بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

قوانين وأخبار محلية

هل تفعلها الحكومة وترفع جمارك السيارات؟

24-08-2011

 

Description: C:\Documents and Settings\samers\My Documents\My Pictures\معرض-السيارات-السوري.jpg

 

أثار الخبر الذي نشرته جريدة الوطن السورية اليوم لغطاً كبيراً في الأوساط الإعلامية وفي سوق السيارات المحلية، حول دعوة رئاسة مجلس الوزراء إلى رفع الرسوم الجمركية على السيارات والأدوات الكهربائية وجميع الكماليات.

ولم يتسنى لموقع فنّات التأكد من مدى مصداقية الخبر من مصادر أخرى، ولكن من الواضح أن الموارد المالية التي كانت تؤدى إلى الخزانة العامة للدولة تضاءلت منذ بدء الأحداث في سورية قبل ستة أشهر، ملحقةً أضراراً كبيرة بالمشروعات الكبرى والتي كانت تخطط الحكومة لتنفيذها.

وقد لا تجد الحكومة من حلٍ لزيادة مواردها المالية سوى برفع الضرائب المفروضة على قطاع السيارات، أي الدجاجة التي تبيض ذهباً باعتبارها إحدى أسهل الحلول كما فعلت عندما رفعت سعر البنزين كحل لتلافي الازدحام في مديريات النقل!. 

سوف يؤدي هذا القرار دون شك إلى أن تلفظ سوق السيارات آخر نفسٍ بعد أن عانتْ الركود الطويل، وليس في وسعنا وصف ما قد يحل بصناعة السيارات المحلية الناشئة، إلا إذا كانت الحكومة تريد إبقاء رسوم استيراد مكونات السيارات على حالها وبالتالي ميزة تنافسية كبيرة للسيارات الوطنية.

في النهاية سيعمد موقع فنّات إلى متابعة هذا الملف أولاً بأول وسينشر تفاصيله حال توافرها، وعندما سيتأكد عزم الحكومة على رفع الجمارك على السيارات سوف يجد الموقع موقعه مع ملايين السوريين الذين يحلمون باقتناء اختراع اسمه سيارة... ولكن الدولة تريد تحويل هذا الحلم لكابوس.

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 7
عدد التعليقات: 63
 وهلأ شو
عملوها ورفعوا الجمارك وروحو انطحو راسكم بالحيط ... شو رح تعملو هلاأ ولا شي أكيد؟؟
الباتشينو 17-10-2011 15:40
 
اي اهم شي يشجعو المصانع لتصنيع السيارات مشان نركب سابا ب 500 الف مع العلم انا راكب بنفس السعر بلبنان بي ام موديل 2002
يا حرااااااااام 22-09-2011 22:45
 شعب أبو شمّاعة
عم تحكو على القيادة والحكومة؟!!! ما إنتو القيادة والحكومة... كل واحد فيكن هو قائد لإسرتو وأملاكو ومسؤول عن ترباية ولادو وممشاهن وعن نظافة شغلو واتقانو وعن أمن ومالية وصحة ونظافة والتزام بيتو وعن حسن سير الأمور بمكان وظيفتو وعن مدخولو ومصروفو وعن حواسو وتفكيرو وممشاه... لا تنظر للمسؤول الكبير وتنسى حالك يا صغير!!! إنتو التنين وجهين لعملة وحدة وهي التقصير... "كما تكونوا يولى عليكم... كلكم راعٍ وكلكم مسؤول عن رعيته"... بلّش بحالك ويلّي معك وبعدين نظّر على غيرك... وبطلو عادة الشماعة لأن خلصت موضتها.
وائل زين العابدين 18-09-2011 05:14
 كلك ذوق يا مخلص الشامي!!!!!
لأنو أي شي بدكون تحطو بضهر الرئيس حتى لو كان الخبر كذب (هيك علموك ما!!) حتى ماعذبت حالك وتأكدت أنو صحي الخبر ولا لأ تفضل سوي حزب ودخول على البرلمان وحكي الي بدك يا (بدون تفشيك حكي على النت)
سليمان 08-09-2011 23:50
 سيارات بدون جمارك
انشاء الله يلغو الجمارك نهائيا
حبيب 28-08-2011 02:13
 ملاحظة
بلدنا كلشي فيا حتى من الحرمية اكتر من اي دولة تانية و شو بدها تكفي لتكفي بيكون مو لاقي اللقمة و بعد ما بستلم شي كرسي بيصير مليونير كأنو اخد من و رثة اهلو مو من مال الشعب و الدولة تعرف و تعرف و مو صحيح انها ماتعرف بس عتبك علي بيحاسب و لك يا اخي بدك تسر ق قصدي تورث مافي مانع بس اورث شوي واشتغل شوي و اكبر دليل محافظ مدينة الرقة كان يورث شوي و يشتغل شوي و هلأ صار بس عم يورث مسكين اللة يعينو و يعين هل شعب .صحي هل شعب المسكين ما لو شي من هل ورثة و اللة لازم نسال حكومتنا بلكي بتعرف و هي بتعرف كل شي
سوري 27-08-2011 23:18
 لك بكرة رح نجيب سيارت بدون جمارك بنوب
نشاء الله بعد كم يوم رح تفوت سيارات بدون جمارك بنوب لانو رح نصير احسن من دبي نشاء الله هي بلد عندا حضارة عمرها خمس ألف سنة و رح تخلص من جمارك ولي بحط جمارك
عبد الرزاق 27-08-2011 14:03
 كذب
يا جماعة كلو كذب بكذب لا رفع ولا شي فكروا فيها شو بيتين معكم
حسام 27-08-2011 12:36
 ابتسم
ابتسم من فضلك انت ف سوريا الاسد (هي بعض الاصلاحات)
مخلص الشامي 27-08-2011 11:51
 لن يتم
http://www.sana.sy/ara/2/2011/08/27/366290.htm يا شباب شوفو موقع سانا...لن يتم رفع الدعم
ساري 27-08-2011 11:41
 تعليق
هاد كلو لمصلحة سوريا
سوري اصيل 26-08-2011 20:44
 يجب التأكد من النص
أنا لم أفرأ المفال, ولكن يجب التأكد من النص, فإذا كان رفع الجمارك على السيارات فهذا يعني زيادة السعر, وإذا كان رفع الجمارك عن السيارات فهذا يعني نقصان السعر.. فإذا كان النص الأول هو المقصود فسيكون أغبى قرار في تاريخ الحكومات السورية..
د. جميل 26-08-2011 17:44
 المواطن السوري يجب أن لا يحلم
يعني اذا رفعوا جمارك السيارات بكون فعلا السيارة صارت حلم , والعالم مفكرة أن بعد هالاصلاحات رح ينزل أسعار السيارات , و اللي بزيد الطين بلة أن مو بس السيارات رح تغلى ,لأ, والكماليات كمان يعني الأجهزة الكهربائية و غيرها , هيك سمعت , يعني رح نرجع لورا 20 سنة بدل مانتقدم , لك آآآخ من هالأفكار الفظيعة اللي عم تتحفنا فيا الحكومة , لك منظر البلد صاير مقزز من ورا السيارات الصينية و الايرانية , بتمنى أن هالقرار ما يصدر وبتمنى تكون مجرد اشاعة , و اذا ما كانت اشاعة بكون أكلنا ........
فاقد الأمل 26-08-2011 17:23
 سوريا فقيرة
انا موافق مع الجميع انه خطأ كبير رفع الجمارك على السيارات,بس ياريت لو للحظة كلنا نفكر بسوريا وليس بالحكومة,دخلكن بلدنا شو فيها موارد؟؟؟؟ الموجود شوية قطن وشوية نفط يادوب يكفوا مولدات الكهرباء وشوية قمح ماشي ع كام قطرة مطر من اكتر من 6 سنوات,السياحة صفر,قطاع البنوك صفر,السياحة الطبية صفر,العلاقات الخارجية تحت الصفر...الخ..طبعآ ليس مبرر لرفع الجمارك,بس خلونا نكون واقعيين شوي ومو انانيين,نحنا مو الكويت او الامارات او السويد !!!!!
الاندلس 26-08-2011 12:18
 يسووها ومنشوف
انا برأيي يعفو عن هالمواطن ويطالعو ضرايبن من اللي عندو قصور بمكان ما في سوريه مو من اللي بدو يشتري سياره واللي هي اضعف مايمكن ان يحلم فيه مواطن عربي سوري اي في كل بيت بالشام حقو 500 مليون ياخدو عليه ضريبه اخي من الاخير انا لو عندي q5 بفوتها بسرعه شي 150كم ولا بدفع عليها بالسنه 150 ألف اي شو الشغله سلبطه والله مافي غيرن بلطجيه
علي المتفائل ع الاخير 26-08-2011 03:49
 كذبة
ياشباب كذبة كبيرة والخبر بتصوري بالعكس يعني رح يخفضوا الرسوم بس هالاشاعة رح تخلي الناس تشتري سيارات و هيك بيخلصوا من السيارات اللي مكدسة بالمعارض قبل تخفيض السوم الجمركية
AYMAN 26-08-2011 03:13
 
لازم يفرضوا على المسؤلين ضريبة رفاهية لانهم بيركبو افخم السيارات وافخم الفلل انا اتمنى من سيادة الرئيس ان يتدخل لايقاف هاالقرار المجحف بحق المواطن
مواطن مرفه 26-08-2011 02:46
 ارجو الانتباه
لكل الذين يدعون ان رفع الجمارك على السارات يعني ازالتها فهو غلطان كتير لانه لوكان الامر كذلك لكانت الجملة على الشكل التالي: رفع الجمارك عن السيارات. وليس على السيارات. لا تشتكي يا اخي المواطن فالحمار يناسبنا نحن الفقراء لتنقل من مكان لاخر. وان كنت ترغب بشراء سيارة فأنت الان تساوي نفسك بالمسؤولين وهذا بعرف حكومتنا الساعية للتطوير حرام. فالتطيوير ان تم يجب ان يتم على حساب الفقراء وليس الاغنياء. شاهد جيدا المسؤولين وابناؤهم وسياراتهم والله حرام . الى متى سنبقى نحلم ..................
مواطن معتر 26-08-2011 02:11
 ياللي فهمان بالعربي
ألى اللي عم يتدعي الفلسفة باللغة العربية، ودخلك، رفع عن مثل رفع على؟؟ لو عم بيقول الخبر رفع عن، معناتو إزالة، أما إذا كان رفع على، معناتو فرض رسوم إضافية وليس الإزالة.. و إذا كنتو فعلا أذكياء اعرفو أنو الأخيرة هي الأصح و الأكثر توقعاً من حكومتكم الموقرة.. الله يكون بالعون.....
عماد 26-08-2011 02:00
 بوركينا فاسو
إلى الأخ اللي عم بيسأل عن الزواج من وحدة من بوركينا فاسو منشان الجنسية.. هههه بس حبيت ألك تسلم روحك شو حلوة وقوية هاي.. لك آآآآخ يا أخي آآآآخ و الله وجعك و جعي.. أخوي، إذا لقيت، مع أنو أنا متزوج وعندي أولاد، أنا بطلق مرتي و بنروح سوا على بوركينا فاسو..
أبو الزووووز 26-08-2011 01:51
 لعبة
اليوم سمعنا من فنات انو سعر الكامري بامريكا 22 الف دولار يعني اقل من مليون.فمعقول يصير سعر الفيرنا الهندية متلها.ليش الحكومة استعملت كلمة متناقضة المعنى.وغير مفهومة..خليكون حنونين وصريحين مع الشعب يا مسؤولين احسن ما نزعل منكن..كل الدول اللي حققت نمو اقتصادي حررت الجمارك و لم ترفعا لان حماية الصناعة الوطنية يكون بتحسينها و ليس برفع سهر السلع الخارجية فوق الحد.انا برايي الجمرك اذا زاد عن 20% لاي سلعة حرام...وشكرا
كاربوف 26-08-2011 00:42
 تيتي
كتير كويس.....هادا تشجيع للصناعة الوطنية أكيد علماً أنو رسم الإنفاق الاستهلاكي خفضوه 50% عالسيارات المصنوعة محلياً بس لحديت هلق القرار ما اتطبق ....ولما اسلألنا ليش قال أنو ما إجت لسّا التعليمات التنفيذية من وزارة النقل.....والله حضارة يا أخي, يمكن التعليملت جايي بالبريد ع ضهر شي زلحفة وبدها وقت لتوصل.......بالمختصر عوجة....وتيتي تيتي
fadi 26-08-2011 00:19
 اللغة العربية
رفع الرسوم عن السيارات = إلغاء الرسوم رفع الرسوم على السيارات = زيادة الرسوم
goal 26-08-2011 00:07
 الى الاخ تفسير
يلي عم تقول اتعلمو عربي وبعدين تعو المقال بيقول رفع الجمارك على السيارات وليس عن حتى تصبح انو ازالتها عن تعني ازاله على تعني زياده يعني مدري مين بدو يتعلم عربي مظبوط
ماهر 25-08-2011 21:25
 يا هيك الاصلاحات يا بلا
يا شباب يمكن الحكومة بدا تدخل كتاب غينيس للارقام القياسية (أغلى دولة باسعار السيارات ) . بعدين لشو السيارات ولشو هالرفاهية الزايدة ومن شو بيشكي الحمار 1 اقتصادي حيث يعمل 50كم /بجرزة فصة 2 صديق للبيئة و طبقة الاوزون 3 الاهم ليس عليه ضريبة رفاهية بقى لحقو حالكن واشترو شي حمار او كركور صغير والله احسن من هالمسخرة
كركور 25-08-2011 20:52
 كماليات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاحظتوا كلمة كماليات ... حكومتنا العلية لهلئ بتعتبر السيارة من الكماليات !!؟ عنجد الله يقويهن ويديمن زخر للمواطن المطحون ألي مو من حقو يترفه ويشم ريحة الكماليات ... لشو هلبعزقة .... :(
راشد 25-08-2011 18:33
 اسعار السيارات
شو شباب بترشحو بصرى الشام ولا جمارك واسعار السيارات في سوريا انو تكون من عجائب الدنيا السبع
شاهين 04 25-08-2011 18:00
 اشااااعة
هي اشاعة مشان يحركو سوق السيارات لانو الناس اذا عرفت انو السيارات بدها تغلا بتركد و بتشتري قبل ما تغلا السيارات و هيك بحركو السوق الميت!!
محمد 25-08-2011 16:50
 وينك ياراتب
يبدو انو الاخ (( مواطن )) هو تاجر سيارات لذلك مو فرقانة معو .... وبعدا الموضوع كلو كذب بكذب عم يعملوا هيك مشان يخلوا يلي متردد يشتري سيارة بدون تردد وهي كلها لعبة مشان تحريك السوق بدون خفض الضرائب .... قولولن قديمة وفهمنها عالطاير
سوري حر 25-08-2011 16:11
 
عنجد نحنا شعب مرفه بعكس الدول العربية الله يرحم ايامك ياعطري
سوسو 25-08-2011 16:00
 
الحمدالله صارفيني اشتري سيارة وشوف حالي فيا اسا كل واحد معو600الف صاربدويترفه ويركب سيارة
سوسو المخملية 25-08-2011 15:46
 رفع . .
باللغة العربية وحسب أبو الأسود ( رفع ) تفيد الإيقاف يعني متل ما انذكر رفع العقوبات ايقافها , بس عنا بتستخدم الكلمات و المصطلحات للدلالة على عكس معناها يعني رفع قانون الطوارئ يعني باللغة العربية ايقاف العمل بموجبه , لا تفعيله و الترحم على أيامه . و من ناحية أخرى يقال ( رفعو ) فلقة يعني طبق حكم الفلقة على رجليه هههههه و الخلاصة إلى من ينتظر تأويل القرار اسألك هل سمعت بقرار كان بمصلحة المواطن و لبى تطلعاته بالحياة الكريمة و أعطاه دافعاً للعيش في خضم هذه الغابة ؟
محمد علي ديك 25-08-2011 15:01
 الرجاء التدقيق في الخبر
الحكومة تدرس رفع الجمارك والدعم عن النفط رفع هل تعني زيادة اسعار المحروقات وتعني ازالة الرسوم الجمركية عن السيارات بس بعتقد انو زيادة مو ازالة
مجد حسن 25-08-2011 13:25
 ??
يا جماعة رفع الجمارك يعني زيادة ضربة الجمارك اي زيادة سعر السيارة انتو فهمتوها غلط اللي بمليون رح يزيد يمكن 200 الف و حتى الكوري بدو يسير صعب نشتريه...
assyriaa 25-08-2011 13:18
 اسى سكرو القوس
فتاح قوس ((((((((((( المواطن و مشاعره و احلامه))))))))) محض اختبار و تجارب لدى الحكومة السورية بعد ما حس المواطن السوري انه اسعار السيارات رح تصير مثل لبنان و الخليج فاذا صدر هذا القرار سيكون اول مسمار في نعش الاصلاحات و المواطن السوري الحالم ايضا اسى سكر القس
ابو الزوز 25-08-2011 12:49
 انا كنت مفكر غير هيك
انا كنت مفكل غير هيك رفيقي كان بدو ينزل مبارح يشتري موطور (دراجة الية ) بس بشرتو انو السيارت راح ترخص ويشيلو الجمارك قام زمني ع العشة وفرح كتير يا حرام اديش بدو يزعل بكرا بس يسمع انو القرار عكس السير كلو
ابو يزن مشاكل 25-08-2011 08:02
 الى الاخ (مواطن), بس مابعرف من انو طبقة من الوطنية
السلام عليكم , اخي يلي مسمي حاله (مواطن), برأيك هي طريقة من طرق الاصلاح ؟؟ كيف فسرلي ياها ؟ يعني اذا غليت اسعار السيارات بتكون طريقة اصلاح ؟ اذا هي السياراة لو تخفيضها بسعر معقول جدا بتسما اصلاح بس مو غلاها , يعني متل ماقال الاخ goal << انا معه 100% ,, وتحياتي للسوريين الشرفاء ,
shadi.sy 25-08-2011 07:08
 احنا نتأمل يخفضوا الجمارك وهن بالعكس
شي مسخرة قسما بالله،صار المواطن السوري اللي راكب كيا ريو يحسبها مرسيدس ويفرح بيها،يلعن اخت هل الشغلة اذا هذا هو الاصلاح فاحنا ما بدنا اياه،لاامتى راح تظل السيارات عندنا حلم كل مواطن بكل العالم تعتبر شغلة ضرورية الا عندنا رفاهية،شو رايكون نرجع ع الحمير ارخص و اوفر و احسنا؟وبسوي 1000 كم ب 10 كغ فصة؟شي يخجل وكانوا الحكومة عندنا نايمة و مو شايفة الأوضاع كيف؟اذا بدهم يزيدوا الطين بلة يرفعوا الجمارك،و انشاء الله اشوفهم كل واحد ع حمار احلى و احدث من الثاني،شي يرحق القلب و الله العظيم ياشباب
jehad 25-08-2011 07:06
 
لازم ينزلوا الجمارك مو يرفعوا سوريا الوحيدة السيارة غالية كتير كتير كمان بدون يغلوا
اصلاحات 25-08-2011 04:04
 الى السيد الذي سمى نفسه مواطن
بعد التحية احب ان خبرك انك فهمان الموضوع بالغلط لأنه سوف تزداد الرسوم الجمركية ولن تزال , هذا هو السبب الذي فاجأ الناس و كاتب المقال و على ما يبدو انه المسمار الاخير بنعش سوق السيارات السوري و قتل الحلم عند المواطن السوري بشراء سيارة . وانا اكتب بأسم ((مواطن)) منذ عدة سنوات و لك الشكر.
مواطن 25-08-2011 03:52
 عوجه
تيتي تيتي
سوري بدو سياره 25-08-2011 02:59
 مو وقتا منووووووووب
وجاءنا عزيز كتابكم في أحلك الأوقات أما بالفعل الوقت مناسب جدا لهيك عملة مشان اللي لسا في براسو فيوز يطق
مين سمير 25-08-2011 02:00
 رفاهية
أنا لما برفه الشعب برتاح بصير منظر البلد حضاري بشوارع وسياراته وبناءه وبصير الواحد بدال مايحط كل أموال بسيارة بحط جزء على السيارة والباقي بفتح مشروع يتنسر منه ويعيش بحبوحة والبلد كلا بتشتغل وبنتعش الأقتصاد
أبو محمد 25-08-2011 01:56
 حسبة بسيطة
أنا بنصح الحكومة تلغي الجمرك والرفاهية وشوفو الأموال شلو بدا تكت بخزينة الدولة لأنو يلي مخبي بس 300000 ألف ليرة بدون يحطون بأيد الدولة ويشتري مارح يوقف وشوف كيف أبسط الناس راح يحسن يشتري بين يبيع الواحد 1000 سيارة بسنة بين ينباع 50000 ألف سيارة بالسنة أنه مردود أفضل وخاصة غير أستهلاك البانزين ل1000 سيارة بين أستهلاك 50000 ألف شوف المليارات والحكومة لاتفرح على المبالغ الهائلة يلي بتحصل عليها من 1000 مابين تحصل على 50000 سيارة
أبو محمد 25-08-2011 01:53
 لا يجوز
لا يجوز زيادة الجمارك على السيارات لانه قرار غير حكيم .فالمواطن المؤيد للاصلاح سيجد نفسه في موقف محرج لان زيادة الجمارك تعني استغلال و استغباء الناس لان الجمارك الحالية هي الاعلى في العالم بدون منازع.فالطبيعي تخفيضها و ليس زيادتها
moh'd 25-08-2011 01:43
 اشاعات
ربما يكون هذا الكلام الذي لم تستطيعوا التأكد منه هو مجرد اشاعات لتنشيط سوق السيارات الخامل حيث يتسارع الناس بعد هذا الخبر الى شراء السيارات قبل ارتفاع الاسعار المزعوم .. على كل حال لنفترض أن الخبر صحيح فهذا يعني الجنان الرسمي
wael 25-08-2011 01:34
 يا فهمانين
كلمة رفع يعني إلغاء مو زيادة و بالتالي السيارات رح ترخص كتير يرجى الانتباه لمعنى الكلمة الحقيقي و بالذات انتو يا فنات
man74 25-08-2011 00:15
 هدوا
يا شباب شو رايكن تهدوا لحتى نتاكد من الخبر
شاهين 04 24-08-2011 22:14
 مزحة ثقيلة
شو اشاعة ما اشاعة تعا قلي مزحة كمان
يوسف 24-08-2011 22:07
 هذه هي الاصلاحات التي وعدونا بها
يعني شو بدو يحكي الواحد ليحكي سورياتسير الى الخلف الى الخلف الى الخلف . دائما بتجي الحلول الذكية على حساب المواطن المسكين خلي المسؤولين يركبو احلى السيارات وخلي المواطن يركبلو شي حمار
مواطن مقهور 24-08-2011 20:39
 التباس
عذرا من كاتب الخبر ولكن يبدو ان الامور معكوسة لديه لان قرار الحكومة برفع الجمارك يعني الغاء الجمارك ولا يعني زيادة الجمارك ----للتوضيح فقط
elie 24-08-2011 19:48
 تفسير
كلمة رفع الجمارك تعني ازالة الجمارك .مثلا رفع الحظر تعني ازالة الحظر و ليس زيادة .لازم نتعلم اللغة العربية بعدين نتكلم
maher 24-08-2011 19:45
 ذكاء الحكومة خارق
يا سلام على الذكاء الخارق, المواطن بيطلب تخفيف الجمارك والضرائب وازالة الرسوم, والحكومة بترفع الجمارك والبنزين والرسوم, الاحسن انه نسكت وما نطلب أي شي, احسن ما ينخرب بيتنا أكتر ونضطر نبيع سياراتنا القديمة.. المواطن القطري والسعودي احسن من السوري, ما هيك؟؟
د. جميل 24-08-2011 19:41
 الله يهدي البال
يا خوفي تكون الناس صامت و صامت و شكلا بدى تتفطر على بصلي
husam 24-08-2011 19:11
 لعبة
يجوز هذه الاشاعات لمحاولة تحريك السوق للشراء قبل ما تغلى السيارات بعدين في بعض المعلقين بدهم ابر فهم
ابو علي 24-08-2011 17:51
 S,D,P
Supply Demand and Price are the Three anchors in the micro economic system. temporary there is no Demand and price is going to be higher as consequences the supply is going to be excessive ( which is a situation of RECESSION ) الاصلاح :-)
KIA KUNG 24-08-2011 17:15
 
[ ثااث اشارات استفهام ثلاث نقط ثلاث اشارات تعجب[
شاهين 04 24-08-2011 16:28
 ستكون النتائج عكسية
إذا ازدادت الجمارك سيمتنع العديد من الناس عن شراء السيارات أو سيؤجلون الشراء حتى نهاية الأحداث على أمل أن تعود الجمارك وتنخفض وبالتالي ستتوقف عمليات البيع أو تنخفض بشكل كبير جدا مما يؤدي إلى مدخول أقل للخزينة السورية. الحل الأفضل للخزينة هو تخفيض الجمارك ورفع سعر البنزين بحيث يحققون مرابح مع كل ليتر بنزين وبيع المزيد من السيارات وبالتالي رسوم سنوية + أرباح من البنزين.
goal 24-08-2011 16:07
 سوريا تسير الى الامام
يعني لماذا هناك انزعاج من ازلة الجمارك على السيارات من ادارة فنات الدولة اتجهت الى دعم الناس وصدقوني لن تلفظ السوق المحلية انفاسها لان الدولة تريد تحسين و تطوير سورية ونحن معها اما اذا هناك احد منزعج فهم فقط التجار والناس ستكون فرحة بقرارات الاصلاح القادمة وهذه احداها و بهذه المناسبة احب ان احيي الدولة على الاهتمام بدعم ورفاهية المواطنين و نرسل الشكر الجزيل للجهود التي تبذل للاصلاح و التحديث و نحن ندعم القرارات الاصلاحية بشكل كامل و هاهي بوادر الاصلاح المباركة قادمة و شكرا للغالي قائد سورية
مواطن 24-08-2011 16:03
 
مو أنتو بدكم اصلاحات هي اصلاحات رح يخففولكن الزحمة بالبلد شو بدكم احسن من هيك بعدين كيف المسؤولين بدهن يركبو مرسيدس وليكزس وخاصة بعد العقوبات لازم تكونو واقفين مع مسؤوليكن وقد ما صار عليهن عقوبات لازم نحنا ندعمهم مشان يشترو احسن سيارات وخلي أميركا تطق من الغيرة
مناصر للمسؤلين 24-08-2011 15:19
 بوركينا فاسو
هلأ إذا الواحد تزوج وحدة من بوركينا فاسو بتعطي الجنسية ؟
محمد علي ديك 24-08-2011 13:21
 على العكس
الكثير من الذين قرا المقال فهمه على ان رفع الرسوم الجمركية يقصد به ازالتها نهائيا و ليس زيادها نرجو التاكد
ابو احمد 24-08-2011 13:02
 ولسه
/حلم ده ولا حقيقة / المواطن وين والحكومة وين كل المطالب بتخفيض الجمارك قابلتها الحكومة بالدعوة العظيمة لرفع الرسوم وكأنوا الناس عم تغني بالطاحون
أبو الوليد 24-08-2011 12:49
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.