بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

فيديو وتعليق

هيونداي أفانتي الجديدة... الأفكار الناجحة!

27-06-2010

ألمع السيارات الكورية وأكثر بنات

Hyundai-Avante-2011_4.jpg

 

ألمع السيارات الكورية وأكثر بنات فئتها ازدهاراً ومبيعاً، إنها هيونداي أفانتي بأجيالها الأربعة منذ العام 1990، قبل أن يدخل الجيل الخامس الجديد معترك المنافسة اليوم حاملاً أفكار متجددة وسباقة ملئها التميز والابتكار.

شخصية عصرية أصبحت رياضية وعلى هيئة سيارات الكوبيه من جميع الاتجاهات، مقصورة متفوقة تشمل مواصفات غير مسبوقة ضمن فئتها، ومحركات أقتصادية وقوية في آنٍ معاً... إنها هيونداي أفانتي الجديدة طبعاً!  

تعالوا معنا لنتعرف في هذا الفيديو المرفق على أفانتي 2011 قبل فترة قليلة من إطلاقها رسمياً في الأسواق، على أجمل سيدان ستعرفها الطرقات السورية قريباً...

 

   

 

خاص بموقع فنّات.كوم

كم نجمة تعطي لهذه المقالة؟
نتيجة التقييم:   عدد المشاركين بالتقييم: 105
عدد التعليقات: 72
 مو كلشي رخيص سيئ
نحنا تعودنا عا الالماني و الياباني و غلى أسعار سياراتون بس لما شركة مهمة متل هيونداي بتقدم اسعار مناسبة مو معناها انو سياراتها سيئة بل هي بجودة عالية وقادرة على المنافسة بقوة
أبو أوس 12-02-2012 23:54
 
حلوة بس غالية
أمين 04-09-2011 01:08
 يتبع
هذه من ناحية والناحية الأخرى هية سعر القطع المتميزة بالكوري فمثلا الضوء الامامي كامل مع المحرك 3500 ل.س وياباني 18000 والماني 35000 ومن ناحية المصروف الكوري 230 بالبلد والياباني 210 بالبلد والالماني 180 يعني بكل بساطة يلي بدو يركب كوري مو سيء بل ممتاز بالنسب لدخل معظم الشعب السوري أما اصحاب الدخل المرتفع جدا فمافي مشكلة اذا دفع شي 1300000 خسارة كل ثلاث سنوات على سيارة الماني فئة 1600 سي سي ودفع صيانة بمبالغ باهظة ولا أحد يقلي الالماني والياباني لأنو عند البيع والصيانة تكمن المشكلة
محمد 25-06-2011 10:07
 الحقيقة الحلوة بالكوري
تحية طيبة الى فنات وروادها أنا من اكثر الناس يلي بدلو سيارات خلال الخمسة عشر سنة الماضية وهناك حقيقة تتميز بها السيارات الكورية اذا قارنا شراء ثلاث سيارات من نفس المقاس مثال كوري افانتي سعر 1100000 ل.س وكرولا ياباني 1680000ل.س وبي ام 316 2400000 ل.س وبعد ثلاث سنوات أو 60000ك.م اذا قارنا لا يوجد اعطال في هذه الفترة بالنوعيات الثلاث أبدا ولكن اذا أردنا التبديل وهذا واقع البلد صارت موضة التبديل كل ثلاث سنوات فيكون السعر افانتي 850000 الف وكرولا 900000 الف وبي ام 1300000 الف يعني نسبة الخسارة اكبر .
محمد 25-06-2011 09:58
 لو كنت أنا
يعني والله لو بدي اشتري سيارة ب 1600,000 أكيد رح أختار هوندا سيفيك بدون تردد لأنها بتجنننن
واحد 01-02-2011 22:33
 له له له يا زلمة
والله العظيم انه الكوري جربان انا عندي توسان 2011 كانك قاعد بكومة صاج كرهتها كرهتها كرهتها صرف زفت 130+تجهيزات فاضية مافيها شي+عملولها زحمة والشارع فاضي بتحس السيارة معتوهه وتقيلة كتيرة بالمشي يلعن الساعة اللي اشتريت فيها الكوري آل توسان آل
GNOM 26-01-2011 04:55
 
سعرها لازم مثل كيا ريو لا اكثر اي بحدود 750000 ل.س.فقط لا تستاهل اكثر ادرسوها جيدا
وليد 16-01-2011 13:56
 
سيارة جميلة لكنها شبابية لا تستاهل السعر العالي المعروضة بها اخفضوا الاسعار ترون نتائج بيع عالية جدا غالية غالية غالية لا احد يستطيع شراؤها ابدا
وليد 16-01-2011 13:54
 سعرها غالي
سعرها غالي بالمقارنة مع بيقية السيارات
ابو الحماجم 07-01-2011 12:08
 شو هالحكي
يعني من كل عقلكم السوناتا الكاملة بـ 1985000 و الافانتي بـ 1610000 يعني 375000 فرق . رح اترك القرار الكم يا ايها المغلوب على امرهم
بلال 06-12-2010 11:18
 مقارنة غير عادلة
لا يجب مقارنة الكوري بالياباني والياباني مازال اجود بس للحقيقة الكوري عم تتحسن نوعيته والياباني كل مالوا للوراء لأنوا مشكلة صناع السيارات في اليابان إنوا بطيئين كتير باتخاذ القرارات وبيكون يللي ضرب ضرب ويللي هرب هرب
أبو محمد 05-12-2010 00:30
 2
و اثبات جودة يحتاجها المجتمع الامريكي .فمعدل المسافة المقطوعة لكل فرد عامل احيانا تصل الى ال 100 كم تقريبا و الكوري اثبت فشله في هذا السياق و انا لااتحيز الى الياباني و مع انني املك اثنين من جواهر اليابان و لكلن اقول لكل بلد متطلباته و ان شركتي هيونداي و كيا بكل الموديلات الحديثة و الجميلة فلم تلق اي اثر او اهتمام و مع توفير قروض مريحة للشراء و الصيانة و لكن تبقى الحقيقة تابتة لا تقارنو الباياني مع الكروي و كل ما رويتة عن تجربة شخصية
سوري اصيل 21-11-2010 18:19
 1
ياشباب الشغلة ابسط من هيك بكتير كبلد متل سورية اي سيارة بيمشي حالها بس يكون مصروفها كويس و اعطالها قليلة و غير مكلفة هي المعادلة الصحيحة ببلد متل سورية .اما عندي هون في امريكا الكوري اذا ببيعو بربع حقو محد بيقرب عليه و خصوصا وقد اثبات الجدارة على المسافات الطويلة متلا السفر لمسافات طويلة تفوق ال 1000 كم الكوري اثبت فشله تماما بالجودة المطلوية و خصوصا السوناتا الجديدة و حتى بمحركها الجديد و بنفس الوقت اثبت الياباني جدارتة فمتلا الكامري بمحركها ذو ال 4 اسطوانات استطاعت قطع مسافات طويلة جدا
سوري اصيل 21-11-2010 18:09
 صورة
السيارة عالصورة حلوة بس الواقع بيختلف عن الصورة و مشكلة هالموديلات المجعلكة أنها حلوة أول كم شهر بس ما بتحافظ على رونقها لفترة طويلة يعني نفس مشكلة السيارات الفرنسية و بعدين سعرها خيالي بالنسبة لسيارة بمحرك 1.6 بغض النظر عن المواصفات اللي عن خبرة بقللكن أنها ما لها طعمة ببلدنا يعني اللانسر EX الكاملة أرخص منها بحوالي 400ألف يعني والله ثخينة و ما بتنبلع
موضوعي 16-11-2010 16:35
 الثبات
سمعت أنو الأفانتي مو كتير ثابتة حدا عندو من ليجاوبنا ؟
آزر 15-11-2010 20:07
 خارقة حارقة و سعرها خارق حارق
السيارة لا يعلى عليها بتحط السيراتو فورتي بجيبتها الصغيرة بس با اخي سعرها غالي ر ح تصير بسعر الياباني مع انها كوري
سامي 05-11-2010 22:49
 
buetifull car
amr 05-11-2010 19:03
 تعليق على المعلقين
لخلا ماشفت ولا تعليق عليه القيمة لانو بالنتيجة كلياتكون علاكين
فراس 05-11-2010 13:36
 كوري وياباني
يا شباب رجاء لا حدا يقارن الكوري بالياباني لأن عندنا بسورية مافي ياباني لا تقولولي أن الكرولا والسوني ياباني هدول طرطيرات الياباني يعني الكرولا بتقارنها بالفيرنا مثلا بس الافانتي تعبانين عليها لازم تقارنها بالكامري انا مع الجمع ان الكوري قطع مشوار كبير وصار ناجح بكل المقاييس بس عتبي على الشباب اللي بقولو الكوري احسن من الياباني ونقطة انتهى بدون تحديد سيارة او ماركة وكأنهم عم يقولو كوريا احسن من اليابان عنجد يا شباب نحن بسورية حرام نقول عندنا سيارات يابانية لأن باليابان في ألف موديل
عاشق سورية 25-10-2010 11:49
 الى الامام
للي بيقارن الكوري بالياباني انا كان عندي تويوتا كورلا وقبلها نيسان وقبلها مازدا كنت مابقول غير ياباني لاكن عندما اشتريت الكوري وجربتة(((الكوري احسن من الياباني )وعن تجربة مو كلام وبس .من حيث العملية والمواصفات والسعر ...وحتة الامان الان الكوري وخصوصا هيونداي يحضى بدرجة امان جيدة ومشرفة (فحاج توقلو ياباني وياباني ) انا رايح على تركيا وعلى الاردن ومصر والسعودية شوفوا انتشار الكوري هناك وبعدين احكوا صاروا يفضلو الكوري عن الياباني .وللعلم بالسعودية الافانتي ارغب من الكورلا بكل موديلاتها
amore 24-10-2010 23:11
 حلب حلب حلب
ما عم بعرفها شييييي جميل وجذاب واجمل من الخيال
h.wghost 24-10-2010 01:56
 رهييييييبة
كتير حلوة السيارة ومريحة وتستحق الاحترام
عاشق الهيونداي 19-10-2010 16:24
 
شي حلو
مبتسم 18-10-2010 02:46
 كلشي بيصير
لازم نلحق الحداثه والتطور
الحجي 05-10-2010 10:39
 Nice car
هلئ الشي الصحيح أنه يلي بيركب مرسيدس أو بي أم دبليو مابيركب طبعا كوري بس يلي صاير عنا بتبيع 100 أفانتي مقابل 1 مرسيدس أو بي أم وبهالبلد يلي معو هيونداي أو كيا متل يلي عنده سبيكة ذهب بأي وقت ممكن يبيعها
Nash 03-10-2010 21:49
 :)
هلا طلعو من راسي كلكم وقولو ايمتى بدهاتجي سوريا لنقيم على ارض الواقع حاج تنظير =)
ThunDeR 03-10-2010 17:03
 ليش لاء
مرحبا للكل--هلأ أكيد السيارات اليابانيه والألمانيه وغيرها من الشركات الفخمه ما بتنوجد عنا بالسعر اللي بيتناسب مع مدخول الفرد--طيب ليش لاء ليش ما منجرب هالسيارات اللي عم تنزلها هالشركات مارح قول منافسه للشركات الفخمه لأن بضل في عراقه بالموضوع وفي خبره وفي جوده --بس نحنا عنا بشكل عام 90 % من الشباب اللي بجيلي ما فيهن يفكرو يركبو غير هيك سيارات طيب ليش لاء ما بكون أحسن من الشنططه من سرفيس لسرفيس ومن تكسي لتكسي وهاد بخانقك وهاد بيتفهمن عليك وهاد مدري شو --والله انا برأي هالشركات نقذتنا
sam 30-09-2010 21:59
 غريبة
يعني ما بعرف شو بدي قول للناس يلي بتقارن الياباني مع الكوري اذا عطينا علامات للسعر والشكل الخارجي والجودة والمواصفات واستهلاك الوقود والتوازن والثبات بظن اذا الياباني اخد 7 من 10 فالكوري ما رح ياخد اكتر من 3 من 10
واحد عاقل 25-09-2010 21:53
 
خود الكورولا دولابها بالسيارات الكورية حاجتك أنو ياباني وشركة بتحترم حالها
ali 24-09-2010 13:38
 رد على استشارة + نصيحة
نصيحة يا اخ saeed انا بشتغل بتويوتا حتى ولو كانت فاضية بس على الطريق في فرق كبير
عبد الواحد 23-09-2010 16:10
 استشارة
يا شباب كتير أنا محتار بين سيارتين السعر قريب بين بعضهم : سيراتو كاملة / 1150000/ ل.س وتويوتا كورولا فاضية / 1250000/ ل.س .... بدي نصيحة من أصحاب الخبرة ... إذا ممكن .
saeed 20-09-2010 18:15
 بكفي سطحية
مع احترامي للجميع بكفي نحط تعليقات تافهة وحكي وبس منزل ومنطلع بلسيارة عكيفنا ومن كون مومجربينا التعليقات وجدت للحكي عن لمشاكل ولمزاية والأستفادة من تجارب بعضنا مولنذم ونقارن كوري بالماني بمابعرف شو - للعلم السيارات لكورية صار ينحسبلها حساب من قبل لشركات الأخرى بلعالم كلو موبس عنا لأنها أثبتت بلنسبة لسعرها وفأتها جدارة كبيرة وخاصا لهيونداي -وشكرا للجميع ولهذا لموقع
عاشق لسيارات 16-09-2010 21:51
 الكوري بداية نحو القمة2
والفيراكروز ملات شوارع سوريا للمزايا التي فيها انا معكم بان الالماني والياباني والامريكي افضل حاليا لعراقة الشركات وتاريخها وخبرتها لكن لاتنسوا غلاء اسعارها وصيانتها المرتفعة ودخل المواطن في سوريا فما المانع ان اركب سيارة كورية فيها موصفات كاملة وبسعر مناسب هل يتعين علي ان اصبر عمري كله حتى اقتني بم حوت او مرسيدس شبح لما دخلت السكودا البيك اب على سوريا صارت السيارة الاولى وكل الناس احبوها لرخص ثمنها والان لا احد يركب السكودا الاوكتافيا لماذا لان الكوري نجح في التقدم والمنافسة واثبات الذات
حلبي عتيق 15-09-2010 19:08
 الكوري بداية نحو القمة
لاتظلموا الكوري انا مقيم في السعودية ومع احتواء الرياض على انواع السيارات اليابانية والامريكية الا ان السيارات الكورية غزت الشوارع وخاصة الهونداي فالنترا (الافانتي) تعمل تكسي اجرة واثبتت جدارتها واحب ان اقول لمحبي الياباني في سوريا ان السهعوديين الاثرياء ينظرون الى الكامري والاكورد وطبعا الكوري بانها سيارة بدوان لان الكامري تعمل لاموزين اما السيارات المفضلة عنهم المرسيديس الاودي االبورش الطوارق رغم ان الفولكسفاكن غير مرغوبة وكذلك الفولفو وحتى المازدا غير مرغوبة وانا سيارتي هونداي فيراكروز
حلبي عتيق 15-09-2010 19:00
 يرحم أيام اللاما تورز
أنا بالنسبة ألي ياباني وبس والباقي خس طبعا حاشا الألمان وسياراتهم السحرية يعني لو في هلأ سيارة يابانية بتشبه اللاما تورز كنت فضلتها عن الكوري بشكل عام
جهاد 05-09-2010 06:50
 أبو جانتي ملك اللانسر
أديش عمرها سيارة أبو جانتي ولهلأ عمتشتغل متل الج؟؟ يعني لا كوري ولا بطيخ من بعد الياباني مافي سيارات بس نحنا مو شايفين شي أذا شفنا عربية بطاطا منفوخة نفخ متل الأفانتي بيشط رويلنا عليها الله يرحمنا أحسن الشي ويطعمنا الحج
جهاد 05-09-2010 06:44
 من بعد السابا مافي سيارات
يا جمااااااعة الخير شو نسيتو سيارة البلد بلا أفانتي بلا بطيخ من بعد السابا حفور وطم
جهاد 05-09-2010 06:35
 أحلاااا فنات
بصراحة انا ما كنت فوت ع موقع فنات الا من فترا قصيرةفعلا الموقع ممتاز وبالنسبة للسيارة الجديدة ممتازة بس ياريت . . . . . يكون سعرا مقبول وتزبط ع شوارعنا يعني تكون شوي عالية
ابو غاندي 02-09-2010 10:19
 2mta
جد مليت بقى ايمتى رح تشرف الاسواق السورية الواحد بدو يعرف شو يشتري وايمتى يشتري بقى شي بملل على اساس بشهر 6 تجي وهي صرنا ب9 وما شرفت يلي عندو اي اخبار يشاركنا :)
The ThUnDeR 30-08-2010 17:14
 ياباني او كوري
صدقوني قيادة الياباني وخاصة تويوتاتفرق كثير في الثبات والمصروف وطول العمر وقلة الاعطال وفرق السعر ليس من فراغ وهذا من تجربة شخصية ولايغركم المنظر الخارجي
e 22-08-2010 13:28
 اميرة الكوري
بصراحة سيارة بتجنن من برا بس نشالله تكون اثقل من القديمة
housam 18-08-2010 21:15
 مستغرب
أنا محب للكوري القديم والعالم ماكانو يشتروه بفرنغ مصدي لأنو مونفخة متل مو السوريين بيحبوا مع أنو كان منيح أما هلا لأنو عرفت الشركات الكورية نحنا السوريين خصوصا شو منحب يعني النفخة والمظاهر عملت سيارات تناسب العقلية السورية لهيك بتشوف بلبنان مثلا مافي سيارات كورية أوقليلة لهيك الكوري بشكل خاص الجديد بنى نجاحه على العقلية الخاطئة للسوريين وهي الأفانتي الجديدة أكبر مثال!!!!!!!!!!!!!!!!!!!!!!!!
حسون الجرد 17-08-2010 17:24
 لا تنبهرو كتير
لا تنبهرو كتير بالشكل لانه رح تنبهرو و تنصدمو بسعرها الغير متوقع يالي بيعادل سعر غواصة بدولة ثانية غير انه بعد شهرين من نزلتها عل السوق رح تخسر 20 %من سعرها و خصوصي بس تشتد المنافسة بين الوكالات و التجار
abo zed 16-08-2010 14:57
 
سيارة جميلة
ابو جانتي 14-08-2010 01:40
 العاصفة الكورية
بصراحة بعد كل الذي شاهدناه من تطور بالفترة الاخيرة من سيارات هيونداي كان انجاز وتطور هائل انا اعمل بدبي بشركة شفروليه وعم شوف السيارات الكورية تدخل بقوة في الامارات لكن بدها شوي وقت لحتى تفرض اسمها من بين السيارات العالمية وانا ارى شخصيا انو السيارات الكورية بدو يصيرلها مستقبل عظيم
omar 07-08-2010 13:03
 سعر معقول
المهم يكون سعرها معقول وما نضطر بعدين نفكر بالفيرنا
سعر معقول 04-08-2010 04:19
 ليش لا
سيارة حلوي كتير بس شو سعرة بالسوق العامية و السورية هاد المهم لأن الأسعار بالبلد شي مسخرة و بتقطع القلب بعين الله شباب بس انشالله ما تكون بشي 2 مليون و هي بكون سعرا الحقيقي ؟؟؟؟؟؟؟
اللورد 28-07-2010 20:42
 مغترب ولسا شعبي معقد
يا سادة يا كرام المهتمين بالسيارات بيقرؤوا التعليقات مشان يعرفو كل شي مجرب السيارة يفيدهن بتحديد العيوب والإيجابيات يعني أقسم بالله أكتر من تلاترباع التعليقات غبية ومالها طعمة كلو عم يحاول يتفهمن وتلاترباع ازا مو الكل مابيعرف زيت الهيدروليك من زيت المحرك لاء والأنكى من هيك انو بيسلخك تعليق بحسسك أنو مايكل شوماخر ومفصفص السيارات كلها يعني روحوا عالمواقع الأجنبية واقرؤوا التعليقات ... كلها بتدور حول السيارة, مو متل عنى, على هي صيني (يع) وهي كوري (تفي) وهي ألماني (واو) ارحمونا من تفاهتكن بقى.
ibro 25-07-2010 15:15
 الموعد
يا شباب شو مشان موعد نزول السيارة للسوق السورية يعني معقول شم ولا تدوق اذا حدا بيعرف يا ريت يخبرنا ايمت رح تنزل وشو السعر المتوقع للفل اوبشن او يا ريت فنات تخبرنا بخصوص الموعد والسعر
اسم عادي 25-07-2010 05:24
 مسكين فرنجة
مسكين الفرنجه بيخربط بين السيارات وعلب الحديد !!!! يمكن بيشوف علب التون بفليفلتين و بيفكرها سيارة فخمة !!! مسكين
مرهف 22-07-2010 20:23
 
شكرا فنات ما اروع من الأفانتي غير الفيديو تبعها
مرهف 22-07-2010 20:19
 طيب
يا اخي والله هل سيارات هاي الي مانا عم تعجبكون ع القليلي بتضل احسن من السيارات القديمة الي عددا كتير كبير بل شارع السوري يعني خلي العالم تحس انو في شي جديد بل شارع و اكيد ما رح يخلا من الشي الفخم يعني كلو بيبلش من الصفر و خلينا نعتبر الكوري هوي الرقم واحد,,,ّّ سلام
yazan 21-07-2010 06:14
 شي عظيم!!
تاركيلك السيارات الفخمة ...تتهنا فيها !!!...
القيصر 20-07-2010 21:10
 مسكين عرب
و الله هل الشعب مسكين و درويش ، يعني كل شي بلاقي حلو و كل شي بلاقي توب على توب ، يعني بالمسرمحي من القلة مالو علة ، اذا كان هيك ردة فعلكن على هيك علب حديد ( عفوا سيارات ) فشو رح يكون شعوركن لما تشوفو سيارات فخمة عن جد ؟ مسكين عرب مو شايف شي !!!!!!!!!!
mido 19-07-2010 15:05
 شو هال السيارة
صار كلشي كوري حلو من الهيونداي
حسين 15-07-2010 10:13
 بتقرف
والله هذه السيارة شكلها مثل الضفدع وانا بحس أنه الماتيز أحلها منها بكتير وأنا لاأنصحكم بهذه السيارة وأنا كان عندي منها من خمس سنوات ودائما أعاني من مشاكل بهذه السيارة وخاصة الفرامل وهي غير جيدة أبدا وأنا أنصحكم بسيارة ماتيز
rohaf 14-07-2010 13:25
 شكر وإعجاب
ولك شو هالموقع الرائع أنا بحب اشكر من كل قلبي كل المشرفين على الموقع وفعلاً أروع موقع سيارات بالعالم وبتمنالكون كل التوفيق واشالله من أحسن لأحسن والله يوفقكون بس بدي أطلب طلب صغير إذا ممكن تنزلو بعض مقاطع الفيديو للهمر على الطرق الجبلية وشكراً جزيلاً
عاشق الهمر 13-07-2010 22:07
 فنات الغالية
شكر للمرة المائة بعد الألف ... فالفيديو أصبح أطول و اجمل ... أتمنى أن تطلعونا دائما على كل جديد يتعلق بسيدة الطرقات السورية
متابع فناتي-نضال 07-07-2010 22:04
 الأخ المحترم القيصر
تحية ود أخي القيصر , وبعد : تعقيب و تصديق لما جاء بتعليقك , بنظرة أكثر شمولية من صناعة السيارات فإن أي منتج أي كان ليس بالضرورة أن الارخص هو الأفضل او الاغلى ثمنا هو الأفضل بل على المستهلك لاي منتج كان أن يقرأ أولا بيانات هذا المنتج ليحدد اي منتج هو الافضل و هذا ما نسميه بالثقافة الشرائية و التي للاسف غائبة عن الكثير من المستهلكين السورين و بموضوع السيارات يجب توجيه تحية كبيرة الى فنات فمن خلال مقالاتها و تجاربها و مقارناتها للسيارات إنما تعزز الثقافة الشرائية للمستهلك فشكرا جزيلا لها
متابع فناتي-نضال 04-07-2010 22:39
 الجودة لها ثمنها..والافانتي علمها
فعدما اشتري مثلا افانتي اني اشتري الجودة والنوعية والسعر المدروس الذي لايوجد مثيله .. واني ارى ايضا ان سبب اعتقاد بعض الناس وتشكيكهم بالسيارات الكورية نابع من هذا المبدا ولكن لا يدركون انه هو عوامل كثيرة وراء هذا السعر المدروس ومن اهمه نظرة الشركة الثاقبة ورخص اجور الايدي العاملة دون اي نقص في الجودة او المواد المستخدمة.. .ولكن اني اعتقد ان ايام رخص السيارات الكورية سوف يذهب دون عودة ..حتى تحذو الصين بعد فترة وربما تعاد الكرة مرة اخرى ..تحية لك اخي نضال ونحن نتكلم وقائع وليس هذا الكلام من صنعنا!
القيصر 04-07-2010 03:33
 الجودة لها ثمنها..والافانتي علمها
طباع وتفكير خاطىء يوجد لدى اغلب زبائن السوق السورية ليس على صعيد السيارات فقط على جميع الصناعات .. فعندما يرى الزبون مثلا السيارة ذات سعر مرتفع فتراه فرحا بدفع مبلغ كبير وليس بالضرورة ان يمتلك الجودة بدفع المال الزائد ..وربما هذا العامل هو الذي يجعل التجار يرفعون اسعار بضائعهم لانهم ربما لو خفضوا اسعارها ترى الناس ينفرون منها بهذا التفكير الخاطىء..
القيصر 04-07-2010 03:28
 بانتظارك بفارغ الصبر
مو مصدق ايمت تنزل لحتى بدل سيارتي فيها وانشالله عن طريق فنات بس يارب ماتكون غالية وتطلع الميزانية بتكفي ومانقعد نتفرج عليها فرجة وبس
ram 04-07-2010 01:51
 درس جديد في صناعة السيارات 2
عامان فقط هما ما يفصلان بين درس المعلمة الأول عن درسها الثاني فعام 2010 هو الذي حظته هيونداي .. بثورتها أفانتي .. سيدان صغيرة ليس الجمال سلاحها الوحيد إنما هو واحد من اسلحتها الكثيرة ..أفانتي التي كسرت الحدود التي كانت تقيد سيارات السيدان الصغيرة و نقلت هذه الفئة الى ابعد مما كنا نتخيل .. افانتي التي فتحت للمستهلك آفاق لم يك يحلم بها يوما , هي بحق ثورة على الحدود و التقاليد و كل ما كان مألوف .. فقبلا كنا نقول (الجودة لها ثمنها) الآن سنقول (الجودة لها أفانتي)
متابع فناتي-نضال 03-07-2010 12:47
 كوري
و جايي مع روح و شخصية الهونداي الجديدة مع ذلك الياباني أحسن شو رأيكم شباب ؟
هاوي 02-07-2010 04:03
 الكوري
بالعادة بحب تصاميم الكيا أكتر و بحسا عالمية أكتر ما تكون آسيوية بس أقل شي فيني قولو عن الأفانتي الجديدة هي أنا سحرتني يالله عالأبداع
هاوي 02-07-2010 03:59
 الكوري
ليش الناس بخوفونا من الكوري هل ناقصو ثبات أو أمان أنا شايف أنو بيعطيك سيارات أحسن من السيارات الفرنسية مثلا و أحلا بأسعار أرخص بكتير
هاوي 02-07-2010 03:56
 درس جديد في صناعة السيارات
بعد الأسطورة "جينيسس " .. هيونداي (المعلمة) تعطي درس آخر للعالم بكيفية صناعة السيارات , سيفتخر عام 2008 الى آبد الدهر بانه شهد ولادة نجمة قد خطف بريقها نور كل الشموس و الأقمار (العمالقة) في عالم السيارات .. طفلة ملكية في عامها الثاني و في جيلها الأول حكمت من المهد .. و أخضعت عروش (عريقة) لم يك يظن أنها يمكن أن تخضع .. هي سيارة ليست بحاجة ابدا الى تعريف او دلالة حتى تعرف .. هي درس هيونداي الأول للعالم بكيفية مزيج الرفاهية مع الذكاء .. هي وبكل تاكيد و بكل فخر الأسطورة "جينيسس"
متابع فناتي-نضال 01-07-2010 23:19
 مدعبلة
ليش مدعبلة هيك والله لولا مو مكتوب عليها أفانتي كنت فكرتها فيرنا....
علوش 01-07-2010 22:29
 يا سلام
يا سلام يا سلام بالنسبة الي هي اول سيارة بشوفا وبحبا لهالدرجة بالبلد بس انشالله تكون بسعر مناسب وياريت نشوف المقصورة من الداخل لان لحد الن ما بينت غير بصورة وحدة او تنتين بس فعلا السيارة رائعة واحلى من السوناتا
بشار 01-07-2010 10:37
 AVANTE
لاتزال معالم الدهشة تخيم علينا عندما نرى هيونداي افانتي الجديدة..فضيفة جميع الشوارع السورية عبر شخصيتها الجديدة تفرض نفسها ان تكون المقيمة الدائمة للشوارع وليست الضيفة من العائلة المحترمة التي يوجد فيها جميع انواع الفئات! ..فهيونداي افانتي الجديدة مطلوب منها الكثير ..والكثير واول طلب ان لم تقدر ان تجلب زبائننا جدد"فرضا"ان تحافظ على الزبائن القدامى و الذين يصيحون كل يوم بكلمة شكرا للام العظيمة والشركة الاساس عبر نصحهم بشراء السيارة ومن ثم العائلة الكبيرة والمتشعبة التي صارت تمون على الشوراع السور
القيصر 01-07-2010 04:54
 AVANTE 2011
سيارة اكثر من رائعة وهي ستاتي لتلبي تماما السوق السورية وخصوصا على صعيد التصميم السباق والعصري ونحن ننتظر بفارغ الصبر لنراها على الطرق!...
القيصر 30-06-2010 20:49
 ملكة السيارات وسيدة المبيعات
و الله يا فنات .. أود توجيه الكثير الكثير من الشكر على هذا الفيديو الرائع و لكن تخذلني عباراتي فكلماتي اوسع من شفتي فبكل بساطة شكرا لكم و انتم دائما الافضل
متابع فناتي-نضال 30-06-2010 19:52
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.