بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

مواضيع للحوار

من هي السيارات المندسة؟

20-09-2011

 

يشير قانون السير الصادر عام 2008 إلى أن عقوبة من يسوق مركبة بلوحاتٍ أرقامها مشوهة قصداً تصل إلى الحبس من شهر وحتى ثلاثة أشهر، مع فرض غرامة مقدراها 25 ألف ليرةٍ وحذف 16 نقطةً من رخصة القيادة. مع التنويه إلى أن القانون لم يفرق بين السيارات الحكومية وبين السيارات الخاصة لا في هذه المخالفة ولا في غيرها.

ورغم هذه المادة القانونية ورغم هذه العقوبة الصارمة، لُوحظ في الآونة الأخيرة انتشار ظاهرة طمس أو إخفاء بعض أو كل أرقام لوحات سياراتٍ مُعينة، تحت دواعٍ وأسباب معروفة لا مجال لذكرها أو للخوض فيها.

 

 

والأكثر من ذلك، فقد رأى فريق موقع فنّات بأمُّ عينه وفي ساحة الأمويين بدمشق يوم أمس سيارة تقطع الساحة من أولها إلى آخرها وبدون لوحةٍ أصلاً!، وجرى ذلك أمام مرأى رجال شرطة المرور المنتشرين على محاور أهم ساحة في العاصمة.

وإذا كنا نتفهم الأسباب التي تدفع بإخفاء أو تمويه أرقام بعض السيارات، إلا أن الخشية أن تُعمم هذه الظاهرة ويصبح بإمكان أي شخصٍ العبث برقم لوحة سيارته، وعندها كيف لشرطة المرور أن تميز بين هذه الأعداد الهائلة من اللوحات (المموهة)؟، وأن تفرز السيارات المندسة من السيارات غير المندسة؟!.

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 5
عدد التعليقات: 16
 كلمتين وبس
الي قاعد بالمعركة غير الي عم يسمع .....الي مو مصدق انو في مسلحين يجي لعنا على حمص .....وعاشت سوريا الأسد وبس
yahea amen 08-10-2011 00:35
 من ساوى الناس بنفسه ما ظلم
يعني هالشخص بغض النظر عن صفتو الأمنية لما بيموه النمرة و هالسيارة بتكون مع السائق او حدا من طرفو و دعس شي حدا هالشخص المصاب كيف رح ياخد حقو اذا مافي نمرة تتسجل دغري السائق بيدعس و بيهرب ولهالسبب النمرة عم تتموه مو لأسباب أمنية
سنفور مفكر 02-10-2011 20:51
 مجرد سؤال
اذاكانت هذه السيارات لمخربين وتمر امام اعين الشرطة والامن فلماذا لم تلاحق ويوقف من فيها معنى ذلك ان الشرطة اما مو عارفين شغلهم او انهم بيعرفوا مين صاحب السيارة وما بيحسنوا يساوا معه شيء وبالتالي في الحالتين الحق على الشرطة
سوري 01-10-2011 11:35
 عبد الله ؟؟؟؟
بعد كلشي شفناه بهالازمة , وكلشي شفناه بعيوننا , من الغباء صراحة ما نصدق انو في مسلحين و عصابات , عبدالله مو ملاحظ انو هو الوحيد المخالفنا برأيو .. يا حبيبي يا عبدالله , اذا مراسل الجزيرة انكليش بنفسو اعترف انو في مسلحين بسوريا .. و اللي ماعم يصدق هالشي بيكون يا أما هو مابدو يصدق , أو انو أعمى وما عم يشوف , و بالنهاية انتو بتضللو قلال كتير و مارح تأثرو ع أشبال الأسد ..
Golf Rider 30-09-2011 13:50
 عميان
يلي لسا مو مصدقين انو في عصابات هؤلاء اما عميان او قاعدين بالبيت ومسكرين كل شي لدرجة الضو ما بفوت على بيتهم ولله يلعن العرعور وانصاره وقناة وصال وصفا المحرضين على الطائفية وقناة الخنزيرة والعبرية وانتصرت سورية بقيادة الدكتور بشار حافظ الاسد
حبيب 24-09-2011 08:29
 عيب يا
يلي مو مصدق انو في مخربين ومندسين يجي لعنا عحمص ويشوف بعينو أسلحة غريبة عجيبة ومع ناس مابتعرف تستعملها منيح ومو موجودة مع الجيش هون شايفينن من شبابيك بيوتنا لهالقتلة الخاينين الله يحمي هالبلد وانشالله بتوعو يا ابناء بلدي انو كلنا اخوة ومو لازم تسيطر الطائفية او الانتقام علينا وبالنهاية بقول لعنك الله يا عرعور وكل محبينك
سوري بيحترم بلدو 23-09-2011 20:47
 القصة مو مسخرة
انا اقول نفس كلام الاستاذ وائل هناك سيارات للارهابين تحوي نمر فاهية ... وتحية ل اهل طرطوس وحلب
شاهين 04 23-09-2011 07:38
 مين ابو ليلى!!!!!
ردا على سؤالك مين سمير!!! سمير هو مواطن سوري يحب بلده ويكره الظلم ومافي داعي تنفعل كل هالقد مشان صحتك....وتاني شي من طول عمرنا منشوف التشبيح بالسيارات وكلياتنا منعرف مين هني ....فياريت لا حدا يتفلسف ويقلي مخربين ومندسين يلي اجو من كوكب الكريخ بليلة مافيها ضو قمر....البلد عبتخرب وبتنهار بسبب تغاطي نظر الشرطة عن كل هالتجاوزات بحجج مالها طعمة......يعني يطلع ولد صغير بالشارع ويقول ح!!!!!!! راح يجتمعوا الف عنصر امن وكانه في قنبلة !!!! ولكن بنايات كاملة مخالفة طلعت خلال هي الاشهر ماحدا قلن شو عبتعملوا
عبدالله 23-09-2011 02:48
 مين سمير؟!!!
لك شو هي هيّ... مين سمير؟!!! بالله ما في مندسين ومخربين؟!!! العمى!!! لكن مين يلي عم يعيسو بسورية فساد؟ هدول شي ولاد احماك ولا ولاد عمك ولا ولاد خالك ولا اخواتك ولا رفآتك بالطرنيب؟!!! إحاج طرنبة!!!... بالله أحمد آخد إختك؟!!! وشو هي شبيحة ما شبيحة؟!!! الظاهر هي شوكاليطا تانا مأسرة عليك... والله إزا الشبيحة هنن يلي بدهن يرجعو الأمان للبلد فربّي ينصرهن على ولادين الحرام بعيد ما بوشّي... على فكرة سورية الله حاميها وكم واوي ما بيأسرو عليها.
أب ليلى 22-09-2011 19:03
 بالنسبة للمخربين والارهابيين
على فكرة في باصات نقل داخلي عم ينحط عليها جريدة للنمرة أو في باصات بلا نمر، وبتكثر بخاصة يوم الجمعة، بقى بلاسلبة وتقولو عم يستخدموها ارهابيين ومندسين، هي النمر للامن ولاسباب كلنا منعرفها، وانشالله أزمة وبتعدي. بس لا تكترو سلبة، قال مخربين!!!! حبيباتي نحنا بسوريا مو بلبنان، يعني الطير الطاير ما بمر، ولا حيمر. الدولة قائمة على أمن البلد، والسيارات يللي بلا نمر للامن والشبيحة يلي بدهون يعيدو استقرار البلاد.
سمير 22-09-2011 16:26
 أنا أكره الكذب
شو مشان أنو هذه السيارات كانت موجودو قبل زمن الإرهاب والكباب ومن هداك الزمان ما حدابيحكي معها شي؟ بقى لا تقولوا عم يستخدموها المخربين.. لأنه في منهن نمرة شرطة وجيش.. وإذا الإرهابي أو المخرب عم يقدر يوصل لهيك سيارة فعفوا منكم يا رجال الأمن والشرطة وكل القوى التي تحاول الحفاظ على (النظام ) والسلامة بالبلد وكمان شغلة: كون السيارة تحمل رفم ( شرطة ) أو ( جيش ) أو ( اللذي منه ) لا يخولها أن تمشي بعكس السير أو تتجاوز السرعة النظامية أو تقطع إشارة حمرا لأنه قانون السير هدفه السلامة وليس أي شي آخر.
سنفور غضبان 22-09-2011 11:51
 طرطوس
والله يا فنات وقت يلي بتكون سيارتك نمرة طرطوس او حلب لازم الواحد يشوها......وخاصة عالاستراد
hhh 22-09-2011 00:37
 المندسة من خيالها
كلام الإخوة في فنّات صحيح 100%، فقد رصدت الأجهزة المختصة مثل هذه السيارات في كل من برزة وحرستا ودوما والتل، وقد كانت بعض اللوحات فاهية وبعضها كان البياض يغلب عليها والبعض الآخر ثنائية الوجه، وكما قال الأخ عاشق الكوري فتلك السيارات تستخدم من قبل المخربين الخائنين لله وللوطن، شكرا فنّات على هذه المقالة، والشجرة المثمرة عادة ما ترمى بالحجارة.
وائل زين العابدين 22-09-2011 00:09
 مابتخلى
مافيك تنفي نفي كامل انو مافي هيك سيارات في كتير ومحشى وشو مشان موضوع تغيير موديلات نمرة السيارة
عماد 21-09-2011 18:24
 
في حمص السيارات التي لا تملك نمر تحوي مسلحين 99.9% وهذه السيارات سُرقت من شاحنات النقل قبل وصولها للوكالات من قبل ا?رهابيين ولكن الوضع تحت السيطرة وا?مان سيعود إذا مو بخاطر الناس غصب عنهن.
عاشق الكوري 21-09-2011 01:49
 
شو هالفبركة هي يا فنات لوحات مشوهة؟ بعمري ما شفت هيك شي وخصوصي بالشام السيارات كلها نظامية وخصوصي سيارات الشرطة لأنهم قدوة بتشتهي تلاقي فيهن مخالفة لا لوحات مشوهة ولا تفييم ولا أنطينات ولا سرعة ولا عكس السير ولا شي من هاد عنجد هي فبركة وأنا بنصحكم لا تكونو جزء من المؤامرة الأنجلو فرنكو فضائية
مندس مفبرك 20-09-2011 23:21
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.