بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

معارض السيارات

معرض السيارات السوري إلى الواجهة مجدداً وباسم جديد

06-07-2011

 

Description: معرض-السيارات-السوري-2011

 

أعلن القائمون على المعرض السوري الدولي للسيارات "سيرموتورشو"، نيتهم افتتاح دورة هذا العام ولكن بتسميةٍ جديدة هي أوتو بازار. على عكس التوقعات التي ملأتْ السوق عن إلغاء أكبر معارض السيارات في سورية على خلفية الأحداث التي تشهدها البلاد.

ويقول خليل الجبان مدير عام شركة بروجكس إحدى الشركتين المنظمتين للمعرض أن القائمين على سيرموتورشو، اتفقوا مع وزارة الاقتصاد والتجارة على إطلاق معرض السيارات تزامناً مع انطلاقة معرض دمشق الدولي، للاستفادة من الإمكانات المتاحة في كلا المعرضين باعتبار أن معرض دمشق الدولي هو أعرق المعارض السورية، كما أن معرض السيارات السوري هو أكبر المعارض الخاصة من حيث عدد الزوار وثانيها من حيث المساحة.

ويشير الجبان إلى دورة هذا العام تسجل مشاركةً واسعة من وكالات السيارات وشركات الإكسسوارات، رغم غياب أسماءٍ مثل بي إم دبليو ومرسيدس وأودي.

ويبين الجبان استغناء معرض السيارات في هذا العام عن بطاقات الدخول لأن زوار المعرض سيحصلون على بطاقاتٍ خاصة بمعرض دمشق الدولي تسمحْ لهم بزيارة معرض السيارات أو أوتو بازار.

وإذا كنا نرى في إقدام القائمين على معرض السيارات بادرةً شجاعة، فإننا نأمل أن لا يؤدي إطلاقه بالتزامن مع معارض أخرى إلى خفوت ألقه وغياب رواده.

في البدء كان لدينا معرض سياراتٍ واحد كان اسمه سير أوتو، ثم ظهر بعده معرضٌ آخر حمل اسم موتورشو. حتى قرر القائمون على كلا المعرضين الاندماج تحت اسم سيرموتورشو، والآن وحدها الأيام تعرف إذا كان الاسم الجديد أوتو بازار سيستمر أم سيعود الاسم القديم وذلك حسب الظروف!.

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 9
عدد التعليقات: 21
 غير ممكن
عندما يتعلق الموضوع بالسيارات فمعارض السيارات في سوريا لها أخر الركب وليس الواجهة , ورح تم هيك حتى ينزل سعر السيارات وبعدين ممكن يكون في أمل نحلم بالواجهة .
رامي 30-07-2011 09:47
 المستعمل جاي إنشالله
والله نحن مو أغنى من دول الخليج !!!! إن كان سبب المنع القوة الشائية للمواطن كما المستعمل الاوربي و اليابان في أسوء حالاتو و لو عمر السيارة 20 سنه أشرف ومن الكوري و الصيني!!! إن كان السبب جودة السيارة و أمانها لكن السبب متل ما ذكر الاخ Sori مافيا السيارات في سورية و إحتكار ركب السيارات الجيدة على بعض الفئات في البلد يلي بكون عندو اسطول من السيارات من كل الأشكال بدون أي تكاليف و لا حتى البنزين!!!!!!! هل يعقل أن الضريبة السنوية للسيارات ذات المحركات الكبيرة يصل ل200ألف جنوووووووووووووووووون
Miso 21-07-2011 14:35
 used
شي صعب انو يفوت المستعمل عالبلد لانو المسؤولين ما رح يسمحو تتضرر تجارتهم المربحة و النهب للشعب السوري حيث ان المستعمل رح يضارب عاسعار السيارات الجديدة بالوكالات وممكن ان تفلس لان الناس رح ياخدو طبعا الارخص فمن المستبعد انو يقومو بكذا انتحار يعني
sori 21-07-2011 12:08
 مقهور ع المستعمل
اذا بيدخل المستعمل على سوريا سيموت اغلب تجار السيارات لأنهم لا يشبعوا من السرقة
فارس 20-07-2011 23:17
 تقسيط
هل يوجد مستعمل في المعرض لانو بدي مستعمل
الحيفاوي 19-07-2011 14:27
 شو هل المعرض
هي السنة المعرض بقرف كلو صيني و كم سيارة ماشي حالون
bilalsaadi 17-07-2011 15:42
 السماح باستيراد المستعمل المستعمل خمس سنوات
فورا السماح باستيراد المستعمل 5سنوات من اجل المنافسة الشريفة ومن اجل حرية اختيار المواطن السوري بين الجديد والمستعمل المستورد وذلك لتخفيف على اعباء المواطن وشرائه السيارة التي يراها مناسبة له حسب ميزانيته اكانت منخفضة ام عالية
الياباني 15-07-2011 02:54
 البرنامج
هل المعرض بيفتح يوم الجمعة
omar 14-07-2011 11:22
 بدون دفعة أولى
أتمنى أن أجدد سيارة بالتقسيط وبدون دفعة أولى.. حسب معلوماتكم , هل هذا ممكن. على أن تكون سيتروين أو هونداي
مواطن 14-07-2011 01:05
 أبو الياس
نرجو دعم المعرض بكافة السبل من جميع التجار و المتمولين في سوريا بشكل خاص هذا العام - أعطونا تفاصيل للعروض كي نتشجع على تبديل سيارتنا مثلا ......... بنعشق سوريا .
fiha 13-07-2011 23:31
 برنامج
نريد من حضراتكم إرفاقنا بمعلومات عن برنامج المعرض ووقته (ساعة بدأ المعرض..البطاقات..عروض التقسيط..) فنحن سنأتي إلى دمشق لأجل المعرض(نقطن بمحافظة أخرى)..ونتمنى أن نستفيد من العروض لنشتري سيارة متواضعة
مايا 13-07-2011 10:18
 اكس كيوزمي
أرجو من موقع فنات المحترم تخصيص صفحة خاصة للمعرض عرض السيارة و سعرها نقدي و سعر التقسيط و مدة التقسيط
أبو الوليد 10-07-2011 14:56
 عروض حقيقيه!!!
بالنسبة للاسم، في شركة جديدة في حلب لمزايدات السيارات اسمها Auto Bazar فهل إلها علاقة بالموضوع؟؟؟ أما العروض فإن شاء الله تكون حقيقة مو يغلوا الأسعار قبل المعرض وبعدها يقولوا بالمعرض تقسيط بسعر النقدي ويكون أصلاً في 300 ألف ليرة زيادة متل كل سنه، طبعاً هالشي إذا كانو بدهن ينفدوا من أزمة السوق الحاليه.
طلال 09-07-2011 18:14
 مو إلنا
هلمعارض مو لإلنا . يعني افتتاح معرض سيارات بسوريا لمين؟؟ السيارات الجيدة سعرها يبداً من 7-10 مليون ليرة. ومين بسوريا بيقدر على هيك رقم . كأن هلمعارض هي لأكم ن واحد بسوريا بس أو هي معارض فانتازيه يعني استعراض ودعاية بس على التلفزيونات والمجلات. لمن واحد بدو يعمل معرض لازم تكون الاسعار مناسبة للجميع مو لفئة 100 شخص بسوريا .خفضوا الاسعار وبعدين اعملوا معارض. هلمعارض خرج الواحد بس يروح يتفرج ويتصور هنيك ويتمغص على المناظر والاسعار. وشو بازار...يالله السيارة بـ100 وكل سيارتين بـ150 أرب وجرب يا حباب.
رامي 09-07-2011 10:28
 ان شاء الله بينجح
بتمنا من الشركات انوا تنزل عروض مشجعة جدا مشان الناس تتشجع وتشتري لان واكيد السوق دائر وانشاء الله بكرا احلى
زياد 09-07-2011 05:37
 عن المعرض
ارجو من المعرض يعملو عروض تقسيط بدون فوائد وتخفيض الاسعار
محمد 08-07-2011 22:31
 تاريخ المعرض
ياجماعة تاريخ المعرض موجود على الصورة ..... فوق 13_22 تموز بس منيح هل المعرض شو ماكان الواحد بيتنور واكيد تجارنا اذا مافكرو منيح بهامش ارباحهم رح يخسرو كتير ... وهاد من حظ التجار يلي بتتعامل بل السيارات الصينية
عم استناه 08-07-2011 20:56
 Auto BAZAR!!!!!!
شو ايمت المعرض بلا GM معرض فاشل كل السيارات معروفة.................
KIA KUNG 08-07-2011 03:38
 ان شاء الله ينجح ؟؟؟
انا بضم صوتي لصوت الاخ سليمان وبطلب من تجارنا انوا يفكروا مرتين قبل وضع الاسعار والعروض وشكرا
امجد 07-07-2011 21:54
 بازار
أرجو من فنات أن تطلعنا على موعد الإفتتاح متى قرر ذلك و عجبتني التسمية الجديدة وللعلم بازار باللغة الأوردوفارسية تعني بهلوي أي(مكان الأسعار) وبصراحة كلمة أوتوبازار متل كلمة فيراريطريزينة????
4*4 06-07-2011 23:24
 مبروك بس المهم المواطن
خيو مبروك على اعلان الافتتاح بس المهم ينتبهو على المواطن ويعملو عروض اسعار وتخفيض حقيقي مو ضحك على العالم وعروض تقسيط بدون فوائد اذا مابدون يخفضوا الاسعار على القليلة والا بدون يفشلو فشل ذريع وانشالله بيفشلوا التجار بركي بيطلع جيل جديد وواعي من تجار السيارات عندون منافسة حقيقية وبيقنعو بارباح منطقية
سليمان 06-07-2011 21:12
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.