المرعوب 14-10-2010 09:49
 المركب هلي مافيه لله بيغرق
كنا نتمنا أن تكون بشكل جديد وليست شبيها بالشيري تماماً وأن تكون بمواصفات السيارات الكورية وأن تكون أرخص من هذا السعر علماً أني أتصلت بالشركة أسئل عن التقسيط فقالوا 160000 ألف دفعة أولى وكل شهر 7300 الله يعين
أبو المعتصم درعا الحرك 14-10-2010 05:14
 السيارة حلوة بس
السيارة حلوة و اقتصادية بس و الله حرام ما يكون فيها ABS جد لازم شركة حميشو تحط فيها ABS و السعر لازم يكون 350 الف - انا عندي حميشو F3 و هيي اغلي من هل السيارة بشي 150الف انا برأيي F3 انسب و افضل
مواطن شاف بعينو 14-10-2010 03:46
 السؤال الاهم
مو مهم السعر او المواصفات اهم سؤال هو ماهو مستوى الامان في هذه السيارة واذا عملت حادث شو ممكن يصير ليلي جواتها ؟؟؟؟؟؟؟؟
semo 14-10-2010 00:12
 
كيف 5 ركاب
yoyu 13-10-2010 22:04
 كلمة حق
كلمة حق سعر غالي شوي لازم يسير 6500 دولار= 305000 ليرة يعني 3 سلندر وغيار عادي
سيركو 13-10-2010 21:50
 حرام
سيارة كتير كتير غاليةلاذم يكون سعرا300الف كنت بيدي اشتري منا بس حرام سعرا برو بحط ميت الف ليرة بركب فيرنا وبعدين بعرف حالي راكب سيارة كورية يعني شو فرقت عن الشيري يلي نفسا سعر الفراغا حرام حقا
abo abdo 13-10-2010 21:35
 غالية كتير
غالية كتير كتير يعني حرام حقها هي السيارة بالكتير لازم يكون حقها 250 الف هيك انا بعرف لكن 400 هي مصيبة مو سيارة لانو هي ما فيك تسافر فيها إلا اذا كنت بايعها ارجو العمل على تنقيص سعرها حتى تكون سيارة سوريا الاولى
ابو عبدو 13-10-2010 21:01
 متل السلحفة
شو هالسيارة الانتيكة ياااااااااااااااااااااااااا مو حلوة خالص وفوق هيك سعرها غالي عملوا شي موديل متل الخلق والعالم الواحد يحس حالوا راكب سيارة مو على سلحفة
لميس 13-10-2010 18:24
 معك حق يا سيد أمجد
السلام عليكم ورحمة الله معقول سيارة بهل المواصفات وسعرها هيك يعني أنا انتظرتها وفكرت أنه سعرها رح يكون أقل من هيك إذا الدفعة الأولى حسب البنك التسليف الشعبي بيشتري سييارة لوحدوا كيف ممكن أدفع 400 ألف على سيارة ميني وهي بتفرق بس 180 ألف عن سيارة حميشو f3 يلي هي أقوى بالمحرك والمواصفات سعر غير معقول
SYRIAN 13-10-2010 16:57
 بربكم شوفو كلامي
يعني اليوم انا لو بدي اشتري سيارة حميشو هي؟ باخدا ولا باخد كيا مورنينغ عالقليلة هديك منظرها سيارة هي منظرها مكواية وعيونها متل النملة بعدين ليش 400 الف حقا ؟ اي بشتري سيارة مازدا 323 موديل 93 احسن منا بمليون مرة وبتقيم معي اكتر من هي او لو بدي اخد سيارة وخاطر بشتري غولف ب150 الف وبنفضا ب 50 الف وبتكون احسن منها هي انا عم بحكي لاني شب والغولف بالنسبة الي اشيك واحلى من هالمكواية او بدبرلي 100 الف ليرة فوق ال 400 الف وبشتري فيرنا اروع سيارة معاصرة وخلصنا قال 400 الف قال امجد منصور حلب
امجد منصور 13-10-2010 15:19
 شكر
أولا بشكر القائمين على الموقع على ردهم بسرعة لم أتوقعها على إيميلي حيث شعرت بأنني أراسل موقع أجنبي مشكورين.... ثانياً: ياشباب بدكون السيارة بـ 100 ألف يعن منشان تعبي البلد متلا متل البسكليت ليصير عنا وعي و ثقافة سير من السائقين الصغار و الكبار و يصير عنا شوراع و مواقف تتحمل هذا العدد وقتها لازم نتمنى يكون لكل شخص عندو سيارة ( مع العلم ما عندي سيارة و بحب يكون عندي ) بس الفائدة الجماعية خير من الفائدة الشخصية
Photo Moon 13-10-2010 12:36
 يتبع
وانا مبسوط جدا لاني سأقتنيها أحسن من الشنططة بالمكاري والتكاسي اللي مابيرحمو خصوصا بعد ماغلي البانزين يعني تخيلو من محل اقامتي الى الجسر الابيض صرنا ندفع 200 ليرة والمشوار مابيستغرق 15 دقيقة لا خليني حط بالسيارة 200 ليرة واقضي كل مشاويري بدون تعجرف وعنجهية سائقي التكاسي وبحجمها الصغير صار من السهل انو تلاقي مكان توقفها بدون ماتنزعج ولا تزعج حدا انا بشكر حميشو على هالمجهودوعقبال طرازات اخرى بيكفي انها صناعة سورية بترفع الراس حتى لوتجميع لانو حتى بدول الخليج ماصحلهم يجمعو باب هالسيارة شكرا فنات
Damascus_Knight 13-10-2010 11:48
 اخيرا صار الحلم حقيقة
بصراحة ورغم كل التعليقات من الاشخاص اللي ماعجبتهم لانو معهم يربو غيرها وبصراحة انا من الناس اللي ماكنت اتخيل حالي اركبها او حتى اقتنيها وكنت سميها شكلة مفاتيح بس لمن استقريت بالبلد وبسبب الدخل المادي المتوسط اضطريت غير اسف ولا نادم لان احجز واحدة منها بسبب انخفاض السعر وتوفر القطع وسعرالقطع مقبول ايضا ومناسبة لجميع افراد العائلة عملية اقتصادية وانا ماعمبعمل دعاية للسيارة انا مواطن متلي متلكم بس بجد هي سيارة المدينة واكتر من هيك مو محتاج الواحد بالبلد وبتصور انها تنتشر قريبا لانها حلت ازمة الشباب
Damascus_Knight 13-10-2010 11:42
 حلو
حلوة بس طلعت غالية شوية توقعت أرخص من هيك يعني متل ما قالو الشباب 375000 و بتمنى من الشباب يجربوها قبل أي تعليق سلبي والكل ناطر السيارة و شكرا فنات
khaled najjar 13-10-2010 08:53
 مو معقول
عنجد مو معقول بعد كل هلانتظار يكون سعر السيارة مرتفع بهالشكل يعني سيارة ماعليها ضريبة جمرك وماشابه ذلك لانها مصنوعة داخل البلد يكون حقها 395 الف ومواصفاتها عادية يعني بوالين ما فيها والسيارة 3 سلندر مو 4 يعني السعر المنطقي لهسيارة 300 الف مو اكتر وانا باعتقادي اذا بيكون حقها 300 الف لح تحقق نسبة مبيعات عالية لانو بتستطيع جميع شرائح المجتمع اقتنائها لانها عملية جدا" وممتازة داخل البلد نظرن الى مصروفها الجيد ووفرة قطعها و حجمها الصغير العملي
المتفاجئ 13-10-2010 06:25
 متل الشيري كيو
بس في منها اتوماتيك ؟؟؟ وكم سعرها
وليد 13-10-2010 03:19
 وزعلان
للاسف سيارة لاتليق للاستخدام البشري ..اعتقد ان الناس كانت متفائلة بمنتجات حميشو وراهنت على انها ستعمل فرقا في السوق المحلية ولكن الذي يشاهد هذا الطراز سيتراجع ويصاب بالصدمة وحتى السعر لايمكن قبوله
مصدوم 12-10-2010 23:53
 كلمة حق
السلام عليكم بداية اوجه الشكر لفنات التي جائتنا في وقت كثرت فيه الشركات والمعلنين ولكنها جائت وسبقت الجميع واوجدت لنفسها مكانة لايمكن تجاهلها فمن لايرى من الغربال اعمى ثانيا ابارك لشركة حميشو بإصدارها الجديد واتمنى لهم التوفيق والتسويق الموفق انشاءالله
ابو بلال عدرا 12-10-2010 22:23
 خطوة جيدة
مع ان السيارة مقلدة لكن الخطوة اكثر من جيدة و انشالله للأمام
tony 12-10-2010 21:26
 .........
شو يعني؟؟
........ 12-10-2010 21:22
 الحكم على التجربة
أرجو من فنات تجربة السيارة وأرجو من الشركة إعادة تقييم سعر السيارة لأانو ما فرق سعرها عن أصلها الصيني ما فرق غير افراغ لازم يكون سعرها أقل من هيك
Abo Hamam 12-10-2010 20:26
 good car
سعركم غالي جدا مقارنة بالسوق
omar 12-10-2010 20:13
 خيبة أمل
للأسف سعر السيارة خيب املنا وامال كتير من الشباب والناس الي كانو متوقعين انو يكون سعر السيارة بناسب الشباب الكادح بس للاسف مابنتغير.
شب سوري 12-10-2010 19:12
 اوتوماتيك
نتمنى ان يتواجد من هذا الموديل اوتوماتيك
احمد ماهر 12-10-2010 19:09
 شو السعر
هل اسيارة عملية هل قوية هل اقتصادية
اصيد 12-10-2010 18:31
 هذا السعر غالي جدا
هذا السعر غالي جدا جدا جدا غير معقول تفائلنا خيرا لكن يبدو هذا مستحيل
amar 12-10-2010 18:10
 شو عدا ما بدا
من أربع شهور كان عم يبيعها حميشو ب 375 ألف فشو عدا ما بدا
أبو عبدو الدوماني 12-10-2010 18:10
 مقبولة
يعني السيارة اتوقع او ما فيها اي عيب وبالعكس بكونو صلحو اخطاء الصيني القديم يلي متلها
ماهر 12-10-2010 18:00
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.