بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

مواضيع للحوار

بين السرفيس والتكوس ما في خيار وفقوس

05-09-2011

 

Description: C:\Documents and Settings\samers\My Documents\My Pictures\أبو-جانتي.jpg

"أبو جانتي أو سائق التاكسي الخرافي"

 

سوف نضطر أن نستعير عنوان محاضرة الأستاذ شفّيط زمّورة بين السرفيس والتكوس ما في خيار وفقّوس، من مسرحية القناة الفضائية الحلبية للفنان همام الحوت، عنواناً لموضوع الحوار الجديد على موقع فنّات.

أما عن سبب زوال الفوارق بين التاكسي والسرفيس فهو تلك الظاهرة الجديدة التي انتشرت مؤخراً، إذ أصبح للتاكسي خطٌ ثابتٌ أسوة بالميكروباصات. وإذا استعرضنا عينةً مما يحدث في دمشق سنلتقي بسائقٍ طريقه إلى الكراجات، وآخر إلى السومرية وثالثٌ إلى المخيم ورابعٌ لا يذهب إلى مناطق الأحداث!، وما على الزبون المسكين سوى انتظار سائق تاكسي بات نادر الوجود أو على وشك الانقراض، وهذا ما يحدث في العاصمة حيث من المفترض أن الرقابة على أشدها والتقيد بالقوانين على الميزان، فما شأن المحافظات البعيدة والمناطق النائية؟.

وبما أن الطاسة ضايعة كما قال لي سائق تاكسي، ولأن شرطة المرور لن تستجيب إذا شكوتُ لها فهي مشغولةٌ بما هو أهم ـ كما قال السائق ـ سوف نحيل هذه الشكوى إلى زوار موقع فنّات أو نعمد حالياً الخروج هاتفين: الشعب يريد سيارة تاكسي!.

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 7
عدد التعليقات: 20
 شو ميشان
كرمال الله يافنات الحبيبة انا متابع لك من زمان كتير وين تعليقاتي ميشان الله ........ وبالنسبة للموضوع هادا الموضوع بيرجع لصاحب التاكسي والراكب ما بدا تنين يحكو فيا ...... وشوووو ميشان هادا مو قع سيارات مو سياسة يا شباب
yahea amen 06-10-2011 01:58
 3dad ma byt3me khbzz
yli 3m y2ool 2no mntal3 bl shahir 60 000 r7 27sblk yaho 3la 2l 3daad kl km wa7id bymrk 2l 3daad 8 lerat w m3dll 2sthlak syara mtll 2l saba yli 2ktsadyii 3.5 lyra kl 1 km byzed ll shoofer 5 lyrat w m3 m3dll sr3aa bl sham yli bytl3 25 km kl sa3a y3ni 2za alaa waf2o w dll mal2i zbayn bns hl wa2et r7 ys7b 60 lyra safii kl sa3a drbb 12 sa3a mn 2l 3zaab 3l tr2at 2l sham wa mdablt zbaynn s2laa r7 ysfeloo 720 lyra y3ni 30 yoom 21600 lsa ma shlna mnhon tasli7 w zyoot wa t2meen 8000 kl snii
ana shoofer taxi nzami 30-09-2011 06:51
 معقول؟؟؟
لكن معقول مشوار بالتكسي من كرجات العباسيين لحرستا يوم الخميس المسا يطلب 250 ليرة؟؟؟ اي شو وين ماخدو انا ع فيتنام؟؟
ابو هادي 20-09-2011 04:41
 الى سوري......
ضحكنني يا سوري بحديثك شو كان صار بالعالم باوربا اذا طلعوا وقالوا الكلمة يلي معتبرينها نحنا عادية ......حبيبي لا تحكي هي الكلمة قدام حدا مشان ما يضحك عليك ...يلي نحنا معتبرينه حلم وبدنا نحققه هني بيعتبروه جزء من حقوقن ومافي ابن مرة بيسترجي يسلبن اياه.....انا بنصحك تروح تقرا شوية اقتصاد وسياسة مشان تعرف شو العلاقة بين الاقتصاد والسياسة
عبدالله 19-09-2011 04:47
 
انا باتمنى نكون وطنييين ومانخرب اللحمة والمحبة يلي صنعناها من100 سنة من خلال نكش الجروح لان يلي عم يدعي مصلحتنا من المتآمرين عبلدنا من الخارج والداخل رح ينبسطو لما يشوفونا عم نتقاتل قدامن ونخرب بلدنا ونعطيهن خيراتو باهون السبل شكرا لكل عاقل ومتفهم وبيعرف مصلحتو الله يديم الجيش والناس الشريفة والامان لبلدنا
خالد 17-09-2011 16:14
 الى شوفير التكسي
لاتعملي انو العداد بدو تعديل لأنو ماعم توفي معاكن مافي شوفير تكسي شهريتو لاتقل عن 50 - 60 ألف ليرة ربح صافي وأنا على تحدي بها الكلام هاد عندي أصدقاء عندن تكاسي وهني بيئولو هاد الشي بعدين كل أنسان بيعكس شخصيتو شوفير تكسي نضيف نيق فسيارتو رح تكون نضيفة أكيد والعكس صحيح
محمد 17-09-2011 14:30
 شفير تكسي
أول شي مو ليكون المواطن محترم مشان يكون معو شفير التكسي محترم بعدين العداد غير مناسب على سعر البنزين مشان هيك العداد غير نظامي ويجب تعديله بعدين يلي عم يحكي أنو بدو سيارة مغسوله و منيحا ليش مين عم يعطينا أجار غسيل ولا أجار تصليح والله أكتر ناس مظلومين شفيريت التكاسي
محمد 17-09-2011 04:51
 الى الاخوة الكرام الذين علقوا على ردي
طبعا كلنا منريد وعنا مطالب يعني مو كلشي ماشي منيح بس لازم نعرف كيف نطرحها بشكل يخدم الجميع وبدون ماتأذي وبطريقة ماترجعنا لورة اما بل النسبة لمشاعري هي مشاعرك ومشاعر الجميع وهاد موقع للسيارات مانو موقع لنقاشات سياسية .ولا صايرة موضة هل الايام اي نقاش بيتحول لنقاش سياسي وصارت الهتافات يلي منشوفها عادة يعني؟؟؟ بتمنى من المغتربين يقولونا باي بلاد اوربية او يلي على اساس ديمقراطية لو طلعو 10 بس او حتى لوكانو مليون واحد وهتفو الهتاف يلي عم تعتبروه عادي وشوفو شو بيصير فيهن.....
سوري 14-09-2011 15:34
 لا تعليق
أنت تريد و أنا أريد و الله يفعل ما يريد . ليش أصلاً بيطلعلك تحكي كلمة زايحة مع شوفير تكسي . ليش أصلاً شوفيرية التكاسي حالياً مين هنن ؟
دمشقي 13-09-2011 12:55
 الى الاخ سوري
والله كلامك كلو صحيح يا اخ سوري وعلى فكرة دائماً كان موقع فنات الموقع السوري الاول لسيارات ومنتمناه مايتغير عن طريق طرح المواضيع بهيك طرق يعني بالمشرمحي الشعب السوري بسبب خبرتو الاشهر الماضية بالمحطات والاخبار والفيس بوك والمواقع من كلمتين فيه يفهم مغزى كل نقاش وشو بيهدف واكبر دليل انو سمحتو ليصير حوار تحت بين شخص معارض و مؤيد وهاد شي مو حلو وكان فيكن تحذفو التعليقات لانو هاد موقع سيارات مو موقع سياسي ويستر على حريمكن بلا سياسة واذا ولا بد بلا هيك طريقة لطرح المواضيع
syrian 11-09-2011 18:00
 للأسف
موقع فنات كان من المواقع الرائدة والمميزة , ولكن للأسف أصبح الأن موقع شبه تحريضي كالقنوات المعادية . يالا الأسف
aems 11-09-2011 05:54
 
اخي سوري كيف برايك ممكن نلاقي طريقة ننتقد فيها الحكومة وادائها برايك لحتى حضرتك ما تناذى مشاعرك !!!!! شو رايك ننزل عالشوارع ونصفقلن ونقلن بلييييييز صيروا خلق وعالم وبعدين وين المشكلة بعبارة الشعب يريد !!!!!! هي العبارة صارت كفر يعني...طبعا الشعب يريد وانا اريد وانت تريد وكلياتنا نريد ..والذي لا يريد اصلا هو كالعبيد
الى الاخ سوري 10-09-2011 01:48
 حضارة
شرطك صاير هو بدو يمشيك عالمنطقة يلي هو رايح عليها مو انت بدنا شوفيرية آدميين ولاد حلال بدنا تكاسي نظيفة شوفير نظيف بدنا توحيد لنوع ماركات التكاسي شكرا فنات
عماد 07-09-2011 13:27
 شفيرية نصابين
بنفسي مرة اطلع بتكسي بالشام وادفع عالعداد يعني نصب وشحادة وسرقة للمواطن عالمكشوف شغلة لازمها حل سريع او الواحد يضرب الشفير على وقاحته
karawan 06-09-2011 19:23
 غريب امرك فنات
فنات تعودنا مواضيعك تكون حلوة وواقعية .. صحيح هي الظاهرة واقعية بس مانها جديدة ومانها كبيرة متل ماعم تصوريها .. وطريقة عرضك لهل الموضوع واستخدام عبارات ماكنا متعودين نسمعها وصارت الناس تحكيها بشكل عادي (اخذوها عادة يعني)متل الشعب يريد مابعرف شو ..... والخ.. وبهل الوقت هاد بيطرح سؤال كبير وعم يسمح للبعض يحكو تعليقات بتقهر .. انا برأيي لازم تكونو موقع خدمة اصلاح بطريقة الطرح مو موقع عم يعلم الناس مصطلحات عم تأذي البلد. وشكرا لكم وبتمنى تكون وصلت فكرتي .........
سوري 06-09-2011 14:48
 
الشعب يريد شوفيرية تكسي محترمين وتكسي نظيفة ولائقة!
المتشائل البرغوثي 06-09-2011 10:16
 شو مشان
و أنا لهلأ ما كنت أفهما هي تبع العداد و عداد و نص و عدادين ما دولة حاططلوا عداد مو مشان ينقبر يحط التسعيرا على كيفو
ghaz 06-09-2011 03:26
 لَك شُو هَي هِيَّ...
بشرى سارة: شرطة المرور مالا مشغولة بأي شي تاني ورادارات السرعة شغالة 24/24، والطاسة بكل القطاعات بالبلد تحت السيطرة وسقف القانون والطاسة مالا ضايعة بس في كم إبن "حلال مصفّى" عم يحلمو بهالشي بس فشرو هنن ويلي "وراهن"، أما بالنسبة لموضوع تحديد بعض السائقين لخط سيرهن فهالأمر قديم وأنا ما بركب بالتكاسي إلا ما ندر لحتى ما فوت مع السائق بجدل على العداد وطريقة السواقة والكلام يلي من فوق الأساطيح.... لك مدام سورية الله حاميها ما حدا بيطلعلو عليها... دمتم أنتم وسورية بخير.
وائل زين العابدين 06-09-2011 01:02
 ظاهرة موجودة بس قليلة نوعا ما
صح في هيك شي وفي قلة ذوق من شوفيرية التكاسي يلي مابيطالعو الواحد الا على المنطقة يلي بدن ياها بس بالنسبة لموضوع أنو مابيوصلوك على المناطق يلي فيها أحداث ومسلحين فهون معن حق لأنو الحياة غالية يعني مثلا من حوالي عشرة أيام لدي صديق مهندس تخرج السنة من كلية الهندسة الواقعة في منطقة دير بعلبة بحمص طلع مع شوفير تكسي عالجامعة ليجيب شهادة التخرج وفي الطريق تعرض الى أطلاق نار الحمدلله لم يصب بأذى وأتت عربة مصفحة تابعة للجيش وأنقذتهم من أطلاق النار هون حلف شوفير التكسي 100 يمين أنو ماعد يجي على هيك مناطق
محمد 05-09-2011 23:22
 حلوة يابلدي
هذي البلد عبارة عن بؤرة ومستنقع من *****و*****!(فهمكن كفاية) يعني وقفت الشغلة على شوية تكاسي او شوية سرافيس يعني الوضع سلطة وكل مين ايدو الو .
زوزو الحباب 05-09-2011 21:04
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.