بحث
بحث متقدم
أحدث السيارات المضافة
بروتون ساغا أوتوماتيك كاملة
بروتون ساغا أوتوماتيك كاملة

اختر سيارتك
الشركة:
الموديل:
عرض
ابحث عن
ميني
هتشباك
سيدان
ستيشن
مترفة
SUV
كوبيه
فان
بيك أب
رياضية
مكشوفة

مقارنة السيارات خدمة النصح بسيارة
اشتراك القائمة البريدية
  اسم المشترك:
  البريد الإلكتروني:
كم نجمة تعطي لهذه السيارة؟
نتيجة التقييم:   عدد المشاركين بالتقييم: 85
عدد التعليقات: 91
 طرطوس
كان معي بروتون برسونا بس كان صوت المحرك خشن مزعج ع طريق السفر كتير ياترا ساجا صوتها خشن كمان
علي حسين 20-05-2014 22:54
 طرطوس
كيف الشباب السيارة عجبتني كتير بس ممكن نعرف شو سعرا الحالي واذا كانت متوفرة
علي حسين 20-05-2014 22:48
 أسأل مجرب
مسالخير شباب السيارة كتير ممتازة وعن تجربة انا كان معي كيا ريو ومن سنة ونص جبت الساجا الفرق كتير كبير من حيث الاداء والمصروف حتى .
anas 08-04-2013 19:06
 
من سنة ونص عملت حادث وغيرت الضوء الامامي اليميني وكلفني 9000ليرة ؟يعني بالمختصر غلطة وندمان عليها
ابو جبران 14-03-2013 15:47
 مو صحيح
السيارة قوية وممتازة كسيارة بشكل عام بس يوجد عدة مشاكل : 1- بالوعة بنزين - مع بنزين 95 ما بتعمل اكتر من 160 بالتنكة وعلى بنزين هي الايام مو اكتر من 140 وطبعا طلعت عى الوكالة وغيرو برنامج الاحتراق مرتين بس مافي شي تعدل ولا بواجي ولا بخاخات ولا مصافي ممكن تحل المشكلة - وهي عامة بكل سيارات بروتون المصروف الزائد 2-بطارية السيارة سائلة مفتوحة ويمكن مافي غيرها بالسوق هيك 3-القطع اسعارها نار ويلي مو مصدق يطلب قطع من الوكالة او يجرب ينتحر ويطلع على حوش بلاس
ابو جبران 14-03-2013 15:46
 
من بعد التحية والسلام عندي سؤال يا سادة يا كرام: ماذا بالنسبة لبقية المحافظات إذا رغب أحد سكانها بشراء هذه السيارة هل من ضمانة لوصول أو إيصال السيارة إليه وكيف يمكن أن يتم ذلك؟ سلامات وإلى اللقاء
أبو محمد اللاذقاني 18-02-2013 08:25
 إلى م. سامر
كل الاحترام والتقدير لك ... زرت موقع بروتون وشاهدت طرازين لسيارة ساغا .. الأول 1.3 لتر .. والثاني 1.6 لتر مع ABS و EBD وال1.6 فرشها جلد والتصميم الخارجي للسيارة أعجبني .. أود الاستفسار من حضرتك إذا كانت الساغا 1.6 لتر أو 1.3 لتر متوفرة في سوريا أم لا حالياً .. وكم هو سعر هذه السيارة مع الفراغ .. وإذا لم تكن موجودة الآن متى يمكن أن تتوفر .. وإذا كان بالإمكان تزويدنا بأي معلومات إضافية ممكنة للإستفادة من خبرتك أكثر .... وتفضل بقبول فائق الاحترام .. وكل الشكر ل فنات الرائعة
AWS - SH 02-02-2013 18:55
 للحلال والحرام
نقو مالنا وماعلينا بس عنجد العرض الاحلى والاقوى .. يعني كمان بظن الكيا ريو مانها احلى من هالسيارة بالشكل او بالمواصفات ومشكورين فنات
سلنغو 10-01-2013 12:58
 ممتازة
السيارة ممتازة اشتريتا من شهر . أداء كتير منيح و مصروفا داخل المدينة مو أقل من 180 كم بالتنكة . ظريفة من ناحية الأبعاد يعني لانها صغيرة و لانها ضخمة .
م . حسام 22-05-2012 12:30
 للاخ ابو جبران
سيدي الكريم السيارة معي بالشتاء بين 175 و 180 كم\20لتر بالصيف بدون تكييف 200 و210 ومع تكييف عم ترجع 180 تقريبا وانا هلا صرت ماشي 15500كم والسيارة والحمدلله جيدة جدا و قوية و بتفش الخلق بالنسبة لفئتها و نحنا ما رح نقارنها بال x5 عم نقارنها بالفيرنا والكيا وانا راكب السيارات التلاتة والفرق واضح بس للاسف الشركة عم تبخل عالاعلانات و الدعاية مشان هيك الناس ما عم تعرفها كتير
ركيب ساغا 21-05-2012 05:13
 الى ركيب الساغا
انا معي السيارة من 6 اشهر - السيارة متل ماحكيت ممتازة على السفر بس بالمدينة من 150-160 بس - سؤال انت صارت تعمل معك 180 بعد 5000كم ولا من لما اششتريتها
ابو جبران 12-04-2012 10:52
 ساغا
انا معي الساغا من سنه و شهر وصرت ماشي 14000 كم يا شباب السيارة جيده جدا بالنسبة للراحة و الثبات و بدي قول لتشالنجر انا ماشي فيها على طرق القنيطرة الجديد و و صلت السرعة 160 كم\سا ولمسافه شي 5كم للتجربة فقط والسيارة ثاااااااابتة تماما و مريحة جدا فيها مشكلة وحيدة و يلي هو جهاز القفل المركزي انو مداه قصير وبالنسبة للمصروف بالاتوماتيك معي 180 مدينه و 4 ليتر لكل70 كيلو سفر بسرعة 90 كم\سا وانت احسبها بقى قديش عالسفر و هادا الحكي داااااائما وعندي بيت بالقنيطرة و رايح جاي
ركيب ساغا 06-04-2012 06:49
 المصروف غير منطقي ابداااا و الوكاله تعجز عن معرفه
يعني عنجد مسخره و غباء من الشركه , وقت اجينا لصاله العرض عملولناياها اكتر سياره توفير و اقل شي 250 بالبلد و بالسفر 350 و ثبات و علاك مصدي لك عيب تستغبو الناس السياره ما بتسوا توووووووت و الوكاله بتستاهل حرق علا هل نصب , لك عم يجيبو السيارات و يبيعوها علا اساس سياره انبياء و ينزلوها من السما , عم احكي عن تجربه لك عندي اميركي 5,7 لتر بتعمل 100 بالتنكه و جبت هل توته للتوفير علا اساس ام طلعت بتعمل 130 بالتنكه شو هي هيك يعني ؟؟؟؟ حدا يشرحلي مشان لله
challenger 07-03-2012 02:21
 سيارة حلوة
انا اشتريتا من شي شهران حلوة ومرتبة وقوية بتشلح الكيا والهيونداي وراها بالطريق بس بدي اسال الاستاذ سامر منشان المصرف كم الفرق بيصير بعد ما بتعيرا الشركة بعد 5000 كيلو
قاهر الكيا 18-01-2012 01:27
 مصروفها قليل
الساغا سيارة قوية كتير ضمن فئتها و مصروفها للغيار العادي 250 داخل المدينة أما الأوتوماتيك فكل السيارات بتصرف بنزين
بشارة 14-01-2012 12:11
 شي بيهوي
شو هاسيارة يلي بتهوي و ما فيها حيل و بتعمل بالتنكة 135تقريبا اي و الله عيب شو هالشركة هي و شو هالمسخرة
بالي 31-12-2011 17:08
 عادي
يا شباب كل موديلات البروتون مصروف بنزينها عالي كتير و على ما يبدو الشركة الأم فشلت بهالموضوع .. يعني بالكتير وسطيا سيارتي بتمشي 130 بال20ليتر بنزين
محمد 18-12-2011 13:02
 اتمصورات
ممكن حدا يقلي ليش دائما في صوت قرقعة من السيارة وشو الحل لما يكون الزفت شوي مجعلك علما انو الصوت ما بيطلع من غير ماركات علما انو السيارة لسة ماشية 11000 كم و عيار الدواليب 28
ابو ساغا 15-12-2011 07:26
 الى م سامر
انت كشخص ما بعرفك- فيك تقول اني وثقت يكلامك ورحت واشتريت ساغا من شهر تقريباً (اتوماتيك) - انا بقلك السيارة ممتازة وعزم رائع وشاسيه متين وصدامات عن جد قوية بس مصروف البنزين كارثة - ما عم عبي الا بنزين 95 وما عم شغل المكيف رغم البرد وما طلعت فيها فوق التسعين - المصروف بأحسن الاحوال 150-155كم/20ل ؟ليش ماعم افهم ؟هلق صرت ماشي فيها حوالي 1000كم وصار وقت غيار الزيت - شو الحل برأيك ؟وقديش لح يصير مصروفها بس بلش شغل المكيف(الدنيا برد) ؟طبعا ماعم ازرك السارة نهائيا ورجلي على البنزين على الريحة كتير خفيف
ليش هيك عم يصير 29-11-2011 13:02
 
انا معي ساغا 2010 حدا بيعرف اذا بيركبلا دارة رفع
ابو جبران 24-10-2011 15:30
 العرض على سيارات المستودع
ايهم الموديل الجديد لسا مانزل بدو وقت يعني بتصوري لشهر شباط 2012 هذا اذا مو اكتر ... فاكيد العرض عالبضاعة اللي بالوكالة
م.سامر 14-10-2011 06:54
 
عل اساس في عرض على السيارة حاليا بس العرض على الموديل القديم ولا الجديد حدا بيعرفف شي وشكرا
ايهم 13-10-2011 15:25
 بخصوص موديلات بروتون 2012
على ما اظن الساغا الجديدة رح تنزل على اول السنة او بشهر شباط 2012 يعني لحتى تنباع الدفعة اللي بالمستودع ..... ورح تنزل البيرسونا الاليغانس كمان رائعة شوفها على موقع بروتون .... وفي سيارة جديدة 7 ركاب اسمها ايكزورا كمان رح تنزل معهن .... والجين2 الحالية استيرادها رح يتوقف
م.سامر 22-09-2011 05:38
 الى م سامر
ايمتى لح ينزل الموديل الجديد
الى م سامر 18-09-2011 12:35
 شوفو الموديل الجديد واحكموا
شباب هذا الموديل انتهى ....... شركة بروتون نزلت موديل جديد "فيس ليفت"فيه مواصفات وتعديلات رائعة وهي : تعديل المحرك لحل مشكلة استهلاك البنزين الزائد اضافة بالوني هواء للسائق والمرافق بشكل اساسي الستوبات الخلفية ليد علبة السرعة 6 نسب مع نظام CVT بشكل اساسي اضافة نظامي ABS+EBD بشكل اساسي النوافذ الاربعة كهربائية نظام صوتي من كلاريون يدعم WMA/MP3/USB/AUX التعديلات زادت من سعر السيارة حوالي 4000 رينغيت ماليزي مايعادل 1295 دولار امريكي== 62670 ليرة سورية الموديل الجديد ان شاء الله رح ينزل ع
م.سامر 17-09-2011 14:08
 saga
no ABS Z WINDOWS R MANUAL WHAT IS THAT !!!!!!!!!
hani-s 11-09-2011 20:29
 الجين2 احسن بكتير
خليكن معي انا دفعت رعبون عالساغا الكاملة وكان سعرها تقسيط 250 الف دفعة اولى وبالشهر 10الاف يعني بتوقف 850الف بعدين قلبت عالجين2 الفاضية دفعت 265الف وبالشهر 11الف وخمسمائة وقفت 955الف فرقت معي 105الاف بس هي 1600 واكبر من الساغا واثبت واحلى ومصروفا اقل من الساغا عم تعمل معي 230 بالبلد مع الزرك ........هادا رايي وشكرا
انس 04-09-2011 14:13
 انارييه
اشتريت السيارة منذ حوالي عشرة أيام وهي جيدة جدا لكن عملت معي مشكلة اول ما سقتها انو لما بدي حط الغيار الأتوماتيك على R لما بدي صف السيارة طلعت صوت خشن للمحرك بعدين فصل ولما اتصلت بالمهندس قال انو السبب اني لما عم ارجع عم اقفل الدركسيون على الأخير وعم ثبته و هيك بكون عم اضغط على السيارة كتير وانو اذا ما بقفله عالأخير ما بتصير هالمشكلة حدا صار معو هيك الرجاء النصيحة بأسرع وقت
mahmoud 19-08-2011 12:49
 دمشق
بصراحة سيارة جيدة وممتازة قوية سلسة بس مشكلة مصروفها شوي يعني عم تعمل 180بالتنكة مفروض محرك 1300 تعمل اقل شي 220 بس سيارة حلوة وسعرها حلو بالنسبة للريو .والريو انطرشت طرش باالبلد
ملك الساجا 13-07-2011 17:32
 ممتازة
السيارة جيدة جدا سعر الغيار العادي650000 صاج جيد اقتصادية كتير قوية على الطلوع ناعمة على المطبات راكزة على السرعات العالية و عن تجربة واسعة من الداخل انصح بشرائها المصروف250 داخل المدينة 330 خارج المدينة بس السيارة مائلها دعاية .
شارة 12-05-2011 21:19
 معجب بالساغا
أرجو النصح من مالكين هذه السيارة .... أول شي شقد أقل سعر نزلت فيو هلسيارة ؟ ... وهل قطعها متوفرة في حلب ؟ ... وهل هي قاسية على المطبات ؟ وهل هي أفضل أم الكوري؟ .... وكل الشكر
أبو محمد 10-05-2011 00:49
 مصروف الغيار العادي
السلام عليكم أنا اشتريت من شهرين الساغا, جيده و ثابته بس بما انو غيار عادي و 1.3 و لازم يكون المصروف اقتصادي عيرتها أكتر من مره عم تساوي معي 215 و مره 245 سألت الوكالة قال هاد الشي عادي, مع أني سألت فبل ما أشتريها قال لازم تساوي بين 250 ل270 بالتنكة هل اذا شيء طبيعي مع العلم انو صارت ماشية حوالي 2000 كم أفيدوني لو سمحتم
فادي 07-05-2011 15:51
 حديث للأمانه
شباب انا اشتريتها و كنت خايف شوي بس لهلأ صرت ماشي 2000 كيلو ماحسيت انو الكيا او الهيونداي بتفرق أو أحسن منها علما انو الكيا قاسي عالطريق مو متل الهيونداي انا السياره كتير عجبتني و بالنسبه لمركز الصيانه محترميييين كتير و تاني يوم بيتصلو معك مشان يتطمنو ازا صار يلي طلبتو منهم او ازا في مشكل تانيه وانا معي اتوماتيك وبالمدينه 210 و السفر 320 على رجل هاديه
ابو ساغا 04-05-2011 23:47
 
ما في شي اسمو مصروف داخل المدينة ونرجو من فنات الموقرة عدم ادراج مصروف السيارة داخل المدينة في مواصفات السيارة لانو السيارة الى طرق علمية لتعير المصروف مو واحد راح عبا تنكة وقف على الاشارة نص ساعة بعدين لقا المصروف كبير غلط هالشي السيارة بتتعير بطريق نظامي على سرعة100 كيلو متر بالساعة مع تعير الدواليب واغلاق النوافذ وشروط نظامية لحالة الطريق والطقس وتجاوزا يمكن تعير المصروف على طرقات السفر اللي عنا
صالح 05-03-2011 14:35
 الى عاشق الساجا
ان شاء الله يكون كلامك عن علب الدركسيون صحيح وشكرا للمعلومة هلأ رح اتصل واسأل قسم الصيانة
نادر 05-03-2011 14:30
 
جماعة قطع الغيار بالوكالة وعدو انو خلال شهر اذار رح تتوفر قطع الغيار مشان مشاكل الركسيون بالساجا ان شاء الله يصدقو وبنحب نوجه رسالة للاخ غياث الحبال وكيل بروتون من خلال موقع فنات منشكرو ع جهود الصيانو والعناية بالزبائن الممتازة في دمشق ونتامل ان تتوفر علب الدركسيون للساجا حفاظا على مسموعيات الشركة وخاصة قسم الصيانة وشكرا
عاشق الساجا 05-03-2011 14:29
 
يا شباب السيارة قويه يعني 1300سي سي حقيقية مو تخويت متل الصيني والسيارة اقوى من ما تبدو عم احكي عن تجربة مسافر فيها اكتر من مرة وفي احدى المرات كنا ستة اشخاص اوزان ثقيلة في السيارة وما قالت السيارة وق بالنسبة للاخ اللي عم يحكي عن تاخر الغيار في السيارة الاتوماتيك هاد الشي طبيعي صحيح انو بزيد شوي مصروف السيارة بس هاد التصميم لعلب السرعة معروفة فيه بروتون وهو على فكرة تصميم تحت اشراف شركة لوتس الانكليزيه المشهورة بتصميم علب السرعة والمحركات الرياضية والتي تتميز بتاخر نقل الغيار
ابو سالم 05-03-2011 14:24
 
السيارة عوامل الامان فيها اكبر واحسن من الريو العالم عم تشتري الكوري لانو سهل البيع مو لانو احسن من الماليزي البروتون ساجا اسأل اي صواج عن الصاج تبعا بقلك انو احسن من صاج الكوري وبعدين فيها قضبان حماية جانبية لمنع انضغاط المقصورة عند وقوع الحوادث وهاد الشي غير متوفر في الريو واللي مانو مصدق يفوت ع اليوتيوب ويشوف تجارب البروتون لاختبارات السلامة بس العالم ما بتحب تغير متل ما عم تشتري العالم عم يشترو بيخافو من كل شي جديد مع انو البروتون كشركة اقدم تاريخا من الكيا
بروتون وبس 05-03-2011 14:17
 
قسم الصيانة بحمص بهدلة ع الاخر بس هلأ قال حسنو فيه ما بعرف
حمصي 05-03-2011 01:38
 الى م سامر
السيارة الاتوماتيك مصروفها كبير بالبلد لسبب رئيسي, واي واحد غشيم سواقة بيعرفو لانو السيارة بضوج كتير لتاخد الغيار الاكبر وخصوصا من الغيار التاني للغيار التالت يعني بتحس انو ما في سلاسة بناقل السرعة الاتومتيكي انا السيارة مجربها من اكثر من خمسة شهور وليس هناك علاقة لنوع البنزين لاني جربت اضافة الاوكتان على امل تحسن المصروف لكن لا فائدة بالنسبة للسفر مصروف السيارة جيد وبالنسبة للثبات السيارة ثابتة على الطريق والمحرك قوي وشكرا لك
مجرب 05-03-2011 01:35
 
يا شباب السيارة فيهامشكلة بالدركسيون بتهرب زيت الهدروليك بتروح ع الوكالة بقولك ما في قطع غيار والقطعة هي علبة دركسيون صار هالحكي معي عند وكيل حمص من اكتر من 3شهور وكل ما سألتو بقلك مافي وهاد الشي مو بس صار معي صار مع اكتر من واحد ا
ملتاع من وكيل حمص 05-03-2011 01:28
 دركسيون زيل أو جيب واظ
السيارة جيدة من كل النواحي وخاصة الرحابة داخل المقصورة مصروف الوقودمتوسط بس مشكلة الدركسيون ماكانوا يلاقولي حل بحجة لايوجدقطع تبديل أرجو من الشركة تدارك هذه المشكلة التي تضر صورة ساغا التي حطمت أسطورة الريو
أحمد 01-03-2011 00:08
 السيارة قوية
انا مجرب السيارة السيارة قوية ومتينة ويوجد جودة بتصنيعها اما مصروفها بكل شفافية وبدون حدا عاد يسأل السيارة بتعمل بلمدينة 170 وبلسفر 240 بدون مكيف ومع مكيف بلناقص 10 أو 20
ملك الساجا 22-02-2011 23:50
 الى الاستاذ صاحب الاستفسار
الوكيل طبيعي مارح يقول ايمت بتوصل البيرسونا اليغانس لان اذا قال مارح تنباع البيرسونا الحالية بس وقت سالت قالولي اول الشهر2 او خلال الشهر 2 بس السيارة نازلة بكل الاحوال حتى لو تاخرت ومواصفاتها رائعة واهم شي جاي فرش المقاعد والابواب جلد ومسجلة كاملة فوت عموقع بروتون وشوف صورها وبالنسبة للهايما لاتفكر تركب صيني بحياتك وشركة هايما مختصة بتقليد شركة مازدا حتى موديلاتها بنفس الاسماء وصيني يعني صاج ضعيف وثبات فاشل ومالها قطع برا الوكالة اما البيرسونا قطعها متل قطع الهيونداي والكيا بالتوفيق اخي تحياتي
م.سامر 04-02-2011 15:46
 الف شكر سيد سامر
شكرا سيد سامر لجوابي عن موضوع abs اتصلت بالوكيل اليوم مستفسرا عن موعد وصول البيرسونا اليغانس ذلك لأني قرأت تعليق تقول به بانها سوف تكون متواجدة عند الوكيل مع بداية شهر 2 . فجاوبني بعدم وصولها ولا يعلم بالضبط متى يمكن ان تصل ، هل لديك اية معلومات حول البيرسونا اليغانس. ولك مني جزيل الشكر. سؤال اخير لفت انتباهي لدى زيارة الوكيل سيارة من نوع الهايما ذات مظهر بهي غرفة قيادة جميلة اضافة الى وجود جلد شغل يدوي داخلها . انتابني اعجاب شديد بها . ارجو النصيحة والمفاضلة بينها وبين البيروسنا
صاحب الاستفسار 03-02-2011 04:51
 بخصوص تركيب abs
نظام ال abs يعتمد على حساس سرعة لكل دولاب وكومبيوتر مركزي وسيرفو خاص وبروتون مابتنزل الساغا مع abs حتى الكاملة بماليزيا لانها تعتبر رخيصة جدا ولطبقة محددة ومستحيل تركيب abs وحتى على اي سيارة بعض فئاتها بينزل ال abs فيها اساسي مثلا البروتون جين2 الكاملة مع abs والفاضية بدون abs ومع ذلك مستحيل تركيب abs عالفاضية لان دارة الفرامل اساسا مالها مصممة لهيك برايي اذا بهمك موضوع ال abs انك تشتري جين2 او بيرسونا واذا حابب تعرف اكتر عن نظام ال abs بتلاقي بقسم اكتشف سيارتك بمجلة فنات موضوع مفصل تحياتي
م.سامر 02-02-2011 14:59
 الى م سامر
اشكر لك مجهودك الرائع وعنايتك بالرد على الاسئلة, اسمح لي ان اسئلك هل يمكن اضافة ميزة abs الى الساغا ام لا. لاني مقتنع بهذه السيارة لحد بعيد من حيث السعر والمصروف وجودة الصناعة ، ولكني متخوف من اقتنائها كون ميزة ال abs لم تعد رفاهية بحال من الأحوال وانما متطلب رئيسي في أي سيارة. ولك مني جزيل الشكر والأمتنان سلفا.
استفسار 02-02-2011 07:41
 الى السيد علي
بخصوص قطع الساغا عندك 5 محلات بحوش بلاس مختصين بالبروتون مابقدر اكتب اسماء المحلات احتراما لقوانين الموقرة فنات وبحوش بلاس مين ماسالت بدلك بس السيارة لحد هلأ مانزللها قصات وقطعها قليلة بتذكر شفت عند محل واحد من اللي بتعامل معن قطع للساغا ومو كل القطع يعني السيارة لسا بدها سنة لتنتشر اصلا بالوكالة قطعها رخيصة كتير وقارن بين قطعها وقطع الريو عند الغريواتي مارح تلاقي فرق كبير ولسا السيارة جديدة بعد سنة رح تنتشر وتلاقيلها قطع وقصات كتيير بحوش بلاس متل مانتشرت الواجا والجين2 والبيرسونا تحياتي
م.سامر 29-01-2011 22:02
 الى الاستاز ابو خالد
اذا هيك صار معك ليش ماتجرب تشوف مدير الوكالة غياث الحبال وتشرحلو مشكلتك وانشالله بلاقيلك حل ولاتنسى ان سيارتك ضمن الكفالة وهذا حقك واذا مامشي الحال بعات اميل لبروتون ماليزيا واشرح فيه مشكلتك عكل حال ان شاء الله خير وان شاء الله بتنحل مشكلتك تقبل احترامي
م.سامر 28-01-2011 01:49
 شو هل الحكي
انا عندي ساغا غيار عادي . صارت ماشيه 12000 كم ولحد الان ومن اول ماجبتها عم تعمل بالبلد 250 وبالسفر 320 وانا كل تعبايه بعيرها . وما غيرت بالمصروف بنوب . اكيد سيارة السيد ابو خالد فيها مشكلة حقيقية . وشكرا . وسؤال ع الماشي للسيد سامر بخصوص محلات حوش بلاس . على علمه عندهن قطع للساغا ولا لاء وان كان بالامكان كتابة اسماء المحلات لنتعرف عليها. بلكي ارخص من الوكاله. وشكرا مسبقا.
م . علي 27-01-2011 23:25
 ساغا ====الكبرس
يا استاز سامر انا ما خليت شىء ما غيرته بواجي فلاتر تنظيف كازيه وعيطت وخانقت وما في نتيجه لان ما بيحترموا حدا وانا سواقتي هاديه جدا جداجدا وشافوها الخبراء ومل قلبي وما عدت رحت على الشركه لان مليت بس الشىء يلي ما غيرته هو السياره
ابو خالد 27-01-2011 11:30
 بخصوص استهلاك الساغا
انا معي واجا مصروفها بالبلد بين 180 و 200 و بالسفر 260 بس سواقتي هادية ومابشغل المكيف كتير وبالنسبة لسيارتك 160 كتير ومعك حق تتضايق صاحبي عندو الساغا من 6 شهور ماشية 15000 كم وعم تعمل معو 200 بالبلد المهم اول شي بتغير البواجي وبتغير الكازية اللي عم تعبي منها وياريت تجرب كازية للدولة وتحط اوكتان كل تفليلة واذا سواقتك هادية وسيارتك ضمن الكفالة وكل صيانات سيارتك بالوكالة حقك تعمل مشكلة شوف المهندس المسؤول عن الصيانة وشرحلو مشكلتك وللاسف لازم ترفع صوتك لتاخد حقك وانشاء الله بتنحل مشكلتك تقبل احترامي
م.سامر 27-01-2011 00:02
 رد ساغا
السياره فاشله لان السياره عما تعمل معي 160بلبلدو210بلسفر ورحت على الشركه حوالي 15مره وما كانت تصير للان كلو حكي فاضي اعطوني الحل بس بصدق السياره ماشيه بس27000وشكراملاحظه انا ما معي كابرس معي ساغا
ابو خالد 26-01-2011 10:24
 الى السيد ابو بشر
اول 1000 كم خليك عالبنزين بدون اضافات ولاتضغط عالمحرك ابدا ولا تزركها وماتشغل المكيف لان بيجهد المحرك كمان لاتطلع فوف ال 100 كم وماتتاخر على غيار الزيت ووقت تقطع ال 5000 كم بتحط اوكتان اذا حبيت تحياتي
سامر 26-01-2011 01:26
 الى الاستاذ ابو خالد
ليش فاشلة بمصروفها سيد ابو خالد ممكن توضحلي ؟ حضرتك بتملك هالسيارة ؟ عفكرة السيارة بدها بنزين 95 وهالحكي من الكاتالوك والبنزين اللي عنا سيء بعدين محركها 1300 سي سي 94 حصان وهالقوة والعزم على محرك صغير طبيعي ان السيارة تصرف ومافيك تحكم عالمصروف قبل 5000 كم وطريقة السواقة بتحدد المصروف بعدين قطعها رخيصة متل الريو ومتوفرة بحوش بلاس وصاجها ماكن وثابتة بكفي بالون الهواء وقضبان حماية جانبية بشكل اساسي ووين المشكلة اذا عملت 200 بالبلد والله بعرف عالم معن ريو وفيرنا عم تعمل معن 180 وسواقة هادية تحياتي
سامر 26-01-2011 01:21
 ساغا
سياره فاشله بمصروفها وهي الحقيقه
ابو خالد 25-01-2011 15:03
 استفسار
أرجو الأفادة هل ينصح بأضافة الأوكتان لتحسين المصروف علما ان السيارة مازالت ماشية أقل من 1000 كم
أبو بشر 25-01-2011 00:42
 الى الاستاذ ابو احمد
اول شي السيارة مصروفها كتير بيختلف بين البلد والسفر والسيارة مصروفها بيتغير كتير لحد ماتصير ماشية 5000 كم وطول هي الفترة لازم ماتشغل المكيف وماتزركها وماتطلع فوق ال 100 كم , بعد ال 5000 كم بصير فيك تقيم المصروف صح كمان السيارة مو ملائمة لبانزينا لان هي وكل سيارات بروتون بتحتاج اوكتان 95 عم يقولو على شهر شباط رح يصير عنا بنزين 95 وقتها جربو وانشالله بعد ال 5000 كم واستخدام بنزين 95 بتصير بتعمل معك 240 اذا غير عاجي و 220 اذا اوتوماتيك
سامر 08-01-2011 12:11
 إلى السيد سامر
صرلى معي الساجا سنة و3شهور عم تعمل بلبلد 180 وبلسفر 290--300 شو السبب
أبو أحمد 06-01-2011 19:17
 الى الاستاذ zooomeh
ولا يهمك اخي السيارة لسى جديدة ومافيك تحكم على مصروفها قبل 5000 كيلومتر حاليا باول 1000 كم لاتزركها ابدا ولاتشغل المكيف ولا تطلع فوق سرعة 100كم بعدين بتطلع عالوكالة بغيرولك الزيت ونصيحة لاتتاخر لبعد 1000 كم مشان عمر المحرك لبعدين وبعد شهر رح يصير في اوكتان 95 عنا بكازية المزة خليك عليه لان سيارات بروتون كلها بتحتاج بنزين 95 اذا بتحب فتاح الكاتالوج وتاكد واي استفسار تاني انا جاهز تقبل احترامي
سامر 06-01-2011 05:44
 عتبان عالمصروف
السيارة صرلها معي 10 أيام جديدة كتير مناسبة نسبة للسعر مواصفات جيدة جدا ثابتة عالارض وتقيلة بس علبة السرعات هي السبب الرئيسي بمصروف السيارة الكبير في تأخير دائما بنقل السرعات بالنسبة للأوتوماتيك طبعا وهاد الشي عم يأدي لمصوف زايد بالبنزين بصراحة كنت متأمل بمصوف أحسن بكتير عم تعمل 200 بالبلد بس بأخف دعسة ممكنة بالحياة ماعم خلي دوران المحرك يطلع فوق 2000 دورة وسؤال لفنات كيف كاتبين مصروف الاتوماتيك 330 لأن هالشي موصحيح أبدا وشكرا وغير هيك السيارة كتير ممتازة بالمواصفات عنجد
Zooomeh 03-01-2011 21:33
 خرخشة في التابلو
انا اشتريت جين 2 بس فيها صوت خرخشة في التابلو يعني زي كأنو في كائن حي عم يتحرك جوا بس مو دايما اوقات اوقات مع انو الصوت مو عالي بس مزعج لدرجة اني بس اخبط عالتابلو بيسكت وحكولي انو بكون في براغي مرخية بالتابلو او انو بكون في شورت كهربا بس انا مستبعد انو يكون شورت لاانو الصوت خرخشة وليس ازيز . وحاب اسأل عن صوت الماتور ايضا هل هو من النوع الناعم مثل التيوتا ام ان صوتها اخشن. وحاب اسأ ايضا عن طريقة البرمجة اليدوية للريموت لان الريموت شغال والسنتر شغال بس بحاجة الى برمجة السيارة موديل 2005
محمد صالح 29-12-2010 19:34
 الى السيد محمد برنبو
الواجا وقف استيرادها لسوريا من سنة 2009 للامانة السيارة كتير ممتازة سيارتي فئة البريميوم يعني الفل اوبشن وهي مواصفاتها : الفرام 4ديسكات+ abs+ebd +جنوط كروم 16+مرايا كهربائية تطور اليا+2بالون هواء+المقاعد والابواب والتابلوه والقنصل مكسو جلد+مسجلةcd-mp3-wma-aux+مكيف اتوماتيك+اضواء ضباب+تحكم على المقود+جهاز انذار مع مانع سرقة+زوائد خشب+حساسات خلفية+قضبان حماية جانبية+فتحات مكيف تحت الكراسي+منافذ طاقة كهربائية واشياء تانية كتير هدول اللي اجوا لبالي تحياتي
سامر 24-12-2010 01:29
 للتدقيق
سيارة ممتازة من ناحية الأداء والاستجابة والوساع وأيضا من ناحية المصروف ولكن مواصفات فنات ليست دقيقة يعني : السيارة كير العادي لا يوجد فيها مرايا كهربائية والنوافذ الأمامية ليست كهربائية والجنط مانو كروم ولا حساسات خلفية ولا كمبيوتر رحلة مع الشكر الجزيل لموقع فنات
samer saga 22-12-2010 10:40
 شكر لموقع فنات
الرجاء من موقعكم الكريم ان يعرض مواصفات بروتون واجا لانها من اجمل واقوى السيارات وانا مجربها
محمد برنبو 21-12-2010 11:49
 الى السيد شادي
ممكن ان تتصل بوكيل الشام وتسال عن فرع طرطوس اعذرني لا استطيع وضع رقم وكيل الشام احتراما لسياسة الموقرة فنات تحياتي
سامر 18-12-2010 18:55
 بروتون
اود ممن لديه فكرة عن عنوان وكيل بروتون في طرطوس ان يرسله لي مع الشكر.
shadi 17-12-2010 23:05
 الساغا الجديدة
فوتو على موقع بروتون وشوفوا الساغا الجديدة فيس ليفت كامل ومواصفات كاملة مسجلة mp3-aux-wma-usb - بلور كهرباء امامي وخلفي - 2 بالون هواء وحسب كلام مدير المبيعات انها نازلة عاول السنة تحياتي
سامر 17-12-2010 03:32
 الى الاستاذ شادي
على فكرة مواصفات فنات صحيحة والساغا بعمرها مانزلت بمحرك 1600 ومافيها abs ابدا حتى بماليزيا نفس المواصفات اللي هون وفيك تشوف مواصفاتها بموقع بروتون ويمكن اللي جاوبك كان قصدو عالجين2 او البيرسونا تقبل احترامي
متابع فنات - سامر 16-12-2010 01:22
 
انا زرت الوكيل بطرطوس و لاحظت انو المزايا المذكورة في اعلان فنات عن بروتون ساغا غير دقيق مثال: السيارة تحوي ABS و هي 1.6 وليس 1.3 كما اريد معرفة و بالتقريب كم تمشي هذه السيارة بالتنكة مع كل الشكر.
shadi 11-12-2010 18:23
 سيارة رررروعة
سيارة قوية متينة اقتصادية بنصح الجميع بشرائها محرك جبار من نوع campro تصميم شركة لوتس الأنكليزية العريقة بصناعة السيارات السوبر الرياضية سعرها مقبول و ادائها اكثر من مقبول وعن تجربة الي ناوي يشتريها لايتردد ابدا وهذه السيارة احسن من غير سيارات اغلى منها بالسوق
بشارة 09-12-2010 20:33
 سيارة عال العال
اشتريت سيارة ساغا منذ شهر وبعد التجربة على طريق السفر تبين أنها مستقرة على الأرض وثابتة وقوية واقتصادية عملت معي 330 بالتنكة على طريق دمشق حلب بسرعة /100/ كم أنصح الجميع بشرائها
ياسين 27-11-2010 18:52
 كل شىء عن الساغا
أولا الساغا سيارة ماليزية من عائلة بروتون محرك ماليزي campro 1.3 وسيعة من الداخل وثابتة جداً على الطريق صاج ممتاز أفضل من الكوري بالنسبة للمصروف عن تجربة طبعاً ضمن البلد (مع أنو مافي مقياس مصروف ضمن البلد ) 180كم بالتنكة وعلى السفر 285كم بالتنكة طبعاً السيارة الأتوماتيك قطع التبديل رخيصة ( قطع التبديل الوكالة) مثلاً الطبون الأمامي 3500 ل.س حاملة الطبون الأمامي 1300 ل.س ومن شان المغشوش أنابظن أنو العيب بسواقتك خلي غيرك يسوق السيارة ويعيرلك مصروفها
مجرب وخبير 19-11-2010 19:23
 انا رح اشتري ساغا 2010
بليز خبروني عن هالسيارة انا ناوية اشتريها قريباً
ريمة 30-10-2010 20:24
 
والله هالسيارة قوية وبتلقى دعك ومتينة وبالسفر قوية ع الطريقو ثابتة سيارتي اتوماتيك عم تعمل داخل المدينة تقريبا 180 زائد ناقص شوي وع السفر بتعمل 250 برياحة و بالنسبة للمحرك هو كامبرو2 نفس محرك جين 2 وسعرها اقل من سعر السيدان الكوري وبالجودة بضاهي الكوري وفيها ميزة القضبان الجانبية مو موجودة بالكوري وضع الوكالة محترم والكفالة حقيقية بس الكفالة سنة ونصف و20000كم ايهما اقرب
ابو نادر 10-10-2010 22:16
 سيارة قوية
السيارة حلوة كتير بس ياريت حدا مجربها وبخبرنا عن مصروفها لا أوتوماتيك ولعادي بصدق وأيهما أفضل ساجا أم الوجان
ابو أحمد 01-10-2010 14:38
 نوع المحرك
ياشباب حدا بيعرف شو نوع محركها ؟ جين تو محركها ياباني لانسر ايفو 1.6 بس ممكن يكون محرك ساغا متل الـ جين تو ؟ أو انو محرك ماليزي !!
محمود 25-09-2010 20:39
 
شفت السيارة حلوة وعائلية وسعرها مقبول
عبد الله 04-09-2010 16:45
 جودة مواد البلاستيك
بس سؤال يا شباب , أنا جربت جين 2 ولاحظت انو المواد البلاستيكية الداخلة فيها من النوعية الجيدة و الفرش كمان فهل البروتون ساغا كمان هيك؟ لأني ما جربتها
نسيم 11-08-2010 18:38
 سؤال للمغشوش
سؤال للمغشوش, سيارتك أوتوماتيك ولا عادي؟
سعيد 11-08-2010 01:32
 الساغا فيها كذبة كبيرة
اول ما رحنا نشوفها بالمعرض , قالولنا يا لطيف هالسيارة قديش اقتصادية 270-290 بالتنكة جوا البلد , والزلمة دق على صدرو وقال رح تدعيلي الصراحة عم ادعيلو كتير بالبلد 160-180 اذا مشغل مكيف عالاتوستراد 220-260 اذا مشغل مكيف بلا مكيف 200-230 بالبلد عالاوتستراد 280-320 بلا مكيف و حسب اذا معك حدا بالسيارة او لا مع العلم انو السرعة ما بتتجاوز 115 كم قبل الكاميرات وبعد النتيجة : الله العليم السيارة 1800 cc بس ما حدا عرفان ومو مبين عليها السيارة الها معي 7 شهور الصيانة كويسة بس متل باقي الوكالا
مغشوش 07-08-2010 13:58
 بس
السيارة كويسة بنصح فيها
fadi 24-07-2010 16:15
 سيارة حلوة
صرلي مشتري الساغا حوالي 8 أشهر و السيارة حلوة كتير وطرية وثابتة كتير .مشيت فيها بسرعة 160 وضلت متل الليرة. مصروفها (الغيار العادي)بالمدينة 270 بالتنكة وبالسفر 350 بالتنكة . والشركة محترمة والكفالة حقيقية .
أبو منير 26-06-2010 18:43
 latakia
ياجماعة بس حدا يحكي عن قوة المحرك بالطلوع أنا ساكن بمنطقة جبلية ومحرك 1.3 حاسه ضعيف عالسيارة أما غير هيك فالسيارة مبينة جيدة
haydar 24-06-2010 15:24
 بعد الشراء
ما هو وقع خدمات ما بعد الشراء مثل الصيانة، قطع الغيار، كذلك هل يوجد وكيل لبروتون في سوريا شكرا فنات
ممتاز مليزيا 12-05-2010 23:05
 إلى من يسأل عن الساغا
يا شباب لا تحكموا على منظرها.. روحوا شوفوها بالوكالة السيارة كتير ظريفة بس ياريت حدا مجربها أو بيعرف حدا مجربها يحكيلنا عنها بصدق ترا السيارة خارطة مشطي بس .. لا حول ولا قوة إلا بالله
أبو منير 23-02-2010 14:02
 
تسلملي يا سيد mouyasser عهالمقارنة بس حرام السابا كنت لازم تقارنها مع شي لكزس أو أودي مو أحسن !!!!!!!
Xavi 18-02-2010 18:51
 حلوة
الفرقين الوحيدين بينها وبين السابا هما: الاسـم و بلد الصانع ، والله يعطيهم العافية.
mouyasser 15-02-2010 12:32
 
روحو شوفو ال داسيا لوغان الجديدة بكفي انها من رينو
T 06-02-2010 19:16
 
بتمنى حدا من المشاركين يكون مجرب هالسيارة و يعطينا معلومات عن تجربتو مشان ناخد فكرة أكتر صح هالسيارة مبينة ظريفة و اقتصادية بس ما بعرف اذا قوية بشكل كافي و بتمنى لو أنو كان فيها ABS كان أحسن و شكرا لشركة فنات بس بتمنى عليكن أنو تساهموا بشكل أو بآخر في تنزيل أسعار السيارات ولو بشكل محدود لأنو بصراحة لازم يكون في اعادة تقييم لهاالأسعار
اياد 04-02-2010 15:24
 ان شاء الله تكون مثل ما نتمنى
والله الظاهر انو السيارة جيدة و عملية و اقتصادية و ان شاء الله السعر يكون افضل من هيك
طارق 04-02-2010 01:11
 
أرسل لصديق طباعة
 
 

Copyright ©2006-2024 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.