بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

مواضيع للحوار

معاملة الدراجات الكهربائية على الطريقة الدمشقية أم الحمصية؟

13-01-2011

 

دراجة-كهربائية

 

"قريباً سيصبح من النادر رؤية بروشور إعلاني لدراجة كهربائية"

 

بعد طول انتظارٍ وأخذٍ وردٍ أصدرتْ محافظة دمشق قرارها بمنع الدراجات الكهربائية من السير في شوارع وأزقة العاصمة، حفاظاً على السلامة كما جاء في قرار المحافظة.

وأمهلتْ المحافظة أصحاب الدراجات النارية شهراً حتى الشروع بتنفيذ القرار، والإجراء المُتبع عادةً في هذه الحالات بعد انتهاء المهلة مصادرة الدراجات المخالفة دون التعويض، سيما أن الدراجات الكهربائية غير مُرخصةٍ وليس لها سجلٌ في وزارة النقل.

وكان محافظ دمشق الدكتور بشر الصبان أعلن منذ مدةٍ عن نيته إصدار تعميمٍ خلال أيامٍ بمنع الدراجات الكهربائية داخل الحدود الإدارية للعاصمة، فجاء القرار ليصدق قول المحافظ فعله.

ويرى المؤيدون للقرار أنه يقطع دابر هذه الدراجات التي تسببتْ بحوادث عديدةٍ نتيجة عدم وجود الصوت، كما أن صغر حجم الدراجة يتيح لراكبها التسلل بين صفوف السيارات وفي قلب الشوارع المزدحمة. أما المعارضون فيرون في القرار إضراراً بالآلاف الذين اقتنوا هذه الدراجة وتكبدوا ثمنها، وقطعاً بأرزاق الصانعين الذين أسسوا ورشاً ومعامل صغيرةً لتجميعها.

ربما كان الأجدى بمحافظة دمشق الترخيص لهذه الدراجات كما فعلت شقيقتها محافظة حمص، أو تخصيص مساراتٍ و طرقٍ معينةٍ لسير الدراجات الكهربائية التي أصبحت توجهاً عالمياً، فها هي بيجو الفرنسية تطرح ثلاثة طرازاتٍ مختلفةٍ بسعرٍ يصل إلى 100 ألف ليرةٍ سوريةٍ تقريباً.

ويرغب موقع فنّات أن يطرح على زواره موضوع الحوار الجديد، حول كيفية التعامل مع الدراجات الكهربائية أي الطريقتين ستؤيدون الطريقة الدمشقية أم الحمصية؟!.

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 6
عدد التعليقات: 16
 بدون صوت
يعني المساوء تبعهاأنها بدون صوت واذا بعملو لها صوت بتصير مقبوله انامع المنع
عبودة1 18-03-2011 03:50
 ؟؟؟؟؟؟؟
مافي خلاص عوجة ؟؟؟؟؟؟؟؟؟؟!!!!!!!!!
ابو احمد 21-01-2011 20:00
 شو مشان المعاق
يعني الواحد بيحط على حالو ديون مشان يوفر كم ليرة من اجار السير ليدفعهن بشي بلوة تانية ومع هالشي ما بيخلص من قرار السيد فلان فشلون هالواحد اذا كان معاق يا ريت حدا يجاوبني
احمد 20-01-2011 15:45
 
يعني بالاخير شو بدنا نركب الموتور صادرتوا البسكليت كانوا جايبينوا من بيت ابونا وبدكم تصادروا انتوا تدخلوا عالبلد وتبيعونيا وترجعوا تاخذوا بالاخير شو نركب رجلينا
RAED_4444@HOTMAIL.COM 18-01-2011 18:52
 مابتعرفو انو هي لعبة
الله وكيلن انو هي لعبة شلون يعني لعبة؟ يعني شي واحد كان عندو شي كذا الف دراجة وهادا الواحد بعرفلو شي مسؤول وبالتنسيق بين هالاتنين سمحوا ببيع هالدراجات لحتى نفقوهن ،وبعدين طلعوا بهالقرار . يعني مابيعرفوا انو من الاساس انو هلدراجات ممنوعة بالبلد.
ferrari 18-01-2011 10:55
 المحافظ دمشق لديه سيارات
من اين ابدا فلمحافظ لايسوق سيارته بل لديه سائقين كثر فعجبا له ان يمنع الدراجات الكهربائية فالدرجات النارية قالو عنها انها صوتها مزعج وحدود السرعة فيها مميته بعكس مما في الدراجة الكهربائية تماما وانها صديفة البيئة
طه 17-01-2011 22:16
  السـماح
الدراجات الكهربائية أفضل بكثير من أي دراجة للأسباب التالية: الأداء ، القدرة ، السرعة ، الجودة ، البيئة ، السـعر أما عيوبها فهي : صمتها المطلق ، الاضاءة الشبه معدومة . أنا مع بقاء الدراجات الكهربائية ووضع رسوم سنوية ولوحة تحمل رقم وصفة ووجود دفتر ملكية صادر من ادارة المرور يجدد سنويا
mouyasser 15-01-2011 03:12
 انا مع منعها
اذا أردنا ذكر ايجابيات و سلبيات الدراجات فهي كالآتي (الايجابيات) 1- توفر التنقل لمن لا يستطيعون شراء سيارة أو لا يريدون شرائها , أرى أنها الناحية الايجابية الوحيدة , و لن ننسى أن من لا يستطيعون شراء سيارة يمكنهم التنقل بباصات النقل العام المتوفرة بكثره ,أما السلبيات فحدث ولا حرج 1- تتسبب بحوادث للمشاه لعدم توقع سرعتها 2- تسبب حوادث للسيارات لعدم صدور صوت لها 3- تزيد من زحمة المدينة 4- تنشر فوضى في الشوارع لعدم إلتزام راكبيها بقوانين السير 4- تستخدم للنشل و أعمال غير أخلاقية وغيرها
متابع فناتي-نضال 15-01-2011 02:39
 رأيي
برأيي القرار (الحمصي) بترسيم الدراجات هو قرار خاطئ 100% و هو أمر أعتدنا عليه في حمص , فكل القرارات خاطئة في هذه المحافظة , ففي حمص المهم ان تدفع ضرائب و غير ذلك لاشيئ مهم , و أرجو من فنات النشر
متابع فناتي-نضال 15-01-2011 02:28
 قرارات
مافي مشكلة !!!!!! عنا و قت نجرب أي قرار حتى نصل أو لا نصل للصواب و مافي أمل ندرس أي قرار أو نستفيد من التجارب العالمية في أي موضوع لأنو القرارات هون لها أبعاد غالياً تجارية أو مصلحة شخصية بنستورد و منصنع و منملي السوق من هل الدراجات ( الرائعة ) بعدين منشوف شو رح نعمل معا و بس حسبي الله و نعم الوكيل
x 14-01-2011 20:45
 دائما متأخرين
نحنا دائما متأخرين بالقرارت وبتطبيق ليش سمحت المحافظة بدخولها وبتالي شرائها من قبل المواطن وصار الها كذا سنة عم تمشي عا الطريق بدون محاسبة هلا بين انو بتضر وبتسبب زحمة لازم قبل دخولها نفكر بها الشي وقبل ما يتضرر المواطن ويشتريها
ماجد 14-01-2011 20:01
 الحق على سائق الدراجة
انا برأي أنو القرار صح لأنو كل يلي عم بيسوقو الدراجة ما بيوقفو على الاشارة ولا بيوقفو عند المفارق و بيمشو بسرعة عالية بدون ما ينتبهو عالسيارات أو عالاشخاص و السبب أنو مفكرين حالون غير عن السيارات مع أنو لازم يسوقو الدراجة كأنو عم يسوقو سيارة وهذه المشكلة موجودة عند الدراجات العادية (الموتور ) فاذا بدون يصلحو المشكلة لازم ينبهو سائقي الدراجات أنو يوقفو عالاشارة و يوقفو عند المفارق و يتعاملو مع الدراجة كأنو عم بيسوقو سيارة مع الانتباه الى ان الدراجات الكهربائية مهمة جدا و الها مستقبل كبير
kanaan 14-01-2011 12:37
 يا جماعة فكرو اصح
يعني اذا بنا نناقش شي لازم نشوف ايجابياته وسلبياته يعني صرعونا بالبيئة وحل المشاكل المرورية المختنقة , ويتجي بعدين بتسمع انو بدنا نقمع الدراجات الكهربائية , طيب لو الناس فينون يركبو سيارات اكيد ما كان اشترو البسكليت و بالتقسيط كمان ,ونسيو انو لازم يؤمنو مسارب خاصة للبسكليت تحمي ركباها وصديقة للبيئة وبتحل مشكلة الزحمة,. يا اخي بالسويد الناس عندها بسكليتات للتلج و واخرى للاحوال العادية , ولا نحنا ارقى من السويد؟؟؟؟
بحب بلادي 13-01-2011 23:11
 شو شهر ما شهر
ياعالم انا اليوم شفتو بعيني "لعمو الشرطي" ماسك زلمة كبير على بسكليتة وقال بدو يخالفو ! بشرفي ماضل براسي عقل وانبحتت عليه قلتلو عم تخالفو بحق شو في شي بند بقانون المرور بيسمحلك تخالفو وبعد مجادلة مشي الحال وطلع الشرطة ما بدو غير يسترزق
عمار 13-01-2011 17:19
 ????
والله لكل محافظة قرار صحيح 100%لأنو بالشام مستحيل يحسنو يخلوهن بسبب الإزدحام الا محدود وبسس طبيعة القيادة بالشام((المطاحشة))اما بحمص فالشوارع منظمة اكتر واقل زحمة بكتير عن الشام واهل حمص انظم بكتير بالسواقة عن الشام خصوصا خصوصا خصوصا((التكاسي))اشي مو معقول بالشام بطلع مع تكسي بحط راسو براس اكورد بدو يسبقو مفكر حالو شوماخر وكل سيارتو1.4لا وشو بقلو لأبو الأكورد عم تتشاطر بالستة سلندر يا.....اما بحمص بضلو اروق بكتير ولازمين حدودن
yazoooooon 13-01-2011 16:37
 حاجه
يعني بيمنعوا الناس الي ما معا مصاري تشتري سياره من ركب الدراجه الكهربائيه#بسكليته عل الكهرباء# ولا مافي شي تاجر تقيل جايبن مشان يدعم الدرجات ((( غريببب))) ياريت يساووو متل حمص
KAHEEL 13-01-2011 15:46
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.