مجلة فنّات
وظائف شاغرة
بحث
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

تبادل الخبرات
إرشادات صيانة

هيونداي سوناتا 2007
مشكلة بأضواء الزينون الغير أساسية
أنا بحي موقع فنات على المبادرة الرائعة لفكرة تبادل الخبرات وسؤالي: أنا عندي هيونداي سوناتا 2007 وركبت عليها أضواء زينون والمشكلة انو الأضواء دائما كل جهة لون (أزرق ,أبيض) مع أنو النوعية موحدة ومشكلة تانية أنو الضو الزينون على طول كل فترة بيفصل أنا سألت عن المشكلة وقالولي أنو كل الكوري عندو مشكلة بالكهرباء تبع السيارة وبصراحة انا ما اقتنعت وبدي جواب مقنع اذا ممكن؟؟؟ مع كل شكري
فادي 14-04-2011

الردود
 لا أنصح بتركيب زينون
لاشك أن تغيير أضواء الوكالة الأصلية ذات الأستطاعات المحسوبة للمصابيح والبطارية والكابلات وللجاكات واستبدالها بأخرى من نوع صيني على الأغلب والزينون المركب دائما نفس المشاكل لأنه يحتاج لطرنسات وبطاريات وكابلات واستطاعات تتناسب معه بالإضافة لكونه ذو جودة منخفضة جدا بالنسبة لزينون الوكالة لاأنصح بتركيب زينون أبدا
نضال 23-07-2011 09:30
 توفيقة يتبع
لاكن مع سيارتي الثانية من نوع اوكتافيا في عطل ماحدا عرفو هو انو كل اكام يوم ينحرق عندي لمبة او طرنس بجهة واحدة وعلما انو السيارة مافي اي مشكلة بالسرسيون تبعها لهيك قمت باسترجاع اللمبات العادية الصفراء وما ساوت اي مشكلة بعدها
هيثم 06-05-2011 15:44
 توفيقة
السلام عليكم انا بتصور انو هي شغلة حظ لانو انا من المجربين انا هاوي سيارات وكل شي خمس شهور بدل سيارة فلذلك مرة هذه التجربة معي كان عندي مرسيدس فرخ الشبح عليها زينون وكنت كتير اتضايق من موضوع كل ضو لون فكنت اذهب الى الكهربجي وابدل لمبتين سوا وعبس بعد اكام يوم يرد يصير كل ضو لون وهذا ليس منحصر بجهة ضو واحدة ومع العلم انو كانت البطارية كبيرة 100 امبير واتقل زينون بالسوق من حيث النوعية لاكن عبس وكانت تنضرب عندي لمات وطرنسات كتير مع العلم انو بحياتي ما دقيت مرش والضو شغال لانو هاد اكتر شي بضر الزينون
هيثم 06-05-2011 15:40
 بطارية
لازم تتاكد من حجم البطارية يلي مركبها وعمرها لازم تكون بطارية السوناتا فوق 65 امبير وبالنسبه للضوء المختلف بتكون عدسة الزينون من استطاعات مختلفة مشان هيك كل وحده بتحسها لون
هاوي السيارات 18-04-2011 00:06
 1
تحياتي اخ فادي انا ما عندي معلومات كافية عن الكهرباء بالسيارات الكورية بس بتصور تكون نوعية الاضواء يلي مركبها سيئة نوعاً ما او فيها عيب على كل الاحوال انا بنصحك للمرات الجاية لا تغير شي اسمو "وكالة" اضوية مساحات ستوبات كوليات الخ .... الوكالة وكالة تحياتي
داني 16-04-2011 17:00

 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.