بحث
مجلة فنّات
وظائف شاغرة
اشتراك القائمة البريدية
  اسم المشترك:
  البريد الإلكتروني:
آخر فيديو السيارات

Ferrari 458 Italia inside
Ferrari 458 Italia inside

جديد عالم السيارات

نيسان GT-R تدخل موسوعة غينيس للأرقام القياسية

26-07-2009

Nissan-gt-r.jpg

 

تعتبر سيارة نيسان GT-R أيقونة يابانية في عالم السيارات الرياضية، فهي واحدة من أشهر السيارات وأكثرها سحراً وقوة في الأداء. وفي الفترة الأخيرة حصدت GT-R (خليفة سكايلاين العريقة) والتي بدأ إنتاجها أواخر العام 2007، عدة جوائز عالمية من أبرزها لقب أفضل سيارة رياضية للعام 2009.

وعلاوة على ذلك، استطاعت هذه اليابانية القوية تحطيم أرقام قياسية على أشهر الحلبات العالمية، وأهمها كان على حلبة "نوربورغرينغ" الألمانية معقل سباقات التنافس والتحدي في العالم، عندما تخطت بورش 911 GT2 بقطعها لمسار الحلبة البالغ طوله 20,386 كم بغضون 7 دقائق و26.7 ثانية فقط!

واليوم تم إدراج اسم GT-R في موسوعة غينيس للأرقام القياسية كأسرع سيارة رياضية تجارية بمقصورة من أربعة مقاعد في العالم، وهي تستطيع الوصول إلى سرعة 100 كم/سا في 3.5 ثا فقط بفضل محركها ذو السعة 3.8 لتر من ست أسطوانات V6 وبشاحن هواء توربو مزدوج، بقوة 486 حصاناً وعزم 59 كغ.م...

 

خاص بموقع فنّات.كوم


كم نجمة تعطي لهذه المقالة؟
نتيجة التقييم:   عدد المشاركين بالتقييم: 21
عدد التعليقات: 42
 GTR
ياجماعة ماكل شي بسعة المحرك وبعدد ال?سطوانات لاتنسوا عدد ا?حصنة الي عم تقدموا هاالسيارة بمساعدة شواحن الهوا وبالتقنيات الكبيرة لحرق البنرزين يعني هالمحرك المتواضع الحجم والخارق القوة عم يعطي قوة حصانية توازي 10 و12 سلندر بس مالازم نكون جاحدين بحق النيسان الخفيفة والرشيقة والنشيطة والقوية
Nidal 25-08-2009 12:17
 Bugatti
ياشباب لاتختلفو على جنسية البوغاتي معلوماتكن تقريبا كلها صحيحة أنا عملت بحث على موقع الموسوعة الحرة ويكيبيديا والمعلومات الي حصلتها إنو صاحب بوغاتي ومهندسا إيطالي بس المصنع بفرنسا وقبل كم سنة إشترتها فوكس ووصممت بوغاتي جديدة باسم فيرون من تصميم وهندسة الفوكس حسب ماأعلنت الشركة
Nidal 25-08-2009 11:54
 barry
ماني فاضي رد على هالكلام اللي ماله برهان و لا إثبات , بس في شغلة بحب أشرحها مشان تفهمو شو عم تكتبو و بعدين تكتبو : سيارة تجارية يعني (production car) يعني قابلة للبيع في الأسواق و مانها اختبارية (concept car) ما بتبيعها الشركة لحدا . و بس حدا يكتب شي تعليق عنده عليه إثبات أو دليل يكتبه و إلا ما في داعي لأني ما رح رد عليه . في عاقل بيقارن S5 ب GT-R ! . واضح من كلامك الحلو أنك ملك بالسيارات و أنو حرام حدا يحكي معك !
تامر 22-08-2009 11:01
 ههههههههه
بقولو ما ناقشت جاهلا إلأا وغلبيني طيب حبيبي تامر عندي إقتراح حلو كتييير جيب هي المدري شو اسما جي تي بطيخ وانا لح جيب اودي S5 يمكن انا وعم فكر حط إجري على الدعسة بكون غيمتك آل سيارة 6 سلندر 3.8 بدا تسبق محرك 8 سلندر هههههههه يا شباب سمعو متل يلي ع ميقول عصفور سبق نسر هههههه او دبانة سبقة طيارة هههههههه لك حاج تحو حكي بضحك
barry 20-08-2009 00:43
 ههههههههه
انا بتمنى من الإدارة تشيل تعليقاتو لهادا تامر وجي تي ار لأني شي بعصب والله لو كان قدامي لكنت بطحتو يا حبيبي دخلت بكتاب غنس لأني 4 مقاعد وتجارية والتجاري يعني انشح شي بالعالم زبالة الزبالة لما منقول عن شغلة تجارية يعني انشح من النشح بقا يستر عليك لا تحكي حكي ما بينسمع البوغاتي ألمانية غصبنعن البيرضا وما بيرضا وفتاح علة الموقع الرسمي للفولكس فاغن بحطولك البوغاتي معون شو معناها فرنسية ما هيك الله يساعدك هههههه آل ال جي تي ار سبقت البوغاتي والله إذا بشوف هالشي قام عيني ما بصدق بكذب عيوني شي مسخرة
barry 20-08-2009 00:39
 ههههههههه
يلي عم يقول البوغاتي مانا ألمانية انا لح قول انو هوي ما ألو علاقة بالسياراة لك يا حبيب يا أخ باسل لا ترد علي اصلا حرام تناقشو وتعزب حالك لك كانت فرنسية من ايام حرب اللبط بس الفولكس فاغن اشترتا وعائلتا صارة مكونة من فولكس وسيات وبورش ولامبو وسكودا وبوغاتي اودي بينتلي
barry 20-08-2009 00:26
 
أنا عند كلامي إنو البوغاتي ألمانية لإنو شركة فولكس فاجن الألمانية أخدت أرض المصنع تبعا البوغاتي و صارت أرض ألمانية ب فرنسا لعقد أجار غير منتهي و بس الي بيفهم يرد علي لك أنا شغلتي الإقتصاد
باسل 18-08-2009 22:47
 حلام
بس حلام بهالسيارة....ومعليش اذا بتحط صورتها على جوالك شكرا فنات
مرسل 11-08-2009 05:38
 ملاحظة
انا ما عم اعرف ليش كل هالقتال و كمان مافينك تقارن سيارة بسيارة من ناحية الجودة الا اذا كان الهن نفس المحرك وكمان في شي اسمه كل ما زادت السرعة لازم تضاعف عدد الاحصنة(اي سيارة 100 حصان بتصميم مناسب بتوصل 170-180 بس مو يعني 250 حصان تمشي 400) كمان في شي اسمه التسارع على السرعات يعني من 200 الى 300 اكيد النيسان مو نفس الفراري والبوغاتي و....الخ وكمان لما تعمل النيسان سيارة تمشي 407 ويكون تحكمها احسن من البوغاتي وقتها منحكي من دون اي زعل لمحبي الياباني وشكرا
علاء 08-08-2009 00:14
 To hakimoo الفزلكة الحكيمية السياراتية
هههههه . والله يا حكيم طلعت أفضل من نضال بالتهرب من الجواب . بس ما في مشكلة , ممكن أعتبر هذا الكلام على أنه (عدم قدرة على الرد) و بالتالي اعتراف منك أنو كلامي صحيح . و السبب أنو لحد الآن ما عرفت أنا إذا أنت بتقول أنو بوغاتي ألمانية وللا مو ألمانية . لكان معقولة حدا يقول عن كوكو شانيل أنه أيطالي!!! (مثل ما قلت أنت!!!) .. والله مو معقولة أبداً ... شكرا فنات على رحابة الصدر (مثل ما بيقول حكيم) ههه
تامر 05-08-2009 11:19
 الفزلكة التامرية
عن جد صدق المتل اللي بيقول(حاورت عالماً فأقنعته حاورت تامراً فأعياني)...شكرا فنات على رحابة الصدر.
hakim sayarat 04-08-2009 22:27
 رد مهذب لحكيم الحكيم 3
واللي بيقول عن كوكوشانيل أنه إيطالي (مثل ما قلت أنت!) , شي عادي يقول عن البوغاتي أنها ألمانية . البوغاتي فرنسيية فرنسيية فرنسيية
تامر 04-08-2009 16:14
 رد مهذب لحكيم الحكيم 2
و مين قللك أنو البوغاتي تصميم وللا صناعة ألمانية ؟ البوغاتي كلها فرنسية التصميم و الصناعة و الأسماء . "فيرون" هو أسم سائق البوغاتي اللي فاز بسباق لومان "الفرنسي" و أسمه Pierre Veyron . و سيارة Bugatti Fbg par Hermès أسم Hermès هو أسم ماركة فرنسية .Bugatti Sang Noir هو أسم فرنسي أيضاً و كذلك Grand Sport و لكنه يقرأ بالفرنسية و الإنكليزية معاً . واللي بيقول عن كوكوشانيل أنه إيطالي.
تامر 04-08-2009 15:36
 رد مهذب لحكيم الحكيم
يا أخي شوي بتقول "أنا ما قلت أنو البوغاتي ألمانية" و شوي بتقول إنها ألمانية ! يعني شو بدك بالنهاية ؟ يا أخي V.W مالكة أسهم شركة بوغاتي ما عم تصنعها و شركة بوغاتي هي شركة بحد ذاتها إلها مهندسيها و مصمميها و طاقمها الخاص . وإذا مو هيك معناتو لازم يسموها V.W.Bugatti هههههه . و السيارة بتتبع جنسية شركة السيارات يعني فرنسية . و تعا قللي أنو شركة البوغاتي بألمانيا و مصانعها بفرنسا!!! ههه . و ما معقولة يوصل معكم النقاش لحد البوغاتي فرنسية وللا لأ لأنو هذا جهل جهل! . السيارة فرنسية فرنسية فرنسية
تامر 04-08-2009 15:22
 البوغاتي
إذا كان كلامك صحيح يا سيد تامر يعني السيارة بتتبع أرض المصنع وليس جنسية المصنّع فهذا بيعني إنو الشام سيارة سورية وهي إيرانية تصميما وصناعة بس تجميع سوري ومعناه كمان إنو الشفروليه الأمريكية هي ماركة كوريّة جنوبية على إعتبار إنو GM عم تصنعّها بكوريا وهادا الحكي بنطبق عالبوغاتي يعني الV.W عم تصنعها بفرنسا متل مو هي حال السانغ يونغ بكوريا والكل بيعرف إنو هي فرع من أفرع مرسيدس وظلت مدعومة من مرسيدس حتى بعد ما اشترتها دايو والمملوكة بدورها من GM .انتهى...أرجو النشر
hakim sayarat 04-08-2009 01:15
 رد مهذب لحكيم الحكيم 2
وإذا سيارة ب4 مقاعد سبقت سيارات المقعدين مثل المكلارين و سكوديريا فهذا شي أفضل بكثير و ممتاز جداً . و ليش الفيراري 599 ما دخلت كتاب غينيس مع أنها بأربعة مقاعد ؟ إذا ما عندك معرفة بالسيارات ليش مسمي حالك حكيم السيارات !!!
تامر 03-08-2009 10:58
 رد مهذب لحكيم الحكيم
أنت كتبت أنو كلام GOLF صحيح 100% و GOLF عم يقول أنو البوغاتي ألمانية , وهذا كلام غلط , و أنت قلت أنو البوغاتي ألمانية الصنع , وهذا الكلام غلط , لأنو البوغاتي فرنسية الصنع و انصنعت بمصنع بوغاتي في فرنسا مشان هيك ما بقا تكتب كلام ما بتعرف إذا صح وللا غلط!!! ههه
تامر 03-08-2009 10:47
 رد مهذب ل تامر الفهيم
بتعرف إنك خوفتني من انتقاداتك يا سيد تامر بس أنا ما بنزل بمستوى النقاش لهالمستوى بس أنت افهم الكلام بالأول بعدين ناقش أولا نيسان GT-R دخلت كتاب غينيس كأسرع سيارة رياضية تجارية بمقصورة من أربعة مقاعد وأكرر من أربعة مقاعد متل السيدان مو مقعدين متل اللامبورغيني ريفينتون وفيراري سكودريا ومرسيدس slk gt-r mclaren بقى فهمت ليش دخلت عغينيس وثانيا أنا ما قلت إنو البوغاتي ألمانية فرجاء لا تخترع كلام من عندك و رجاع دقق أنا شو كتبت قبل ما تتمسخر عالناس. أرجو النشر من فنات حرصا على المصداقية للموقع و حق ا
hakim sayarat 02-08-2009 18:03
 ياباني التوب
بيقولولك بورش بيقولولك بوغاتي (16 اسطوانة) بيقلولك فيراري (12 اسطوانة ) بيقولو لمبرغيني (12 اسطوانة) حتى هيونداي عم يدحشوها , بس بتيجي الGTR (6 اسطوانات ) لتتفوق على جميع محركات العمالقة بسعة 3.8 لتر فقط وتوضع في موسوعة جينس . هي الاسطورة بحد ذاتها والياباني هو التوب .
عاشق الياباني 02-08-2009 17:42
 ببساطة
ببساطة نيسان GT-R اليابانية هي ملكة السيارات الرياضية بدون منافس , هي الاسطورة التي لا زالت شركات السيارات المتخصصة بالسيارات الرياضية لا تستطيع مجارتها , فعلا هي الملكة
عاشق الياباني 02-08-2009 17:39
 تحدي
انا بتحدى أي حدا يجبلي سيارة حتى لو صينية بقدرات الgtr وبسعرها أو أغلى منها ب 50000 دولار .
عاشق الياباني 02-08-2009 17:38
 gtr
هي أسرع سيارة بالعالم بمحرك 6 اسطوانات , هي اسرع سيارة بالعالم بمقصورة ل4 ركاب , هي اسرع من جميع سيارات البورش الالمانية التي تخصصها للسيارات الرياضية , شو بدكون أكتر من هيك و وهي الاقوى ب 6 اسطوانات من حيث عدد الاحصنة.
عاشق الياباني 02-08-2009 17:37
 الياباني الاول في كل شيء
طلع علساني شعر وانا بقول أنو السيارات اليابانية تنافس الالماني والايطالي وكل السيارات الفخمة والسباق بس كان كلامي دائما معارض من الحاقدين
عاشق الياباني 02-08-2009 17:34
 إلى حكيم السيارات
إذا أنت حكيم السيارات , لما بيقولولك أنو الGT-R دخلت كتاب غينيس و كانت سيارة العام الرياضية 2009 وسبقت الفيرون على الحلبة و محركها بس 6 أسطوانات , و سبقت الكاريرا GT و سبقت المكلارين 722 و سبقت كل سيارات اللمبرغيني و كل الفيراري إلا الإنزو... , فإذا أنت حكيم سيارات , شو لازم تكون أكثر من هيك السيارة مشان توصل للألماني ؟ لازم تطير ؟ لازم تسبح ؟ شو بدك أكثر من هيك , معناتو بعد 1000000 سنة ضوئية وين رح تكون السيارات اليابانية بعد كل إنجازاتها الحالية.
تامر 02-08-2009 15:00
 يا شباب و يا حكماء السيارات و يا باسل (الفهيم)
أنا ما بعرف ليش GT-R ما رد عليكم لهلق ؟ بس أنا رح رد , يعني إذا السيارة مملوكة من قبل شركة ألمانية فصارت السيارة ألمانية هههه !طب الرولس رويس مملوكة من قبل شركة تاتا الهندية تعا قللي صارت الرولس هندية ههههه! و المبرغيني مملوكة لشركة أودي تعا قللي أنها ألمانية ههههه! أصلا الفيرون تم صناعتها في مصنع بوغاتي في مدينة Dorlisheim (Molsheim) في فرنسا , يعني فرنسية , و رجاءً ما حدا يحكي شي ما بيعرف فيه , مشان يسلم من انتقاداتنا>
تامر 02-08-2009 14:47
 تابع ياجماعة3
بصناعة السيارات ومازالت إلى الآن (الفخامة الألمانية والإقتصاد الياباني والقوة الأمريكية)فالياباني هو الأوفر والأكثر اقتصادا بين السيارات الجيدةوالممتازة والأمريكي هو الأقوى والأكثر صرفا أما الملك بالسيارات واللي بيجمع الإثنين فهو الألماني لا قبلو ولا يعدو في كل شئ مو بس بالسيارات ولك حتى المنتخب الألماني بكرة القدم بيتسمى بالماكينة بس هادا ما بينفي السمعة الطيبة لليابان وأمريكا بصناعة السيارات
hakim sayarat 31-07-2009 20:38
 تابع ياجماعة2
الألماني لأنو لما كان الألمان يصنعوا سيارات كانت اليابان عم تلعب بالحجرة وألمانيا هي اللي علمت العالم كلو كيف يصنع وللي حضر حلقة TOP GEAR تبع البوغاتي فيرون واللي ساقها جيريمي كلاركسون المشهور عالميا بخبرته بالسيارات قال بالحلقة(البوغاتي فيرون أعظم سيارة أنا سقتها وأكيد هي مصممة لتقطع الملايين بل المليارات من الأميال قبل ما نفكر نرفع غطاء المحرك وهي غير مصممة للقيادة اليومية العادية لأنها تحتاج لمدى طويل لقيادتها وبالأخير منقول إنو من بداية صناعة السيارات بالعالم وإلى الآن كان في مقولة مشهورة
hakim sayarat 31-07-2009 20:31
 يا جماعة 1
كلام الشباب كلو صحيح:يا أخ نيساني وGT-R كلام V.W GOLF صحيح % لأنو البوغاتي ماركة فرنسية توقفت عن الإنتاج خلال الحرب العالمية2 وكانت وقتها بمثابة رولز رويس السيارات الرياضية ومن كم سنة اشترت البوغاتي شركة الفولكس واجن الألمانية وقال رئيسها وقتها إنو بدهون يصنعوا(أفضل سيارة بالتاريخ)وفعلا نجحوا بهالشئ يعني البوغاتي فرنسية الأصل ألمانية الصناعة وبالنسبة لموضوع النيسان GT-R يمكن إذا مو أكيد إنو بدها هي والسيارات اليابانية كلها بما فيها اللكزس والإنفنيتي والإكيورا شئ 1000000سنة ضوئية لتصير بمستوى
hakim sayarat 31-07-2009 20:22
 للسيد GT-R
ياحبيبي الشباب لح يضحكو عليك لإني البوغاتي فرنسية بس تابعة لشركة فولكس فاجن يعني من الآخر ألمانية ههههههههههههههههههه بعدين ع أي أساس بتقولوا الإيطالي أحسن من الألماني و الياباني أحسن من الألماني بس لإنو النيسان سبقت السيارات الألمانية ع المضمار لك شو السيارة بس بسرعتا شو نسيانين الجودة و المواد و التقنيات ولا قفل مخكون وهادا بقلي نيسان #1 و هيدا بقلي الإيفو10 أثبت سيارة لك شي بجنن من وين بتبيضوا حكي إذا الإيفو ثابتة شو تركتو للأودي الي هم ملك الثبات
BASSEL 31-07-2009 15:44
 اليابان و نيسان
إلى حساد الياباني ما رح يطلعلكون و لو بتعملو محرك مليار حصان الياباني بحصان واحد قادر يتجاوزو صحيح عم بالغ بس الذكاء الياباني صعب حدا يوصلو
ساحر 30-07-2009 03:08
 الأولى داااائماً
سيد زكوان ، المعلومات صحيحة ولكن كان الأفضل وضع الفاصلة على شكل نقطة حتى نعرف أن المسار 20 كم وليس 20 ألف !! أما بالنسبة لوجهة نظرك فالحلبة تحوي كافة أنواع الصعوبات من الدراغ إلى الانحناءات الشديدة الى المنعطفات المائلة وذلك بغية تجريب السيارة على كافة الحالات. وبذلك تكون السرعة الوسطية حتى أقل من 200 كم في الساعة ربما ولكن لا ننس أن أي سيارة أخرى لن تصل لهذه السرعة الوسطية "أي كمتوسط حسابي" وبما أنها أرقام غينيس فهذا يعني أنه السيارة هي الأولى دون منازع والكلام منتهي! يعني خلاااااص . نيسان #1
نيساني الأوجه 28-07-2009 15:12
 يا شباب اضحكو !!!
بحب خبر السيد GOLF أنو البوغاتي فرنسية ههههههههههههههههههههههههههههههههههههههههههههههههههه !!!!!!!!!!!!!!!!!!!!!!!!!!!!!!!!!!!!!!!
GT-R 28-07-2009 10:48
 الى VW
ليش البوغاتي ألماني ؟؟؟ معناها الألماني هوي رقم 2 بعد الايطالي على حكيك
نيساني 28-07-2009 09:17
 إلى عدنان دياب
له له يا صديق .. نيسان إلها ظهر يسندها و يدافع عنها ... توقيت الفيرون 7,40,00 يعني الGT-R سبقتها كمان ... مع أنو الGT-R محركها ست أسطوانات!!! ...... و صحيح أنو الفيرون محرك و أحصنة بس وزنها تقيل و مانها برشاقة الGT-R و خاصة على مضمار طويل يحتاج إلى أكثر من سبع دقائق لقطعه ... لذلك الشغلة مو بالمحرك و بس .. الشغلة (هندسة و فيزياء) ... مع العلم أنو بسباق الدراغ الفيرون هي الأسرع و لكن على المضمار GT-R هي الأسرع ... والسيد زكوان : الأرقام صحيحة 100% ... و كمان سبقت البورش كاريرا جي تي و المكلارين !
GT-R 27-07-2009 21:59
 إنجاز رائع
انجاز جديد يضاف الى شركة نيسان شكرا فنات على المقالة , السيد v.w golf تذكر أن البوغاتي 16 اسطوانة والنيسان 6 اسطوانات يعني 10 اسطوانات فرق والبوغاتي 8 لتر أما النيسان 3.8 لتر فعلا اسطورة , سيد زكوان طول الحلبة 20 فاصلة 386 وهي حلبة وليست اوتوستراد.
صدّيق 27-07-2009 15:59
 كبيرة يا نيسان
شو هاد !!!! صاروخ أرض أرض !!!! بالفعل تحفة و خصوصا ان المرسيدس مكلارين SLR تصل لسرعة 100 في غضون 3.6 يعني هالسيارة أسرع منها و أرخص منها . بس تبقى الزعامة للسيارات سوبر رياضية وعلى مدى 3 سنوات متتالية للبوغاتي فايرون مع 16 اسطوانة و شاحن هواء مزدوج و قدرة حصانية 1001 حصان و سرعة قصوى 404 كيلومتر و تسارع من 0 الى 100 في 2.5 ثانية و عزم دوران يفوق 70 نيوتن متر وسعر 1.75 مليون دولار بارضها و بين جمهورها وعلى فكرة أخر هالسنة رح يطلع مودبل سيدان منها ل 4 ركاب مع 4 ابواب مع شي ربع مليون دولار زيادة
عدنان دياب 27-07-2009 14:46
 اديش طول الحلبة ؟؟
"بقطعها لمسار الحلبة البالغ طوله 20,386 كم بغضون 7 دقائق و26.7 ثانية فقط !" هي ما فهمتها السيارة قطعت مسافة حوالي 20 الف كيلومتر ولا 20 ولا 200 ولا 2000 لانو مستحيل 20 الف ولا 2000 ولا 200 بهالسرعة خلال 7 دقائق يعني بوغاتي ما عملتها وحتى مو معقولة 20 كم لانه السيارة بيكون سرعتها حوالي 170 في الساعة بسس!!!؟؟؟ طيب انا طلعت من الشام على اللاذقية بسيارة الاوكتافيا وكنت مسرع بين 160 وال 180 فاكيد اوكتافيا صارت اسرع!! أكيد معلومة المسافة والوقت غلط ارجو تصحيح المعلومة او تصحيح وجهة نظري
زكوان 27-07-2009 14:16
 بعد الألماني لا يبقى
بعد الألماني لا يبقى و ما حدايحكي و الياباني شو ما ساو بيبقى درجة 2 دائما لانو الألماني اولا اولا و اكبر دليل انو لحد الان ما في منافس لل بيوغاتي فيرون
V.W GOLF 27-07-2009 00:09
 برافو
برافو نيسان الى الامام , كل يوم هذه السيارة تستحوز على جوائز جديدة فعلا إنها اسطورة جميع السيارات السوبر رياضية والاسطورة الحقيقة أنها ب 6 اسطوانات!
عاشق الياباني 26-07-2009 17:32
 الساحر الياباني
نيسان GT-R اسطورة يابانية وسيارة سوبر رياضية نافسة السيارات الاوروبية مثل (الفيراري F430+بورشة 911 ) وتفوقت عليهم بنسة لسعرها وادائها
علاء 26-07-2009 16:46
 no
هي رقم واحد، قلناها من زمااااان وماحدا سمع... أو بالأحرى "طنش" ...لا تستطيعون أن تخفوا نور الشمس ببعض الكاوتشوك والألمنيوم...
no 26-07-2009 15:28
 مبروك لليابان
مرة واثنان وثلاثة اليابان اولا واخيرا مبروك نيسان للاسطورة الجديدة التي ستحفر فيها قلوب كل محبيها وايضا قلوب كل كارهيها ولكن من دون اعترافهم بذلك !!! اين الكوريين في هذة الاسطورة من نيسان او القنبلة ميتسوبيشي ايفو 10 الحائزة على لقب اثبت سيارة بالعالم اين انتم يا اعزائي
AEU 26-07-2009 14:29
 
أرسل لصديق طباعة
 
 

Copyright ©2006 fannat.com All Rights Reserved. Designated trademarks and brands are the property of their respective owners. Use of this Web site constitutes acceptance of the fannat.com User Agreement and Privacy Policy.