بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

قوانين وأخبار محلية

أنتم تسألون وفنّات تجيب حول إلغاء ترسيم السيارات

26-09-2010

 

 

 

 

بعيد نشر موقع فنّات لخبر عزم الحكومة على رفع سعر البنزين وإلغاء الترسيم، وردت إلى الموقع رسائلٌ عدةٌ تستفسر عن رسوم السيارة الملغاة، وعن مصير الذين سددوا الرسوم المترتبة عليهم لهذا العام و...

ومع بدء تطبيق القرار ورفع سعر لتر البنزين لأربع ليرات، وجد موقع فنّات أنه من حق زواره الحصول على إجاباتٍ عن أسئلتهم. رغم أن الموقع تناول كل هذه الأسئلة خلال المقالات التي واظب على نشرها منذ أن كشفت وزارة النقل عن عزمها إلغاء الرسم السنوي على السيارات، كما أجرى الموقع استطلاع رأيٍ أكدَّ تقارب رأي المؤيدين مع معارضي القرار:

ـ يشمل قرار إلغاء الترسيم كل المركبات العاملة على البنزين، بما فيها الدرجات النارية كما يلغى رسم البيئة.

ـ لم يلغِ القرار الجديد التأمين الإلزامي ولا الفحص الفني على السيارات.

ـ قامت شركات التأمين بطرح نموذجٍ إلكتروني للتأمين الإلزامي (بطاقات) تُمكن السائقين من سداد مبلغ التأمين.

ـ بقيت الرسوم ساريةً على السيارات ذات سعة محرك من 3 إلى 4 لتر، بمقدار خمسين ألف ليرة سنوياً، بما فيها رسم البيئة.

ـ بات على أصحاب السيارات التي زادت سعة محركاتها على أكثر من 4 لتر دفع رسوم بمقدار 150 ألف ليرةٍ سنوياً، بما فيها رسم البيئة.

ـ رغم إلغاء رسوم الدخل المقطوع وضريبة الرواتب والأجور على سيارات التاكسي، إلا أنه سيتوجب على أصحاب هذه السيارات دفع رسوم هذا العام فقط، لأن هذه الضرائب تُسدد عن السنة السابقة وليس القادمة.

ـ يتم تحصيل قيمة المخالفات المرورية عن طريق الإدارة العامة للمرور وفروعها في المحافظات، ويُوكل إلى المخاتير إبلاغ المخالفين بمراجعة مخافر الشرطة في مناطقهم لتسديد ما عليهم من مخالفات.

ـ يتم فحص السيارة فنياً كل عامين عبر مراكز فحصٍ خاصة.

ـ لا يتم تعويض من دفعوا الرسم السنوي قبل إصدار قرار إلغاء الرسوم، وكانت فنّات بينت ذلك سابقاً.

بقي أن نشير إلى الزيادة المالية التي ستحصل عليها خزانة الدولة جراء رفع سعر البنزين عبر الدراجات النارية غير المرخصة، وعبر سيارات المغتربين والزوار العرب والأجانب، وأخيراً عبر سيارات منحت لبعض شرائح الموظفين المتقاعدين كانت أعفيت من تسديد الرسم السنوي!.

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 18
عدد التعليقات: 19
 الله يجيرنا من الاعظم
يا شباب طولو بالكن يا خوفي بكرا يطلعلو شي قرار ندفع فيه الرسم من اول وجديد بس بغير صيغة و غير طريقة ؟ وهيك بيكونوا رفعوا البنزيين وهنن ضاربينا منية بالغاء الرسم ورجعوا حصلو الرسم يعني بالمختصر من هي الايد لهي الايد سلام على الحلم
الخالم الولهان 11-10-2010 22:40
 كتير الغلبة
ياجماعة الخير طولو بالكم أنا بعرف واحد كتير غلبة ومحرقص ترسيم سيارته بأول الشهر العاشر راح رسم سيارتو قبل شهر من الموعد يعني بأول التاسع وهلق عم يولول وراحوا الغوالي يايما
الزعيم 01-10-2010 00:59
 تخورفنا
انا رسمت سيارتي قبل القرار بعشرة ايام وجدد ترخيص السيارة الخاصة من الشهر التاسع 2010للشهرالتاسع2011ورح عبي بنزين مع ترسيم تاني طول السنة يعني دفعوني مرتين تخورفنا و ما حدا سما علينا
جلال 30-09-2010 00:23
 وين التسهيل بالموضوع
إذا بقيت السيكورتا .. يعني بقي نص الرسوم ... و اللي دفع الرسوم راحت عليه .. لأنو هيك الأمور ماشية ما حدا فاضي يوجع راسو و يرجع للحسابات و وجع الراس و لما بدك تناقش حدا يقلك لا تناقش هيك القانون ....
يا رب 29-09-2010 15:43
 ايجابي و سلبي
بالنسبة للناس اللي بدها تشوف حالها بالسيارات الكورية الكبيرة ( السونات و السانتافيه ) و حتى بعض البطرانين ب ( الاكس فايف ) و غيرها برايي لازم يدفعوا اكتر من هيك حتى يعني بالفعل لازم يدفعو حق البطر
محمد 27-09-2010 22:43
 مشيّها عالغاز... بتمشي!!!
الآن جاء دور السيارات العاملة على الغاز أو القادرة لأن تتحول للعمل على الغاز، وفي مقدمتها سيارة شام "هلأ بيّن الملعوب... عالمزبوط"،فلو تمكن أحدكم من تحويل السيارة للعمل على الغاز بشكل آمن فسيكون هو الرابح الأكبر، ومن لديه سيارة معدّة للعمل على الغاز كسيارة شام فليقم باتخاذ هذه الخطوة ولكن بشكل آمن ومدروس "يعني مو يحطّلوّ شي اسطوانتين غاز بالطبّون ويمشّي الحال!!!، الشغلة مو لعبة بنوب"، والزيادة التي ستدفعونها "اعتبروها مرابحة أو فائدة لصالح الدولة مقابل تقسيط الرسم السنوي... شو ما بيطلعلها؟!!!".
وائل زين العابدين 27-09-2010 22:07
 اتكبنا وماحدا سما علينا
يعني القصة مو قصة إلغاء رسم وزيارة سعر البنزين رح تزيد كل المواد الغذائية وغير الغذائية لأن الموزع سيارته عل بنزين ول بنزين ارتفع يعني ارتفع كل شي يعني لح ننبسط كتتتير
محمد 27-09-2010 14:36
 سيارات البيك أب
السيد محمد والسادة الكرام: بالنسبة إلى سيارات البيك أب العاملة على البنزين يعتبر حكمها بحكم السيارات السياحية العاملة على البنزين وتعامل نفس المعاملة.
fannat.com 27-09-2010 12:58
 لا تفرحوا كثيرا
الأكيد أن من أيد المشروع من المواطنين كانوا من سائقي سيارات التكسي أما سائقي السيارات الخاصة فهم سيتكلفوا مزيد من الأعباء المالية من هذا المشروع , وأقول لسائقي التاكسي و العمومي نظرا لمعرفتنا بحكومتنا (لا تفرحوا كثيرا فلن تترككم الحكومة تنعمون طويلا فأكيد سيصدر قرار جديد ليفرض ضريبة جديدة على سيارات التكسي من حيث لا تحتسبون )
متابع فناتي-نضال 27-09-2010 10:27
 تكملة
يعني القرار مو سيئ بالعكس خدم الطبقة المتوسطة واما بالنسبة للمتوسطة يللي بدا ترفع حالا لفوق ف يا اما تستحمل هه يا اما ترجع وبحكم طبيعتنا نحنا شعب منحب النقد والتشكي بطعمة وبلا طعمة حتى لو نزل اي قرار بيخدمنا كتييير رح ننقدو ونقول خربوا بيتنا وانا برايي هاد غلط وما بيصير القرار كان حلو ومفيد ومتل ما قلت بيصير الواحد بيتحكم بالصرف السنوي بدل ما يكون اجباري(بالترسيم يعني)
مجد 27-09-2010 03:31
 هاد القرار ممتاز
خلي يلي بدو يركب ويتفخفخ يدفع بينزبن ورسوم للسيارت الجيب يللي بلشت العالم تتمنفخ فيا متل الفيراكروز وغيرا واما للي كان تحت 3000 س س فهو مشي حالو ارتاح من الترسيم ولو على حساب البنزين يعني مو معقول الواحد يصرف اكتر من 250 لتر بنزين بكل شهر واذا احسبناها بيطلع الفرق 1000 ليرة بالشهر زيادة يعني بالسنة 12000 ليرة وكان ترسيم اقل سيارة حوالي 12000 يعني موفاية مع الأغلبية بس بتصفي انو اذا امشينا او لأ اذا اسرعنا أو لأ اذا فتلنا مشاوير بلا طعمة او لأ يتبع
مجد 27-09-2010 03:22
 كلااااام سليم
و الله يا أخ محمد كلامك صحيح .. يعني نحنا مو شاطرين غير بنقد القرارات الجديدة و حتى قبل ما نعرف اذا منيحة او لا !! يعني اذا رحتو دفعتو رسم 15000 ليرة مو رضيانين .. و اذا صرتو تدفعوها مقسطه و أوفر ليللي ما بيمشي كتير كمان مو مبسوطين !!!!!!!!!!! اي احترنا يا عوره من وين بدنا نبوسك ؟؟؟؟؟؟ 
GOLF RIDER 27-09-2010 02:53
 تعقيب عل تعليق سابق
الى جميع الاخوة المتفائلين من مثل هالقرار احسب الزيادة التي ستجنيها الخزينة وبالمقابل سحب السيولة المالية من ايدي المواطنين اي(سياسة افقار المواطن واثراء الخزينة والتاجر فقط قرارسحب الموتور المهرب من السوق فتش من المستفيد تجد ان التاجر اولا و اخيرا الخزينةولو ان القرار حاول تسجيل الموتور المهرب كان ربح الخزينة ياتي اولا ثم التاجر وابقى السيولة النقدية بايدي المواطن كدعم للاقتصاد اسف صديقي بجانبي يقول انت عم تكتب محاضرة المجال لايسمح هنا لهيك مداخلة
mhdy 26-09-2010 20:21
 
ياريت ياشباب حدا يقلنا قديش مبلغ التأمين الالزامي...
علي 26-09-2010 19:02
 4720ل.س
بسم الله الرحمن الرحيم دعونا نحسب هذا القانون بالأرقام لتتوضح الأمور إذا فرضنا السيارة عندنا تسير سنويا 16000كم وسطيا فإذا قسمنا هذا الرقم على الإستهلاك الوسطي 270لتر في التنكة هذا يساوي 59 تنكة و الزيادة هي 80 في كل تنكة نضرب 59*80 هذا يعني 4720ل.س هذا يعني أقل من الترسيم ؟؟؟
4*4 26-09-2010 18:50
 قرار غير عادل إذا لم يتم إلغاء مايسمى برسم الرفاهي
لتكن الرفاهيه مرتبطه بكمية البنزين المستهلك ، وليست بشكل جائر ومقطوع ، هناك العديد من مالكي السيارات يتركون سياراتهم أمام المنزل ويستخدمون المواصلات العامه لإسباب كثيرهمنها زحمة السير الخانقه، وعدم وجود مواقف ،ففي حال قرر المالك (ترفيه نفسه)!!! بأستخدام سياراته عندها يدفع الرفاهيه الزايده من قيمة البنزين المصروف، وعليه يجب أن يتم إلغاء رسم الرفاهيه عند الترسيم وإضافته بقيمةليره سوريه واحده لكل ليتر.فتصبح التنكه ب900 ليره ، وتصبحون على خير
صديق فنات دوت كوم الأول 26-09-2010 18:25
 
أنا برأي القرار عادل فيجب ان لاننظر بمنظار أسود ونحسبها على أنفسنا فقط افترض أنك تملك سيارة عامة أو بيك اب عامة أو زراعية فان كنت لاتعمل على تلك السيارة فأنت غير مضطر لدفع الرسم وان كنت تعمل عليها فحسب السير والمصروف تدفع الرسم .....وسابقا ان عملت أو لم تعمل ستدفع أو عملت على السيارة وردية واحدة مثلك مثل الذي تعمل 24 ساعة أما الخاصة قد ندفع رسم أعلى ولكن سترتاح من معاملة النرسيم ولا تضطر الى معقب المعاملة الذي يشلف 3000 ل س هذا ان تحسنت طريقة التعامل في المرور
محمد 26-09-2010 16:23
 تبديل اسم مع زيادة
انا حسب ظني انه الغاء الرسم السنوي هو تبديل اسماء فقط لانه فكرة الغاء رسم في كل العالم هو بطريقة او باخرى خسارة للخزينة لكن الملاحظ ان اي قرار على اساس الغاء ضريبة مجحفة بحق المواطن المترف اصلا لحدكبير بشتى انواع الضرائب هو ارهاق اليات المواطن بضريبة جديدة تضيف اعباء جديدة عليه (الرجاء-لا تقولون لي ان التموين مراقب السوق ومافي زيادة في اسعار السلع ومافي علاقة بين البنزين و اسعار السوق) لان الدورة النقدية حتى تتكامل سوف ييصاحب التاكسي العامة و الخاصة اصحاب الفاعليات سوف يغطون زيادة مصروفهم بتحميل
mhdy 26-09-2010 14:09
 صابت
قال ضربة المعلم بألف لو شلفا شلف وهي الضربة صابة لكن ياعمي بيعرفو شو عم يشتغلو!!!!!!!!!!! ووداعا لكل ليرة زيادة بجيبتي ووداعا للرسم الي اندفع من اسبوع
ram 26-09-2010 13:29
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.