بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

قوانين وأخبار محلية

الحكومة توافق على رفع سعر لتر البنزين وإلغاء الترسيم

21-09-2010

 

gas_pump_main.jpg

 

وافق مجلس الوزراء على مشروع رفع سعر البنزين بمقدار أربع ليرات سورية لكل لتر مباع، وذلك مقابل إلغاء جميع الرسوم والضرائب المفروضة عند تجديد الترخيص السنوي للمركبات العاملة على البنزين والدراجات الآلية.

وأقر مجلس الوزراء خلال اجتماعه اليوم على الاستمرار باستيفاء الرسوم المترتبة لصالح الجهات العامة على السيارات السياحية الخاصة ذات سعة محرك أكبر من 3000 سم3 وفق القوانين والأنظمة النافذة.

ولا يزال سعر لتر البنزين على حاله رغم امتناع بعض محطات الوقود على بيع البنزين في انتظار إقرار هذا المشروع ليصبح قانوناً نافذاً.

ويمكن لزوار الموقع الإطلاع على التعليمات التنفيذية للمشروع بالعودة إلى خبر ليلة القبض على السيارات الكبيرة.

 

خاص بموقع فنّات.كوم

كم نجمة تعطي لهذه المقالة؟
نتيجة التقييم:   عدد المشاركين بالتقييم: 18
عدد التعليقات: 24
 بدون
عاشت الحكومه ................... هي ليله القبض على كل المواطنين وليس السيارات الكبيره هم المواطنين عندهم سيارات كبيره
ياسر 11-10-2010 16:00
 جدجدجدي
احسن شي ياشباب الواحد يرجع على زمان جدجدجدي على الدواب هيك لافي ترسيم ولارفع بنزين
عبودة1 07-10-2010 23:36
 يصوتوووووو
طبعاً سيدي يصوتو ... و يوافقو ... ما حدا منون دافع حق بانزينو و كلون ما شالله مليارديرة مو فارقة معون كم ألف زيادة بالسنة .. بس ما يفكرة بباقي الناس ... و الله حرام الناس تعيش شوي رفاهية بأقل الخسائر ..
مبسوط 29-09-2010 15:49
 
يا جماعة أنا سمعت أنو بس الترسيم ألتغى يعني المبالغ للتأمين الألزامي وتجديد الميكانيك موجودة!!!!!!!.....ولي مصيبة أذا هيك بنكون أكلنا خازوق له أول مالو أخر..........
أيمن 23-09-2010 22:26
 رسوم السيارات
اعتقد أن رفع سعر البنزين ليس بحاجة لكل هذه الجلسات و المناورات , فكم من مرة تم رفعه فجأة دون سابق انذار . كذلك اعتقد ان رسوم التأمين و الطوابع و ما شابه ستكون مع الأيام عند ترسيم السيارة و كأننا ندفع الترسيم كاملا- يعني النتيجة غلاء بنزين دون خفض نسبة الترسيم السنوي, و ستلاحظون هذا لاحقا ......
مواطن 23-09-2010 21:08
 انا مبسوط من الخبر
انا مبسوط من الخبر : عندي سيارة بسوريا وانا اعيش في الخارج......................
sami 23-09-2010 17:38
 زمن الضرايب
يا جماعة الخير حدى يخبرنا شو بقي عليه مافي ارتفاع ع الأسعار جيوبنا فاضي و أحلامنا كبيرة ( العين بصيرة و الأيد قصيرة ) يعني لازم نطول ايدنا حتى نعيش ضرايب ضرايب ضرايب ضرايب و فوق كل هاد أسعار نار بتمنى اذا حدى بيعرف شو بقي عليه مافي ضريبة يخبرني و شكرا فنات عم نتنفس بالتعليقات
هربان من الضرايب 23-09-2010 11:45
 الترسيم وارتفاع البنزين
في حدا من الموجودين عرف شو انخصم من ترسيم السياره لان بحمص الناس ضايعه وعم تحلم
فراس 22-09-2010 18:01
 سؤال
بدنا نعرف شو هي الروسوم وشو بتشمل ضريبة الدخل او التامين او الطوابع او الفراغة يعني الرسوم (يعني الرسوم كل الي ذكرنا معفي )
ابو حمشو 22-09-2010 13:48
 سؤال وبدي جواب لو سمحتو
يلي اشترى سيارة من شهر شو بكون صار فيه راح عليه الترسيم يعني بتمنى حدا يجاوبني
ram 22-09-2010 11:19
 شوالفايدة
شو الفايدة إذا لهلق ما اشترينا مع إن القرار حلو بس المهم ما يرتفع فراغ السيارات الصغيرة أكتر من هيك
لطيفة 22-09-2010 10:05
 رحتي متل ما أجيتي
الله يعين هلي سيارتو من فوق 3000 هاد شو دخلو ؟؟؟؟
ahmadalkabbnai 22-09-2010 10:04
 ما شي الحال
هيك كأنو عما ندفع الترسيم بالتقسيط يعني لنفرض انا مصروف البنزين بالشهر 6000 بيفرق بعد رفع البنزين 600 ليرة يعني بيصير مصروفي بالشهر 6600 يعني بالسنة الزيادة بتكون 7200 ليرة ماشي الحال بس بتروح يلي عندو مشاوير وصرف بنزين كتير هيك بتفرق معو يلا خلصت من الترسيم هي السنة الحمد لله كنت أأكل هما
عايف حياتي من مصروف السيارة.....ز ؟؟؟؟؟ 22-09-2010 01:56
 الحلم اللذيذ
طبعا حكومتنا الموقرة بكل موظفيها لا تدفع ثمن بنزين سياراتها ولاتحس بوجع مواطنها المعتر ......الان تاكدت ان اقتناء سيارة اصبح حلم لذيذ صعب المنال لانهم رفعوا سعر السيارة والان البنزين
ايهاب 22-09-2010 01:31
 النوعية الافضل
والله ياجماعة ازا بيرفعوا اللتر 10 ليرات ما عندي مشكلة بس بوفرا بنزيت ممتاز 95 و98 ونحن الربحانين لانو الصرف بقل والعزم بيزيد اما على البنزين الحالي لازم يعطونا على كل لتر منعبيه 10 ليرات بدل اصلاح محركات من ورا الاعطال الي بتجي من هل البنزين السيئ
باسل 22-09-2010 00:00
 ملاحظة
الأجانب الأغبياء بيدفعو ضرائب رمزية بس في أساس بسيط للدفع كالتالي كل ما زادت انبعاثات غاز الكربون بزيد الدفع .. عدل و المنطق انو ما يدفعونا وزرائنا -الأجانب عنا- ولا ضريبة ولا جمرك عالسيارات الهجينة. و ملاحظة الأجانب الأغبياء بطورو كل سنة تقنيات للموتور بتقلل الأنبعاثات يعني السيارة الموديل 2011 و محركا 4000 بتلوث أقل من موديل 99 و محرك 4000 ولا صح نزكرت لبيئة مالا علاقة بكل الضرايب و كل الموضوع
آزر 21-09-2010 23:46
 زيادة الطين بلة
في موضوع حابب أطرحو و هو ليش التجار حولو كل استيرادن للأوتوماتيك و لغوا الغيار العادي بالوقت اللي الغيار العادي أقوى و أوفر لما بسأل بالوكالات قال بيضحكو عليي شو يا زلمة بدك زوم أو سيتي غيار عادي بقولولي انقرضو لك والله نحنا انقرضنا علا كلن هن بجيبو الشي اللي بيرغبلو المواطن و شعبنا درجت عندو موضة الأوتوماتيك . بس أكيد مو السبب هو كروشنا الكبيرة و حركتنا التقيلة متل الشعب الأميركي اللي كبر كرشو ما بيسمحلو يغير من التاني للتالت مو البانزين رخيص و نحن شعب غني .. حتى شهادات سواقتنا ما اشتريناها
آزر 21-09-2010 23:35
 وقعنا بالفخ!!!
صرلن اشهر عبفكروا بهدا القرار وعبيدرسوه بس للاسف نحنا قلبنا طيب كتير وبينضحك علينا بكلمتين!! يعني تعالوا نفكر شوي صرلن اشهر عبفكروا يرفعوا لتر البنزين 4 ليرات مقابل يلغوا الترسيم وهي اشارة غير مباشرة الى انه سعر البنزين صار صعب تحلم بحياتك يا مواطن انه يرجع ينخفض لانه نحنا عايشين خارج العالم الحقيقي وكانه مافي اسعار عالمية للنفط على اساسها بيتحدد سعر النزين !!
سلفستر 21-09-2010 23:24
 لا يزال حلم المواطن السوري ..حلم
عملت حساب بسيط كالتالي وسطيا بيمشي الواحد بسيارتو 30 ألف كيلومتر بالسنة و سيارتو بتمشي 200 بالتنكة النتيجة هي زيادة مصروف البانزين 12 ألف ليرة يعني ضعفين أكتر من الترسيم .و أقل حساب لو واحد بيمشي عشرين ألف بسيارة اقتصادية جدا بتعمل 300 فرح يزيد سعر البانزين 5300 ليرة يعني ما استفاد لمواطن شي ..
آزر 21-09-2010 23:18
 لا 4*4 بعد اليوم
يعني يلي عندو سيارة متورها اكتر من 3000 سي سي بدو يدفع ضريبة سنوية وبدو يدفع زيادة 4 ليرات للبانزين انا برأيي انو ما يصير في رفاهية ل يلي عندو سيارة عائلية شلون عندك سيارة عائلية والعالم ما عندها خبز لتاكل احسن الشي نرجع عالبسكليتات بس كمان البسكليتات ممنوعة بمركز المدينة خلاص بطلنا الطلعة من البيت
ياسين 21-09-2010 20:17
 فراغ السيارة الجديدة
يعني على هالحالة بنفهم انو ماعد في ترسيم سنوي للسيارة !! طيب وشو بالنسبة لفراغ السيارة الجديد ؟؟ رح يضل متل ما هو ؟!
وائل 21-09-2010 19:46
 يعني ليش مو (5 ) ل.س
جيد من الانتظار الطويل على كوى النقل. بس ليش دوامة 4ليرات بدل من5 ليرات
samer 21-09-2010 18:46
 تقسيط بفوائد 300%
يا شباب بوشكم عل كازيات فللو انا عندي سيارتين 70 لتر و55 لتر حلوين الفرق فيه قريب ال 400 ليرة يعني 10 مرات بفلل فيها الترسيم يلي التغى !!!! هي فكرة تقسيط مع فوائد 300% ويادوب يكفو 4 تشهر يعني رح ادفع الترسيم ضرب 3 (هي فكرة تقسيط مع فوائد 300%) انا وغيري ممكن اقل وغيري اكيد اكتر وهي المحرك عندي اقل من 3000cc الله يوقي ركيبت الفيرا كروز والشفر كابتيفا V6 والتيرين وغيرها من سيارات البلد يلي رح يدفعو الترسيم مرتين ووقفت اخر السنة موجودة ما لتغت من دفع تامين ورسوم فحص وبخاشيش شكرا فنات
The ThUnDeR 21-09-2010 17:44
 تعويض المرسم
طيب شو منشان اللي رسّم من فترة قريبة .... سيتم تعويض المرسمين أم لا؟؟؟
بشير 21-09-2010 17:35
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.