بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

جديد عالم السيارات

ظهور الصور الرسمية الأولى لهيونداي آزيرا الجديدة كلياً

20-11-2010

 

تبسط السيارات الكورية سيطرتها بشكل كبير على سوق السيارات السورية لعدة عوامل تجعلها في منأى عن المنافسة، أهمها الحداثة وجودة الصناعة والاعتمادية العالية والسعر المناسب، وتقف أيضاً من وراء السيارات الكورية شركات لا تكل ولا تمل من العمل على التحديث والتطوير، وتغير طرازاتها بسرعة تفوق جميع الشركات العالمية.

ومن هنا لا بد لنا في فنّات من مواكبة أحداث الشركات الكورية وجديدها كونها تهم الشريحة العظمى من متتبعي أخبار السيارات في بلدنا، وبعد أن نشرنا أكثر من خبر عن آزيرا في جيلها الجديد، نشرت هيونداي الرسوم الرسمية للجيل الخامس والجديد من آزيرا التي ستخلف الجيل الرابع الذي أبصر النور في العام 2005 ونجح في تحقيق نجاح طيب في فئته في سورية.

 

h.jpg

15259169761264267298.jpg

1563018163711737177.jpg

 

وآزيرا أو غراندور كما تُعرف في بعض الأسواق العالمية، جاءت بتصميم من روح هيونداي الجديدة والناجحة والمعروفة باسم "fluidic sculpture" والتي شهدناها مع جميع سيارات هيونداي الجديدة، ولكن بشخصية أكثر رجولية من أشقائها وأقرب إلى سوناتا، مع شبك تهوية أمامي كبير وكرومي وأضواء LED في الأمام والخلف متصلة مع بعضها في الأخيرة، وخطوط فريدة وتموجات جميلة ورائعة عند قبضة الأبواب الخلفية.

ولم تفصح بعد هيونداي عن أي معلومات تقنية، وحسب المتوقع بدرجة كبيرة ستكون آزيرا عبارة عن الوجه الآخر لكيا كادينزا ولكن من هيونداي.

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 20
عدد التعليقات: 32
  الآزيرا 2700 cc
اقتراح : أفنتي محركها 1.6 سوناتا محركين 2.0 وآخر 2.4 فلماذا لا تكون الآزيرا الجديدة محركها 2.7 ومن 6 سلندر فقط
mouyasser 15-01-2011 03:20
 إلى السيد إياد المحترم
خالص تحيتي إلك انت قلت انو المازدا صارة مهرهرة أكيد أنت شفت سيارة صاحبها فوضوي لحتى صارت سيارته مهرهرة صديقي يملكها والصلاة عالنبي متل الغزالة وبحب قلك أنو مازدا 323 موديل 1992 من فئة الكيا ريو نفس حجمها يا أخي انت بتعرف أكيد شو يعني سيارة يابانية بس بدي قلك الكوري نفخ عالفاضي والله قلت قبل مرة أنو معقول سيارة موديل 2011 وبلا APS يعني ما بتدخل عالمخ ومين عأساس الكوري يلي طابل الدني شوف عفنات كيا ريو وفيرنا 2011 وردلي خبر وسبب نجاح الكوري هو السعر المنافس والشكل الحلو فقط أما النوعية والجودة كبها
ملك الياباني 11-01-2011 23:11
 إلى السيد ملك الياباني
يا سيد ملك الياباني ليش بتقدر اتقارن الياباني الجديد مع الياباني القديم المازدا ال3 الي ما صرلها 5 سنين طلاع فيها وشوفها شلون مهرهره اتهرهر وبدها تغير دوزان كامل تقريبا كل 70000 الف كم وهي اسمها مازدا 3 وبعدين في حدا بقارن بين مازدا 323 وكيا ريو الله يسامحك كل وحده بفئه
إياد 08-01-2011 03:08
 يتبع
بعدين شغلة تانية الازيرا بالذات لها شخصيتها المستقلة تماما و مو مقلدة اي سيارة ...
jack 08-01-2011 03:05
 ازيرا الجميلة
ياجماعة راح احكي تجربتي و الي ما بدي يصدق براحتو .... اشتريت الازيرا بال 2006 و صارت ماشية 75000 و صدقوني لسا و كاني بشحما مع انو اندعكت معي منيح و بسرعات عالية و الثبات و القوة ما تحكو فييا , هلا يمكن ما بتوصل لثبات الالماني بس فارق السعر كمان بيحكي و شغلة تانية فييا نظام ال esp كتير متطوور و فعال و صوت الموتور لساتو ناعم بقا حاجتكون يا جماعة .....
jack 08-01-2011 02:57
 انتباه للجميع
لكل يلي عم يدافع عن الكوري بس حدا يخرسني ويقلي شو اخترع الكوري شي جديد بعالم السيارات بس شي شغلة وحد مارح تلاقو كله سرقة وعأساس شركة ههههههههه والله مسخرة نزلت عالبارد المستريح صممت وسرقت ونزلت واتضحكت عالمساكين متلكن أنا مستعد ضل عشرين سنة وأنا عم جمع مصاري لحتا اشتري سيارة يابانية أو اوروبية او امريكية وحدة ولو كانت مستعملة ولا إشتري سيارة كورية مطرطقة و وبتخوف ولو كانت جديدة لإني بخاف على حياتي وماني متهور
ملك الياباني 03-01-2011 13:28
 مسخرة يا دكتور الكوري نضال
كان عنا مازدا 323 موديل 1992 شغالة وكأنها جديدة وكاملة فتحة سقف أصلية ومحرك 1600 س س وكلها كهرباء وبتجنن وهي عمرها 19 سنة بدي شوف الكيا ريو بعد 19 سنة شو رح يكون وضعها وانا بقلكن وضعها مبهدل أعطال على أبو جنب ومصروف كبير بالبنزين وعزم صفر واندفاع معدوم وكأنها عمره شي مليون سنة يضرب الكوري شو مبهدل كيا ريو لل 2009 حتى صار فيها فتحة سقف والفيرنا لسا مطولين لحتا يسرقوا هالإختراع
ملك الياباني 03-01-2011 13:23
 حاج مسخرة
شو هالمسخرة لسا شايفين السيارة ومو مصدقين بس بدي حدا يقلي شو بتفرق عن سوناتا غير بالواجهة الخلفية من قدام نفسها ماغيروها بعدين لاتنسوا أنها كوري يعني بلاستيك عليه شوية دهان ونحنا لاحقين الكوري يلي لحد الآن <وبتحدا حدا يواجهني > لحد الآن ما اخترع الكوري شي من عنده إجا وبكل بساطة وعالبارد المستريح سرق من هون ومن هون وما اخترع شي بينذكر وعمل كم سيارة اتضحك فيها عالشعب السوري بقمة القرف فيرنا و أفانتي لكن معقول فيرنا وريو موديل 2011 ومافيهن APS ومافيهن غير بالون واحد ههههه وين الكوري قبل التسعينيات
ملك الياباني 03-01-2011 13:11
 لازم نعترف
أنه سيارات كيا أولا و هيونداي ثانيا قد طرأ عليهما تحسن ملحوظ في التصميم الخارجي. ولكن أتمنى أن يكون التحسن الخارجي مقرون بتحسن بالمكونات الداخلية للسيارة و المكونات الميكانيكيةأيضا وهذا هو صلب الموضوع السيارات الكورية تعاني بشكل عام من الأداء مع تقدم العمر و هذا هو المأخذ الوحيد عليها برأي و بعد استخدامي لسيارة كورية عريقة (دايو لاسيتي) شعرت بذلك بشكل كبير. علينا الانتظار لمعرفة المزيد عن الجديد الحاصل في هيونداي و كيا.
3la2 25-12-2010 17:44
 شغلة يا هيونداي
مابعرف ليش هيونداي مصرة تطلق رصاصة الرحمة على منافسينها !! شوي شوي عليهم حراااااااام خليهون يعيشو
مازن 16-12-2010 22:07
 اشبو الكوري خاي
احبتي القراء تقليد مو تقليد نسخ المهم الحداثة مع التقنيات الرائعة مع الرفاهية والشكل الجذاب والجودة المعقولة واللي بدو المرسيدس اللي قلدتها السوناتا خليه يشتيها شوف كم سعرها اللي معو مصاري يشتري اغلى سيارة في العالم واللي من طبقة متوسطة براي الكوري وبس مع احترامي للاماني والياباني اما الامريكي فانا مقاطعه لان كل الشركات يهودية وتذهب اموال السيارة لليهود
حلبي عتيق 11-12-2010 18:18
 
صايرة ركة الهيونداي متل شركات السيارات الفاشلة بالصين يلي عم تقلد موديلات غيرها من السيارات يعني صنا نشوف سيارة متل الكورولا بس هية جيلي و ما شابه و هيونداي بهالمويل هاد و يلينزل قبلو موديل السوناتا الجديد نفخ عالفاضي و شكل مقلد يلي هوة بيشبه سيارة المرسيدس c 350 يلي نشهرت بسيارة راغب علامة .....دايما الاوربيين سايقين غيرون بسنين و اما بالنسبة لمعاير الامان فالشباب ما قصرو و حكوا كلشي ... عنجد الكوري فاشل و الياباني او الالماني لو كان قديم بضل احسن منو بكتير و هالحكي عن تجربة مو من الهوااا
فاقسة 07-12-2010 23:16
 ازيرا
اخي هيونداي هؤلاء لا يستحقون الرد عليهم اللي ما يطول العنب حامض عنه يقول
ياسر 04-12-2010 14:52
 ميت صرماية
السيارة يلي عمتقول عنها مكرسحة قد كرسحت منافساتها فغذا كانت سوناتا الفائزة بكل المقارنات مكرسحة !!! شو ممكن نحكي عن السيارات الخاسرة امام سوناتا ؟؟؟؟؟ مفلوجه , مبعوجه ههههههههههه
Hyundai 04-12-2010 01:24
 الى أحمد
غريب حديثك عن هيونداي لا تحقق السلامة سوى بالولايات المتحدة !!!!!!!! كأنك غير مطلع على مقالة اختبارات التصادم الجديدة التي حققت فيها سيارات من كيا العلامة الكاملة و المعروف ان كيا جزء من هيونداي و كمان حديثك غريب عن فيرنا و افانتي !!!!!! ليش شو مشكة الفيرنا و الافانتي ؟ هم اجمل سيارات و افضلها
Hyundai 04-12-2010 01:20
 بدون عنوان
عهجبتني فكرة رابع الكبار .. هيونداي بمركز متقدم على السيارات الروسية والصينية والإيرانية وبس وهي بمركز متأخر جداً عن الألماني والفرنسي والإيطالي والياباني والأمريكي ولا تشبه بأي سيارة في العالم
ماهر 23-11-2010 23:56
 
تفو قديه بشعة... يعني شو فرقت عن اختا المكرسحة المعاقة سوناتا..حجم علفاضي ..يعني الاوبتيما بتلئا بميت صرماية واعذروني عالتعبير
عابر مقال 23-11-2010 23:51
 كلام الاخ احمد مظبوط
والدليل لما بتقرا مواصفات سوناتا يللي جربتها فنات رح تلاحظ وجود كيسين هوائيين فقط وطبعا حضرتك بتعرف انها لما اخدت خمس نجوم بتقييم السلامة مع BMW كانت الفئة الخامسة مجهزة ب 8 اكياس عالاقل وانا حاليا استطيع ان اقول بان هيونداي التي تباع بامريكا تختلف تماما عن هيونداي المباعة في سوريا سواء من حيث الجودة والسلامة
Overdrive 22-11-2010 12:31
 هيونداي يا سيد نضال
هلق موديلات الهيونداي جميلة , و ميزاتها و أسعارها جيدة نسبياً. بس بالنسبة للأمان, سيد نضال هالإحصائيات و الجوائز كلها محصودة بالولايات المتحدة يلي عندها معايير محددة للأمان و ما ممكن تتنازل عنها أبدا, و هيونداي عمتحقق هي المعايير. بس بنفس الوقت تجار بلدنا عندهن معايير معينة للأمان بتتنافا مع أبسط المعايير الدولية و المشكلة بهيونداي و هادا موضوع حديثي أنو عمتتنازل و تلبي هي المعايير بغرض البيع فقط. برأيي انو لو كانت هيونداي بنفس الحجم يلي حكيت عنو ما كانت قبلت تصنع الفيرنا و الافنتي يلي ببلدنا.
أحمد 22-11-2010 10:29
 شو هل حكي
لا تضحكوني منشان الله ال الهيونداي امنة حبيبي الهيونداي صاجها بلاستيك زبالة متحركة وانا املك افانتي
سوسو 21-11-2010 18:26
 الى نضال
والله لم أجد في أي موقع عربي يخص السيارات أجمل وأرقى من تعليقات السيد نضال (معلومات كافية وموثقة ببراهين علمية تفيد القارئ)بغض النظر عن تعصبه لشركة هيونداي . شكرا سيد نضال أتمنى بصدق أن أتعرف عليك بشكل شخصي ووفقك الله في خدمة الوقع و القراء
فراس 21-11-2010 10:18
 الأولى فنات
لن ننسى شكر فنات الرائعة التي تلاحق اخبار السيارات الكورية و تلبي رغبة عشاقها في متابعة تطور العملاقة هيونداي .. فشكرا جزيلا فنات
متابع فناتي-نضال 20-11-2010 21:46
 ازيرا الجديدة 3
مع إضافة طابع الفخامة على التصميم الذي يناسب حجم و فئة السيارة و ايضا أذواق زبائن هذه الفئة , ان تصاميم سيارات هيونداي الجديدة تذكرني جدا بتصاميم مرسيدس و BMW و لاند روفر فهذه الشركات تضع تصاميم متشابهة محافظة على شخصيتها المميزة و لكنها تبهرنا مع كل سيارة جديدة تطلقها بإبداع التصميم , و هيونداي تنضم و بجدارة الى هذه الشركات لتكون رابع الكبار بعد مرسيدس و BMW ,و رانج , أخيرا .. ليس هذا افضل أداء لدى هيونداي إنما ننتظر المزيد منها وكما قال احدهم, الغيمة بحاجة لبعض الوقت لتتشكل و تهطل مطراً
متابع فناتي-نضال 20-11-2010 21:44
 ازيرا الجديدة 2
و من محاسن عدم التقيد بشخصية موحدة هو انتاج تصاميم مختلفة تماما بين انتاج الشركة مما يترك لدينا مساحة من التساؤل و الإنتظار لمعرفة شكل السيارة الجديدة وهذا ما يحدث عند الصانع الياباني الذي قليلا ما يلتزم بتصاميم متشابهة , و لكن للحقيقة قد سرتني جدا صور الأزيرا الجديدة حين رأيتها .. و تبددت مشاعر الشك بجمال التصميم , فقد إستطاعت هيونداي و ببراعة تصميم سيارة كبيرة بملامح أشقائها و ربما إقتربت بعض الشيئ من سوناتا و سنتيال أكثر من الباقين مع المحافظة على جمال التصميم و تناسق خطوطه
متابع فناتي-نضال 20-11-2010 21:24
 ازيرا الجديدة
عندما نشرت فنات الصور الاولى للآزيرا الجديدة .. إنتابني شك بجمال تصميم السيارة الجديدة , فهيونداي التي بدأت حديثا بإتخاذ شخصية جديدة لسياراتها على غرار السيارات الأوربية و باتت تقدم سيارات تحمل ختم شخصية هيونداي التي لا يمكن إخطائها , فلا بد ان تكون ازيرا الجديدة تحمل نفس ملامح أشقائها الذين سبقوها الى الإنتاج كتوسان و سوناتا و غيرهم , و برأيي من سيئات التقيد بالشخصية الموحدة هو انتاج تصاميم متشابهة تدعو الى الملل كما يحدث لدى اودي و فولكس فاكن
متابع فناتي-نضال 20-11-2010 21:12
 هيونداي الاسطورة 2
ولم يسبقها في قائمة الجودة سوى بورش و كاديلاك و لكزس وكلها شركات تنتج سيارات مترفة , اما السلامة و الامان فسجل هيونداي الناصع لدى الهيئة الاميركية و الاوربية للسلامة يشهد لها , و اختيار سيارتين من هيونداي في عامين متتالين كأفضل سيارة أمانا في اميركا الشمالية (جينيسس و سوناتا) هو شرف قلما تناله شركة سيارات و هو إثبات لا يقبل الشك على ماهية سيارات هيونداي , أنتظر ابداع أكثر من هيونداي
متابع فناتي-نضال 20-11-2010 20:53
 هيونداي الاسطورة
بلا أدنى شك السيارات الكورية و خصوصا كيا و مالكتها هيونداي لا يمكن منافستها في السوق السورية بل ان مجرد التفكير بالمنافسة هو من ضرب الخيال , و لو كان لي تغير اسم هيونداي و كيا .. لاسميتهم (أصدقاء الزبائن) فهم يقدمون للمستهلك سيارات الأجمل من ناحية التصميم و الارخص من ناحية السعر و سعر قطع الغيار أما التفوق بالتادية وجدارة المحركات فالطرقات السورية تشهد بذلك كما ارقام بيانات التادية في سيارات كيا و هيونداي , اما الجودة فحدث ولا حرج فهيونداي رابعا على العالم حسب جي دي بور
متابع فناتي-نضال 20-11-2010 20:47
 مممممممممممم
ان شاء الله تصير دفع خلفي
ابو زاهر 20-11-2010 20:20
 عاشق الألماني
موديلات و جودة و أسعار قمة المسخرة
أبو ضياء 20-11-2010 18:21
 
أظن أنها ستكون رائعة.
marios 20-11-2010 18:13
 
فعلا الهيوندي بلا شخصية
ابو علي 20-11-2010 16:53
 
تهم شريحة كبيرة ولا تهم جيبة الوكالة رقم 2 ؟؟؟
.. 20-11-2010 13:00
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.