بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

أخبار الوكالات والسوق

رينو سورية الأولى في المنطقة في خدمة ما بعد البيع

12-05-2011

 

احتلت شركة عبد الباقي للتجارة والاستثمار مؤخراً المرتبة الأولى بين دول المنطقة على صعيد رضا عملائها عن خدمات الشركة على صعيد خدمة ما بعد البيع، وذلك في الاستبيان الذي تقوم به شركة آرا للاستشارات والدراسات التسويقية المعتمدة عالمياً والمستخدمة من قبل شركة رينو الأم.

 

 

حيث تقوم شركة آرا بإجراء اتصالات يومية مع زبائن مراكز الصيانة و خلال 48 ساعة من إنهاء الخدمة للوقوف على ملاحظاتهم وتقييمهم لمستوى الخدمة المقدمة لهم في مراكز الصيانة، ليتم بعد ذلك تقديم المعلومات بشكل شهري للشركة الأم وللوكالة المحلية، مقدمة قراءة واضحة بالأرقام والبيانات عن رضا العملاء ومسلطة الضوء على نقاط الخلل والمشاكل لتلافيها والتغلب عليها. 

حرصاً من الوكالة في سورية على رضا عملائها تم على امتداد الفترة الماضية متابعة تقارير شركة آرا الشهرية وتحليلها لرفع سوية العمل عن طريق معرفة أنقاط الضعف وحلها بشكل جذري وليس فردي، وقد كان من الملفت النتائج المرتقعة باستمرار شهرياً لتصل بحلول شهر شباط 2011 إلى مرتبة الريادة بين دول المنطقة وفق نتائج وتقييمات شركة آرا المعتمدة عالمياً.

 

عن وكالة رينو سورية

خاص بموقع فنّات.كوم

كم نجمة تعطي لهذه المقالة؟
نتيجة التقييم:   عدد المشاركين بالتقييم: 10
عدد التعليقات: 26
 مسؤليه من
ان تصرفات الفني لاتكون على حساب الزبون باعتبار الشركه مسؤله عن تصرفات الفني خارج الشركه باعتباره يمثلها في عمله خارج الدوام ويمارس نفس العمل خارج الشركه وزبائن الشركه حيث تم تركيب دسكات فرام مستعمله وكوليات على أساس أنها وكاله خارج الشركه فهل مسموح للفني بذلك وبعد الكشف في الشركه تبين بأن القطع مستعمله ركبت على اساس جديده ودفع ثمنها للفني على اساس جديده وثقه فهل تمارس مثل هذه الحا لات مع اغلب الزبائن في فرع حلب يرجى المتابعه لاستعاده ثقه الزبون في الشركه ونوقش الموضوع مع مدير صيانه حلب
زين العابدين 20-07-2011 23:42
 إلى السيد المحامي محمد مرمور المحترم
أرجو أن يكون لدى حضرتكم علم بأننا كشركة لسنا مسؤولين عما يتم خارج أبواب الوكالةوباعتبار أنك من المثقفين بالبلد على احتساب شهادتك فلم قبلت بتركيب قطعة خارج الوكالة وإن كانت القطعة أصلية.وان عدت بالذاكرة للوراء فقد قدمت الينا ب30/4/2011 وطلبت شراء طقم بواجي واعتذرت منك بسبب أن قطع الخدمة لاتباع للخارج إنما هي لخدمة الورشة وعرضت دفع حتى الاجور مع القطعة ليصبح بمقدوري بيعك إياها فرفضت لآنه يعتبر غبن في حقك أن أقبض أجور شيء لم أقم به .فلا أفهم ما هو السوء الذي قمنا به بحقك
مدير الصيانة بورشة حلب 10-07-2011 14:16
 حلب
لا تقلي شوصار معي أنا صار معي نفس الشيء أنا عندي سياره لوغان ولكن ولا مره ذهبت لمراكز الصيانه ولكن شجعني فني الذي يسكن بقرب بيتي لا صلاح سيارتي عنكدم ولكنه اختصر علي المسافات لاصلاحها هو خارج مركزكم امام منزلي واعطيته مصاري لشراء فلاترهو بواجي مصفاة بنزين وتم تركيبهم على أساس الثقه وأي ثقه على اساس تم شرائهم من ورشتكم وافا جا السياره اصبحت بسوء كبيربعد يومين حيث اضطررت للذهاب لورشتكم لا ول مره وبعد الكشف اجاب مدير الصيانهب انه يجب ابدالهم تم تركيبهم مستعمل بعد نقاش الفني امام مدير الصيانه
لازم تعرف الزببون من ارشيفه 30-06-2011 22:18
 السيد مير الصيانه لشركه؟؟؟؟؟؟؟؟؟
لوكنت عرفان شو عبصير بمراكزكم لعرفت مين الزباين يلي عبتحكي مو تدور بأسمائهم في ارشيفك لأنك مارح تلاقي ولا اسم لأننا هربنا من صيانه مراكزكم لأن الواحد قبل شراء السياره يدور على مركز الصيانه يلي بقوده فنيين لهم ضمير وشرفاء الزبائن تهرب من دفع البخشيش للفنيين وكأن الفني له خبره في الشحاده أكثر من اختصاصهولقد لاحظت بأن القطع التيديل أدفع ثمنها على الفاتوره ولاكنها لم تركب للسياره اتريد أعطيك مثالعلى سيارتي حيث تم تبديل صباب حراره لسيارتي لوغان وبنفس اليوم ذهب لورشه احرى اشتكي نفس العطل افاجأ لم يبدل
محمود 28-06-2011 19:34
 تساورني شكوك
أشك في وجود وكالة واحدة "على الأقل" محترمة في سوريا , فجميع الوكالات متماثلة في المعاملة , عند الشراء يضحك بوجهك و لكن عند الصيانة المجانية بيطفشك من المعاملة السيئة
رامي 26-06-2011 10:56
 مالك رينو ؟؟؟؟؟؟كوري أفضل
يلي عنو رينو الله يعينو قطع غاليه سياره بنهرتك بعد شرائها مباشره لاندري اذاكانت القطع المجمه بها من صنع تايون امفرنسا أم ؟؟؟؟؟؟الله يعلم فمنذ ما اشتريت سياره فلونس وأنا رايح جاي والله لو بتقول سياره تجميع محلي موهيك صحيح تبديل القطع على الضمان ولامره دفعت حق قطع ولكن هذا لايجوز كل يوم عطل فأنا اسي 100000كم خلال سنه وبعد خروجي من الضمان ادفع اصلاح والله الكوري أرحم لانعرف من أين تجميع هذه سياره فلونس وخصوصا فواشه البينزين لسع ماعبيت بنزين ثالث مره كان مؤشر البنزين عاطل لكن موهيك وتكرالاعطال
عبود 26-06-2011 00:27
 الزبون طفش؟؟؟؟؟؟
لقد اشترينا عشر سيارات داسيا أيام المعرض وكانت لها صيانه مجانيه لعشرين ألف ولكن الاصلاح كان سيء والقطع غاليه جدا ولم نستفد من الضمان نهائيا رغم ذللك وبعد جهد يمكن أربع مرات فقط وكان الفني معاملته سيئه جدا ولا أريد ذكر أسمه لأنه أصبح يطلب فلوس علنا ليقوم باصلاح السياره ولديناموظفون لانستطيع دفع من جيبهم وتكررت الحاله مرات وتم رفع شكوى للسيد المسؤل في الصيانه ومدير المبيعاتولم يتخذ أي اجراء للنفي بل زادت المعامله أكثر سوءحتى خرجت السيارات جميعها من الضمان وأصبحنا نتعامل مع السوق هيك أرحم
شادي 25-06-2011 01:21
 السيد مدير الصيانة في شركة رينو المحترم
لدينا ثلاثة سيارات رينو كانغو مغلقة تم شراؤها من وكالة رينو في سورية في منتصف عام 2008 وأي من السيارات هي ليست باسمي بل باسم من يعمل عليها لدينا في الشركة، وكلامي ليس لضرب سمعة شركتكم فليس لي أي مصلحة لا معكم ولا ضدكم، وإنما كلامي هو عن تجربة سابقة، وعلى كل حال انتهت كفالة سياراتنا بالنسبة لكم، وها نحن نقوم بالصيانة في الخارج، فلا تعتبر كلامي هو تشكيك أو تشوييه، خاصة أنك سميتني بالاسم وأنا لا أعرفك وأظن أنك لا تعرفي أي أن لا شيء شخصي بيننا. دمتم سالمين.
وائل زين العابدين 23-06-2011 01:26
 متابعة رضا العملاء
من باب متابعة رضاء الزبائن: بحثت في ارشيف الزبائن و لم اجد اسماء بعض المعلقين عن خدماتنا في هذا الموقع, الهدف هو النظر في سبب الاستياء و محاولة ايجاد الحل المرضي للزبون لاننا نعرف ان ذلك من اساسيات نجاحنا . و لكن ومع الاسف اقول و بالتحديد للاخ وائل زين العابدين: من الجهل ان تحكم على احد دون ان تجربه, الاحتمال الاخر هو ان التشكيك في خدماتنا مغرض و له هدف تشويه السمعة فقط و هذا عيب بحق المتصفحين لهذا الموقع. ارجو من جميع الاخوة المعلقين النزاهة في الراي و التعليق عن تجربة حقيقية فقط.
مدير الصيانة في شركة رينو 19-06-2011 14:03
 شوهل الحي؟؟؟؟؟؟
الى شركه ارى المفتخره الكلام مدروس ومعلم كيف بقول الزبون اذا حدا اتصل بيك من لبنان شولازم تقلو والاستقبال كتير حلو ما بيسترضي الاستقبال النهوض من وراء الطاوله لاستقبال الزبون اذاكان الزبون دفيع للبخشيش نستقبلو والفني بيعتني بالزبون ويشتغلو ألف شغله حتى أصبح طلب البخشيش علني والفني يهرب من الزبون ويقول هذا زبون جردون ما بدفع بخشيش ويشتغلو شغل شل وبل حى القوه والشاي بياخد ثمنها عامل البوفيه وغسيل السياره كان ببلاش خدمه للزبون صار بمصاري للجيبه بيتمسح الفني أو عامل البوفيه بالسياره حتى يفع البخشيش
زهير 17-06-2011 15:39
 الرينو ----الله يعينو
الرينو الله يعينو فوق همه الاسعار نار وشعلانة والميغان شي كتيرناعمة تصور الرفاريف الامامية بلاستيك وموبس هيك اي طرقة خفيفة من الامام بتلاقي حالتها بل الويل ولا تلقني بتشءني
الياباني 07-06-2011 13:23
 تزامن في التوقيت أم ماذا؟!!!
بعد قراءتي للتعليقات السابقة تبين لي أن تحسن الخدمات تزامن مع ما تقوم به "آرا" فالموضوع أصبح أقرب لـ "من كان يخلط الحليب بالماء ولما علم بقدوم الخليفة امتنع عن ذلك فعندما رآه الخليفة امتدحه وعينه شيخاً للتجار". أرجو أن تبقبي وكالة رينو على ما تقوم به بم تحسينات بعد انتهاء "آرا" من عملها وألا تعود كسابق عهدها الذي أبعدنا عنها.
وائل زين العابدين 29-05-2011 18:53
 يا أسامة
نحنا عنا عدة سيارات من الشركة وإذا وحدة تعطل فيها شي عم نطر نعطل شغلنا ما بين يوم أو يومين مشان مواعيد الصيانة وفترة الكشف على السيارة والتصليح، حتى غيار الزيت بدنا نتعطل مشانو مو أقل من 3 ساعات، وأسعار القطع غالية بالنسبة للسوق، ونحنا سياراتنا عليها رك بالتحميل والسفر وما عم بتوفي معنا الروحة على الوكالة لأنو نحنا عنا الوقت من ذهب وهنن عندن ياه ما بعرف من شو. الظاهر حضرتك يلي متأثر بالأحداث الحالية لأنك ما عم ترضى بوجود رأي مخالف لرأيك...سلام
وائل زين العابدين 29-05-2011 18:40
 شو هل الغش
وكاله رينو بحلب بتغير زيت للسيارات الرينو زيت محروق شوهل الغش مع العلم بياخدو السعر كأنه سعر زيت جديد حيث شاهدت بأم عيني الزيت يصب من برميل للبيدون والزيت أسود محروق وهذا منذعشرين يوم حيث اضطررت لغيار زيت جديد بعداثر نصاعد دخان من صدر المحرك حيث لم أأخذ بعين الاعتبار الزيت الا بعد ماصارت لي هذه الحادثه ورجعت للولكله بعد أسبوع للمراقبه حيث جلست في بهو الاستقبال أكثرمن ساعتين وأناأراقب حتى تاكدت من أن الزيت اللذي يصب للسيارات زيت أسود محروق أين الصدق والخدمه الممتازه التي يقدمها فرع حلب لسيارات RE
عدنان 22-05-2011 22:33
 الخدمة ممتازة
اكيد الاخ سامي ماعندو سيارة رينو او عندو بس ما عم يروح عالوكالة لانو انا عندي ميغان و مااضطريت روح عالوكالة غير مشان تغير الزيت لانو السيارة ما فبها اي مشاكل بعدين تغيير الزيت بياخد معهون شي ربع ساعة مو 3 ساعات متل ما عم يقول سامي و دائماً بدقولي شركة أرا و بياخدوا رايي
عمار 18-05-2011 01:05
 بالمختصر
انا عندي داسيا و كل ما اعمل صيانة بدقولي تاني يوم من الشركة و بياخدو رأيي بالخدمة و بعد كم يوم بيتصلو من شركة آرا من لبنان و كمان بياخدو رأي و بالخدمة الي بعدها بيتلافوا 75% من المشاكل
سمير 18-05-2011 00:25
 يعطيكون العافية
عنجد الله يعطيكون العافية لان يلي بيروح عالصيانة رح يلاحظ التحسن الكبير بالخدمة وبحب قلو للفضولي يلي عم يتسأل انو لو قريت المقال بشكل جيد رح تلاحظ انو مو وكيل رينو يلي عمل الدراسة انما شركة مستقلة (ما بتعرف ابوها ولا امها ) وانا عم قلك عن تجربة لان عندي سيارة ميغان و بعد كل مرة بروح فيها ع الصيانة بيتصلو فيني من لبنان وبياخدو ملاحظاتي ع الصيانة و وعالمعاملة من قبل الموظفين
ربا 17-05-2011 14:28
 يا وائل زين العابدين
أكيد إنت زبون ولا بس هيك مجرد تعليق وكلام بالهوا ولا قلك كتير باينتك متأثر بالأحداث الحالية لو الكلام عليه جمرك ما علقت هيك تعليق حط سلبياتك يلي شايفها للتحسين هادا إذا كنت زبون فعلا أحيانا يحدث تأخير بالغسيل بكل الأحوال أنا عندي سيارة داسيا والصيانة فيها تحسن بشكل ملحوظ من سنة ونصف تقريبا والله يعطيهن ألف عافية
اسامة 16-05-2011 15:14
 مشكورين
أنا برأيي لازم نتوقف عن إطلاق الأحكام المسبقة و نشوف شو عم يصير على أرض الواقع و كتير كان واضح انو شركة آرا محايدة لأنو بعد الاتصال الأول و خلال الصيانة التالية تم تلافي ملاحظتي...الخدمات خلال السنة الأخيرة تحسنت بشكل كتير واضح
ميغان 16-05-2011 14:33
 راكب اوربي
بصراحة انا لاحظت الفرق من خلال اصدقائي على تعامل الشركة مع زباين واختلف كتير التعامل وصار احسن بكتير بس كمان بدي اذكر انو عندون قسم مبيعات مذهل مثل الشركات الاوربية الموجودة في الخارج بالتعامل و طريقة الشرح على السيارات .......... ياريت الشركات التانية متل شيفروليه وكيا تتعام كيف يكون استقبال الزباين
راكب اوربي 15-05-2011 22:01
 كلام مو دقيق
يعني ممكن الاستقبال جيد، بس الخدمة سيئة جداً وفيه غش كمان وأسعار مو معقولة، ما بعرف هذه الدراسة تمت في سورية ولا في مكان آخر، أنا معي السيارة منذ سنة، لم يتصلوا ولم يسألوا، وبس روح على الصيانة أنتظر ثلاث ساعات على شو تبديل زيت
سامي 15-05-2011 15:02
 رويترز-آرا
ههههههههه حلوة يا وائل
مواطن 14-05-2011 13:55
 الله يعطيهون العافية
يعني ياريت يعدوهون لجماعة مجموعة فولكس فاغين لأنو إذا الوكيل مدعوم ما بينشرى من عندو و للاسف عندو أحلى مجموعة
man74 13-05-2011 20:51
 دراسة خاصة برينو
شو هالحكي دراسة عملها وكيل رينو طلع أول؟؟ بدنا دراسة مستقلة ما بتعرف أبوها
فضولي 13-05-2011 14:36
 ما بأيد هالحكي
ما اتصلو فيي ... لأنو كنت عطيتون رأيي بصراحة و بدون زيادة أو نقصان ... الاستقبال مميز, الخدمة لا بأس, لا يوجد عاملين كافيين لاستيعاب كافة الزبائن بالوقت المطلوب, لا يوجد أدوات مناسبة لتصليح الاطارات ... وبالتالي تأخير كبير ... وآخر شي بتطر تسم بدنك وتبهدلون رغم اللطافة والتعامل الراقي...
سائق رينو ... 13-05-2011 09:10
 هي "آرا" ولا "رويترز" ؟!!!
شو كمان "آرا" عم تعتمد على شهود العيان متل "رويترز" ولا شو؟!!! بعد تجربة شخصية... هالخبر ضحكني على مبدأ شر البليّة... إه سامحونا.
وائل زين العابدين 13-05-2011 01:21
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.