بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

فيديو وتعليق

رئيس فولكس فاغن يخشى على غولف من هيونداي i30!!!

27-09-2011

 

خلال معرض فرانكفورت الذي أغلق أبوابه مؤخراً، قام رئيس مجموعة فولكس فاغن السيد مارتن فينتركورن بالتنزه في أروقة المعرض بغية الوصول إلى منافس يخشاه أكثر من أي منافس آخر، إلا وهو هيونداي والذي ورغم نجاحه الهائل في أسواقنا مازال بعيد عن نيل استحسان الجميع هنا.

ووسط عدد كبير من الصحافيين والحضور دخل السيد فينتركورن أحد أقوى الرجال في عالم السيارات منصة هيونداي وتوجه نحو أحدث منتجاتها الجيل الجديد من i30، وقام على الفور بتفحص باب صندوق الأمتعة وأخرج من جيبه أداة مغناطيسية مباشرة يقاس بها سماكة وتجانس الدهان، ومن ثم طلب من رئيس التصميم في شركة فولكس فاغن السيد كلاوس بيشهوف مرافقته، فتفحصا السيارة من الخارج ودخلا إلى مقصورتها، وبدأ فينتركورن بتفحص السيارة وجرب عتلة تحرير المقود من أجل تعديله وتحدث إلى رئيس التصميم قائلاً: تحرير العتلة وتحريك المقود يجري بسلاسة وهدوء تام ولا يصدر أي صوت وهذا ما لا تستطيع بي إم دبليو فعله، ونحن أيضاً لا نستطيع، ولماذا برأيك؟. فأجاب السيد بيشهوف: لدينا التقنية اللازمة إلا أن إنتاجها مكلف للغاية ولا نسطيع استخدامها!.

ومن ثم تفحص التجهيزات وصرح بأنها كاملة وينقصها مرآة داخلية خافتة للنور المبهر، وطلب بعد ذلك مقياس وقاس به أبعاد النقاط الميتة في i30 والتي لم يخف أعجابه بها، وهذا دليل واضح على خشيته على طرازه الأكثر مبيعاً والأشهر في مجموعته... ألا وهو غولف.

وندعكم مع الفيديو الذي يبين ما ذكرنا سابقاً... فما رأيكم؟ ألا تستحق هيونداي نظرة أفضل واحترام أكبر مما سبق؟؟

 

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 12
عدد التعليقات: 22
 
بس يا جماعة بشكل عام ميزة الكوري انتشار قطع الغيار ورخص ثمنها مقارنة مع غير ماركات فمثلا انا بسيارتي الأوكتافيا كسرولي الغماز يلي عل مراية فتلت بالسوق ما لقيت منو طلعت عالوكالة قال حقو 2500 اذا الغماز هيك حقو معناها لو طاير شي باب لاسمح الله اديش كان حقو
OSAMA 21-10-2011 02:42
 بس ما فهممممت
ليش ماسك المتر و عم يقيس مع رئيس قسم التصميم- على كل احترامنا للشعب الكوري المثابر و المجتهد و المثابر و الذي انطلق من الصفر ليقارع الكبار بكل مجالات الاتمتة و الاتصالات و الموبايلات و شاشات البلازما و السيارات و البناء
رئيس شركة فولكس بمثابة رئيس جمهورية 20-10-2011 16:57
 بالتأكيد ليست الأفضل
عزيزي osama قصدت أن الهونداي أميز من الكيا (الشقيقة) ومن الدايو، على كل بحب أأكد لك أن الهونداي عملت معي 580 كيلو في سفرة على تركيا وزاد معي ربع الدابو يعني بالوسطي عملت شي 280 عالسفر، وهي كتير مقبولة هذا من جهة ومن جهة أخرى طبعا الغولف غير :)
فواز 19-10-2011 01:05
 
صحيح انو الكوري مو متل بعضو بس الهيونداي فيها علة كبيرة يلي هي مصروفها و اسال اي واحد معو هيونداي اكيد بيقلك انها صريفة طبعا مقارنة مع غير ماركات بفئتها بس بالنهاية خلي اي واحد يركب الماني و يرجع للكوري بيلاقي فرق شاسع بين التنتين
OSAMA 18-10-2011 01:45
 قوية كتير
أكيد في ناس بدها تطلع هلق أفهم من مارتن فينتركورن، على كل بحب أأكد للبعض أنو الهونداي هو الأميز في الكوري وليس الكوري كله بيشبه بعضو
فواز 17-10-2011 16:14
 
بحب قول لجميع المعلقين انو الالماني بعمرها ما بتروح ايامو و الكوري بحياتو ما كان منافس للالماني انا كان معي لاسيتي موديل 2005 ما هدت معي اكتر من 3سنين وفرطت اشتريت عواضها اوكتافيا السيارة رائعة وما في اي سيارة كوري بفئتها بيطلعلها معها ونشاء الله السيارة يلي بعد هي اودي او ب م او مرسيدس اما اني فكر بالكوري مرة تانية استحالة
OSAMA 17-10-2011 02:00
 ا!!
السيارة اوربية وليست كورية
عمار عاشق النيسان 14-10-2011 17:32
 أنا مع الاستاذ وائل
ذهبت ايام الالماني كما ذهبت ايام الايطالي فيات و الفرنسي بيجو و رينو و سترويين, ان الكلفة العالية للصناعة السيارات الاوروبية اصبحت عالية و غير قابلة لمنافسة الكوري و الياباني التي هي نصف السعر تقريبا.. لماذا اشتري سيارة غولف ب 2 مليون بينما الهونداي بمليون و الجميع يعرف بعد 5 سنوات سيتم استبدال محرك البنزين بمحرك هجين او محرك كهربائي, ان العالم الان مع التجديد و ليس شراء القطعة و ترلزق بوشك الى الأبد, ان الذين يركبون الماني هنا بالخليج استبدلو سياراتهم بياباني او امريكي او كوري.
سمير 13-10-2011 11:50
 
على فكرة لمن يعرف أشخاص من الذين اشتروا سيارات غولف في السبعينات يسألو شو كانوا الناس عم يقولوا عنها و بيعرف انو يلي عم يحكوا الناس عن الكوري اليوم كان عم ينحكى عالغولف دائما هناك تأخر في تقييم السيارات عندنا شي عشرين سنه ,و لمعلوماتكم أنا كنت أعمل في شركة من أكبر الشركات الأوربيه و أعلم أن منافسة الشركات الأسيويه (ما عدا اليابانيه) صارت شبه مستحيله للشركات الأوربيه التي تفقد حصصها السوقيه بشكل مستمر لأن كلف الانتاج لديها عاليه جدا و جودة الانتاج لديها أفضل بقليل من الشركات الأسيويه(بضعف الكلفه
الحقيقه 13-10-2011 01:58
 منافسة الألماني
والله سيارة رائعة وأنا برأيي مو بس بتنافس الغولف بتنافس كمان الـ BMW 116
fadi 04-10-2011 18:54
 خخخخخ
شلون لو شاف السابا من سيفكو ؟؟؟ يم كان سكر معمل الفولكساكن من اصلو
سوري 04-10-2011 17:58
 
حسب ما قرينا عالموقع من فترة انو ‏VW‏ عم تسعى لانو تحقق اكبر مبيعات بالعالم بسنة 2018 مشان هيك خاف على مبيعات الغولف من الI30‏ بس اما هيونداي تنافس ‏VW‏ فهل شي مستحيل لأنو ما في متل جودة الألماني والهيونداي ما بتنافس ‏VW‏ الا بالسعر بس مستحيل تنافسها بالأمان والجودة والدليل شوفو الغولف موديل السبعينات لهلق شغالة والسيارة محركها قوي انا معي اوكتافيا 2010 احسن من أي سيارة كوري وخصوصا عالمد و عالسرعات العالية الكوري عالسرعات العالية ثباتو ضعيف
OSAMA 04-10-2011 16:22
 
انا مع السيد عمر بتعليقو بالنسبة انو فوكس فاجن تخاف على الغولف فهي بعيدة كتير عن هيونداي وعن اي 30 انابعتبر انو الكوري صناعة لاباس فيها بس تتشبه بالالماني او اميركي تشبيه ضعيف جداً وخاصة بالنسبة لثبات السيارة
معجب بالالماني 03-10-2011 23:07
 الى وائل
يا وائل عم تحكي كانك مو راكب بحياتك الماني . يا اخي السواقة متعة ومتعة القيادة بس بالالماني مع احترامي للكل
طارق 03-10-2011 14:20
 الصناعة الالمانية الى الهاوية
ليش مين عم بقول انو الفولكس فاغن عملاق الصناعة, حبيباتي راحت ايام العز و ركاب بسيارة غولف و سماع صوت المحرك يلي عم يعوي عوي.. و الاعطال و الصيانة الغالية و قطع الغيار الغاية كذلك و هنا عنا بالخليج سيارة فولكس فاغن تفقد 30 بالمئة من قيمتها عند اخراجها من الوكالة... بعكس باقي السيارات كالياباني مثلأ, باي باي المانيا و بنشوفكم بس تنزلو محركات بنزين و كهرباء و صديقة للبيئة يلي صرلها تويوتا و هوندا من سنة 2000 عم تبيع بهل التقنية... على فكرة عقدة الالماني بس موجودة هون ببلاد الشام..
وائل 29-09-2011 15:55
 سيارة تستاهل
والله الهيونداي سيارة جميلة مع اني ما اعتقد انها منافسة للألماني لكنها بمستوى الياباني و قريبا بمستوى الاممريكي حسب الاعتقادات لكن ليش سعر ال i30 مرتفع قليلا اتمنى الرد
مصطفى 28-09-2011 15:36
 ليس في الأمر ما يدعو إلى القلق
لا أعتقد أن المسألة بهذا الحجم فالسيد مارتن من كبار صناع السيارات وهو فقط يراقب السوق بعين المتأمل لتطوير قدرات فولسفاغن أكثر فأن تبقى بعيدا عن مستجدات سوق السيارات هذ شئ غير مقبول فتحقيق التطور يقتضي المراقبة الدائمة لما يحدث في السوق لذا لا أعتقد أن ما قام به السيد مارتن بشئ يدعوه إلى القلق بقدرما هو يؤكد فطانة هذا المصنع العملاق فولسفاغن
أسارة رشيد 28-09-2011 15:12
 ياريت
ياريت تكون i30 بجودة كافية للمنافسة بس تضل بسعر مناسب مو تصير بسعر الغولف و المهم مو العتلة و الدهان و المسجلة و ال... المهم هو الثبات و الفرام و الأمان يعني انا بحب الصناعة الالمانية بس اذا بصحلي صناعة بنفس الجودة و بسعر ارخص احسنلي حاليا عندي فابيا و مرتاح عليها كتير بس لازم غير لاكبر و مالي غير الكوري ليناسب ميزانيتي بس طبعا بعد الغاء قرارمنع الاستيراد لانو بوجود هل القرار كل حكينا علاك بعلاك
man74 28-09-2011 08:34
 هـيونـداي تـتحـدى الـكـبار بـجـدارة
فـعلا هـيونـداي تـستحـق الـتفـوق بـجدارة
خـالـد 27-09-2011 22:27
 الى الامام
ليش مابتخاف من هونداي الي هية رابع اكبر مصنع بالعالم
عمر 27-09-2011 20:08
 1
سادتي الاكارم فنات ما بنكر انو هونداي عم تتطور بس بكير شوي تصل لدرجة تخاف منها شركة متل فوكس فاغن ! بحترم تحليلكن للفيديو شديد الاحترام بس انا قرأتو بغير جهة : انو الزلمة عم يشوفمن هالشركات هي شو عم يطلعو بتطويرات جديدة ليزيد تفوق شركتو مو ليخاف على منتجو "غولف" !
داني 27-09-2011 16:49
 
أنا لست من كارهي الكوري و ليس من عاشقيه و لكن احترمه و اعتبره منافس قوي للسيارات الآخرى و لكن عندما رأيت الفيديو و رأيت صاحب شركة من العمالقة يفعل ذلك دهشت و كبرت الهيونداي في نظري كثيراً
العم سام 27-09-2011 16:26
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.