بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

قوانين وأخبار محلية

طعنة في صميم سوق السيارات السورية... إيقاف استيراد السيارات السياحية!

22-09-2011

 

فى إطار إتخاذ الإجراءات الوقائية لحماية الاقتصاد الوطنى وحماية المنتجات المحلية اعتمد مجلس الوزراء قراراً يقضى بتعليق استيراد بعض المواد التى يزيد رسمها الجمركي على خمسة بالمئة ولمدة مؤقتة، وذلك باستثناء بعض السلع الأساسية التى يحتاجها المواطن ولا تنتجها الصناعة المحلية.

وقال الدكتور محمد نضال الشعار وزير الاقتصاد والتجارة في تصريح للصحفيين عقب الجلسة أن القرار الذى إتخذه مجلس الوزراء اليوم حول تعليق استيراد المواد والبضائع والسلع التى يزيد رسمها الجمركى على 5 بالمئة وهى تشمل بمعظمها الكماليات والسيارات السياحية يهدف إلى الحفاظ على مخزون البلد من القطع الأجنبى واعادة توزيع هذا المخزون وتوجيهه إلى طبقات الدخل المحدود بما يحقق إستفادة أكبر فى العملية الاقتصادية فى سورية.

 

 

وأضاف الوزير إن هذا القرار وقائى ومؤقت وسيسهم فى تنشيط العملية الانتاجية من خلال إعطاء الفرصة للمصانع لإنتاج السلع التى توقف استيرادها وبالتالى خلق فرص عمل جديدة أو إعادة تشغيل العمال فى بعض المصانع التى توقفت عن العمل.

وأشار الشعار إلى أن هذا القرار لن يؤثر على استيراد المواد الخام والمواد الغذائية وكل المواد الأساسية التى يحتاجها المواطن فى حياته المعيشية.

وبغض النظر عن الآثار التي سيتسبب بها هكذا قرار على بقية المنتجات، فإن سوق السيارات السورية ستتأثر بشكل كبير، وسيتسبب ذلك برفع أسعار السيارات بشكل شبه محتم خاصة المستعملة منها، فيما لن تنال السيارات التي يجري تجميعها في سورية الرضا التام من قبل زبائن السيارات، ونأمل أن لا يستمر هذا الإيقاف المؤقت لاستيراد السيارات فترة طويلة.

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 27
عدد التعليقات: 182
 إيقاف التعليق
السادة الكرام: تعتذر فنّات عن نشر أي تعليق بعد هذا التعليق مهما كان محتواه على هذا المقال. مع الشكر
Fannat.com 05-10-2011 22:50
 ع كل حال أنا بعتذر
يمكن أنا قسيت شوي بالحكي والتعليق ... وهاد كلو لأني مزعوج كتير أنا خسرت كتير من رفقاتي بسبب طائفتهن بحمص بيد سلميين مثقفين و واعيين..... إذا هي الحرية يلي رح نلقاها بس يروح النظام أنا مابدي ياها .... لا تقولوا الشعب السوري واعي.... لاتقولوا شي لأنو شفت الوعي بعيوني ... الوعي كان رح يقتلني.... وبالأخير بعتذر من كل الناس يلي زعجتهن وبعتذر بالأكثر لعزيزتي فنات على رحابة الصدر ..... بتمنى من كل يلي رح يقرأ هالتعليق يدعي برجوع الأمان لسوريا و أنو نار الحقد يلي اشتعلت تنطفي .... حاج دم ... شبعنا شبعنا
بلا اسم 04-10-2011 20:20
 مابدي رد تافه بدي المنطق
لاني شبيح ولاني بوق ولا حتى مستفيد..... أنا مواطن متلي متل غيري والسيارة حلم عندي متل كتير من الناس ... أنا متأذي من الفساد بهل البلد وما بتمنى إلا الخير للجميع... لهيك قلت يلي مو عاجبتو ينقلع يعيش برا لأنو ماحدا شاف يلي شفتو..... دكاترة ياجماعة دكاترة... يعني مثقفين عم يسألوا المريض أنت من أي طائفة.... البلد على كف عفريت ونحنا لاحقين مصالحنا ...... الحقد طلع فجأة وانت يلي عايش بسويسرا بس تدوق مرارة انك تخسر قريب او صديق بسبب طائفته بحمص او بأي مدينة تانية وهو ما إلو ذنب .. رح تعرف شو يعني حرية
بلا اسم 04-10-2011 20:14
 السيد <سويسرا>
بتعرف انك ضحكتني ومو جاي عبالي اضحك بعبارتك <الشعب السوري بوزع شهادات ....> معك حق 100% بهل العبارة واكبر دليل هالمثقفين يلي رح يخربوا هالبلد بفكرهن الطائفي البحت وبعقلهن التافه....... كل واحد بتعيشوا البلد من هو وصغير وبس يكبر .... بيكبر راسه و<بينقلع> لبرا وبصير معارض معروف لحقتوا الحكومة عالجبال والوديان وهو هربان من بطش النظام والقمع والذل........ أنا ماني مستفيد من هالحكومة بقشة ولاني رضيان عنها بس للأسف الله طعمني شوية ضمير ... صاروا الناس يشتموني ليش عندي ضمير ... لازم كون تافه حتى انحب
بلا اسم 04-10-2011 20:08
 صنع سوريا .... استاذ مؤامرة يلي تخلع رقبتك
أنا أول شي كتبتو بالتعليق أنو الحرية يلي وصلناها حرية اكبر من يلي بنستاهل والحكي موجه للمزوء الفهمان الحباب المؤدب الحر الديموقراطي صاحب أجمل تعليق...<مؤامرة يلي تخلع رقبتك> شوف حديثك شو راقي و واعي بدل على مدى الــــحـــــرية يلي وصلتلها انت وغيرك من هالفهمانين يلي بدن يعمروا البلد..... وللاستاذ يلي عايش بسويسرا ..... تعال عيش هون بعدين احكي عالبلد..... كتير من الناس بعرفهن بعتتهن الدولة بعثة لبرا قام ضحكوا عليها عأـساس وضلوا عايشين برا وصاروا <معارضة بهمها أمن وحماية وحرية و..... البلد>
بلا اسم 04-10-2011 20:03
 
ملاحظة: ماعاد في تمويل دولار من المصرف المركزي و بالتالي على التجار أن يطلعو الدولار من تحت البلاطة و يروحوا يشتروا بضاعة و بدل ما يكدسوا الدولار برا رح يشتروا فيه بضاعة و يفوتوها لسورية و هذا هو الصحيح و هيك بتكون ضربة معلم و شكرا للحكومة
تعليق 04-10-2011 15:07
 قرار تعليق استيراد السلع
دمشق-سانا قرر مجلس الوزراء في جلسته التي عقدها اليوم إلغاء قرار تعليق استيراد السلع والبضائع التي يزيد رسمها الجمركي على الخمسة بالمئة. 04-10-2011
Ali 04-10-2011 13:59
 
مشان ما تعدلو أسعار السيارات و ترفعوها لغينا قرار تعليق الاستيراد فرجاء من الأخوة التجار المساكين المقهورين الفقراء عدم رفع أسعار السيارات مع أننا نقدر معاناتهم و حزنهم بعد الغاء قرار التعليق شكرا للحكومة.
تعليق 04-10-2011 13:54
 عاجل عاجل
الغاء القرار على الرابط
عاجل 04-10-2011 13:41
 قرار جديد
الحكومة تلغي قرار تعليق استيراد السلع والبضائع التي يزيد رسمها الجمركي عن 5 بالمئة هذا القرار صدر قبل كتابة هل تعليق ب اقل من ساعة
مقهور 04-10-2011 13:04
 إلى سماحة السيد (بلا اسم) 2
وبتقول طلاع عيش برا و ورجينا حالك .. أنا عن نفسي عايش في سويسرا والحمد لله عايش ملك زماني مو ناقصني شي ومواطن محترم لابعد الحدود والحياة هون عالم تاني من الحرية والديمقراطية والرفاه والخدمات ووووالخ (جنة الله على الارض) فبقى لا تطحش بكلامك ولا تخبص يا ابو الشباب, والحرية مو مبهدلة ولا تضرب متل ما بتحكي الحرية هي رمز وغاية وهدف نبيل .. وبحب زكرك بأهداف الحزب والرئيس الاسد (وحدة.حرية, اشتراكية) يعني الحرية مو مبهدلة الحرية هدف يا محترم
صنع في سوريال طلعو 04-10-2011 10:55
 سماحة السيد (بلا اسم) 1
حرية الشعب عندك يامحترم فرلكة وأكل هوا (الرأي والرأي الاخر) , وكمان بتقول الشعب نسي الخير يلي قدمتوا الحكومة وسؤالي ما هو الخير الذي تتكلم عنه؟وهل تم توزيع سلة خيرات على الشعب ولم يطالني النصيب؟!وبتقول قاعد بالحضن وعم ينتف بالريش وسؤالي مين قاعد بحضن مين؟مو الحكومة هي يلي قاعدة بحضن الشعب وعم تنتف بريشوا؟!وبتقول كمان يلي بيحكوا ما معن شهادة سادس,بهي أخطأت الشعب السوري بوزع شهادات على العالم وبلدنا والحمد لله مليانة متعلمين بأعلى الشهادات ومعروف المتل (الدكتارة معبية البلد)كناية عن كترة الشهادات
صنع في سوريا 04-10-2011 10:49
 مؤامرة يلي تخلع الرقبة تبعك
لك أجدب انت شي ............اكبر مؤامرة هي يلي صارلنا عايشينا 40 سنة عن المقاومة و الممانعة و يلي ما طلعب غير بوجه هل الشعب الأعزل ............و هي البلد لالنا كلنا .........هي مو بيت أبو حدا أبدا ....., هي النبرة بالحديث تبع ....يلي مو عاجبوا البلد يضب عراضوا ويمشي ......هي هي المؤامرة تمام ........هي البلد لالنا كلنا ........رضينا و لا ما رضينا ....بدنا نعيش مع بعض و نفهم بعض ........و بالسرعة يلي منفهم فيها هادا الموضوع .....هي السرعة يلي بيرجع فيها الاستقرار على البلد
مؤامرة يلي تخلع الرقبة تبعك 04-10-2011 09:53
 جرب الشعب يا نشأت
خلينا نشتري بيت بجهدنا وسيارة ريو وشوف منا نرضى ام لا
جورج الاول 03-10-2011 20:57
 النقاش كان محترم وهلأ وئت الـ.......
يبدو أنو الحرية يلي بدو ياها البعض صارت بتضمن حرية الفزلكة وأكل الهوا وعدم الاحترام أنا بتمنا لما احكي مع معارض يحكي متل الخلق والبشر وما ينط وينبحت وبصراحة يلي مو عاجبتو البلد ونسي الخير يلي قدمتوا الحكومة لإلنا مع كل الأخطاء والفساد الموجود فيها بحب قول إله يضب غراضه يعيش برا حاج قاعد بالحضن وعم ينتف بالريش موعاجبكن الوضع لسا كل واحد معو شهادة سادس وبدو يكون وزير معو 6 سيارات... طلاع عيش برا و ورجينا حالك انت وياه .... شوف العيشة برا ما أحلاها بعدين ناقشني .... تضرب هالحرية المبهدلة
بلا اسم 03-10-2011 20:31
 قمة المسخرة
التجار استغلوا القرار وقاموا بشراء 5 الاف سيارة . طيب ليش احنا ما نستغل القرار كمان ونقاطع شراء السيارات وهيك بيكونوا تجار السيارات اكلو كم مرتب يجب الدعوة الى مقاطعة شراء السيارات في سوريا . وانا بصراحة كنت ناوية اشتري سيارة ولغيت الفكرة نهائيا الى ان تأتي حكومة جديدة وتصدر قرار السماح باستيراد السيارات لكل مواطن من أي دولة . وعندها راح استورد سيارة خاصة فيني وخلي تجار السيارات ينعموا بسيارتهم . بس هيك قرار ما راح يصير ابدا لانه المسؤولين متفقين مع تجار السيارات وسلامة فهمكم .
سهير 03-10-2011 09:21
 والله عيب يلي بيحكي عن بلده
أول شي نحنا شعب مابيعجبنا شي والله لو الدوله بتعطي كل شب بيت وسيارة ريو مجانا ليزعل ويقول ليش مو سوناتا تاني شي على سيرة الحمار مستعد أركب حمار بس عيش بكرامة تالت شي كل تاجر بيرفع سعر أي سلعه بكون بدون ضمير وأهم شي الله يحمي هالبلد وقائد هالبلد وسوريا للجميع وماحدى بشكك بوطنية التاني بس الشيئ بالفهم مو بالعلم ويلي زعلان يروح يعيش برة ويشوف أنه أغلى من هالبلد مابلاقي وقبل مانطلب من الحكومة تصلح خلينا نصلح حالنا ويلي عم يحكي على الرشوة يبطل يدفع على غلطة مشان ماحدى ياخد منه وانا حر برأيي
nashat 03-10-2011 02:38
 الى كل الذين ينتقدون الحكومة
انا ضد جشع التجار والفورجية والحرامية والمرتشين والفاسدين واللي بدهن يجيبو حلف الناتو والطائفيين والمجرمين وين المشكلة اذا توقف الاستيراد مؤقتا. يعني شو صار وين المبرر لرفع سعر السيارات هذا هو الاحتكار . والاحتكار في وقت الحرب "ونحن في حرب حقيقية" هو جريمة لا تغتفر وحرام ولا يحللها الا التجار اليهود.. بالاساس ربح التاجر بالسيارة اكثر من 50% دُفع ثمن السيارات المستوردة بدولار حافظت الدولة على استقرار سعره ودفع الفرق كل مواطن سوري . لا يوجد مبرر لرفع سعر السيارات الموجودة ضمن البلد .
مواطن 02-10-2011 18:25
 الى السيد مجد العلي والسيد الفقير
لك الله محيي اصلكن لك لو كل الشعب السوري وعي على المؤامرة يلي صرلو عم يتعرض الها من عشرات السنين كان بلدنا احسن بلد واقوى بلد وماكان حدا قدر يعلم علينا بس ياحيف بس قال عم يمنونا بمسالخ الدولة عفوا بمشافي الدولة المجانية والمدارس والجامعات الحكومية يلي ما بدخلها الواح الا بعد ما تبظ عيونو بالبكلوريا لك هن يعطو رواتب مثل الخلق تسمح للمواطن ان يعيش عيشة كريمة ويوقفو سرقة ونهب من اموال الشعب ويحلو عن ...........ومابدنا لاتعليم مجاني ولا مشافي حكومية ويروحو يلعبو غيرا
كاشف المؤامرات 02-10-2011 18:13
 حتى انت يا فنات
ادخلت ع الموقع للترويح عن النفس, ونسيان الأزمة في البلد, لاقيت نفس الشباب عميخابطو بلغة سياراتية. نحنا بموقع سيارات ....يا حلوين
محايد 02-10-2011 17:26
 الى الاخ بلا اسم
قسم بالله العلي العظيم انه اولادي مسجلهم بمدرسة خاصة بدفع كل سنة مبلغ وقدره بتعرف ليش لانه عارف راح يجي يوم من الايام ويطلع علينا واحد مثلك ويحكي الحكي تبعك لذلك منيتكم على حالكم مع انه هاي اموال الشعب السوري لا تفتكر قيادتك هي يلي معيشتنا. وبعدين بس حراميتك ترجع مصاري الشعب السوري يل نهبت ساعتها راح يطلع لكل مواطن سوري سيارة مجانا وانتي واحد منهم . ضرب الوطنيات واتهمنا بالخيانة مليانة منها واسطوانة مشروخة . روحوا العبو على شي ثاني
مجد العلي 02-10-2011 13:14
 موجه الى تعليق بلا أسم
يعني انتي مفتكر انه الحكومة عم تمن علينا من شان التدريس حبيبي بحب قلك شغله انه الضرائب الموجودة بسوريا مو موجودة بأي بلد عربي وحق الجامعات والمستشفيات اندفعت من دم قلبنا من الضرائب وبعدين بكل دول العالم في مدارس وجامعات حكومية بس كمان بكل دول العالم مافي حرامية مثل عنا ومافي مرتزقة بتمر عليك اخر كل شهر من شان تقبض المعلوم . وبحب قلك شغلة انه موازنة النفظ لا تدخل بموازنة الدولة . لانه تنهب وتسرق . وغيره كثير بتوقع لو كان في ذرة شرف عند الحرامية ساعتها راح تلاقي المواطن السوري عايش بالف نعمة
الفقير 02-10-2011 13:03
 لك شوفوا مين سبقنا.. يا حيف
اذا كوبا سمحت باستيراد السيارات.... بكرة بتسمعوا كوريا الشماليه انفتحت اقتصادياً و نحنا.... منعنا الاستيراد... شر البلية ما يضحك. http://fannat.com/Magazine.aspx?NewsID=4435
أبو أحمد 02-10-2011 03:14
 فالج لا تعالج
لك شو هالشعب هاد؟؟؟ بكل شي بيدخل الدين و المؤامرة!!! لك شبكون؟ يعني اذا الناس صلوا الفجر نحنا بخير؟ والله سمعة! والتاني أبو البكالوريا اجتهد قام نجح... مو سمعان شو بيصير بالامتحانات ببعض المحافظات. و الثالث عم يحكي عن الجامعات .مناهج بطلانة من السبعينات و مدرسين مالون علاقة لا بالعلم ولا الثقافة و لا التربية.حرام يتسموا جامعات. و الرابع بيقللو بلالك السيارة كأنو السوري مو مصنف مع البشر ومالو حق بسيارة! يلي بيسمعون بيقول هنن قاعدين عالجبهة و نحنا قاعدين عالة عليهون و عم ناكل من مالهم و رزقهم.
أبو أحمد 02-10-2011 02:21
 حمار
الحمار وسيلة نقل غير مكلفة ولا يحتاج الى صيانة او قطع غيار او شراء بنزين و هو بسعر 250 الف فقط فلنسخدمه وهو ليس صناعة استعمارية وانما وطني 100 %
احمد 01-10-2011 23:37
 إلى الغالي أحمد
أتمنى من جميع الزوار أنو يقرؤوا التعليقات الواضحة للأخ أحمد وياريت من الجميع يفكر بشغلة وحدة أنوا هادا النظام يلي بتكن تحاربوا هو شوكة في قلب إسرائيل وهي مابتحسن تعمل حرب معنا لأنها خاسرة لامحال لذلك إلتجأت إلى إثارة الفتن والطائفية وزعزت أقوى سلاح في سوريا وهو الأمن الذي يعيشه كل مواطن ومحاولة تخريب بلدنا الجميل من الداخل لتسهل للقوات الأمريكية الدخول عليه بسهولة ووضع قواعد عسكرية لها داخل سوريا والسيطرة على المنطقة بالكامل والباقي خودوا من إخواننا في العراق عم بيتمنوا تتطلع أمريكا من عندن
مضر 01-10-2011 21:42
 ربنا يحميك يا وطن
بسم الله الرحمن الرحيم , أولا نتمنى من موقع فنات المحترم التريث قليلاً قبل اختيار عنوان المقالة, ونصيحة للشباب اللي مستائين من منع استيراد السيارت, لشو راكضين ومستعجلين عالسيارات , اللي استنا كم سنة بيقدر يستنى كم شهر وأحسن ما نقول مو عاجبنا نقول الله يرحمنا وينقذنا.وحابب أسأل <البعض منكم استاء من القرار لأنو اتأجل مشروعه في شراء السيارة حالياً وهو مستعجل كتير فهل أحد منكم استاء من نفسه عندما لم يستيقظ على صلاة الفجر وبادر بالقضاء مباشرة فإذا كان الجواب نعم فنحن بألف خير وإن كان لا,ف الله يجيرنا
أجارنا الله من هذه الأزمة 01-10-2011 21:24
 سوريا يا حبيبتي بتجنن
إذا قارنا حالنا بالصومال فنحن بالف خير سواء الحكومة او المعارضة شوفو اقتصادنا ما اقواه وشوفو سيارة شام او حميشو الغير المتوفرة بالصومال او بيوت العشوائيات ما اجملها بالمقارنة مع الصومال . بس بالمقارنة مع اي دولة اوربية لو مات عشر اشخاص لكانت الحكومة استقالت وعملت انتخابات مبكرة وانا بعتأد انو تصنيفنا بين الدول من الناحية الاقتصادية متل تصنيف منتخبنا الرياضي او تصنيف سياراتنا الوطنية مع السيارات الاخرى وكل عام وانتو بخير .
جورج الاول 01-10-2011 19:49
 للأخ يلي يحكي عن البكالوريا
مع احترامي إلك البكالوريا مو بتجاب باللعب والتسلاية وآخر شي إذا نجحنا شحط منقول ظلم والحق عالدولة ويلعن هيك ....... لأ البكالوريا بدها جهد وتعب لأنو هاد تحديد للمصير ومسار الحياة بأكملها وأنا مابنفي أنو في شوية ظلم بس الحق مو عالدولة ...... أنا كنت بكالوريا واجتهدت والحمد لله طلعلي الفرع يلي بحلم فيه
بلا اسم 01-10-2011 17:54
 تكرمو كلكن
تكرم عيونكن كلكن رح نعملكن الجمركة صفر بالمية وبلا ضرايب ورح تجيبوا البوغاتي بسعرها النظامي ورح نعمل يلي بدكن ياه واركبوا مرسيدسات وشفطوا وبحتوا عكيفكن بس في شغلة أنا بدي ياها تصير وهي الجامعات والتدريس يصير مو بلاش و بعدين ورجوني حالكن يا فهمانين... الجامعات أكبر قطاع مستهلك بالبلد ورسومو 900 ليرة مو 900 ألف بالسنة بدكن تعيشوا متل برا بلا جمارك تكرموا بس بصير التدريس بمصاري ..... بس تدوقوا عذاب دفع مئات الألوف كل سنة على الجامعات والمدارس تبقى منحكي يا (فهمانين و واعيين)
بلا اسم 01-10-2011 17:51
 ما حدا بفكر بوطنو
يعني من المؤسف تشوف هيك نمر والله العظيم..الجراثيم أفهم منك لسا لحقان ياي الحكومة لغت الإستيراد وإنت على أساس فهمان بالإقتصاد لحتى تقدّر هاد القرار لحماية البلد يا فهمان,,, يا حربوق مالك عرفان الله وين حاطك..بس شاطر تعلّق بس ما بتعرف تقول شكراً يا حكومتي بظل هالظروف وما إحتجنا شي ولا نقصنا شي والخبز عنا بـ 20 ليرة بس كلو زعل مافينا نستورد سيارات... ما حدا بفكر بسوريا بترابنا كيف نحميه... لك الله يحميك ويرعاك ويحفظم يا حامي الوطن...
FIras 01-10-2011 16:10
 كاسك يا وطن
شباب بدي أسأل سؤال و بتمنى تجاوبوا إذا البلد ما فيها قطع أجنبي و في عقوبات اقتصادية بدي منكن تعطوني الحل مو كل واحد يسب و يحكي شروي غروي شو الحل؟ بعدين بدي أسأل ليش ما عنا منطق بقولوا الحكومة فاسدة و الموظفين فاسدين و المسؤولين فاسدين ليش الكل راكض عالوظيفة بالدولة لكن؟؟؟ كلوا بدو يصير فاسد يعني ؟؟ أحسن شي نستورد شعب لأن شعبنا هوي الفاسد و مين ما راح و مين ما إجا ما فيه يصلح حال الناس إذا ما أصلحوا أنفسهم بالأول ما حدا بحب البلد كلو بحب حالوا و بس و الوطن ...ياحرام يا وطن.... كاسك ياوطن كاسك
ahmad 01-10-2011 14:36
 كاسك يا وطن
شباب أنا رح إحكي محايد القرار مانو صح بس ضروري لأن ما في حل تاني و الخلل مو الحكومة عمليتوا نحنا الشعب عملناه أنا ما عم دافع عن الحكومة بس مو الحكومة يلي سحبت مليارات الدولارت و هربت فين (نحنا الشعب) و مو الحكومة يلي احتكرت السلع حتى تغليا عالمواطن (نحنا الشعب) و هدول التجار يلي ما همن غير المصاري من كل الجهات و الانتماءات معلش يتضايقوا شوي و المواطن يلي صابر سنين فيه يصبر حتى تخلص الأزمة و يشتري سيارة ليش ما حدا حابب يفهم إنو النظام بس ينهار بأي بلد رح يجوع الشعب رح يجوع شو ما كان هالنظام
ahmad 01-10-2011 14:22
 اضم صوتي
اضم صوتي لصوت الاخ خالد بأن يتم ايقاف التعليقات بهذا الموضع أو اغلاقه بشكل نهائي لان النقاش تحول الى مهزلة وتخوين ومؤمرات طرد من البلد واذلال للبعض...الخ . فقد تحول الموضوع الى مناظرة سياسة غير لائقة والبعض خرج عن حدود الادب . امل من فنات الحبيبة اغلاق الموضع نهائياً . وبانتظار اخبار طيبة من فنات بالغاء القرار والعودة لعالم السيارات .
ابو اللول 01-10-2011 12:56
 نعم لإيقاف التعليق
أرجو من فنات المحترمة إيقاف التعليقات في صفحاتها لأن بعض الأشخاص يسيؤون لإخوتهم بغض النظر متظاهر أو منحبكجي يعني القصة كانت سيارات صارت ضد و مع و في النهاية المهم الوطن و ليس الأشخاص و شكرا
خالد 30-09-2011 19:18
 ردا على الاخ المجاهد والمناضل والوطني (مضر)
يعني مو جديدة علينا لهجة التخوين ولا وصفنا بالجراثيم و .. بس بحب ذكرك اخ مضر انو انت عايش بواحدة من اكثر دول العالم فسادا قبل ما تتطلع لاميركا واوروبا وتنتقد الاخطاء الموجودة عندهم ياريت تنتقد وضع بلدك و اتقلي مين كان السبب في افقار المواطن والمسؤلين عم يلعبو بالملايين عفوا بالمليارات مين ساوا شراء البيت حلم التفكير بالزواج شراء سيارة اوطرطيرة حلم دخول الجامعة من بعد مأساة البكلورياحلم لك حتى تأمين جرة غاز او مازوت حلم سورياهي حقل كله خيرات لكنه مليان جراد وغربان بكفيناتخوين و بيع وطنيات شبعنا
انا انسان ماني جرثومة يا.......... 30-09-2011 12:55
 قصيدة فلجة
زمرلي عالكوع ولاتقلي ممنوع لما راح القط أجانا الجربوع /ولتملك سيارة خدلك شي وزارة وإذا خربت عياره سنة بالنظارة /حبيبتي تركتني مبارح ودعتني وقالتلك يا ابني شو صاير مصروع/قال بدها الفهمانة ولو سابا قبلانة وقبل الساعة تمانة وإلا طفشانة/ وبحرقة قلب سألتها عن الحب قالتلي يا دب اشربو منقوع
شاعر الصبايا 30-09-2011 10:59
 ارجو النشر
للكل نحن هون عمنتناقش بموقع فنات فبترجى الجميع يظلوا بحدود اللباقة هي اولا و ثانيا هي اول تعليق الي منشان ما حدا يفكرني حدا تاني ثالثا بس الي ملاحظة انو معليش السيارات السياحية بس الشاحنة ضرورية للاقتصاد و كمان قطع التبديل و في مواد كان من الاولى منعا لانا مو ضرورية مثل التبغ الاجنبي و المشروبات ( الروحية ) والالعاب و الموبايلات و الالبسة ( الها بديل محلي كافي ) وايضا الكمبيوترات المجمعة منمنعها بس منسمح باستيراد القطع لانها رخيصة و نحنا منجمعها يعني في شغلات ضرورية و غير ضرورية
محمد 29-09-2011 20:08
 الى السيد مضر
البلد يللي عم تحكي عنها يا حبيب ويللي بدها تصير اغنى وأحسن دولة بالعالم ما بتقول لمواطنيها ضبو غراضكن وفللوا لأنها مو بلد يللي خلفك تانيا البلد يللي بدها تصير ما فيها وزراء ومسؤلين مرتشين وفاسدين وحرامية منين بدك تصير هيك بلد هههههههههههههههههههههههههههههههههههههههههه قال باعها قال
مابعرف اذا كنت مواطن ولا 29-09-2011 17:52
 وأسفااااااااااااااه
بتمنى من كل واحد موعاجبو شي و.......... يترك هل الموقع الجميل يلي بزودنا معلومات مفيدة ومهمة عن السيارات وينزل على طاولة الحوار لنتفاهم وغير هيك هو خاين لله ولدينه ولوطنه الله يهدي جميع الضالين أنتو بدكن وطن متل أمريكا وأروبا يلي مابيعرف الواحد إيمتى بيموت فيا مشان دولار أو يورو واحد أو بعض الدول العربية يلي بزلوك و...... لي يشغلوك كم شهر بعدين بقلعوك متل........... وبتجي لعنا مو عاجبك شي يا خاين يا............ وأسفااااااااااااااااااااااااااااااااااااااه ه ه ه ه ه ه ه ه ه ه ه ه ه ه ه ه ه ه ه
مضر 29-09-2011 17:32
 إلى الحبيب عثمان
خليك على موقفك الوطني ولاتتراجع الحكومة رح تساعدك وتستوردلك المواد الأولية وخلي هل الخونة يحكو يلي بدون طول مافي عالم من أمثالك بالوطن سورية رح يضل الوطن بخير وهل الجراثيم عم كافحن بس مافي أمل إلا بـــ............................ بحب خبر الكل إني مواطن عادي (موظف) مو متلكون بهتم لأرباحي وبنسى الوطن يلي حماني وطعماني ومابهتم بالسيارات ولاالكماليات يلي بتكبو مصريكن عليها نحن شعب يأكل ويلبس من صنع وطنه وطول مالقائد بخير سوريا بخير الله ياخد كل متاّمر وخاين وعم بيتظاهر ويقتل جيشوا وشعبوا
مضر 29-09-2011 17:15
 حبيبي سواح
أخي الكريم المواد الاولية كلها مسموحة الاستيراد مثل الجلد والشعلة وكافة المواد الاولية وحتى الان الاقمشة لكي تصنع هنا ورجاء ان يكون حوار ضمن الادب انا ما عبخطب ولا عبستهبل هذه وجهة نظري احترمها مثل ما أنا أحترم وجهة نظرك ومشكور على هذا الحوار.........
عثمان 29-09-2011 12:44
 الى مضر
سمعت الله يقويكون انو بدكن تغلو لحمير فيشي من هل حكي ؟؟؟؟؟؟وسمعت انو بدكون تحطو جمارك ع دخلة تواليت
mohmed 28-09-2011 23:13
 الى مضر
ذاتي بس شلطرين تبيعونا وطنيات انت شو بهمك بس تحط راتب بهل جيب وبس وسيارتك ال مرسيدس نمرة خضرة وبنزين ببلاش بعدين انت ليش ما بتركب شام اوسابا دعما للاقتصاد بعدين يلي عندو بضائع بي بلاد برى شو يساوي فيها يحرقه فداء للوطن اخ منكون انتو عطول ما بتطلع الا براس لمواطن ليش دخلك ما بتدعمو سيارات لوطن وبتصير سيارات لحكومة ككلها شام حاج حكي فاضي قرفنة من يوم يومو سوري تعبان عوووووووووووووووووووووووجةةةةةةةةةةةة
mohmed 28-09-2011 23:08
 سلامات يا استاذ عثمان
بتقول القرار جيد جداً وسيؤمن عمل لنسبة كبيرة من العاطلين عن العمل!!! شو جاي تخطب علينا و لا هدا استهبال منك؟ و بتقول رح تنتقل حضرتكم من تجارة الاستيراد لفتح معمل حقائب وتشغل عمال عندك يا حنون ,,, طيب من وين بدك تجيب مواد اولية يا حكيم زمانك؟؟ ولا الحقائب موادها الاولية محلية لان الجلد معبي البلد (جلد بني آدميين) ,,,, وبتقول تجار السيارات هن المتأثرين!! صحيح الله يعين تجار السيارات يا حرام تضاعف ربحهن بالسيارات وما رح يعرفوا وين يودوا المصاري,,أه أه بكيتني,, يا حنون يا مستورد يا كبير يا تاج راسي
سواح 28-09-2011 20:57
 ايمتا لح يوقف التعليق للتسعير
الى فنات ايمتا لح يرجع التسعير الكون يومين كاتبين ساعات وانا سعرت من عند شام والسلطان وبرلينس بس بدي سعر من عندكون فايمتا - حطو تاريخ دقيق لو سمحتوا
ابو جبران 28-09-2011 13:04
 الرجاء التفكير بلمواطن وليس بسيارات
اخواني القرار جيد جدا لانه سامن عمل لنسبة كبيرة من المواطن العاطل عن العمل مثال أنا مستورد حقائب صيني الان بعد القرار سافتح معمل لصناعة الحقائب تخيل كم عامل اريد وايضا تصور كم معمل سيفتح حقائب او البسة او او انا براي القرار ناجح جدا الى المواطن العادي لكن ممكن هناك تاثير قليل على تاجر السيارات
عثمان 28-09-2011 12:18
 
( تغمدهم الله برحمته) حاج كل شغلة تلصقوها بالوطنية والقومية والمقاومة ومابعرف شو والله قرفنا وقرفنا رح يخلينا ناخد موقف ...................
ما بعرف اذا كنت مواطن 28-09-2011 11:55
 يعني تخنت
يازلمة كل مادق الكوز بالجرة الوطن التضحية الإيثار الوفاء ال ال ال مابعرف شو متل السيد زين العبد الله طيب بس انا مواطن عربي لازم ضحي واتبهدل بدوائر الحكومة وبالباصات والسفارات السورية بالعالم أجمع وابعرف شو لحتى كون وطني وقومي ومناضل وللك كل المناضلين والوطنين والأشقاء والأصدقاء اتخذوا مواقف وغيرو البوصلة وصححوا اتجاهاتهم هلق الوطنية بسيارة عم نركبها وما عاد في سيارة شو جماعة حزب الله بلبنان ماعم يركبو سيارات والقيادة .... بطلوا يركبو سيارات لكزس وكامري وغيروا كرمال عيون الشهداء السوريين (
مابعرف اذا كنت مواطن ولا 28-09-2011 11:53
 قرار جديد
ياشباب سمعت في قرار جديد راح يصدر قريبا وهو تحديد النسل وتركيب كاميرات مراقبة بغرف النوم أسوا بكاميرات المراقبة يلي سوف تركب بمحطات المحروقات من شان منع التهريب . وكاميرات غرف النوم عم يقولوا انها متطورة وتعمل تحت الأشعة الحمراء لانه يلي بيفكر يلعب بذيله راح تكون الشرطة السرية بالمرصاد . واي شخص بخالف القو انين راح يتم خصيه بشكل نهائي .
الصقر 28-09-2011 11:45
 أين الحقيقة
لماذا الحكومة عندما تقع بمشكلة يبدأ حلها من عند المواطن ولا يبدأ حلها من الحكومة .هذا دليل فشل كل الحكومات المتعاقبة على سوريا بحل اي مشكلة تعترضنا . بكرا بيطلع وزير المالية ويبدأ فرض الضرائب بحجة دعم الاقتصاد الوطني لايمتى هذا الشعب بدو يبقى يدفع دم قلبه والله اشتهيت بحياتي يطلع قرار من الحكومة لصالح المواطن السوري . اتحدى احد يطلعلي بقرار استفاد منه المواطن السوري دائما حصار اذا مو من الخارج بيكون من الداخل اين المفر يعني معقولة ولا حكومة عرفت شو وجعنا طوال كل هالسنوات الله يرحم شهداء الوطن .
المستشار المغفل 28-09-2011 11:37
 غريب
غريب تفتقت صفحات فنات عن الكثير من الخبراء والمحللين الاقتصاديين (السياسين) , شي بقلك اشتري سيارة شام أو حميشو وشي بقلك امشي على رجليك وشي بقلك الحق عليك ليش تأخرت بشراء السيارة وشي بقلك دعم الاقتصاد وشي بقلك قضية وطنية وشي بقلك الحق على الشعب يلي بدو التغيير وشي بقلك مدري شو . حاج زودتوها كتير بيقول المتل : قبلنا بالبين والبين ما قبل فينا , يعني قبلنا بغلاء السيارات والجمارك والرفاهية بس مو كافي هلأ وقف الاستيراد وغلاء الاسعار ومدري شو , هلأ لازم ندور على شي قديش او حمار احسن من السيارة
ابو غالب 28-09-2011 10:06
 احلى تحية
بصراحة قرار يعني خزية العين عنجد هالحكومة بتنصاب بالعين ياريت حدا يحط على باب مجلس الوزاراء حدوة حمار عفوا قصدي حدوة حصان من شان ما ينصابوا بالعين . يعني هلق الوزراء راح يصيرو يركبو تركتور شغل حلب لانه ماراح يلاقوا قطع غيار لسياراتهم .الله يكون بعون الوزارء على هيك شعب
ليلى 28-09-2011 08:58
 ضربة قوية
بتوقع وراء هيك قرار سيد حميشو وشركة سيفاكو وسيماكو وساكو لانه عندهم بالمخازن بضاعة مكدسة وبدهم يصرفوها للشعب والدليل انه الوزير قال شي مؤقت . مبروك الصفقات الرابحة لكلا الطرفين . وبعدين بحب اطمن المواطن السوري انه السيارة سوف تبقى حلم الى ان تموت . وبهدي سلامي الى أهلنا في الأرض المحتلة . وبطلب أغنية كتب بحياتي ياعين . هلق عندي سؤال بعدو عم يطلع برنامج ارضنا الخضراء ومع الطلائع والسالب والموجب
رولا 28-09-2011 08:54
 رد على الاخ جورج (2)
الازمة المالية بامريكا شو قصتها انه اوباما بدو يفرض ضرائب على الشعب من شان يخفف من العجز بالميزانية والحزب الجمهوري رافض ذلك لانه لا يقبل المساس بالشعب لانه الشعب خط احمر لازم يبقى عايش بنفس الرفاهية . اما احنا عندنا الحكومة خط أحمر والشعب خط أخضر لذلك أي قرار بدها تصدره الحكومة سوف يكون على حساب الشعب وليس على حسابهم . لذلك اي قرار تتخذه الحكومة صحيح 100 % لانه فورا ينفذ . ولا يحق لك الاعتراض وروح بلط البحر . لذلك خلينا على الفلافل والتمشاية وعندي هالكم ولد بدي أربيهم الله يستر عليك .
خبير اقتصادي 28-09-2011 08:31
 رد على تعليق الاخ جورج
والله ياأخ جورج أنا ساكن يالايجار ولا أملك سيارة والحمد الله اني عم اقدر أمشي حالي لأخر شهر يعني لا تفتكر انه معي مصاري والله منتوف وعايف حالي ومع اني أملك شهادات عالية الا انه غير موظف وعم ادور على وظيفة وصار عمري 42 سنة ولهلق ما لقيت شغل ايام بشتغل شوفير تاكسي وايام بشتغل بمحل فلافل وايام بشتغل بتعبئة اكياس التاي (مسحوق غسيل ). لهيك لما تطلع هيك قرارات انا ماراح يهمني اي شي منها لانه مافي قرار صدر من الحكومة وشملني بشي ليرة لهيك عم اقلكم خذ عيلتك واولادك وطالع اتمشى من شان تنسى همومك. وربي يسر
خبير اقتصادي 28-09-2011 08:09
 واأسفاه .. شباب يسشهدون في سيل الوطن وشباب همهم ال
بسم الله الرحمن الرحيم الفاتحة على أرواح شهداء سوريا واللعنة على أرواح المتآمرين على عروبة سوريا ونهجها المقاوم تفاجأت بعنوانكم طعنة في صميم .. كنت أعتقد أنكم ستقولون جنة بالذل لا نرضى بها وجهنم بالعز أفضل منزل .. نعم لا للسيارات ..(بالتأكيد مؤقتاً) ونعم للثبات والصمود .. مانفع السيارات والوطن يفتقد للأمان الأمن أولاً وأولاً وأخيراً وبعد ذلك سنستورد غرندايزر إن شئتم وعاش وطني حراً إلى الأبد
زين العبدالله 28-09-2011 01:44
 من فشل إلى آخر
ما بعرف ليش ببلدي الأشياء ما بتتسمى بمسمياتها, 1- يعني شو هاد قرار منع الاستيراد؟؟, ليش ما منعترف أنو تعرضنا لحصار اقتصادي؟؟ وما في دولة محترمة اليوم ممكن تبيعك سيارة ولا غيرها. 2- إذا فكرت تستورد من وين الدولة بدها تجيب الدولار بعد انخفاض مستويات الاحتياطي إلى إلحدود الدنيا مما يعني زيادة العجز في ميزان المدفوعات. 3- لو كانت الدولة قادرة على إبقاء الاسيتراد لفعلت والدليل هي الايرادات التي تدخل إلأ خزينة الدولة من الجمارك والضرائب على المستوردات ولكنها كعادتها عاجزة عن كل شيئ إلا عن المواطن!!
ماجستير في الاقتصاد 28-09-2011 01:09
 في حل مؤقت
يا شباب اصبروا إنشألله بتفرج بعدين يللي مضطر وبدو يركب سيارة بهظروف يركب حميشو f3 نصيحة اقتصادية قطع رخيصة غيار عادي محرك ميتسوبيشي بينزل عليها سعره35000
noor 27-09-2011 23:25
 القرار إذا مدتو شي 3 سنين / اسمو مؤقت /
في واحد تاني بكتب باسم جورج لذلك انا جورج الاول . إذا انتبهنا لكلمة سعادة الوزير قال / مؤقت / بس ركز انو معامل كتير حتفتح بوابها و تشتغل , والمعامل ما تفتح وتشتغل في يوم وليلة وبتوقع القرار اقل تنبؤ له هو 3 سنين وبعتأد لازم نثبت القرار متل العمال المؤقتين عند الحكومة لتحقيقه شرط السنتين . القرار بدل على اقتصاد هش وحاج كذب ويا ريتني اكون غلطان . اميركا وكتير دول وحتى اسكوتلند افلست من 3 سنين وما اتخذو هيك قرار . نحن افهم حكومة على الإطلاق .
جورج الاول صديق فنات 27-09-2011 20:52
 ردا على تعليق الخبيرالاقتصادي
ياريت ياخبيرنا الاقتصادي ماضفت نكتة باخر التعليق تبعك لانو متل يلي عم يرش عالموت سكر متل ما بيقول المثل واذا انت سمين وكرشك كبير وحابب تتمشى وتعمل حركة انزيل تمشى لحالك انت ومرتك وكل عيلتك والله يهنيك بهيك تمشاية
جورج 27-09-2011 18:12
 قرفان أكتر
للاسف سورية فشلت بكل شي وعلى كافة الاصعدة - قرارات سياسية - شعب فاسد متخلف - تخبط بكل شي مامنقول انو الله يستر يلي اخدناه باليمين رح ندفعوا نحنا الشعب باليسار أضعاف مضاعفة . ولحساب من لاأدري - الفاتحة على روحك ياسوريا
قرفان 27-09-2011 16:24
 ملك اللانسر
الله يسامحكم ياحكومة بس لو بعرف هيك بدو يصير كانت اشتريت شي 50 سيارة وحطيتهم بالمستودع كان كسبت فيهم يالله مالنا نصيب . راح ابقى على البسكليتة لحتى تنحل المشكلة . ياشباب حدا بيعرف شي كومجي بصلح بسكليتات منيح لانه موديل بسكليتي 1975 بدنا شي حدا فهمان تنصحونا فيه . ياخوفي يطلع قرار بكرا بمنع استيراد الشمنتوه والبلاط خليني الحق ابو احمد اشتري خيمة من عنده لانه بكرا بترتفع اسعار الخيم بعدين وين بدنا نام .
ابو جانتي 27-09-2011 15:21
 لا تحزنوا ان الله معنا
القرار الذي اتخذته الدولة قرار صحيح 100% يعني في ضل الضغوط التي تتعرض لها سوريا هيك قرار كان لازم من أول بداية الاحداث لذلك لما قال الوزير القرار مؤقت صح كلامه . وبالنسبة يلي بدو يشتري سيارة ليش حضرته ما اشترى من الاول كلنا يعلم من بداية الاحداث الوضع غير مستقر لهيك ماحدا اشترى لذلك كمان قرار صائب من المستهلك لذلك نقول أصبرو شوي حتى نطلع من هالمحنة يعني معيشة المواطن بهذه الفترة أهم من السيارة . وبعدين كل واحد ياخذ زوجته واولاده ويطلع يتمشى يحرك جسمه الحركة بركة هيك بخف وزنه وبصير جسمه احلى
خبير اقتصادي 27-09-2011 15:13
 الله يساعد
متل مابيقول زياد الرحباني ..... الله يساعد الله يعين ... شراية على بياعين ..م العالم كلو شراية بس مش كلو بياعين ... الله يسسسسسسسسسسسسسسساعد الله يعععييييييييييييييييييييييييييييييين .!!!!!!!!!!!!!!!!!!؟؟؟؟؟؟؟؟؟.............
مراقب 27-09-2011 15:01
 تصحيح العنوان
يجب تعديل عنوان الخبر أو المقالة من "طعنة في صميم سوق السيارات السورية" الى "طعنة في صميم المواطن السوري الشريف"
متوجع 27-09-2011 12:12
 مبروك للتجار
الف مبروك يا تجار السيارات والله انبسطتلكم وبتستاهلوا الخير لأنكن مساكين ومظلوين بالمجتمع هي اجاكن بكل سيارة بين 150-300 ألف ليرة ربح اضافي فوق ربح السيارة الاساسي , يا هيك التجارة يا بلاش وبدو هلقرار حلقة (بقعة ضوء) .
فواز 27-09-2011 12:07
 هههههههههههه
بصراحة القرار كان لازم من زمان يطبق ,,, لأنو في العالم كلو في شي اسمو اكتفاء ذاتي عنا شوارعنا ما بتتحمل كل السيارات الموجودة بالبلد كان لازم نوقف الاستيراد .. بس مو الحجة دعم الأقتصاد الوطني !!! بأمريكا الأزمة المالية سببها أنو الديمقراطيين (أوباما) عم يحاول يلغي بعض المميزات عن الشعب بس الجمهوريين (بوش) عم يرفضو هاد الشي لأنون بيعتبرو الشعب خط أحمر مالازم ينحرم من شي والحل مالازم يكون على حساب الشعب ؟؟؟؟؟ بس بالدول العربية الشعب هو اللي بدفع ثمن أي ازمة تمر بها الحكومات .. ههههه... شعوب متخلف
Ananeesoo 27-09-2011 02:56
 ما بني على باطل فهو باطل
البلد صار الا 40 سنة وهي من سيئ الى اسؤ كل الحلول تاتي على حساب المواطنين والدولة اخر هما . يعني هلق عم يتحججو بالاحداث الاخيرة بس شو كانو عم يساو خلال كل هذه السنوات؟ مين كان عم يسرق مين كان عم ينهب مين كان عم ينشر الفساد والفوضى والمحسوبيات مين كان عم يسعى لافقار المواطن والملايين عم تلعب بايادي المسؤلين واولادهم . انا عندي طلب واحد بس حاج تبيعونا وطنيات مشان الله يلي بتعبدو والله اكتفينا واقرفنا من هالحكي .
جورج 26-09-2011 22:31
 إلى أبو أحمد
مابدنا لاسيارات ولا كماليات لا أوروبا ولاغيرا نحنا مع الإصلاحات التي أجراها الدكتور الرئيس بشار حافظ الأسد والبلد رح تصير أقوى وأغنى من السابق مهم أسعار المواد الغذائية والمحروقات منخفضة جدا والمدارس والمشافي المجانية بالمقارنة مع البلدان المجاورة بكرى لتخلص هالمؤامرة على الوطن سوريا مارح يكون إلك مكان بيناتنا لا إنت ولا أمثالك يللي باعو وطنون بأشد الأزمات بس بحب بشرك أنو خلصت إنك رح ترضى بالواقع غص.............................
مضر 26-09-2011 22:22
 مشان الله حلو عنا يا
يلي بدو يدافع عن قرارات الفقر والتجويع متل هلقرار بمنع الاستيراد مشان الله يحل عنا وخلينا نكتب ونفش خلقنا شويه . وحاج مشان الله مزاودة وتحكولي عن مثاليتكم يلي بس بالكتابة الفاضية وبالحقيقة إنتو غير هيك تمام . يعني رايحين شمال يمين وفايتين بدوامة الفقر يلي راكب على فقر من اول وأنتو بتزاودوا وببتكزبوا وبتدافعوا دفاع اعمى عن قرارات التجويع . بس يلي جيبتو مليانه مو حاسس بالجوعان وما بتأثر علي هيك قرارات . مشان الله حلو عنا يا . . .
سميح 26-09-2011 19:30
 الى السيد مضر
يا سيد مضر يلي عم تقول يلي مو عاجبو يضب غراضو و يروح، لو في دولة بالعالم بترضى تستقبل السوري كان ال20 مليون يلي هون صاروا برا. مشان الله دبرلي غريين كارد عأميركا و ما بدي اتمتع لا بالخبز المدعوم و لا بالمازوت الأخضر و لا حتى ب "نعمة الأمان" ... اذا عشت كم يوم مبسوط بحياتي و متت وعمري 35 سنة أحسن ما عيش حياتي كلها "بأمان" و سقم ونكد و خوف بفس الوقت... بعدين كل واحد متل حكايتك معو سيارة نمرة خضرة بنزيناتها ببلاش و تصليحها ببلاش طبعا مستعد يتحمل هيك قرارات "فداءً للوطن"
أبو أحمد 26-09-2011 19:18
 يارب ارحم
يعني على مين عم يضحكوا ؟؟؟؟ على الشعب الملوم وناطر يتحرك بالوطن شي ... قرار لايخدم إلا التجار ... ارتكزت كل رؤوس الأموال بين أيديهم ........ فأين المفر ؟؟ وأتسائل من فرض القرار على من؟؟ إن كانت الحكومة هي التي فرضت هذا حتى يتعاون معها التجار أما التجار هم من أتوا بتلك الحكومة لتضم لهم مصالحهم يالطيف لوين رايحين ... ويارب ارحم
111111111111 26-09-2011 16:33
 صنع في سوريا
ياريت يلي مو عاجبوا يضب غراضو ويحل عنا نحن بلد يأكل ويعيش من إكتفأه الذاتي محدا مات من الجوع بها البلد أحسن من الدول الخليج يلي المي والخبز فيها أغلى من البنزين بالإصلاحات يلي ساواها الدكتور الرئيس ماعاد ناقصنا شي ولالنا بحاجت حدا (صنع في سوريا)
مضر 26-09-2011 15:50
 اتركونا نعيش
أنا مابدي لاحرية ولا شي رجعولنا البلد متل ماكانت واتركونا نعيش ولاتخلو العالم يعادينا خلونا نعيش بخير ونقوي التجارة والإستثمارات مع الدول العربية لادخلونا بمشاكل السياسة وانشألله نصير متل لبنان بكلشي نحنا رضيانين هيك
وريس 26-09-2011 15:29
 والله لنجوع
ياشباب المشكلة مو بالسيارات المشكلة بالأكل واللبس مصانعنا غير قادرة على منافسة الصيني فهموني كيف رح نافس الأوروبي أو التركي يلي صار عندن معامل سيارات تصدر عالميا(رينو-فيات...) ياشباب فهموني كمان منعو استيراد قطع السيارات المستعملة موديل 90 ومادون أريد أن أعرف هل سيارات شام أو حميشو خالية من الأعطال والمشاكل(ميكانيك-كهرباء) لأنو البعض خبروني أنو السيارتين مصروفون كبير وبيعطلو كتير أرجو الإجابة من أهل الخبر ومشكوريييين الله يساعد الفقييييييييييررررر
حسن 26-09-2011 15:19
 لا ارتفاع للاسعار
لقد وردتني اخبار تفيد بان عدد قليل من الوكلاء لم يغير سعر بيعه للسيارات بسبب : 1- عدم استيراده لاي سيارة جديدة بعد الان حتى يعاد السماح بالاستيراد قريبا 2- الكساد الكبير في سوق السيارات 3- المخزون الكبير من السيارات الغير مباعة
خبر حلو 26-09-2011 14:46
 اليابانيين أغبياء
تعرضت اليابان لمؤامرة من قبل الطبيعة و تدمر ملايين السيارات و أغلبها جديدة مجهزة للتصدير بفعل التسونامي الذي اندس على شواطئها. الاقتصاد الياباني تعرض لضربة تقسم الظهر و اليابان تصنع كل شيئ لكن لم يمنع الاستيراد بحجة دعم الاقتصاد الوطني! غريب قديشون أغبياء.. طبعاً لا يمكن مقارنة شعبنا خارق الذكاء بالشعب الياباني بس الشيئ بالشيئ يذكر... و ربي يسر
أبو أحمد 26-09-2011 14:18
 ايقاف استيراد السيارات
الواح مش عارف كيف بده يبدء ؟ بدك تفهم حتي تحكي و ما عما افهم!! ليش الدولة عطول مع القوي !؟صارلي 5 سنوات بحاول اشتري ه الحلم ( المركبة الفضائية ) اللي بغير دول بتسوى فرنك وعنا اسمها سيارة !!؟؟؟ وبتساوي الحلم اللي علو النجوم !! نخنا مطلوب منا نتحمل !!المسؤولين شو مطلوب منهم ؟ كماليات لهم و التحمل لنا !!! اليوم انا بتحمل الدولة بكرة لما بترتاح بتزل الرسوم ع السيارات وبتتحمل هيا!! ايمتا الدولة حست فينا ؟؟ تسمخ باستيراد السيارات المستغملة سعرها ارخص وبتخدم و بنوفر قطع اجنبي تمنع اللي اكبرمن 1600 cc
ali 26-09-2011 13:46
 اهلا بك
اهلا بك انت في سوريا ... البلد الوحيد بالعالم حيث تباع السيارات باضعاف سعرها الحقيقي , وحيث السيارات المستعملة وبعد اهترائها بـ 10 سنوات يربح بها صاحبها , وحيث تكون السيارات رفاهية ثم تنقلب لتصبح محرمة , وحيث يدافع بعض الناس عن قرارات تسلب اموالهم وتفقرهم بدعوى "دعم البلد" , ويا مرحبا بالفقر والجوع يا مرحبا نورك طفى الكهربا , وعلى دلعونا على دلعونة سعر السيارة أحلى ما يكونا.. سعر السيارة خربلي حالي وخلاني واحد مجنونا ..
هيثم 26-09-2011 13:29
 يلي ضرب..ضرب ويلي هرب..هرب
يلعن حظي التعبان صارلي فترة طويلة عم دور على مشروع مربح وما نهديت, يعني لو اشتريت اكمن سيارة وخزنتن للزمن كنت هلأ ربحت فيهن ربح خيالي وبدون تعب ولا فهم... نيال تجار السيارات , يضرب حظي , ما هي باينة متل عين الشمس سوق السيارات صارلو فترة متدهور بارباحه, وصار ارباح التجار قليلة (الله يعينن), ومشان انعاش جيبة التجار كان لا بد من هيك قرار لرفع ارباحهن وتعويض قلة المبيعات, وهلأ رح تزيد اسعار السيارات ورح تزيد المبيعات لأن لا بتلحق لا ما بتلحق سيارات بالسوق, واضرب على حظي يلي ما استثمرت بالسيارات..أخ
حزين افندي 26-09-2011 13:21
 ياشبيح يابطيخ
نحنا عم نحكي عن تأثير القرار على سوق السيارات ، بعض أصدقاء فنات يبرعون في التعبير وأيصال مايريدون ، والبعض الآخر لايستطيع ، ولكن في هذا المنتدى الجميع يحتــــرمون بعضهم البعض لآن موقع فنات موقع عالمي ، ويقرأه ويتفاعل معه جميع الناس من الناطقين بالعربيه ، أريد أن أوكد لك أن الحريه هي مطلب شعبي وحزبي, ,ان الحزب القائد للدوله حزب البعث العربي الأشتراكي هو أول من أطلق شعار الحريه في الوطن العربي (وحده حريه أشتراكيه ) . والشعب يللي بيعيش (بوحده وبحريه وبيطبق الأشتراكيه الحقيقيه) بعمره مابينذل .
صديق فنات دوت كوم الأول 26-09-2011 11:41
 من اكثر المستفيدين
والله الواحد بدو يتساءل انو ايقاف استيراد السيارات لصالح مين ....كل تاجر سيارات اخفى كل شي عندو سيارات وقاعد عم يفرك ايديه لانو كل سيارة زاد سعرا اقل شي100000 مثلا ال سانتافيه زاد سعرا 300000وهالمبلغ اكيد من جيبة المواطن اللي عم يفكر انو يركب سيارة....و اكيد المواطن قاعد على بنك ما بيهمو شي .....ما عاد بدي اركب سيارة ..خليها للتجار يتفرجوا عليها.........
احمد] 26-09-2011 01:13
 الى GOLF RIDER
بحرب تموز كانت اسرائيل عبتقتل الشعب الفلسطيني ولذلك كانت مؤامرة ...اما اليوم الشعب السوري عبيتدبح وكلنا منعرف مين عبيدبح الشعب السوري وبعدين سوريا اسمها سوريا وارجو عدم اضافة اي لقب لسوريا.......وحكومتنا فشلت وانتهت ولسه البعض مقتنع انه هي حكومة اصلاحية او بالاحرى النظام بشكل عام
عبدالله 26-09-2011 01:08
 نيال تجار السيارات
نيال تجار السيارات كل سيارة مخزنة عندن زاد سعرها على الاقل 100000 ليرة يعني مئات ومئات الملايين للتجار الكبار وبضع ملايين للتجار الصغار , الاستثمار بالسيارات بسوريا مربح اكثر من الاستثمار بالذهب الملاذ الامن للجميع!! يعني يلي عندو قرشين ومو عرفان شو بدو يشتغل فيهن يشتري سيارات ويخزن ورح يطلع سعرن اكتر من الدهب , وهذا فقط كمزايا حصرية للشعب السوري ليتمتع بها وليحمد الله على ما رزقه من بهيمه الانعام... اتوقع الان ان تزدهر تجارة الطنابر والطرطيرات السياحية, رح شغل طنبر عمومي على خط مزة اتستراد
سواح 25-09-2011 23:28
 ســـــوريا أولاً
الغريب بالتعليقات أنو بالسنوات الماضية متل حرب تموز مثلاً كان كل الشعب معترف بالعقوبات الجائره و بالمؤامرة التي تزيد يوماً عن يوم على بلدنا الحبيب , و اليوم نجد أنه تم غسل أدمغة فئة من "الشعب" السوري , فباتو لايعترفون بأي نوع من أنواع الضغط الغربي لا بل و أصبحو جزءاً من أدواته بحيث لا يدرون .. البلد قطعت أشواطاً من التطور , و هذه الأزمة عسى أن نتعلم منها خيراً و عسى أن تزيد سرعة التطور و الاصلاح القائمين,و يجب أن نضحي نحن السوريون ببعض رفاهيتنا حتى تبقى سوريا الأسد قلعة الصمود العربي كما عهدناها
Golf Rider 25-09-2011 22:17
 جمعة "بدنا سيارة تحت ...نا"
بوركت جهودكم أيها الأحرار في ايصال صوت الشارع الجريح والمحاصر، فها هم يقطعون عنا السيارات، ومؤنتنا منها باتت تنفذ، إننا بأمس الحاجة للسيارات، أين الشعوب العربية والإسلامية الشريفة؟ أين الأمم المتحدة؟ أين الناتو وأوروبا وأمريكا؟ نحن بحاجة لحماية دولية، لا يمكننا العيش بلا سيارات، لذلك فالتكن جمعتنا القادمة باسم جمعة "بدنا سيارة تحت ...نا" الله سورية سيارة وبس
تنسيقيّة فنّات 25-09-2011 21:05
 اللبيب بالاشارة يفهم
ياجماعة الموضوع ليس بسطيحة النقاش المعروضة... ياريت لو المسألة تنتهي بمنع استيراد السيارات فعلى أقل تقدير نعود لسنوات الثمانيات الجميلة التي كنا نركب باصات الفيات والمان وكانت السيارات حصرا للمسئولين في الدولة وكبار التجار ... مايحدث الآن في سورية هو أزمة حقيقة ولن أخوض في تفاصيلها كون موقع فنات ليس المكان المناسب وليتم نشر تعليقي ... لكن أبشر السادة القراء أن اليوم الذي ستكون فيه السيارات متاحة للجميع بأسعار معقولة وبرسوم جمركية مخفضة أصبح قريبا ...
wael 25-09-2011 17:27
 وا اسفاه على طريقة تفكيرنا كيف صارت
لك ياجماعة نحن بحالة حرب حقيقية ولسا في ناس بتتذمر وكأنو صرنا استهلاكيين لبضاعة الغرب وبس! لك هاد يلي بيقلك انو طلع لصالح التجار كيف مافهمت؟ وهاد يلي عم يتسمخر بل الحكومة وكأنو مبسوط بل الازمة وهاد بيتحدى الحكومة وكأنو هو عايش ببرات البلد! لك والله غريب ليش ماحدا بيقول الربطة ب15 وتكلفتها على الدولة 35.لك روحو شوفو المسؤليين الامريكيين والاوروبيين وقطر وتركيا وغيرهن لشو عم يخططو ونحن شو عم نفكر.انا بحي الحكومة لأنها حاولت ماتححس المواطن بأي ازمة بعد مرور 7 شهور على الحصار ولازم هلق نتفهم قرارها.
سوري 25-09-2011 17:18
 يا شبيح
يا ريت تتعطل المراوح عندك وسخان الحمام وتلفزيون عندك وبرادك وكل شي كهربا عندك وإذا عندك سيارة ياريت تساوي حادث مشان تصلحها وتشتري قطع الخ . سخان حمام ايطالي كان تمنو 600 ل س صار خلال نهار 700 ل س والقرار هاد كان مستعجل بدليل مافي جداول او قوائم باسماء السلع المعلقة حتى الآن . يا حبيبي ما بتروح إلا على الفقير . شفتو غني مات بالأحداث , كلهم فقراء من الطرفين . القرار مدروس بامتياز واعتقد جاء لينشط التهريب وبالتالي عمليات غسيل الاموال والصفقات من تحت الطاولة .
جورج 25-09-2011 16:57
 حب الوطن مثل حب قائد الوطن والولاء واحد
هاد لي صار كلو بسبب المتظاهريين يعني لو كانت المطالب اصلاحية صدقوني صدقوني كنا صرنا أحسن من السعودية بس بعض عناصر الشعب السوري بدن ينفذو مطالب قطر وأمريكا وأسرائيل وهي النتائج ....الله يحمي سوريا وقائد سوريا وشعب سوريا
عمر عبد الرحمن 25-09-2011 15:22
 النقاش مفيد
و اقول لكم ان من اصدر هذا القرار هو دكتور في الجامعة اعطانا مادة اللغة الانكليزية - سنة ثالثة و لكني مع احترامي له فهذا القرار له عيوب و مساوئ كثيرة فمنها مثلا قطع التبديل للسيارات ( الخردة ) التي تملا اسوقنا فاستيراد سيرارات جديدة احسن من اصلاحها و أيضا فان السيارات الوطنية ليست ( تصنيع ) بالمعنى الدقيق للكلمة و انما تأتينا مجمعة و جاهزة و بالتالي فهي تذهب بالقطع كما المستوردة ! منذ فترة كان هناك جدل حول قانون استبدال جديد يعني الاقرار بان السيارات المستهلكة هي خسائر و الآن تمنع الجديدة !
توفيق 25-09-2011 14:22
 عجبي
عجبي من بعض الشباب يكتب اصبروا لان القرار مؤقت يعني 2-3 شهور بس ,, وطيب يا محللين شو رح يصير بعد هلفترة المحددة حتى ترجع الامور لمجراها الطبيعي ؟ يلي انكسر عمرو ما بيتصلح والامور خرجت عن السيطرة للاسف
نوره 25-09-2011 14:19
 بدون تعليق
الى الاخ mark tomy شكرا جزيلا للتوضيح . وانا لااقصد خلط السم بالدسم . وشكرا مجددا للتصحيح . والقرار الذي ذكرته ( 2976 ) يجيز الاستيراد بقطع التصدير ولا يحصره به شكرا لفنات لهذه المساحة المفيدة
نزيه طعمه 25-09-2011 14:07
 تفاهة البعض مميتة
التفاهة عند البعض ما إلها حدود آخدين أنو هالقرار لصالح المسؤولين وضد الشعب لك والله عيب شيلو الولدنة والعواطف عجنب لسا كل بطيخ آخد هالأمور بالمزح هاد اقتصاد بلد مو لعبة بعدين كل واحد يراجع نفسوا ويشوف أنو العقوبات ماعم تطلع إلا عالقطاعات يلي عم يصير فيها إصلاح وأكبر دليل الإعلام تحسن عن قبل مع أنو لساتو زفت وقناة الدنيا اتهمت بالتحريض الطائفي يلي ماشفناه على ولا قناة سورية ومع هيك الناس بدها حرية ...... عيشو الحرية ومن عندي انقعوها واشربو ميتها وإذا راح النظام رح تزيد الحرية أكتر وتشبعوا ذل....
شبيح 25-09-2011 12:34
 ماحدا بيعرف شوبدو
قرأت التعليقات جميعها تفاجئة بأغلب التعليقات هاد يلي موعاجبو وهاد يلي بقول الحكومة ماعم تعرف تشتغل وهاد يلي الحكومة ماعم تعرف طالع قرار وهاد... وهاد... يعني يلي بشوف تعليقاتكون بفكركون انو على اساس كل واحد منكون بدو يشتري شي 15 سيارة بس انتو موشاطرين غير بالفزلكة وبطرانين وماحدا او أغلب الناس ما بتعرف شو بدها ومو عاجبها العجب
عادل 25-09-2011 11:45
 المحرمات
حُرم على الشعب السوري السيارات والكهربائيات والالكترونيات والكماليات والاجهزة ما كانت والسلع وما زادت والبضائع وما غليت وووو , لأ وبيقول الوزير سيخلق ذلك فرص عمل جديدة او اعادة تشغيل العمال في بعض المصانع .. ههههه , وبيقول الوزير كمان اعادة توزيع مخزون البلد من القطع الاجنبية وتوجيهه للطبقات ذات الدخل المحدود .. ههههه , وبيقول الوزير لن يؤثر ذلك على الحياة المعيشية.. ههههه , والجو جميل وشاعري والدنيا بخير والطيور تغرد والنسيم عليل والوزير عم يخدر بالعالم , وبدأ مشوار التقششششف والحبل على الجرار
سعد 25-09-2011 10:28
 هههههههههههههههه
أنا سوري آه يا نيالي
مياس 25-09-2011 09:58
 صباح الخير
شو ياشباب صباح الخير ~أمتى لحقتو تكتبو كل هالتعليقات الله أكبر إذا حطيتو براسكم شي ...........سورية بخير ولايهمكم والسيد الوزير قال وقائي .....طولو بالكم بالصبر يلين لك الحديد.
رامز 25-09-2011 09:33
 الى الاخ فادي المحترم!!!!
اخ فادي اول شي ياريت ترجع لقاموس اللغة العربية مشان تعرف انه هدا اسمه نقاش وليس ...فزلكة!!!!! كما تقول حضرتك ....وتاني شي مين يلي اقنعك انه الحكومة افهم وادرى من كل يلي اعتبرتن حضرتك عبيتفزلكوا !!!!! هي الحكومة يلي انت معتبرها ادرى من يلي عبيتفزلكوا !!!! تموا يتفزلكوا سنتين مع بعضن وبعد كل هالفزلكات تموا سنتين كل يومين يطالعوا قرار ويرجعوا يعدلوه مشان المازوت....يعني قرار مازوت ماعرفوا يطالعوه !!!!!!
عبدالله 25-09-2011 06:03
 شي غريب
طيب شو تاثير هالقرار على سوق السيارات المستعملة ؟؟؟ رح تغلى هي كمان يعني !!!
عاشق المازدا 25-09-2011 04:06
 اعجبني
انا مع اي قرار يساهم في الحفاظ على البلد لكن ليش منقول سوريا منفديها بارواحنا ولا مو شاطرين غير بالحكي بعدين اسا السوق مليانة سيارات روحو اشترو والله في عالم مو شاطرة غير بالتنظير .. الله وايدك يا سيادة الدكتور بشار الاسد رئيس الجمهورية العربية السورية
علاء 25-09-2011 04:03
 بنستاهل
هن بيسرقو و احنا ندفع الثمن هي سنة الحياة و الله يا هيك الاصلاح يا بلا الى الامام الى الامام و الله لا يموتونا بيت بيت دار دار زقا زنقا عاشت سوريا و عاش الشعب السوري و الحكومة الرشيدة يعطونا فيز لاي دولة حتى نهاجر و نعيفلهم البلد و الله شي بحير .
سوري 25-09-2011 00:55
 حلبي ما عندي سيارة !!!
عندي إقتراح للحكومة جديدة , أن يبدلوا الوزراء سياراتهم المانية و اليابانية الفاخرة بلسيارات وطنية مثل حميشو او سايبا ,( للدعم الصناعة الوطنية) ليكونو قدوة !؟!؟!؟
ابو عرين 25-09-2011 00:52
 موراكزة موراكزة
هلأ هدا هو الحل اييييييييييييه بنستنى شو عليه يلي بيعيش بيشوف
ندوشة 25-09-2011 00:44
 هلأ شو مشان القطع؟
هلأ يلي فهمتو انو يلي بدو يشتري سيارة شغل دروشان غليت شي 50 الف... بس شو مشان قطع التبديل؟؟؟ يعني كمان ممنوعة و رح يزيد سعرها و يمكن تنفقد؟ أما يلي بدو يبيع وطنيات يلاقي غير هالموقع... هاد الموقع للسيارات. في مواقع و قنوات مخصصة لبيع الوطنيات.
أبو أحمد 25-09-2011 00:07
 حظ
اخ من حظ السوريين يلي الله بلانا وصرنا اسوء دولة ففي العالم والخير لقدام
محمد 24-09-2011 21:28
 لا تخافو
هذا القرار ليس له تأثير كبير على المدى القريب لأن كمية السيارات الجديدة (خاصة الكورية والصينية) هي أكثر من حاجة السوق حاليا وأعتقد أنها تكفي ربما لعام كامل خاصة أن السوق جامد بطبيعة الحال فيجب عدم الاستعجال وشراء سيارة بسرعة وكأنها ربطة خبز وعدم الاستماع للاشاعات التي لا يستفيد منها غير تجار السيارات (الصغير قبل الكبير) . نحن ندعو الدولة إلى حماية المستهلك من جشع التجار الذين هم كالمنشار يستفيدون من الظروف كيفما مالت .سوريا بقيادة الرئيس الأسد ستبقى قوية والشعب السوري رأسه مرفوع وهامته لن تنحني
اسماعيل 24-09-2011 20:33
 الى الأخ نزيه طعمة
تتحدث عن قطع التصدير و التحويل ؟؟؟؟؟ مع احترامي لك , ما تتحدث عنه يا أخي المحترم ألغي منذ العام /2008 / بالقرار رقم / 2976/. و فيما عدا ذلك فان الدولة تمول بالقطع من شاء من التجار , لذا أتمنى بالأخوة توخي الدقة قبل أي طرح ذات محتوى كي لا يختلط السم بالدسم.
Mark Tomy 24-09-2011 20:18
 فكره وياريت تنجح
يا شباب عندي فكره شورايكون نتبع طريقة خليها تصدي يعني من بطل نشتري سيارات وخلي الدوله والتجار تجن يعني الواضح انو هل الدوله متبعا المثل اذا لن تستحي ففعل ما شئت
سوري 24-09-2011 20:05
 الوطني
أنا مو ضد القرار بس مباشرة أحد وكلاء السيارات الوطنية كان عامل عرض تقسيط بدون فوائد قام بإلغاء العرض إذا الوطني هي شو رح يعمل وكلاء المستورد ؟؟؟؟؟؟؟؟؟؟؟؟؟
جلال 24-09-2011 18:13
 من تحت الدلف لتحت المزراب
كنا زعلانيين لانو حيزيدو الجمارك الي بالاصل عالية آم لغو السيارات من أصلا قال و كنا ناطرين قرار الاستبدال بتمنى من فنات يعملو تحقيق صحفي لنعرف حيثيات القرار و شو تأثيرو علأسعار و أهم شي قطع السيارات
man74 24-09-2011 15:51
 حول السيارات
عيني الله غلت سيارتي ومارح بيعا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انوس 24-09-2011 15:43
 سؤال ليجيب عليه كل أصدقاء فنات
لدى وكيل مجموعة شركات سيارات تراخيص لأستيراد أكثر من سبعة آلاف سياره ، وبعد هذا القرار التاريخي للوزير الأصلاحي الشعّار ، إذا الوكيل ترأف بحال الناس ورفع سعر السياره الواحده مائة ألف ليره سوريه على أقل تقدير ، فكم مليار ليره سيكون مكسب السيدالوكيل ؟؟؟؟ أليس هذا القرار يعتبر مكافئة سخيه للتجار ورجال الأعمال الذين وردت أسماؤهم في قوائم الحظر الأوربيه(الله يعدمنا أسمائهم) ، السيد رئيس الوزاره والسيد وزير الأقتصاد يكافئون التجار عن طريق معاقبة الشعب ،وجعله يدفع كفارة فكرهمالفاشل
صديق فنات دوت كوم الأول 24-09-2011 15:41
 لعبة مكشوفة
يعمي واضح انها لعبة مكشوفة بين الدولة والتجار منشان الناس تخاف وتقوم تركد تشتري السيارات الجديدة لأنو الناس مفكرة انو ما عاد في استيراد ، وطب رح يكون السعر أغلى ومرابح التجار والوكالات أكتر ، و متل ما بتعرفو السيارات مكدسة بالوكالات وهي مستوردة ومدفوع جمركها ورح تخللص سنة 2011 وتنزل موديلات 2012 ، لذلك أي شخص فيو شوية مخ يستنى هلأ ولا يشتري سيارة أنو أكيد بأول 2012 رح يلتغى القرار وهاد من مصدر موثوق
شوفير معتق 24-09-2011 15:40
 حط ايدك بعينك
طالما السيارة رفاهية بنظرو خليني شوفو بالمكرو رايح على شغلو
رايق 24-09-2011 14:04
 
انشالله تصير السيارات للسما ما بركب الا مستورد ولو بدي بيع بيتي لانو مو مستعد روح شبابي بطنبر شغل عنا متل حميشو او سابا
حمصي وبالقمر محفور اسمي 24-09-2011 14:02
 مو مشكلة
البلد في أزمة صغيرة ولازم كلنا نساعد .... مومشكلة فدى سوريا كلو بيهون ومن شو بتشكي باصات الدولة ... ركبوا باصات ياخيي وين المشكلة الباصات جيدة
أبو حسن 24-09-2011 13:57
 بدون تعليق
حسب علمي المتواضع ان الدولة لاتغطي استيراد السيارات بالقطع , وانه يتم ( اي الاستيراد) اما بقطع التحويل او التصدير . وهذا ما ادى لوفر 18 مليار دولار . وان الدولة كانت تجني من عائد استيراد السيارات الشئ الكثير ولا تدفع الا القليل كرواتب لموظفي النقل . وتوقيف استراد بعض المواد التي تتم بقطع تحويل او تصدير . سوف يحرم الدولة من عائدية ضرائب هذه المواد ونحن احوج مانمكون لهذه العائدية في مثل الظروف الحالية واذا كنت مخطئا ارجو منكم التصحيح ولكم الشكر سلفا
نزيه طعمه 24-09-2011 13:18
 سؤال
هلق إذا فتحنا معمل لتصنيع مادة مستوردة تم توقيف إسترادها وشغلنا هالعمال وقلنا يارب .... وقرروا أنو يفتحوا الإستراد شو منعمل؟!!! وخاصة من الصين التي لا منافس لها .... رح نرجع نسكر المعمل... صح؟!!!
Rammstein 24-09-2011 12:56
 الحل
الحل هو السماح باستيراد السيارات المستعملة
محمد 24-09-2011 12:27
 غريبة
يعني والله أنا بستغرب حكي بعض الابواق، يعني طول الفترة يلي كانت قبل كنتو عم تسبوا الاقتصاديين العباقرة يلي عم يديروا البلد وأنو لعنوا أخت كل شي أسمو اقتصاد بهل البلد، هلأ صاروا فهمانين وحريصين على اقتصاد البلد ؟؟. أرجو عدم نشر التعليقات التي تخرج عن السياق.
إلى ؟؟ 24-09-2011 11:46
 !!!!!!!!!!!!!!!!
طيب والمليارات الي عم تجي على خزينة الدولة من رسوم السيارات .. هي مالها تأثر على ميزانية الدولة !!!!!!!!!!!!!!!!!!!!!!!!!!!!!!!!!!!!!!!!
مازن 24-09-2011 11:01
 توضيح
ياشباب القرار من المفترض أنو يشمل قطع السيارات والإطارات أكيد وهي الأمور كلها جماركها أعلى من 5% بمنيح يعني حتى مصانع شام وحميشو رح يوقفوا أول ما يخلص مخزون القطع عندهم،بعدين وين الحكمة بهل القرار يلي رح يخرب بيوت آلاف العيل العايشة من الورا السيارات المستوردة، هي بس السيارات لسا في الكهربائيات والإلكترونيات والتياب وغيرها كتير، ولا حدا يجي يقلي أنو بتتنشط معامل التياب لأنو المعامل يلي كانت موجودة وتأثرت بالاستيراد سكرت من زمان، ويلي عم يحكي على الخبز الربطة السياحية بدون دعم سعرها أقل من 50
سمير 24-09-2011 10:31
 ؟
احلى شي انو قال هالقرار رح يعطي فرصة للمصانع لانتاج السلع وبالتالي خلق فرص عمل واعادة تشغيل العمال ههههههههههه طيب والموظفين الي رح يقلعوهن من وكالات السيارات والبنوك الي عم تقسط ؟؟ والكساد الي رح يصير بهالقطاع الي كان عم يعيش الاف الناس .. فعلا شي غريب .. على كل حال نحنا مامنعرف شو عم يصير بالخفاء ومنتمنى انو تتحسن الاوضاع .. وانشالله ترجع البلد متل ماكانت .. والله قرفنا من هالازمة
مازن 24-09-2011 04:09
 سيارات مسخرة
يلا يا شباب ما عاد ادامنا غير انو نشتري كلنا سيارات شام و حميشو و نعدل فيون بس بتعرفو اهل التعديل رح يخسرو لانو هنن سيارات ما شاء الله عنون مو ناقصا شي غير انو تكون سيارة يعني لو عنا معامل متل مصر ع الاقل كنا منقول خيو مبلوعة بس مصر بتانتج مرسيدس و نحن لسع عم نركد ورا الصيني و الايراني لنقلدو و منقلدو باجربن منو فوق ما هو جربان و بتعرف هلا ما رح يطل و لا بسطة بالشارع كلون رح يتامنلون فرص عمل بمعامل السيارات المترفة
مواطن 24-09-2011 02:51
 هههه شو هاد يا
لك بس بدي افهم انو ع اساس نحن انتاجنا المحلي بالاساس عم ينافس المنتجات العالمية و بقوة يعني بالاخر هلا ما عاد في بالسوق غير سيارة حميشو الجربانة و سيارة شام الاقتصادية كتيرر و الله يستر كمان انو تكون قطع الغيار مشمولة بهل القرار و نصير بقا نركب للسيارات المرسيدس او ال بي ام دبليو قطعة صنع سوريا و شرطك انو اغلب الي رح يصنع القطع رح يكون مصنعا نوع تجاري و يقلك ع كفالتي و يمكن تشتغل ساعتين او ما تشتغل لك وقت الي بيكون الانتاج المحلي بالاساس منيح منعود منطالع هيك قرار بس انتاج 97% منو زبالــة
م 24-09-2011 02:47
 قطع تبديل السيارات
ياترى هالقرار شمل قطع تبديل السيارات كمان لانو خلقة القطع اسعارها نار كيف اذا شملها القرار واتوقف استيرادها .... كارثة
مسلم انا 24-09-2011 02:13
 والله شي بيغمي من الضحك
ياجماعة ليش مين قلكن انو حميشو دافع لداعم هالقرار ماحميشو شو مابدو بيصير قصدي من برا حميشو بس من جوا مهيرو يعني صانع قوي وماكن ومستحيل يتأثر بالسوق
موج البحر 24-09-2011 01:20
 والله لو موت مابركب تابوت بأربع دواليب
ااااااااخ بس لو اعرف التليارات تبع رسوم السيارات وين راحت ازا عم تربحو من السيارة تلت أضعاف حقا بقا ليش لتمنعوها لك والله صار لازم توقفو دقيقة صمت عجيوب المواطنين رحمو هالشعب أرحمو من في الأرض يرحمكم من في السماء
موجوع 24-09-2011 00:33
 حسن
عم تشتكوا انو السيارات غالية بسوريا.....؟؟ ليش ما بتشكروا الدولة انو ربطة الخبز ب 15 ليرة بس فعلا لازم الدولة تلغي الجمارك ......................... وتعمل الربطة 100 ليرة
شبل الاسد 23-09-2011 23:52
 1
الصين سكرت على حالها الباب 48 سنة و هلأ عم تقول الشاطر يلحقني , موافقين على هالخطوة معليش اذا منعمل هيك , منها بركي بتخف العجقة بالبلد و منها بتشتغل اليد العاملة الوطنية , و الله يمضي الامور على خير
داني 23-09-2011 23:35
 tfooo
the days of 929 are back:-)
KIA KUNG 23-09-2011 23:27
 
أحلى شي أنو في عالم طالبت بالسماح باستيراد السيارات المستعملة كلمة تانية بكرة بيطلع قرار بسحي السيارات من صحابها لأنو بدها قطع غيار والقطع أجنبية ونحنا لازم نوفر العشر ليرات على قولة صاحبنا الخبير الاقتصادي
متشائل بكثرة 23-09-2011 22:44
 وطني حبيبي
لعيونك يا سوريا والله مو بس بلا السيارة والله والله الروح بترخص لترابك ولقائدك الاسد المقاوم وضلي اللي عم يتظا0000 يعمل ويكتر بلكي حمد والعرعور بيرجعوهم عالطنابر لسا عاشت سوريا الغالية
احمد 23-09-2011 21:53
 الله يحمي هالبلد ..
ماكتير رح علق على موضوع وقف الاستيراد ( المؤقت ) لانو الدولة اكيد ادرى من كل واحد عم يتفزلك بهالصفحة !!! بلدنا احلى بلد .. وارخص بلد .. حاج نغمض عيونا على كل الشغلات الايجابية و نتطلع بس على السلبيات .. هاد ظلم و حرام .. ويلي كتب " مرحبا حكومة مين انتخبك " بصراحة حاج بقا تضحكو العالم لعما والله ما عم صدق انو في سوري بيرضى يكون لعبة بايد الغرب ... ولووو .. ياعالم ما بصير نحط فشلنا الشخصي على الدولة و كل غلطة بحياتنا على الدولة ... الله يحميكي يا سوريا ويكبر عقول و يفتح ضمير هالشعب . شكرا
Fady 23-09-2011 21:10
 لعنكم الله يا اوروبا وامريكا وحمد وبندر والعرعور
قريت كل التعليقات وبالفعل في ناس اصيلة وبدها مصلحة هالوطن معلش خلينا نتحمل شوي ونكون ايد وحدة ونتعود نبعد عن الغرب ونجاستو بحييكن يا ولاد بلدي هي هيي الحرية انو نكون اسياد نفسنا وبلدنا قوية بشعبها مو بيلي بيحمل سلاح وبهاجم الجيش وبيغتصب النساء وبيقبض مصاري مشان يبيع وطنو
عمر علي خالد عيسى موسى 23-09-2011 20:58
 شوية تفكير ورواء
ببساطة اذا انت ما معك غير الف ليرة ولازم تكفيك لعشرة ايام بتروح من اول يوم بتشتري فيها علكة وكولا وبعدين بتتبهدل تسعة ايام ... بتبيع تيابك منشان تاكل او تشتري حبة اسبيرين . ولا بتقتصد فيها للشغلات الضرورية فقط . الحكومة كل صباح الخير عم تدفع الملايين لدعم رغيف الخبز كرمال الفقير ما يجوع وعم تدفع الملايين لدعم المازوت .. وملايين غيرها للقطاع الصحي .. وملايين غيرها للتعليم .. وغيرها للجيش والشرطة ... ابسط واقل واجب للمواطن انو شوية التزام بس مو كل واحد يتفهمن على كيفو
ابو العبد 23-09-2011 19:59
 خطوة صائبة
برأي هذا قرار صائب, معقول العالم يحاصرنا ويفرض علينا عقوبات بدون سبب, بينما نحن نستورد سيارات سخيفة وندفع رصيدنا الحيوي لهم مقابل شوية حديد ؟ سوريا عمتمر بأزمة ومؤامرة حقيرة, والاف الشهداء ضحوا بحياتهم, وبيجي البعض بيقول ليش هالقرار؟؟ ما راح يصير شي اذا أجلنا شراء سياراتنا كم شهر. المهم سوريا بلدنا تضل قوية وبخير..
د. جميل 23-09-2011 18:54
 رجعنا على الدواب ( حمير )
لما عرضت فنات على الموقع منذ فترة قصيرة انو الحكومة سوف ترفع جمارك السيارات فغضب الناس كثيرا ولكن القادم كان مذهلا اكثر فكان المقصود هو الغاء قطاع السيارات باكمله من سورية فتخيل يرعاك الله؟؟؟؟؟؟؟؟؟؟؟؟؟؟؟؟؟؟
الساموراي الياباني 23-09-2011 18:46
 انهيار الدولة
شو هالدولة يللي كل ملها نحو الأسوأ
سوري حر غصبن عنك 23-09-2011 16:46
 هدية لتجار السيارات...تتمة
خفض تكاليف الانتاج من خلال خفض الرسوم على المادة المستوردة الداخلة بالتصنيع مع تسهيل إقامة المنشأة وتخفيض الضرائب وإلغاء الرشاوي والمحسوبيات والاكراميات وفرض رقابة صارمة على النوعية وحقيقة التكاليف و السعر المنطقي الذي يجب أن تباع به لتكون بالنهاية قادرة على المنافسة والاستمرار وتشغيل الايدي العاملة والتصدير أما بهذا الشكل ومع هذا القرار فسوف تصبح السلعة السورية هزيلة ومفروضة على المستهلك السوري فقط وبأعلى الأسعار ولا تصمد أمام أي منافسة وسيكون التهريب هو الحل .
وائل 23-09-2011 16:27
 هدية لتجار السيارات
المقصود من القرار السيارات فقط لأن الحكومة استثنت ما تراه ضروريا والمستفيد الأول هم أصحاب وكالات السيارات الذين يعانون كسادا بالمبيعات ولا يريدون التنازل عن الأرباح الفاحشة فبعد هذا القرار سيبيعون ما تكدس وبأسعار أعلى قبل أن تسمح الحكومة بالاستيراد من جديد , هذا استنزاف للمواطن وحرمان الخزينة من رسوم هي الأعلى في العالم على السيارات أما بالنسبة للمنتوجات الصناعية الوطنية فإن حمايتها وتشجيعها لا يمكن أن يكون بمنع الاستيراد للسلع المماثلة ( كمن يدفن رأسه بالتراب ) بل يكون من خلال خفض تكاليف الانتا
وائل 23-09-2011 16:15
 قرار جيد لكن ناقص
الدكتور الشعار من الناس الفهمانين والوطنيين و القرار جيد لكن يجب أن يترافق بمجموعة قرارات تلزم الصناعيين السوريين برفع جودة مصنوعاتهم ومطابقتها للمواصفات الدولية خصوصا بموضوع السلامة والأمن و كذلك تأمين ظروف مناسبة جدا للاستثمارات الخارجية الصناعية في سوريا لتعويض المصنوعات التي منع استيرادها وكذلك تشجيع الصناعيين السوريين على الاستثمار في القدرات البشرية السورية عبر الجامعات وذلك بدعم البحث العلمي وربطه مباشرة بالسوق
سوريانا 23-09-2011 15:46
 مرحبا حكومة؟؟ مين انتخبك إنتي؟
باعتقد إنو قرار متل هذا بيخيلي اللي بعدو قاعد بالبيت ينزل يتظاهر... كنا متوقعين إنو يطلع قرار بتخفيض الرسوم الجمركية اللي بلا طعمة،قاموا أتحفونا بهيك قرار... بعدين الدولة كانت تربح أكتر من مصنعين السيارات، و بهيك قرار يا ترى، ما رح تتأثر خزينة الدولة؟!.. لو كانت السيارات المحلية جيدة المواصفات أو منافسة بالسعر و الله ما حكينا، على كل خللي اللي طلع هيك قرار يركب سيارة شام و يجيب لمدامتو سيارة حميشو، و لابنو سابا، و بعدها بلكي بيفهم عن شو عم نحكي!!
الإصلاح إشاعة!! 23-09-2011 15:36
 و كمان يمنعو السيارات الوطنية
اللي هي كمان لا وطنية و لا شر و انما حسب ما سمعته يتم لصق الشعار عليها هنا بعد ان تصلنا مجمعة أي انها في نفس الوقت هدر للاموال الوطنية اضافة الى سوء صنعها فلماذا يبقى عليها ؟ تهدر اموال الدولة باستيرادها كاملة و بالتالي لا تقبض عليها الدولة اي جمارك و هذا خطأ و يذهب لجيب المستورد الذي يمثل دور الصناعي و لكنه ليس صناعيا انه تاجر يلف و يدور و يتهرب من الضرائب و اقصد المعمل الذي ذكره الأخوة المشاركون و الذي يلصق فقط اسمه مكان اسم السيارة الاصلية و احيانا يكون رمزه حتى غير موجود فيترك السيارة بحالها
محمد 23-09-2011 14:24
 غباء مو طبيعي
يعني خلي العملة الصعبة بالبلد مشان الاقتصاد الوطني وبكرة وكالات السيارات بتقلع الموظفين وكل الوكالات بتصفى بلا شغل وطبعا السيارات المستعملة بتغلى والبنوك يلي بتقسط كمان بتصفى بلا شغل ورح تسرح موظفين شلون بتوقف استيرادر السيارات وهاد قطاع بطعمي خبز لالاف الاسر.!!!! فعلا قرار غبي
طوطو 23-09-2011 14:10
 قرار ممتاز
يعني القرار صائب ... لانو الحقيقة البلد بالوقت الحالي مكدس بالسيارات وخاصة المقسطة ... والشي الكويس انو بلكي بيوقف استيراد السيارات الصينية
تمام 23-09-2011 13:38
 
أنا مع القرار بس يحافظ السوق ع سعر السياره ويلزمو التاجر مايتلاعب بالاسعار.
عاشق ال GT_R 23-09-2011 13:10
 يلا يا تجار زيدو الغلة
ياحبيبي التجار ناقصن هيك قرار بكرا بصير الفيرنا 700 الف ممنوع استيرادا لانو محركا كتير قوي هههههه بتقتل الشباب ههههههههه يا لله دخيلك والجولف إذا مفكر انك تشتري وحده انسى يا حبيبي بصير خقا مليونين ع السريع بتعرف انت السوق متوقف استيرادا للسياراه الحديثه مسخره كل شي بهالبلد كل شي مسخره لك لانا شو بدي بقانون الاحزاب وقانون المابعرف شو مابجيب همو طالما انا قاعد عاقل وماعم سوي شي انا بدي اكل واشرب وعيش حياه طبيعيه مو تلزيق بتلزيق فففففففففففففففففففففففففف طقت مرارتي
عاشق ال GT_R 23-09-2011 13:04
 محزن مبكي
يعني في كتير تعليقات عم تحمل الحكومة اسباب القرار وتتهم التجار والمسؤلين انون هني وراء القرار. بس الفهمان من هؤلاء ممكن شرحلنا كيف رح يستفادو التجار ؟؟؟ وتاني شي في بعض التعليقات التافهة يلي عم تتحدى المسؤلين بالبلد للخروج من الازمة وكانهم مبسوطين بالازمة يلي دخلت فيه البلد.... يا عيب الشوم على هيك شعب بيمشي بغوغائية وبسياسة القطيع.... ولك هيك ناس بدون عالم تركبون مابدو سيارات يركبها...في ناس كلشي صاير هالبلد مو حاسة مو فرقانة معها... خربوا البلد الناس تقطعت وماتت من الجوع وهني مو فرقان معهم
ابودياب 23-09-2011 12:23
 كلنا يد واحد
هذا القرار حافذ لأصحاب المال أن يقوموا بإنشاء معامل في سوريا النصر لسوريا القوية الحلوة جنة الله على الأرض
mike 23-09-2011 10:18
 افضل قرار على الأطلاق
يلي بيلاحظ بالعشرة سنوات الأخيرة انو الناس بسوريا من كافة الفئات كانت منهكة جدا بتقسيط السيارات وانا واحد منهم واصبحت الناس همها الشاغل تأمين القسط بنهاية الشهر والسبب التخمة بالسوق وتسهيل الشراء فمن يملك 300000 ل.س بدل مايشتري سيارة على قدو ويعيش منيح راح اشترا سيارة بمليون ويمكن اكثر وبلش يدفع كل شهر شي عشرين الف لخمس سنين هدا غير مصروف بيتو لدرجة انه قصر حتى بالضروريات على المنزل وهدا يضعف الاقتصاد بأكمله لأنه يضعف القوة الشرائية لكافة المنتجات من البسة واطعمة واثاث والأهم هو تقدم الانسان
محمد 23-09-2011 10:03
 دائما تتحفنا الحكومة بقراراتها
دائماَ تتحفنا الحكومة بقرارتها لصالح الاغنياء / خلي شي مرة يلغو الجمارك والرفاهية على السيارات المحلية لان مقتنيها من ذوي الدخل المحدود / ويزيدو الجمارك على السيارات الفخمة أضعافا . بس ما بسترجو يزعلو الاغنياء . المواطن العادي صدقاً ما بهمو لا انتخابات ولا احزاب ولا مؤتمرات إصلاح ومين يمتلك سوق التهريب وسوق المخدرات . يهمنا شيء واحد نمتلك بيت صحي ننستر فيه وسيارة شغل الوطن وبس . وساعتها انا بفدي الوطن انا وولادي .
جورج 23-09-2011 08:57
 سوريا
كلها قرارات مؤ قتة وستنتصر سورية بقيادة الدكتور بشار الاسد ولله يلعن المتظ... يلي وصلو البلد لهون
شاهين 04 23-09-2011 07:24
 الموضوع بحاجة لبعض التفكير
السلام والتحية للأولى فنّات وجميع زوارها القرار جاء بوقت عصيب جداً لكن تعالوا نفكر شوي إذا ضل الحال على ما هو عليه وشغالة زيادة العقوبات علينا من وين بدنا نجيب مصاري نشتغل فيها ونحرك الإقتصاد الوطني ؟! وأنا لو القصة بترجعلي لكنت وقفت إستيراد السيارات من زمان مو كره فيها بل العكس,ولكن أنا من دوما ويللي مو مصدق يجي يشوف السيارات من شارع القوتلي بدوما لكراج العباسيين السيارة جنب أختها وكل هذا قطع نقدي أخرج من البلد وذهب ليد أصحاب معامل السيارات في أنحاء العالم. آسف للإطالة شكرا فنات (^_^)
حاتم حريرة 23-09-2011 05:19
 
يعني كل السلع ممكن يوقفوها بس السيارات لا الاكترونيات لا و كله الباقي اله بديل عنا بعت سيارت من اسبوع و كنت عم قرر شو اشتري و الحمد لله على هل الصواب
بعت سيارة امبارحة و بدي اشتري اليوم 23-09-2011 03:17
 وطني ولو ..
مافي مشكلة كلو إلا بلدنا .. وبلاها ركبة السيارات .. وبلاها الباصات .. والله بنرجع على ا?حصنة أو بنركب بسكليتات ولا بيعلم علينا أردوغان وحمد وموزة وباقي شلة الخونة اللي وقفو مع اعداءنا باسم حريتنا وديمقراطيتنا.. صعبت علينا اي نعم بس ما خلصت الدنيا وكرمال عين تكرم مرج عيون.. لك هاد اقتصاد بلدنا اقتصاد وطنا..عشقنا ا?ول وا?خير.. اسبوعين زمان وكل هالخونة بينلقطوا وبيبلش الحراك (الحقيقي) الديمقراطي ورح نوصل بدون مزيد من الدم للتطور وانشالله بعشر سنين نصير متل أوروبا وأحسن..ليش ?..
مواطن مع الوطن 23-09-2011 03:14
 الى الاخ الذي يقول اشبعوا حرية!!!
نعم يا سيدي راح نشبع حرية وبس نشبع حرية حنشبع خبز وبس نشبع خبز راح نركب سيارات وحاجة حكومتنا المؤقتة تلعب بعواطفكم لانه لو بجيبوا المصباح السحري ماراح يحسنوا يحسنو الاقتصاد لانه العيب فيهم مو بالاقتصاد
عبدالله 23-09-2011 02:42
 الى السيد هشام المحترم!!!!
تعليقك يا سيد هشام في نوع من السخرية والخروج عن الموضوع ومعروف مين عبيخرب البلد وبحياتها الحرية ماكانت سبب بالخراب بل هي سبب التطور والبناء والحداثة.....وخلي حكومتك العتيدة تنقذ الاقتصاد لشوف !!!!!!! بما انن معتبرين مافي غيرن قادر يدير البلد
عبدالله 23-09-2011 02:40
 معمل حميشو
الى كل من يهمه الامر : معمل حميشو يقم فقط على تجميع الشعار على السيارة التي تأتي جاهزة كاملة و مجمعة في الخارج لذلك هو اكبر المتضررين بهالقرار و بكرا بنشوف
مواطن 23-09-2011 02:24
 وجهة نظر
في عام 1971 زار مصر وفد عسكري سوفيتي للتفاوض على صفقات تسليح الجيش المصري. قال لهم السادات نحن في حالة حرب وطنية كبرى و يجب عليكم ان تساعدونا بكرم شديد ودون حساب لأن وضعنا يشبه وضعكم في الحرب العالمية الثانية. جاوبه الوفد السوفيتي يا سيادة الرئيس في ايام الحرب لم يكن لدينا متاجر للسيارات الاجنبية و للساعات السويسرية و مطاعم فاخرة كل شئ تم تسخيره للحرب. المعنى انه في حالات الحرب و الاضطرابات و الضغوط و حتى التحول مثل اليوم يجب التضحية بالكماليات ثم البلد ممتلئ صار بالسيارات . قرار صائب 1000%
اسماعيل 23-09-2011 01:20
 الى دعاة سحب الارصدة وتحويلها لدولارات
بعيد عن السياسة وبسبب الاقتصاد فقط اقول الى دعاة سحب الارصدة وتحويلها لدولارات وتخريب اقتصاد سوريا لعنكم الله لعنكم الله
yahya 23-09-2011 00:34
 دعوة للتضامن من إجراءات الحكومة
أرجو أن يتفهم الجميع حساسية الوضع الحالي وتأثيره على مستقبل الوطن، ويمكن لأي كان أن يؤجل شراء سيارة جديدة شهرين أو ثلاثة... وأظن أن سوق السيارات المستعملة لن تتأثر كثيراً ما لم تطل مدة توقيف الاستيراد لأن سوق السيارات المستعملة بالأصل تعاني من جمود كبير والعرض أكبر بكثير من الطلب. أنا شخصياً كنت أنوي شراء سيارة جديدة قبل بدء الأزمة وأجلتها حتى نتجاوز الأزمة. أدعو فنات للتضامن مع القرار وهي التي اتصفت بالموضوعية دائماً
فادي 22-09-2011 23:33
  الخبز أهم من السيارة
لا أقصد المزايدة في الوطنية على أحد و لكن نحن في حرب حقيقية يشنها العالم علينا على جميع الأصعدة , و أي قرار تتخذه الحكومة حتى لو لم يتناسب مع رغباتنا الآنية علينا تفهمه , بريطانيا أثناء الحرب العالمية ضربت مثلا في التقشف و التكيف مع الظروف الذي لولاه لما تمكنت من الصمود و النصر فلماذا لا نتعلم من خصومنا ايجابياتهم بدل اقتباس السلوك الاستهلاكي فقط
مواطن 22-09-2011 22:57
 سؤال
طيب يعني هلق شو حيصير بالوكالات خلص ماعاد في بيع ولا حيرفعو الاسعار ولا كل شي حيكون متل ماهو كان من قبل هاد القرار
basel 22-09-2011 22:47
 انا حزين جدا
انا حزين جدا كنت جايب المصاري ورايح اشتري سيارة واتفاجأت برفض الشركة بيعي السيارة ومن بعدها زرت الشركات كلها وللأسف رفضوا البيع والله انقهرت من قلبي وزعلت كتيييييييير ماصدقت امتى الله رزقني لأشتري سيارة هلق بهل العملية اذا حيكون في بيع حيكون السعر مرتفع بس كل شي بهون كرمال هل الوطن والمواطن والاقتصاد
basel 22-09-2011 22:32
 الكل يد وحدة 2
بل النهاية هي بلدنا ولازم كلنا نوقف معها وماحدا رح ينفعنا من العالم كلو غير ولاد بلدنا.لازم نتفهم القرار ونعطي فرصة للدولة تشتغل لأنها عم تفكر بشغلات اكبر من يلي منفكر نحن فيه
مواطن 22-09-2011 20:58
 الكل يد وحدة
الى الاخوة الكرام لازم نشوف الموضوع من زاوية تانية وماننظرلو من وجهة نظر خاصة ..القرار كبير كتير واكبر من كل رغباتي ورغباتك هاد موضوع اقتصاد بلد مو لعبة ولي مفكرين انو بعض المسؤلين وراه وهنن مستفيدين بيكونو غلطانين بل العكس كتير مسؤليين ورجال اعمال رح يتضررو .لازم نوقف كلنا مع بلدنا واقتصادها ومانتذمر الشغلة فيها لقمة خبز للناس وافتصادي 23مليون اخ واخت.ولاتنسو انو نحن عم نواجه حرب عالمية مو بس اعلامية اقتصادية كمان.وهاد دليل على كذب كل الدول يلي على اساس بتهتم للمواطن السوري الاوربية وغيرها
مواطن 22-09-2011 20:55
 ...........
لاتشوفو السيارات وبس كل شي مواد إلكترونية من (سيارات-برادات-غسالات-مكيفات-......)كل شي غلي دعما للإقتصاد الوطني الحكومة اللبنانية جاهلة دخلت سيارات المستعمل الأوروبي لعندا اّم صارت أسعار السيارات عندن متل........................................................................... بس عنا حافظوا على الأسعار وصار بتبيع سيارتك المستعمل وإنت ربحان بدون تعليـــــــــــق
مجهول 22-09-2011 20:46
 سنغافورة
بهي الطريقة السيد وزير الاقتصاد بدو يساوي سوريا سنغافورة يا اسف
سنغافورة 22-09-2011 19:50
 بنستاهل
والله الي بدو يخرب بلدو ويضعفها بدو يصير في اكتر من هيك .....بنستاهل ..الي من ايدو الله يزيدو....خلينا نفطر و نتغدا و نشبع حرية
هشام 22-09-2011 19:06
 والقادم أعظم
أصدقائي موقع فنات العزيز، إن وقف أستيراد السيارات سيترتب عليه إيقاف موقع فنات دوت كوم العزيز على قلوب كل السوريين ومواطني الدول المجاوره الناطقه بالعربيه،أن قرارمنع أستيراد السيارات يذكرنا بالعقوبات الدائمه على المواطنين في دول الأنظمه الأشتراكيه السابقه،الا يستوعب المسؤولين أن هناك الملايين من السوريين في الخارج يستطيعون إغراق سوريا بكل أنواع البضائع والمنتجات الاساسيه وبإرخص الأسعار ؟ إذا استمر المسؤولون في إقصاء المواطنين عن المشاركه بتحمل مسؤولية البلد فأن ماسينتج عنهم كارثي والقادم أعظم
صديق فنات دوت كوم الأول 22-09-2011 18:31
 
حلو قرار حكيم وبرافو حميشو بس ما عرفنا اديش دفعت لطلعولك هالقرار مشان بكرة تبيع السيارات على كيفك أنا بقترح عالدولة تصير تستورد سيارات متل ايام التمانينات وبترجع ايام اللانسر والمازدا وبيصير الواحد بينتظر شي 10 سنين بعد الاكتتاب عنجد تراث بس سؤال صغير هل منع استيراد السيارات الحكومية وسيارات الجيش أكيد لاء بس اخ من يلي كان السبب
مبسوط كتير كتير 22-09-2011 18:26
 الى منهل سليمان صاحب تعليق أخ راسي
يامنهل خلينا نفكر أبعد من أنفنا .الشغلة مو شغلة يلي قرر راكب سيارة ولا لأ شو هالحكي السطحي يلي بدل عن جهل كبير في الامور قرار ايقاف الاستيراد هو للحفاظ على الاقتصاد الوطني من استنزاف القطع الاجنبي ياريت نفهم ونعرف ليش هالاجراء هلىء يمكن لاني دارس أقتصاد عندي فكرة عن الموضوع بس كمان لازم اي شخص يكون عندو ولو أدنى فكرة عن مبادىء الاقتصاد
أمجد 22-09-2011 17:39
 الله ينتقم من يلي كان السبب في تخريب الاقتصاد الوط
أهم أكتشاف اكتشفتو بها الازمة أنو شعبنا ماعندو وعي وجاهل ومتخلف عم بيدمر بلدو بأيدو يعني بالنهاية مين الخسران غير ابن البلد يعني اليوم توقف استيراد السيارات لمنع استنزاف القطع الاجنبي ياريت كل مواطن يحس بالمسؤولية لأنو قطاع السياحة في سوريا مشلول كليا بالاضافة الى انخفاض الانتاج الصناعي وتسريح الالاف من العمال من مصانعهم . أخيرا أقول سننتصر بأذن الله على الدول الاستعمارية ودول العهر الخليجي وسيعود أقتصاد بلدنا كما كان وأفضل أيضا لكن المسألة مسألة وقت فقط لا أكثر
محمد الشامي 22-09-2011 17:27
 يعني لازملو دراسة
و خصوصا انو في الدول المتقدمة عميكبو السيارات القديمة على المكبس لانها بتهدر المحروقات و بتلوث البيئة و نحنا عنا لسا مليانة شوارعنا بهالزبالات ! بالاضافة لان السيارات المحلية هي مجرد تجميع يعني ما بتوفر القطع الاجنبي و لا شي ! و بكرا بتتعبا البلد سيارات حميشو و شام و سابا مع العلم انو الشام مثلا صريفة كتير بالبنزين جدا جدا و ما بنصنع غير نسبة قليلة منها يعني نفس الشي كلها استيراد تقريبا ! بس بنبدل السيارات الكورية بالصينية ( حميشو ) و الايرانية ( سابا و شام ) وتذكروا انو كلها تجميع مو تصنيع
محمد 22-09-2011 17:25
 دعم
شكرا ياحكومتنا العزيزة تجهدون ونجد القرارات لصالح التجار شكرا ياحكومتنا تجارنا سيزدادون غنى والشعب سيزداد دفع لماذا ايتها الحكومة لاتخفضون الجمارك وبالتالي شعبنا اليس شعبكم ام التجار نرأف لحالهم فقط الرحمة بهذا الشعب هو الذي يدعمكم الاتفكرون ولو هنيهة بها الشعب الطيب الفقير ام نفكر فقط بمربح الاثرياء فقط الرجاء باعادة النظر على الضرائب الجمركية وبالتالي ستحل معظم الاشكالات ونحن الشعب معكم ندعمكم الى مالانهاية
تامر 22-09-2011 16:53
 عوّضكم الله خيرا
الله ينتقم من يلي كان السبب بالوضع يلي وصلنالو، إن شاء الله بنشوف بكل دولة تآمرت علينا يوم أصعب من يوم الحشر، على كل حال ضرر يوم ولا كل يوم والإقتصاد الوطني أهم من المصالح الشخصية، وإزا انفدت بالمال بسيطة فالمال بيتعوض بس أرواح شهداء الجيش والأمن والمدنيين الشرفاء ما بتتعوض، وكما يقال درهم وقاية خير من قنطار علاج، ومعلش اتحملوا شوي وما من بعد الضيق إلا الفرج، دمتم سالمين.
وائل زين العابدين 22-09-2011 16:36
 اخ--راسي
اكيديلي-قرر-راكب-سيارة-مودافع-حقها
منهل سليمان 22-09-2011 16:30
 إذا سعر سيارات التجميع المحلي ظلت ثابتة
اعتقد ان اصحاب المعامل سيارات المحلية لما بزيد الطلب عليها حتزيد من سعر سياراتها وأسفاه على هيك تخطيط .
جورج 22-09-2011 15:26
 هاد يلي كان ناقص
عجيب غريب... يعني في خير الله ناس بتشتغل بالسيارات المستوردة من برا قدام شوي بيشتغلو بسيارات مجمعة بالبلد . وأكيد يلي بالبلد الشركات تبع تجميع السيارات ما تأثرت بالأصل لأنها عاملة حسابها أنو تشارك السيارات المستوردة ، بس يلي بعرفوا هلأ أنو السيارات صارت عنجد حلم بعيد المنال ، ونيال كل مين عندو سيارة ، وخاطركم رح ضب غراضي وأترك هل البلد نعقوها وشربو ميتها .
مذهوول 22-09-2011 15:12
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.